ടൂർ ഡി ഫ്രാൻസ്‌ എന്നത്‌ ലോക​പ്ര​ശ​സ്‌ത​മാ​യ ഒരു സൈക്ലിങ്‌ മത്സരമാണ്‌. 2016 ജൂലൈ 2 മുതൽ 24 വരെയുള്ള തീയതി​ക​ളി​ലാണ്‌ അതിന്റെ നൂറ്റി​മൂ​ന്നാ​മ​ത്തെ മത്സരം നടന്നത്‌. ഫ്രാൻസിൽ അപ്പോൾ ഒരു പ്രക്ഷു​ബ്ധ​മാ​യ സാഹച​ര്യ​മാ​യി​രു​ന്നു. കാരണം മുൻവർഷം അവിടെ നടന്ന വ്യത്യ​സ്‌ത ഭീകരാ​ക്ര​മ​ണ​ങ്ങ​ളിൽ ഏതാണ്ട്‌ 100-ലധികം ആളുകൾ കൊല്ല​പ്പെ​ട്ടി​രു​ന്നു. കൂടാതെ, 2016 ജൂലൈ 14-ലെ ഒരു പൊതു അവധി ദിവസം നൈസ്‌ നഗരത്തിൽ കരിമ​രു​ന്നു പ്രയോ​ഗം കണ്ടു​കൊ​ണ്ടി​രു​ന്ന ജനക്കൂ​ട്ട​ത്തി​നി​ട​യി​ലേക്ക്‌ ഒരു ഭീകരൻ ട്രക്ക്‌ ഓടിച്ചു കയറ്റി. ആ ആക്രമ​ണ​ത്തിൽ 86 പേർ കൊല്ല​പ്പെ​ട്ടു. നിരവധി പേർക്കു പരി​ക്കേ​റ്റു.

ഭയവും നിരാ​ശ​യും കൊണ്ട്‌ മനസ്സു തകർന്ന ഫ്രാൻസി​ലെ ജനങ്ങൾക്ക്‌ പ്രത്യാ​ശ​യും ആശ്വാ​സ​വും പകരാൻ യഹോ​വ​യു​ടെ സാക്ഷികൾ ഈ അവസരം നന്നായി ഉപയോ​ഗി​ച്ചു. സൈക്ലിങ്‌ മത്സരം കടന്നു​പോ​കു​ന്ന വ്യത്യ​സ്‌ത സ്ഥലങ്ങളിൽ യഹോ​വ​യു​ടെ സാക്ഷികൾ, പ്രസി​ദ്ധീ​ക​ര​ണ​ങ്ങൾ പ്രദർശി​പ്പി​ക്കു​ന്ന കാർട്ടു​കൾ വെച്ചു. ആ പരിപാ​ടി​യിൽ 1,400-ലധികം യഹോ​വ​യു​ടെ സാക്ഷികൾ പങ്കെടു​ത്തു. ജീവി​ത​ത്തി​ലെ ചില സുപ്ര​ധാ​ന​ചോ​ദ്യ​ങ്ങൾക്ക്‌ ഉത്തരം അറിയാൻ ആഗ്രഹി​ക്കു​ന്ന ആളുകൾക്ക്‌ 2,000-ത്തിലധി​കം ബൈബിൾ പ്രസി​ദ്ധീ​ക​ര​ണ​ങ്ങൾ വിതരണം ചെയ്യാൻ അവർക്കു കഴിഞ്ഞു.

സൈക്ലിങ്‌ മത്സരത്തിൽ പങ്കെടു​ത്ത​വ​രെ അനുഗ​മി​ച്ച അവരുടെ ആരാധകർ നഗരത്തിൽ പലയി​ട​ത്തും യഹോ​വ​യു​ടെ സാക്ഷി​ക​ളെ കണ്ട്‌ അതിശ​യി​ച്ചു. മത്സരത്തി​ന്റെ സംഘാ​ട​ക​രിൽ പലരും യഹോ​വ​യു​ടെ സാക്ഷി​ക​ളു​ടെ ക്രമീ​കൃ​ത​മാ​യ പ്രവർത്ത​ന​ങ്ങ​ളെ പലതവണ അഭിന​ന്ദി​ച്ചു. അവർ ഇങ്ങനെ പറഞ്ഞു: “സൈക്ലിങ്‌ മത്സരം കടന്നു​പോ​കു​ന്ന എല്ലായി​ട​ത്തും നിങ്ങളു​ണ്ട​ല്ലോ!” പല സൈക്ലിങ്‌ പ്രേമി​ക​ളും “യഹോ​വ​യു​ടെ സാക്ഷികൾ ഇവി​ടെ​യും ഉണ്ട്‌!” എന്നു പറയു​ന്നു​ണ്ടാ​യി​രു​ന്നു. മത്സരം തുടങ്ങി കുറച്ച്‌ ദിവസങ്ങൾ കഴിഞ്ഞ​പ്പോൾ ഒരു ബസ്‌ ഡ്രൈവർ അദ്ദേഹ​ത്തി​നു കൊടുത്ത ലഘുലേഖ വിനയ​പൂർവം നിരസി​ച്ചു. എന്നിട്ട്‌ നാലു ലഘുലേഖ ഇപ്പോൾത്ത​ന്നെ കിട്ടി​യെ​ന്നു പറഞ്ഞു!

