1-3. (എ) യേശു അപ്പൊ​സ്‌ത​ല​ന്മാ​രെ വിട്ടു​പി​രിഞ്ഞ രംഗം വിവരി​ക്കുക. (ബി) അത്‌ ആശയറ്റ ഒരു വിടവാ​ങ്ങൽ അല്ലായി​രു​ന്നത്‌ എന്തു​കൊണ്ട്‌? (സി) സ്വർഗ​ത്തിൽ തിരി​ച്ചെ​ത്തി​യ​തി​നു​ശേ​ഷ​മുള്ള യേശു​വി​ന്റെ ജീവി​ത​ത്തെ​ക്കു​റിച്ച്‌ നാം മനസ്സി​ലാ​ക്കേ​ണ്ടത്‌ എന്തു​കൊണ്ട്‌?

 ആ പതി​നൊ​ന്നു​പേർ ഒരു മലയിൽ നിൽക്കു​ക​യാണ്‌. പുനരു​ത്ഥാ​നം പ്രാപിച്ച യേശു​വും അവരോ​ടൊ​പ്പ​മുണ്ട്‌. അവൻ വീണ്ടും യഹോ​വ​യു​ടെ ഏറ്റവും ശക്തനായ ആത്മപു​ത്ര​നാ​യി​ത്തീർന്നി​രി​ക്കു​ന്നു. അതിയായ സ്‌നേ​ഹ​ത്തോ​ടും ആദര​വോ​ടും​കൂ​ടി അവരെ​ല്ലാ​വ​രും അവനെ​ത്തന്നെ നോക്കി​നിൽക്കു​ക​യാണ്‌. അവസാ​ന​മാ​യി ഒരിക്കൽക്കൂ​ടി അവൻ തന്റെ അപ്പൊ​സ്‌ത​ല​ന്മാ​രെ ഒലിവു​മ​ല​യിൽ കൂട്ടി​വ​രു​ത്തി​യി​രി​ക്കു​ന്നു.

² യെരു​ശ​ലേ​മി​നു കിഴക്ക്‌, കി​ദ്രോൻതാ​ഴ്‌വ​ര​യ്‌ക്ക്‌ അപ്പുറ​മുള്ള ഈ ഒലിവു​മല ഒട്ടേറെ ഓർമകൾ യേശു​വി​ന്റെ മനസ്സി​ലേക്കു കൊണ്ടു​വ​ന്നി​ട്ടു​ണ്ടാ​കാം. ഈ മലയുടെ ചെരി​വി​ലാണ്‌ ബെഥാന്യ എന്ന പട്ടണം. ഇവി​ടെ​വെ​ച്ചാണ്‌ യേശു ലാസറി​നെ ഉയിർപ്പി​ച്ചത്‌. ഏതാനും ആഴ്‌ച​കൾമുമ്പ്‌, ഇതിന​ടു​ത്തുള്ള ബേത്ത്‌ഫാ​ഗ​യിൽനി​ന്നാണ്‌ യേശു രാജ​പ്രൗ​ഢി​യോ​ടെ ആഘോ​ഷ​പൂർവം യെരു​ശ​ലേം നഗരത്തിൽ പ്രവേ​ശി​ച്ചത്‌. ഈ മലയിൽത്തന്നെ ആയിരു​ന്നി​രി​ക്കണം ഗെത്ത്‌ശെമന തോട്ട​വും. അറസ്റ്റു ചെയ്യ​പ്പെ​ടു​ന്ന​തി​നു​മു​മ്പുള്ള സമ്മർദ​പൂ​രി​ത​മായ ഏതാനും മണിക്കൂർ അവൻ ചെലവ​ഴി​ച്ചത്‌ അവി​ടെ​യാണ്‌. ഇപ്പോൾ ഇതേ മലയിൽവെച്ച്‌ അവൻ തന്റെ ഉറ്റസ്‌നേ​ഹി​ത​രും അനുഗാ​മി​ക​ളു​മാ​യ​വ​രോട്‌ വിട​ചൊ​ല്ലാൻ പോകു​ക​യാണ്‌. അവസാ​ന​മാ​യി, ആശ്വാ​സ​ത്തി​ന്റെ​യും പ്രോ​ത്സാ​ഹ​ന​ത്തി​ന്റെ​യും ചില വാക്കുകൾ അവൻ അവരോ​ടു പറയുന്നു. പിന്നെ അവൻ മെല്ലെ ആകാശ​ത്തേക്ക്‌ ആരോ​ഹ​ണം​ചെ​യ്യാൻ തുടങ്ങി, അപ്പൊ​സ്‌ത​ല​ന്മാർ അത്ഭുത​സ്‌ത​ബ്ധ​രാ​യി നോക്കി​നി​ന്നു. ഒടുവിൽ ഒരു മേഘം വന്ന്‌ അവനെ മറച്ചു. പിന്നെ അവർക്ക്‌ അവനെ കാണാൻ കഴിഞ്ഞില്ല.​—പ്രവൃ​ത്തി​കൾ 1:6-12.

³ ഇത്‌ സന്തോ​ഷ​വും സങ്കടവും ഇടകലർന്ന ഒരു വിടവാ​ങ്ങ​ലാ​യി നിങ്ങൾക്ക്‌ തോന്നി​യേ​ക്കാം, എന്നാൽ അങ്ങനെയല്ല. അവിടെ പ്രത്യ​ക്ഷ​രായ രണ്ടുദൂ​ത​ന്മാർ അപ്പൊ​സ്‌ത​ല​ന്മാ​രോ​ടു പറഞ്ഞതു​പോ​ലെ കാര്യങ്ങൾ ഇതോടെ അവസാ​നി​ക്കു​ക​യാ​യി​രു​ന്നില്ല. (പ്രവൃ​ത്തി​കൾ 1:10, 11) മറിച്ച്‌, അവന്റെ സ്വർഗാ​രോ​ഹണം പലവി​ധ​ങ്ങ​ളി​ലും ഒരു തുടക്കം​മാ​ത്ര​മാ​യി​രു​ന്നു. സ്വർഗാ​രോ​ഹണം ചെയ്‌ത​തു​മു​ത​ലുള്ള യേശു​വി​ന്റെ ജീവി​ത​ത്തെ​ക്കു​റിച്ച്‌ തിരു​വെ​ഴു​ത്തു​കൾ വെളി​പ്പെ​ടു​ത്തു​ന്നുണ്ട്‌. നാം അത്‌ മനസ്സി​ലാ​ക്കേ​ണ്ടത്‌  പ്രധാ​ന​മാണ്‌. എന്തു​കൊണ്ട്‌? “എന്നെ അനുഗ​മി​ച്ചു​കൊ​ണ്ടി​രി​ക്കുക” എന്നാണ്‌ യേശു പത്രോ​സി​നോട്‌ പറഞ്ഞത്‌. (യോഹ​ന്നാൻ 21:19, 22) ഈ കൽപ്പന നാമും അനുസ​രി​ക്കേ​ണ്ട​തുണ്ട്‌. കുറച്ചു​നേ​ര​ത്തേക്കല്ല, പിന്നെ​യോ നിരന്തരം, ജീവി​ത​ത്തി​ലു​ട​നീ​ളം നാം അങ്ങനെ ചെയ്യേ​ണ്ട​തുണ്ട്‌. അതിന്‌, നമ്മുടെ നാഥനായ യേശു ഇപ്പോൾ എന്താണു ചെയ്യു​ന്നത്‌, സ്വർഗ​ത്തിൽ എന്തെല്ലാം നിയോ​ഗ​ങ്ങ​ളാണ്‌ അവനു ലഭിച്ചി​രി​ക്കു​ന്നത്‌ എന്നൊക്കെ അറിയു​ന്നത്‌ നന്നായി​രി​ക്കും.

