മുമ്പ​ത്തെ​ക്കാ​ളു​മ​ധി​കം ഇന്ന്‌ യഹോ​വ​യു​ടെ സാക്ഷി​കൾക്ക്‌ ആത്മീയാ​ഹാ​രം ഡിജിറ്റൽ രൂപത്തി​ലാണ്‌ കിട്ടു​ന്നത്‌. പക്ഷേ ലോക​ത്തി​ന്റെ പല ഭാഗങ്ങ​ളി​ലു​മുള്ള നമ്മുടെ സഹോ​ദ​ര​ങ്ങൾക്ക്‌ ഇന്റർനെറ്റ്‌ കണക്ഷ​നെ​ടു​ക്കാ​നുള്ള സാമ്പത്തി​ക​ശേഷി ഇല്ല. ചില സ്ഥലങ്ങളിൽ കണക്ഷൻ കൂടെ​ക്കൂ​ടെ കട്ടായി​പ്പോ​കും. ഇനി മറ്റു ചില സ്ഥലങ്ങളിൽ നെറ്റിന്‌ സ്‌പീഡ്‌ കുറവാണ്‌, വേറെ ചിലയി​ട​ത്താ​ണെ​ങ്കിൽ ഇന്റർനെറ്റേ ഇല്ല.

 എങ്കിലും നമ്മുടെ ധാരാളം സഹോ​ദ​രീ​സ​ഹോ​ദ​ര​ന്മാർ ഇപ്പോൾ ഇന്റർനെറ്റ്‌ കണക്ഷൻ ഇല്ലാ​തെ​തന്നെ ഡിജിറ്റൽ രൂപത്തി​ലുള്ള പ്രസി​ദ്ധീ​ക​ര​ണങ്ങൾ ഡൗൺലോഡ്‌ ചെയ്യു​ന്നുണ്ട്‌. അത്‌ എങ്ങനെ​യാണ്‌?

 ഇന്റർനെറ്റ്‌ സൗകര്യം കുറവുള്ള സഭകൾക്കു​വേണ്ടി JW ബോക്‌സ്‌ എന്ന ഒരു ചെറിയ ഉപകരണം തയ്യാറാ​ക്കി​യി​രി​ക്കു​ന്നു. അതിൽ മറ്റ്‌ ഇല​ക്ട്രോ​ണിക്‌ ഉപകര​ണ​ങ്ങ​ളു​മാ​യി കണക്ട്‌ ചെയ്യാൻ സഹായി​ക്കുന്ന ഒരു റൗട്ടറും നമ്മുടെ ബഥേലി​ലെ കമ്പ്യൂട്ടർ ഡിപ്പാർട്ടു​മെന്റ്‌ വികസി​പ്പി​ച്ചെ​ടുത്ത ഒരു സോഫ്‌റ്റ്‌വെ​യ​റും ഉണ്ട്‌. കൂടാതെ jw.org-ൽ ലഭ്യമാ​യി​രി​ക്കുന്ന വീഡി​യോ​ക​ളും ഡിജിറ്റൽ രൂപത്തി​ലുള്ള പ്രസി​ദ്ധീ​ക​ര​ണ​ങ്ങ​ളും അതോ​ടൊ​പ്പ​മുണ്ട്‌. ഓരോ ബോക്‌സി​നും ഏകദേശം 5,500 രൂപ ചെലവ്‌ വരും.

 രാജ്യ​ഹാ​ളി​ലാ​യി​രി​ക്കു​മ്പോൾ സഹോ​ദ​രങ്ങൾ JW ബോക്‌സു​മാ​യി അവരുടെ ഫോണോ ടാബോ കണക്ട്‌ ചെയ്യും. എന്നിട്ട്‌ അതിൽനിന്ന്‌ നമ്മുടെ പ്രസി​ദ്ധീ​ക​ര​ണ​ങ്ങ​ളും വീഡി​യോ​ക​ളും ഡൗൺലോഡ്‌ ചെയ്യും. ഇത്‌ ഉപയോ​ഗി​ക്കാൻ സഹോ​ദ​ര​ങ്ങൾക്ക്‌ പുതിയ സംവി​ധാ​ന​ങ്ങ​ളുള്ള ഫോൺ വേണ​മെ​ന്നില്ല. ഇന്റർനെറ്റ്‌ കണക്ഷൻ ഇല്ലാതെ JW ബോക്‌സി​ലൂ​ടെ സഹോ​ദ​ര​ങ്ങൾക്ക്‌ പുതിയ പ്രസി​ദ്ധീ​ക​ര​ണങ്ങൾ കിട്ടു​ന്നത്‌ എങ്ങനെയാണ്‌? jw.org-ൽ വരുന്ന പുതിയ വിവരങ്ങൾ കോപ്പി ചെയ്‌ത പെൻ​ഡ്രൈവ്‌, ബ്രാഞ്ച്‌ സഭകൾക്ക്‌ അയച്ചു​കൊ​ടു​ക്കും. സഹോ​ദ​രങ്ങൾ ഈ പെൻ​ഡ്രൈവ്‌ JW ബോക്‌സു​മാ​യി കണക്ട്‌ ചെയ്‌ത്‌ പ്രസി​ദ്ധീ​ക​ര​ണങ്ങൾ ഡൗൺലോഡ്‌ ചെയ്യും. ഇങ്ങനെ​യൊ​രു പെൻ​ഡ്രൈ​വിന്‌ ഏകദേശം 300 രൂപ ചെലവ്‌ വരും.