യഹോ​വ​യു​ടെ സാക്ഷി​ക​ളെ സ്ഥിരമാ​യി കാണാൻ തുടങ്ങി​യ​തു​കൊണ്ട്‌ ചില ആളുകൾക്ക്‌ ആകാംക്ഷ തോന്നി കാർട്ടി​ന്റെ അടുത്തു​വന്ന്‌ പ്രസി​ദ്ധീ​ക​ര​ണ​ങ്ങൾ എടുത്തു. ഒരു ടെലി​വി​ഷൻ സ്‌പോർട്‌സ്‌ ചാനലി​ലെ ജോലി​ക്കാ​രൻ തലേ വർഷവും അതേ സൈക്ലിങ്‌ മത്സരത്തിൽ യഹോ​വ​യു​ടെ സാക്ഷി​ക​ളെ കണ്ടത്‌ ഓർത്തു. എന്തായാ​ലും ഈ വർഷം കാർട്ടിന്‌ അടുത്ത്‌ പോക​ണ​മെന്ന്‌ അദ്ദേഹം തീരു​മാ​നി​ച്ചു. അവിടെ എത്തിയ അദ്ദേഹം കുടും​ബ​സ​ന്തു​ഷ്ടി​യു​ടെ രഹസ്യം എന്ന പുസ്‌ത​ക​മാണ്‌ തിര​ഞ്ഞെ​ടു​ത്തത്‌. കാരണം അതിലെ ഒരു വിഷയം അദ്ദേഹ​ത്തി​നു വേണ്ടതാ​യി​രു​ന്നു. തന്റെ വണ്ടിയി​ലി​രുന്ന്‌ അതിന്റെ കുറെ ഭാഗം വായിച്ച അദ്ദേഹം സഹപ്ര​വർത്ത​ക​രോട്‌ പ്രസി​ദ്ധീ​ക​ര​ണ​ങ്ങൾ പ്രദർശി​പ്പി​ച്ചി​രി​ക്കുന്ന കാർട്ടി​നെ​ക്കു​റിച്ച്‌ പറഞ്ഞു. അവരും വ്യത്യ​സ്‌ത​വി​ഷ​യ​ങ്ങ​ളി​ലുള്ള പ്രസി​ദ്ധീ​ക​ര​ണ​ങ്ങൾ എടുത്തു.

ചില ആളുകൾ യഹോ​വ​യു​ടെ സാക്ഷി​ക​ളെ അന്വേ​ഷിച്ച്‌ കണ്ടുപി​ടിച്ച്‌ അവരോ​ടു മനസ്സു തുറന്നു. പ്രതീക്ഷ നശിച്ച ഒരു ചെറു​പ്പ​ക്കാ​രി അന്നേ ദിവസം ഒരു ട്രെയി​നി​നു മുന്നിൽ ചാടി ആത്മഹത്യ ചെയ്യാൻ തീരു​മാ​നി​ച്ചി​രി​ക്കു​ക​യാ​യി​രു​ന്നു. എന്നാൽ ദൈവ​ത്തി​ന്റെ രാജ്യ​ത്തി​ലൂ​ടെ കൈവ​രാൻ പോകുന്ന സമാധാ​നം നിറഞ്ഞ ഭാവി​യെ​ക്കു​റി​ച്ചു​ള്ള ബൈബി​ളി​ന്റെ സന്ദേശം കേട്ട അവൾക്ക്‌ പ്രത്യാ​ശ​യും ആശ്വാ​സ​വും തോന്നി. ജീവിതം അവസാ​നി​പ്പി​ക്കേ​ണ്ടെന്ന്‌ അവൾ തീരു​മാ​നി​ച്ചു. മറ്റൊരു സ്‌ത്രീ യഹോ​വ​യു​ടെ സാക്ഷി​ക​ളോ​ടു പറഞ്ഞു: “നിങ്ങളു​ടെ ഈ നല്ല പ്രവർത്ത​നം തുടരുക!”

ഊന്നു​വ​ടി​യു​ടെ സഹായ​ത്തോ​ടെ നടക്കുന്ന ഒരാളെ ഒരു സഹോ​ദ​രി കണ്ടു. പരിച​യ​മി​ല്ലാ​ത്ത ആളുകളെ വിശ്വ​സി​ക്കാൻ അയാൾക്ക്‌ ഭയമാ​യി​രു​ന്നു. എന്നാൽ യഹോ​വ​യു​ടെ സാക്ഷി​യാ​ണെന്ന്‌ മനസ്സി​ലാ​ക്കി​യ ആ സഹോ​ദ​രി​യിൽനിന്ന്‌ അദ്ദേഹം സഹായം സ്വീക​രി​ച്ചു. അവർ നന്നായി വസ്‌ത്രം ധരിച്ചി​രു​ന്നത്‌ ശ്രദ്ധി​ച്ചിട്ട്‌ അദ്ദേഹം ഇങ്ങനെ പറഞ്ഞു: “നിങ്ങളു​ടെ പുഞ്ചി​രി​ക്കും നല്ല വസ്‌ത്ര​ധാ​ര​ണ​ത്തി​നും നന്ദി. എനിക്ക്‌ നിങ്ങളെ വിശ്വ​സി​ക്കാൻ തോന്നി.”