അഗ്നിന​രകം ദിവ്യ നീതി​യു​ടെ ഭാഗമോ?

 ആരെങ്കി​ലും പീഡി​പ്പി​ക്ക​പ്പെ​ടു​ന്നതു നിങ്ങൾ കണ്ടിട്ടു​ണ്ടോ? ഇല്ലെന്നു കരുതട്ടെ. കരുതി​ക്കൂ​ട്ടി​യുള്ള പീഡനം അരോ​ച​ക​വും അത്യന്തം നീചവു​മാണ്‌. അപ്പോൾപ്പി​ന്നെ പടച്ചവൻ പീഡനം അടി​ച്ചേൽപ്പി​ക്കു​ന്ന​തി​നെ കുറിച്ച്‌ നിങ്ങൾക്കു സങ്കൽപ്പി​ക്കാൻ കഴിയു​മോ? എന്നാൽ, പല മതങ്ങളു​ടെ​യും ഒരു ഔദ്യോ​ഗിക ഉപദേ​ശ​മായ അഗ്നിന​ര​കത്തെ കുറി​ച്ചുള്ള പഠിപ്പി​ക്ക​ലിൽ ഉൾപ്പെ​ട്ടി​രി​ക്കു​ന്നത്‌ വ്യക്തമാ​യും അതാണ്‌.

എന്നാൽ ഈ ഭീകര ദൃശ്യം ഒന്നു ഭാവന​യിൽ കാണുക: ചുട്ടു പഴുത്ത ഒരു ഇരിമ്പു ചട്ടിയിൽ ഒരു മനുഷ്യ​നെ വറക്കു​ക​യാണ്‌. വേദന​യിൽ കിടന്നു പുളയുന്ന അയാളു​ടെ ദീന​രോ​ദനം ആരും ശ്രദ്ധി​ക്കു​ന്നില്ല. പീഡനം തുടരു​ന്നു, മണിക്കൂ​റു​ക​ളോ​ളം, ദിവസ​ങ്ങ​ളോ​ളം—അതേ അന്തമി​ല്ലാ​തെ!

ആ വ്യക്തി​യു​ടെ കുറ്റം എന്തുതന്നെ ആയിരു​ന്നാ​ലും, അദ്ദേഹ​ത്തോ​ടു നിങ്ങൾക്കു മനസ്സലിവ്‌ തോന്നു​ക​യി​ല്ലേ? അദ്ദേഹത്തെ പീഡി​പ്പി​ക്കാൻ കൽപ്പിച്ച വ്യക്തി​യു​ടെ കാര്യ​മോ? അയാൾ സ്‌നേ​ഹ​വാ​നായ ഒരുവൻ ആയിരി​ക്കു​മോ? ഒരിക്ക​ലു​മല്ല! സ്‌നേഹം കരുണാർദ്ര​മാണ്‌. സ്‌നേ​ഹ​വാ​നായ ഒരു ബാപ്പ തന്റെ മക്കളെ ശിക്ഷി​ച്ചേ​ക്കാം, പക്ഷേ ഒരിക്ക​ലും പീഡി​പ്പി​ക്കു​ക​യില്ല!

എന്നാൽ, പടച്ചവൻ പാപി​കളെ നരകാ​ഗ്നി​യി​ലിട്ട്‌ നിത്യ​മാ​യി ദണ്ഡിപ്പി​ക്കു​ന്നു എന്നാണ്‌ അനേകം മതങ്ങളും പഠിപ്പി​ക്കു​ന്നത്‌. ദിവ്യ​നീ​തി അതാ​ണെ​ന്നാണ്‌ അവരുടെ അഭി​പ്രാ​യം. അതു സത്യമാ​ണെ​ങ്കിൽ, നിത്യ​ദ​ണ്ഡ​ന​ത്തി​ന്റെ ഭീകര സ്ഥലം സൃഷ്ടി​ച്ചത്‌ ആരാണ്‌? ആളുകൾ അവിടെ അനുഭ​വി​ക്കുന്ന അതിക​ഠോര വേദന​യ്‌ക്ക്‌ ഉത്തരവാ​ദി ആരാണ്‌? പടച്ചവൻ ആണെന്നു പറയേ​ണ്ടി​വ​രും. കാരണം, അത്തര​മൊ​രു സ്ഥലം ഉണ്ടെങ്കിൽ, തീർച്ച​യാ​യും അതു സൃഷ്ടി​ച്ച​തും അവിടെ നടക്കുന്ന ക്രൂര​കൃ​ത്യ​ങ്ങൾക്ക്‌ ഉത്തരവാ​ദി​യും ദൈവം ആയിരി​ക്ക​ണ​മ​ല്ലോ.

