1, 2. (എ) മകൻ തന്നെ അനുസ​രി​ക്കു​ന്നതു കാണു​മ്പോൾ സ്‌നേ​ഹ​വാ​നായ ഒരു പിതാവ്‌ സന്തോ​ഷി​ക്കു​ന്നത്‌ എന്തു​കൊണ്ട്‌? (ബി) നാം അനുസ​രണം കാണി​ക്കു​മ്പോൾ യഹോ​വ​യും സന്തോ​ഷി​ക്കും എന്നു പറയു​ന്നത്‌ എന്തു​കൊണ്ട്‌?

 മകൻ കൂട്ടു​കാ​രു​മൊത്ത്‌ കളിക്കു​ന്നത്‌ ജനാല​യി​ലൂ​ടെ നോക്കി​നിൽക്കു​ക​യാണ്‌ ഒരച്ഛൻ. പെട്ടെന്ന്‌ പന്ത്‌ തെറിച്ച്‌ റോഡി​ലേക്കു വീഴുന്നു. ഇനി എന്തു ചെയ്യും എന്നാ​ലോ​ചിച്ച്‌ കുട്ടി അങ്ങനെ വിഷമി​ച്ചു​നിൽക്കു​മ്പോൾ റോഡിൽ ചെന്ന്‌ പന്ത്‌ എടുത്തു​കൊ​ണ്ടു​വ​രാൻ കൂട്ടു​കാ​രിൽ ഒരാൾ അവനെ നിർബ​ന്ധി​ക്കു​ന്നു. പക്ഷേ അവൻ അതിന്‌ തയ്യാറാ​കു​ന്നില്ല. “ഇല്ല, റോഡി​ലേക്കു പോക​രു​തെന്ന്‌ ഡാഡി പറഞ്ഞി​ട്ടുണ്ട്‌,” അവൻ പറയുന്നു. അതു കേട്ട്‌ ആ അച്ഛൻ പുഞ്ചി​രി​ക്കു​ന്നു.

² ഈ പിതാ​വിന്‌ സന്തോഷം തോന്നാൻ കാരണ​മെ​ന്താണ്‌? തനിയെ റോഡിൽ പോക​രു​തെന്ന്‌ അദ്ദേഹം മകനോ​ടു പറഞ്ഞി​രു​ന്നു. പിതാവ്‌ തന്നെ നിരീ​ക്ഷി​ക്കു​ന്നു​ണ്ടെന്ന കാര്യം അറിയു​ന്നി​ല്ലെ​ങ്കി​ലും അവൻ ആ നിർദേശം പാലി​ക്കു​ന്നു. അതുവഴി തന്റെ മകൻ അനുസ​രണം പഠിക്കു​ക​യാ​ണെ​ന്നും അങ്ങനെ അവൻ സുരക്ഷി​ത​നാ​ണെ​ന്നും പിതാ​വിന്‌ അറിയാം. നമ്മുടെ സ്വർഗീയ പിതാ​വായ യഹോ​വ​യും നമ്മെക്കു​റിച്ച്‌ ഇതുത​ന്നെ​യാ​ണു ചിന്തി​ക്കു​ന്നത്‌. വിശ്വ​സ്‌ത​രാ​യി​രി​ക്കാ​നും വാഗ്‌ദാ​നം ചെയ്യ​പ്പെ​ട്ടി​രി​ക്കുന്ന അനു​ഗ്ര​ഹങ്ങൾ പ്രാപി​ക്കാ​നും നമുക്കു സാധി​ക്ക​ണ​മെ​ങ്കിൽ നാം അവനിൽ ആശ്രയി​ക്കാ​നും അവനെ അനുസ​രി​ക്കാ​നും പഠി​ക്കേ​ണ്ട​തു​ണ്ടെന്ന്‌ അവനറി​യാം. (സദൃശ​വാ​ക്യ​ങ്ങൾ 3:5, 6) ഇക്കാര്യ​ത്തിൽ നമ്മെ സഹായി​ക്കാ​നാ​യി ഏറ്റവും നല്ല അധ്യാ​പ​ക​നെ​ത്തന്നെ അവൻ നമ്മുടെ പക്കലേക്ക്‌ അയച്ചു.

3, 4. യേശു ‘അനുസ​രണം പഠിച്ച​തും’ ‘തികഞ്ഞ​വ​നാ​ക്ക​പ്പെ​ട്ട​തും’ എങ്ങനെ? ദൃഷ്ടാ​ന്തീ​ക​രി​ക്കുക.

³ ബൈബിൾ യേശു​വി​നെ​ക്കു​റിച്ച്‌ ശ്രദ്ധേ​യ​മായ ഒരു വസ്‌തുത വെളി​പ്പെ​ടു​ത്തു​ന്നു: “പുത്ര​നെ​ങ്കി​ലും താൻ സഹിച്ച കഷ്ടങ്ങളാൽ അവൻ അനുസ​രണം പഠിച്ചു; അങ്ങനെ, അവൻ തികഞ്ഞ​വ​നാ​ക്ക​പ്പെട്ട്‌ തന്നെ അനുസ​രി​ക്കുന്ന സകലർക്കും നിത്യ​ര​ക്ഷ​യ്‌ക്കു കാരണ​ഭൂ​ത​നാ​യി​ത്തീർന്നു.” (എബ്രായർ 5:8, 9) ദൈവ​പു​ത്രൻ യുഗങ്ങ​ളോ​ളം സ്വർഗ​ത്തിൽ ഉണ്ടായി​രു​ന്നു. സാത്താ​നും മറ്റു ചില ദൂതന്മാ​രും ദൈവ​ത്തോ​ടു മത്സരി​ക്കു​ന്നത്‌ കണ്ടെങ്കി​ലും ഈ ആദ്യജാത പുത്രൻ അവരോ​ടൊ​പ്പം ചേർന്നില്ല. “ഞാനോ മറുത്തു​നി​ന്നില്ല” എന്ന്‌ പ്രവാ​ചകൻ അവനെ​ക്കു​റിച്ച്‌ എഴുതി​യി​രി​ക്കു​ന്നു. (യെശയ്യാ​വു 50:5) അങ്ങനെ​യെ​ങ്കിൽ, “അനുസ​രണം പഠിച്ചു” എന്ന വാക്കുകൾ സമ്പൂർണ അനുസ​രണം പ്രകട​മാ​ക്കി​യി​രുന്ന ദൈവ​പു​ത്രന്റെ കാര്യ​ത്തിൽ എങ്ങനെ​യാണ്‌ സത്യമാ​കു​ന്നത്‌? പൂർണ​നാ​യി​രുന്ന അവൻ എങ്ങനെ​യാണ്‌ ‘തികഞ്ഞ​വ​നാ​ക്ക​പ്പെ​ട്ടത്‌?’

