പ്രകൃതിക്കു ഹാനി വരുത്താത്ത, വൃത്തി​യും വെടി​പ്പും ഉള്ള സ്ഥാപന​ങ്ങൾക്കു ലഭിക്കുന്ന ക്ലീൻ എന്റർ​പ്രൈസ്‌ സർട്ടി​ഫി​ക്കറ്റ്‌, തുടർച്ച​യാ​യി ഏഴാം വർഷവും യഹോ​വ​യു​ടെ സാക്ഷി​ക​ളു​ടെ മെക്‌സി​ക്കോ​യി​ലെ അച്ചടി​ശാ​ല​യ്‌ക്കു ലഭിച്ചു.

2012 സെപ്‌റ്റം​ബർ 26-ന്‌ “പ്രകൃ​തി​യെ സംരക്ഷി​ക്കു​ന്ന​തി​നും പരിപാ​ലി​ക്കു​ന്ന​തി​നും (യഹോ​വ​യു​ടെ സാക്ഷികൾ) കാണി​ക്കു​ന്ന അർപ്പണ​മ​നോ​ഭാ​വ​ത്തെ” ആദരി​ച്ചു​കൊണ്ട്‌ മെക്‌സി​ക്കോ ഗവണ്മെന്റ്‌ യഹോ​വ​യു​ടെ സാക്ഷി​കൾക്ക്‌ ഒരു പ്രത്യേക പുരസ്‌കാ​രം നൽകി.

പരിസ്ഥിതിക്കു ദോഷം വരാത്ത രീതി​യിൽ വ്യവസാ​യ​ശാ​ല​കൾ വളർത്തി​ക്കൊ​ണ്ടു​വ​രാൻ സഹായി​ക്കു​ന്ന പരിപാ​ടി​യാ​ണു ക്ലീൻ എന്റർ​പ്രൈസ്‌ പദ്ധതി. യഹോ​വ​യു​ടെ സാക്ഷി​ക​ളു​ടെ സംഘടന ലാഭത്തി​നു​വേ​ണ്ടി പ്രവർത്തി​ക്കു​ന്ന ഒന്നല്ലെ​ങ്കി​ലും എല്ലാ വർഷവും അവർ ഈ പരിപാ​ടി​യിൽ പങ്കെടു​ക്കാ​റുണ്ട്‌. മെക്‌സി​ക്കോ​യി​ലെ അച്ചടി​ശാ​ല​യു​ടെ പ്രതി​നി​ധി പറയുന്നു: “ക്ലീൻ എന്റർ​പ്രൈസ്‌ സർട്ടി​ഫി​ക്കറ്റ്‌ ലഭിക്ക​ണ​മെ​ങ്കിൽ ഏഴു മേഖല​ക​ളിൽ പ്രാ​ദേ​ശി​ക പരിസ്ഥി​തി​ച്ച​ട്ട​ങ്ങൾ പാലി​ക്കു​ന്നു​ണ്ടെ​ന്നു തെളി​യി​ക്ക​ണം: വായു, വെള്ളം, നഗരമാ​ലി​ന്യ​ങ്ങൾ, അപകട​ക​ര​മാ​യ മാലി​ന്യ​ങ്ങൾ, സുരക്ഷ, വൈദ്യു​തി, പരിസ്ഥി​തി​സം​ര​ക്ഷ​ണ​ത്തി​നുള്ള പരിശീ​ല​നം എന്നിവ​യാണ്‌ അവ. വ്യവസാ​യ​ശാ​ല​കൾ ഈ പരിപാ​ടി​യിൽ പങ്കെടു​ക്ക​ണ​മെ​ന്നു നിർബ​ന്ധ​മി​ല്ല. എങ്കിലും ഞങ്ങൾ സ്വമേ​ധ​യാ അതിൽ ചേരുന്നു.”

ഭൂമിയുടെ അമൂല്യ​മാ​യ പരിസ്ഥി​തി കാത്തു​സം​ര​ക്ഷി​ക്കു​ന്ന​തിന്‌ ലോക​മെ​ങ്ങു​മു​ള്ള യഹോ​വ​യു​ടെ സാക്ഷികൾ തങ്ങളാ​ലാ​വു​ന്ന​തെ​ല്ലാം ചെയ്യുന്നു.