മെക്‌സി​ക്കോ​യി​ലെ തബാസ്‌കോ​യിൽ ആത്മഹത്യാ​നി​രക്ക്‌ വർധി​ച്ചു​വ​ന്ന​പ്പോൾ യഹോ​വ​യു​ടെ സാക്ഷികൾ രണ്ടു മാസത്തെ ഒരു പ്രത്യേക പ്രചാ​ര​ണ​പ​രി​പാ​ടി സംഘടി​പ്പി​ച്ചു. അത്‌ 2017-ലായി​രു​ന്നു. “ഞാൻ എന്തിനു ജീവി​ക്കണം?​—ജീവി​ക്കാൻ മൂന്നു കാരണങ്ങൾ” എന്ന വിഷയ​ത്തി​ലുള്ള 2014 ജൂലൈ-സെപ്‌റ്റം​ബർ ഉണരുക! മാസിക വീണ്ടും അവർ പൊതു​ജ​ന​ത്തിന്‌ വിതരണം ചെയ്‌തു. ആ പ്രചാ​ര​ണ​പ​രി​പാ​ടി പലരും വിലമ​തി​പ്പോ​ടെ സ്വീക​രി​ച്ചു.

22 വയസ്സുള്ള മകനെ​ക്കു​റിച്ച്‌ ഓർത്ത്‌ വേവലാ​തി​പ്പെ​ട്ടി​രുന്ന ഒരു സ്‌ത്രീ​യോ​ടു യഹോ​വ​യു​ടെ സാക്ഷി​ക​ളിൽ ഒരാളായ ഫൗസ്റ്റി​നോ സംസാ​രി​ച്ചു. ആ സ്‌ത്രീ​യു​ടെ മകൻ വിഷാ​ദ​രോ​ഗി​യാ​യി​രു​ന്നു. ആത്മഹത്യ​യ്‌ക്കു ശ്രമി​ച്ചി​ട്ടു​മുണ്ട്‌. എന്തു ചെയ്യണ​മെന്ന്‌ ആ സ്‌ത്രീക്ക്‌ അറിയി​ല്ലാ​യി​രു​ന്നു. ഫൗസ്റ്റി​നോ മാസിക കൊടു​ത്ത​പ്പോൾ “ഇതായി​രു​ന്നു എന്റെ മോനു വേണ്ടത്‌” എന്ന്‌ ആ സ്‌ത്രീ പറഞ്ഞു. തൊട്ട​ടുത്ത ദിവസം ഫൗസ്റ്റി​നോ ആ സ്‌ത്രീ​യു​ടെ മകനെ കണ്ടു. എന്നിട്ട്‌ മാസി​ക​യി​ലുള്ള ബൈബിൾനിർദേശം അവനു​മാ​യി ചർച്ച ചെയ്‌തു. ഏതാനും ചില സന്ദർശ​നങ്ങൾ കഴിഞ്ഞ​പ്പോൾ ആ ചെറു​പ്പ​ക്കാ​രന്റെ മനോ​ഭാ​വ​ത്തി​നു നല്ല മാറ്റം വന്നു. “അവന്‌ ഇപ്പോൾ നല്ല സ്വസ്ഥത​യും സന്തോ​ഷ​വും ഉണ്ട്‌” എന്ന്‌ ഫൗസ്റ്റി​നോ പറയുന്നു. അതോ​ടൊ​പ്പം, പഠിക്കുന്ന കാര്യങ്ങൾ വിഷാ​ദ​രോ​ഗ​മുള്ള തന്റെ സഹോ​ദ​ര​നോ​ടും അവൻ പറയാ​റുണ്ട്‌.