 ⁴ അത്‌ ഇങ്ങനെ ഉദാഹ​രി​ക്കാം: ഒരു പടയാ​ളി​യു​ടെ കൈവശം ഇരുമ്പു​കൊ​ണ്ടുള്ള ഒരു വാളു​ണ്ടെന്നു കരുതുക. അതിന്റെ പണി ഒന്നാന്ത​ര​മാ​ണെ​ങ്കി​ലും മുമ്പ്‌ യുദ്ധത്തിൽ അത്‌ ഉപയോ​ഗി​ച്ചു​നോ​ക്കി​യി​ട്ടില്ല. എന്നാൽ കൂടുതൽ ഉറപ്പുള്ള ഒരു ലോഹം​കൊ​ണ്ടു​ണ്ടാ​ക്കിയ, അതായത്‌ ഉരുക്കു​കൊ​ണ്ടു നിർമിച്ച, മറ്റൊരു വാളു​മാ​യി അയാൾ അത്‌ വെച്ചു​മാ​റു​ന്നു. ഈ വാളാ​കട്ടെ, മുമ്പ്‌ പല യുദ്ധങ്ങ​ളി​ലും ഫലകര​മാ​യി ഉപയോ​ഗി​ച്ചി​ട്ടു​ള്ള​തു​മാണ്‌. ഇവിടെ, ഏതു വാളി​നാണ്‌ കൂടുതൽ മേന്മ? ഉത്തരം വ്യക്തമാണ്‌. യേശു കാണിച്ച അനുസ​ര​ണ​ത്തി​ന്റെ കാര്യ​വും അങ്ങനെ​തന്നെ. സ്വർഗ​ത്തി​ലാ​യി​രു​ന്ന​പ്പോൾ അവൻ കാണിച്ച അനുസ​രണം തികവു​റ്റ​താ​യി​രു​ന്നു. എന്നാൽ ഭൂമി​യി​ലെ ജീവി​ത​ത്തി​നു​ശേഷം അവന്റെ അനുസ​ര​ണ​ത്തിന്‌ പുതി​യൊ​രു മാനം കൈവന്നു: സ്വർഗ​ത്തിൽ ഒരിക്ക​ലും ഉണ്ടാകു​ക​യി​ല്ലാത്ത തരം പരി​ശോ​ധ​ന​ക​ളാൽ ഭൂമി​യിൽ അവന്റെ അനുസ​രണം പരീക്ഷി​ക്ക​പ്പെ​ടു​ക​യും അങ്ങനെ അതിന്‌ കൂടുതൽ ദൃഢത​യും മേന്മയും കൈവ​രു​ക​യും ചെയ്‌തു.

5. (എ) യേശു കാണിച്ച അനുസ​ര​ണ​ത്തി​ന്റെ പ്രസക്തി എന്ത്‌? (ബി) നാം ഈ അധ്യാ​യ​ത്തിൽ എന്തു പരിചി​ന്തി​ക്കും?

⁵ ഭൂമി​യി​ലെ തന്റെ നിയോ​ഗം നിറ​വേ​റ്റാൻ യേശു​വിന്‌ അനുസ​രണം അനിവാ​ര്യ​മാ​യി​രു​ന്നു. ആദ്യമ​നു​ഷ്യ​നായ ആദാം ചെയ്യാൻ പരാജ​യ​പ്പെ​ട്ടത്‌ എന്താണോ അതു ചെയ്യാ​നാണ്‌ “അവസാ​നത്തെ ആദാം” ആയ യേശു ഭൂമി​യി​ലേക്കു വന്നത്‌: പരി​ശോ​ധ​ന​ക​ളി​ന്മ​ധ്യേ​യും യഹോ​വ​യാം ദൈവ​ത്തോട്‌ അനുസ​ര​ണ​മു​ള്ള​വ​നാ​യി​രി​ക്കാൻ. (1 കൊരി​ന്ത്യർ 15:45) യേശു​വി​ന്റെ അനുസ​രണം പക്ഷേ യാന്ത്രി​ക​മാ​യി​രു​ന്നില്ല. മുഴു​മ​ന​സ്സോ​ടും മുഴു​ഹൃ​ദ​യ​ത്തോ​ടും മുഴു​ദേ​ഹി​യോ​ടും കൂടെ അവൻ ദൈവത്തെ അനുസ​രി​ച്ചു. തികഞ്ഞ സന്തോ​ഷ​ത്തോ​ടെ​യാണ്‌ അവൻ അങ്ങനെ ചെയ്‌തത്‌. ആഹാര​ത്തെ​ക്കാൾ അവന്‌ പ്രധാ​ന​മാ​യി​രു​ന്നു പിതാ​വി​ന്റെ ഹിതം നിറ​വേ​റ്റു​ന്നത്‌. (യോഹ​ന്നാൻ 4:34) നമുക്ക്‌ എങ്ങനെ യേശു​വി​നെ​പ്പോ​ലെ അനുസ​ര​ണ​മു​ള്ള​വ​രാ​യി​രി​ക്കാ​നാ​കും? ആദ്യം​തന്നെ, അനുസ​ര​ണ​മു​ള്ള​വ​നാ​യി​രി​ക്കാൻ യേശു​വി​നെ പ്രേരി​പ്പിച്ച സംഗതി​കൾ എന്താ​ണെന്നു നോക്കാം. അവന്റെ മനോ​ഭാ​വം നട്ടുവ​ളർത്തു​ന്നത്‌ പ്രലോ​ഭ​ന​ങ്ങളെ ചെറു​ക്കാ​നും ദൈ​വേഷ്ടം ചെയ്യാ​നും നമ്മെ സഹായി​ക്കും. ക്രിസ്‌തു​വി​നെ​പ്പോ​ലെ അനുസ​ര​ണ​മു​ള്ള​വ​രാ​യി​രി​ക്കു​മ്പോൾ ലഭിക്കുന്ന ചില അനു​ഗ്ര​ഹ​ങ്ങ​ളെ​ക്കു​റി​ച്ചും നാം ചിന്തി​ക്കു​ന്ന​താ​യി​രി​ക്കും.

6, 7. അനുസ​രണം കാണി​ക്കാൻ യേശു​വി​നെ പ്രേരി​പ്പിച്ച ചില ഘടകങ്ങൾ ഏവ?

⁶ യേശു​വി​ന്റെ ചില നല്ല ഗുണങ്ങ​ളാ​യി​രു​ന്നു അനുസ​രി​ക്കാൻ അവനെ പ്രേരി​പ്പി​ച്ചത്‌. 3-ാം അധ്യാ​യ​ത്തിൽ കണ്ടതു​പോ​ലെ അവൻ താഴ്‌മ​യു​ള്ള​വ​നാ​യി​രു​ന്നു. അനുസ​രണം കാണി​ക്കു​ന്ന​തിന്‌ ഒരു വിലങ്ങു​ത​ടി​യാണ്‌ അഹങ്കാരം. എന്നാൽ മനസ്സോ​ടെ യഹോ​വയെ അനുസ​രി​ക്കാൻ താഴ്‌മ  നമ്മെ സഹായി​ക്കും. (പുറപ്പാ​ടു 5:1, 2; 1 പത്രോസ്‌ 5:5, 6) അനുസ​രണം കാണി​ക്കാൻ യേശു​വി​നെ സഹായിച്ച വേറെ രണ്ടുകാ​ര്യ​ങ്ങ​ളാണ്‌ നീതി​യോ​ടുള്ള സ്‌നേ​ഹ​വും അധർമ​ത്തോ​ടുള്ള വെറു​പ്പും.

⁷ എല്ലാറ്റി​ലു​മു​പരി യേശു തന്റെ സ്വർഗീയ പിതാ​വായ യഹോ​വയെ സ്‌നേ​ഹി​ച്ചി​രു​ന്നു. അതേക്കു​റിച്ച്‌ 13-ാം അധ്യാ​യ​ത്തിൽ നാം വിശദ​മാ​യി ചർച്ച​ചെ​യ്യു​ന്ന​താ​യി​രി​ക്കും. ദൈവ​ഭയം വളർത്തി​യെ​ടു​ക്കാൻ അവനെ പ്രേരി​പ്പി​ച്ചത്‌ ആ സ്‌നേ​ഹ​മാ​യി​രു​ന്നു. യഹോ​വ​യോട്‌ അത്രമേൽ സ്‌നേ​ഹ​വും ഭയഭക്തി​യും ഉണ്ടായി​രു​ന്ന​തി​നാൽ ദൈവത്തെ അപ്രീ​തി​പ്പെ​ടു​ത്തു​ന്ന​തി​നെ​ക്കു​റിച്ച്‌ ചിന്തി​ക്കാൻപോ​ലും അവനാ​കു​മാ​യി​രു​ന്നില്ല. യേശു​വിന്‌ ദൈവ​ഭ​യ​മു​ണ്ടാ​യി​രു​ന്നു എന്നതാണ്‌ അവന്റെ പ്രാർഥ​ന​കൾക്ക്‌ ഉത്തരം ലഭിച്ച​തി​ന്റെ ഒരു കാരണം. (എബ്രായർ 5:7) മിശി​ഹൈക രാജാ​വെന്ന നിലയി​ലുള്ള അവന്റെ ഭരണവും ദൈവ​ഭ​യ​ത്തിൽ അധിഷ്‌ഠി​ത​മാ​യി​രി​ക്കും.​—യെശയ്യാ​വു 11:3.

