നിങ്ങളു​ടെ കുട്ടി​കൾക്കു നൽകാൻ കഴിയുന്ന ഏറ്റവും നല്ല സമ്മാനം എന്താണ്‌? നിങ്ങളു​ടെ സ്‌നേ​ഹ​വാ​ത്സ​ല്യ​ങ്ങൾ, മാർഗ​ദർശനം, സംരക്ഷണം എന്നിങ്ങനെ അവർക്ക്‌ ആവശ്യ​മുള്ള പലതു​മുണ്ട്‌. എങ്കിലും, നിങ്ങൾക്കു നൽകാൻ കഴിയുന്ന അമൂല്യ​മായ സമ്മാനം യഹോ​വ​യെ​യും അവന്റെ വചനമായ ബൈബി​ളി​ലെ സത്യങ്ങ​ളെ​യും കുറി​ച്ചുള്ള അറിവാണ്‌. (യോഹ​ന്നാൻ 17:3) ആ അറിവ്‌ യഹോ​വയെ സ്‌നേ​ഹി​ക്കു​ന്ന​വ​രാ​യി വളർന്നു​വ​രാ​നും ഇളം​പ്രാ​യം മുതൽതന്നെ അവന്‌ സർവാ​ത്മനാ സേവനം ചെയ്യാ​നും നിങ്ങളു​ടെ കുട്ടി​കളെ സഹായി​ക്കും.—മത്തായി 21:16.

ഹ്രസ്വ​മാ​യ പാഠങ്ങ​ളും അഭ്യാ​സ​ങ്ങ​ളും ആണ്‌ കുഞ്ഞു​കു​ട്ടി​കൾക്കു കൂടുതൽ ഇഷ്ടമെന്ന്‌ മിക്ക മാതാ​പി​താ​ക്കൾക്കും അറിയാം. അതു​കൊ​ണ്ടു​തന്നെ, എന്റെ ബൈബിൾ പാഠങ്ങൾ എന്ന ഈ പ്രസി​ദ്ധീ​ക​രണം പുറത്തി​റ​ക്കാൻ കഴിഞ്ഞ​തിൽ ഞങ്ങൾ അതിയാ​യി സന്തോ​ഷി​ക്കു​ന്നു. ലളിത​മാ​യി പഠിപ്പി​ക്കാൻ കഴിയുന്ന വിധത്തി​ലാണ്‌ ഓരോ പാഠങ്ങ​ളും ഒരുക്കി​യി​രി​ക്കു​ന്നത്‌. ചിത്ര​ങ്ങ​ളും അവയോ​ടൊ​പ്പ​മുള്ള വിവര​ങ്ങ​ളും പ്രധാ​ന​മാ​യും മൂന്ന്‌ വയസ്സോ അതിൽ താഴെ​യോ ഉള്ള കുട്ടി​കൾക്കു​വേണ്ടി തയ്യാറാ​ക്കി​യി​ട്ടു​ള്ള​താണ്‌. അഭ്യാ​സ​ങ്ങൾക്കുള്ള ചില നിർദേ​ശ​ങ്ങ​ളും കൊടു​ത്തി​ട്ടുണ്ട്‌. എന്റെ ബൈബിൾ പാഠങ്ങൾ കുട്ടി​കൾക്കു കൊടു​ക്കാ​നുള്ള ഒരു കളിപ്പാ​ട്ട​മ​ല്ലെന്ന്‌ ഓർക്കുക. പകരം, കുട്ടി​ക​ളോ​ടൊ​പ്പ​മി​രുന്ന്‌ വായി​ച്ചു​കൊ​ടുത്ത്‌ അവരെ പഠിപ്പി​ക്കാ​നാ​യി തയ്യാർചെ​യ്‌തി​രി​ക്കു​ന്ന​താണ്‌. അങ്ങനെ നിങ്ങൾക്കി​ട​യി​ലെ ആശയവി​നി​മയം സുഗമ​മാ​ക്കുക.

നിങ്ങളു​ടെ പിഞ്ചോ​മ​ന​കളെ “ശൈശ​വം​മു​തൽ” ബൈബിൾസ​ത്യം പഠിപ്പി​ക്കാൻ ഈ പ്രസി​ദ്ധീ​ക​രണം നിങ്ങളെ സഹായി​ക്കു​മെന്ന്‌ ഞങ്ങൾക്കു​റ​പ്പുണ്ട്‌.—2 തിമൊ​ഥെ​യൊസ്‌ 3:14, 15.

നിങ്ങളു​ടെ സഹോ​ദ​ര​ന്മാർ,

യഹോ​വ​യു​ടെ സാക്ഷി​ക​ളു​ടെ ഭരണസം​ഘം