ലോക​മെ​ങ്ങും പല ആളുക​ളും വീഗൻ ഭക്ഷണരീ​തി ഇഷ്ടപ്പെ​ടു​ന്നു.

•   “ഭക്ഷണത്തി​നോ വസ്‌ത്ര​ങ്ങൾക്കോ മറ്റ്‌ ആവശ്യ​ങ്ങൾക്കോ വേണ്ടി മൃഗങ്ങളെ ഏതെങ്കി​ലും വിധത്തിൽ ചൂഷണം ചെയ്യു​ന്ന​തും അവയെ ഉപദ്ര​വി​ക്കു​ന്ന​തും, കഴിയു​ന്നി​ട​ത്തോ​ളം ഒഴിവാ​ക്കി​ക്കൊ​ണ്ടുള്ള ഒരു ജീവി​ത​രീ​തി​യും തത്ത്വചി​ന്ത​യും ആണ്‌ വീഗൻ ഭക്ഷണരീ​തി.”—ദി വീഗൻ സൊ​സൈറ്റി.

 മൃഗങ്ങ​ളോ​ടുള്ള പരിഗ​ണ​ന​യ്‌ക്കു പുറമേ, ചിലർ വീഗൻ ജീവി​ത​രീ​തി തിര​ഞ്ഞെ​ടു​ക്കു​ന്നത്‌ പരിസ്ഥി​തി​യോ​ടുള്ള സ്‌നേ​ഹം​കൊ​ണ്ടും മതപര​മായ കാരണ​ങ്ങൾകൊ​ണ്ടും ആരോ​ഗ്യം കണക്കി​ലെ​ടു​ത്തും ആണ്‌.

•   “മറ്റു ഭക്ഷണരീ​തി​യിൽനിന്ന്‌ വീഗൻ ഭക്ഷണരീ​തി വ്യത്യ​സ്‌ത​മാണ്‌. പലരും ഇത്‌ തിര​ഞ്ഞെ​ടു​ക്കു​ന്നത്‌ വിശ്വാ​സ​ത്തി​ന്റെ​യോ ധാർമി​ക​ത​യു​ടെ​യോ പേരി​ലാണ്‌. ഇതിലൂ​ടെ ഓരോ വ്യക്തി​ക്കും ലോകം നന്നാക്കാൻ കഴിയു​മെ​ന്നാണ്‌ അവർ ചിന്തി​ക്കു​ന്നത്‌.”—ഒരു സർവവി​ജ്ഞാ​ന​കോ​ശം (Britannica Academic).

 വീഗൻ ഭക്ഷണരീ​തി ഈ ഭൂമി​യി​ലെ പ്രശ്‌ന​ങ്ങൾക്ക്‌ ഒരു പരിഹാ​ര​മാ​ണോ? ബൈബിൾ എന്താണ്‌ പറയുന്നത്‌?

 നമ്മുടെ സ്രഷ്ടാ​വായ യഹോവ a മനുഷ്യ​രെ മൃഗങ്ങ​ളെ​ക്കാൾ ഉയർന്ന​വ​രാ​യി​ട്ടാണ്‌ കാണു​ന്ന​തെ​ന്നും മനുഷ്യർക്ക്‌ അവയു​ടെ​മേൽ അധികാ​രം നൽകി​യി​രി​ക്കു​ന്നെ​ന്നും ബൈബിൾ പറയുന്നു. (ഉൽപത്തി 1:27, 28) കാല​ക്ര​മേണ, മനുഷ്യർക്കു ഭക്ഷണത്തി​നാ​യി മൃഗങ്ങളെ ഉപയോ​ഗി​ക്കാ​നുള്ള അനുവാ​ദ​വും ദൈവം നൽകി. (ഉൽപത്തി 9:3) എന്നാൽ മൃഗങ്ങളെ ദ്രോ​ഹി​ക്കു​ന്നത്‌ ദൈവം അംഗീ​ക​രി​ക്കു​ന്നില്ല.—സുഭാ​ഷി​തങ്ങൾ 12:10.

