യഹോ​വ​യു​ടെ സാക്ഷി​ക​ളു​ടെ ലോകാ​സ്ഥാ​ന​ത്തി​നു മുകളിൽ ‘ദി വാച്ച്‌ട​വർ’ (The Watchtower) എന്ന വാക്കുകൾ സ്ഥാപി​ച്ചി​ട്ടുണ്ട്‌. ചുവന്ന നിറമുള്ള ഈ അക്ഷരങ്ങൾക്ക്‌ 15 അടി പൊക്ക​മുണ്ട്‌. രാപ്പകൽ വ്യത്യാ​സ​മി​ല്ലാ​തെ 40-ലേറെ വർഷമാ​യി ന്യൂ​യോർക്ക്‌ നഗരവാ​സി​കൾക്ക്‌ പരിചി​ത​മാ​യ ഒരു കാഴ്‌ച​യാണ്‌ ഇത്‌. ഇതിലെ സമയവും താപനി​ല​യും അറിയാ​നു​ള്ള സംവി​ധാ​നം അവരിൽ അനേക​രും നന്നായി പ്രയോ​ജ​ന​പ്പെ​ടു​ത്തു​ന്നു.

ബ്രൂക്‌ലി​നിൽ താമസി​ക്കു​ന്ന എബോ​ണിക്ക്‌ അപ്പാർട്ടു​മെ​ന്റിൽനിന്ന്‌ നോക്കി​യാൽ ഇതു കാണാം. “ജോലി​ക്കു പോകു​ന്ന​തി​നു മുമ്പ്‌ ജനാല​യി​ലൂ​ടെ സമയവും താപനി​ല​യും കാണാ​നാ​കു​ന്നത്‌ ഒരു സൗകര്യ​മാണ്‌. സമയം പാലി​ക്കാ​നും കാലാ​വ​സ്ഥ​യ്‌ക്കു പറ്റിയ വസ്‌ത്രം ധരിക്കാ​നും അത്‌ എന്നെ സഹായി​ക്കു​ന്നു,” എബോണി പറയുന്നു.

സമയവും താപനി​ല​യും സൂചി​പ്പി​ക്കാ​നു​ള്ള ഈ സംവി​ധാ​നം ഇനി​യൊ​രു 40 വർഷം​കൂ​ടെ അവി​ടെ​ത്ത​ന്നെ കാണു​മോ? സാധ്യ​ത​യി​ല്ല. യഹോ​വ​യു​ടെ സാക്ഷി​ക​ളു​ടെ ലോകാ​സ്ഥാ​നം ന്യൂ​യോർക്ക്‌ നഗരത്തിന്‌ പുറ​ത്തേ​ക്കു മാറ്റാ​നു​ള്ള ആലോ​ച​ന​യി​ലാണ്‌. അതു​കൊണ്ട്‌ ഇത്‌ അവിടെ തുടര​ണ​മോ വേണ്ടയോ എന്നു തീരു​മാ​നി​ക്കു​ന്നത്‌ ആ കെട്ടിടം വാങ്ങു​ന്ന​വ​രാ​യി​രി​ക്കും.

ആദ്യമാ​യി ഈ കെട്ടി​ട​ങ്ങ​ളു​ടെ മുകളിൽ ഇതു​പോ​ലെ ഒരടയാ​ളം സ്ഥാപി​ച്ചത്‌ ഇതിന്റെ മുൻ ഉടമക​ളാണ്‌, 70 വർഷങ്ങൾക്കു മുമ്പ്‌. 1969-ൽ കെട്ടിടം വാങ്ങിയ ശേഷം യഹോ​വ​യു​ടെ സാക്ഷികൾ അതിനെ ഇപ്പോൾ കാണുന്ന രൂപത്തി​ലേ​ക്കു മാറ്റി.

ഇത്‌ പ്രവർത്ത​ന​ക്ഷ​മ​മാ​ക്കി നിറു​ത്താൻ നല്ല പരിപാ​ല​നം ആവശ്യ​മാണ്‌. വർഷങ്ങ​ളോ​ളം വ്യത്യ​സ്‌ത തലമു​റ​ക​ളിൽപ്പെട്ട ആളുകൾ ആവശ്യ​മാ​യ​പ്പോ​ഴെ​ല്ലാം അതിന്‌ വേണ്ട അറ്റകു​റ്റ​പ​ണി​കൾ ചെയ്‌തു.

അവിടെ രാത്രി​യിൽ ജോലി ചെയ്യുന്ന ഒരാൾ ഒരു സംഭവം ഓർക്കു​ന്നു: “ഒരു ദിവസം വൈകു​ന്നേ​രം ഒരു ടെലി​വി​ഷൻ വാർത്താ സംവി​ധാ​യ​കൻ ഞങ്ങളെ വിളി​ച്ചിട്ട്‌ ക്ലോക്കി​ലെ സമയം 15 സെക്കന്റ്‌ പിറകി​ലാണ്‌ എന്നു പറഞ്ഞു. അന്ന്‌ തന്റെ പരിപാ​ടി​യിൽ താൻ ആ ക്ലോക്കി​നെ​ക്കു​റിച്ച്‌ പറയാ​നി​രി​ക്കു​ക​യാ​ണെ​ന്നും അതു​കൊണ്ട്‌ അതിലെ സമയം ശരിയാ​ക്കാ​മോ എന്നും അദ്ദേഹം ചോദി​ച്ചു. ഉടനെ​ത​ന്നെ ഒരാൾ പാതി​യു​റ​ക്ക​ത്തിൽ ചെന്ന്‌ സമയം ശരിയാ​ക്കി!”

ഈ സംവി​ധാ​നം കൂടുതൽ കൃത്യ​വും പ്രയോ​ജ​ന​ക​ര​വും ആക്കാൻ പല പ്രാവ​ശ്യം മാറ്റങ്ങൾ വരുത്തി. 1980-കളുടെ മധ്യം വരെ സമയവും ഡിഗ്രി സെൽഷ്യ​സിൽ താപനി​ല​യും മാറി​മാ​റി കാണി​ക്കു​ന്നു​ണ്ടാ​യി​രു​ന്നു. എന്നാൽ പിന്നീട്‌ താപനില ഫാരൻ​ഹൈ​റ്റ്‌സെൽഷ്യ​സിൽ കൂടെ കാണി​ക്കാൻ തുടങ്ങി.

അടുത്ത​കാ​ലം​വ​രെ, ‘ദി വാച്ച്‌ട​വർ’ എന്ന ഈ വാക്കുകൾ പ്രകാ​ശി​പ്പി​ക്കാ​നാ​യി നിയോൺ വിളക്കു​ക​ളാണ്‌ ഉപയോ​ഗി​ച്ചു​കൊ​ണ്ടി​രു​ന്നത്‌. എന്നാൽ അത്‌ അത്ര കാര്യ​ക്ഷ​മ​മ​ല്ലാ​യി​രു​ന്നു. 2009-ൽ അത്‌ മാറ്റി, പകരം പെട്ടെന്ന്‌ കേടാ​കാ​ത്ത​തും എന്നാൽ വളരെ കുറച്ച്‌ വൈദ്യു​തി മാത്രം വേണ്ടതും ആയ ഒരു സംവി​ധാ​നം ഏർപ്പെ​ടു​ത്തി. അങ്ങനെ ഇപ്പോൾ, കേടു​പോ​ക്കൽ ഇനത്തിൽ പ്രതി​വർഷം ഏകദേശം 2,40,000 രൂപ ലാഭി​ക്കു​ന്നു. കൂടാതെ വളരെ കുറച്ച്‌ വൈദ്യു​തി​യും മതി.