4. യേശു സ്വർഗ​ത്തിൽ തിരി​കെ​യെ​ത്തി​യ​ശേഷം സംഭവി​ക്കു​ന്ന​തി​നെ​ക്കു​റിച്ച്‌ ബൈബിൾ മുന്നമേ എന്തു വെളി​പ്പെ​ടു​ത്തി?

⁴ യേശു സ്വർഗ​ത്തിൽ തിരി​ച്ചെ​ത്തു​മ്പോൾ അവനു ലഭിക്കുന്ന സ്വീക​രണം, പിതാ​വു​മാ​യുള്ള സന്തോ​ഷ​ക​ര​മായ പുനഃ​സ​മാ​ഗമം എന്നിവ​യെ​ക്കു​റിച്ച്‌ തിരു​വെ​ഴു​ത്തു​കൾ ഒന്നും​തന്നെ പറയു​ന്നില്ല. എന്നാൽ യേശു തിരി​ച്ചെത്തി താമസി​യാ​തെ​തന്നെ സ്വർഗ​ത്തിൽ എന്തുസം​ഭ​വി​ക്കു​മെന്ന്‌ ബൈബിൾ നേര​ത്തെ​തന്നെ പറഞ്ഞി​രു​ന്നു. യഹൂദ​ജനത 15 നൂറ്റാ​ണ്ടു​ക​ളി​ലേറെ ഒരു വിശുദ്ധ കർമത്തിന്‌ സാക്ഷ്യം വഹിച്ചി​രു​ന്നു​—ഓരോ വർഷവും പാപപ​രി​ഹാര ദിവസം, മഹാപു​രോ​ഹി​തൻ ആലയത്തി​ന്റെ അതിവി​ശു​ദ്ധ​ത്തിൽ കടന്ന്‌ യാഗരക്തം നിയമ​പെ​ട്ട​ക​ത്തി​ന്റെ മുമ്പിൽ തളിക്കും. അന്നേദി​വസം മഹാപു​രോ​ഹി​തൻ മുൻനി​ഴ​ലാ​ക്കി​യി​രു​ന്നത്‌ മിശി​ഹാ​യെ​യാണ്‌. മഹാപു​രോ​ഹി​തൻ ചെയ്‌തു​പോന്ന ആ പ്രാവ​ച​നിക കർമത്തിന്‌ യേശു സ്വർഗ​ത്തിൽ തിരി​ച്ചെ​ത്തി​യ​ശേഷം, എന്നെ​ന്നേ​ക്കു​മാ​യി നിവൃ​ത്തി​വ​രു​ത്തി. ഈ പ്രപഞ്ച​ത്തി​ലെ ഏറ്റവും പാവന​മായ സ്ഥലത്തേക്ക്‌, യഹോ​വ​യു​ടെ മഹിമ​യാർന്ന സന്നിധി​യി​ലേ​ക്കു​തന്നെ പ്രവേ​ശിച്ച്‌ അവൻ തന്റെ മറുവി​ല​യാ​ഗ​ത്തി​ന്റെ മൂല്യം പിതാ​വി​ന്റെ മുമ്പാകെ അർപ്പിച്ചു. (എബ്രായർ 9:11, 12, 24) യഹോവ അത്‌ സ്വീക​രി​ച്ചോ?

5, 6. (എ) യഹോവ ക്രിസ്‌തു​വി​ന്റെ മറുവി​ല​യാ​ഗം സ്വീക​രി​ച്ചു​വെ​ന്ന​തിന്‌ എന്തു തെളി​വുണ്ട്‌? (ബി) മറുവി​ല​യിൽനിന്ന്‌ പ്രയോ​ജനം നേടു​ന്നവർ ആരെല്ലാം, എങ്ങനെ?

⁵ അതിനുള്ള ഉത്തരം, യേശു​വി​ന്റെ സ്വർഗാ​രോ​ഹ​ണ​ത്തിന്‌ ഏതാനും ദിവസ​ങ്ങൾക്കു​ശേഷം നടന്ന ഒരു സംഭവ​ത്തിൽനി​ന്നു നമുക്കു ലഭിക്കും. യെരു​ശ​ലേ​മി​ലെ ഒരു മാളി​ക​മു​റി​യിൽ ഏകദേശം 120 ക്രിസ്‌ത്യാ​നി​കൾ കൂടി​യി​രു​ന്ന​പ്പോൾ പെട്ടെന്ന്‌ കാറ്റിന്റെ ഇരമ്പൽപോ​ലെ ഒരു ശബ്ദം അവി​ടെ​യെ​ങ്ങും നിറഞ്ഞു. തീനാ​ള​ങ്ങൾപോ​ലുള്ള നാവുകൾ അവരുടെ തലമേൽവന്നു. എല്ലാവ​രും പരിശു​ദ്ധാ​ത്മാവ്‌ നിറഞ്ഞ​വ​രാ​യി, പല ഭാഷകൾ സംസാ​രി​ച്ചു​തു​ടങ്ങി. (പ്രവൃ​ത്തി​കൾ 2: 1-4) പുതിയ ഒരു ജനതയു​ടെ, ആത്മീയ ഇസ്രാ​യേ​ലി​ന്റെ, ജനനമാ​യി​രു​ന്നു ഈ സംഭവ​ത്തോ​ടെ അവിടെ നടന്നത്‌. ഈ ജനത ഭൂമി​യിൽ തന്റെ ഹിതം ചെയ്യാ​നാ​യി ദൈവം പുതി​യ​താ​യി ‘തിര​ഞ്ഞെ​ടുത്ത ഒരു വർഗവും രാജകീയ പുരോ​ഹി​ത​ഗ​ണ​വും’ ആയിത്തീർന്നു. (1 പത്രോസ്‌ 2:9) ക്രിസ്‌തു​വി​ന്റെ മറുവി​ല​യാ​ഗത്തെ യഹോവ അംഗീ​ക​രി​ക്കു​ക​യും അതിന്റെ മൂല്യം സ്വീക​രി​ക്കു​ക​യും ചെയ്‌തു​വെ​ന്ന​തി​ന്റെ തെളി​വാ​യി​രു​ന്നു അത്‌. ഈ വിധത്തിൽ പരിശു​ദ്ധാ​ത്മാ​വി​നെ പകർന്നത്‌ മറുവി​ല​യി​ലൂ​ടെ ലഭിച്ച ആദ്യത്തെ അനു​ഗ്ര​ഹ​ങ്ങ​ളിൽ ഒന്നായി​രു​ന്നു.

⁶ അന്നുമു​തൽ ക്രിസ്‌തു​വി​ന്റെ മറുവില ലോക​മെ​ങ്ങു​മുള്ള അവന്റെ അനുഗാ​മി​കൾക്ക്‌ പലവിധ പ്രയോ​ജ​നങ്ങൾ കൈവ​രു​ത്തി​യി​ട്ടുണ്ട്‌. ക്രിസ്‌തു​വി​നോ​ടു​കൂ​ടെ സ്വർഗ​ത്തിൽ വാഴാ​നുള്ള ‘ചെറിയ ആട്ടിൻകൂ​ട്ട​ത്തിൽപ്പെ​ട്ടവർ’ ആയാലും ഭൂമി​യിൽ അവന്റെ രാജ്യ​ത്തി​ന്റെ പ്രജക​ളാ​യി​രി​ക്കാൻ പ്രത്യാ​ശി​ക്കുന്ന ‘വേറെ ആടുക​ളിൽപ്പെ​ട്ടവർ’ ആയാലും യേശു​വി​ന്റെ ബലിമ​ര​ണ​ത്തിൽനിന്ന്‌ നാമെ​ല്ലാം പ്രയോ​ജനം നേടുന്നു. (ലൂക്കോസ്‌ 12:32; യോഹ​ന്നാൻ 10:16) നമ്മുടെ പ്രത്യാ​ശ​യ്‌ക്കും പാപങ്ങൾ ക്ഷമിച്ചു​കി​ട്ടു​ന്ന​തി​നു​മുള്ള ആധാരം അതാണ്‌. ദിന​ന്തോ​റും യേശു​വി​നെ അനുഗ​മി​ച്ചു​കൊണ്ട്‌ ആ മറുവി​ല​യിൽ വിശ്വാ​സ​മർപ്പി​ക്കു​ന്നി​ട​ത്തോ​ളം​കാ​ലം ശുദ്ധമായ ഒരു മനസ്സാ​ക്ഷി​യും ശോഭ​ന​മാ​യൊ​രു പ്രത്യാ​ശ​യും നമുക്ക്‌ ഉണ്ടായി​രി​ക്കും.​—യോഹ​ന്നാൻ 3:16.

