പ്രിയ വായന​ക്കാ​രാ,

“വന്ന്‌ എന്നെ അനുഗ​മി​ക്കുക.” (മർക്കോസ്‌ 10:21) ഈ വാക്കു​ക​ളി​ലൂ​ടെ, തന്നെ അനുഗ​മി​ക്കാൻ യേശു നമ്മെ ക്ഷണിക്കു​ക​യാണ്‌. ആ ക്ഷണം നിങ്ങൾ സ്വീക​രി​ക്കു​മോ? അത്‌ സ്വീക​രി​ക്കു​ന്നെ​ങ്കിൽ നിങ്ങളു​ടെ ജീവിതം ധന്യവും സംതൃ​പ്‌ത​വു​മാ​കും. എന്തു​കൊ​ണ്ടാണ്‌ അങ്ങനെ പറയാൻ കഴിയു​ന്നത്‌?

തന്റെ ഏകജാ​ത​നായ പുത്രനെ യഹോവ ഭൂമി​യി​ലേക്ക്‌ അയച്ചത്‌ നമുക്കു​വേ​ണ്ടി​യാണ്‌​—അവന്റെ ജീവൻ ഒരു മറുവി​ല​യാ​യി നൽകു​ന്ന​തിന്‌. (യോഹ​ന്നാൻ 3:16) നമുക്കു​വേണ്ടി മരണം​വ​രി​ച്ച​തി​നു​പു​റമേ നാം എങ്ങനെ​യാണ്‌ ജീവി​ക്കേ​ണ്ടത്‌ എന്നുകൂ​ടി അവൻ കാണി​ച്ചു​തന്നു. ചെയ്‌ത ഓരോ സംഗതി​യി​ലും അവൻ വിശ്വ​സ്‌തത പാലി​ക്കു​ക​യും പിതാ​വി​ന്റെ ഹൃദയത്തെ സന്തോ​ഷി​പ്പി​ക്കു​ക​യും ചെയ്‌തു. പിതാ​വി​നെ എങ്ങനെ അനുക​രി​ക്കാ​മെ​ന്നും യേശു നമുക്കു കാണി​ച്ചു​തന്നു. പിതാ​വി​ന്റെ ഹിതവും വഴിക​ളും പൂർണ​മാ​യി പ്രതി​ഫ​ലി​പ്പി​ക്കു​ന്ന​താ​യി​രു​ന്നു ഈ പുത്രന്റെ വാക്കും പ്രവൃ​ത്തി​യും.​—യോഹ​ന്നാൻ 14:9.

‘നാം അടുത്തു പിന്തു​ട​രേണ്ട ഒരു മാതൃ​ക​യാണ്‌’ യേശു എന്ന്‌ ബൈബിൾ പറയുന്നു. (1 പത്രോസ്‌ 2:21) യഹോ​വ​യു​മാ​യി കൂടുതൽ അടുക്കാ​നും അർഥപൂർണ​മായ ഒരു ജീവിതം നയിക്കാ​നും നിത്യ​ജീ​വന്റെ പാതയിൽനി​ന്നു വ്യതി​ച​ലി​ക്കാ​തെ മുന്നോ​ട്ടു നടക്കാ​നും ആഗ്രഹി​ക്കു​ന്നെ​ങ്കിൽ നാം യേശു​വി​ന്റെ കാൽച്ചു​വ​ടു​കൾ അടുത്തു പിന്തു​ട​രേ​ണ്ട​തുണ്ട്‌.

എന്നാൽ, ഈ യാത്ര തുടങ്ങു​ന്ന​തിന്‌, ഭൂമി​യി​ലാ​യി​രു​ന്ന​പ്പോൾ യേശു ജീവി​ച്ച​തെ​ങ്ങ​നെ​യാ​ണെന്ന്‌ നാം നന്നായി മനസ്സി​ലാ​ക്കേ​ണ്ട​തുണ്ട്‌. അവന്റെ ജീവി​ത​വും ശുശ്രൂ​ഷ​യും വരച്ചു​കാ​ട്ടുന്ന ബൈബിൾ ഭാഗങ്ങൾ ശ്രദ്ധ​യോ​ടെ പഠിക്കു​ന്നത്‌ അതിനു നമ്മെ സഹായി​ക്കും. യേശു പറഞ്ഞതും ചെയ്‌ത​തു​മായ കാര്യ​ങ്ങ​ളെ​ക്കു​റി​ച്ചും നമ്മുടെ വാക്കി​ലും പ്രവൃ​ത്തി​യി​ലും അവനെ പകർത്താൻ കഴിയു​ന്നത്‌ എങ്ങനെ​യെ​ന്നും ചിന്തി​ക്കു​ന്നത്‌ അവനെ അനുക​രി​ക്കേണ്ട വിധം വ്യക്തമാ​യി മനസ്സി​ലാ​ക്കാൻ നമ്മെ സഹായി​ക്കും.

യഹോ​വ​യോ​ടും യേശു​വി​നോ​ടു​മുള്ള നിങ്ങളു​ടെ സ്‌നേഹം ഒന്നി​നൊ​ന്നു വർധി​ച്ചു​വ​രാൻ ഈ പ്രസി​ദ്ധീ​ക​രണം ഇടയാ​ക്കട്ടെ! ആ സ്‌നേഹം യേശു​വി​ന്റെ കാൽച്ചു​വ​ടു​കൾ അടുത്തു പിന്തു​ട​രാൻ നിങ്ങൾക്ക്‌ പ്രചോ​ദ​ന​മാ​കും. അങ്ങനെ യഹോ​വ​യു​ടെ ഹൃദയ​ത്തിന്‌ ഇന്നും എന്നേക്കും സന്തോഷം പകരാൻ നിങ്ങൾക്ക്‌ കഴിയു​മാ​റാ​കട്ടെ!