 നിങ്ങൾക്കത്‌ ഉൾക്കൊ​ള്ളാൻ സാധി​ക്കു​മോ? ബൈബിൾ a ഇപ്രകാ​രം പ്രസ്‌താ​വി​ക്കു​ന്നു: “ദൈവം സ്‌നേഹം തന്നേ.” (1 യോഹ​ന്നാൻ 4:8) മനുഷ്യ​ത്വം അൽപ്പം മാത്രം ഉള്ളവർക്കു പോലും നീച​മെന്നു തോന്നുന്ന തരത്തി​ലുള്ള പീഡന​ത്തിന്‌ സ്‌നേ​ഹ​വാ​നായ ഒരു ദൈവം ചുക്കാൻ പിടി​ക്കു​മോ? തീർച്ച​യാ​യും ഇല്ല!

യുക്തി​സ​ഹ​മ​ല്ലാത്ത ഒരു പഠിപ്പി​ക്കൽ

എന്നുവ​രി​കി​ലും, ദുഷ്ടന്മാർ അഗ്നിന​ര​ക​ത്തിൽ എന്നേക്കും പീഡി​പ്പി​ക്ക​പ്പെ​ടും എന്നാണ്‌ നിരവധി ആളുക​ളും വിശ്വ​സി​ക്കു​ന്നത്‌. ഈ പഠിപ്പി​ക്കൽ യുക്തി​സ​ഹ​മാ​ണോ? മനുഷ്യാ​യു​സ്സിന്‌ 70-തോ 80-തോ വർഷത്തെ ദൈർഘ്യ​മേ ഉള്ളൂ. ഒരുവൻ തന്റെ ആയുഷ്‌കാ​ലം മുഴു​വ​നും ക്രൂര​കൃ​ത്യ​ങ്ങൾ ചെയ്‌ത ആളാ​ണെ​ങ്കിൽ പോലും, അയാളെ നിത്യ​മാ​യി ദണ്ഡിപ്പി​ക്കു​ന്നത്‌ നീതിക്കു നിരക്കുന്ന ഒരു ശിക്ഷ ആയിരി​ക്കു​മോ? ഒരിക്ക​ലു​മല്ല. ഒരു മനുഷ്യാ​യു​സ്സിൽ ചെയ്യാൻ കഴിയുന്ന പരിമിത പാപങ്ങൾക്ക്‌ ഒരുവനെ എന്നേക്കും പീഡി​പ്പി​ക്കു​ന്നത്‌ കടുത്ത അനീതി​യാണ്‌.

എന്നാൽ മരണ​ശേഷം നമുക്ക്‌ സംഭവി​ക്കു​ന്നത്‌ എന്താ​ണെന്നു വാസ്‌ത​വ​ത്തിൽ അറിയാ​വു​ന്നത്‌ ആർക്കാണ്‌? പടച്ചവനു മാത്രം. മുകളിൽ പരാമർശിച്ച തന്റെ ലിഖിത വചനമായ ബൈബി​ളിൽ അവൻ അതു വെളി​പ്പെ​ടു​ത്തി​യി​രി​ക്കു​ന്നു. ബൈബിൾ പ്രസ്‌താ​വി​ക്കു​ന്നു: “[മൃഗം] മരിക്കു​ന്ന​തു​പോ​ലെ അവനും [മനുഷ്യൻ] മരിക്കു​ന്നു; രണ്ടിന്നും ശ്വാസം ഒന്നത്രേ; . . . എല്ലാം ഒരു സ്ഥലത്തേക്കു തന്നേ പോകു​ന്നു; എല്ലാം പൊടി​യിൽനി​ന്നു​ണ്ടാ​യി, എല്ലാം വീണ്ടും പൊടി​യാ​യ്‌തീ​രു​ന്നു.” (സഭാ​പ്ര​സം​ഗി 3:19, 20) അഗ്നിന​ര​കത്തെ കുറി​ച്ചുള്ള യാതൊ​രു സൂചന​യും ഇവിടില്ല. മരിക്കു​മ്പോൾ മനുഷ്യർ പൊടി​യി​ലേക്ക്‌—അസ്‌തി​ത്വ​മി​ല്ലാ​യ്‌മ​യി​ലേക്ക്‌—തിരികെ പോകു​ന്നു.