8, 9. പ്രവചി​ക്ക​പ്പെ​ട്ട​തു​പോ​ലെ, നീതി​യോ​ടും ദുഷ്ടത​യോ​ടു​മുള്ള യേശു​വി​ന്റെ മനോ​ഭാ​വം എന്തായി​രു​ന്നു? നീതിയെ സ്‌നേ​ഹി​ക്കു​ക​യും ദുഷ്ടതയെ വെറു​ക്കു​ക​യും ചെയ്യു​ന്നു​വെന്ന്‌ യേശു വ്യക്തമാ​ക്കി​യത്‌ എങ്ങനെ?

⁸ യഹോ​വയെ സ്‌നേ​ഹി​ക്കു​ന്ന​തിൽ അവന്‌ അനിഷ്ട​മായ കാര്യങ്ങൾ  വെറു​ക്കു​ന്ന​തും ഉൾപ്പെ​ടു​ന്നു. മിശി​ഹൈക രാജാ​വി​നെ​ക്കു​റി​ച്ചുള്ള പിൻവ​രുന്ന പ്രവചനം ശ്രദ്ധി​ക്കുക: “നീ നീതിയെ ഇഷ്ടപ്പെട്ടു ദുഷ്ടതയെ ദ്വേഷി​ക്കു​ന്നു; അതു​കൊ​ണ്ടു ദൈവം, നിന്റെ ദൈവം തന്നെ, നിന്റെ കൂട്ടു​കാ​രിൽ പരമായി നിന്നെ ആനന്ദ​തൈ​ലം​കൊ​ണ്ടു അഭി​ഷേകം ചെയ്‌തി​രി​ക്കു​ന്നു.” (സങ്കീർത്തനം 45:7) ഇവിടെ, യേശു​വി​ന്റെ ‘കൂട്ടു​കാർ’ എന്നു പറഞ്ഞി​രി​ക്കു​ന്നത്‌ ദാവീ​ദു​രാ​ജാ​വി​ന്റെ വംശപ​ര​മ്പ​ര​യി​ലെ മറ്റു രാജാ​ക്ക​ന്മാ​രെ​യാണ്‌. രാജാ​വാ​യി അഭി​ഷേകം ചെയ്യ​പ്പെ​ടുന്ന സമയത്ത്‌, അവരിൽ എല്ലാവ​രെ​ക്കാ​ളും സന്തോ​ഷി​ക്കാൻ യേശു​വിന്‌ കാരണ​മു​ണ്ടാ​യി​രി​ക്കു​മാ​യി​രു​ന്നു. അവരു​ടേ​തി​ലും വലിയ അനു​ഗ്ര​ഹ​മാണ്‌ അവന്‌ ലഭിക്കാ​നി​രു​ന്നത്‌; അവന്റെ ഭരണം എണ്ണിയാ​ലൊ​ടു​ങ്ങാത്ത പ്രയോ​ജ​നങ്ങൾ കൈവ​രു​ത്തു​മാ​യി​രു​ന്നു. നീതിയെ സ്‌നേ​ഹി​ക്കു​ക​യും ദുഷ്ടതയെ ദ്വേഷി​ക്കു​ക​യും ചെയ്‌തത്‌ എല്ലാ കാര്യ​ങ്ങ​ളി​ലും ദൈവത്തെ അനുസ​രി​ക്കാൻ അവനെ പ്രേരി​പ്പി​ച്ചു. അതിനാ​ലാണ്‌ അവൻ ഇവ്വിധം അനു​ഗ്ര​ഹി​ക്ക​പ്പെ​ട്ടത്‌.

⁹ നീതിയെ സ്‌നേ​ഹി​ക്കു​ക​യും ദുഷ്ടതയെ വെറു​ക്കു​ക​യും ചെയ്യു​ന്നു​വെന്ന്‌ യേശു വ്യക്തമാ​ക്കി​യത്‌ എങ്ങനെ​യാണ്‌? ചില ഉദാഹ​ര​ണങ്ങൾ നോക്കാം. പ്രസം​ഗ​വേ​ല​യോ​ടു ബന്ധപ്പെട്ട്‌ യേശു നൽകിയ നിർദേ​ശങ്ങൾ ശിഷ്യ​ന്മാർ അനുസ​രി​ക്കു​ക​യും നല്ല ഫലം കൊയ്യു​ക​യും ചെയ്‌ത​പ്പോൾ അവന്റെ പ്രതി​ക​രണം എന്തായി​രു​ന്നു? അവൻ അത്യധി​കം “ആനന്ദിച്ചു.” (ലൂക്കോസ്‌ 10:1, 17, 21) ഇനി, തങ്ങളെ സഹായി​ക്കാ​നുള്ള യേശു​വി​ന്റെ സ്‌നേ​ഹ​പൂർവ​ക​മായ ശ്രമങ്ങൾ അവഗണി​ച്ചു​കൊണ്ട്‌ യെരൂ​ശ​ലേം നിവാ​സി​കൾ വീണ്ടും​വീ​ണ്ടും അനുസ​ര​ണ​ക്കേട്‌ കാണി​ച്ച​പ്പോൾ അവന്‌ എന്താണ്‌ തോന്നി​യത്‌? അവൻ ആ നഗര​ത്തെ​ച്ചൊ​ല്ലി “വിലപി​ച്ചു.” (ലൂക്കോസ്‌ 19:41, 42) അതെ, ആളുകൾ ചെയ്‌ത നന്മയും തിന്മയും യേശു​വിൽ തീവ്ര​മായ വികാ​രങ്ങൾ ഉളവാക്കി.

10. (എ) സത്‌പ്ര​വൃ​ത്തി​ക​ളോ​ടും ദുഷ്‌ചെ​യ്‌തി​ക​ളോ​ടും നമുക്ക്‌ ഏതുതരം മനോ​ഭാ​വം ഉണ്ടായി​രി​ക്കണം?(ബി) അതു വളർത്തി​യെ​ടു​ക്കാൻ നാം എന്തു ചെയ്യണം?

