യു​ക്രെ​യി​നി​ലെ ലിവീ​വിന്‌ അടുത്തുള്ള ബ്രു​കോ​വി​ച്ചി കാട്‌ 2017 മെയ്‌ 6-ന്‌ വൃത്തി​യാ​ക്കി. ഏകദേശം 130-ഓളം യഹോ​വ​യു​ടെ സാക്ഷികൾ അതിൽ പങ്കെടു​ത്തു. ഈ കാടിന്‌ അടുത്താണ്‌ യഹോ​വ​യു​ടെ സാക്ഷി​ക​ളു​ടെ യു​ക്രെ​യിൻ ബ്രാ​ഞ്ചോ​ഫീസ്‌. അവിടെ താമസിച്ച്‌ ജോലി ചെയ്യുന്ന 22-നും 80-നും ഇടയിൽ പ്രായ​മുള്ള സന്നദ്ധ​സേ​വ​ക​രാണ്‌ ഇതിനാ​യി മുന്നോ​ട്ടു​വ​ന്നത്‌. അവർ വെറും മൂന്നു മണിക്കൂ​റി​നു​ള്ളിൽ 120 ഏക്കർ സ്ഥലം വൃത്തി​യാ​ക്കു​ക​യും 600 കിലോ​ഗ്രാ​മോ​ളം മാലി​ന്യം ശേഖരി​ക്കു​ക​യും ചെയ്‌തു.

ലിവീവ്‌ ഫോറസ്റ്റ്‌ ബ്രീഡിങ്‌ ആൻഡ്‌ ഡ്രില്ലിങ്‌ സെന്ററി​ലെ ഒരു എഞ്ചിനീ​യ​റായ മൈക്കാ​യി​ലോ സ്‌പ്ലവിൻസ്‌കി പറയുന്നു: “യഹോ​വ​യു​ടെ സാക്ഷി​ക​ളാ​യി​രു​ന്നു വാർഷിക വനശു​ചീ​ക​ര​ണ​ത്തി​നു സഹായി​ക്കാൻ ആദ്യം എത്തിയത്‌. 2014 മുതൽ എല്ലാ വർഷവും അവർ അങ്ങനെ ചെയ്‌തു​പോ​രു​ന്നു.”

സ്‌പ്ലവിൻസ്‌കി വിശദീ​ക​രി​ക്കു​ന്നു: “രണ്ടു വിധങ്ങ​ളി​ലാണ്‌ മാലി​ന്യ​ങ്ങൾ കാട്ടി​ലെ​ത്തു​ന്നത്‌. ഒന്നാമ​താ​യി, ചിലർ മാലി​ന്യ​ങ്ങൾ കാട്ടിൽ ഉപേക്ഷി​ച്ചിട്ട്‌ പോകു​ന്നു. രണ്ടാമ​താ​യി, കെട്ടി​ടാ​വ​ശി​ഷ്ട​ങ്ങ​ളും മറ്റു മാലി​ന്യ​ങ്ങ​ളും വലിയ ട്രക്കു​ക​ളിൽ കൊണ്ടു​വന്ന്‌ ഇവിടെ തട്ടുന്നു.”

ഇത്തരത്തി​ലു​ള്ള മാലി​ന്യ​ങ്ങൾ കാടിന്‌ വലിയ ദോഷം ചെയ്യും. സ്‌പ്ലവിൻസ്‌കി പറയുന്നു: “മാലി​ന്യ​ങ്ങൾ കാലങ്ങൾകൊണ്ട്‌ അഴുകു​ക​യോ ദ്രവി​ക്കു​ക​യോ ചെയ്യും. അത്‌ ഭൂഗർഭ​ജലം മലിന​മാ​ക്കു​ക​യും പരിസ്ഥി​തി​പ്ര​ശ്‌ന​ങ്ങൾക്കു കാരണ​മാ​കു​ക​യും ചെയ്യും.” വലി​ച്ചെ​റി​യുന്ന ചില്ലു​ക​ഷ​ണങ്ങൾ സൂര്യ​ര​ശ്‌മി​ക​ളു​ടെ തീവ്രത കൂട്ടി, കാട്ടു​തീ​ക്കു കാരണ​മാ​യേ​ക്കാം. കുപ്പി​ച്ചി​ല്ലു​ക​ളും ഉപയോ​ഗ​ശൂ​ന്യ​മായ സിറി​ഞ്ചു​ക​ളും അപകട​ക​ര​മാണ്‌, പ്രത്യേ​കിച്ച്‌ ചെറിയ കുട്ടി​കൾക്ക്‌. അദ്ദേഹം പറയുന്നു: “മാലി​ന്യ​ങ്ങൾ നീക്കം ചെയ്‌തു​കൊണ്ട്‌ ഈ പ്രശ്‌ന​ങ്ങ​ളെ​ല്ലാം പരിഹ​രി​ക്കാൻ കഴിയും.”

8,100 ഏക്കർ വരുന്ന ഈ കാടു വൃത്തി​യാ​ക്കു​ന്നത്‌ അത്ര എളുപ്പമല്ല. “ഇവിടെ അഞ്ചു വനസം​ര​ക്ഷ​കരേ ഉള്ളൂ. ഞങ്ങളുടെ ശ്രമം​കൊ​ണ്ടു മാത്രം അതു വൃത്തി​യാ​ക്കാൻ കഴിയില്ല. അതു​കൊണ്ട്‌, വർഷത്തി​ലൊ​രി​ക്കൽ വനശു​ചീ​ക​ര​ണ​ത്തിൽ പങ്കെടു​ക്കാൻ പൊതു​ജ​ന​ങ്ങളെ ക്ഷണിക്കു​ന്നു.”

