2022 മെയ്‌ 19-ന്‌ ഐക്യ​രാ​ഷ്ട്ര സംഘട​ന​യു​ടെ സുരക്ഷാ സമിതി​യോട്‌ 75-ലധികം ഉന്നത ഉദ്യോ​ഗസ്ഥർ ഇങ്ങനെ​യൊ​രു കാര്യം പറഞ്ഞു: “കോവിഡ്‌-19 മഹാമാ​രി​യും കാലാ​വസ്ഥാ വ്യതി​യാ​ന​വും കാരണം ഇപ്പോൾത്തന്നെ ആഗോ​ള​ത​ല​ത്തിൽ ഭക്ഷ്യദൗർല​ഭ്യ​മുണ്ട്‌. എന്നാൽ ഇപ്പോൾ യു​ക്രെ​യി​നിൽ നടക്കുന്ന യുദ്ധം ഈ ലോകത്തെ വലി​യൊ​രു ക്ഷാമത്തി​ലേ​ക്കും​കൂ​ടെ തള്ളിവി​ടു​ക​യാണ്‌.” അതെത്തു​ടർന്ന്‌ ദി ഇക്കോ​ണ​മിസ്റ്റ്‌ മാസിക ഇങ്ങനെ പറഞ്ഞു: “ഇപ്പോൾത്തന്നെ പല പ്രശ്‌ന​ങ്ങൾകൊണ്ട്‌ വീർപ്പു​മു​ട്ടുന്ന ഈ ലോകം കൊടും​വി​ശ​പ്പും​കൂ​ടെ അനുഭ​വി​ക്കേ​ണ്ടി​വ​രും.” ഇക്കാലത്ത്‌ ഇത്തരത്തിൽ ഭക്ഷ്യദൗർല​ഭ്യം ഉണ്ടാകു​മെന്ന്‌ ബൈബിൾ മുൻകൂ​ട്ടി​പ്പ​റ​ഞ്ഞി​ട്ടുണ്ട്‌. എന്നാൽ അവയെ നേരി​ടാൻ ആവശ്യ​മായ സഹായ​വും ബൈബിൾ നൽകുന്നു.

•    യേശു ഇങ്ങനെ ഒരു പ്രവചനം നടത്തി: ‘ജനത ജനതയ്‌ക്ക്‌ എതി​രെ​യും രാജ്യം രാജ്യ​ത്തിന്‌ എതി​രെ​യും എഴു​ന്നേൽക്കും. ഭക്ഷ്യക്ഷാ​മ​ങ്ങ​ളും ഉണ്ടാകും.’—മത്തായി 24:7.

•    ബൈബി​ളി​ലെ വെളി​പാട്‌ പുസ്‌ത​ക​ത്തിൽ ആലങ്കാ​രി​ക​മായ നാലു കുതി​ര​സ​വാ​രി​ക്കാ​രെ​ക്കു​റിച്ച്‌ പറയുന്നു. അതിൽ ഒരാൾ യുദ്ധ​ത്തെ​യാണ്‌ ചിത്രീ​ക​രി​ക്കു​ന്നത്‌. അതിനു തൊട്ടു​പി​ന്നാ​ലെ വരുന്ന കുതി​ര​സ​വാ​രി​ക്കാ​രൻ ക്ഷാമത്തെ ചിത്രീ​ക​രി​ക്കു​ന്നു. ഭക്ഷണം ലഭിക്കാൻ ബുദ്ധി​മു​ട്ടുള്ള, അതിന്‌ അന്യാ​യ​വില കൊടു​ക്കേ​ണ്ടി​വ​രുന്ന ഒരു കാലത്തെ അത്‌ സൂചി​പ്പി​ച്ചു. “ഞാൻ നോക്കി​യ​പ്പോൾ അതാ, ഒരു കറുത്ത കുതിര! കുതി​ര​പ്പു​റത്ത്‌ ഇരിക്കു​ന്ന​വന്റെ കൈയിൽ ഒരു ത്രാസ്സു​ണ്ടാ​യി​രു​ന്നു. . . . ഒരു ശബ്ദം ഞാൻ കേട്ടു: ‘ഒരു ദിനാ​റെക്ക്‌ (അഥവാ, ഒരു ദിവസത്തെ കൂലിക്ക്‌) ഒരു കിലോ ഗോതമ്പ്‌; ഒരു ദിനാ​റെക്കു മൂന്നു കിലോ ബാർളി.’”—വെളി​പാട്‌ 6:5, 6.

 ഭക്ഷ്യക്ഷാ​മ​ത്തെ​ക്കു​റി​ച്ചുള്ള ഈ പ്രവച​നങ്ങൾ, ബൈബിൾ ‘അവസാ​ന​കാ​ലം’ എന്ന്‌ വിളി​ച്ചി​രി​ക്കുന്ന നമ്മുടെ ഈ സമയത്ത്‌ നിറ​വേ​റു​ന്നു. (2 തിമൊ​ഥെ​യൊസ്‌ 3:1) ‘അവസാ​ന​കാ​ല​ത്തെ​ക്കു​റി​ച്ചും’ വെളി​പാട്‌ പുസ്‌ത​ക​ത്തി​ലെ നാലു കുതി​ര​സ​വാ​രി​ക്കാ​രെ​ക്കു​റി​ച്ചും കൂടുതൽ അറിയാൻ ലോക​ത്തി​ലെ അവസ്ഥകൾ—1914 മുതൽ എന്ന വീഡി​യോ കാണുക, “നാലു കുതിരസവാരിക്കാർ ആരാണ്‌?” എന്ന ലേഖനം വായി​ക്കുക.

•    ഭക്ഷ്യവ​സ്‌തു​ക്ക​ളു​ടെ വിലക്ക​യ​റ്റ​വും അവയുടെ ദൗർല​ഭ്യ​വും പോലെ, വലിയ ബുദ്ധി​മു​ട്ടു​കൾ ഉണ്ടാകു​മ്പോൾ നമ്മളെ സഹായി​ക്കുന്ന നിർദേ​ശങ്ങൾ ബൈബി​ളി​ലുണ്ട്‌. ചില നിർദേ​ശങ്ങൾ “വരവ്‌ കുറയുമ്പോൾ; ചെലവും കുറയ്‌ക്കാം” എന്ന ലേഖന​ത്തിൽ കാണാം.

•    ഈ അവസ്ഥ​യൊ​ക്കെ മാറി നല്ലൊരു കാലം വരുമെന്ന പ്രത്യാശ ബൈബിൾ തരുന്നു. ‘ഭൂമി​യിൽ ധാന്യം സുലഭ​മാ​യി​രി​ക്കുന്ന,’ എല്ലാവർക്കും സുഭി​ക്ഷ​മാ​യി ആഹാരം കിട്ടുന്ന ഒരു സമയം ഉണ്ടാകു​മെന്ന്‌ അത്‌ ഉറപ്പു​ത​രു​ന്നു. (സങ്കീർത്തനം 72:16) ഭാവി​യെ​ക്കു​റി​ച്ചുള്ള ബൈബി​ളി​ന്റെ പ്രത്യാ​ശ​യും അത്‌ നമുക്ക്‌ വിശ്വ​സി​ക്കാൻ കഴിയു​ന്നത്‌ എന്തു​കൊ​ണ്ടെ​ന്നും മനസ്സി​ലാ​ക്കാൻ, “നല്ലൊരു ഭാവി ശരിക്കും പ്രതീക്ഷിക്കാമോ?” എന്ന ലേഖനം വായി​ക്കുക.