രാജ്യവാർത്ത നമ്പർ 35

എല്ലാവ​രും അന്യോ​ന്യം സ്‌നേ​ഹി​ക്കുന്ന ഒരു കാലം വരുമോ?

 അയൽസ്‌നേഹം തണുത്തു​പോ​യി​രി​ക്കു​ന്നു

ലക്ഷങ്ങൾ നിസ്സഹാ​യ​രും ദുഃഖാർത്ത​രു​മാണ്‌. അവർക്കു സഹായ​ത്തി​നാ​യി തിരി​യാൻ ഒരിട​വു​മില്ല. ഒരു ബിസി​നസ്‌ കാര്യാ​ല​യ​ത്തിൽനി​ന്നു വിരമിച്ച സ്‌ത്രീ ഇങ്ങനെ അഭി​പ്രാ​യ​പ്പെട്ടു: ‘ഒരുനാൾ വൈകു​ന്നേരം തൊട്ട​ടുത്ത ഫ്‌ളാ​റ്റിൽ താമസി​ക്കുന്ന വിധവ എന്റെ കതകിൽ മുട്ടി​യിട്ട്‌, തനിക്ക്‌ ഏകാന്തത അനുഭ​വ​പ്പെ​ടു​ന്ന​താ​യി എന്നോടു പറഞ്ഞു. മര്യാ​ദ​യോ​ടെ​യാ​ണെ​ങ്കി​ലും വീണ്ടു​വി​ചാ​ര​മി​ല്ലാ​തെ, എനി​ക്കൊ​ട്ടും സമയമി​ല്ലെന്നു ഞാൻ അവരോ​ടു പറഞ്ഞു. എന്നെ ശല്യ​പ്പെ​ടു​ത്തി​യ​തിൽ ക്ഷമാപണം നടത്തി​യിട്ട്‌ അവർ അവി​ടെ​നി​ന്നു പോയി.’

ദുഃഖ​ക​ര​മെ​ന്നു​പ​റ​യട്ടെ, അന്നു രാത്രി ആ വിധവ ആത്മഹത്യ ചെയ്‌തു. താൻ അതിൽനിന്ന്‌ “കയ്‌പേ​റിയ ഒരു പാഠം” പഠിച്ച​താ​യി ആ സ്‌ത്രീ പിന്നീടു പറഞ്ഞു.

അയൽസ്‌നേ​ഹ​ത്തി​ന്റെ അഭാവം പലപ്പോ​ഴും ദാരു​ണ​മായ ഭവിഷ്യ​ത്തു​കൾക്കി​ട​യാ​ക്കു​ന്നു. മുമ്പു യൂഗോ​സ്ലാ​വി​യ​യു​ടെ ഭാഗമാ​യി​രുന്ന ബോസ്‌നി​യ​യി​ലും ഹെർസെ​ഗോ​വി​ന​യി​ലും പത്തു ലക്ഷത്തിൽപ്പരം ആളുകൾ വീടും​കു​ടി​യും വിട്ടോ​ടാൻ നിർബ​ന്ധി​ത​രാ​യി, പതിനാ​യി​ര​ക്ക​ണ​ക്കി​നാ​ളു​കൾ കൊല​ചെ​യ്യ​പ്പെട്ടു. അതിനു കാരണ​ക്കാ​രോ? “ഞങ്ങളുടെ അയൽക്കാർ,” സ്വന്തം ഗ്രാമ​ത്തിൽനി​ന്നു തുരത്ത​പ്പെട്ട ഒരു പെൺകു​ട്ടി വിലപി​ക്കു​ന്നു. “ഞങ്ങൾ പരിച​യ​ക്കാ​രാണ്‌.”