7. (എ) സ്വർഗ​ത്തിൽ തിരി​ച്ചെ​ത്തി​യ​ശേഷം യേശു​വിന്‌ എന്ത്‌ അധികാ​രം ലഭിച്ചു? (ബി) നിങ്ങൾ അവനെ എങ്ങനെ പിന്തു​ണ​യ്‌ക്കും?

⁷ സ്വർഗ​ത്തിൽ ചെന്നതു​മു​തൽ യേശു എന്താണ്‌ ചെയ്‌തു​കൊ​ണ്ടി​രി​ക്കു​ന്നത്‌? അവന്‌ വലിയ അധികാ​രം ലഭിച്ച​താ​യി ബൈബിൾ പറയുന്നു. (മത്താ. 28:18) ക്രിസ്‌തീയ സഭയെ ഭരിക്കാൻ യഹോവ അവനെ നിയോ​ഗി​ച്ചി​രി​ക്കു​ന്നു. സ്‌നേ​ഹ​ത്തോ​ടും നീതി​യോ​ടും​കൂ​ടെ​യാണ്‌ അവൻ അത്‌ നിർവ​ഹി​ക്കു​ന്നത്‌. (കൊ​ലോ​സ്യർ 1:13) മുൻകൂ​ട്ടി അറിയി​ച്ചി​രു​ന്ന​തു​പോ​ലെ, തന്റെ ആട്ടിൻകൂ​ട്ട​ത്തി​നാ​യി കരുതു​ന്ന​തിന്‌ അവൻ ചില പുരു​ഷ​ന്മാ​രെ ചുമത​ല​പ്പെ​ടു​ത്തി​യി​രി​ക്കു​ന്നു. (എഫെസ്യർ 4:8) ഉദാഹ​ര​ണ​ത്തിന്‌, അവൻ പൗലോ​സി​നെ “വിജാ​തീ​യ​രു​ടെ അപ്പൊ​സ്‌തലൻ” ആയി തിര​ഞ്ഞെ​ടുത്ത്‌ അതിവി​ദൂ​ര​ദേ​ശ​ങ്ങ​ളിൽ സുവി​ശേഷം അറിയി​ക്കാ​നാ​യി അയച്ചു. (റോമർ 11:13; 1 തിമൊ​ഥെ​യൊസ്‌ 2:7) ഒന്നാം നൂറ്റാ​ണ്ടി​ന്റെ അവസാ​ന​മാ​യ​പ്പോ​ഴേ​ക്കും യേശു ഏഷ്യാ​മൈ​ന​റി​ലെ ഏഴുസ​ഭ​കൾക്ക്‌ അഭിന​ന്ദ​ന​വും ബുദ്ധി​യു​പ​ദേ​ശ​വും തിരു​ത്ത​ലും അടങ്ങിയ സന്ദേശങ്ങൾ നൽകു​ക​യു​ണ്ടാ​യി. (വെളി​പാട്‌ 2-3 അധ്യാ​യങ്ങൾ) യേശു​വി​നെ ക്രിസ്‌തീയ സഭയുടെ ശിരസ്സാ​യി നിങ്ങൾ അംഗീ​ക​രി​ക്കു​ന്നു​ണ്ടോ? (എഫെസ്യർ 5:23) യേശു​വി​നെ സദാ അനുഗ​മി​ക്കാൻ നിങ്ങൾ ആഗ്രഹി​ക്കു​ന്നെ​ങ്കിൽ അനുസ​രി​ക്കാ​നും സഹകരി​ക്കാ​നും ഉള്ള ഒരു മനോ​ഭാ​വം സഭയിൽ ഉന്നമി​പ്പി​ക്കാൻ നിങ്ങൾ ശ്രമി​ക്കും.

8, 9. (എ) 1914-ൽ യേശു​വിന്‌ ഏത്‌ അധികാ​രം ലഭിച്ചു? (ബി) ആ യാഥാർഥ്യം നമ്മുടെ ഓരോ തീരു​മാ​ന​ങ്ങ​ളെ​യും എങ്ങനെ സ്വാധീ​നി​ക്കണം?

 ⁸ 1914-ൽ യേശു​വിന്‌ മറ്റു ചില അധികാ​ര​ങ്ങൾകൂ​ടി ലഭിച്ചു. യഹോ​വ​യു​ടെ മിശി​ഹൈ​ക​രാ​ജ്യ​ത്തി​ന്റെ രാജാ​വാ​യി അവൻ അവരോ​ധി​ത​നാ​യത്‌ ആ വർഷമാണ്‌. യേശു​വി​ന്റെ ഭരണം തുടങ്ങി​യ​പ്പോൾ “സ്വർഗ​ത്തിൽ ഒരു യുദ്ധമു​ണ്ടാ​യി.” തുടർന്ന്‌ എന്തു സംഭവി​ച്ചു? സാത്താ​നെ​യും ഭൂതങ്ങ​ളെ​യും ഭൂമി​യി​ലേക്കു തള്ളിയി​ട്ടു, അതോടെ ഇവിടെ ദുരി​ത​ങ്ങ​ളു​ടെ​യും യാതന​ക​ളു​ടെ​യും ഒരു കാലം തുടങ്ങി. നിലയ്‌ക്കാത്ത യുദ്ധങ്ങൾ, കുറ്റകൃ​ത്യ​ങ്ങൾ, ഭീകര​പ്ര​വർത്തനം, രോഗങ്ങൾ, ഭൂകമ്പം, ക്ഷാമം ഇങ്ങനെ ഇന്ന്‌ മനുഷ്യ​രാ​ശി​യെ പിടി​ച്ചു​ല​യ്‌ക്കുന്ന സംഭവങ്ങൾ യേശു സ്വർഗ​ത്തിൽ വാഴ്‌ച നടത്തുന്നു എന്നതിന്റെ തെളി​വാണ്‌. “ഈ ലോക​ത്തി​ന്റെ അധിപതി” ഇപ്പോ​ഴും സാത്താ​നാണ്‌, എന്നാൽ അവന്‌ ‘അൽപ്പകാ​ലമേ’ ഇനി ശേഷി​ച്ചി​ട്ടു​ള്ളൂ. (വെളി​പാട്‌ 12:7-12; യോഹ​ന്നാൻ 12:31; മത്തായി 24:3-7; ലൂക്കോസ്‌ 21:11) അതേസ​മയം തന്റെ ഭരണത്തി​നു കീഴട​ങ്ങാ​നുള്ള അവസരം ലോക​മെ​ങ്ങു​മുള്ള ആളുകൾക്ക്‌ യേശു ഇന്ന്‌ വെച്ചു​നീ​ട്ടു​ന്നു.

