വടക്കൻ ഇറ്റലി​യിൽ 2016 നവംബർ അവസാ​ന​മു​ണ്ടായ പെരു​മ​ഴ​യിൽ മോങ്കാ​ല്യേ​റി പട്ടണത്തിന്‌ തെക്കുള്ള ചില ഗ്രാമങ്ങൾ വെള്ളത്തിൽ മുങ്ങി. ചില സ്ഥലങ്ങളിൽ അര മീറ്ററി​നു (1.6 അടി) മേൽ വെള്ളം കയറി. “വെള്ള​പ്പൊ​ക്കം ആരെയും ഒന്നി​നെ​യും വെറുതെ വിട്ടില്ല” എന്ന്‌ ഒരു പത്രം റിപ്പോർട്ടു ചെയ്‌തു. ഏകദേശം 1,500 പേരെ അധികാ​രി​കൾ അവി​ടെ​നിന്ന്‌ ഉടനടി ഒഴിപ്പി​ച്ചു. രക്ഷാ​പ്ര​വർത്തകർ പെട്ടെന്നു പ്രവർത്തി​ച്ച​തു​കൊണ്ട്‌ ആളപാ​യ​മൊ​ന്നും സംഭവി​ച്ചില്ല. എങ്കിലും അനേകം കുടും​ബ​ങ്ങൾക്ക്‌ അവരുടെ വസ്‌തു​വ​കകൾ നഷ്ടമായി.

അവി​ടെ​യു​ള്ള സാക്ഷികൾ പെട്ടെ​ന്നു​തന്നെ ടീമു​ക​ളാ​യി പണി തുടങ്ങി. ദുരി​ത​ബാ​ധി​ത​രു​ടെ വീട്ടിൽനിന്ന്‌ ചെളി​യും മറ്റു മാലി​ന്യ​ങ്ങ​ളും നീക്കി വീട്ടു​സാ​ധ​ന​ങ്ങ​ളെ​ല്ലാം ശരിയാ​ക്കി​ക്കൊ​ടു​ത്തു. ഒരു ദുരി​ത​ബാ​ധിത കുടും​ബ​ത്തി​ന്റെ അടു​ത്തേക്ക്‌ ഉപകര​ണ​ങ്ങ​ളും ഭക്ഷണവും ആയി ഒരു ടീം പോകു​ക​യാ​യി​രു​ന്നു. അടച്ചി​ട്ടി​രുന്ന ഒരു വഴി തുറന്നു​കൊ​ടു​ത്തു​കൊണ്ട്‌ അധികാ​രി​കൾ അവരെ മുന്നോട്ട്‌ പോകാൻ അനുവ​ദി​ച്ചു. സന്നദ്ധ​സേ​വകർ സാക്ഷി​ക​ളെ​യും മറ്റു മതവി​ശ്വാ​സി​ക​ളായ അവരുടെ അയൽക്കാ​രെ​യും സഹായി​ച്ചു.

ഒരു കെട്ടി​ട​ത്തി​ന്റെ നിലവറ നിറയെ വെള്ളം കയറി. രക്ഷാ​പ്ര​വർത്തകർ അവി​ടെ​യു​ണ്ടാ​യി​രുന്ന വെള്ളം പമ്പ്‌ ചെയ്‌ത്‌ പുറത്ത്‌ കളഞ്ഞു. സാക്ഷി​ക​ളു​ടെ ഒരു വലിയ ടീം അന്റോ​ണി​യോ​യെ​യും കുടും​ബ​ത്തെ​യും നിലവ​റ​യി​ലുള്ള മാലി​ന്യ​ങ്ങൾ വൃത്തി​യാ​ക്കാൻ സഹായി​ച്ചു. പിന്നെ അവർ ആ കെട്ടി​ട​ത്തി​ലെ സാക്ഷി​ക​ള​ല്ലാത്ത മറ്റു താമസ​ക്കാ​രെ​യും സഹായി​ച്ചു. അവർ വരിവ​രി​യാ​യി നിന്ന്‌ സാധനങ്ങൾ കൈമാ​റി​ക്കൊണ്ട്‌ ഏതാനും മണിക്കൂ​റി​നു​ള്ളിൽ എല്ലാ നിലവ​റ​യും കാലി​യാ​ക്കി. എല്ലാവ​രും ഈ സഹായത്തെ അതിയാ​യി അഭിന​ന്ദി​ച്ചു. അവിടെ താമസി​ച്ചി​രുന്ന വിവ്യാന അന്റോ​ണി​യോ​യു​ടെ ഭാര്യ​യോട്‌ നിറക​ണ്ണു​ക​ളോ​ടെ ഇങ്ങനെ പറഞ്ഞു: “നിങ്ങളു​ടെ സഹോ​ദ​ര​ങ്ങ​ളോ​ടു ഞങ്ങളുടെ നന്ദി അറിയി​ക്കണം. നിങ്ങൾ തികച്ചും വ്യത്യ​സ്‌ത​രാണ്‌!”

