ബംഗ്ലാ​ദേ​ശി​ലും ഇന്ത്യയു​ടെ ചില ഭാഗങ്ങ​ളി​ലും സംസാ​രി​ക്കു​ന്ന ഒരു ഭാഷയാണ്‌ ബംഗാളി. ആ ഭാഷ സംസാ​രി​ക്കാ​നും വായി​ക്കാ​നും പഠിക്കു​ന്ന​തിന്‌ അടുത്ത​കാ​ലത്ത്‌ യഹോ​വ​യു​ടെ സാക്ഷി​ക​ളാ​യ 23 പേർ ന്യൂ​യോർക്കി​ലെ ക്വീൻസിൽ ഒരു ക്ലാസ്സിൽ പങ്കെടു​ത്തു. പെട്ടെന്നു ഭാഷ പഠിക്കാൻ സഹായി​ക്കു​ന്ന ഒരു പരിശീ​ല​ന​ക്ലാ​സ്സാ​യി​രു​ന്നു അത്‌. യഹോ​വ​യു​ടെ സാക്ഷി​ക​ളിൽപ്പെ​ട്ട​വർത​ന്നെ​യാണ്‌ അവിടെ പഠിപ്പി​ക്കു​ന്നത്‌.

എന്നാൽ ബംഗാ​ളി​യിൽ മാത്രമല്ല, മറ്റു പല ഭാഷക​ളി​ലും ഇതു​പോ​ലു​ള്ള ക്ലാസ്സുകൾ നടത്തു​ന്നുണ്ട്‌. ഐക്യ​നാ​ടു​ക​ളി​ലും മറ്റനേകം രാജ്യ​ങ്ങ​ളി​ലും നടക്കുന്ന ഇത്തരം ഭാഷാ​പ​രി​ശീ​ല​ന​ക്ലാ​സ്സു​ക​ളി​ലൂ​ടെ മറ്റു ഭാഷക്കാ​രെ ബൈബിൾസ​ന്ദേ​ശം അറിയി​ക്കാൻ സാക്ഷികൾ പഠിക്കു​ന്നു.

ബംഗാളി ക്ലാസ്സിൽ പങ്കെടുത്ത മേഗേലീ എന്ന യുവതി പറയുന്നു: “ഞങ്ങളുടെ പ്രദേ​ശത്ത്‌ ബംഗാ​ളി​ക്കാ​രു​ടെ എണ്ണം കൂടി​ക്കൂ​ടി​വ​രു​ക​യാണ്‌. അവരു​ടെ​യൊ​ക്കെ മനസ്സിൽ ഒരുപാ​ടു ചോദ്യ​ങ്ങ​ളു​മുണ്ട്‌; ‘എന്തു​കൊ​ണ്ടാണ്‌ ലോക​ത്തിൽ ഇത്രയ​ധി​കം കഷ്ടപ്പാ​ടു​ക​ളു​ള്ളത്‌’ എന്നതു​പോ​ലു​ള്ള സുപ്ര​ധാ​ന​മാ​യ ചോദ്യ​ങ്ങൾ. ഭാവിയെ സംബന്ധിച്ച്‌ ദൈവം വാഗ്‌ദാ​നം ചെയ്‌തി​രി​ക്കു​ന്ന മഹത്തായ കാര്യ​ങ്ങ​ളെ​ക്കു​റിച്ച്‌ പറയു​മ്പോൾ അവർക്കു കൂടുതൽ അറിയാൻ താത്‌പ​ര്യ​മാ​കും. പക്ഷേ, ഭാഷ അറിഞ്ഞാ​ല​ല്ലേ അതു നന്നായി പറഞ്ഞു​കൊ​ടു​ക്കാൻ പറ്റൂ?”