¹⁰ യേശു​വി​ന്റെ മനോ​വി​കാ​ര​ങ്ങ​ളെ​ക്കു​റി​ച്ചു ധ്യാനി​ക്കു​ന്നത്‌, യഹോ​വയെ അനുസ​രി​ക്കാൻ നമ്മെ പ്രേരി​പ്പി​ക്കുന്ന ഘടകങ്ങൾ എന്താ​ണെന്ന്‌ പരി​ശോ​ധി​ച്ചു​നോ​ക്കാൻ നമ്മെ സഹായി​ക്കും. അപൂർണ​രാ​ണെ​ങ്കി​ലും സത്‌പ്ര​വൃ​ത്തി​ക​ളോട്‌ ആത്മാർഥ​മായ സ്‌നേ​ഹ​വും ദുഷ്‌ചെ​യ്‌തി​ക​ളോ​ടു കടുത്ത വെറു​പ്പും വളർത്തി​യെ​ടു​ക്കാൻ നമുക്കാ​കും. യഹോ​വ​യെ​യും അവന്റെ പുത്ര​നെ​യും മാതൃ​ക​ക​ളാ​ക്കി, അവരു​ടേ​തു​പോ​ലുള്ള മനോ​വി​കാ​രങ്ങൾ വളർത്തി​യെ​ടു​ക്കാൻ കഴിയ​ണ​മെ​ങ്കിൽ, നാം അതിനു​വേണ്ടി പ്രാർഥി​ക്കേ​ണ്ട​തുണ്ട്‌. (സങ്കീർത്തനം 51:10) ഒപ്പം, ഇത്തരം മനോ​വി​കാ​രങ്ങൾ പ്രകട​മാ​ക്കു​ന്ന​തിന്‌ വിഘാ​ത​മായ സ്വാധീ​നങ്ങൾ നാം ഒഴിവാ​ക്കു​ക​യും വേണം. വിനോ​ദ​വും സഹവാ​സ​വും ശ്രദ്ധാ​പൂർവം തിര​ഞ്ഞെ​ടു​ക്കേ​ണ്ട​തും പ്രധാ​ന​മാണ്‌. (സദൃശ​വാ​ക്യ​ങ്ങൾ 13:20; ഫിലി​പ്പി​യർ 4:8) ക്രിസ്‌തു​വി​ന്റേ​തു​പോ​ലുള്ള മനോ​ഭാ​വം വളർത്തി​യെ​ടു​ക്കു​ന്നെ​ങ്കിൽ നമ്മുടെ അനുസ​രണം കേവലം ഒരു പുറം​പൂ​ച്ചാ​യി​രി​ക്കില്ല. ശരിയായ കാര്യ​ങ്ങ​ളോ​ടുള്ള  സ്‌നേഹം നിമി​ത്ത​മാ​യി​രി​ക്കും നാം ശരി ചെയ്യു​ന്നത്‌. അതു​പോ​ലെ, ദുഷ്‌ചെ​യ്‌തി​കൾ നാം ഒഴിവാ​ക്കു​ന്നത്‌ പിടി​ക്ക​പ്പെ​ടു​മെന്ന ഭയം നിമി​ത്ത​മാ​യി​രി​ക്കില്ല പിന്നെ​യോ അവയോ​ടുള്ള വെറുപ്പ്‌ നിമി​ത്ത​മാ​യി​രി​ക്കും.

11, 12. (എ) ശുശ്രൂ​ഷ​യു​ടെ ആരംഭ​ത്തിൽ യേശു​വിന്‌ എന്ത്‌ അനുഭ​വ​മു​ണ്ടാ​യി? (ബി) സാത്താൻ യേശു​വി​നെ ആദ്യം പരീക്ഷി​ച്ചത്‌ എങ്ങനെ? (സി) അതിനാ​യി അവൻ ഏതു തന്ത്രങ്ങൾ ഉപയോ​ഗി​ച്ചു?

¹¹ ശുശ്രൂ​ഷ​യു​ടെ ആരംഭ​ത്തിൽത്തന്നെ പാപ​ത്തോ​ടുള്ള യേശു​വി​ന്റെ മനോ​ഭാ​വം പരീക്ഷി​ക്ക​പ്പെട്ടു. സ്‌നാ​ന​ത്തി​നു​ശേഷം 40 രാവും പകലും അവൻ ഭക്ഷണമി​ല്ലാ​തെ മരുഭൂ​മി​യിൽ കഴിഞ്ഞു. അതിനു​ശേഷം സാത്താൻ അവനെ പരീക്ഷി​ക്കാൻ എത്തി. സാത്താൻ എത്ര തന്ത്രപൂർവ​മാണ്‌ പ്രവർത്തി​ച്ച​തെന്നു നോക്കുക.​—മത്തായി 4:1-11.

¹² സാത്താൻ യേശു​വി​നോട്‌ ആദ്യം ഇങ്ങനെ പറഞ്ഞു: “നീ ദൈവ​പു​ത്ര​നാ​ണെ​ങ്കിൽ ഈ കല്ലുക​ളോട്‌ അപ്പമാ​യി​ത്തീ​രാൻ കൽപ്പി​ക്കുക.” (മത്തായി 4:3) ആ നീണ്ട ഉപവാ​സ​ത്തി​നു​ശേഷം യേശു ഏത്‌ അവസ്ഥയി​ലാ​യി​രു​ന്നു? “അവനു വിശന്നു” എന്ന്‌ ബൈബിൾ പറയുന്നു. (മത്തായി 4:2) അതു​കൊണ്ട്‌ ഭക്ഷണം കഴിക്കാ​നുള്ള യേശു​വി​ന്റെ സ്വാഭാ​വി​ക​മായ ആഗ്രഹത്തെ സാത്താൻ മുത​ലെ​ടു​ക്കാൻ ശ്രമിച്ചു. അതിനാ​യി യേശു ക്ഷീണി​ത​നാ​കു​ന്ന​തു​വരെ അവൻ കാത്തി​രു​ന്നു. “നീ ദൈവ​പു​ത്ര​നാ​ണെ​ങ്കിൽ” എന്ന വാക്കു​ക​ളി​ലെ പരിഹാ​സ​ധ്വ​നി​യും ശ്രദ്ധി​ക്കുക. യേശു “സകല സൃഷ്ടി​കൾക്കും ആദ്യജാ​തൻ” ആണെന്ന്‌ സാത്താന്‌ അറിയാ​മാ​യി​രു​ന്നു. (കൊ​ലോ​സ്യർ 1:15) എന്നിട്ടും “നീ ദൈവ​പു​ത്ര​നാ​ണെ​ങ്കിൽ” എന്നു പറഞ്ഞു​കൊണ്ട്‌ അവൻ യേശു​വി​നെ വെല്ലു​വി​ളി​ച്ചു. എന്നാൽ യേശു പ്രകോ​പി​ത​നാ​യി അനുസ​ര​ണ​ക്കേടു കാണി​ച്ചില്ല. സ്വാർഥ​താ​ത്‌പ​ര്യ​ങ്ങൾക്കാ​യി തന്റെ ശക്തി ഉപയോ​ഗി​ക്കു​ന്നത്‌ ദൈവ​ത്തി​നു പ്രസാ​ദ​ക​ര​മാ​യി​രി​ക്കി​ല്ലെന്ന്‌ യേശു​വിന്‌ അറിയാ​മാ​യി​രു​ന്നു. അതു​കൊണ്ട്‌ സാത്താൻ പറഞ്ഞതു​പോ​ലെ പ്രവർത്തി​ക്കാൻ യേശു തയ്യാറാ​യില്ല. അങ്ങനെ, യഹോവ തന്നെ പുലർത്തു​മെന്ന ഉറപ്പ്‌ തനിക്കു​ണ്ടെന്ന്‌ അവൻ കാണിച്ചു. മാർഗ​ദർശ​ന​ത്തി​നാ​യി താൻ താഴ്‌മ​യോ​ടെ യഹോ​വ​യിൽ ആശ്രയി​ക്കു​ന്നു​വെ​ന്നും അവൻ അതിലൂ​ടെ തെളി​യി​ച്ചു.​—മത്തായി 4:4.

13-15. (എ) യേശു​വിന്‌ നേരിട്ട രണ്ടാമ​ത്തെ​യും മൂന്നാ​മ​ത്തെ​യും പരീക്ഷകൾ ഏവ? (ബി) അവൻ എങ്ങനെ പ്രതി​ക​രി​ച്ചു? (സി) യേശു​വിന്‌ ഒരിക്ക​ലും ജാഗ്രത കൈ​വെ​ടി​യാ​നാ​കു​മാ​യി​രു​ന്നില്ല എന്നു പറയു​ന്നത്‌ എന്തു​കൊണ്ട്‌?