റുവാ​ണ്ട​യിൽ ലക്ഷക്കണ​ക്കി​നാ​ളു​കൾ വധിക്ക​പ്പെട്ടു, കൂടു​ത​ലും അയൽക്കാ​രാൽ. “ഹൂട്ടു​വും ടൂട്‌സി​യും [ഒരുമിച്ച്‌] ഇടപഴകി, മിശ്ര​വി​വാ​ഹം ചെയ്‌തു കഴിഞ്ഞ​വ​രാണ്‌. ഹൂട്ടു ആരെന്നോ ടൂട്‌സി ആരെന്നോ ആർക്കും നോട്ട​മി​ല്ലാ​യി​രു​ന്നു,” ദ ന്യൂ​യോർക്ക്‌ ടൈംസ്‌ റിപ്പോർട്ടു ചെയ്‌തു. “അങ്ങനെ​യി​രി​ക്കെ എവി​ടെ​യോ താളപ്പിഴ സംഭവി​ച്ചു, അങ്ങനെ അരു​ങ്കൊല തുടങ്ങി.”

സമാന​മാ​യി, ഇസ്രാ​യേ​ലിൽ യഹൂദ​രും അറബി​ക​ളും അടുത്ത​ടു​ത്താ​ണു താമസി​ക്കു​ന്ന​തെ​ങ്കി​ലും അവരിൽ പലരും അന്യോ​ന്യം വെറു​ക്കു​ന്നു. അയർലൻഡി​ലെ നിരവധി കത്തോ​ലി​ക്കർക്കും പ്രൊ​ട്ട​സ്റ്റ​ന്റു​കാർക്കു​മി​ട​യി​ലും മറ്റു രാജ്യ​ങ്ങ​ളി​ലെ വർധി​ച്ചു​വ​രുന്ന ആളുക​ളിൽ അനേകർക്കു​മി​ട​യി​ലും അതേ സ്ഥിതി​വി​ശേഷം കുടി​കൊ​ള്ളു​ന്നു. ചരി​ത്ര​ത്തി​ലൊ​രി​ക്ക​ലും ലോകം ഇത്രമാ​ത്രം സ്‌നേ​ഹ​ശൂ​ന്യ​മാ​യി​രു​ന്നി​ട്ടില്ല.

അയൽസ്‌നേഹം തണുത്തു​പോ​യി​രി​ക്കു​ന്നത്‌ എന്തു​കൊണ്ട്‌?

നമ്മുടെ സ്രഷ്ടാവ്‌ ഉത്തരം നൽകുന്നു. അവന്റെ വചനമായ ബൈബിൾ നമ്മുടെ ഈ കാലഘ​ട്ടത്തെ ‘അന്ത്യനാ​ളു​കൾ’ എന്നു വിളി​ക്കു​ന്നു. ബൈബിൾ പ്രവച​ന​പ്ര​കാ​രം, ആളുകൾ “സ്വാഭാ​വിക പ്രിയ​മി​ല്ലാ​ത്തവ”രായി​രി​ക്കുന്ന ഒരു കാലഘ​ട്ട​മാ​ണത്‌. തിരു​വെ​ഴു​ത്തു​ക​ളിൽ ‘വ്യവസ്ഥി​തി​യു​ടെ സമാപനം’ എന്നും വിളി​ക്ക​പ്പെ​ടുന്ന ഈ “ദുർഘ​ട​സ​മയങ്ങ”ളെക്കു​റിച്ച്‌ യേശു​ക്രി​സ്‌തു ഇങ്ങനെ മുൻകൂ​ട്ടി​പ്പ​റഞ്ഞു: “അനേക​രു​ടെ സ്‌നേഹം തണുത്തു​പോ​കും.”—2 തിമൊ​ഥെ​യൊസ്‌ 3:1-5; മത്തായി 24:3, 12; NW.