 JW ബോക്‌സിൽനിന്ന്‌ സഹോ​ദ​രങ്ങൾ എങ്ങനെ പ്രയോ​ജനം നേടി? കോം​ഗോ​യിൽനി​ന്നുള്ള നേഥൻ അഡ്രു​വാൻഡ്ര പറയുന്നു: “‘യഹോവേ, . . . നിന്നിൽ ഞാൻ ആശ്രയി​ക്കു​ന്നു,’ ലോത്തി​ന്റെ ഭാര്യയെ ഓർത്തു​കൊ​ള്ളുക എന്നീ നാടകങ്ങൾ ഡൗൺലോഡ്‌ ചെയ്യാൻ ഒരുപാട്‌ ശ്രമി​ച്ചി​ട്ടും പറ്റിയില്ല. എനിക്ക്‌ ആകെ വിഷമം തോന്നി. ഇപ്പോൾ ഈ വീഡി​യോ​കൾ എന്റെ ഫോണിൽ ഡൗൺലോഡ്‌ ചെയ്യാൻ പറ്റുന്നുണ്ട്‌. മാതാ​പി​താ​ക്ക​ളായ ഞങ്ങൾക്ക്‌ കുട്ടി​കളെ നന്നായി പഠിപ്പി​ക്കാൻ ഇതൊരു സഹായ​മാണ്‌.”

 നൈജീ​രി​യ​യി​ലെ സഭകളിൽ JW ബോക്‌സ്‌ സെറ്റ്‌ ചെയ്യാൻ സഹായി​ക്കുന്ന ഒരു സഹോ​ദരൻ പറയുന്നു: “യഹോ​വ​യിൽനി​ന്നുള്ള ഒരു പ്രത്യേ​ക​സ​മ്മാ​ന​മാ​യി​ട്ടാണ്‌ സഹോ​ദ​രങ്ങൾ JW ബോക്‌സി​നെ കാണു​ന്നത്‌. പഠിപ്പി​ക്കാ​നുള്ള ഉപകര​ണ​ങ്ങ​ളിൽനിന്ന്‌ പ്രസി​ദ്ധീ​ക​ര​ണ​ങ്ങ​ളും വീഡി​യോ​ക​ളും എളുപ്പ​ത്തിൽ ഡൗൺലോഡ്‌ ചെയ്യാൻ കഴിയു​ന്ന​തു​കൊണ്ട്‌ അവരെ​ല്ലാം നല്ല ആവേശ​ത്തി​ലാണ്‌.”

 1700-ലധികം JW ബോക്‌സു​ക​ളാണ്‌ ഇതി​നോ​ടകം ആഫ്രി​ക്ക​യി​ലേ​ക്കും ഒഷ്യാ​നി​യ​യി​ലേ​ക്കും തെക്കേ അമേരി​ക്ക​യി​ലേ​ക്കും അയച്ചി​ട്ടു​ള്ളത്‌. ഇനി കൂടുതൽ സഭകളി​ലേക്ക്‌ ഈ ബോക്‌സു​കൾ അയയ്‌ക്കാ​നുള്ള തയ്യാ​റെ​ടു​പ്പി​ലാണ്‌ നമ്മൾ. ഇതി​നെ​ല്ലാ​മുള്ള പണം എങ്ങനെ​യാണ്‌ കണ്ടെത്തു​ന്നത്‌? ലോക​വ്യാ​പ​ക​വേ​ല​യ്‌ക്കുള്ള സംഭാ​വ​ന​ക​ളിൽനിന്ന്‌. അതിൽ നല്ലൊരു പങ്കും jw.org-ലൂടെയാണ്‌ കിട്ടു​ന്നത്‌. നിങ്ങളു​ടെ അകമഴിഞ്ഞ പിന്തു​ണ​യ്‌ക്കു വളരെ നന്ദി.