¹³ രണ്ടാമ​താ​യി, സാത്താൻ യേശു​വി​നെ കൂട്ടി​ക്കൊ​ണ്ടു​പോ​യി ദൈവാ​ല​യ​മ​തി​ലി​ന്മേൽ നിറുത്തി. അത്രയും ഉയരത്തിൽനി​ന്നു താഴേക്കു ചാടി അമ്പരപ്പി​ക്കുന്ന ഒരു പ്രകടനം കാഴ്‌ച​വെ​ക്കാൻ പറഞ്ഞു​കൊണ്ട്‌ അവൻ യേശു​വി​നെ പ്രലോ​ഭി​പ്പി​ച്ചു. ദൂതന്മാർ “നിന്നെ കൈക​ളിൽ താങ്ങും” എന്നു പറഞ്ഞു​കൊണ്ട്‌ വളരെ വിദഗ്‌ധ​മാ​യി അവൻ ദൈവ​വ​ചനം വളച്ചൊ​ടി​ച്ചു. അത്തര​മൊ​രു അത്ഭുതം കണ്ടാൽ, യേശു​വാണ്‌ വാഗ്‌ദത്ത മിശിഹാ  എന്ന കാര്യ​ത്തിൽ സംശയ​മു​ന്ന​യി​ക്കാൻ പിന്നെ ആരെങ്കി​ലും മുതി​രു​മാ​യി​രു​ന്നോ? ആ ഗംഭീര പ്രകടനം കണ്ട്‌ ജനം യേശു​വി​നെ മിശി​ഹാ​യാ​യി അംഗീ​ക​രി​ക്കു​ക​യാ​ണെ​ങ്കിൽ അവന്‌ വളരെ​യ​ധി​കം പ്രശ്‌ന​ങ്ങ​ളും കഷ്ടങ്ങളും ഒഴിവാ​ക്കാ​നാ​കു​മാ​യി​രു​ന്നി​ല്ലേ? ഒരുപക്ഷേ കഴിയു​മാ​യി​രു​ന്നു. എന്നാൽ, യഹോ​വ​യു​ടെ ഹിതം അതല്ലെന്ന്‌ യേശു​വിന്‌ അറിയാ​മാ​യി​രു​ന്നു. മിശിഹാ എളിയ ഒരു വിധത്തിൽ തന്റെ നിയോ​ഗം നിറ​വേ​റ്റണം എന്നതാ​യി​രു​ന്നു ദൈ​വോ​ദ്ദേ​ശ്യം. (യെശയ്യാ​വു 42:1, 2) ഇപ്രാ​വ​ശ്യ​വും യഹോ​വ​യോട്‌ അനുസ​ര​ണ​ക്കേട്‌ കാണി​ക്കാൻ യേശു തയ്യാറാ​യില്ല. യേശു ഒരിക്ക​ലും പ്രശസ്‌തി ആഗ്രഹി​ച്ചി​രു​ന്നില്ല. അതു​കൊ​ണ്ടു​തന്നെ സാത്താന്‌ അവനെ ആ കെണി​യി​ലും അകപ്പെ​ടു​ത്താ​നാ​യില്ല.

¹⁴ സാത്താൻ യേശു​വി​നെ മൂന്നാ​മ​തും പ്രലോ​ഭി​പ്പി​ച്ചു. ലോക​ത്തി​ലെ സകല രാജ്യ​ങ്ങ​ളും കാണി​ച്ചു​കൊ​ടു​ത്തിട്ട്‌ “നീ എന്റെ മുമ്പാകെ വീണ്‌ എന്നെ​യൊ​ന്നു നമസ്‌ക​രി​ച്ചാൽ ഈ കാണു​ന്ന​തൊ​ക്കെ​യും ഞാൻ നിനക്കു തരാം” എന്ന്‌ സാത്താൻ യേശു​വി​നോ​ടു പറഞ്ഞു. സാത്താന്റെ വാഗ്‌ദാ​നം യേശു പരിഗ​ണി​ച്ചോ? “സാത്താനേ, ദൂരെ​പ്പോ​കൂ!” എന്നായി​രു​ന്നു അവന്റെ മറുപടി. “‘നിന്റെ ദൈവ​മായ യഹോ​വ​യെ​യാണ്‌ നീ ആരാധി​ക്കേ​ണ്ടത്‌; അവനെ മാത്രമേ നീ സേവി​ക്കാ​വൂ’ എന്ന്‌ എഴുതി​യി​രി​ക്കു​ന്നു” എന്നും അവൻ കൂട്ടി​ച്ചേർത്തു. (മത്തായി 4:9, 10) എന്തു വാഗ്‌ദാ​നം ലഭിച്ചാ​ലും, യഹോ​വ​യ്‌ക്ക്‌ അർഹമായ ആരാധന മറ്റാർക്കും യേശു നൽകു​ക​യി​ല്ലാ​യി​രു​ന്നു. അധികാ​ര​മോ പ്രശസ്‌തി​യോ വാഗ്‌ദാ​നം ചെയ്‌ത്‌ അനുസ​ര​ണ​ത്തി​ന്റെ പാതയിൽനിന്ന്‌ ആർക്കും യേശു​വി​നെ വ്യതി​ച​ലി​പ്പി​ക്കാ​നാ​കു​മാ​യി​രു​ന്നില്ല.

¹⁵ സാത്താൻ തന്റെ ശ്രമം ഉപേക്ഷി​ച്ചോ? യേശു​വി​ന്റെ ആജ്ഞയനു​സ​രിച്ച്‌ അവൻ അപ്പോൾ പിൻവാ​ങ്ങി. എങ്കിലും “മറ്റൊ​ര​വ​സരം കിട്ടു​ന്ന​തു​വരെ (പിശാച്‌) അവനെ വിട്ട്‌ പോയി” എന്നാണ്‌ ലൂക്കോ​സി​ന്റെ സുവി​ശേഷം പറയു​ന്നത്‌. (ലൂക്കോസ്‌ 4:13) യേശു​വി​ന്റെ മരണം​വ​രെ​യും അവനെ പരീക്ഷി​ക്കാ​നും പ്രലോ​ഭി​പ്പി​ക്കാ​നു​മുള്ള അവസര​ങ്ങൾക്കാ​യി സാത്താൻ നോക്കി​യി​രു​ന്നു. യേശു ‘എല്ലാവി​ധ​ത്തി​ലും പരീക്ഷി​ക്ക​പ്പെട്ടു’ എന്ന്‌ ബൈബിൾ നമ്മോടു പറയുന്നു. (എബ്രായർ 4:15) അതു​കൊണ്ട്‌ യേശു​വിന്‌ ഒരിക്ക​ലും ജാഗ്രത കൈ​വെ​ടി​യാ​നാ​കു​മാ​യി​രു​ന്നില്ല. നാമും അങ്ങനെ​തന്നെ ആയിരി​ക്കേ​ണ്ട​താണ്‌.

16. (എ) സാത്താൻ ഇന്ന്‌ ദൈവ​ദാ​സരെ പരീക്ഷി​ക്കു​ന്നത്‌ എങ്ങനെ? (ബി) അവന്റെ തന്ത്രങ്ങളെ നമുക്ക്‌ എങ്ങനെ ചെറു​ത്തു​നിൽക്കാം?