ഈ ലോക​ത്തി​ന്റെ അന്ത്യനാ​ളു​ക​ളി​ലാ​ണു നാം ജീവി​ക്കു​ന്നത്‌ എന്നതി​നുള്ള തെളി​വി​ന്റെ ഭാഗമാണ്‌ ഇന്നത്തെ സ്‌നേ​ഹ​ശൂ​ന്യത. സന്തോ​ഷ​ക​ര​മെന്നു പറയട്ടെ, ഭക്തികെട്ട ആളുകളെ തുടച്ചു​നീ​ക്കി തത്‌സ്ഥാ​നത്തു സ്‌നേ​ഹ​ത്താൽ ഭരിക്ക​പ്പെ​ടുന്ന നീതി​നി​ഷ്‌ഠ​മായ ഒരു പുതിയ ലോകം സ്ഥാപി​ത​മാ​കു​മെ​ന്നും അത്‌ അർഥമാ​ക്കു​ന്നു.—മത്തായി 24:3-14; 2 പത്രൊസ്‌ 2:5; 3:7, 13.

എന്നാൽ, അത്തര​മൊ​രു മാറ്റം തീർച്ച​യാ​യും സാധ്യ​മാ​ണെന്ന്‌, എല്ലാ ആളുകൾക്കും അന്യോ​ന്യം സ്‌നേ​ഹി​ക്കാ​നും സമാധാ​ന​ത്തിൽ കഴിയാ​നും പഠിക്കാൻ സാധി​ക്കു​മെന്ന്‌ വിശ്വ​സി​ക്കാൻ തക്കതായ കാരണം നമുക്കു​ണ്ടോ?

 അയൽസ്‌നേഹം—ഒരു യാഥാർഥ്യം

“ആരാണ്‌ എന്റെ അയല്‌ക്കാ​രൻ?” ഒന്നാം നൂറ്റാ​ണ്ടി​ലെ ഒരു നിയമജ്ഞൻ യേശു​വി​നോ​ടു ചോദി​ച്ചു. ‘നിന്റെ സഹ യഹൂദൻ’ എന്ന്‌ യേശു മറുപടി പറയാൻ അയാൾ പ്രതീ​ക്ഷി​ച്ചി​രു​ന്നു​വെന്നു സ്‌പഷ്ടം. എന്നാൽ അയൽസ്‌നേ​ഹി​യായ ശമര്യ​ക്കാ​ര​നെ​ക്കു​റി​ച്ചുള്ള കഥയിൽ, മറ്റു ദേശക്കാ​രും നമ്മുടെ അയൽക്കാ​രാ​ണെന്ന്‌ യേശു വ്യക്തമാ​ക്കി.—ലൂക്കൊസ്‌ 10:29-37; യോഹ​ന്നാൻ 4:7-9.

നമ്മുടെ ജീവി​ത​ത്തിൽ ദൈവ​സ്‌നേഹം കഴിഞ്ഞാൽ അടുത്ത സ്ഥാനം അയൽസ്‌നേ​ഹ​ത്തി​നാ​യി​രി​ക്ക​ണ​മെന്ന്‌ യേശു ഊന്നി​പ്പ​റഞ്ഞു. (മത്തായി 22:34-40) എന്നാൽ, ഏതെങ്കി​ലും വിഭാ​ഗ​ത്തിൽപ്പെട്ട ആളുകൾ തങ്ങളുടെ അയൽക്കാ​രെ ആത്മാർഥ​മാ​യി സ്‌നേ​ഹി​ച്ചി​ട്ടു​ണ്ടോ? ഉവ്വ്‌, ആദിമ​ക്രി​സ്‌ത്യാ​നി​കൾ! മറ്റുള്ള​വ​രോ​ടു സ്‌നേഹം കാട്ടി​യ​തിൽ അവർ പേരു​കേ​ട്ട​വ​രാ​യി​രു​ന്നു.—യോഹ​ന്നാൻ 13:34, 35.