ബോധ​മു​ള്ള ഒരു വ്യക്തിക്കു മാത്രമേ പീഡനം അനുഭ​വി​ക്കാൻ കഴിയൂ. എന്നാൽ മരിച്ച​വർക്കു ബോധ​മു​ണ്ടോ? ഇല്ല. “ജീവി​ച്ചി​രി​ക്കു​ന്നവർ തങ്ങൾ മരിക്കും എന്നറി​യു​ന്നു; മരിച്ച​വ​രോ ഒന്നും അറിയു​ന്നില്ല; മേലാൽ അവർക്കു ഒരു പ്രതി​ഫ​ല​വും ഇല്ല; അവരെ ഓർമ്മ വിട്ടു​പോ​കു​ന്നു​വ​ല്ലോ.” (സഭാ​പ്ര​സം​ഗി 9:5) “ഒന്നും അറിയു​ന്നി”ല്ലാത്ത മരിച്ചു പോയ​വർക്ക്‌ അഗ്നിന​ര​ക​ത്തിൽ വേദന അനുഭ​വി​ക്കാൻ സാധി​ക്കില്ല.

 ദോഷ​ക​ര​മായ ഒരു ഉപദേശം

ശരിയോ തെറ്റോ ആയി​ക്കൊ​ള്ളട്ടെ, നരകാഗ്നി സംബന്ധിച്ച പഠിപ്പി​ക്കൽ പ്രയോ​ജ​ന​പ്രദം ആണെന്നാണ്‌ ചിലരു​ടെ വാദം. എന്തു​കൊണ്ട്‌? ദുഷ്‌പ്ര​വൃ​ത്തി​യിൽ ഏർപ്പെ​ടു​ന്ന​തിൽനിന്ന്‌ അത്‌ ആളുകളെ തടയു​ന്നു​വെന്ന്‌ അവർ പറയുന്നു. അതു സത്യമാ​ണോ? ആകട്ടെ, ആളുകൾ അഗ്നിന​ര​ക​ത്തിൽ വിശ്വ​സി​ക്കുന്ന സ്ഥലങ്ങളി​ലെ കുറ്റകൃ​ത്യ നിരക്ക്‌ മറ്റിട​ങ്ങ​ളി​ലേ​തി​നെ​ക്കാൾ കുറവാ​ണോ? തീർച്ച​യാ​യും അല്ല! അഗ്നിന​ര​കത്തെ കുറി​ച്ചുള്ള ഉപദേശം, ഫലത്തിൽ തീർത്തും ഹാനി​ക​ര​മാണ്‌. പടച്ചവൻ ആളുകളെ പീഡി​പ്പി​ക്കു​ന്നു എന്നു വിശ്വ​സി​ക്കുന്ന ഒരുവൻ, പീഡനത്തെ മോശ​മായ ഒന്നായി വീക്ഷി​ക്കു​മോ? എന്തിനു മോശ​മാ​യി വീക്ഷി​ക്കണം? ക്രൂര​നായ ഒരു പടച്ചവ​നിൽ വിശ്വ​സി​ക്കു​ന്ന​വ​രും പൊതു​വെ ക്രൂരർ ആയിരി​ക്കും.

ഏതു വീക്ഷണ കോണിൽനി​ന്നു ചിന്തി​ച്ചാ​ലും, ആളുകളെ ദണ്ഡിപ്പി​ക്കു​ന്ന​തി​നാ​യി രൂപ​പ്പെ​ടു​ത്തിയ ഒരു നരകം സ്ഥിതി ചെയ്യു​ന്നു​വെന്ന്‌ ന്യായ​ബോ​ധ​മു​ള്ള​വർക്ക്‌ അംഗീ​ക​രി​ക്കാ​നാ​വില്ല. അതു യുക്തിക്കു നിരക്കു​ന്നതല്ല. മനുഷ്യ മനസ്സിന്‌ അതി​നോ​ടു യോജി​ക്കാൻ കഴിയില്ല. അതിലും പ്രധാ​ന​മാ​യി, അത്തര​മൊ​രു സ്ഥലം ഉള്ളതായി ദൈവ​വ​ചനം പറയു​ന്ന​തേ​യില്ല. ഒരു വ്യക്തി മരിക്കു​മ്പോൾ “അവൻ മണ്ണി​ലേക്കു തിരി​യു​ന്നു; അന്നു തന്നേ അവന്റെ നിരൂ​പ​ണങ്ങൾ നശിക്കു​ന്നു.”—സങ്കീർത്തനം 146:4.