¹⁶ സാത്താൻ ഇന്നും ദൈവ​ദാ​സരെ പ്രലോ​ഭി​പ്പി​ക്കാൻ ശ്രമി​ക്കു​ന്നു. അപൂർണ​രാ​യ​തി​നാൽ നാം എളുപ്പം അവന്റെ കെണി​യി​ല​ക​പ്പെ​ട്ടേ​ക്കാം. സ്വാർഥത, അഹങ്കാരം, അധികാ​ര​മോ​ഹം തുടങ്ങിയ ചായ്‌വു​കളെ മുത​ലെ​ടു​ക്കാൻ അവൻ തന്ത്രപൂർവം ശ്രമി​ക്കു​ന്നു. ഒരു വ്യക്തിയെ ഭൗതി​ക​ത്വ​ത്തി​ന്റെ കെണി​യി​ല​ക​പ്പെ​ടു​ത്തി​ക്കൊണ്ട്‌ മേൽപ്പറഞ്ഞ പ്രവണ​ത​ക​ളെ​ല്ലാം ഒറ്റയടിക്ക്‌ അയാളിൽ ഊട്ടി​വ​ളർത്താ​നും അവൻ ശ്രമി​ച്ചേ​ക്കാം. അതിനാൽ,  1 യോഹ​ന്നാൻ 2:15-17-ലെ വാക്കു​ക​ളു​ടെ അടിസ്ഥാ​ന​ത്തിൽ ഇടയ്‌ക്കി​ടെ നാം ഒരു ആത്മപരി​ശോ​ധന നടത്തേ​ണ്ടത്‌ അനിവാ​ര്യ​മാണ്‌. അങ്ങനെ ചെയ്യവെ, ‘ജഡിക മോഹം, വസ്‌തു​വ​ക​കൾക്കാ​യുള്ള അത്യാർത്തി, മറ്റുള്ള​വ​രിൽ മതിപ്പു​ള​വാ​ക്കാ​നുള്ള വാഞ്‌ഛ തുടങ്ങിയ കാര്യങ്ങൾ സ്വർഗീയ പിതാ​വായ യഹോ​വ​യോ​ടുള്ള എന്റെ സ്‌നേഹം ചോർത്തി​ക്ക​ള​യാൻ കുറെ​യെ​ങ്കി​ലും ഇടയാ​ക്കി​യി​ട്ടു​ണ്ടോ?’ എന്നു നാം സ്വയം ചോദി​ക്കണം. ഈ ലോക​വും അതിന്റെ ഭരണാ​ധി​പ​നായ സാത്താ​നും നശിപ്പി​ക്ക​പ്പെ​ടും എന്ന്‌ ഓർക്കുക. അതു​കൊണ്ട്‌ നമ്മെ പാപത്തിൽ വീഴി​ക്കാ​നുള്ള അവന്റെ കുത​ന്ത്ര​ങ്ങളെ നമുക്കു ചെറു​ത്തു​നിൽക്കാം. ‘പാപം ചെയ്‌തി​ട്ടി​ല്ലാത്ത’ നമ്മുടെ നായക​നായ യേശു​ക്രി​സ്‌തു​വി​ന്റെ മാതൃക നമുക്ക്‌ പ്രചോ​ദ​ന​മാ​യി​രി​ക്കട്ടെ.​—1 പത്രോസ്‌ 2:22.

17. (എ) പിതാ​വി​നോ​ടുള്ള അനുസ​രണം യേശു​വിന്‌ എന്തു കൈവ​രു​ത്തി? (ബി) ചിലർ എന്തു ന്യായം പറഞ്ഞേ​ക്കാം?

¹⁷ പാപം ചെയ്യാ​തി​രി​ക്കു​ന്നതു മാത്രമല്ല അനുസ​ര​ണ​ത്തിൽ ഉൾപ്പെ​ട്ടി​രി​ക്കു​ന്നത്‌. ക്രിസ്‌തു തന്റെ പിതാ​വി​ന്റെ കൽപ്പന​ക​ളെ​ല്ലാം അണുവിട തെറ്റാതെ പാലി​ക്കു​ക​യും ചെയ്‌തു എന്നോർക്കുക. “ഞാൻ എപ്പോ​ഴും അവനു പ്രസാ​ദ​ക​ര​മാ​യതു ചെയ്യു”ന്നുവെന്ന്‌ അവൻ പറഞ്ഞു. (യോഹ​ന്നാൻ 8:29) യേശു​വി​ന്റെ അനുസ​രണം അവന്‌ എന്തെന്നി​ല്ലാത്ത സന്തോഷം കൈവ​രു​ത്തി. അനുസ​രണം പ്രകട​മാ​ക്കു​ന്നത്‌ യേശു​വിന്‌ വലിയ പ്രശ്‌ന​മുള്ള കാര്യ​മ​ല്ലാ​യി​രു​ന്നു എന്ന്‌ ചിലർ പറഞ്ഞേ​ക്കാം. പരിപൂർണ​നായ യഹോ​വ​യെ​മാ​ത്രം അവൻ അനുസ​രി​ച്ചാൽ മതിയാ​യി​രു​ന്നു​വെ​ന്നും എന്നാൽ നമുക്ക്‌ മിക്ക​പ്പോ​ഴും, അധികാ​ര​സ്ഥാ​ന​ത്തുള്ള അപൂർണ മനുഷ്യ​രെ അനുസ​രി​ക്കേ​ണ്ടി​വ​രു​ന്നെ​ന്നും അവർ ചിന്തി​ച്ചേ​ക്കാം. എന്നാൽ അധികാ​ര​സ്ഥാ​ന​ത്തുള്ള അപൂർണ മനുഷ്യ​രോ​ടും യേശു അനുസ​ര​ണ​മു​ള്ള​വ​നാ​യി​രു​ന്നു എന്നതാണ്‌ സത്യം.

18. മാതാ​പി​താ​ക്ക​ളോ​ടുള്ള അനുസ​ര​ണ​ത്തി​ന്റെ കാര്യ​ത്തിൽ യേശു എന്തു മാതൃ​ക​വെച്ചു?

¹⁸ അപൂർണ​രായ യോ​സേ​ഫി​ന്റെ​യും മറിയ​യു​ടെ​യും സംരക്ഷ​ണ​യി​ലാണ്‌ യേശു വളർന്നു​വ​ന്നത്‌. മറ്റു കുട്ടി​കളെ അപേക്ഷിച്ച്‌ അവന്‌ തന്റെ മാതാ​പി​താ​ക്ക​ളു​ടെ കുറവു​കൾ വേഗം തിരി​ച്ച​റി​യാ​നാ​കു​മാ​യി​രു​ന്നു. അമ്മയപ്പ​ന്മാർക്കു കീഴ്‌പെ​ടു​ന്ന​തി​നു​പ​കരം, കുടും​ബ​കാ​ര്യ​ങ്ങൾ നോ​ക്കേ​ണ്ടത്‌ എങ്ങനെ​യെന്ന്‌ അവൻ അവരെ പഠിപ്പി​ക്കാൻ ശ്രമി​ച്ചോ? ഇല്ല! 12 വയസ്സു​ണ്ടാ​യി​രുന്ന യേശു​വി​നെ​ക്കു​റിച്ച്‌ ലൂക്കോസ്‌ 2:51 പറയു​ന്നത്‌, “അവൻ . . . അവർക്കു (തന്റെ അമ്മയപ്പ​ന്മാർക്ക്‌) കീഴ്‌പെ​ട്ടി​രു​ന്നു” എന്നാണ്‌. അങ്ങനെ, മാതാ​പി​താ​ക്കളെ അനുസ​രി​ക്കു​ക​യും ആദരി​ക്കു​ക​യും ചെയ്യുന്ന കാര്യ​ത്തിൽ അവൻ യുവ​ക്രി​സ്‌ത്യാ​നി​കൾക്ക്‌ മികച്ച ഒരു മാതൃ​ക​വെച്ചു.​—എഫെസ്യർ 6:1-3.

19, 20. (എ) അപൂർണ മനുഷ്യ​രെ അനുസ​രി​ക്കു​ന്ന​തി​നോ​ടു ബന്ധപ്പെട്ട്‌ യേശു ഏത്‌ വെല്ലു​വി​ളി​കൾ നേരിട്ടു? (ബി) സത്യ​ക്രി​സ്‌ത്യാ​നി​കൾ തങ്ങളെ നയിക്കു​ന്ന​വരെ അനുസ​രി​ക്കേ​ണ്ടത്‌ എന്തു​കൊണ്ട്‌?

