206 ദേശങ്ങ​ളിൽനി​ന്നുള്ള കായി​ക​താ​രങ്ങൾ പങ്കെടു​ക്കുന്ന, 2024-ലെ സമ്മർ ഒളിമ്പി​ക്‌സ്‌ 500 കോടി​യോ​ളം ആളുകൾ കാണു​മെന്നു കണക്കാ​ക്ക​പ്പെ​ടു​ന്നു. അന്താരാ​ഷ്ട്ര ഒളിമ്പി​ക്‌സ്‌ കമ്മിറ്റി പ്രസി​ഡ​ന്റായ തോമസ്‌ ബാക്‌ ഇങ്ങനെ പറഞ്ഞു: “ലോകത്തെ മുഴുവൻ സമാധാ​ന​ത്തിൽ ഒന്നിപ്പി​ക്കുന്ന ഒരു ബൃഹത്തായ പരിപാ​ടി​യു​ടെ ഭാഗമാണ്‌ നമ്മൾ.” അദ്ദേഹം തുടർന്ന്‌ പറഞ്ഞു: “അനേകം വ്യത്യ​സ്‌ത​തകൾ ഉണ്ടെങ്കി​ലും മുഴു​മ​നു​ഷ്യ​രാ​ശി​യെ​യും ഐക്യ​ത്തി​ലും സമാധാ​ന​ത്തി​ലും ഒന്നിപ്പി​ക്കുക എന്നതാണ്‌ ഒളിമ്പി​ക്‌സി​ന്റെ ഉദ്ദേശ്യം. അതിനു​വേണ്ടി നമുക്കു കൈ​കോർക്കാം.”

 ഒളിമ്പി​ക്‌സിന്‌ ഇത്രയും മഹത്തായ ലക്ഷ്യങ്ങൾ കൈവ​രി​ക്കാ​നാ​കു​മോ? യഥാർഥ സമാധാ​ന​വും ഐക്യ​വും എന്നെങ്കി​ലും നമുക്കു പ്രതീ​ക്ഷി​ക്കാ​നാ​കു​മോ?

 ഈ വർഷത്തെ ഒളിമ്പി​ക്‌സി​നെ വെറു​മൊ​രു കായി​ക​പ​രി​പാ​ടി എന്നു മാത്രം വിളി​ക്കാൻ കഴിയില്ല. കാരണം, ആളുകളെ ഭിന്നി​പ്പി​ക്കുന്ന സാമൂ​ഹി​ക​വും രാഷ്‌ട്രീ​യ​വും ആയ പല പ്രശ്‌ന​ങ്ങ​ളും ഇതിൽ ചർച്ചാ​വി​ഷ​യ​മാ​യി. മനുഷ്യ​ന്റെ അവകാ​ശങ്ങൾ, വംശീയത, മതപര​മായ വിവേ​ചനം, അസമത്വം എന്നിവ അതിൽ ചിലതാണ്‌.

 ഒളിമ്പി​ക്‌സ്‌ പോലുള്ള അന്താരാ​ഷ്‌ട്ര കായിക മാമാ​ങ്കങ്ങൾ ആളുകൾക്കൊ​രു ആഘോ​ഷ​മാണ്‌. എന്നാൽ ഇത്തരം പരിപാ​ടി​ക​ളിൽ ആളുകൾക്കി​ട​യി​ലെ ഭിന്നത​യാണ്‌ പലപ്പോ​ഴും വെളി​ച്ച​ത്തു​വ​രു​ന്നത്‌. അത്തരം വേർതി​രി​വു​കളെ അത്‌ ഊട്ടി​വ​ളർത്തു​ക​യും ചെയ്യുന്നു. അതു​കൊ​ണ്ടു​തന്നെ ഇത്തരം പരിപാ​ടി​കൾക്ക്‌ യഥാർഥ സമാധാ​ന​വും ഐക്യ​വും കൊണ്ടു​വ​രാൻ പറ്റുന്നില്ല.