കുപ്പി, പാട്ട, പേപ്പർ, പ്ലാസ്റ്റിക്ക്‌, ഗ്ലാസ്‌, ഉപയോ​ഗ​ശൂ​ന്യ​മായ സിറിഞ്ച്‌, കാറിന്റെ ടയർ എന്നിവ കൈയു​റ​യും പ്ലാസ്റ്റിക്ക്‌ കൂടു​ക​ളും വാരു​കോ​ലു​ക​ളും ആയി വന്ന സാക്ഷികൾ ശേഖരി​ച്ചു. എന്തായി​രു​ന്നു ഫലം? അവിടത്തെ വനപരി​പാ​ല​ക​നായ ഈഹോർ ഫെഡക്ക്‌ അതെക്കു​റിച്ച്‌ പറയുന്നു: “യഹോ​വ​യു​ടെ സാക്ഷി​കൾക്കു കൊടുത്ത സ്ഥലം ഇപ്പോൾ വളരെ വൃത്തി​യാണ്‌.”

മാലി​ന്യ​ങ്ങൾ സംസ്‌ക​രിച്ച്‌ വീണ്ടും ഉപയോ​ഗി​ക്കു​ന്നത്‌ എളുപ്പ​മാ​ക്കു​ന്ന​തി​നു സന്നദ്ധ​സേ​വകർ പേപ്പർ, പ്ലാസ്റ്റിക്ക്‌, ഗ്ലാസ്‌ എന്നിങ്ങനെ അവയെ തരം തിരി​ക്കു​ന്നു, നിയമ​പ്ര​കാ​രം അത്‌ ആവശ്യ​മി​ല്ലെ​ങ്കി​ലും. എന്നിട്ട്‌ ഇവ ഒരു മാലി​ന്യ​സം​സ്‌കരണ കമ്പനിക്കു കൈമാ​റു​ന്നു. 2016 മുതൽ സാക്ഷികൾ ശേഖരി​ക്കുന്ന മാലി​ന്യ​ങ്ങ​ളു​ടെ സംസ്‌ക​ര​ണ​ച്ചെ​ലവ്‌ അവർത​ന്നെ​യാ​ണു വഹിക്കു​ന്നത്‌. ഫെഡക്ക്‌ പറയുന്നു: “ഞങ്ങളെ സഹായി​ച്ച​തിന്‌ യഹോ​വ​യു​ടെ സാക്ഷി​ക​ളോ​ടു ഞാൻ നന്ദി പറയുന്നു. അവർ ഞങ്ങളെ ഒരുപാ​ടു സഹായി​ക്കു​ന്നുണ്ട്‌.”

ഈ വാർഷി​ക​ശു​ചീ​കരണ വേല സാക്ഷികൾ ആസ്വദി​ക്കു​ന്നു. സമൂഹ​ത്തി​ന്റെ നന്മയ്‌ക്കും കാടിന്റെ സുസ്ഥി​തി​ക്കും വേണ്ടി പ്രവർത്തി​ക്കാൻ അവർക്കു സന്തോ​ഷമേ ഉള്ളൂ. ഫോക്കർ അവരുടെ ഒരു പൊതു​വായ ചിന്ത പ്രകടി​പ്പി​ച്ചത്‌ ഇങ്ങനെ​യാണ്‌: “വൃത്തി​യാ​ക്കൽ അത്ര കുറച്ചി​ലുള്ള പണി​യൊ​ന്നു​മല്ല. മറ്റുള്ള​വർക്കു​വേണ്ടി എന്തെങ്കി​ലും ചെയ്യു​ന്നത്‌ ഒരു നല്ല കാര്യ​മാണ്‌. അത്‌ എനിക്ക്‌ സംതൃ​പ്‌തി നൽകുന്നു.”

അൻഴെ​ലി​ക്ക ഇങ്ങനെ കൂട്ടി​ച്ചേർക്കു​ന്നു: “മാലി​ന്യം ആര്‌ ഇട്ടു എന്നല്ല, അതു നീക്കാൻ എനിക്ക്‌ എന്തു ചെയ്യാ​നാ​കും എന്നാണു ഞാൻ നോക്കു​ന്നത്‌.” 78 വയസ്സുള്ള ലോയ​സും ഈ ശുചീ​ക​ര​ണ​പ​രി​പാ​ടി​യിൽ പങ്കെടു​ത്തു. ലോയസ്‌ പറയുന്നു: “നടന്നു​പോ​കു​മ്പോൾ മാലി​ന്യം കണ്ടാൽ അസ്വസ്ഥ​രാ​കു​ന്ന​തി​നു പകരം അത്‌ എടുത്ത്‌ കളയു​ന്ന​താ​യി​രി​ക്കും നല്ലത്‌.”

വെസ്‌ലാവ്‌ പറയുന്നു: “സാധാരണ ഞങ്ങൾ നന്നായി ഒരുങ്ങി ടൈയും കെട്ടി ഞങ്ങളുടെ വിശ്വാ​സ​ത്തെ​ക്കു​റിച്ച്‌ മറ്റുള്ള​വ​രോ​ടു പറയാൻ പോകു​ന്ന​താണ്‌ ആളുകൾ കാണു​ന്നത്‌. കൈ തെറു​ത്തു​ക​യറ്റി ഒരു കാടു വൃത്തി​യാ​ക്കാ​നും നാടിനു ഗുണം ചെയ്യുന്ന മറ്റു കാര്യങ്ങൾ ചെയ്യാ​നും ഞങ്ങൾ തയ്യാറാണ്‌.”