പാപത്തി​നുള്ള ശിക്ഷ എന്ത്‌?

അപ്പോൾ നമ്മുടെ പാപങ്ങൾക്കു ശിക്ഷ ലഭിക്കു​ക​യി​ല്ലെ​ന്നാ​ണോ അതിന്റെ അർഥം? തീർച്ച​യാ​യും അല്ല. വിശു​ദ്ധ​നായ നമ്മുടെ പടച്ചവൻ പാപി​കളെ ശിക്ഷി​ക്കു​ന്നു, എന്നാൽ പീഡി​പ്പി​ക്കു​ന്നില്ല. അനുത​പി​ക്കുന്ന പാപി​ക​ളോട്‌ അവൻ പൊറു​ക്കു​ക​യും ചെയ്യുന്നു. അങ്ങനെ​യെ​ങ്കിൽ, പാപത്തി​നുള്ള ശിക്ഷ എന്താണ്‌? ബൈബിൾ വളച്ചു​കെ​ട്ടി​ല്ലാ​തെ പറയുന്നു: “പാപത്തി​ന്റെ ശമ്പളം മരണമ​ത്രേ.” (റോമർ 6:23) ജീവൻ പടച്ചവ​നിൽ നിന്നുള്ള ഒരു സമ്മാന​മാണ്‌. പാപം ചെയ്യു​മ്പോൾ, മേലാൽ നാം ആ സമ്മാന​ത്തിന്‌ അർഹരല്ല. അങ്ങനെ നാം മരിക്കു​ന്നു.

എന്നാൽ നിങ്ങൾ ഇങ്ങനെ ചോദി​ച്ചേ​ക്കാം: ‘അതു നീതി​യാ​ണോ? കാരണം, എല്ലാവ​രും മരിക്കു​ന്നു​ണ്ട​ല്ലോ!’ അതു ശരിയാണ്‌, എന്തെന്നാൽ നാമെ​ല്ലാ​വ​രും പാപി​ക​ളാണ്‌. ഫലത്തിൽ ആരും ജീവന്‌ അർഹരല്ല. “ഏകമനു​ഷ്യ​നാൽ പാപവും പാപത്താൽ മരണവും ലോക​ത്തിൽ കടന്നു. ഇങ്ങനെ എല്ലാവ​രും പാപം ചെയ്‌ക​യാൽ മരണം സകലമ​നു​ഷ്യ​രി​ലും പരന്നി​രി​ക്കു​ന്നു.”—റോമർ 5:12.

ഇപ്പോൾ നിങ്ങൾ ചിന്തി​ക്കു​ന്നു​ണ്ടാ​കും: ‘നാമെ​ല്ലാ​വ​രും പാപം ചെയ്യുന്നു,  മരിക്കു​ന്നു. അപ്പോൾപ്പി​ന്നെ നാമെ​ന്തി​നു നന്മ ചെയ്യണം? ദുഷ്ടനു സംഭവി​ക്കു​ന്നതു തന്നെയാ​ണ​ല്ലോ പടച്ചവനെ സേവി​ക്കാൻ ശ്രമി​ക്കു​ന്ന​വ​നും സംഭവി​ക്കു​ന്നത്‌.’ എന്നാൽ സംഗതി അതല്ല. നാമെ​ല്ലാ​വ​രും പാപികൾ ആണെങ്കി​ലും, ആത്മാർഥ​മാ​യി അനുത​പിച്ച്‌ തങ്ങളുടെ വഴികൾക്കു മാറ്റം വരുത്താൻ ശ്രമി​ക്കു​ന്ന​വ​രോ​ടു പടച്ചവൻ പൊറു​ക്കു​ന്നു. “മനസ്സു പുതുക്കി” നന്മ ചെയ്യാ​നുള്ള നമ്മുടെ ശ്രമങ്ങൾക്ക്‌ അവൻ പ്രതി​ഫലം നൽകുന്നു. (റോമർ 12:2) ഈ സത്യങ്ങൾ അത്ഭുത​ക​ര​മായ ഒരു പ്രത്യാ​ശ​യു​ടെ അടിസ്ഥാ​ന​മാണ്‌.

