രണ്ടായിരത്തിപ്പതിമൂന്ന്‌ ജൂൺ 6 മുതൽ 16 വരെ നടന്ന അർമാഡ മഹോ​ത്സ​വ​ത്തിന്‌ വടക്കൻ ഫ്രാൻസിലെ റൂവെൻ തുറമു​ഖം സാക്ഷ്യം വഹിച്ചു. ലോക​ത്തി​ന്റെ നാനാ​ഭാ​ഗ​ത്തു​നിന്ന്‌ ദശലക്ഷ​ക്ക​ണ​ക്കിന്‌ ആളുക​ളാണ്‌ പായ്‌ക്ക​പ്പ​ലു​ക​ളു​ടെ വലിയ അതിമ​നോ​ഹ​ര​മാ​യ ഈ സംഗമം കാണാൻ എത്തിച്ചേർന്നത്‌.

പ്രശാന്തസുന്ദരമായ നോർമൻഡിയിലെ സെൻ നദിയി​ലൂ​ടെ 120 കിലോമീറ്റർ സഞ്ചരി​ച്ചാണ്‌ ലോക​ത്തി​ലെ തന്നെ മികച്ച വലിയ 45 പായ്‌ക്കപ്പലുകൾ പത്തി​ലേ​റെ ദിവസം നീണ്ടു​നി​ന്ന ഈ സംഗമ​ത്തിന്‌ എത്തിച്ചേർന്നത്‌. ഏഴു കിലോമീറ്റർ നീളമുള്ള നദീതീ​രത്ത്‌ ആ നൗകകൾ നങ്കൂര​മി​ട്ടി​രു​ന്ന കാഴ്‌ച നയനമ​നോ​ഹ​ര​മാ​യി​രു​ന്നു. അവിടെ എത്തിച്ചേർന്ന സഞ്ചാരികൾക്ക്‌ വലിയ ഈ കപ്പലു​ക​ളു​ടെ ഉള്ളിൽ സൗജന്യ​മാ​യി കയറാ​നു​ള്ള അസുല​ഭാ​വ​സ​ര​മാണ്‌ ഇതിലൂ​ടെ ലഭിച്ചത്‌.

അർമാഡ എന്ന ഈ മഹോത്സവത്തിൽ സംബന്ധിക്കാൻ പ്രായ​ഭേ​ദ​മെ​ന്യേ അനേകരെ പ്രേരി​പ്പി​ക്കു​ന്നത്‌ എന്താണ്‌? “സ്വപ്‌നം കാണാൻ മാത്രം കഴിയുന്ന ഈ ‘കടൽഭീമന്മാരെ’ ഒന്ന്‌ അടുത്ത്‌ കാണാൻ” അത്‌ അവസരം നൽകുന്നു എന്നതാണ്‌ ആളുകളെ ഇതി​ലേക്ക്‌ ആകർഷിക്കുന്നതെന്ന്‌ ഈ ആഘോ​ഷ​ത്തി​ന്റെ സംഘാടകൻ വിവരി​ക്കു​ന്നു. ഇതു കാണാൻ വന്ന എല്ലാ പ്രായ​ക്കാ​രു​ടെ​യും മനസ്സി​ലൂ​ടെ കപ്പലി​ലൂ​ടെ​യു​ള്ള വിദൂ​ര​യാ​ത്ര​ക​ളെ​ക്കു​റി​ച്ചും സ്വാത​ന്ത്ര്യ​ത്തെ​ക്കു​റി​ച്ചും ഉള്ള ചിന്തകൾ കടന്നു​പോ​യി​ട്ടു​ണ്ടാ​കും.

