2023-ന്‌ തുടക്ക​മാ​യി. നമുക്കും നമ്മുടെ കുടും​ബ​ത്തി​നും നല്ലതു വന്നുകാ​ണാൻ നമ്മൾ ആഗ്രഹി​ക്കു​ന്നു. അങ്ങനെ പ്രതീ​ക്ഷി​ക്കാ​നാ​കു​ന്നത്‌ എന്തു​കൊണ്ട്‌?

 നമ്മൾ ഇന്ന്‌ അനുഭ​വി​ക്കുന്ന പ്രശ്‌നങ്ങൾ താത്‌കാ​ലി​ക​മാ​ണെ​ന്നും അതെല്ലാം പെട്ടെ​ന്നു​തന്നെ പരിഹ​രി​ക്ക​പ്പെ​ടു​മെ​ന്നും ഉള്ള സന്തോ​ഷ​വാർത്ത ബൈബി​ളി​ലുണ്ട്‌. ശരിക്കും ബൈബിൾ എഴുതി​യി​രി​ക്കു​ന്ന​തു​തന്നെ ‘നമ്മളെ പഠിപ്പി​ക്കാ​നും അങ്ങനെ . . . തിരു​വെ​ഴു​ത്തു​കൾ നൽകുന്ന ആശ്വാ​സ​ത്താൽ നമുക്കു പ്രത്യാശ ഉണ്ടാകാ​നും വേണ്ടി​യാണ്‌.’—റോമർ 15:4.

•    ബൈബിൾ തരുന്ന ആ ഉറപ്പി​നെ​ക്കു​റിച്ച്‌ കൂടുതൽ അറിയാൻ “നല്ലൊരു ഭാവി ശരിക്കും പ്രതീ​ക്ഷി​ക്കാ​മോ?” എന്ന ലേഖനം വായി​ക്കുക.

 ബൈബിൾ നൽകുന്ന പ്രത്യാശ “നമുക്ക്‌ ഒരു നങ്കൂര​മാണ്‌.” (എബ്രായർ 6:19) കപ്പൽ ആടിയു​ല​യാ​തി​രി​ക്കാൻ ഒരു നങ്കൂരം സഹായി​ക്കു​ന്ന​തു​പോ​ലെ ബൈബി​ളി​ന്റെ പ്രത്യാശ പിടി​ച്ചു​നിൽക്കാൻ നമ്മളെ സഹായി​ക്കു​ന്നു. പ്രശ്‌ന​ങ്ങ​ളു​ണ്ടാ​കു​മ്പോൾ അതു നന്നായി കൈകാ​ര്യം ചെയ്യാ​നും പോസി​റ്റീ​വാ​യി ചിന്തി​ക്കാ​നും നിലനിൽക്കുന്ന സന്തോഷം കണ്ടെത്താ​നും ആ പ്രത്യാ​ശ​യു​ണ്ടെ​ങ്കിൽ നമുക്കാ​കും. ഉദാഹ​ര​ണ​ത്തിന്‌:

•    അഡിക്ഷ​നിൽനിന്ന്‌ പുറത്തു​ക​ട​ക്കാൻ ബൈബി​ളി​ന്റെ പ്രത്യാശ ഒരാളെ എങ്ങനെ​യാണ്‌ സഹായി​ച്ച​തെന്ന്‌ മനസ്സി​ലാ​ക്കാൻ ഞാൻ ജീവിതം മടുത്തു എന്ന വീഡി​യോ കാണുക.

•    പ്രിയ​പ്പെട്ട ഒരാൾ മരിച്ചു​പോ​കു​മ്പോൾ ബൈബി​ളി​ന്റെ പ്രത്യാശ നമ്മളെ എങ്ങനെ​യാണ്‌ സഹായി​ക്കു​ന്ന​തെന്ന്‌ അറിയാൻ വേർപാ​ടിൽ ദുഃഖി​ക്കു​ന്ന​വർക്ക്‌ ആശ്വാസം എന്ന വീഡി​യോ കാണുക.

 ജീവി​ത​ത്തിൽ നല്ലതു വന്നുകാ​ണാ​നാണ്‌ എല്ലാവ​രും ആഗ്രഹി​ക്കു​ന്നത്‌. പക്ഷേ തങ്ങൾ പ്രതീ​ക്ഷി​ക്കു​ന്ന​തു​പോ​ലെ​യൊ​ക്കെ നടക്കു​മോ എന്ന്‌ അവർക്ക്‌ ഉറപ്പില്ല. എന്നാൽ ബൈബിൾ പറയുന്ന കാര്യ​ങ്ങ​ളോ? അത്‌ നടക്കും. അതിൽ ഒട്ടും സംശയി​ക്കേ​ണ്ട​തില്ല. കാരണം “നുണ പറയാൻ കഴിയാത്ത” ദൈവ​മായ യഹോവയാണ്‌ a അതു പറഞ്ഞി​രി​ക്കു​ന്നത്‌. (തീത്തോസ്‌ 1:2) താൻ പറഞ്ഞ​തെ​ല്ലാം നിറ​വേ​റ്റാ​നുള്ള ശക്തി യഹോ​വ​യ്‌ക്കു മാത്രമേ ഉള്ളൂ. ‘തനിക്ക്‌ ഇഷ്ടമു​ള്ള​തെ​ല്ലാം ചെയ്യാൻ’ യഹോ​വ​യ്‌ക്കാ​കും.—സങ്കീർത്തനം 135:5, 6.

 ബൈബി​ളി​ന്റെ പ്രത്യാ​ശ​യെ​ക്കു​റിച്ച്‌ അറിയാൻ ഞങ്ങൾ നിങ്ങളെ ആത്മാർഥ​മാ​യി ക്ഷണിക്കു​ന്നു. ‘ശ്രദ്ധ​യോ​ടെ തിരു​വെ​ഴു​ത്തു​കൾ പരി​ശോ​ധി​ക്കു​മ്പോൾ’ നിങ്ങൾക്ക്‌ ആ പ്രത്യാ​ശ​യി​ലുള്ള വിശ്വാ​സം വർധി​ക്കും. (പ്രവൃ​ത്തി​കൾ 17:11) അതിനാ​യി ഞങ്ങളുടെ സൗജന്യ ബൈബിൾപഠന പരിപാ​ടി പരീക്ഷി​ച്ചു​നോ​ക്കൂ. അങ്ങനെ 2023 പ്രതീ​ക്ഷ​യോ​ടെ തുടങ്ങാം!