“ലോകാ​വ​സാ​നം.” ആളുകൾ എപ്പോ​ഴും പറയാ​റുള്ള ഒരു വിഷയ​മാണ്‌ ഇത്‌. ലോകാ​വ​സാ​ന​ത്തെ​ക്കു​റിച്ച്‌ കേൾക്കു​മ്പോൾ പലരു​ടെ​യും മനസ്സിൽ വരുന്നത്‌ ഒരു ആഗോ​ള​വി​പ​ത്താണ്‌. ഭൂമി​യി​ലെ എല്ലാ ജീവജാ​ല​ങ്ങ​ളും ഇല്ലാതാ​കുന്ന ഒരു മഹാദു​രന്തം. ലോകം അങ്ങനെ​യുള്ള ഒരു ദുരന്ത​ത്തി​ലേക്ക്‌ നീങ്ങു​ക​യാണ്‌ എന്നാണ്‌ ചിലർ വിശ്വ​സി​ക്കു​ന്നത്‌. പ്രത്യേ​കി​ച്ചും താഴെ​പ്പ​റ​യു​ന്ന​തു​പോ​ലുള്ള വാർത്തകൾ കേൾക്കു​മ്പോൾ:

•   “ആണവയു​ദ്ധ​ത്തി​നുള്ള സാധ്യത വളരെ​ക്കൂ​ടു​ത​ലാണ്‌. അത്‌ കരുതി​ക്കൂ​ട്ടി​യാ​കാം, ഒരു കൈയ്യ​ബ​ദ്ധ​മാ​കാം, അല്ലെങ്കിൽ വെറു​മൊ​രു തെറ്റി​ദ്ധാ​ര​ണ​യു​ടെ പുറത്താ​കാം.”—ആണവശാ​സ്‌ത്ര​ജ്ഞ​രു​ടെ പത്രിക, ഇംഗ്ലീഷ്‌.

•   “കഴിഞ്ഞ ഒരു പത്തു വർഷത്തെ കാര്യ​മെ​ടു​ത്താൽ കൊടു​ങ്കാ​റ്റു​കൾ, കാട്ടുതീ, വരൾച്ച, പവിഴ​പ്പു​റ്റു​ക​ളു​ടെ നാശം, ഉഷ്‌ണ​ത​രം​ഗങ്ങൾ, വെള്ള​പ്പൊ​ക്കം എന്നിങ്ങനെ പ്രകൃ​തി​ദു​ര​ന്ത​ങ്ങ​ളു​ടെ ഒരു ഘോഷ​യാ​ത്ര​ത​ന്നെ​യാ​യി​രു​ന്നു ലോകം മുഴു​വ​നും.”—നാഷണൽ ജ്യോ​ഗ്രാ​ഫിക്‌, ഇംഗ്ലീഷ്‌.

•   “പതിറ്റാ​ണ്ടു​ക​ളാ​യി ഉണ്ടായി​ട്ടി​ല്ലാ​ത്തത്ര വലിയ വെട്ടു​ക്കി​ളി ആക്രമ​ണ​ങ്ങ​ളാണ്‌ ആഫ്രിക്ക നേരി​ടു​ന്നത്‌.”—ദി അസ്സോ​സി​യേ​റ്റഡ്‌ പ്രസ്സ്‌, ഇംഗ്ലീഷ്‌.

 ഭൂമി നശിച്ചു​പോ​കു​മോ ഒരു ആഗോ​ള​സർവ​നാ​ശ​ത്തിൽ? ബൈബിൾ അതി​നെ​ക്കു​റിച്ച്‌ എന്താണ്‌ പറയു​ന്നത്‌?

 ഇല്ല. ഭൂമി എന്നും നിലനിൽക്കു​മെ​ന്നാണ്‌ ദൈവ​വ​ച​ന​മായ ബൈബിൾ ഉറപ്പു​ത​രു​ന്നത്‌. (സഭാ​പ്ര​സം​ഗകൻ 1:4) താൻ സൃഷ്ടിച്ച ഭൂമിയെ ദൈവം ഒരിക്ക​ലും നശിപ്പി​ക്കില്ല. പകരം “ഭൂമിയെ നശിപ്പി​ക്കു​ന്ന​വരെ” ആയിരി​ക്കും ദൈവം നശിപ്പി​ക്കുക.—വെളി​പാട്‌ 11:18.