സജ്ജനങ്ങൾക്കുള്ള പ്രതി​ഫ​ലം

മരണത്തിൽ നമ്മുടെ അസ്‌തി​ത്വം ഇല്ലാതാ​കു​ന്നു. എന്നാൽ അതോടെ എല്ലാം തീർന്നു എന്നർഥ​മില്ല. താൻ മരിക്കു​മ്പോൾ ശവക്കു​ഴി​യിൽ (ഷീയോ​ളിൽ) പോകു​മെന്ന്‌ വിശ്വ​സ്‌ത​നായ അയ്യൂബ്‌ മനസ്സി​ലാ​ക്കി​യി​രു​ന്നു. എന്നാൽ പടച്ചവ​നോ​ടുള്ള അവന്റെ പ്രാർഥന ശ്രദ്ധി​ക്കുക: “നീ എന്നെ പാതാ​ള​ത്തിൽ മറെച്ചു​വെ​ക്ക​യും നിന്റെ കോപം കഴിയു​വോ​ളം എന്നെ ഒളിപ്പി​ക്ക​യും എനിക്കു ഒരവധി നിശ്ചയി​ച്ചു എന്നെ ഓർക്കു​ക​യും ചെയ്‌തു​വെ​ങ്കിൽ കൊള്ളാ​യി​രു​ന്നു. മനുഷ്യൻ മരിച്ചാൽ വീണ്ടും ജീവി​ക്കു​മോ? . . . നീ വിളി​ക്കും; ഞാൻ നിന്നോ​ടു ഉത്തരം പറയും.”—ഇയ്യോബ്‌ 14:13-15.

മരണപ​ര്യ​ന്തം വിശ്വ​സ്‌ത​നാ​യി നില​കൊ​ള്ളുന്ന പക്ഷം, പടച്ചവൻ തന്നെ സ്‌മരി​ക്കു​മെ​ന്നും ജീവനി​ലേക്ക്‌ ഉയിർപ്പി​ക്കു​മെ​ന്നും അയ്യൂബ്‌ വിശ്വ​സി​ച്ചി​രു​ന്നു. പുരാതന കാലത്തെ എല്ലാ ദൈവ​ദാ​സ​ന്മാ​രും അതുത​ന്നെ​യാ​ണു വിശ്വ​സി​ച്ചി​രു​ന്നത്‌. പിൻവ​രുന്ന പ്രകാരം പറഞ്ഞ​പ്പോൾ ഈസാ നബി ആ പ്രത്യാശ സ്ഥിരീ​ക​രി​ച്ചു: “കല്ലറക​ളിൽ ഉളളവർ എല്ലാവ​രും അവന്റെ [പടച്ചവന്റെ] ശബ്ദം കേട്ടു, നൻമ ചെയ്‌തവർ ജീവന്നാ​യും തിൻമ ചെയ്‌തവർ ന്യായ​വി​ധി​ക്കാ​യും പുനരു​ത്ഥാ​നം ചെയ്‌വാ​നു​ളള നാഴിക വരുന്നു.”—യോഹ​ന്നാൻ 5:28, 29.

പുനരു​ത്ഥാ​നം എപ്പോ​ഴാ​ണു തുടങ്ങുക? ബൈബിൾ പറയു​ന്ന​ത​നു​സ​രിച്ച്‌, വളരെ പെട്ടെ​ന്നു​തന്നെ. ബൈബിൾ പ്രവചനം സൂചി​പ്പി​ക്കു​ന്ന​ത​നു​സ​രിച്ച്‌ 1914 മുതൽ ഈ ലോകം അതിന്റെ “അന്ത്യകാല”ത്തിലേക്കു (കിയാ​മത്ത്‌ നാൾ) പ്രവേ​ശി​ച്ചി​രി​ക്കു​ക​യാണ്‌. (2 തിമൊ​ഥെ​യൊസ്‌ 3:1) പെട്ടെ​ന്നു​തന്നെ, നിരവധി ആളുകൾ ‘ലോകാ​വ​സാ​നം’ എന്നു വിളി​ക്കുന്ന കാലഘ​ട്ട​ത്തിൽ, പടച്ചവൻ ദുഷ്ടത നീക്കം ചെയ്യു​ക​യും അതേത്തു​ടർന്ന്‌ സ്വർഗീയ ഭരണാ​ധി​പ​ത്യ​ത്തിൻ കീഴിൽ ഒരു പുതിയ ലോകം സ്ഥാപി​ക്കു​ക​യും ചെയ്യും.—മത്തായി 24-ാം അധ്യായം; മർക്കൊസ്‌ 13-ാം അധ്യായം; ലൂക്കൊസ്‌ 21-ാം അധ്യായം; വെളി​പ്പാ​ടു 16:14.