വെള്ള​പ്പൊ​ക്കം വല്ലാതെ ബാധിച്ച ഒരു ഗ്രാമ​ത്തിൽ, ദുരി​ത​ബാ​ധി​തരെ സാക്ഷി​ക​ളു​ടെ ടീമുകൾ സഹായി​ക്കു​ന്നതു കണ്ടപ്പോൾ അവി​ടെ​യു​ണ്ടാ​യി​രുന്ന ചിലർ ദുരി​താ​ശ്വാ​സ​പ്ര​വർത്ത​ന​ങ്ങൾക്കു മുന്നോ​ട്ടു വന്നു. ടീമിനെ നയിച്ചി​രുന്ന വ്യക്തി​യു​ടെ നിർദേ​ശങ്ങൾ അവർ സന്തോ​ഷ​ത്തോ​ടെ പിൻപറ്റി.

ഒരാളു​ടെ വീടിനു കാര്യ​മായ കേടു​പാട്‌ സംഭവി​ച്ചു. അദ്ദേഹ​ത്തി​ന്റെ ഗ്യാ​രേജ്‌ ചെളി​കൊണ്ട്‌ മൂടി​പ്പോ​യി. ഗ്യാ​രേ​ജിൽനിന്ന്‌ അഴുക്കും ചെളി​യും മാറ്റാൻ എട്ടു സാക്ഷികൾ നാലു മണിക്കൂർ നിറു​ത്താ​തെ പണി​യെ​ടു​ത്തതു കണ്ട അദ്ദേഹ​ത്തിന്‌ അത്ഭുതം തോന്നി. വിലമ​തി​പ്പോ​ടെ അദ്ദേഹം ചിലരെ കെട്ടി​പ്പി​ടി​ച്ചു, അവരുടെ “വലിയ സഹായ​ത്തി​നു” നന്ദി പറഞ്ഞു​കൊണ്ട്‌ സമൂഹ​മാ​ധ്യ​മ​ങ്ങ​ളിൽ ഒരു സന്ദേശ​വും ഇട്ടു.

സാക്ഷി​ക​ളിൽ ഒരാൾ പറയുന്നു: “സാക്ഷി​ക​ള​ല്ലാത്ത അനേകം അയൽക്കാ​രെ ഞങ്ങൾ സഹായി​ച്ചു. അവരിൽ പലരും 90-നോട്‌ അടുത്ത്‌ പ്രായ​മു​ള്ള​വ​രാണ്‌. ഞങ്ങളോ​ടു നന്ദി പറഞ്ഞ​പ്പോൾ അവരിൽ പലരു​ടെ​യും കണ്ണുകൾ നിറഞ്ഞു.” അവിടത്തെ കത്തോ​ലിക്ക പള്ളിയിൽ സജീവ​മാ​യി​രുന്ന ഒരാൾ ഈ സഹായം എത്ര​ത്തോ​ളം വിലമ​തി​ക്കു​ന്നു​ണ്ടെന്നു പറഞ്ഞ​ശേഷം ഇങ്ങനെ കൂട്ടി​ച്ചേർത്തു: “നമ്മുടെ വിശ്വാ​സങ്ങൾ വ്യത്യ​സ്‌ത​മാ​ണെ​ങ്കി​ലും നമ്മൾ പരസ്‌പരം സഹായി​ച്ചു. അത്‌ കൊള്ളാം.” മറ്റൊ​രാൾ പറഞ്ഞു: “സഹായം നൽകു​ന്ന​വ​രാ​യി അറിയ​പ്പെ​ടു​ന്ന​തി​നു പകരം ഞായറാഴ്‌ച രാവി​ലെകളിൽ വീട്ടിൽ വന്നു മുട്ടു​ന്ന​വ​രാ​യി മാത്രം നിങ്ങൾ അറിയ​പ്പെ​ടു​ന്ന​തിൽ എനിക്കു വിഷമ​മുണ്ട്‌.”