ആയിരക്കണക്കിന്‌ വരുന്ന വിനോദയാത്രികർക്ക്‌ മറ്റൊരു സ്വാത​ന്ത്ര്യ​ത്തെ​ക്കു​റിച്ച്‌ കേൾക്കാനുള്ള അവസരം അവി​ടെ​വെച്ച്‌ ലഭിച്ചു, അതായത്‌ ബൈബിൾസത്യം നൽകുന്ന സ്വാത​ന്ത്ര്യം. (യോഹന്നാൻ 8:31, 32) പ്രസന്ന​മാ​യ കാലാവസ്ഥയിൽ, ഇടുങ്ങി​യ​തും തിര​ക്കേ​റി​യ​തും ആയ ആ റൂവെൻ തെരു​വി​ലൂ​ടെ ചുറ്റി​ന​ടന്ന്‌ കാണവെ തദ്ദേശീ​യ​രാ​യ യഹോ​വ​യു​ടെ സാക്ഷികൾ പ്രദർശിപ്പിച്ച സാഹിത്യ കൈവ​ണ്ടി​യും സന്ദർശകരുടെ ശ്രദ്ധയാകർഷിച്ചു. സാഹിത്യ കൈവ​ണ്ടി​യു​ടെ അടുക്ക​ലേ​ക്കു വരുന്ന സന്ദർശകർക്കോ കപ്പൽ ജീവനക്കാർക്കോ അതിൽ പ്രദർശിപ്പിച്ചിരുന്ന ഏതു പ്രസി​ദ്ധീ​ക​ര​ണ​വും സൗജന്യ​മാ​യി സ്വന്തമാക്കാൻ കഴിയു​മാ​യി​രു​ന്നു. “മുൻവിധിയില്ലാത്ത ലോകം—എപ്പോൾ” എന്ന വിഷയ​ത്തോ​ടു​കൂ​ടി​യ വീക്ഷാ​ഗോ​പു​രം മാസിക പലർക്കും ഇഷ്ടപ്പെട്ടു. കൂടാതെ ഫ്രഞ്ച്‌, ഇംഗ്ലീഷ്‌, സ്‌പാ​നിഷ്‌ എന്നീ ഭാഷകളിൽ നടന്ന ബൈബി​ള​ധി​ഷ്‌ഠി​ത പ്രസംഗം കേൾക്കാനും സാക്ഷികൾ അവരെ ക്ഷണിച്ചു.

ഈ സംരംഭത്തിൽ പ്രദേശവാസികൾക്കും മതിപ്പു​തോ​ന്നി. പൊതു​സ്ഥ​ലത്ത്‌ സാഹിത്യ കൈവ​ണ്ടി​ക്ക​രി​കെ നിൽക്കുന്ന സാക്ഷി​ക​ളെ കണ്ട്‌ ഒരു വ്യക്തിക്ക്‌ ആദ്യം അതിശയം തോന്നി​യെ​ങ്കി​ലും, അദ്ദേഹം ഇങ്ങനെ പറഞ്ഞു: “നിങ്ങളെ ഈ തെരുവിൽ കാണാൻ കഴിഞ്ഞതിൽ വളരെ സന്തോഷം. നിങ്ങളു​ടെ വിശ്വാ​സ​ത്തോട്‌ എനിക്കു യോജി​പ്പി​ല്ലെ​ങ്കി​ലും, നിങ്ങൾ വിശ്വാസങ്ങൾക്കുവേണ്ടി നില​കൊ​ള്ളു​ന്ന​തു കാണുമ്പോൾ എനിക്കു നിങ്ങ​ളോ​ടു ബഹുമാ​നം തോന്നു​ന്നു.” ഇനി, പ്രായ​മേ​റി​യ രണ്ടു പേർ പരസ്യസാക്ഷീകരണത്തിൽ ഏർപ്പെട്ടിരുന്ന രണ്ടു ചെറു​പ്പ​ക്കാ​രെ സമീപിച്ച്‌ ഇങ്ങനെ പറഞ്ഞു: “നിങ്ങൾക്ക്‌ നിങ്ങൾ ചെയ്യുന്ന പ്രവൃത്തിയിൽ അഭിമാ​നി​ക്കാം.”