പടച്ചവനെ സേവി​ക്കാൻ ആത്മാർഥ​മാ​യി ശ്രമിച്ച ആളുകൾ  വസിക്കുന്ന ഭൂവ്യാ​പ​ക​മായ ഫിർദോസ്‌ ആയിരി​ക്കും അതിന്റെ ഫലം. ദുഷ്ടന്മാ​രെ അഗ്നിന​ര​ക​ത്തിൽ ചുട്ടെ​രി​ക്കു​ക​യി​ല്ലെ​ങ്കി​ലും, വരാൻ പോകുന്ന ഫിർദോ​സിൽ അവർക്കു യാതൊ​രു സ്ഥാനവും ഉണ്ടായി​രി​ക്കു​ക​യില്ല. സങ്കീർത്തനം 37:10, 11-ൽ നാം വായി​ക്കു​ന്നു: “കുറ​ഞ്ഞോ​ന്നു കഴിഞ്ഞി​ട്ടു ദുഷ്ടൻ ഇല്ല; നീ അവന്റെ ഇടം സൂക്ഷി​ച്ചു​നോ​ക്കും; അവനെ കാണു​ക​യില്ല. എന്നാൽ സൌമ്യ​ത​യു​ള്ളവർ ഭൂമിയെ കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ ആനന്ദി​ക്കും.”

ഇതെല്ലാം വെറു​മൊ​രു സ്വപ്‌ന​മാ​ണോ? അല്ല, ഇതു പടച്ചവന്റെ വാഗ്‌ദാ​ന​മാണ്‌. ബൈബി​ളിൽ നാം ഇങ്ങനെ വായി​ക്കു​ന്നു: “സിംഹാ​സ​ന​ത്തിൽനി​ന്നു ഒരു മഹാശബ്ദം പറയു​ന്ന​താ​യി ഞാൻ കേട്ടതു: ഇതാ, മനുഷ്യ​രോ​ടു​കൂ​ടെ ദൈവ​ത്തി​ന്റെ കൂടാരം; അവൻ അവരോ​ടു​കൂ​ടെ വസിക്കും; അവർ അവന്റെ ജനമാ​യി​രി​ക്കും; ദൈവം താൻ അവരുടെ ദൈവ​മാ​യി അവരോ​ടു​കൂ​ടെ ഇരിക്കും. അവൻ അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി.”—വെളി​പ്പാ​ടു 21:3-5എ.

നിങ്ങൾ ഇതു വിശ്വ​സി​ക്കു​ന്നു​വോ? വിശ്വ​സി​ച്ചേ തീരൂ. കാരണം, പടച്ചവന്റെ വചനം എല്ലായ്‌പോ​ഴും നിവൃ​ത്തി​യേ​റു​ന്നു. (യെശയ്യാ​വു 55:11) മനുഷ്യ​വർഗത്തെ സംബന്ധിച്ച അവന്റെ ഉദ്ദേശ്യ​ത്തെ കുറിച്ചു കൂടുതൽ പഠിക്കാൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ക​യാണ്‌. നിങ്ങളെ സഹായി​ക്കാൻ യഹോ​വ​യു​ടെ സാക്ഷി​കൾക്കു സന്തോ​ഷ​മേ​യു​ള്ളൂ. നിങ്ങൾക്കു താത്‌പ​ര്യം ഉണ്ടെങ്കിൽ ദയവായി താഴെ കൊടു​ത്തി​രി​ക്കുന്ന ഒരു വിലാ​സ​ത്തിൽ എഴുതുക.

[അടിക്കു​റി​പ്പു​കൾ]

മറ്റു പ്രകാ​ര​ത്തിൽ സൂചി​പ്പി​ക്കാ​ത്ത​പക്ഷം, ഇതിലെ എല്ലാ ബൈബിൾ ഉദ്ധരണി​ക​ളും ബൈബിൾ സൊ​സൈറ്റി ഓഫ്‌ ഇന്ത്യയു​ടെ ‘സത്യ​വേ​ദ​പു​സ്‌തക’ത്തിൽ നിന്നാണ്‌. NW വരുന്നി​ടത്ത്‌ ഇംഗ്ലീ​ഷി​ലുള്ള വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്തരം—റഫറൻസു​ക​ളോ​ടു കൂടി​യത്‌ ഉപയോ​ഗി​ച്ചി​രി​ക്കു​ന്നു.