 ¹⁹ അപൂർണ മനുഷ്യ​രെ അനുസ​രി​ക്കു​ന്ന​തി​നോ​ടു ബന്ധപ്പെട്ട്‌, ഇന്നുള്ള സത്യ​ക്രി​സ്‌ത്യാ​നി​കൾക്ക്‌ ഒരിക്ക​ലും നേരി​ടേ​ണ്ടി​വ​രി​ക​യി​ല്ലാത്ത ചില വെല്ലു​വി​ളി​ക​ളും യേശു​വി​നു​ണ്ടാ​യി. യേശു ജീവി​ച്ചി​രുന്ന ആ കാലഘ​ട്ട​ത്തെ​ക്കു​റി​ച്ചൊ​ന്നു ചിന്തി​ക്കുക. യെരു​ശ​ലേ​മി​ലെ ആലയവും അവിടത്തെ പൗരോ​ഹി​ത്യ​വും ഉൾപ്പെ​ടെ​യുള്ള യെഹൂദ മതവ്യ​വ​സ്ഥി​തിക്ക്‌ കാലങ്ങ​ളോ​ളം യഹോ​വ​യു​ടെ അംഗീ​കാ​ര​മു​ണ്ടാ​യി​രു​ന്നു. എന്നാൽ പിൽക്കാ​ലത്ത്‌ യഹോവ അതിനെ നീക്കം​ചെ​യ്‌തിട്ട്‌ തത്‌സ്ഥാ​നത്ത്‌ ക്രിസ്‌തീയ സഭ സ്ഥാപി​ക്കു​മാ​യി​രു​ന്നു. (മത്തായി 23:33-38) യേശു​വി​ന്റെ കാലത്ത്‌ മതനേ​താ​ക്ക​ന്മാ​രിൽ പലരും ഗ്രീക്ക്‌ തത്ത്വശാ​സ്‌ത്ര​ത്തിൽനിന്ന്‌ ഉരുത്തി​രിഞ്ഞ വ്യാ​ജോ​പ​ദേ​ശ​ങ്ങ​ളാണ്‌ പഠിപ്പി​ച്ചു​കൊ​ണ്ടി​രു​ന്നത്‌. ആലയത്തിൽ അന്യാ​യ​വും അഴിമ​തി​യും വ്യാപ​ക​മാ​യി​രു​ന്ന​തു​കൊണ്ട്‌ യേശു അതിനെ “കവർച്ച​ക്കാ​രു​ടെ ഗുഹ” എന്ന്‌ വിളിച്ചു. (മർക്കോസ്‌ 11:17) എന്നു​വെച്ച്‌ യേശു ആ ആലയത്തിൽനി​ന്നും സിന​ഗോ​ഗു​ക​ളിൽനി​ന്നും വിട്ടു​നി​ന്നോ? ഇല്ല! യഹോവ അപ്പോ​ഴും അവയെ ഉപയോ​ഗി​ക്കു​ന്നു​ണ്ടാ​യി​രു​ന്നു. അതു​കൊ​ണ്ടു​തന്നെ യേശു അനുസ​ര​ണ​പൂർവം പെരു​ന്നാ​ളു​ക​ളിൽ പങ്കെടു​ക്കു​ക​യും സിന​ഗോ​ഗിൽ പോകു​ക​യും ചെയ്‌തു.​—ലൂക്കോസ്‌ 4:16; യോഹ​ന്നാൻ 5:1.

²⁰ അത്തരം സാഹച​ര്യ​ങ്ങ​ളിൽ യേശു അനുസ​രണം കാണി​ച്ചെ​ങ്കിൽ സത്യ​ക്രി​സ്‌ത്യാ​നി​ക​ളായ നാം ഇന്ന്‌ എത്രയ​ധി​കം അനുസ​രണം ഉള്ളവരാ​യി​രി​ക്കണം! അന്നത്തേ​തി​ലും തികച്ചും വ്യത്യ​സ്‌ത​മായ ഒരു കാലത്താണ്‌ നാം ജീവി​ക്കു​ന്നത്‌. ദീർഘ​കാ​ലം​മുമ്പ്‌ പ്രവചി​ക്ക​പ്പെ​ട്ട​തു​പോ​ലെ  സത്യാ​രാ​ധന പുനഃ​സ്ഥി​തീ​ക​രി​ക്ക​പ്പെ​ട്ടി​രി​ക്കുന്ന കാലമാ​ണിത്‌. പുനഃ​സ്ഥി​തീ​ക​രി​ക്ക​പ്പെട്ട തന്റെ ജനത്തെ കളങ്ക​പ്പെ​ടു​ത്താൻ സാത്താനെ ഒരിക്ക​ലും അനുവ​ദി​ക്കി​ല്ലെന്ന്‌ ദൈവം നമുക്ക്‌ ഉറപ്പു​നൽകി​യി​രി​ക്കു​ന്നു. (യെശയ്യാ​വു 2:1, 2; 54:17) എങ്കിലും ക്രിസ്‌തീയ സഭയി​ലു​ള്ളവർ അപൂർണ​രും കുറവു​ക​ളു​ള്ള​വ​രു​മാണ്‌. ആ സ്ഥിതിക്ക്‌ മറ്റുള്ള​വ​രു​ടെ വീഴ്‌ച​കളെ യഹോ​വ​യോട്‌ അനുസ​ര​ണ​ക്കേടു കാണി​ക്കാ​നുള്ള ന്യായീ​ക​ര​ണ​മാ​യി നാം കാണു​മോ? നാം ക്രിസ്‌തീയ യോഗ​ങ്ങൾക്കു പോകാ​തി​രി​ക്കു​ക​യോ മൂപ്പന്മാ​രെ വിമർശി​ക്കു​ക​യോ ചെയ്യു​മോ? ഒരിക്ക​ലു​മില്ല! പകരം സഭയിൽ നേതൃ​ത്വ​മെ​ടു​ക്കു​ന്ന​വരെ നാം പൂർണ​ഹൃ​ദ​യ​ത്തോ​ടെ പിന്തു​ണ​യ്‌ക്കും. അനുസ​ര​ണ​ത്തോ​ടെ നാം ക്രിസ്‌തീയ യോഗ​ങ്ങ​ളി​ലും സമ്മേള​ന​ങ്ങ​ളി​ലും പങ്കെടു​ക്കു​ക​യും അവി​ടെ​നി​ന്നു ലഭിക്കുന്ന തിരു​വെ​ഴു​ത്തു ബുദ്ധി​യു​പ​ദേശം ബാധക​മാ​ക്കു​ക​യും ചെയ്യും.​—എബ്രായർ 10:24, 25; 13:17.

21. ദൈവ​ത്തോട്‌ അനുസ​ര​ണ​ക്കേടു കാണി​ക്കാൻ സമ്മർദ​മു​ണ്ടാ​യ​പ്പോൾ യേശു എങ്ങനെ പ്രതി​ക​രി​ച്ചു, അവൻ നമുക്ക്‌ എന്ത്‌ മാതൃ​ക​വെച്ചു?

²¹ യഹോ​വയെ അനുസ​രി​ക്കു​ന്ന​തിൽനിന്ന്‌ തന്നെ തടയാൻ യേശു ആരെയും അനുവ​ദി​ച്ചില്ല, അഭ്യു​ദ​യ​കാം​ക്ഷി​ക​ളായ തന്റെ കൂട്ടു​കാ​രെ​പ്പോ​ലും. ഉദാഹ​ര​ണ​ത്തിന്‌ യേശു കഷ്ടപ്പെട്ടു മരിക്കേണ്ട കാര്യ​മൊ​ന്നു​മി​ല്ലെന്ന്‌ അവനെ ധരിപ്പി​ക്കാൻ പത്രോസ്‌ അപ്പൊ​സ്‌തലൻ ഒരിക്കൽ ശ്രമിച്ചു. സദു​ദ്ദേ​ശ്യ​ത്തോ​ടു കൂടി​യ​തെ​ങ്കി​ലും തെറ്റായ ആ ഉപദേശം യേശു പാടെ തള്ളിക്ക​ളഞ്ഞു. (മത്തായി 16:21-23) ദൈവ​ത്തി​ന്റെ നിയമ​ങ്ങ​ളും തത്ത്വങ്ങ​ളും അനുസ​രി​ക്കു​ന്ന​തിൽനി​ന്നു നമ്മെ പിന്തി​രി​പ്പി​ക്കാൻ ഗുണകാം​ക്ഷി​ക​ളായ ചില ബന്ധുക്കൾ ശ്രമി​ച്ചേ​ക്കാം. ഇത്തരം സാഹച​ര്യ​ങ്ങ​ളിൽ “ഞങ്ങൾ മനുഷ്യ​രെയല്ല, ദൈവ​ത്തെ​യ​ത്രേ അധിപ​തി​യാ​യി അനുസ​രി​ക്കേ​ണ്ടത്‌” എന്നു പറഞ്ഞ, ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ക​ളു​ടെ നിലപാ​ടാ​യി​രി​ക്കും നമ്മു​ടേ​തും.​—പ്രവൃ​ത്തി​കൾ 5:29.

