ഒറ്റപ്പെടലിനെ കീഴടക്കാം, സൗഹൃദത്തിലൂടെ—ബൈബിൾ നൽകുന്ന സഹായം
ഒറ്റപ്പെടൽ എന്നത് ഗുരുതരമായ ഒരു ആഗോള ആരോഗ്യഭീഷണിയായി മാറിയിരിക്കുന്നു എന്ന് 2023-ൽ ആരോഗ്യവിദഗ്ധർ കണ്ടെത്തി. ഇതിനൊരു പരിഹാരമുണ്ടോ?
“ഒറ്റപ്പെടലും ഏകാന്തതയും നമ്മുടെ ആരോഗ്യത്തെയും സന്തോഷത്തെയും വളരെ മോശമായി ബാധിച്ചേക്കാം,” എന്ന് യു.എസ്. സർജൻ ജനറലായ ഡോ. വിവേക് മൂർത്തി പറയുന്നു. അദ്ദേഹം ഇങ്ങനെയും പറഞ്ഞു: “അത് പരിഹരിക്കാൻ നമുക്ക് ചിലത് ചെയ്യാനാകും.” എന്താണ് അത്? “നമ്മുടെ സൗഹൃദങ്ങൾ ശക്തമാക്കാൻ സഹായിക്കുന്ന ചെറിയചെറിയ കാര്യങ്ങൾ എല്ലാ ദിവസവും ചെയ്തുകൊണ്ട്.” a
ഒറ്റയ്ക്ക് ഇരിക്കുമ്പോൾ മാത്രമല്ല ഒരാൾക്ക് ഒറ്റപ്പെടൽ തോന്നുന്നത്. ചിലർക്ക് ഒരു കൂട്ടത്തിനിടയിൽ ആയിരിക്കുമ്പോഴും ഒറ്റപ്പെടൽ തോന്നാം. കാരണം എന്താണെങ്കിലും, ബൈബിളിന് സഹായിക്കാനാകും. സൗഹൃദം ശക്തമാക്കാൻ സഹായിക്കുന്ന നല്ല നിർദേശങ്ങൾ ബൈബിളിലുണ്ട്. അത് ഒറ്റപ്പെടൽ തോന്നുന്നത് കുറയ്ക്കാൻ സഹായിച്ചേക്കും.
സഹായകമായ ബൈബിൾതത്ത്വങ്ങൾ
നന്നായി ആശയവിനിമയം ചെയ്യുന്ന ഒരാളാകുക. നമ്മുടെ ഉള്ളിലുള്ളത് മറ്റുള്ളവരോട് പറയുന്നത് മാത്രമല്ല, മറ്റൊരാൾ സംസാരിക്കുമ്പോൾ ശ്രദ്ധിച്ച് കേൾക്കുന്നതും ഇതിൽ ഉൾപ്പെടുന്നു. നിങ്ങൾ മറ്റുള്ളവരുടെ കാര്യത്തിൽ എത്ര താത്പര്യം കാണിക്കുന്നോ, അത്ര ശക്തമായിരിക്കും നിങ്ങളുടെ ബന്ധങ്ങൾ.
ബൈബിൾതത്ത്വം: “നിങ്ങൾ സ്വന്തം താത്പര്യം മാത്രം നോക്കാതെ മറ്റുള്ളവരുടെ താത്പര്യവുംകൂടെ നോക്കണം.”—ഫിലിപ്പിയർ 2:4.
നിങ്ങളുടെ സുഹൃദ്വലയം വലുതാക്കുക. നിങ്ങളേക്കാൾ പ്രായം കുറഞ്ഞവരെയും കൂടിയവരെയും സുഹൃത്തുക്കളാക്കാൻ മനസ്സുണ്ടായിരിക്കുക. അതുപോലെ മറ്റു പശ്ചാത്തലത്തിൽനിന്നോ രാജ്യത്തിൽനിന്നോ ഉള്ളവരെയും കൂട്ടുകാരാക്കാം.
ബൈബിൾതത്ത്വം: “ഹൃദയം വിശാലമായി തുറക്കണം.”—2 കൊരിന്ത്യർ 6:13.
ശക്തമായ സൗഹൃദങ്ങൾ വളർത്താൻ മറ്റെന്തെല്ലാം ചെയ്യാം എന്ന് അറിയാൻ, “സൗഹൃദത്തിനായുള്ള വാഞ്ഛ തൃപ്തിപ്പെടുത്തൽ” എന്ന ലേഖനം വായിക്കുക.
a പടർന്നുപിടിക്കുന്ന ഏകാന്തതയും ഒറ്റപ്പെടലും: സാമൂഹിക ബന്ധത്തിന്റെയും സമൂഹത്തിന്റെയും പ്രയോജനങ്ങളെക്കുറിച്ചുള്ള യു.എസ്. സർജൻ ജനറലിന്റെ ഔദ്യോഗിക മുന്നറിയിപ്പ്, 2023.