2022 മെയ്‌ 24-ന്‌, ലോക​ത്തെ​ത്തന്നെ ഞെട്ടിച്ച ഒരു ദുരന്തം യു.എസ്‌.എ.-യിലെ ടെക്‌സ​സി​ലുള്ള യൂവാൽഡീ എന്ന ചെറിയ നഗരത്തിൽ സംഭവി​ച്ചു. ദ ന്യൂ​യോർക്ക്‌ ടൈംസ്‌ എന്ന പത്രം റിപ്പോർട്ട്‌ ചെയ്‌ത​ത​നു​സ​രിച്ച്‌ ‘റോബ്‌ എലി​മെ​ന്ററി സ്‌കൂ​ളി​ലെ 19 കുട്ടി​ക​ളെ​യും രണ്ട്‌ ടീച്ചർമാ​രെ​യും ഒരാൾ വെടി​വെച്ച്‌ കൊന്നു.’

 നമ്മളെ വേദനി​പ്പി​ക്കുന്ന ഇത്തരം വാർത്തകൾ തുട​രെ​ത്തു​ടരെ കേട്ടു​കൊ​ണ്ടി​രി​ക്കു​ക​യാണ്‌. യുഎസ്‌എ ടുഡേ എന്ന പത്രത്തി​ന്റെ ഒരു റിപ്പോർട്ട്‌ അനുസ​രിച്ച്‌, കഴിഞ്ഞ വർഷം ഐക്യ​നാ​ടു​ക​ളിൽ മാത്രം “249 വെടി​വെ​പ്പു​ക​ളാണ്‌ സ്‌കൂ​ളു​ക​ളിൽ നടന്നി​ട്ടു​ള്ളത്‌. കുറഞ്ഞത്‌ 1970 മുതലുള്ള കണക്കു​നോ​ക്കി​യാൽ ഏറ്റവും കൂടുതൽ വെടി​വെ​പ്പു​കൾ നടന്നി​ട്ടു​ള്ളത്‌ കഴിഞ്ഞ വർഷമാണ്‌.”

 അങ്ങേയറ്റം ദുഃഖ​ക​ര​മായ ഇത്തരം കാര്യങ്ങൾ നടക്കു​ന്നത്‌ എന്തു​കൊ​ണ്ടാണ്‌? ഇതൊക്കെ സംഭവി​ക്കു​മ്പോൾ നമുക്ക്‌ എങ്ങനെ പിടി​ച്ചു​നിൽക്കാം? ഇത്തരം ക്രൂര​ത​കൾക്ക്‌ എന്നെങ്കി​ലും ഒരു അവസാ​ന​മു​ണ്ടോ? ബൈബി​ളി​ന്റെ ഉത്തരം നോക്കുക.

•    നമ്മൾ ജീവി​ക്കുന്ന ഈ കാലഘ​ട്ടത്തെ ‘അവസാ​ന​കാ​ലം’ എന്നാണ്‌ ബൈബിൾ വിളി​ക്കു​ന്നത്‌. ഈ കാലത്ത്‌ ജീവി​ക്കുന്ന പല ആളുക​ളും “സഹജസ്‌നേ​ഹ​മി​ല്ലാ​ത്ത​വ​രും” “ക്രൂര​ന്മാ​രും” ആയിരി​ക്കും. അവർ വളരെ നിഷ്‌ഠൂ​ര​മാ​യി പ്രവർത്തി​ക്കും. അവരുടെ സ്വഭാവം “അടിക്കടി അധഃപ​തി​ക്കും.” (2 തിമൊ​ഥെ​യൊസ്‌ 3:1-5, 13) ഇതെക്കു​റിച്ച്‌ കൂടുതൽ അറിയാൻ, “ഇന്നത്തെ ആളുകൾ എങ്ങനെ​യു​ള്ള​വ​രാ​യി​രി​ക്കു​മെന്ന്‌ ബൈബി​ളിൽ മുൻകൂ​ട്ടി​പ്പ​റ​ഞ്ഞി​ട്ടു​ണ്ടോ?” എന്ന ലേഖനം കാണുക.

