•   “ചൈന​യിൽ ഏറ്റവും വലിയ ഉഷ്‌ണ​ത​രം​ഗം ഈ വർഷം രേഖ​പ്പെ​ടു​ത്തി. കണക്കുകൾ അനുസ​രിച്ച്‌, രാജ്യം കണ്ട കൊടും വരൾച്ച​ക​ളിൽ മൂന്നാം സ്ഥാനമാണ്‌ ഇതിന്‌.”—ദ ഗാർഡി​യൻ, 2022 സെപ്‌റ്റം​ബർ 7.

•   “ആഫ്രി​ക്ക​യു​ടെ പല ഭാഗങ്ങ​ളെ​യും ഈ അഞ്ചാം വർഷവും കടുത്ത വരൾച്ച പിടി​കൂ​ടും.”—യുഎൻ ന്യൂസ്‌, 2022 ആഗസ്റ്റ്‌ 26.

•   “യൂറോ​പ്പി​ന്റെ മൂന്നിൽ രണ്ടു ഭാഗവും വരൾച്ച​യു​ടെ ഭീഷണി​യി​ലാണ്‌. കഴിഞ്ഞ 500 വർഷത്തി​നി​ട​യി​ലെ ഏറ്റവും കടുത്ത വരൾച്ച ഇതായി​രി​ക്കും എന്നാണ്‌ നിഗമനം.”—ബിബിസി ന്യൂസ്‌, 2022 ആഗസ്റ്റ്‌ 23.

 പല വിദഗ്‌ധ​രും പറയു​ന്നത്‌ ഇത്തരം വരൾച്ച ഇനിയും ഉണ്ടാകു​മെ​ന്നും അത്‌ കൂടുതൽ വഷളാ​കു​മെ​ന്നും ആണ്‌. അപ്പോൾ ഇനി പ്രതീ​ക്ഷ​യ്‌ക്കൊ​ന്നും വകയി​ല്ലെ​ന്നാ​ണോ? അതിനുള്ള ഉത്തരം ബൈബി​ളി​ലുണ്ട്‌.

 നമ്മുടെ കാല​ത്തെ​ക്കു​റിച്ച്‌ ബൈബിൾ മുൻകൂ​ട്ടി​പ്പ​റ​യു​ന്നു:

•   ‘ഒന്നിനു പുറകേ ഒന്നായി പല സ്ഥലങ്ങളിൽ ഭക്ഷ്യക്ഷാ​മങ്ങൾ ഉണ്ടാകും.’—ലൂക്കോസ്‌ 21:11.

 വരൾച്ച മിക്ക​പ്പോ​ഴും ഭക്ഷ്യക്ഷാ​മ​ത്തി​നു കാരണ​മാ​കു​ന്നു. ഇത്തരം ഭക്ഷ്യക്ഷാ​മ​ങ്ങ​ളും അതു വരുത്തി​വെ​ക്കുന്ന ദുരി​ത​വും മരണവും എല്ലാം ബൈബിൾ പ്രവച​ന​ത്തി​ന്റെ നിവൃ​ത്തി​യാണ്‌.—വെളി​പാട്‌ 6:6, 8.

 അതിന്റെ പിന്നിലെ ഒരു പ്രധാന കാരണ​ത്തെ​ക്കു​റിച്ച്‌ ബൈബിൾ ഇങ്ങനെ പറയുന്നു:

•   ‘സ്വന്തം കാലടി​ക​ളു​ടെ നിയ​ന്ത്ര​ണം​പോ​ലും മനുഷ്യ​നു​ള്ള​ത​ല്ല​ല്ലോ.’—യിരെമ്യ 10:23.

 മനുഷ്യർക്ക്‌ അവരുടെ ‘കാലടി​കൾ നിയ​ന്ത്രി​ക്കാൻ’ കഴിയില്ല. എന്നു പറഞ്ഞാൽ അവർക്ക്‌ അവരെ​ത്തന്നെ നന്നായി നയിക്കാൻ കഴിയില്ല എന്നാണ്‌ അർഥം. മനുഷ്യ​രു​ടെ തെറ്റായ തീരു​മാ​ന​ങ്ങ​ളാണ്‌ പലപ്പോ​ഴും വരൾച്ച​യ്‌ക്കും ജലക്ഷാ​മ​ത്തി​നും ഇടയാ​ക്കു​ന്നത്‌.

