2014-ൽ വടക്കൻ ഫ്രാൻസി​ലെ റൂഓൻ പട്ടണത്തിൽ ഒരു അന്താരാ​ഷ്‌ട്ര പ്രദർശ​ന​മേള അരങ്ങേറി. അതിലെ ഒരു പ്രദർശ​ന​ശാ​ല ആയിര​ക്ക​ണ​ക്കിന്‌ ആളുക​ളു​ടെ ശ്രദ്ധ കവർന്നു. “ബൈബിൾ—ഇന്നലെ, ഇന്ന്‌, നാളെ” എന്ന വിഷയത്തെ കേന്ദ്രീ​ക​രി​ച്ചാ​യി​രു​ന്നു അത്‌.

ഏറെ ശ്രദ്ധ പിടി​ച്ചു​പ​റ്റി​യത്‌ ശാലയു​ടെ പുറത്തു പ്രദർശി​പ്പി​ച്ച പുരാതന ബൈബിൾ കൈ​യ്യെ​ഴു​ത്തു​പ്ര​തി​ക​ളെ​ക്കു​റി​ച്ചുള്ള ഒരു വീഡി​യോ ക്ലിപ്പ്‌ ആണ്‌. ശാലയ്‌ക്ക്‌ അകത്താ​ക​ട്ടെ, അനുദി​ന​ജീ​വി​ത​ത്തിൽ ബൈബി​ളി​ന്റെ പ്രാ​യോ​ഗി​ക​ത​യും ബൈബി​ളി​ന്റെ ശാസ്‌ത്രീ​യ​വും ചരി​ത്ര​പ​ര​വും ആയ കൃത്യ​ത​യും വ്യാപ​ക​മാ​യ വിതര​ണ​വും സംബന്ധി​ച്ചു മനസ്സി​ലാ​ക്കാ​നു​ള്ള സൗകര്യം ഒരുക്കി​യി​രു​ന്നു.

കൂടാതെ, ബൈബിൾ ഇല്ലായ്‌മ​ചെ​യ്യാ​നു​ള്ള ശ്രമങ്ങളെ ഇക്കാല​മ​ത്ര​യും അത്‌ അതിജീ​വി​ച്ചത്‌ എങ്ങനെ​യെ​ന്നും ഇന്നും ദശലക്ഷ​ങ്ങൾക്ക്‌ അതിന്റെ പ്രതികൾ അച്ചടിച്ച രൂപത്തി​ലോ ഇലക്‌​ട്രോ​ണിക്‌ രൂപത്തി​ലോ ലഭ്യമാ​യി​രി​ക്കു​ന്നത്‌ എങ്ങനെ​യെ​ന്നും വിശദീ​ക​രി​ക്കു​ന്ന​താ​യി​രു​ന്നു പ്രദർശ​നം. യഹോ​വ​യു​ടെ സാക്ഷികൾ 120-ലധികം ഭാഷക​ളിൽ പുറത്തി​റ​ക്കി​യി​രി​ക്കുന്ന ബൈബിൾ പരിഭാ​ഷ​യാ​യ പുതിയ ലോക ഭാഷാ​ന്ത​ര​ത്തി​ന്റെ ഒരു പ്രതി​യും സന്ദർശ​കർക്ക്‌ സൗജന്യ​മാ​യി ലഭിച്ചു.

പൊതു​ജ​ന​ങ്ങൾക്ക്‌ ബൈബിൾ ലഭ്യമാ​ക്കാൻ സാക്ഷികൾ ചെയ്‌ത ഈ ശ്രമത്തെ സന്ദർശ​ക​രിൽ അനേക​രും അഭിന​ന്ദി​ക്കു​ക​യു​ണ്ടാ​യി. ചെറു​പ്പ​ക്കാ​രു​ടെ ഉന്നമന​ത്തി​നാ​യി പ്രവർത്തി​ക്കു​ന്ന ഒരു സാമൂ​ഹി​ക പ്രവർത്തക ഒരു കൂട്ടം ചെറു​പ്പ​ക്കാ​രോ​ടൊ​പ്പം പ്രദർശ​നം കണ്ടിട്ട്‌ അഭി​പ്രാ​യ​പ്പെ​ട്ടത്‌ ഇങ്ങനെ​യാണ്‌: “നമ്മു​ടെ​യെ​ല്ലാം പൈതൃ​ക​സ്വ​ത്താണ്‌ ബൈബിൾ. അതിനു ജീവനുണ്ട്‌. ഓരോ തവണ വായി​ക്കു​മ്പോ​ഴും എന്റെ പ്രശ്‌ന​ങ്ങൾക്കു​ള്ള പരിഹാ​രം അത്‌ തരുന്നു.”

സൗജന്യ​മാ​യി ബൈബിൾ ലഭിക്കും എന്നറി​ഞ്ഞത്‌ 60 വയസ്സു പ്രായ​മു​ള്ള ഒരു വല്യമ്മ​യ്‌ക്ക്‌ അത്ഭുത​മാ​യി തോന്നി. അവർ പറഞ്ഞു: “നമ്മളെ​ല്ലാം ഇതു വീണ്ടും വായി​ച്ചു​തു​ട​ങ്ങ​ണം, കാരണം നമു​ക്കെ​ല്ലാം ഇത്‌ ആവശ്യ​മാണ്‌.”