ഇന്നോ? ആരെങ്കി​ലും ക്രിസ്‌തു​സ​മാന സ്‌നേഹം പ്രകട​മാ​ക്കു​ന്നു​ണ്ടോ? എൻ​സൈ​ക്ലോ​പീ​ഡിയ കനേഡി​യാന ഇങ്ങനെ പറയുന്നു: “യഹോ​വ​യു​ടെ സാക്ഷി​ക​ളു​ടെ വേല യേശു​വും ശിഷ്യ​ന്മാ​രും . . . ആചരി​ച്ചി​രുന്ന ആദിമ ക്രിസ്‌ത്യാ​നി​ത്വ​ത്തി​ന്റെ പുനരു​ജ്ജീ​വ​ന​വും പുനഃ​സ്ഥാ​പ​ന​വു​മാണ്‌. . . . എല്ലാവ​രും സഹോ​ദ​ര​ങ്ങ​ളാണ്‌.”

അതിന്റെ അർഥ​മെ​ന്താണ്‌? തങ്ങളുടെ അയൽക്കാ​രെ വെറു​ക്കാൻ യഹോ​വ​യു​ടെ സാക്ഷികൾ വർഗീ​യ​ത​യോ ദേശീ​യ​ത​യോ വംശീ​യ​പ​ശ്ചാ​ത്ത​ല​മോ പോലുള്ള യാതൊ​ന്നി​നെ​യും അനുവ​ദി​ക്കു​ന്നി​ല്ലെ​ന്നാണ്‌ അതിന്റെ അർഥം. തങ്ങളുടെ അയൽക്കാ​രെ​യെന്നല്ല ആരെയും അവർ കൊല്ലു​ക​യില്ല. കാരണം പ്രതീ​കാ​ത്മ​ക​മാ​യി, അവർ തങ്ങളുടെ വാളു​കളെ കൊഴു​ക്ക​ളാ​യും കുന്തങ്ങളെ വാക്കത്തി​ക​ളാ​യും അടിച്ചു​തീർത്തി​രി​ക്കു​ന്നു. (യെശയ്യാ​വു 2:4) വാസ്‌ത​വ​ത്തിൽ, തങ്ങളുടെ അയൽക്കാ​രെ സഹായി​ക്കു​ന്ന​തി​നു മുൻകൈ എടുക്കു​ന്ന​തിൽ യഹോ​വ​യു​ടെ സാക്ഷികൾ പേരു​കേ​ട്ട​വ​രാണ്‌.—ഗലാത്യർ 6:10.

കാലി​ഫോർണി​യ​യി​ലെ സാക്ര​മെ​ന്റോ യൂണി​യ​നി​ലെ മുഖ​പ്ര​സം​ഗം ഇങ്ങനെ പ്രസ്‌താ​വി​ച്ച​തിൽ തെല്ലും അതിശ​യി​ക്കാ​നില്ല: “ലോക​ത്തി​ലുള്ള എല്ലാവ​രും യഹോ​വ​യു​ടെ സാക്ഷി​ക​ളു​ടെ മതപ്ര​മാ​ണ​മ​നു​സ​രി​ച്ചു ജീവി​ക്കു​ന്ന​പക്ഷം രക്തച്ചൊ​രി​ച്ചി​ലി​നും വിദ്വേ​ഷ​ത്തി​നും വിരാ​മ​മി​ട്ടു​കൊണ്ട്‌ സ്‌നേഹം രാജാ​വാ​യി വാഴു​മെന്നു പറഞ്ഞാൽ ഒട്ടും അധിക​മാ​കില്ല.” ഹംഗറി​യി​ലെ റിങ്‌ മാസി​ക​യിൽ ഒരു ലേഖകൻ ഇങ്ങനെ അഭി​പ്രാ​യ​പ്പെട്ടു: “എന്റെ നിഗമ​ന​ത്തിൽ, യഹോ​വ​യു​ടെ സാക്ഷികൾ മാത്ര​മാ​ണു ലോക​ത്തിൽ വസിക്കു​ന്ന​തെ​ങ്കിൽ യുദ്ധം എന്നേക്കു​മാ​യി അവസാ​നി​ക്കും. പൊലീ​സു​കാ​രു​ടെ ജോലി​കൾ ഗതാഗതം നിയ​ന്ത്രി​ക്ക​ലും പാസ്‌പോർട്ടു​കൾ അടിച്ചു​കൊ​ടു​ക്ക​ലും മാത്ര​മാ​യി​രി​ക്കും.”