 ഐക്യ​ത്തി​നു തടസ്സമാ​കുന്ന മനോ​ഭാ​വങ്ങൾ ആളുകൾക്കു​ണ്ടാ​കു​മെന്നു ബൈബിൾ മുൻകൂ​ട്ടി​പ്പ​റ​ഞ്ഞി​ട്ടുണ്ട്‌. (2 തിമൊ​ഥെ​യൊസ്‌ 3:1-5) ഈ ബൈബിൾപ്ര​വ​ച​ന​ത്തെ​ക്കു​റിച്ച്‌ കൂടുതൽ അറിയാൻ “ഇന്നത്തെ ആളുകൾ എങ്ങനെ​യു​ള്ള​വ​രായി​രി​ക്കു​മെന്ന്‌ ബൈബി​ളിൽ മുൻകൂ​ട്ടി​പ്പ​റ​ഞ്ഞി​ട്ടു​ണ്ടോ?” എന്ന ലേഖനം വായി​ക്കുക.

 അങ്ങനെ​യൊ​രു കാലം വരു​മെന്നു ബൈബിൾ ഉറപ്പു​ത​രു​ന്നുണ്ട്‌. ‘ദൈവ​രാ​ജ്യം’ എന്നു വിളി​ക്കുന്ന ഒരു സ്വർഗീയ ഗവൺമെ​ന്റി​ന്റെ കീഴിൽ ഭൂമി​യി​ലുള്ള എല്ലാ ആളുക​ളും ഒന്നിക്കു​മെന്ന്‌ അത്‌ ഉറപ്പു​ത​രു​ന്നു.—ലൂക്കോസ്‌ 4:43; മത്തായി 6:10.

 ആ രാജ്യ​ത്തി​ന്റെ രാജാ​വായ യേശു​ക്രി​സ്‌തു ഭൂമിയെ മുഴുവൻ സമാധാ​ന​മുള്ള ഒരു ഇടമാക്കി മാറ്റും. ബൈബിൾ പറയുന്നു:

•   “നീതി​മാ​ന്മാർ തഴച്ചു​വ​ള​രും; . . . സമാധാ​ന​സ​മൃ​ദ്ധി​യു​ണ്ടാ​കും.”—സങ്കീർത്തനം 72:7.

•   “സഹായ​ത്തി​നാ​യി കേഴുന്ന ദരി​ദ്രനെ അവൻ രക്ഷിക്കും; . . . അടിച്ച​മർത്ത​ലി​നും അക്രമ​ത്തി​നും ഇരയാ​കു​ന്ന​വരെ അവൻ മോചി​പ്പി​ക്കും.”—സങ്കീർത്തനം 72:12, 14.

 ഇക്കാല​ത്തു​പോ​ലും 239 ദേശങ്ങ​ളി​ലുള്ള ലക്ഷക്കണ​ക്കിന്‌ ആളുകളെ യേശു പഠിപ്പിച്ച കാര്യങ്ങൾ ഒരുമി​പ്പിച്ച്‌ നിറു​ത്തു​ന്നുണ്ട്‌. യേശു​വി​ന്റെ പഠിപ്പി​ക്ക​ലു​കൾ അനുസ​രി​ക്കുന്ന ലോക​മെ​ങ്ങു​മുള്ള യഹോ​വ​യു​ടെ സാക്ഷികൾ സമാധാ​ന​ത്തോ​ടെ ജീവി​ക്കാൻ പഠിച്ചി​രി​ക്കു​ന്നു. അത്‌ എങ്ങനെ​യെന്ന്‌ അറിയാൻ “വെറു​പ്പി​ന്റെ ചങ്ങല പൊട്ടി​ച്ചെ​റി​യാം” എന്ന വിഷയ​ത്തി​ലുള്ള വീക്ഷാ​ഗോ​പു​രം മാസിക വായി​ച്ചു​നോ​ക്കൂ.