2022 മാർച്ച്‌ 25-ന്‌ സെന്റ്‌ പീറ്റേർസ്‌ ബസിലി​ക്ക​യിൽവെച്ച്‌ നടന്ന ഒരു ചടങ്ങിൽ, ഫ്രാൻസിസ്‌ മാർപാപ്പ മറിയ​യു​ടെ രൂപത്തിന്‌ മുന്നിൽ “കണ്ണുക​ള​ടച്ച്‌, തല കുനിച്ച്‌ മൗന​പ്രാർഥന” നടത്തി​യ​താ​യി കത്തോ​ലി​ക്കാ ന്യൂസ്‌ ഏജൻസി റിപ്പോർട്ട്‌ ചെയ്‌തു. സമാധാ​ന​ത്തി​നു​വേണ്ടി അദ്ദേഹം “മറിയ​യോട്‌ യാചിച്ചു.” “എല്ലാ മനുഷ്യ​രെ​യും, പ്രത്യേ​കിച്ച്‌ റഷ്യ​യെ​യും യു​ക്രെ​യി​നെ​യും മറിയ​യു​ടെ വിമല​ഹൃ​ദ​യ​ത്തിന്‌ സമർപ്പി​ച്ചു​കൊണ്ട്‌ പാപ്പ പ്രാർഥി​ച്ച​താ​യി” ഒരു വത്തിക്കാൻ വാർത്താ റിപ്പോർട്ടും കൂട്ടി​ച്ചേർത്തു.

 നിങ്ങൾക്ക്‌ എന്തു തോന്നു​ന്നു? രൂപത്തിന്‌ മുന്നിൽ പ്രാർഥി​ക്കു​ന്ന​തും അവയെ ആരാധ​നയ്‌ക്കാ​യി ഉപയോ​ഗി​ക്കു​ന്ന​തും ശരിയാ​ണോ? ചില ബൈബിൾവാ​ക്യ​ങ്ങൾ നോക്കുക:

•   “മീതെ ആകാശ​ത്തി​ലോ താഴെ ഭൂമി​യി​ലോ ഭൂമിക്കു കീഴെ വെള്ളത്തി​ലോ ഉള്ള എന്തി​ന്റെ​യെ​ങ്കി​ലും രൂപമോ വിഗ്ര​ഹ​മോ നീ ഉണ്ടാക്ക​രുത്‌. നീ അവയുടെ മുന്നിൽ കുമ്പി​ടു​ക​യോ അവയെ സേവി​ക്കു​ക​യോ അരുത്‌. കാരണം നിന്റെ ദൈവ​മായ യഹോവ എന്ന ഞാൻ സമ്പൂർണ​ഭക്തി ആഗ്രഹി​ക്കുന്ന ദൈവ​മാണ്‌.”—പുറപ്പാട്‌ 20:4, 5. a

•   “അവരുടെ വിഗ്ര​ഹ​ങ്ങ​ളോ സ്വർണ​വും വെള്ളി​യും, മനുഷ്യ​ന്റെ കരവി​രുത്‌. അവയ്‌ക്കു വായു​ണ്ടെ​ങ്കി​ലും സംസാ​രി​ക്കാൻ കഴിയില്ല; കണ്ണു​ണ്ടെ​ങ്കി​ലും കാണാൻ കഴിയില്ല. ചെവി​യു​ണ്ടെ​ങ്കി​ലും കേൾക്കാൻ കഴിയില്ല. മൂക്കു​ണ്ടെ​ങ്കി​ലും മണക്കാൻ കഴിയില്ല. കൈയു​ണ്ടെ​ങ്കി​ലും തൊട്ട​റി​യാൻ കഴിയില്ല; കാലു​ണ്ടെ​ങ്കി​ലും നടക്കാൻ കഴിയില്ല; അവയുടെ തൊണ്ട​യിൽനിന്ന്‌ ശബ്ദം പുറത്ത്‌ വരുന്നില്ല. അവയെ ഉണ്ടാക്കു​ന്നവർ അവയെ​പ്പോ​ലെ​ത​ന്നെ​യാ​കും; അവയിൽ ആശ്രയി​ക്കു​ന്ന​വ​രു​ടെ ഗതിയും അതുതന്നെ.”—സങ്കീർത്തനം 115:4-8.

•   “യഹോവ! അതാണ്‌ എന്റെ പേര്‌; എന്റെ മഹത്ത്വം ഞാൻ മറ്റാരു​മാ​യും പങ്കു​വെ​ക്കില്ല; എനിക്കു ലഭിക്കേണ്ട സ്‌തുതി കൊത്തി​യു​ണ്ടാ​ക്കിയ രൂപങ്ങൾക്കു ഞാൻ നൽകില്ല.”—യശയ്യ 42:8, അടിക്കു​റിപ്പ്‌.

•   “വിഗ്ര​ഹാ​രാ​ധന വിട്ട്‌ ഓടുക.”—1 കൊരി​ന്ത്യർ 10:14.

•   “വിഗ്ര​ഹ​ങ്ങ​ളിൽനിന്ന്‌ അകന്നി​രി​ക്കാൻ ശ്രദ്ധി​ച്ചു​കൊ​ള്ളൂ.”—1 യോഹ​ന്നാൻ 5:21.

 ആരാധ​ന​യിൽ വിഗ്ര​ഹങ്ങൾ ഉപയോ​ഗി​ക്കു​ന്ന​തി​നെ​ക്കു​റിച്ച്‌ ബൈബിൾ പറയു​ന്നത്‌ എന്താ​ണെന്നു കൂടുതൽ അറിയാൻ “ബൈബി​ളി​ന്റെ വീക്ഷണം—രൂപങ്ങൾ” (ഇംഗ്ലീഷ്‌) എന്ന ലേഖനം വായി​ക്കുക, അല്ലെങ്കിൽ വിഗ്രഹാരാധനയെ ദൈവം എങ്ങനെയാണു കാണുന്നത്‌? എന്ന വീഡി​യോ കാണുക.

 താഴെ കൊടു​ത്തി​രി​ക്കുന്ന ഈ വിഷയ​ങ്ങ​ളെ​ക്കു​റിച്ച്‌ ബൈബിൾ എന്താണ്‌ പറയു​ന്ന​തെന്ന്‌ അറിയാ​നും നിങ്ങൾക്ക്‌ ആഗ്രഹം കാണും:

•   “കന്യാമറിയത്തെക്കുറിച്ച്‌ ബൈബിൾ എന്താണു പറയു​ന്നത്‌?”

•   “കന്യാ​മ​റി​യ​ത്തോട്‌ പ്രാർഥി​ക്ക​ണോ?” (ഇംഗ്ലീഷ്‌)

•   “അത്ഭുത​ങ്ങ​ളും പ്രത്യ​ക്ഷ​പ്പെ​ട​ലു​ക​ളും—ദൈവ​ത്തിൽനി​ന്നാ​ണോ?” (ഇംഗ്ലീഷ്‌)

•   “ഭൂമിയിൽ സമാധാ​നം—അത്‌ എങ്ങനെ സാധ്യമാകും?”

ഫോ​ട്ടോ​കൾക്ക്‌ കടപ്പാട്‌: Vincenzo Pinto/AFP via Getty Images