•   മനുഷ്യ​ന്റെ പ്രവൃ​ത്തി​ക​ളാണ്‌ ആഗോ​ള​താ​പ​ന​ത്തി​നു കാരണ​മാ​യി​രി​ക്കു​ന്ന​തെന്ന്‌ മിക്ക ശാസ്‌ത്ര​ജ്ഞ​ന്മാ​രും അഭി​പ്രാ​യ​പ്പെ​ടു​ന്നു. ഇങ്ങനെ ആഗോ​ള​താ​പ​ന​ത്തി​ന്റെ ഫലമായി ലോക​മെ​ങ്ങു​മുള്ള വരൾച്ച കൂടുന്നു.

•   മനുഷ്യ​ന്റെ അത്യാ​ഗ്ര​ഹ​വും ഭാവി​യെ​ക്കു​റിച്ച്‌ ചിന്തി​ക്കാ​തെ​യുള്ള പദ്ധതി​ക​ളും വനനശീ​ക​ര​ണ​ത്തി​നും മലിനീ​ക​ര​ണ​ത്തി​നും പ്രകൃ​തി​വി​ഭ​വ​ങ്ങ​ളു​ടെ ദുരു​പ​യോ​ഗ​ത്തി​നും വഴി​വെ​ക്കു​ന്നു. അങ്ങനെ പല ജല​സ്രോ​ത​സ്സു​ക​ളും ഇല്ലാതാ​കു​ന്നു.

 എന്നാൽ സന്തോഷം തരുന്ന ഒരു കാര്യം ബൈബി​ളി​നു പറയാ​നുണ്ട്‌.

 നമ്മൾ ഇന്ന്‌ നേരി​ടുന്ന ജലദൗർല​ഭ്യം എന്ന പ്രശ്‌നം ദൈവം പരിഹ​രി​ക്കു​മെന്ന്‌ ബൈബിൾ പറയുന്നു. എന്നാൽ എങ്ങനെ?

1.  1. ദൈവം ‘ഭൂമിയെ നശിപ്പി​ക്കു​ന്ന​വരെ നശിപ്പി​ക്കും.’ (വെളി​പാട്‌ 11:18) ജലക്ഷാ​മ​ത്തി​ന്റെ ഒരു പ്രധാ​ന​കാ​രണം ദുഷ്ടരായ, അത്യാ​ഗ്ര​ഹി​ക​ളായ മനുഷ്യർ പ്രകൃ​തി​യെ ദുരു​പ​യോ​ഗം ചെയ്യു​ന്ന​താണ്‌. അവരെ ദൈവം ഇല്ലാതാ​ക്കും.—2 തിമൊ​ഥെ​യൊസ്‌ 3:1, 2.

2.  2.  “വരണ്ടു​ണ​ങ്ങിയ നിലം ഈറ്റകൾ വളരുന്ന തടാക​മാ​യി മാറും.” (യശയ്യ 35:1, 6, 7) വരൾച്ചകൾ കൊണ്ടു​ണ്ടായ കേടു​പാ​ടു​കൾ ദൈവം ഇല്ലാതാ​ക്കും. ഈ ഭൂമിയെ ജലസമൃ​ദ്ധ​മായ ഒരു പറുദീ​സ​യാ​ക്കി മാറ്റും.

3.  3. “അങ്ങ്‌ ഭൂമിയെ പരിപാ​ലി​ക്കു​ന്നു; അതിനെ വളരെ ഫലപു​ഷ്ടി​യു​ള്ള​തും വളക്കൂ​റു​ള്ള​തും ആക്കുന്നു.” (സങ്കീർത്തനം 65:9) ഭാവി​യിൽ ദൈവ​ത്തി​ന്റെ അനു​ഗ്ര​ഹ​ത്താൽ ഭൂമി​യി​ലുള്ള എല്ലാവർക്കും സമൃദ്ധ​മായ ഭക്ഷണവും ശുദ്ധജ​ല​വും ലഭ്യമാ​കും.