എല്ലാ വർഗക്കാ​രെ​യും ദൈവം ഒരു​പോ​ലെ കാണു​ന്നു​വെ​ന്നാണ്‌ യഹോ​വ​യു​ടെ സാക്ഷികൾ വിശ്വ​സി​ക്കു​ന്നത്‌. (പ്രവൃ​ത്തി​കൾ 10:34, 35) ആളുകളെ ബൈബിൾ പഠിപ്പി​ച്ചു​കൊണ്ട്‌, അവരുടെ ഉള്ളിൽ ആഴത്തിൽ വേരി​റ​ങ്ങി​യി​രി​ക്കു​ന്ന മുൻവി​ധി​കൾപോ​ലും പറി​ച്ചെ​റി​യാൻ ഞങ്ങൾ സഹായി​ക്കു​ന്നു.

കൂടാതെ, വർഗീ​യ​മോ വംശീ​യ​മോ ആയ വിദ്വേ​ഷ​ത്താൽ പ്രേരി​ത​മാ​യ ഒരു പ്രസ്ഥാ​ന​ത്തെ​യും ഞങ്ങൾ പിന്തു​ണ​യ്‌ക്കു​ന്നി​ല്ല. ഉദാഹ​ര​ണ​ത്തിന്‌, നാസി ഭരണകാ​ലത്ത്‌ ജർമനി​യി​ലും മറ്റിട​ങ്ങ​ളി​ലും വംശീ​യ​വി​ദ്വേ​ഷം ആളിക്ക​ത്തി​ക്കാൻ ഹിറ്റ്‌ലർ ശ്രമിച്ചു. എന്നാൽ അത്തരം പ്രവർത്ത​ന​ങ്ങ​ളെ പിന്തു​ണ​യ്‌ക്കാൻ യഹോ​വ​യു​ടെ സാക്ഷികൾ തയ്യാറാ​യി​ല്ല. അതിന്റെ പേരിൽ നൂറു​ക​ണ​ക്കി​നു സാക്ഷി​കൾക്ക്‌ സ്വന്തം ജീവൻ വില​കൊ​ടു​ക്കേ​ണ്ടി​വന്നു.

1994-ൽ റുവാ​ണ്ട​യിൽ വംശഹത്യ നടന്ന​പ്പോ​ഴും സാക്ഷികൾ അതിൽ പങ്കു​ചേർന്നി​ല്ല. വാസ്‌ത​വ​ത്തിൽ, സ്വന്തം ജീവൻപോ​ലും പണയം​വെ​ച്ചാണ്‌ ചിലർ ആ കൂട്ടക്കു​രു​തി​യിൽനിന്ന്‌ ആളുകളെ സംരക്ഷി​ച്ചത്‌. മറ്റു ചിലർക്കാ​ക​ട്ടെ, അതിന്റെ പേരിൽ ജീവൻ നഷ്ടപ്പെ​ടു​ക​യും ചെയ്‌തു.

എല്ലാത്തരം ആളുക​ളെ​യും സഹായി​ക്കാൻ ആഗ്രഹി​ക്കു​ന്ന​തു​കൊണ്ട്‌ ഞങ്ങൾ ഇപ്പോൾ 600-ലധികം ഭാഷക​ളിൽ ബൈബിൾപ്ര​സി​ദ്ധീ​ക​ര​ണങ്ങൾ തയ്യാറാ​ക്കി വിതരണം ചെയ്യുന്നു. അതു​കൊ​ണ്ടു​ത​ന്നെ, “സകല ജനതക​ളി​ലും ഗോ​ത്ര​ങ്ങ​ളി​ലും വംശങ്ങ​ളി​ലും ഭാഷക​ളി​ലും” നിന്നു​ള്ള​വർ ഞങ്ങളുടെ സഭകളി​ലുണ്ട്‌.—വെളി​പാട്‌ 7:9.