 ബൈബിൾ പറയു​ന്ന​ത​നു​സ​രിച്ച്‌, മാംസം കഴിക്ക​ണോ വേണ്ടയോ എന്നത്‌ വ്യക്തി​പ​ര​മായ തീരു​മാ​ന​മാണ്‌. b ഇക്കാര്യ​ത്തിൽ നമ്മളെ​ടു​ക്കുന്ന തീരു​മാ​നം ദൈവം നമ്മളെ കാണുന്ന വിധത്തെ ബാധി​ക്കു​ന്നില്ല. (1 കൊരി​ന്ത്യർ 8:8) എന്തു കഴിക്ക​ണ​മെന്ന കാര്യ​ത്തിൽ ഒരാ​ളെ​ടു​ക്കുന്ന തീരു​മാ​നത്തെ മറ്റൊ​രാൾ ചോദ്യം​ചെ​യ്യാൻ പാടില്ല.—റോമർ 14:3.

 നമ്മുടെ ജീവി​ത​രീ​തി​കൊണ്ട്‌ ലോക​ത്തി​ലെ പ്രശ്‌നങ്ങൾ മാറ്റാൻ കഴിയില്ല എന്ന്‌ ബൈബി​ളിൽനിന്ന്‌ മനസ്സി​ലാ​ക്കാ​നാ​കും. പല പ്രശ്‌ന​ങ്ങ​ളു​ടെ​യും അടിസ്ഥാന കാരണം ലോക​ത്തി​ലെ രാഷ്ട്രീ​യ​മോ സാമൂ​ഹി​ക​മോ സാമ്പത്തി​ക​മോ ആയ കാര്യ​ങ്ങ​ളാണ്‌. അത്‌ മനുഷ്യ​രു​ടെ കൈപ്പി​ടി​യിൽ ഒതുങ്ങുന്ന പ്രശ്‌ന​ങ്ങളല്ല. ബൈബിൾ പറയുന്നു:

•   “വളഞ്ഞി​രി​ക്കു​ന്നതു നേരെ​യാ​ക്കാൻ സാധി​ക്കില്ല.”—സഭാ​പ്ര​സം​ഗകൻ 1:15.

 നമ്മുടെ സ്രഷ്ടാവ്‌ നമ്മൾ ഇന്ന്‌ നേരി​ടുന്ന എല്ലാ പ്രശ്‌ന​ങ്ങ​ളും പരിഹ​രി​ക്കും. ദൈവം എന്താണ്‌ ചെയ്യാൻപോ​കു​ന്ന​തെന്ന്‌ ബൈബി​ളിൽ ആലങ്കാ​രി​ക​ഭാ​ഷ​യിൽ പറഞ്ഞി​ട്ടുണ്ട്‌.

•   “പിന്നെ ഞാൻ ഒരു പുതിയ ആകാശ​വും പുതിയ ഭൂമി​യും കണ്ടു. പഴയ ആകാശ​വും പഴയ ഭൂമി​യും നീങ്ങി​പ്പോ​യി​രു​ന്നു. കടലും ഇല്ലാതാ​യി.”—വെളി​പാട്‌ 21:1.

 ദൈവം മനുഷ്യ​ഗ​വൺമെ​ന്റു​കളെ അതായത്‌, ‘പഴയ ആകാശത്തെ’ നീക്കി ‘പുതിയ ആകാശത്തെ’ അതായത്‌, തന്റെ സ്വർഗീയ ഗവൺമെന്റ്‌ കൊണ്ടു​വ​രും. ഈ ഗവൺമെന്റ്‌ ‘പഴയ ഭൂമിയെ’ അതായത്‌, ദുഷ്ടന്മാ​രായ മനുഷ്യ​രെ ഇല്ലാതാ​ക്കും. എന്നിട്ട്‌ തന്റെ അധികാ​ര​ത്തി​നു മനസ്സോ​ടെ കീഴ്‌പെ​ടുന്ന ആളുകളെ അതായത്‌, ‘പുതിയ ഭൂമി​യു​ടെ​മേൽ’ ഭരിക്കും.

 ദൈവ​രാ​ജ്യ​ത്തി​ന്റെ ഭരണത്തി​ലൂ​ടെ മാത്രമേ മനുഷ്യർ പൂർണ​മായ അർഥത്തിൽ മൃഗങ്ങ​ളോട്‌ സമാധാ​ന​ത്തി​ലാ​യി​രി​ക്കാ​നും പരിസ്ഥി​തി​യെ സ്‌നേ​ഹി​ക്കാ​നും പഠിക്കു​ക​യു​ള്ളൂ.—യശയ്യ 11:6-9.