ഹ്യുമാൻഗ്വി​ലോ നഗരത്തിൽ ജീവി​ക്കുന്ന കാർള സഹപാ​ഠി​യെ സഹായി​ക്കു​ന്ന​തി​നു​വേണ്ടി ഈ മാസിക ഉപയോ​ഗി​ച്ചു. കാർള പറയുന്നു: “എന്റെ ക്ലാസിലെ 14 വയസ്സുള്ള ഒരു പെൺകു​ട്ടി എപ്പോ​ഴും വിഷമി​ച്ചി​രി​ക്കു​ന്നതു ഞാൻ ശ്രദ്ധിച്ചു. കാര്യം തിരക്കി​യ​പ്പോൾ അവൾ വീട്ടിലെ സാഹച​ര്യ​ത്തെ​ക്കു​റിച്ച്‌ പറഞ്ഞു. അവളുടെ ഇടത്തെ കൈയി​ലെ മുറി​പ്പാ​ടു​കൾ എന്റെ ശ്രദ്ധയിൽപ്പെട്ടു.” സംസാ​രി​ച്ചു​വ​ന്ന​പ്പോ​ഴാണ്‌ അത്‌ അവളുടെ ശീലമാ​യി​രു​ന്നെന്നു കാർള​യ്‌ക്കു മനസ്സി​ലാ​യത്‌. തന്നെ കാണാൻ കൊള്ളി​ല്ലെ​ന്നും ജീവി​ത​ത്തിന്‌ ഒരു അർഥമി​ല്ലെ​ന്നും ആണ്‌ അവൾ ചിന്തി​ച്ചത്‌. കാർള അവൾക്ക്‌ ഉണരുക! മാസിക കൊടു​ത്തു. മാസിക വായിച്ച അവൾ അത്‌ തനിക്കു​വേ​ണ്ടി​ത്തന്നെ എഴുതി​യ​തു​പോ​ലെ​യു​ണ്ടെ​ന്നാ​ണു കാർള​യോ​ടു പറഞ്ഞത്‌. ജീവി​ത​ത്തിന്‌ ഒരു അർഥമു​ണ്ടെന്ന്‌ ഇപ്പോൾ വിശ്വ​സി​ക്കു​ന്ന​താ​യി ഒരു പുഞ്ചി​രി​യോ​ടെ അവൾ പറഞ്ഞു.

വില്ലാ​ഹെർമോ​സ നഗരത്തിൽ ഒരാൾ ആകെ നിരാ​ശ​യി​ലാ​യി​രു​ന്നു. അദ്ദേഹ​ത്തി​ന്റെ ജോലി​പോ​യി, മക്കളെ​യും അദ്ദേഹ​ത്തെ​യും ഉപേക്ഷിച്ച്‌ ഭാര്യ​യും പോയി. സഹായ​ത്തി​നാ​യി ദൈവ​ത്തോ​ടു പ്രാർഥി​ച്ചെ​ങ്കി​ലും നിരാശ മാറി​യില്ല. അദ്ദേഹം ആത്മഹത്യ ചെയ്യാൻ ഒരുങ്ങു​മ്പോൾ യഹോ​വ​യു​ടെ സാക്ഷി​ക​ളായ മാർട്ടി​നും മിഗ്വ​ലും വാതി​ലിൽ മുട്ടി. അദ്ദേഹം വാതിൽ തുറന്ന​പ്പോൾ അവർ ഉണരുക! മാസിക കൊടു​ത്തു. അതിന്റെ വിഷയം കണ്ടപ്പോൾ അത്‌ തന്റെ പ്രാർഥ​ന​യ്‌ക്കു ദൈവം തന്ന ഉത്തരമാ​ണെന്ന്‌ അദ്ദേഹ​ത്തി​നു തോന്നി. മാർട്ടി​നും മിഗ്വ​ലും അദ്ദേഹത്തെ ബൈബി​ളി​ലെ ആശ്വാസം നൽകുന്ന വചനങ്ങൾ കാണി​ച്ചു​കൊണ്ട്‌ സാന്ത്വ​ന​പ്പെ​ടു​ത്തി. അവർ കുറച്ച്‌ ദിവസം കഴിഞ്ഞ്‌ ചെന്ന​പ്പോൾ അദ്ദേഹത്തെ ശാന്തനും സന്തോ​ഷ​വാ​നും ആയി കണ്ടു. ഇപ്പോൾ അദ്ദേഹം ആഴ്‌ച​യിൽ രണ്ടു തവണ ബൈബിൾ പഠിക്കു​ന്നു.