എങ്കിലും, എല്ലാ ആളുക​ളും അന്യോ​ന്യം സ്‌നേ​ഹി​ക്കു​ന്ന​തി​നു ലോക​വ്യാ​പ​ക​മാ​യി വലി​യൊ​രു മാറ്റം ആവശ്യ​മാ​ണെന്നു സമ്മതി​ക്കു​ന്നു. ആ മാറ്റം എങ്ങനെ സാധ്യ​മാ​കും? (ദയവായി പുറം​പേജ്‌ കാണുക.)

 എല്ലാവ​രും അന്യോ​ന്യം സ്‌നേ​ഹി​ക്കു​മ്പോൾ

വിസ്‌മ​യാ​വ​ഹ​മായ മാറ്റം ആസന്നമാ​ണെന്ന്‌ യേശു​ക്രി​സ്‌തു പഠിപ്പിച്ച ഒരു പ്രാർഥന വ്യക്തമാ​ക്കു​ന്നു. തന്റെ വിഖ്യാ​ത​മായ ഗിരി​പ്ര​ഭാ​ഷ​ണ​ത്തിൽ യേശു ഇങ്ങനെ പ്രാർഥി​ക്കാൻ പഠിപ്പി​ച്ചു: “നിന്റെ രാജ്യം വരേണമേ; നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ.”—മത്തായി 6:10.

ദൈവ​രാ​ജ്യം എന്താണ്‌? അതു സ്വർഗ​ത്തിൽനി​ന്നു ഭരണം നടത്തുന്ന ഒരു യഥാർഥ ഗവൺമെ​ന്റാണ്‌. അതു​കൊ​ണ്ടാണ്‌ അതിനെ “സ്വർഗ്ഗ​രാ​ജ്യം” എന്നു വിളി​ക്കു​ന്നത്‌. അതിന്റെ ഭരണാ​ധി​പ​നാ​യി​രി​ക്കാൻ “സമാധാന പ്രഭു”വായ യേശു​വി​നെ അവന്റെ പിതാവ്‌ നിയോ​ഗി​ച്ചി​രി​ക്കു​ന്നു.—മത്തായി 10:7; യെശയ്യാ​വു 9:6, 7; സങ്കീർത്തനം 72:1-8.

ദൈവ​രാ​ജ്യം സമാഗ​ത​മാ​കു​മ്പോൾ ദ്വേഷ​ഭ​രി​ത​മായ ഈ ലോക​ത്തിന്‌ എന്തു ഭവിക്കും? ആ “രാജ്യം” ഈ ലോക​ത്തി​ലെ അഴിമതി നിറഞ്ഞ എല്ലാ ഗവൺമെ​ന്റു​ക​ളെ​യും ‘തകർത്തു നശിപ്പി​ക്കും.’ (ദാനീ​യേൽ 2:44) ബൈബിൾ ഇങ്ങനെ വിശദീ​ക​രി​ക്കു​ന്നു: ‘ലോകം . . . ഒഴിഞ്ഞു​പോ​കു​ന്നു; ദൈ​വേഷ്ടം ചെയ്യു​ന്ന​വ​നോ എന്നേക്കും ഇരിക്കു​ന്നു.’—1 യോഹ​ന്നാൻ 2:17.