22. ഏതു ചോദ്യ​ത്തി​നാണ്‌ യേശു ഉത്തരം നൽകി​യത്‌, എങ്ങനെ?

²² മരണസ​മ​യത്ത്‌ യേശു​വി​ന്റെ അനുസ​രണം ഏറ്റവും കഠിന​മാ​യി പരീക്ഷി​ക്ക​പ്പെട്ടു. നിർണാ​യ​ക​മായ ആ സമയത്ത്‌ അവൻ സമ്പൂർണ അർഥത്തിൽ “അനുസ​രണം പഠിച്ചു.” അപ്പോ​ഴും അവൻ സ്വന്തം ഇഷ്ടമല്ല പിതാ​വി​ന്റെ ഇഷ്ടത്തി​നാണ്‌ പ്രാധാ​ന്യം നൽകി​യത്‌. (ലൂക്കോസ്‌ 22:42) അങ്ങനെ അവൻ നിർമ​ല​ത​യു​ടെ ഒരു തികഞ്ഞ ദൃഷ്ടാ​ന്ത​മാ​യി​ത്തീർന്നു. (1 തിമൊ​ഥെ​യൊസ്‌ 3:16) പരി​ശോ​ധ​ന​യി​ന്മ​ധ്യേ ഒരു പൂർണ മനുഷ്യൻ യഹോ​വ​യോട്‌ അനുസ​രണം കാണി​ക്കു​മോ എന്ന ചോദ്യ​ത്തിന്‌ തന്റെ ഭൗമിക ജീവി​ത​ത്തി​ലൂ​ടെ​യും മരണത്തി​ലൂ​ടെ​യും യേശു മറുപടി നൽകി. ആദാമും ഹവ്വായും ഇക്കാര്യ​ത്തിൽ പരാജ​യ​പ്പെ​ട്ടി​രു​ന്നു. എന്നാൽ വലിയ വില ഒടു​ക്കേ​ണ്ടി​വ​ന്നി​ട്ടും യഹോ​വ​യു​ടെ സൃഷ്ടി​ക​ളിൽവെച്ച്‌ ഏറ്റവും ശ്രേഷ്‌ഠ​നാ​യവൻ അനുസ​ര​ണ​ത്തി​ലൂ​ടെ അതിന്‌ ഉത്തരം നൽകി.

23-25. (എ) അനുസ​ര​ണ​വും നിർമ​ല​ത​യും തമ്മിലുള്ള ബന്ധമെന്ത്‌? ദൃഷ്ടാ​ന്തീ​ക​രി​ക്കുക. (ബി) അടുത്ത അധ്യാ​യ​ത്തിൽ നാം എന്തു പഠിക്കും?

 ²³ നിർമലത അല്ലെങ്കിൽ യഹോ​വ​യോ​ടുള്ള ഹൃദയം​ഗ​മ​മായ ഭക്തി തെളി​യി​ക്കാ​നാ​കു​ന്നത്‌ അനുസ​ര​ണ​ത്തി​ലൂ​ടെ​യാണ്‌. എല്ലായ്‌പോ​ഴും യഹോ​വയെ അനുസ​രി​ച്ചു​കൊണ്ട്‌ യേശു തന്റെ നിർമലത കാത്തു​സൂ​ക്ഷി​ച്ചു. അതാകട്ടെ മുഴു മാനവ​കു​ടും​ബ​ത്തി​നും പ്രയോ​ജനം കൈവ​രു​ത്തു​ക​യും ചെയ്‌തു. (റോമർ 5:19) യഹോവ യേശു​വി​നെ സമൃദ്ധ​മാ​യി അനു​ഗ്ര​ഹി​ച്ചു. നാം നമ്മുടെ നായക​നായ യേശു​ക്രി​സ്‌തു​വി​നെ അനുസ​രി​ക്കു​ക​യാ​ണെ​ങ്കിൽ യഹോവ നമ്മെയും അനു​ഗ്ര​ഹി​ക്കും. ക്രിസ്‌തു​വി​നോ​ടുള്ള അനുസ​രണം നമുക്കു “നിത്യരക്ഷ” നേടി​ത്ത​രും.​—എബ്രായർ 5:9.

²⁴ നിർമ​ല​തയെ ഒരു വലിയ കെട്ടി​ട​ത്തോട്‌ ഉപമി​ക്കാ​നാ​കു​മെ​ങ്കിൽ, അനുസ​ര​ണ​ത്തി​ന്റെ ഓരോ പ്രവൃ​ത്തി​യും അതിലെ ഓരോ ഇഷ്ടിക​ക​ളാണ്‌. ഒരു ഇഷ്ടിക മാത്ര​മെ​ടു​ത്താൽ അതിന്‌ വലിയ പ്രാധാ​ന്യ​മൊ​ന്നും ഇല്ലെന്നു തോന്നി​യേ​ക്കാം. എന്നാൽ ഓരോ ഇഷ്ടിക​യ്‌ക്കും അതി​ന്റേ​തായ സ്ഥാനവും മൂല്യ​വു​മുണ്ട്‌ എന്നതാണു വാസ്‌തവം. അത്തരം പല ഇഷ്ടികകൾ ചേർന്നാണ്‌ മനോ​ഹ​ര​മായ ഒരു കെട്ടിടം നിർമി​ക്ക​പ്പെ​ടു​ന്നത്‌. സമാന​മാ​യി ദിവസ​ങ്ങ​ളും വർഷങ്ങ​ളും കടന്നു​പോ​കവെ, അനുസ​ര​ണ​ത്തി​ന്റെ ഓരോ​രോ പ്രവൃ​ത്തി​കൾ ചേർന്ന്‌ നിർമ​ല​ത​യു​ടെ മനോ​ഹ​ര​മായ ഒരു സൗധം​തന്നെ രൂപം​കൊ​ള്ളു​ന്നു. നിർമലത പാലി​ക്കു​ന്നത്‌ വലിയ ഒരു അനു​ഗ്ര​ഹ​മാണ്‌. “നേരായി നടക്കു​ന്നവൻ (അതായത്‌, നിർമ​ല​പാ​ത​യിൽ നടക്കു​ന്നവൻ) നിർഭ​യ​മാ​യി നടക്കുന്നു” എന്ന്‌ സദൃശ​വാ​ക്യ​ങ്ങൾ 10:9 പറയുന്നു.

²⁵ അനുസ​ര​ണ​ത്തി​ന്റെ പാതയി​ലൂ​ടെ സഞ്ചരി​ക്കാൻ നമുക്കു സഹിഷ്‌ണുത കൂടിയേ തീരൂ. സഹിഷ്‌ണുത കാണി​ക്കു​ന്ന​തിൽ യേശു എങ്ങനെ മാതൃക വെച്ചി​രി​ക്കു​ന്നു എന്ന്‌ അടുത്ത അധ്യാ​യ​ത്തിൽ കാണാം.