⁹ നാം മിശി​ഹൈക രാജാ​വി​ന്റെ പക്ഷത്ത്‌ നിലയു​റ​പ്പി​ക്കേ​ണ്ടത്‌ അതി​പ്ര​ധാ​ന​മാണ്‌. ദിവസേന എടുക്കുന്ന ഓരോ തീരു​മാ​ന​ങ്ങ​ളി​ലും ഈ ദുഷിച്ച ലോക​ത്തി​ന്റെയല്ല മറിച്ച്‌ യേശു​വി​ന്റെ അംഗീ​കാ​ര​മാണ്‌ നാം തേടേ​ണ്ടത്‌. “രാജാ​ധി​രാ​ജാ​വും കർത്താ​ധി​കർത്താ​വു​മായ” യേശു മനുഷ്യ​വർഗത്തെ ശോധന ചെയ്യു​മ്പോൾ അവന്റെ നീതി​യുള്ള ഹൃദയം ഒരേസ​മയം കോപ​ത്താൽ ജ്വലി​ക്കു​ക​യും സന്തോ​ഷ​ത്താൽ നിറഞ്ഞു​ക​വി​യു​ക​യും ചെയ്യു​ക​യാണ്‌. (വെളി​പാട്‌ 19:16) എന്തു​കൊണ്ട്‌?

10. (എ) യേശു​വി​ന്റെ പ്രകൃതം എങ്ങനെ​യു​ള്ള​താണ്‌? (ബി) അവനിൽ കോപം ജനിപ്പി​ക്കു​ന്നത്‌ എന്താണ്‌?

¹⁰ പിതാ​വി​നെ​പ്പോ​ലെ​തന്നെ സന്തോ​ഷ​മുള്ള പ്രകൃ​ത​മാണ്‌ യേശു​വി​ന്റേ​തും. (1 തിമൊ​ഥെ​യൊസ്‌ 1:11) ഒരു മനുഷ്യ​നാ​യി ഭൂമി​യിൽ ജീവി​ച്ച​പ്പോൾ അവൻ കുറ്റം കണ്ടുപി​ടി​ക്കു​ന്ന​വ​നോ പ്രീതി​പ്പെ​ടു​ത്താൻ ബുദ്ധി​മു​ട്ടു​ള്ള​വ​നോ ആയിരു​ന്നില്ല. എങ്കിലും ഇന്ന്‌ ഭൂമി​യിൽ നടമാ​ടുന്ന അനേകം കാര്യങ്ങൾ അവനിൽ കോപം ജനിപ്പി​ക്കു​ന്നു, അത്‌ നീതി​യു​ക്ത​വു​മാണ്‌. തന്നെ പ്രതി​നി​ധീ​ക​രി​ക്കു​ന്നു​വെന്ന്‌ അവകാ​ശ​വാ​ദം മുഴക്കു​ക​മാ​ത്രം ചെയ്യുന്ന സകല മതസം​ഘ​ട​ന​കൾക്കു​മെ​തി​രെ അവന്റെ കോപം ജ്വലി​ക്കു​ന്നു. യേശു ഇങ്ങനെ മുന്നറി​യി​പ്പു​നൽകി: “എന്നോടു ‘കർത്താവേ, കർത്താവേ’ എന്നു പറയുന്ന ഏവനുമല്ല, സ്വർഗ​സ്ഥ​നായ എന്റെ പിതാ​വി​ന്റെ ഇഷ്ടം ചെയ്യു​ന്ന​വ​ന​ത്രേ സ്വർഗ​രാ​ജ്യ​ത്തിൽ കടക്കു​ന്നത്‌. അന്നു പലരും എന്നോട്‌, ‘കർത്താവേ, കർത്താവേ, ഞങ്ങൾ . . . നിന്റെ നാമത്തിൽ വളരെ വീര്യ​പ്ര​വൃ​ത്തി​കൾ ചെയ്‌തി​ല്ല​യോ?’ എന്നു പറയും.  എന്നാൽ ഞാൻ അവരോട്‌, ഞാൻ ഒരിക്ക​ലും നിങ്ങളെ അറിഞ്ഞി​ട്ടില്ല! അധർമം പ്രവർത്തി​ക്കു​ന്ന​വരേ, എന്നെ വിട്ട്‌ പോകു​വിൻ എന്നു തീർത്തു​പ​റ​യും.”​—മത്തായി 7:21-23.

11-13. (എ) തന്റെ നാമത്തിൽ ‘വളരെ വീര്യ​പ്ര​വൃ​ത്തി​കൾ ചെയ്യു​ന്ന​വ​രോ​ടുള്ള’ യേശു​വി​ന്റെ ശക്തമായ വാക്കുകൾ പലർക്കും ഉൾക്കൊ​ള്ളാ​നാ​വാ​ത്തത്‌ എന്തു​കൊണ്ട്‌? (ബി) അവൻ അവരോട്‌ കോപി​ക്കു​ന്നത്‌ എന്തു​കൊ​ണ്ടെന്ന്‌ ഒരു ദൃഷ്ടാന്തം ഉപയോ​ഗിച്ച്‌ വിശദീ​ക​രി​ക്കുക.

¹¹ ക്രിസ്‌ത്യാ​നി​ക​ളെന്ന്‌ സ്വയം വിളി​ക്കുന്ന മിക്കവർക്കും യേശു എന്തു​കൊ​ണ്ടാണ്‌ ഇങ്ങനെ പറഞ്ഞ​തെന്ന്‌ പിടി​കി​ട്ടു​ന്നില്ല. തന്റെ നാമത്തിൽ “അനേകം വീര്യ​പ്ര​വൃ​ത്തി​കൾ” ചെയ്യു​ന്ന​വരെ അവൻ ഇത്ര ശക്തമായി കുറ്റം​വി​ധി​ക്കു​ന്നത്‌ എന്തു​കൊ​ണ്ടാ​യി​രി​ക്കും? ക്രൈ​സ്‌ത​വ​ലോ​ക​ത്തി​ലെ സഭകൾ ജീവകാ​രു​ണ്യ​പ്ര​വർത്ത​ന​ങ്ങൾക്ക്‌ പണംമു​ട​ക്കു​ക​യും പാവങ്ങളെ സഹായി​ക്കു​ക​യും ആശുപ​ത്രി​ക​ളും പള്ളിക്കൂ​ട​ങ്ങ​ളും പണിയു​ക​യു​മൊ​ക്കെ ചെയ്യു​ന്നുണ്ട്‌. എന്നാൽ അവർ യേശു​വി​ന്റെ കോപ​ത്തി​നു പാത്ര​മാ​കു​ന്നത്‌ എന്തു​കൊ​ണ്ടാണ്‌? അതു മനസ്സി​ലാ​ക്കാൻ നമുക്ക്‌ ഒരു ദൃഷ്ടാന്തം നോക്കാം.

