പതിനാ​യി​ര​ക്ക​ണ​ക്കിന്‌ സിന്തി, റോമാ ആളുകൾ ജർമനി​യിൽ താമസി​ക്കു​ന്നുണ്ട്‌. a അടുത്ത കാലത്താ​യി, ഇവരുടെ മാതൃ​ഭാ​ഷ​യാ​യ റോമ​നി​യിൽ യഹോ​വ​യു​ടെ സാക്ഷികൾ ബൈബി​ളി​നെ അടിസ്ഥാ​ന​മാ​ക്കി​യു​ള്ള ലഘു​ലേ​ഖ​കൾ, ലഘുപ​ത്രി​ക​കൾ, വീഡി​യോ​കൾ എന്നിവ പുറത്തി​റ​ക്കി. b

2016 സെപ്‌റ്റംബർ-ഒക്‌ടോബർ മാസങ്ങ​ളിൽ യഹോ​വ​യു​ടെ സാക്ഷികൾ ജർമനിയിൽ ഒരു പ്രത്യേക പ്രചാരണ പരിപാ​ടി നടത്തി​യ​പ്പോൾ ഇക്കാര്യം അവി​ടെ​യു​ള്ള സിന്തി, റോമാ ആളുകളെ അവർ അറിയി​ച്ചു. ബർലിൻ, ബ്രമർഹ​വൻ, ഫ്രെയ്‌ബർഗ്‌, ഹാംബർഗ്‌, ഹെയ്‌ഡിൽബെർഗ്‌ എന്നിവി​ട​ങ്ങ​ളിൽ താമസി​ക്കു​ന്ന​വ​രെ​യാണ്‌ അവർ സന്ദർശി​ച്ചത്‌. യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളു​ക​ളിൽ റോമനി ഭാഷയി​ലു​ള്ള മീറ്റി​ങ്ങു​ക​ളും നടത്തി.

യഹോ​വ​യു​ടെ സാക്ഷി​ക​ളു​ടെ പ്രചാരണ പരിപാ​ടി കണ്ട്‌ പല സിന്തി, റോമാ ആളുകൾക്കും അതിശ​യ​വും സന്തോ​ഷ​വും തോന്നി. പ്രചാരണ പരിപാ​ടി​യിൽ പങ്കെടുത്ത ആൻഡ്രെ-എസ്ഥേർ ദമ്പതികൾ പറഞ്ഞത്‌ ഇങ്ങനെ​യാണ്‌: “ആളുക​ളെ​ല്ലാം വളരെ സന്തോ​ഷ​ത്തി​ലാ​യി​രു​ന്നു, കാരണം ഞങ്ങൾ അവരെ കാണാ​നാ​യി അവിടം​വ​രെ ചെന്നല്ലോ.” പലർക്കും അവരുടെ മാതൃ​ഭാ​ഷ​യിൽ ബൈബിൾസ​ന്ദേ​ശം കേൾക്കാ​നും വായി​ക്കാ​നും സാധി​ച്ച​തിൽ സന്തോഷം തോന്നി. ബൈബിൾ പഠി​ക്കേ​ണ്ടത്‌ എന്തു​കൊണ്ട്‌? എന്ന വീഡി​യോ റോമനി ഭാഷയിൽ ഒരു ചെറു​പ്പ​ക്കാ​രി കണ്ടപ്പോൾ അവൾക്ക്‌ അതു വിശ്വ​സി​ക്കാ​നാ​യി​ല്ല. “ഓ, ഇത്‌ എന്റെ ഭാഷയാ​ണ​ല്ലോ!” എന്ന്‌ അവൾ വീണ്ടും​വീ​ണ്ടും പറഞ്ഞു.

ഹാംബർഗിലുള്ള പ്രചാരണ പരിപാ​ടി​യിൽ പങ്കെടുത്ത മത്ഥിയാസ്‌ പറയുന്നു: “400 സിന്തി​ക​ളും റോമാ​ക​ളും താമസി​ക്കു​ന്നി​ടത്ത്‌ ഞാനും ഭാര്യ​യും അടക്കം എട്ട്‌ യഹോ​വ​യു​ടെ സാക്ഷികൾ സന്ദർശി​ച്ചു. ഞങ്ങൾ സംസാ​രി​ച്ച എല്ലാവ​രും പ്രസി​ദ്ധീ​ക​ര​ണ​ങ്ങൾ സ്വീക​രി​ച്ചു”. ഹാംബർഗിൽ പ്രവർത്തി​ച്ച ബെറ്റിന പറയുന്നു: “റോമനി ഭാഷയിൽ യഹോ​വ​യു​ടെ സാക്ഷികൾക്ക്‌ പ്രസി​ദ്ധീ​ക​ര​ണ​ങ്ങ​ളു​ണ്ടെന്നു കേട്ട​പ്പോൾ ചിലരു​ടെ കണ്ണു നിറഞ്ഞു​പോ​യി.” പലരും അപ്പോൾത്ത​ന്നെ പ്രസി​ദ്ധീ​ക​ര​ണ​ങ്ങൾ ഉച്ചത്തിൽ വായി​ച്ചു​നോ​ക്കി. ചിലർ കൂട്ടു​കാർക്കു കൊടു​ക്കാ​നാ​യി പ്രസി​ദ്ധീ​ക​ര​ണ​ങ്ങൾ ചോദി​ച്ചു​വാ​ങ്ങി.

പല സിന്തി​ക​ളും റോമാ​ക​ളും യഹോ​വ​യു​ടെ സാക്ഷി​ക​ളു​ടെ മീറ്റി​ങ്ങി​നു വരാ​മെ​ന്നു പറഞ്ഞു. ഹാംബർഗിൽ മീറ്റി​ങ്ങി​നു വന്ന 94 പേരിൽ പലരും ആദ്യമാ​യി​ട്ടാണ്‌ ഒരു രാജ്യ​ഹാ​ളിൽ കയറു​ന്നത്‌. ഹെയ്‌ഡിൽബെർഗിന്‌ അടുത്തുള്ള റെയ്‌ലിം​ഗ​നിൽ 123 പേർ മീറ്റി​ങ്ങി​നു ഹാജരാ​യി. റോമനി സംസാ​രി​ക്കു​ന്ന അഞ്ചു പേർ യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിക്കാൻ ആഗ്രഹ​മു​ണ്ടെ​ന്നും പറഞ്ഞു.

ഈ പ്രചാരണ പരിപാ​ടി​യു​ടെ ഫലമായി യഹോ​വ​യു​ടെ സാക്ഷികൾ 3,000 ലഘു​ലേ​ഖ​ക​ളും ലഘുപ​ത്രി​ക​ക​ളും വിതരണം ചെയ്‌തു. 360 സിന്തി​ക​ളും റോമാ​ക​ളും ആയി ബൈബിൾചർച്ച നടത്താ​നാ​യി. അവരിൽ 19 പേർക്കു ബൈബിൾപ​ഠ​ന​വും ആരംഭി​ച്ചു. അവരിൽ പലരും പറഞ്ഞത്‌ “ദൈവം ഞങ്ങളെ തേടി വന്നല്ലോ” എന്നാണ്‌.