പെട്ടെന്നു കാര്യങ്ങൾ പഠിക്കു​ന്ന​തി​നു വിദ്യാർഥി​ക​ളെ സഹായി​ക്കാൻ, രസകര​മാ​യ പല വിദ്യ​ക​ളും അധ്യാ​പ​കർ ഉപയോ​ഗി​ച്ചു. ഉദാഹ​ര​ണ​ത്തിന്‌, ശാരീ​രി​ക ചലനം ഉൾപ്പെട്ട എന്തെങ്കി​ലും പ്രവർത്ത​ന​ങ്ങ​ളിൽ ഏർപ്പെ​ടു​ത്തി​ക്കൊണ്ട്‌ അധ്യാ​പ​കർ അവരെ ഭാഷ പഠിപ്പി​ച്ചു. പഠിച്ച കാര്യങ്ങൾ കൂടുതൽ കാലം ഓർത്തി​രി​ക്കാ​നു​ള്ള ഒരു സൂത്ര​മാ​യി​രു​ന്നു അത്‌.

പുതു​താ​യി എന്തെങ്കി​ലു​മൊ​ന്നു പഠിച്ചാൽ വിദ്യാർഥി​കൾ ഉടനെ അതു പരീക്ഷി​ച്ചു​നോ​ക്കു​മാ​യി​രു​ന്നു. തങ്ങളുടെ പ്രദേ​ശത്ത്‌ താമസി​ക്കു​ന്ന ബംഗാ​ളി​ക്കാ​രെ ചെന്ന്‌ കണ്ട്‌ അവരു​മാ​യി ബൈബിൾവി​ഷ​യ​ങ്ങൾ സംസാ​രി​ച്ചു​കൊ​ണ്ടാണ്‌ അവർ അതു ചെയ്‌തി​രു​ന്നത്‌. അതേക്കു​റിച്ച്‌ മേഗേലീ പറയുന്നു: “ഞാൻ അവരുടെ ഭാഷ പഠിക്കു​ക​യാ​ണെന്ന്‌ അറിഞ്ഞ​പ്പോൾ ആളുകൾക്കു വലിയ സന്തോ​ഷ​മാ​യി. ഞാൻ എന്തിനാണ്‌ അവരുടെ ഭാഷ പഠിക്കു​ന്ന​തെന്ന്‌ അവർക്ക്‌ അറിയണം. ഇത്ര കഷ്ടപ്പെട്ട്‌ ഞാൻ അതു പഠിക്കു​ന്ന​തു കാണു​മ്പോൾ, നമ്മുടെ ഈ സന്ദേശം പ്രധാ​ന​പ്പെട്ട ഒന്നാ​ണെ​ന്നു തിരി​ച്ച​റി​യാൻ അവർക്കു പറ്റുന്നു.”

യഹോ​വ​യു​ടെ സാക്ഷികൾ പുതിയ ഭാഷ പഠിക്കുക മാത്രമല്ല, ഭാഷാ​പ​ഠ​ന​ക്ലാ​സ്സിൽ പഠിപ്പി​ക്കാ​നു​ള്ള പരിശീ​ല​ന​വും നേടുന്നു. 2006 ജനുവരി മുതൽ 2012 ജനുവരി വരെയുള്ള കാലം​കൊണ്ട്‌ ഐക്യ​നാ​ടു​ക​ളി​ലെ ബ്രാഞ്ചി​ന്റെ കീഴി​ലു​ള്ള പ്രദേ​ശ​ത്തു​മാ​ത്രം ഏതാണ്ട്‌ 38 ഭാഷാ​പ​ഠ​ന​ശി​ല്‌പ​ശാ​ലകൾ നടന്നു. അവയി​ലൂ​ടെ 2,244 പേർക്ക്‌ അധ്യാ​പ​ക​രാ​യി പരിശീ​ല​നം ലഭിച്ചു. 2012 സെപ്‌റ്റം​ബർ 1 വരെയുള്ള കണക്കനു​സ​രിച്ച്‌, 37 ഭാഷകൾ പഠിപ്പി​ക്കാ​നാ​യി ഐക്യ​നാ​ടു​ക​ളി​ലെ ബ്രാഞ്ചി​ന്റെ പരിധി​യിൽവ​രു​ന്ന സ്ഥലങ്ങളിൽ യഹോ​വ​യു​ടെ സാക്ഷികൾ 1,500-ലേറെ ക്ലാസ്സുകൾ നടത്തി.