¹² ഒരു വീട്ടിലെ അപ്പനും അമ്മയ്‌ക്കും അത്യാ​വ​ശ്യ​മാ​യി ഒരു യാത്ര​പോ​കേ​ണ്ടി​വ​രു​ന്നു. കുട്ടി​കളെ കൂടെ​ക്കൊ​ണ്ടു​പോ​കാൻ പറ്റിയ സാഹച​ര്യ​മല്ല അവരു​ടേത്‌. അതു​കൊണ്ട്‌ അവർ കുട്ടി​കളെ നോക്കാൻ ഒരു ആയയെ ഏർപ്പാ​ടു​ചെ​യ്യു​ന്നു. ഒന്നുമാ​ത്ര​മാണ്‌ അവർ അവളോട്‌ ആവശ്യ​പ്പെ​ടു​ന്നത്‌: “കുഞ്ഞു​ങ്ങൾക്ക്‌ സമയത്ത്‌ ആഹാരം കൊടു​ക്കണം, അവരെ വൃത്തിക്കു നടത്തണം, അവർ വീഴാതെ നോക്കണം.” എന്നാൽ മാതാ​പി​താ​ക്കൾ തിരി​ച്ചെ​ത്തു​മ്പോൾ കാണു​ന്നത്‌ എന്താണ്‌? ദേഹ​ത്തെ​ല്ലാം അഴുക്കു​പു​രണ്ട്‌, ക്ഷീണിച്ച്‌ അവശരാ​യി വിശന്നു​ക​ര​യുന്ന കുഞ്ഞു​ങ്ങളെ! ആയയുടെ ശ്രദ്ധകി​ട്ടു​ന്ന​തി​നു​വേണ്ടി അവർ കരയു​ന്നുണ്ട്‌. പക്ഷേ അവൾ അത്‌ ഗൗനി​ക്കു​ന്നില്ല. എന്തു ചെയ്യു​ക​യാണ്‌ അവൾ? ഒരു ഗോവ​ണി​യിൽക​യ​റി​നിന്ന്‌ ജനാലകൾ കഴുകു​ക​യാണ്‌! ഇതു കാണുന്ന മാതാ​പി​താ​ക്കൾക്ക്‌ ദേഷ്യം അടക്കാ​നാ​വു​ന്നില്ല. അവർ അവളോട്‌ കുട്ടി​കളെ നോക്കാ​തി​രു​ന്ന​തി​ന്റെ കാരണം ചോദി​ക്കു​ന്നു. അവളുടെ മറുപടി ഇതാണ്‌: “ഞാൻ എന്തെല്ലാ​മാണ്‌ ഇവിടെ ചെയ്‌തി​രി​ക്കു​ന്ന​തെന്ന്‌ നോക്കൂ! ജനാല​ക​ളൊ​ക്കെ വെട്ടി​ത്തി​ള​ങ്ങു​ന്നത്‌ കണ്ടില്ലേ? വീടിന്റെ അറ്റകു​റ്റ​പ്പ​ണി​കൾ പോലും ഞാൻ ചെയ്‌തു. എല്ലാം നിങ്ങൾക്കു​വേണ്ടി.” ഇതു കേൾക്കുന്ന മാതാ​പി​താ​ക്ക​ളു​ടെ ദേഷ്യം അടങ്ങു​മെന്ന്‌ നിങ്ങൾ വിചാ​രി​ക്കു​ന്നു​ണ്ടോ? ഇതൊ​ന്നും ചെയ്യാൻ അവർ ആവശ്യ​പ്പെ​ട്ടി​രു​ന്നില്ല. കുട്ടി​കളെ നന്നായി നോക്കുക, അതുമാ​ത്ര​മാണ്‌ അവർ ആവശ്യ​പ്പെ​ട്ടത്‌. പറഞ്ഞത്‌ അനുസ​രി​ക്കാ​ഞ്ഞത്‌ അവരെ കോപാ​കു​ല​രാ​ക്കി.

¹³ ആ ആയയെ​പ്പോ​ലെ​യാണ്‌ ക്രൈ​സ്‌ത​വ​ലോ​കം പ്രവർത്തി​ച്ചി​രി​ക്കു​ന്നത്‌. ദൈവ​വ​ച​ന​ത്തി​ലെ സത്യം പഠിപ്പി​ച്ചു​കൊണ്ട്‌ ആളുകളെ ആത്മീയ​മാ​യി പോഷി​പ്പി​ക്കാ​നും ആത്മീയ ശുദ്ധി​പാ​ലി​ക്കാൻ അവരെ  സഹായി​ക്കാ​നും ഭൂമി​യി​ലെ തന്റെ പ്രതി​നി​ധി​ക​ളോട്‌ യേശു ആവശ്യ​പ്പെ​ട്ടി​രു​ന്നു. (യോഹ​ന്നാൻ 21:15-17) എന്നാൽ യേശു​വി​ന്റെ നിർദേശം അനുസ​രി​ക്കു​ന്ന​തിൽ ക്രൈ​സ്‌ത​വ​ലോ​കം അമ്പേ പരാജ​യ​പ്പെ​ട്ടി​രി​ക്കു​ന്നു. അവൾ ആളുകളെ ആത്മീയ​മാ​യി പട്ടിണി​ക്കി​ട്ടി​രി​ക്കു​ന്നു; അവരെ വ്യാ​ജോ​പ​ദേ​ശ​ങ്ങ​ളാൽ കുഴപ്പി​ക്കു​ക​യും അടിസ്ഥാന ബൈബിൾസ​ത്യ​ങ്ങൾപോ​ലും പഠിപ്പി​ക്കാ​തെ അജ്ഞരാ​ക്കി​നി​റു​ത്തു​ക​യും ചെയ്‌തി​രി​ക്കു​ന്നു. (യെശയ്യാ​വു 65:13; ആമോസ്‌ 8:11) ലോകത്തെ നന്നാക്കാ​നുള്ള അവളുടെ ശ്രമങ്ങ​ളൊ​ന്നും മനഃപൂർവ​മുള്ള ഈ അനുസ​ര​ണ​ക്കേ​ടിന്‌ ഒരു ന്യായീ​ക​ര​ണമല്ല. വാസ്‌ത​വ​ത്തിൽ, ഇടിച്ചു​പൊ​ളി​ച്ചു കളയാ​നി​രി​ക്കുന്ന ഒരു വീടു​പോ​ലെ​യാണ്‌ ഈ ലോക​വ്യ​വ​സ്ഥി​തി എന്നോർക്കുക! സാത്താന്റെ ഈ ലോകം ഉടൻ നശിപ്പി​ക്ക​പ്പെ​ടു​മെന്ന്‌ ദൈവ​വ​ചനം വളരെ വ്യക്തമാ​യി പറയുന്നു.​—1 യോഹ​ന്നാൻ 2:15-17.

14. ഏതു പ്രവർത്തനം യേശു​വി​നെ സന്തോ​ഷി​പ്പി​ക്കു​ന്നു, എന്തു​കൊണ്ട്‌?

¹⁴ എന്നാൽ സ്വർഗ​ത്തിൽനി​ന്നു നോക്കു​മ്പോൾ അവനെ സന്തോ​ഷി​പ്പി​ക്കുന്ന ഒരു കാഴ്‌ച​യുണ്ട്‌​—സ്വർഗാ​രോ​ഹണം ചെയ്യു​ന്ന​തി​നു​മുമ്പ്‌ തന്റെ അനുഗാ​മി​കൾക്കു കൊടുത്ത ശിഷ്യ​രാ​ക്കൽ നിയോ​ഗം ലക്ഷക്കണ​ക്കിന്‌ ആളുകൾ വിശ്വ​സ്‌ത​ത​യോ​ടെ നിവർത്തി​ക്കുന്ന കാഴ്‌ച! (മത്തായി 28:19, 20) മിശി​ഹൈക രാജാ​വി​നെ സന്തോ​ഷി​പ്പി​ക്കുക എന്നത്‌ എത്ര മഹത്തായ ഒരു പദവി​യാണ്‌! അതു​കൊണ്ട്‌, ‘വിശ്വ​സ്‌ത​നും വിവേ​കി​യു​മായ അടിമയെ’ പിന്തു​ണ​യ്‌ക്കാ​നുള്ള ഒരവസ​ര​വും നമുക്കു നഷ്ടപ്പെ​ടു​ത്താ​തി​രി​ക്കാം. (മത്തായി 24:45) ക്രൈ​സ്‌ത​വ​ലോ​ക​ത്തി​ലെ വൈദി​ക​രിൽനി​ന്നു തികച്ചും വ്യത്യ​സ്‌ത​രാ​യി അഭിഷി​ക്ത​സ​ഹോ​ദ​ര​ന്മാ​രു​ടെ ഈ ചെറിയ കൂട്ടം ക്രിസ്‌തു​വി​ന്റെ വാക്കുകൾ അനുസ​രി​ച്ചു​കൊണ്ട്‌ പ്രസം​ഗ​വേ​ല​യ്‌ക്കു ചുക്കാൻ പിടി​ക്കു​ക​യും ക്രിസ്‌തു​വി​ന്റെ ആടുകളെ വിശ്വ​സ്‌ത​ത​യോ​ടെ പോറ്റു​ക​യും ചെയ്‌തി​രി​ക്കു​ന്നു.

