സോഷ്യൽ മീഡിയ അനേകം ചെറു​പ്പ​ക്കാ​രെ​യും മോശ​മാ​യി ബാധി​ക്കു​ന്നു​ണ്ടെന്ന്‌ 2023 മെയ്‌ 23-ന്‌ അമേരി​ക്ക​യി​ലെ ഉന്നത ആരോ​ഗ്യ​വി​ഭാ​ഗം മുന്നറി​യിപ്പ്‌ നൽകി.

•   “സോഷ്യൽ മീഡിയ ചില കുട്ടി​കൾക്കും കൗമാ​ര​ക്കാർക്കും പ്രയോ​ജനം ചെയ്യു​ന്നു​ണ്ടെ​ങ്കി​ലും അതു കുട്ടി​ക​ളു​ടെ മാനസി​ക​വും ശാരീ​രി​ക​വും ആയ ആരോ​ഗ്യ​ത്തെ വലിയ രീതി​യിൽ ബാധി​ക്കാൻ സാധ്യ​ത​യു​ണ്ടെന്നു പല തെളി​വു​ക​ളും സൂചി​പ്പി​ക്കു​ന്നു.”—സോഷ്യൽ മീഡി​യ​യും യുവജ​ന​ങ്ങ​ളു​ടെ മാനസി​കാ​രോ​ഗ്യ​വും: യു.എസ്‌. സർജൻ ജനറലി​ന്റെ ഔദ്യോ​ഗിക മുന്നറി​യിപ്പ്‌, 2023.”

 ഇതിന്റെ ഗൗരവം എത്ര​ത്തോ​ള​മു​ണ്ടെന്ന്‌ ഈ ഔദ്യോ​ഗിക മുന്നറി​യി​പ്പി​ലു​ണ്ടാ​യി​രുന്ന പഠനങ്ങൾ കാണി​ക്കു​ന്നു.

•   12 മുതൽ 15 വയസ്സു വരെ പ്രായ​മുള്ള കൗമാ​ര​ക്കാർ “ഒരു ദിവസം മൂന്ന്‌ മണിക്കൂ​റി​ലേറെ സോഷ്യൽ മീഡിയ ഉപയോ​ഗി​ച്ചാൽ വിഷാദം, ഉത്‌കണ്‌ഠ തുടങ്ങിയ മാനസി​ക​പ്ര​ശ്‌ന​ങ്ങൾക്കുള്ള സാധ്യത ഇരട്ടി​യാണ്‌.”

•   14 വയസ്സു​കാ​രിൽ, “സോഷ്യൽ മീഡിയ കൂടു​ത​ലാ​യി ഉപയോ​ഗി​ക്കു​ന്ന​വർക്ക്‌ ഉറക്കക്കു​റ​വും സൈബർ ബുള്ളി​യി​ങ്ങും തങ്ങളെ കാണാൻ കൊള്ളി​ല്ലെന്ന ചിന്തയും വില​കെ​ട്ട​വ​രാ​ണെന്ന തോന്ന​ലും വിഷാ​ദ​ത്തി​ന്റെ വലിയ ലക്ഷണങ്ങ​ളും അനുഭ​വി​ക്കേ​ണ്ടി​വ​രു​ന്നു. ആൺകു​ട്ടി​ക​ളെ​ക്കാൾ ഇതു പെൺകു​ട്ടി​ക​ളെ​യാണ്‌ കൂടുതൽ ബാധി​ക്കു​ന്നത്‌.”

 ഈ അപകട​ങ്ങ​ളിൽനിന്ന്‌ മാതാ​പി​താ​ക്കൾക്ക്‌ എങ്ങനെ മക്കളെ സംരക്ഷി​ക്കാം. നിങ്ങൾക്കു പ്രയോ​ജനം ചെയ്യുന്ന ചില നിർദേ​ശങ്ങൾ ബൈബി​ളി​ലുണ്ട്‌.

 നിങ്ങളും ഉൾപ്പെ​ടുക. സോഷ്യൽ മീഡി​യ​യു​ടെ അപകട​ങ്ങ​ളെ​ക്കു​റിച്ച്‌ ചിന്തി​ച്ച​ശേഷം, കുട്ടി അത്‌ ഉപയോ​ഗി​ക്ക​ണോ വേണ്ടയോ എന്ന്‌ മാതാ​പി​താ​ക്ക​ളായ നിങ്ങൾ തീരു​മാ​നി​ക്കുക.

