ബ്രിട്ട​നി​ലെ ഒരു പ്രമുഖ കെട്ടി​ട​നിർമാണ സംഘടന യഹോ​വ​യു​ടെ സാക്ഷി​കളെ അഭിന​ന്ദി​ച്ചു. എന്തായി​രു​ന്നു കാരണം? എസെക്‌സി​ലെ ചെംസ്‌ഫോർഡിന്‌ അടുത്തുള്ള, സാക്ഷി​ക​ളു​ടെ പുതിയ ബ്രാ​ഞ്ചോ​ഫീ​സി​ന്റെ പണിസ്ഥ​ലത്ത്‌ വലിയ യന്ത്രോ​പ​ക​ര​ണങ്ങൾ പ്രവർത്തി​പ്പി​ക്കാൻ സാക്ഷികൾ സ്‌ത്രീ​കൾക്കും പരിശീ​ലനം കൊടു​ത്തി​രു​ന്നു. സ്‌ത്രീ​കളെ കെട്ടി​ട​നിർമാ​ണ​ത്തിൽ പരിശീ​ലി​പ്പി​ക്കാൻ സാക്ഷികൾ നടത്തിയ ശ്രമത്തിന്‌ കൺസി​ഡ​റേറ്റ്‌ കൺസ്‌ട്ര​ക്‌ടേ​ഴ്‌സ്‌ സ്‌കീം a (സിസി​എസ്‌) ഏറ്റവും ഉയർന്ന മാർക്ക്‌​—10-ൽ 10—​കൊടു​ത്തു. അതൊരു “പുത്തൻ ചുവടു​വെ​പ്പാണ്‌” എന്ന്‌ അവർ അഭി​പ്രാ​യ​പ്പെട്ടു. ഇത്രയും മാർക്ക്‌ കൊടു​ക്കാൻ കാരണം?

ബ്രിട്ട​നിൽ കെട്ടിട നിർമാ​ണ​ത്തൊ​ഴി​ലിൽ 13 ശതമാ​ന​ത്തി​നു താഴെ സ്‌ത്രീ​കളേ ഉള്ളൂ. ഒരു ബ്രിട്ടീഷ്‌ കമ്പനി നടത്തിയ സർവേ അനുസ​രിച്ച്‌ പെൺകു​ട്ടി​ക​ളിൽ വളരെ കുറച്ച്‌ പേർ മാത്രമേ ഇത്തരം ജോലി​ക​ളെ​ക്കു​റിച്ച്‌ ചിന്തി​ക്കു​ന്നു​പോ​ലും ഉള്ളൂ. എന്നാൽ ചെംസ്‌ഫോർഡി​ലെ പണിസ്ഥ​ലത്ത്‌ 40 ശതമാ​ന​ത്തോ​ളം ജോലി​ക്കാർ സ്‌ത്രീ​ക​ളാണ്‌. വലിയ യന്ത്രോ​പ​ക​ര​ണങ്ങൾ പ്രവർത്തി​പ്പി​ക്കു​ന്ന​വ​രിൽ അത്‌ 60 ശതമാ​ന​ത്തി​ല​ധി​കം​വരെ വരും.

ഇതെല്ലാം വളരെ നന്നായി ചെയ്യാൻ സാക്ഷി​ക​ളായ സ്‌ത്രീ​കളെ സഹായി​ക്കു​ന്നത്‌ എന്താണ്‌? പരിശീ​ല​ന​ത്തി​നും പിന്തു​ണ​യ്‌ക്കും അതിൽ ഒരു പ്രധാ​ന​പ​ങ്കുണ്ട്‌. സിസി​എസ്‌ വെച്ചി​രി​ക്കുന്ന മാനദ​ണ്ഡ​ങ്ങ​ളിൽ അവയും ഉൾപ്പെ​ടു​ന്നു. ‘എല്ലാവർക്കും ആദരവും പ്രോ​ത്സാ​ഹ​ന​വും പിന്തു​ണ​യും ലഭിക്കുന്ന, എല്ലാവ​രെ​യും ഒരു​പോ​ലെ കാണുന്ന ഒരു പണിസ്ഥലം ഒരുക്കി​ക്കൊ​ണ്ടും പരിശീ​ലനം കൊടു​ത്തു​കൊ​ണ്ടും’ തൊഴി​ലാ​ളി​ക​ളോ​ടു വിലമ​തി​പ്പു കാണി​ക്കാ​നാണ്‌ കെട്ടി​ട​നിർമാ​താ​ക്കളെ സിസി​എസ്‌ പ്രോ​ത്സാ​ഹി​പ്പി​ക്കു​ന്നത്‌.

