ഓരോ വർഷവും പതിനാ​യി​ര​ക്ക​ണ​ക്കിന്‌ ഭൂകമ്പ​ങ്ങ​ളാണ്‌ ഉണ്ടാകു​ന്നത്‌. അതിൽ മിക്കതും തീരെ ചെറു​താണ്‌. എന്നാൽ മറ്റു ചിലത്‌ വലിയ നാശന​ഷ്ട​വും ദുരി​ത​വും മരണവും ഒക്കെ വിതയ്‌ക്കാൻമാ​ത്രം ശക്തിയു​ള്ള​താണ്‌. ചില ഭൂകമ്പങ്ങൾ സുനാ​മി​കൾക്കു കാരണ​മാ​കു​ന്നു. വലിയ ആൾനാശം വരുത്തി​വെ​ച്ചു​കൊണ്ട്‌ തീര​ദേ​ശ​മേ​ഖ​ലയെ മുഴുവൻ അവ വിഴു​ങ്ങി​ക്ക​ള​യും. ഇത്തരം വലിയ ഭൂകമ്പങ്ങൾ ഉണ്ടാകു​മെന്നു ബൈബിൾ മുൻകൂ​ട്ടി​പ്പ​റ​ഞ്ഞി​ട്ടു​ണ്ടോ?

ഈ ലേഖന​ത്തിൽ

•  ഭൂകമ്പ​ത്തെ​ക്കു​റിച്ച്‌ ബൈബിൾ പറയു​ന്നു​ണ്ടോ?

•  ഇന്നു നടക്കുന്ന ഭൂകമ്പങ്ങൾ ബൈബിൾപ്ര​വ​ച​ന​ത്തി​ന്റെ നിവൃ​ത്തി​യാ​ണോ?

•  ഭൂകമ്പ​ത്തെ​ക്കു​റി​ച്ചുള്ള ബൈബിൾപ്ര​വ​ച​നങ്ങൾ അറിയു​ന്ന​തു​കൊണ്ട്‌ നമുക്ക്‌ എന്താണ്‌ പ്രയോ​ജനം?

• ഭൂകമ്പ​ങ്ങ​ളും ബൈബിൾപ്ര​വ​ച​ന​ങ്ങ​ളും: ചില തെറ്റി​ദ്ധാ​ര​ണ​കൾ

 ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ ഒരു പ്രവച​ന​ത്തിൽ ഭൂകമ്പ​ങ്ങ​ളെ​ക്കു​റിച്ച്‌ പറയു​ന്നുണ്ട്‌. യേശു​വി​ന്റെ ആ വാക്കുകൾ താഴെ കൊടു​ത്തി​രി​ക്കുന്ന മൂന്നു ബൈബിൾപു​സ്‌ത​ക​ങ്ങ​ളിൽ കാണാം:

 “ജനത ജനതയ്‌ക്ക്‌ എതി​രെ​യും രാജ്യം രാജ്യ​ത്തിന്‌ എതി​രെ​യും എഴു​ന്നേൽക്കും. ഒന്നിനു പുറകേ ഒന്നായി പല സ്ഥലങ്ങളിൽ ഭക്ഷ്യക്ഷാ​മ​ങ്ങ​ളും ഭൂകമ്പ​ങ്ങ​ളും ഉണ്ടാകും.”—മത്തായി 24:7.

 “ജനത ജനതയ്‌ക്ക്‌ എതി​രെ​യും രാജ്യം രാജ്യ​ത്തിന്‌ എതി​രെ​യും എഴു​ന്നേൽക്കും. ഒന്നിനു പുറകേ ഒന്നായി പല സ്ഥലങ്ങളിൽ ഭൂകമ്പങ്ങൾ ഉണ്ടാകും. കൂടാതെ, ഭക്ഷ്യക്ഷാ​മ​ങ്ങ​ളും ഉണ്ടാകും.”—മർക്കോസ്‌ 13:8.

 “വലിയ ഭൂകമ്പ​ങ്ങ​ളും ഒന്നിനു പുറകേ ഒന്നായി പല സ്ഥലങ്ങളിൽ ഭക്ഷ്യക്ഷാ​മ​ങ്ങ​ളും മാരക​മായ പകർച്ച​വ്യാ​ധി​ക​ളും ഉണ്ടാകും.”—ലൂക്കോസ്‌ 21:11.