•   ബൈബിൾത​ത്ത്വം: “ശരിയായ വഴിയിൽ നടക്കാൻ കുട്ടിയെ പരിശീ​ലി​പ്പി​ക്കുക.”—സുഭാ​ഷി​തങ്ങൾ 22:6.

•   കൂടുതൽ അറിയാൻ, “എന്റെ കുട്ടി സോഷ്യൽ മീഡിയ ഉപയോ​ഗി​ക്ക​ണോ?” (ഇംഗ്ലീഷ്‌) എന്ന ലേഖന​വും “ടെക്‌നോളജി എങ്ങനെ​യാണ്‌ ദോഷം ചെയ്യു​ന്നത്‌ . . . നിങ്ങളു​ടെ കുട്ടി​കൾക്ക്‌?” എന്ന ലേഖന​വും വായി​ക്കുക.

 സോഷ്യൽ മീഡിയ ഉപയോ​ഗി​ക്കാൻ നിങ്ങളു​ടെ കുട്ടിയെ അനുവ​ദി​ക്കു​ന്നെ​ങ്കിൽ, അതിന്റെ അപകട​ങ്ങ​ളിൽ പെടാ​തി​രി​ക്കാൻ സഹായി​ക്കു​ക​യും കുട്ടി ഓൺ​ലൈ​നാ​യി ചെയ്യുന്ന കാര്യ​ങ്ങ​ളിൽ നിങ്ങളു​ടെ ഒരു കണ്ണ്‌ ഉണ്ടായി​രി​ക്കു​ക​യും വേണം. അത്‌ എങ്ങനെ ചെയ്യാം?

 മോശ​മായ കാര്യ​ങ്ങ​ളിൽനിന്ന്‌ അവരെ സംരക്ഷി​ക്കുക. അത്തരം കാര്യങ്ങൾ തിരി​ച്ച​റി​യാ​നും ഒഴിവാ​ക്കാ​നും കുട്ടിയെ പരിശീ​ലി​പ്പി​ക്കണം.

•   ബൈബിൾത​ത്ത്വം: “ലൈം​ഗിക അധാർമി​കത, എതെങ്കി​ലും തരം അശുദ്ധി, അത്യാ​ഗ്രഹം എന്നിവ നിങ്ങളു​ടെ ഇടയിൽ പറഞ്ഞു​കേൾക്കാൻപോ​ലും പാടില്ല. . . . നാണം​കെട്ട പെരു​മാ​റ്റം, മൗഢ്യ​സം​സാ​രം, അശ്ലീല​ഫ​ലി​തം ഇങ്ങനെ നിങ്ങൾക്കു ചേരാ​ത്ത​തൊ​ന്നും പാടില്ല.”—എഫെസ്യർ 5:3, 4.

•   നിങ്ങളെ സഹായി​ക്കുന്ന വിവരങ്ങൾ അറിയാൻ “സോഷ്യൽ മീഡിയ സുരക്ഷി​ത​മാ​യി ഉപയോ​ഗി​ക്കാൻ നിങ്ങളു​ടെ കുട്ടിയെ പഠിപ്പി​ക്കുക” (ഇംഗ്ലീഷ്‌) എന്ന ലേഖനം വായി​ക്കുക.

 പരിധി​കൾ വെക്കുക. ഉദാഹ​ര​ണ​ത്തിന്‌ എപ്പോൾ, എത്ര നേരം നിങ്ങളു​ടെ കുട്ടിക്ക്‌ സോഷ്യൽ മീഡിയ ഉപയോ​ഗി​ക്കാം എന്ന കാര്യ​ത്തിൽ നിയമങ്ങൾ വെക്കുക.

•   ബൈബിൾത​ത്ത്വം: “നിങ്ങൾ എങ്ങനെ ജീവി​ക്കു​ന്നെന്നു പ്രത്യേ​കം ശ്രദ്ധി​ക്കുക; . . . ബുദ്ധി​യോ​ടെ നടന്ന്‌ സമയം ഏറ്റവും നന്നായി ഉപയോ​ഗി​ക്കുക.”—എഫെസ്യർ 5:15, 16.

•   പരിധി​കൾ വെക്കേ​ണ്ട​തി​ന്റെ പ്രാധാ​ന്യം കുട്ടിക്ക്‌ മനസ്സി​ലാ​ക്കി​ക്കൊ​ടു​ക്കാൻ സോഷ്യൽ നെറ്റ്‌വർക്കു​കൾ ബുദ്ധി​പൂർവം ഉപയോ​ഗി​ക്കുക എന്ന ബോർഡി​ലെ രേഖാ​ചി​ത്രീ​ക​രണം നിങ്ങളെ സഹായി​ക്കും.