 ‘ലോക​ത്തി​ന്റെ’ അവസാനം എന്നതു​കൊണ്ട്‌ ബൈബിൾ ഉദ്ദേശി​ക്കു​ന്നത്‌ ഒരു ദൈവ​വി​ചാ​ര​വു​മി​ല്ലാ​തെ സ്വന്തമായ മോഹ​ങ്ങ​ളിൽ മാത്രം മുഴുകി ജീവി​ക്കുന്ന മനുഷ്യ​രു​ടെ നാശ​ത്തെ​യാണ്‌. നോഹ​യു​ടെ കാലത്ത്‌ സംഭവി​ച്ച​തു​പോ​ലെ​തന്നെ, “ദൈവ​ഭ​ക്തി​യി​ല്ലാ​ത്ത​വ​രു​ടെ ലോകത്തെ” ആയിരി​ക്കും ദൈവം നശിപ്പി​ക്കുക.—2 പത്രോസ്‌ 2:5; 3:7.

 1 യോഹ​ന്നാൻ 2:17 പറയു​ന്നത്‌, “ലോക​വും അതിന്റെ മോഹ​ങ്ങ​ളും നീങ്ങി​പ്പോ​കു​ന്നു” എന്നാണ്‌. അതായത്‌ ശരിക്കു​മുള്ള ഈ ഭൂമിയെ അല്ല ദൈവം നശിപ്പി​ക്കു​ന്നത്‌. ദൈവ​ത്തി​നു നിരക്കാത്ത മോഹങ്ങൾ വിട്ടു​ക​ള​യാത്ത ആളുക​ളെ​യാണ്‌.

 ലോകം അവസാ​നി​ക്കു​ന്നത്‌ കൃത്യ​മാ​യി എപ്പോ​ഴാ​യി​രി​ക്കു​മെന്ന്‌ ബൈബിൾ പറയു​ന്നില്ല. (മത്തായി 24:36) എങ്കിലും അത്‌ അടുത്ത്‌ എത്തി എന്നതിന്റെ ചില സൂചനകൾ ബൈബിൾ തരുന്നുണ്ട്‌. അവയിൽ ചിലതാണ്‌ താഴെ​പ്പ​റ​യു​ന്നത്‌:

•   “ഒന്നിനു പുറകേ ഒന്നായി പല സ്ഥലങ്ങളിൽ” യുദ്ധങ്ങ​ളും ഭക്ഷ്യക്ഷാ​മ​ങ്ങ​ളും പകർച്ച​വ്യാ​ധി​ക​ളും ശക്തമായ ഭൂകമ്പ​ങ്ങ​ളും ഉണ്ടാകും.—മത്തായി 24:3, 7, 14; ലൂക്കോസ്‌ 21:10, 11; വെളി​പാട്‌ 6:1-8.

•   ആളുകൾ പൊതു​വെ അങ്ങേയ​റ്റത്തെ സ്വാർഥത കാണി​ക്കു​ന്ന​വ​രാ​യി​രി​ക്കും. ഉദാഹ​ര​ണ​ത്തിന്‌ അവർ “പണക്കൊ​തി​യ​ന്മാ​രും” “നന്ദിയി​ല്ലാ​ത്ത​വ​രും” “ആത്മനി​യ​ന്ത്ര​ണ​മി​ല്ലാ​ത്ത​വ​രും” ആയിരി​ക്കും.—2 തിമൊ​ഥെ​യൊസ്‌ 3:1-5.

 1914 എന്ന വർഷം​മു​തൽ ലോക​ത്തി​ലെ അവസ്ഥകൾ ബൈബിൾ മുൻകൂ​ട്ടി​പ്പ​റ​ഞ്ഞ​തു​പോ​ലെ​തന്നെ ആണെന്നും ലോകാ​വ​സാ​നം അടു​ത്തെ​ത്തി​യെ​ന്നും പലരും സമ്മതി​ക്കു​ന്നു. കൂടുതൽ വിവരങ്ങൾ അറിയാൻ “1914 എന്ന വർഷ​ത്തെ​ക്കു​റിച്ച്‌ ബൈബിൾകാ​ല​ക്ക​ണക്ക്‌ എന്താണ്‌ സൂചി​പ്പി​ക്കു​ന്നത്‌?” (ഇംഗ്ലീഷ്‌) എന്ന ലേഖന​വും “‘അന്ത്യകാ​ല​ത്തി​ന്റെ’ അല്ലെങ്കിൽ ‘അവസാ​ന​നാ​ളു​ക​ളു​ടെ’ അടയാളം എന്താണ്‌?” എന്ന ലേഖന​വും വായി​ക്കുക.