 “ഒന്നിനു പുറകേ ഒന്നായി പല സ്ഥലങ്ങളിൽ” ‘വലിയ ഭൂകമ്പങ്ങൾ’ ഉണ്ടാകു​മെന്ന്‌ യേശു മുൻകൂ​ട്ടി​പ്പ​റഞ്ഞു. അത്‌ ഉണ്ടാകു​ന്നത്‌ യുദ്ധങ്ങ​ളും ഭക്ഷ്യക്ഷാ​മ​ങ്ങ​ളും പകർച്ച​വ്യാ​ധി​ക​ളും ഒക്കെ ഉള്ള സമയത്തു​ത​ന്നെ​യാണ്‌. ഈ സംഭവ​ങ്ങ​ളെ​ല്ലാം ഒരുമിച്ച്‌ നടക്കുന്ന കാലഘ​ട്ട​ത്തെ​യാണ്‌ ‘അവസാ​ന​കാ​ലം,’ ‘വ്യവസ്ഥി​തി അവസാ​നി​ക്കാൻപോ​കുന്ന’ സമയം എന്നൊക്കെ വിളി​ച്ചി​രി​ക്കു​ന്നത്‌. (2 തിമൊ​ഥെ​യൊസ്‌ 3:1; മത്തായി 24:3) ബൈബി​ളി​ലെ കാലക്ക​ണ​ക്ക​നു​സ​രിച്ച്‌ അവസാ​ന​കാ​ലം 1914-ൽ തുടങ്ങി, അതി​പ്പോ​ഴും തുടരു​ന്നു.

 അതെ. ഭൂകമ്പ​ങ്ങ​ളെ​ക്കു​റിച്ച്‌ യേശു പറഞ്ഞ ബൈബിൾപ്ര​വ​ചനം ഇന്ന്‌ അങ്ങനെ​തന്നെ നിറ​വേ​റു​ന്നുണ്ട്‌. 1914 മുതലുള്ള കണക്കു​നോ​ക്കി​യാൽ 1,950-ലധികം ശക്തമായ ഭൂകമ്പങ്ങൾ ഉണ്ടായി​ട്ടുണ്ട്‌. ഇതി​ലെ​ല്ലാം കൂടെ 20,00,000-ത്തിലധി​കം ആളുകൾക്കു ജീവൻ നഷ്ടമായി. a ഈ നൂറ്റാ​ണ്ടിൽ ഉണ്ടായ ചില ഭൂകമ്പ​ങ്ങ​ളെ​ക്കു​റിച്ച്‌ നമുക്കു നോക്കാം.

 2004—ഇന്ത്യൻ മഹാസ​മു​ദ്രം. 9.1 തീവ്രത രേഖ​പ്പെ​ടു​ത്തിയ ഒരു ഭൂചലനം കാരണം പത്തില​ധി​കം രാജ്യ​ങ്ങ​ളിൽ സുനാ​മി​ത്തി​രകൾ ആഞ്ഞടിച്ചു. 2,25,000-ത്തോളം ആളുകൾ അതിൽ മരണമ​ടഞ്ഞു.

 2008—ചൈന. 7.9 തീവ്രത രേഖ​പ്പെ​ടു​ത്തിയ ഒരു ഭൂചലനം ഗ്രാമ​ങ്ങ​ളെ​യും നഗരങ്ങ​ളെ​യും തകർത്തു​ക​ളഞ്ഞു. ലഭ്യമായ കണക്കനു​സ​രിച്ച്‌ അതിൽ 90,000 ആളുക​ളു​ടെ ജീവൻ പൊലി​ഞ്ഞു. ഏതാണ്ട്‌ 3,75,000 ആളുകൾക്ക്‌ പരി​ക്കേറ്റു. ലക്ഷങ്ങൾ ഭവനര​ഹി​ത​രാ​യി.

 2010—ഹെയ്‌റ്റി. 7.0 തീവ്രത രേഖ​പ്പെ​ടു​ത്തിയ ഒരു ഭൂകമ്പ​ത്തി​ലും തുടർന്നു​ണ്ടായ ചെറിയ ഭൂചല​ന​ങ്ങ​ളി​ലു​മാ​യി 3,00,000-ത്തിലധി​കം ആളുകൾ മരിച്ചു. 10,00,000-ത്തിലേറെ ആളുകൾക്ക്‌ വീടുകൾ നഷ്ടമായി.