15, 16. (എ) ഭൂമി​യി​ലെ​ങ്ങു​മുള്ള സ്‌നേ​ഹ​രാ​ഹി​ത്യം കാണു​മ്പോൾ യേശു​വിന്‌ എന്തു തോന്നു​ന്നു, നാം അത്‌ എങ്ങനെ മനസ്സി​ലാ​ക്കു​ന്നു? (ബി) ക്രൈ​സ്‌ത​വ​ലോ​കം യേശു​വി​ന്റെ ക്രോധം വിളി​ച്ചു​വ​രു​ത്തി​യി​രി​ക്കു​ന്നത്‌ എങ്ങനെ?

¹⁵ ഈ ഭൂമി​യി​ലെ​ങ്ങും കാണുന്ന സ്‌നേ​ഹ​രാ​ഹി​ത്യം രാജാ​വി​നെ കോപി​ഷ്‌ഠ​നാ​ക്കു​ന്നു എന്നതിന്‌ സംശയ​മില്ല. ശബത്തു​നാ​ളിൽ രോഗി​കളെ സുഖ​പ്പെ​ടു​ത്തി​യ​തിന്‌ പരീശ​ന്മാർ യേശു​വി​നെ കുറ്റ​പ്പെ​ടു​ത്തി​യ​താ​യി നാം കണ്ടു. ഇടുങ്ങിയ ചിന്താ​ഗ​തി​ക്കാ​രും കഠിന​ഹൃ​ദ​യ​രു​മായ ഈ പരീശ​ന്മാർക്ക്‌ പാരമ്പ​ര്യ​ങ്ങൾക്കും ന്യായ​പ്ര​മാ​ണ​ത്തി​ന്റെ സ്വന്തം വ്യാഖ്യാ​ന​ങ്ങൾക്കും അതീത​മാ​യി കാര്യ​ങ്ങളെ വീക്ഷി​ക്കാൻ കഴിഞ്ഞി​രു​ന്നില്ല. എന്നാൽ യേശു​വി​ന്റെ അത്ഭുതങ്ങൾ അന്നുണ്ടാ​യി​രുന്ന അനേകർക്ക്‌ അളവറ്റ അനു​ഗ്ര​ഹങ്ങൾ കൈവ​രു​ത്തി. അത്‌ അവർക്കു സന്തോ​ഷ​വും ആശ്വാ​സ​വും പകർന്നു, അവരുടെ വിശ്വാ​സത്തെ ബലപ്പെ​ടു​ത്തി. എന്നാൽ ആ പരീശ​ന്മാ​രു​ടെ കണ്ണിൽ ഇവയ്‌ക്കൊ​ന്നും യാതൊ​രു വിലയും ഇല്ലായി​രു​ന്നു. യേശു പക്ഷേ ഈ പരീശ​ന്മാ​രെ എങ്ങനെ​യാ​ണു  വീക്ഷി​ച്ചത്‌? അവന്‌ അവരോ​ടു ‘രോഷം’ തോന്നി​യ​താ​യും ‘അവരുടെ ഹൃദയ​കാ​ഠി​ന്യ​ത്തിൽ’ അവന്റെ ‘മനം​നൊ​ന്ത​താ​യും’ തിരു​വെ​ഴു​ത്തു പറയുന്നു.​—മർക്കോസ്‌ 3:5.

¹⁶ അന്നത്തെ​ക്കാൾ കൂടുതൽ കാര്യങ്ങൾ ഇന്ന്‌ യേശു​വിന്‌ മനോ​വ്യ​സനം ഉണ്ടാക്കു​ന്നുണ്ട്‌. തിരു​വെ​ഴു​ത്തി​നു വിരു​ദ്ധ​മായ ഉപദേ​ശ​ങ്ങ​ളി​ലും പാരമ്പ​ര്യ​ങ്ങ​ളി​ലും ആമഗ്നരാ​യി, മറ്റൊ​ന്നും കാണാ​നാ​കാ​തെ അന്ധത ബാധി​ച്ചി​രി​ക്കു​ന്ന​വ​രാണ്‌ ഇന്നത്തെ ക്രൈ​സ്‌തവ മതാധ്യ​ക്ഷ​ന്മാർ. അതുമാ​ത്ര​മോ? ദൈവ​രാ​ജ്യ സുവാർത്ത എങ്ങും ഘോഷി​ക്ക​പ്പെ​ടു​ന്ന​തിൽ അവർ അങ്ങേയറ്റം രോഷം​കൊ​ള്ളു​ക​യും ചെയ്യുന്നു. യേശു പ്രസം​ഗിച്ച സന്ദേശം ആളുക​ളു​ടെ പക്കൽ എത്തിക്കാ​നാ​യി ആത്മാർഥ​മാ​യി ശ്രമി​ക്കുന്ന ക്രിസ്‌ത്യാ​നി​കൾ ലോക​ത്തി​ന്റെ പല ഭാഗങ്ങ​ളി​ലും ക്രൂര​മായ പീഡന​ങ്ങൾക്ക്‌ ഇരയാ​കു​ന്നുണ്ട്‌. പലപ്പോ​ഴും ക്രൈ​സ്‌തവ പുരോ​ഹി​ത​വർഗ​മാണ്‌ ഇതിന്റെ പിന്നിൽ. (യോഹ​ന്നാൻ 16:2; വെളി​പാട്‌ 18:4, 24) അതോ​ടൊ​പ്പം അവർ മറ്റുള്ള​വ​രു​ടെ ജീവൻ എടുക്കു​ന്ന​തി​നാ​യി സ്വന്തം അണികളെ ആശീർവ​ദിച്ച്‌ യുദ്ധങ്ങൾക്ക്‌ അയയ്‌ക്കു​ക​യും ചെയ്യുന്നു. ‘ക്രിസ്‌തു​വി​നു​വേണ്ടി’ എന്നാണ്‌ അവർ അതിനു ന്യായം പറയുക!

17. യേശു​വി​ന്റെ യഥാർഥ അനുഗാ​മി​കൾ അവന്റെ ഹൃദയത്തെ സന്തോ​ഷി​പ്പി​ക്കു​ന്നത്‌ എങ്ങനെ?

¹⁷ ഇതിനു നേർവി​പ​രീ​ത​മാ​യി യേശു​വി​ന്റെ യഥാർഥ അനുഗാ​മി​കൾ സഹമനു​ഷ്യ​രെ സ്‌നേ​ഹി​ക്കു​ന്നു. എതിർപ്പു​കൾ ഉണ്ടായി​ട്ടും അവർ യേശു​വി​നെ​പ്പോ​ലെ “സകലതരം” മനുഷ്യ​രോ​ടും സുവാർത്ത അറിയി​ക്കു​ന്നു. (1 തിമൊ​ഥെ​യൊസ്‌ 2:4) അവർ പരസ്‌പരം കാണി​ക്കുന്ന സ്‌നേഹം നിസ്‌തു​ല​മാണ്‌; അവരെ തിരി​ച്ച​റി​യി​ക്കുന്ന മുഖ്യ അടയാ​ള​മാ​ണത്‌. (യോഹ​ന്നാൻ 13:34, 35) സഹവി​ശ്വാ​സി​ക​ളോട്‌ സ്‌നേ​ഹ​ത്തോ​ടും ബഹുമാ​ന​ത്തോ​ടും മാന്യ​ത​യോ​ടും​കൂ​ടെ പെരു​മാ​റി​ക്കൊണ്ട്‌ അവർ ക്രിസ്‌തു​വി​ന്റെ യഥാർഥ അനുഗാ​മി​ക​ളാ​ണെന്നു തെളി​യി​ക്കു​ന്നു. ഇതെല്ലാം മിശി​ഹൈക രാജാ​വി​ന്റെ ഹൃദയത്തെ സന്തോ​ഷി​പ്പി​ക്കുന്ന കാര്യ​ങ്ങ​ളാണ്‌!