 ഇല്ല. ബൈബി​ളി​ലെ അവസാ​ന​പു​സ്‌ത​ക​ത്തിൽ “അപ്പോ​ക്ക​ലി​പ്‌സിസ്‌” എന്ന ഒരു വാക്ക്‌ ഉള്ളതു​കൊ​ണ്ടാ​ണെന്നു തോന്നു​ന്നു പലരും അങ്ങനെ ചിന്തി​ക്കു​ന്നത്‌. ആ ഗ്രീക്കു വാക്കിന്റെ അർഥം സർവനാ​ശം എന്നാ​ണെ​ന്നാണ്‌ പലരും വിചാ​രി​ക്കു​ന്നത്‌. പക്ഷേ ശരിക്കും ആ വാക്കിന്‌ അങ്ങനെ ഒരു അർഥമേ ഇല്ല. “മറ നീക്കുക,” “വെളി​പ്പെ​ടു​ത്തുക” എന്നൊ​ക്കെയേ അതിന്‌ അർഥമു​ള്ളൂ. മറഞ്ഞി​രി​ക്കുന്ന വിവരങ്ങൾ പുറത്തു​കൊ​ണ്ടു​വ​രുക എന്ന അർഥത്തി​ലാണ്‌ പൊതു​വെ ഇത്‌ ഉപയോ​ഗി​ക്കാറ്‌. അതിന്‌ ഒരു ഉദാഹ​ര​ണ​മാണ്‌ ‘യേശു​ക്രി​സ്‌തു വെളി​പ്പെ​ടു​ന്ന​തി​നെ​ക്കു​റിച്ച്‌’ പറയുന്ന ബൈബിൾഭാ​ഗം. അവി​ടെ​യും ഇതേ ഗ്രീക്കു വാക്കിന്റെ ഒരു രൂപമാണ്‌ ഉപയോ​ഗി​ച്ചി​രി​ക്കു​ന്നത്‌. യേശു ഭൂമി​യിൽനിന്ന്‌ എല്ലാ ദുഷ്ടത​യും നീക്കം​ചെ​യ്‌ത്‌ ദൈവത്തെ ആരാധി​ക്കു​ന്ന​വർക്ക്‌ പ്രതി​ഫലം കൊടു​ക്കാൻവേണ്ടി വെളി​പ്പെ​ടു​ന്ന​തി​നെ​ക്കു​റി​ച്ചാണ്‌ അവിടെ പറയു​ന്നത്‌.—2 തെസ്സ​ലോ​നി​ക്യർ 1:6, 7; 1 പത്രോസ്‌ 1:7, 13.

 ബൈബി​ളി​ലെ അവസാ​ന​പു​സ്‌ത​ക​ത്തി​ന്റെ പേര്‌ “അപ്പോ​ക്ക​ലി​പ്‌സിസ്‌” എന്നാണ്‌, എന്നു​വെ​ച്ചാൽ വെളി​പാട്‌. (വെളി​പാട്‌ 1:1) ആ പുസ്‌ത​ക​ത്തിന്‌ ആ പേര്‌ ശരിക്കും യോജി​ക്കും. കാരണം ഭാവി​യിൽ സംഭവി​ക്കാൻ പോകുന്ന കാര്യങ്ങൾ അതിൽ വെളി​പ്പെ​ടു​ത്തി​യി​രി​ക്കു​ക​യാണ്‌. ശരിക്കും​പ​റ​ഞ്ഞാൽ ആ പുസ്‌ത​ക​ത്തിൽ ഉള്ളത്‌ സർവനാ​ശം എന്ന ഒരു ആശയമല്ല. മറിച്ച്‌ ഒരു സന്തോ​ഷ​വാർത്ത​യും പ്രത്യാ​ശ​യു​ടെ സന്ദേശ​വു​മാണ്‌. (വെളി​പാട്‌ 1:3) എല്ലാ അനീതി​ക​ളും നീക്കി ദൈവം ഭൂമിയെ ഒരു പറുദീ​സ​യാ​ക്കും എന്നാണ്‌ അതിൽ പറയു​ന്നത്‌. മനുഷ്യ​രാ​രും വേദനി​ക്കു​ക​യോ ദുരിതം അനുഭ​വി​ക്കു​ക​യോ മരിക്കു​ക​യോ ചെയ്യാത്ത ഒരു കാലം അങ്ങനെ ഇവിടെ വരും.—വെളി​പാട്‌ 21:3, 4.

 ബൈബി​ളിൽ പറയുന്ന മനോ​ഹ​ര​മായ ഈ വാഗ്‌ദാ​ന​ങ്ങ​ളെ​ക്കു​റിച്ച്‌ കൂടുതൽ അറിയാൻ നിങ്ങൾ ആഗ്രഹി​ക്കു​ന്നു​ണ്ടോ? യഹോ​വ​യു​ടെ സാക്ഷികൾ നടത്തുന്ന സൗജന്യ ബൈബിൾപ​ഠ​ന​പ​രി​പാ​ടി നിങ്ങളെ സഹായി​ക്കും. അതി​നെ​ക്കു​റിച്ച്‌ അവരോട്‌ ഇന്നുതന്നെ ഒന്നു ചോദി​ച്ചു​നോ​ക്കു​ന്നോ?