 2011—ജപ്പാൻ. 9.0 തീവ്രത രേഖ​പ്പെ​ടു​ത്തിയ ഒരു ഭൂകമ്പ​ത്തി​ലും അതെത്തു​ടർന്നു​ണ്ടായ സുനാ​മി​ക​ളി​ലും ഏതാണ്ട്‌ 18,500 പേർ മരിച്ചു. ലക്ഷക്കണ​ക്കിന്‌ ആളുകൾക്ക്‌ വീടു​വിട്ട്‌ പോ​കേ​ണ്ടി​വന്നു. ഫുക്കു​ഷിമ ആണവനി​ല​യ​ത്തിന്‌ തകരാറ്‌ സംഭവി​ച്ച​തോ​ടെ വലി​യൊ​രു ന്യൂക്ലി​യർ ദുരന്ത​വും അവിടെ ഉണ്ടായി. ഇപ്പോൾ പത്തു വർഷം കഴിഞ്ഞി​ട്ടും ആണവനി​ല​യ​ത്തിന്‌ അടുത്തുള്ള തങ്ങളുടെ വീടു​ക​ളി​ലേക്ക്‌ തിരി​ച്ചു​വ​രാൻ കഴിയാത്ത 40,000-ത്തോളം ആളുക​ളുണ്ട്‌. കാരണം അത്രയ്‌ക്ക്‌ ഉയർന്ന നിരക്കി​ലാണ്‌ ഇപ്പോ​ഴും അവിടത്തെ ആണവമ​ലി​നീ​ക​രണം.

 ഭൂകമ്പ​ങ്ങ​ളെ​ക്കു​റി​ച്ചുള്ള ബൈബിൾപ്ര​വ​ച​നങ്ങൾ നിറ​വേ​റു​ന്നതു കാണു​മ്പോൾ തൊട്ട​ടുത്ത ഭാവി​യിൽ നടക്കാൻപോ​കുന്ന മറ്റു ചില കാര്യ​ങ്ങ​ളും​കൂ​ടി നമുക്കു മനസ്സി​ലാ​കു​ന്നു. അതെക്കു​റിച്ച്‌ യേശു ഇങ്ങനെ പറഞ്ഞു: “ഇതെല്ലാം സംഭവി​ക്കു​ന്നതു കാണു​മ്പോൾ ദൈവ​രാ​ജ്യം അടുത്ത്‌ എത്തി​യെന്നു മനസ്സി​ലാ​ക്കി​ക്കൊ​ള്ളുക.”—ലൂക്കോസ്‌ 21:31.

 യേശു​ക്രി​സ്‌തു രാജാ​വാ​യി ഭരിക്കുന്ന ഒരു യഥാർഥ ഗവൺമെ​ന്റാണ്‌ ദൈവ​രാ​ജ്യം എന്നു ബൈബിൾ പഠിപ്പി​ക്കു​ന്നു. ഈ സ്വർഗീ​യ​രാ​ജ്യ​ത്തി​നു​വേണ്ടി പ്രാർഥി​ക്കാ​നാണ്‌ യേശു തന്റെ അനുഗാ​മി​ക​ളോ​ടു പറഞ്ഞത്‌.—മത്തായി 6:10.

 ദൈവ​രാ​ജ്യം ഭൂമിയെ ഭരിക്കു​മ്പോൾ മനുഷ്യർക്ക്‌ ഇന്ന്‌ ദുരിതം വരുത്തി​വെ​ക്കുന്ന ഭൂകമ്പങ്ങൾ ഉൾപ്പെ​ടെ​യുള്ള എല്ലാ പ്രകൃ​തി​ദു​ര​ന്ത​ങ്ങ​ളും ദൈവം തടയും. (യശയ്യ 32:18) അതോ​ടൊ​പ്പം ഇത്തരം ഭൂകമ്പങ്ങൾ വരുത്തി​വെച്ച എല്ലാ നഷ്ടങ്ങളും മനസ്സി​നേൽപ്പിച്ച മുറി​വു​ക​ളും ദൈവം ഇല്ലാതാ​ക്കും. (യശയ്യ 65:17; വെളി​പാട്‌ 21:3, 4) ഇതെക്കു​റിച്ച്‌ കൂടുതൽ അറിയാൻ “ദൈവ​രാ​ജ്യം എന്തെല്ലാം ചെയ്യും?” എന്ന ലേഖനം കാണുക.