ഈ പ്രചാ​ര​ണ​പ​രി​പാ​ടി​യു​ടെ ഭാഗമാ​യി യഹോ​വ​യു​ടെ സാക്ഷികൾ തബാസ്‌കോ​യി​ലെ പല ജയിലു​കൾ സന്ദർശി​ച്ചു. ജീവി​ത​ത്തി​ന്റെ ഉദ്ദേശ്യം കണ്ടെത്താൻ സഹായി​ക്കുന്ന ബൈബിൾനിർദേ​ശങ്ങൾ പങ്കു​വെ​ക്കുക എന്നതാ​യി​രു​ന്നു ലക്ഷ്യം. അതിനാ​യി സാക്ഷികൾ ഒരു അവതരണം തയ്യാറാ​ക്കി. അതിൽ വീഡി​യോ​ക​ളും ഒരു ബൈബിൾപ്ര​സം​ഗ​വും 2014 ജൂലൈ-സെപ്‌റ്റം​ബർ ഉണരുക! മാസി​ക​യിൽ പറഞ്ഞി​രി​ക്കുന്ന കാര്യ​ങ്ങളെ അടിസ്ഥാ​ന​മാ​ക്കി​യുള്ള ചർച്ചയും ഉണ്ടായി​രു​ന്നു. തടവു​കാ​രും ജയിൽ ഉദ്യോ​ഗ​സ്ഥ​രും ഈ സന്ദർശ​നത്തെ വിലമ​തി​ച്ചു. ഉദാഹ​ര​ണ​ത്തിന്‌, ഒരു തടവു​കാ​രൻ പറഞ്ഞത്‌ ഇങ്ങനെ​യാണ്‌: “ഞാൻ മൂന്നു വട്ടം ആത്മഹത്യ​ക്കു ശ്രമി​ച്ചി​ട്ടുണ്ട്‌. ദൈവ​ത്തിന്‌ എന്നെക്കു​റിച്ച്‌ ചിന്തയു​ണ്ടെന്നു ചിലർ എന്നോടു പറഞ്ഞി​ട്ടുണ്ട്‌. പക്ഷേ, അവർ പറയുന്ന കാര്യം സത്യമാ​ണെന്നു തെളി​യി​ക്കാൻ അവർ ആരും ബൈബിൾ ഉപയോ​ഗി​ച്ചി​ട്ടില്ല. എന്നാൽ നിങ്ങളു​ടെ വാക്കുകൾ എനിക്കു ശരിക്കും ഒരു പ്രോ​ത്സാ​ഹ​ന​മാ​യി​രു​ന്നു.”

ഈ പ്രചാ​ര​ണ​പ​രി​പാ​ടി ശ്രദ്ധ ആകർഷി​ച്ചു. സമൂഹത്തെ സഹായി​ക്കാ​നുള്ള സാക്ഷി​ക​ളു​ടെ ശ്രമങ്ങളെ സംസ്ഥാ​നത്തെ ആരോ​ഗ്യ​വ​കുപ്പ്‌ സെക്ര​ട്ടറി അഭിന​ന്ദി​ച്ചു. ഒരു പ്രാ​ദേ​ശി​ക​പ​ത്രം, “ആത്മഹത്യ​ക്കെ​തി​രെ പോരാ​ടാൻ അവർ പുറ​പ്പെട്ടു” എന്ന തലക്കെ​ട്ടിൽ പ്രചാ​ര​ണ​പ​രി​പാ​ടി​യെ​ക്കു​റിച്ച്‌ ഒരു ലേഖന​വും പ്രസി​ദ്ധീ​ക​രി​ച്ചു.