18. (എ) ഏതു കാര്യം യേശു​വി​നെ ദുഃഖി​പ്പി​ക്കും? (ബി) എന്നാൽ നമുക്ക്‌ അവനെ എങ്ങനെ സന്തോ​ഷി​പ്പി​ക്കാ​നാ​കും?

¹⁸ എന്നാൽ നാം വിസ്‌മ​രി​ക്ക​രു​താത്ത ഒരു കാര്യ​വു​മുണ്ട്‌. തന്റെ അനുഗാ​മി​കൾ സഹിച്ചു​നിൽക്കാ​തെ യഹോ​വ​യോ​ടുള്ള സ്‌നേഹം തണുത്ത്‌ അവനെ സേവി​ക്കു​ന്നതു നിറു​ത്തി​ക്ക​ള​യു​മ്പോൾ യേശു​വി​ന്റെ ഹൃദയം ദുഃഖി​ക്കും. (വെളി​പാട്‌ 2:4, 5) എന്നാൽ അവസാ​ന​ത്തോ​ളം സഹിച്ചു​നിൽക്കു​ന്ന​വ​രിൽ യേശു സംപ്രീ​ത​നാ​കും. (മത്തായി 24:13) അതു​കൊണ്ട്‌, “എന്നെ അനുഗ​മി​ച്ചു​കൊ​ണ്ടി​രി​ക്കുക” എന്ന യേശു​വി​ന്റെ കൽപ്പന നമുക്ക്‌ എല്ലായ്‌പോ​ഴും അനുസ​രി​ക്കാം. (യോഹ​ന്നാൻ 21:19) അന്ത്യ​ത്തോ​ളം സഹിച്ചു​നിൽക്കു​ന്ന​വ​രു​ടെ​മേൽ മിശി​ഹൈക രാജാവ്‌ വർഷി​ക്കുന്ന ചില അനു​ഗ്ര​ഹ​ങ്ങ​ളെ​ക്കു​റിച്ച്‌ നമുക്കു നോക്കാം.

19, 20. (എ) യേശു​വി​നെ അനുഗ​മി​ക്കു​ന്നത്‌ ഇപ്പോൾത്തന്നെ ഏതെല്ലാം അനു​ഗ്ര​ഹങ്ങൾ കൈവ​രു​ത്തും? (ബി) ക്രിസ്‌തു​വി​നെ അനുക​രി​ക്കു​ന്ന​തു​വഴി നമുക്ക്‌ ഒരു ‘നിത്യ​പി​താ​വി​നെ’ ലഭിക്കു​ന്നത്‌ എങ്ങനെ?

¹⁹ യേശു​വി​നെ അനുഗ​മി​ക്കു​ന്നത്‌, ഇപ്പോൾത്തന്നെ ധന്യമായ ഒരു ജീവി​ത​ത്തി​ലേക്ക്‌ നമ്മെ കൈപി​ടി​ച്ചാ​ന​യി​ക്കു​ന്നു. യേശു​വി​ന്റെ നിർദേ​ശങ്ങൾ അനുസ​രി​ക്കു​ക​യും അവന്റെ മാതൃ​കയെ വഴികാ​ട്ടി​യാ​യി സ്വീക​രി​ക്കു​ക​യും ചെയ്‌തു​കൊണ്ട്‌ അവനെ നമ്മുടെ നായക​നാ​യി അംഗീ​ക​രി​ക്കാം. അപ്പോൾ, ലോക​ത്തി​ലെ ആളുകൾ അന്വേ​ഷി​ച്ചി​ട്ടും അവർക്ക്‌ കണ്ടെത്താ​നാ​കാ​തെ​പോ​കുന്ന വില​യേ​റിയ നിധികൾ നമുക്ക്‌ കണ്ടെത്താ​നാ​കും. ജീവി​ത​ത്തിന്‌ ഉദ്ദേശ്യ​വും അർഥവും പകരുന്ന വേല, കറയറ്റ സ്‌നേ​ഹ​ത്താൽ ഏകീകൃ​ത​രാ​യി​രി​ക്കുന്ന നമ്മുടെ സഹവി​ശ്വാ​സി​ക​ള​ട​ങ്ങുന്ന കുടും​ബം, ശുദ്ധമായ ഒരു മനസ്സാക്ഷി, മനസ്സമാ​ധാ​നം ഇവയൊ​ക്കെ ആ നിധി​ക​ളിൽപ്പെ​ടു​ന്നു. ചുരു​ക്കി​പ്പ​റ​ഞ്ഞാൽ, ധന്യവും സംതൃ​പ്‌ത​വു​മായ ഒരു ജീവിതം കണ്ടെത്താൻ നമുക്കു കഴിയും. ഇനിയു​മുണ്ട്‌ അനു​ഗ്ര​ഹങ്ങൾ!

²⁰ ഭൂമി​യിൽ എന്നേക്കും ജീവി​ക്കാൻ പ്രത്യാ​ശി​ക്കു​ന്ന​വർക്ക്‌, ‘നിത്യ​പി​താ​വെ​ന്ന​നി​ല​യിൽ’ യഹോവ യേശു​വി​നെ നൽകി​യി​രി​ക്കു​ന്നു. തന്റെ സന്തതി​ക​ളെ​യെ​ല്ലാം ദുരി​ത​ത്തി​ലേക്ക്‌ തള്ളിവിട്ട ആദ്യപി​താ​വായ ആദാമി​നു പകരമാ​യി​ട്ടാണ്‌ യേശു നിത്യ​പി​താ​വാ​യി​രി​ക്കു​ന്നത്‌. (യെശയ്യാ​വു 9:6, 7) നമ്മുടെ നിത്യ​പി​താ​വാ​യി യേശു​വി​നെ അംഗീ​ക​രി​ക്കു​ക​യും അവനിൽ വിശ്വാ​സം അർപ്പി​ക്കു​ക​യും ചെയ്യു​ന്നെ​ങ്കിൽ നമ്മുടെ നിത്യ​ജീ​വന്റെ പ്രത്യാശ ഉറപ്പു​ള്ള​താ​യി​രി​ക്കും. അതിലു​പ​രി​യാ​യി നമ്മുടെ ദൈവ​മായ യഹോ​വ​യോ​ടു നാം കൂടുതൽ അടുക്കു​ക​യും ചെയ്യും. നാം പഠിച്ച​തു​പോ​ലെ, “പ്രിയ​മ​ക്ക​ളാ​യി ദൈവത്തെ അനുക​രി​ക്കു​വിൻ” എന്ന കൽപ്പന അനുസ​രി​ക്കു​ന്ന​തി​നുള്ള ഏറ്റവും നല്ല മാർഗം ദിന​ന്തോ​റും യേശു​വി​ന്റെ മാതൃക അനുക​രി​ക്കുക എന്നതാണ്‌.​—എഫെസ്യർ 5:1.

21. ഇരുൾമൂ​ടിയ ലോകത്ത്‌ ക്രിസ്‌തു​വി​ന്റെ അനുഗാ​മി​ക​ളായ നാം പ്രകാശം പരത്തു​ന്നത്‌ എങ്ങനെ?