ദൈവ​ത്തി​ന്റെ പുതിയ ലോക​ത്തെ​ക്കു​റി​ച്ചു ബൈബിൾ പറയുന്നു: “നീതി​മാ​ന്മാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും.” (സങ്കീർത്തനം 37:9-11, 29; സദൃശ​വാ​ക്യ​ങ്ങൾ 2:21, 22) അത്‌ എത്ര മഹത്തായ സമയമാ​യി​രി​ക്കും! “ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല.” (വെളി​പ്പാ​ടു 21:5) മരിച്ച​വർപോ​ലും വീണ്ടും ജീവി​ക്കും. മുഴു ഭൂമി​യും അക്ഷരാർഥ​ത്തിൽ ഒരു പറുദീ​സ​യാ​യി രൂപാ​ന്ത​ര​പ്പെ​ടും.—യെശയ്യാ​വു 11:6-9; 35:1, 2; ലൂക്കൊസ്‌ 23:43; പ്രവൃ​ത്തി​കൾ 24:15.

ദൈവ​ത്തി​ന്റെ പുതിയ ലോക​ത്തിൽ ജീവി​ക്കു​ന്ന​തിന്‌, നാം അന്യോ​ന്യം സ്‌നേ​ഹി​ക്കണം. അതുത​ന്നെ​യാ​ണു ദൈവം നമ്മെ പഠിപ്പി​ക്കു​ന്ന​തും. (1 തെസ്സ​ലൊ​നീ​ക്യർ 4:9) പൗരസ്‌ത്യ​ദേ​ശ​ത്തുള്ള ഒരു ബൈബിൾ വിദ്യാർഥി ഇങ്ങനെ പറഞ്ഞു: “ബൈബിൾ വാഗ്‌ദാ​നം ചെയ്യു​ന്ന​തു​പോ​ലെ, എല്ലാ ആളുക​ളും അന്യോ​ന്യം സ്‌നേ​ഹി​ക്കാൻ പഠിച്ചി​രി​ക്കുന്ന കാലത്തി​നാ​യി ഞാൻ പ്രതീ​ക്ഷാ​പൂർവം കാത്തി​രി​ക്കു​ന്നു.” ദൈവം ആ വാഗ്‌ദ​ത്തങ്ങൾ നിവർത്തി​ക്കു​മെന്ന കാര്യ​ത്തിൽ നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും! “ഞാൻ പ്രസ്‌താ​വി​ച്ചി​രി​ക്കു​ന്നു; ഞാൻ നിവർത്തി​ക്കും,” അവൻ പറയുന്നു.—യെശയ്യാ​വു 46:11.

എന്നാൽ, ദൈവ​രാ​ജ്യ​ത്തിൻ കീഴിലെ അനു​ഗ്ര​ഹങ്ങൾ ആസ്വദി​ക്കു​ന്ന​തി​നു നിങ്ങൾ ബൈബിൾ പരിജ്ഞാ​നം ഉൾക്കൊ​ള്ളേ​ണ്ട​തുണ്ട്‌. ലോക​വ്യാ​പ​ക​മാ​യി പരമാർഥ ഹൃദയ​രായ ദശലക്ഷ​ക്ക​ണ​ക്കി​നാ​ളു​കൾ അതാണു ചെയ്യു​ന്നത്‌. (യോഹ​ന്നാൻ 17:3) ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന 32 പേജുള്ള ലഘുപ​ത്രിക നിങ്ങളെ അതിനു സഹായി​ക്കും. അതിന്റെ ഒരു പ്രതി കിട്ടാൻ മൂന്നാം​പേ​ജിൽ നൽകി​യി​രി​ക്കുന്ന കൂപ്പൺ പൂരി​പ്പിച്ച്‌ നിങ്ങളു​ടെ വീടി​നോട്‌ ഏറ്റവും അടുത്തുള്ള മേൽവി​ലാ​സ​ത്തിൽ അയയ്‌ക്കുക.

[2-ാം പേജിലെ ചിത്ര​ത്തിന്‌ കടപ്പാട്‌]

Sniper and funeral in Bosnia: Reuters/Corbis-Bettmann