പണിസ്ഥ​ലത്ത്‌ മണ്ണുമാ​ന്തി​യും വലിയ ട്രക്കു​ക​ളും പ്രവർത്തി​പ്പി​ക്കാൻ പരിശീ​ലനം കിട്ടിയ സ്‌ത്രീ​ക​ളിൽ ഒരാളായ ജെയ്‌ഡ്‌ പറയുന്നു: “ഇതൊക്കെ എന്നെ​ക്കൊണ്ട്‌ പറ്റു​മെന്നു ഞാൻ സ്വപ്‌ന​ത്തിൽപ്പോ​ലും വിചാ​രി​ച്ചില്ല. ചില​പ്പോൾ ബുദ്ധി​മുട്ട്‌ തോന്നാ​റു​ണ്ടെ​ങ്കി​ലും, എനിക്ക്‌ എപ്പോ​ഴും പരിശീ​ലനം കിട്ടു​ന്നുണ്ട്‌, പുതി​യ​പു​തിയ കാര്യങ്ങൾ പഠിക്കാ​നും പറ്റുന്നു.” ജെയ്‌ഡി​നെ​പ്പോ​ലെ വലിയ യന്ത്രങ്ങൾ പ്രവർത്തി​പ്പി​ക്കാൻ ലൂസി​ക്കും ഇപ്പോൾ അറിയാം. ലൂസി ഓർക്കു​ന്നു: “ആദ്യം പണിസ്ഥ​ലത്തു വന്നപ്പോൾ പണിക്ക്‌ ആവശ്യ​മാ​യി​രുന്ന ഒരു കഴിവും എനിക്കി​ല്ലെന്നു തോന്നി. പക്ഷേ, വന്ന ആദ്യദി​വ​സം​തൊട്ട്‌ എനിക്കു പരിശീ​ലനം കിട്ടി. അന്നുമു​തൽ ഞാൻ അഞ്ചു ടീമു​ക​ളോ​ടൊ​പ്പം പണി ചെയ്‌തി​ട്ടുണ്ട്‌. അങ്ങനെ എനിക്കു ഒരുപാട്‌ പരിശീ​ലനം കിട്ടി.”

ടീമി​ലു​ള്ള സ്‌ത്രീ​കൾ യന്ത്രം വെറുതെ പ്രവർത്തി​പ്പി​ക്കു​ന്നവർ മാത്രമല്ല. ഒരു ടീം ലീഡറായ എറിക്ക്‌ പറയുന്നു: “സ്‌ത്രീ​കൾ ഈ യന്ത്രങ്ങൾ പുരു​ഷ​ന്മാ​രെ​ക്കാൾ നന്നായി സൂക്ഷി​ക്കും. ഇനി യന്ത്രത്തിന്‌ എന്തെങ്കി​ലും കുഴപ്പ​മു​ണ്ടെ​ങ്കിൽ അത്‌ അവർ പെട്ടെന്നു മനസ്സി​ലാ​ക്കു​ക​യും റിപ്പോർട്ടു ചെയ്യു​ക​യും ചെയ്യും.”

വലിയ യന്ത്രങ്ങൾ ഉപയോ​ഗി​ക്കുന്ന പല കൂട്ടങ്ങൾക്കു നേതൃ​ത്വം കൊടു​ക്കുന്ന കാൾ പറയുന്നു: “ഈ യന്ത്രങ്ങ​ളൊ​ക്കെ പ്രവർത്തി​പ്പി​ക്കാൻ സ്‌ത്രീ​കൾ പഠി​ച്ചെ​ടു​ക്കു​ന്നത്‌ കണ്ട്‌ ഞാൻ അതിശ​യി​ച്ചി​ട്ടുണ്ട്‌. അനുഭ​വ​പ​രി​ച​യ​മുള്ള പുരു​ഷ​ന്മാ​രു​ള്ള​പ്പോ​ഴും ഈ പണി​ക്കൊ​ക്കെ ചില​പ്പോൾ ഞാൻ സ്‌ത്രീ​കളെ നിയമി​ക്കു​ന്നു.”