 പല ആളുക​ളും ചിന്തി​ക്കു​ന്നു​ണ്ടാ​കും, ‘സ്‌കൂൾ വെടി​വെ​പ്പു​പോ​ലുള്ള ഇത്തരം ദുരന്തങ്ങൾ എന്തു​കൊ​ണ്ടാണ്‌ ദൈവം തടയാ​ത്തത്‌?’ ബൈബി​ളി​ന്റെ ഉത്തരം അറിയാൻ “നല്ലവർ ദുരിതം അനുഭ​വി​ക്കു​ന്നു—എന്തു​കൊണ്ട്‌?” എന്ന ലേഖനം വായി​ക്കുക.

•    ‘മുമ്പ്‌ എഴുതി​യി​ട്ടു​ള്ള​തെ​ല്ലാം നമുക്കു​വേ​ണ്ടി​യാണ്‌. അതായത്‌, നമ്മളെ പഠിപ്പി​ക്കാ​നും തിരു​വെ​ഴു​ത്തു​കൾ നൽകുന്ന ആശ്വാ​സ​ത്താൽ നമുക്കു പ്രത്യാശ ഉണ്ടാകാ​നും വേണ്ടി​യാണ്‌.’—റോമർ 15:4.

 ക്രൂരത നിറഞ്ഞ ഈ ലോകത്ത്‌ മുന്നോ​ട്ടു​പോ​കാൻ, ബൈബിൾ പറയുന്ന കാര്യങ്ങൾ നമ്മളെ സഹായി​ക്കും. കൂടുതൽ വിവര​ങ്ങൾക്ക്‌ “ക്രൂരത എന്നെങ്കി​ലും അവസാ​നി​ക്കു​മോ?” (ഇംഗ്ലീഷ്‌) എന്ന വിഷയ​ത്തി​ലുള്ള ഉണരുക! മാസിക കാണുക.

 പേടി​പ്പെ​ടു​ത്തുന്ന വാർത്തകൾ മക്കളെ ബാധി​ക്കാ​തി​രി​ക്കാൻ മാതാ​പി​താ​ക്കൾക്ക്‌ ചെയ്യാ​നാ​കുന്ന കാര്യങ്ങൾ “വാർത്തകൾ ടെൻഷൻ കൂട്ടു​മ്പോൾ; നിങ്ങളു​ടെ മക്കളെ എങ്ങനെ സഹായി​ക്കാം?” എന്ന ലേഖന​ത്തി​ലുണ്ട്‌.

•    “അടിച്ച​മർത്ത​ലി​നും അക്രമ​ത്തി​നും ഇരയാ​കു​ന്ന​വരെ അവൻ മോചി​പ്പി​ക്കും.”—സങ്കീർത്തനം 72:14.

•    “അവർ അവരുടെ വാളുകൾ കലപ്പക​ളാ​യും കുന്തങ്ങൾ അരിവാ​ളു​ക​ളാ​യും അടിച്ചു​തീർക്കും. ജനത ജനതയ്‌ക്കു നേരെ വാൾ ഉയർത്തില്ല, അവർ ഇനി യുദ്ധം ചെയ്യാൻ പരിശീ​ലി​ക്കു​ക​യു​മില്ല.”—മീഖ 4:3.

 മനുഷ്യർക്ക്‌ മാറ്റം വരുത്താൻ പറ്റാത്ത കാര്യങ്ങൾ ദൈവം ചെയ്യും. ദൈവ​ത്തി​ന്റെ സ്വർഗീയ ഗവൺമെന്റ്‌ എല്ലാ ആയുധ​ങ്ങ​ളും അക്രമ​ങ്ങ​ളും ഇവി​ടെ​നിന്ന്‌ നീക്കി​ക്ക​ള​യും. ദൈവ​ത്തി​ന്റെ ഈ ഗവൺമെന്റ്‌ ചെയ്യാൻപോ​കുന്ന കാര്യ​ങ്ങ​ളെ​ക്കു​റിച്ച്‌ കൂടുതൽ അറിയാൻ “ദൈവ​രാ​ജ്യ​ത്തിൽ ‘സമാധാ​ന​സ​മൃ​ദ്ധി​യു​ണ്ടാ​കും’” എന്ന ലേഖനം വായി​ക്കുക.