²¹ യേശു​വി​നെ​യും അവന്റെ പിതാ​വായ യഹോ​വ​യെ​യും അനുക​രി​ക്കു​മ്പോൾ ഉജ്ജ്വല പ്രകാശം പരത്താ​നുള്ള ഒരു മഹനീയ പദവി​യാണ്‌ നമുക്കു ലഭിക്കു​ന്നത്‌. ഇരുൾമൂ​ടിയ ഒരു ലോക​ത്തിൽ, ലക്ഷോ​പ​ല​ക്ഷങ്ങൾ സാത്താ​നാൽ വഴി​തെ​റ്റി​ക്ക​പ്പെട്ട്‌ അവന്റെ ദുർഗു​ണങ്ങൾ അനുക​രി​ക്കു​മ്പോൾ, ക്രിസ്‌തു​വി​നെ അനുക​രി​ക്കു​ന്ന​വ​രായ നാം ഒരു അത്യുജ്ജല പ്രകാശം ലോക​മെ​ങ്ങും പ്രസരി​പ്പി​ക്കു​ന്നു​—തിരു​വെ​ഴു​ത്തു സത്യങ്ങ​ളു​ടെ​യും ഉത്തമമായ ക്രിസ്‌തീയ ഗുണങ്ങ​ളു​ടെ​യും യഥാർഥ  സന്തോ​ഷ​ത്തി​ന്റെ​യും ശാന്തി​യു​ടെ​യും സ്‌നേ​ഹ​ത്തി​ന്റെ​യും പ്രകാശം. അതോ​ടൊ​പ്പം നാം യഹോ​വ​യോട്‌ കൂടുതൽ അടുത്തു​ചെ​ല്ലു​ക​യു​മാണ്‌. ബുദ്ധി​ശ​ക്തി​യുള്ള ഏതൊരു സൃഷ്ടിയെ സംബന്ധി​ച്ചി​ട​ത്തോ​ള​വും അതുത​ന്നെ​യാണ്‌ ആത്യന്തിക ലക്ഷ്യം.

22, 23. (എ) വിശ്വ​സ്‌ത​ത​യോ​ടെ യേശു​വി​നെ അനുഗ​മി​ക്കു​ന്ന​വർക്ക്‌ എന്തെല്ലാം അനു​ഗ്ര​ഹങ്ങൾ കരുതി​വെ​ച്ചി​രി​ക്കു​ന്നു? (ബി) നമ്മുടെ തീരു​മാ​നം എന്തായി​രി​ക്കണം?

²² മിശി​ഹൈക രാജാ​വി​ലൂ​ടെ ഭാവി​യിൽ യഹോവ നിങ്ങൾക്കാ​യി കരുതി​വെ​ച്ചി​രി​ക്കു​ന്നത്‌ എന്താണ്‌? പെട്ടെ​ന്നു​തന്നെ രാജാവ്‌ സാത്താന്റെ ഈ ദുഷ്ട​ലോ​ക​ത്തി​നെ​തി​രെ നീതി​പൂർവ​ക​മായ യുദ്ധം നടത്തും. യേശു​വി​ന്റെ വിജയം സുനി​ശ്ചി​ത​മാണ്‌! (വെളി​പാട്‌ 19:11-15) അതിനു​ശേഷം യേശു ഭൂമി​മേ​ലുള്ള തന്റെ സഹസ്രാ​ബ്ദ​വാഴ്‌ച ആരംഭി​ക്കും. അവന്റെ സ്വർഗീയ ഗവണ്മെന്റ്‌ മറുവി​ല​യു​ടെ പ്രയോ​ജ​നങ്ങൾ വിശ്വ​സ്‌ത​രായ  ഓരോ മനുഷ്യ​രി​ലേ​ക്കും ചൊരി​ഞ്ഞു​കൊണ്ട്‌ അവരെ പൂർണ​ത​യി​ലേക്കു കൈപി​ടിച്ച്‌ ഉയർത്തും. ഓജസ്സും ആരോ​ഗ്യ​വും തുടി​ക്കുന്ന നിത്യ​യൗ​വ​ന​ത്തിൽ, ഭൂമിയെ ഒരു പറുദീ​സ​യാ​ക്കു​ന്ന​തിന്‌ ഏകീകൃത മനുഷ്യ​കു​ടും​ബ​ത്തോ​ടൊ​പ്പം സന്തോ​ഷ​ത്തോ​ടെ അധ്വാ​നി​ക്കു​ന്ന​തി​നെ​ക്കു​റിച്ച്‌ ഒന്നു ചിന്തി​ച്ചു​നോ​ക്കൂ! സഹസ്രാ​ബ്ദ​ത്തി​ന്റെ അവസാനം യേശു ഭരണാ​ധി​പ​ത്യം തിരികെ പിതാ​വി​നെ ഏൽപ്പി​ക്കും. (1 കൊരി​ന്ത്യർ 15:24) നിങ്ങൾ യേശു​വി​നെ വിശ്വ​സ്‌ത​ത​യോ​ടെ അനുഗ​മി​ക്കു​ന്നെ​ങ്കിൽ, ഇപ്പോൾ നിങ്ങൾക്ക്‌ സങ്കൽപ്പി​ക്കാൻപോ​ലും കഴിയാത്ത ഒരു അനു​ഗ്രഹം നിങ്ങളെ കാത്തി​രി​ക്കു​ന്നു​—“ദൈവ​മ​ക്ക​ളു​ടെ മഹത്തായ സ്വാത​ന്ത്ര്യം!” (റോമർ 8:20) അതെ, ആദാമും ഹവ്വായും ആസ്വദി​ച്ചി​രു​ന്ന​തും അവർ നഷ്ടപ്പെ​ടു​ത്തി​ക്ക​ള​ഞ്ഞ​തു​മായ ആ സൗഭാ​ഗ്യ​ങ്ങ​ളെ​ല്ലാം നമുക്ക്‌ തിരി​ച്ചു​കി​ട്ടും. യഹോ​വ​യു​ടെ ഭൗമിക പുത്ര​ന്മാ​രും പുത്രി​മാ​രു​മാ​യി​ത്തീ​രുന്ന നമ്മിൽനിന്ന്‌ ആദാം വീഴ്‌ത്തിയ പാപക്കറ പൂർണ​മാ​യി തുടച്ചു​നീ​ക്ക​പ്പെ​ട്ടി​രി​ക്കും. “മേലാൽ മരണം ഉണ്ടായി​രി​ക്കു​ക​യില്ല.”​—വെളി​പാട്‌ 21:4.

²³ ഒന്നാം അധ്യാ​യ​ത്തിൽ നാം കണ്ട ധനിക​നായ യുവഭ​ര​ണാ​ധി​പനെ ഓർമ​യു​ണ്ടോ? “വന്ന്‌ എന്നെ അനുഗ​മി​ക്കുക” എന്ന യേശു​വി​ന്റെ ക്ഷണം അവൻ നിരസി​ക്കു​ക​യാ​ണു ചെയ്‌തത്‌. (മർക്കോസ്‌ 10:17-22) നമ്മുടെ കാര്യ​ത്തിൽ ഒരിക്ക​ലും അങ്ങനെ സംഭവി​ക്കാ​തി​രി​ക്കട്ടെ! യേശു​വി​ന്റെ ആ ക്ഷണം നിങ്ങൾ ഉത്സാഹ​ത്തോ​ടെ​യും സന്തോ​ഷ​ത്തോ​ടെ​യും സ്വീക​രി​ക്കുക. സഹിച്ചു​നിൽക്കാ​നും നല്ല ഇടയനായ യേശു​വി​നെ വർഷാ​ന്ത​ര​ങ്ങ​ളി​ലൂ​ടെ അനുദി​നം അനുഗ​മി​ക്കാ​നും യഹോ​വ​യു​ടെ ഉദ്ദേശ്യ​ങ്ങ​ളെ​ല്ലാം അവൻ അതിന്റെ മഹനീയ പാരമ്യ​ത്തി​ലെ​ത്തി​ക്കു​ന്നത്‌ കാണാ​നും നിങ്ങൾക്ക്‌ കഴിയു​മാ​റാ​കട്ടെ!