ടീം ലീഡർമാർ സഹജോ​ലി​ക്കാ​രെ പിന്തു​ണ​യ്‌ക്കു​മ്പോൾ ജോലി​ക്കാ​രു​ടെ ആത്മവി​ശ്വാ​സം കൂടുന്നു. തെരേ​സ​യു​ടെ അനുഭവം അതാണു കാണി​ക്കു​ന്നത്‌. വലിയ യന്ത്രോ​പ​ക​ര​ണങ്ങൾ പ്രവർത്തി​പ്പി​ക്കു​ന്ന​തിൽ അനുഭ​വ​പ​രി​ച​യ​മുള്ള തെരേ​സ​യ്‌ക്ക്‌ അവ ഉപയോ​ഗി​ക്കു​മ്പോൾ ഉത്തരവാ​ദി​ത്വ​ത്തോ​ടെ കാര്യങ്ങൾ ചെയ്യു​ന്ന​തും സുരക്ഷി​ത​ത്വം ഉറപ്പാ​ക്കുന്ന തീരു​മാ​നങ്ങൾ എടുക്കു​ന്ന​തും എത്ര പ്രധാ​ന​മാ​ണെന്ന്‌ അറിയാം. തെരേസ പറയുന്നു: “എനിക്കു ടീം ലീഡറി​ന്റെ പിന്തു​ണ​യു​ണ്ടെന്ന അറിവും എന്നെ ആശ്രയ​യോ​ഗ്യ​യാ​യി കാണു​ന്നു​വെന്ന തോന്ന​ലും സാധാരണ ചെയ്യു​ന്ന​തി​നെ​ക്കാൾ കൂടുതൽ ചെയ്യാൻ എന്നെ പ്രേരി​പ്പി​ക്കു​ന്നു.”

ട്രക്കു​ക​ളും മണ്ണുമാ​ന്തി​യ​ന്ത്ര​ങ്ങ​ളും പ്രവർത്തി​പ്പി​ക്കുന്ന അബിഗേൽ തനിക്കു ലഭിക്കുന്ന പിന്തു​ണ​യെ​യും സഹകര​ണ​ത്തെ​യും കുറിച്ച്‌ വിലമ​തി​പ്പോ​ടെ ഇങ്ങനെ പറയുന്നു: “ഇവി​ടെ​യുള്ള പുരു​ഷ​ന്മാർ എന്നെ വിലകു​റച്ച്‌ കാണു​ന്നില്ല. അവർ സഹായി​ക്കാൻ മനസ്സു​ള്ള​വ​രാണ്‌. എങ്കിലും എല്ലാം അവർതന്നെ ഏറ്റെടു​ക്കാ​തെ, എന്നെ പണി തുടരാൻ അനുവ​ദി​ക്കു​ന്നു.”

വലിയ യന്ത്രങ്ങൾ പ്രവർത്തി​പ്പി​ക്കുന്ന പണി മാത്രമല്ല മറ്റു പല ജോലി​കൾക്കു​മുള്ള പരിശീ​ല​ന​വും ഇവിടെ സ്‌ത്രീ​കൾക്കു കിട്ടു​ന്നുണ്ട്‌; ഭൂമി അളക്കൽ, ഭൂപരി​പാ​ലനം, യന്ത്രങ്ങ​ളു​ടെ കേടു​പോ​ക്കൽ, ചട്ടക്കൂട്‌ കെട്ടൽ തുടങ്ങി​യ​വ​യ്‌ക്കൊ​ക്കെ. പല പ്രോ​ജ​ക്‌ടു​ക​ളിൽ സ്‌ത്രീ​കൾക്കൊ​പ്പം ജോലി ചെയ്‌ത റോബർട്ട്‌ പറയു​ന്ന​ത​നു​സ​രിച്ച്‌ അവർ “ചെറി​യ​ചെ​റിയ കാര്യ​ങ്ങൾപോ​ലും ശ്രദ്ധ​യോ​ടെ ചെയ്‌തു​കൊണ്ട്‌ ജോലി​യിൽ മുഴു​കു​ന്നു.” ഭൂമി അളക്കു​ന്ന​വ​രോ​ടൊ​പ്പം പണി ചെയ്യുന്ന ടോം കൂട്ടി​ച്ചേർക്കു​ന്നു: “എന്റെ ടീമിലെ സ്‌ത്രീ​കൾ വളരെ ഏകാ​ഗ്ര​ത​യോ​ടെ​യും ശ്രദ്ധ​യോ​ടെ​യും ജോലി ചെയ്യു​ന്ന​വ​രാണ്‌. എല്ലാം വളരെ കൃത്യ​മാ​യി ചെയ്യാൻ അവർ ആഗ്രഹി​ക്കു​ന്നു.”

ടീം ലീഡറായ ഫെർഗസ്‌ ആവേശ​ത്തോ​ടെ ഇങ്ങനെ പറഞ്ഞതിൽ അതിശ​യി​ക്കാ​നില്ല: “ഒരു സംശയ​വും വേണ്ടാ, സ്‌ത്രീ​കൾക്ക്‌ കെട്ടി​ട​നിർമാ​ണ​ത്തിൽ നല്ലൊരു സ്ഥാനമുണ്ട്‌!”