ബൈബിൾ പുസ്‌തക നമ്പർ 51—കൊലൊസ്സ്യർ

എഴുത്തുകാരൻ: പൗലൊസ്‌

എഴുതിയ സ്ഥലം: റോം

എഴുത്തു പൂർത്തി​യാ​യത്‌: പൊ.യു. ഏകദേശം 60-61

1. കൊ​ലൊ​സ്സ്യ​പ​ട്ടണം എവി​ടെ​യാ​ണു സ്ഥിതി​ചെ​യ്‌തി​രു​ന്നത്‌?

 രണ്ടു പുരു​ഷൻമാർ എഫേസൂസ്‌ വിട്ട്‌ ഏഷ്യാ​മൈ​ന​റി​ലൂ​ടെ മീയാൻഡർ (മെൻഡ​റസ്‌) നദീതീ​രം​വഴി കിഴ​ക്കോ​ട്ടു യാത്ര​ചെ​യ്‌തു. ഫ്രുഗ്യ ദേശത്തു ലൈക്കസ്‌ എന്നു പേരുളള പോഷ​ക​ന​ദി​യി​ങ്കൽ എത്തിയ​പ്പോൾ, പർവത​ത്താൽ ചുററ​പ്പെട്ട താഴ്‌വ​ര​യി​ലൂ​ടെ നദിയാ​ത്ര തുടരു​ന്ന​തിന്‌ അവർ തെക്കു​കി​ഴ​ക്കോ​ട്ടു നീങ്ങി. അവരുടെ മുമ്പാകെ മനോ​ഹ​ര​മായ ഒരു കാഴ്‌ച​യാ​ണു​ണ്ടാ​യി​രു​ന്നത്‌: വലിയ ആട്ടിൻകൂ​ട്ടങ്ങൾ സഹിത​മു​ളള പച്ചയായ പുൽപ്പു​റങ്ങൾ. (കമ്പളി​യു​ത്‌പ​ന്നങ്ങൾ ആ പ്രദേ​ശത്തെ മുഖ്യ ആദായ​മാർഗ​മാ​യി​രു​ന്നു. a) താഴ്‌വ​ര​യി​ലൂ​ടെ മുന്നോ​ട്ടു നീങ്ങി​ക്കൊണ്ട്‌, വലതു​ഭാ​ഗത്ത്‌, ആ ജില്ലയു​ടെ റോമൻ ഭരണ​കേ​ന്ദ്ര​മായ സമ്പന്ന ലവോ​ദി​ക്യാ​ന​ഗ​ര​ത്തി​ലൂ​ടെ സഞ്ചാരി​കൾ കടന്നു​പോ​യി. അവരുടെ ഇടത്തു​ഭാ​ഗത്ത്‌, നദിക്ക​ക്കരെ ക്ഷേത്ര​ങ്ങൾക്കും ചൂടു​റ​വ​കൾക്കും കേൾവി​കേട്ട ഹയരാ​പ്പോ​ളീസ്‌ അവർക്കു കാണാൻ കഴിയു​മാ​യി​രു​ന്നു. ഈ രണ്ടു നഗരങ്ങ​ളി​ലും താഴ്‌വ​ര​യി​ലൂ​ടെ 16 കിലോ​മീ​റ​റർകൂ​ടെ ചെല്ലു​മ്പോൾ കാണുന്ന ചെറിയ നഗരമായ കൊ​ലൊ​സ്സ്യ​യി​ലും ക്രിസ്‌തീയ സഭകൾ ഉണ്ടായി​രു​ന്നു.

2. (എ) പൗലൊസ്‌ കൊ​ലൊ​സ്സ്യ​യി​ലേ​ക്കയച്ച രണ്ടു സന്ദേശ​വാ​ഹകർ ആരായി​രു​ന്നു? (ബി) കൊ​ലൊ​സ്സ്യ​സ​ഭ​യെ​ക്കു​റിച്ച്‌ എന്തറി​യ​പ്പെ​ടു​ന്നു?

² സഞ്ചാരി​കൾ എത്തേണ്ടി​യി​രു​ന്നതു കൊ​ലൊ​സ്സ്യ​യി​ലാ​യി​രു​ന്നു. അവർ രണ്ടു​പേ​രും ക്രിസ്‌ത്യാ​നി​കൾതന്നെ. അവരിൽ ഒരാൾക്കെ​ങ്കി​ലും ആ പ്രദേ​ശ​ത്തെ​ക്കു​റി​ച്ചു നല്ല അറിവു​ണ്ടാ​യി​രു​ന്നു, കാരണം അവൻ കൊ​ലൊ​സ്സ്യ​നാ​യി​രു​ന്നു. അവന്റെ പേർ ഒനേസി​മൂസ്‌ എന്നായി​രു​ന്നു, അവൻ അവിടത്തെ സഭയിലെ ഒരു അംഗമാ​യി​രുന്ന തന്റെ യജമാ​നന്റെ അടുക്ക​ലേക്കു മടങ്ങി​പ്പോ​കുന്ന ഒരു അടിമ​യാ​യി​രു​ന്നു. ഒനേസി​മൂ​സി​ന്റെ കൂട്ടാളി ഒരു സ്വത​ന്ത്ര​മ​നു​ഷ്യ​നായ തിഹി​ക്കസ്‌ ആയിരു​ന്നു. ‘കൊ​ലൊ​സ്സ്യ​യി​ലു​ളള ക്രിസ്‌തു​വിൽ വിശ്വ​സ്‌ത​രായ സഹോ​ദ​രൻമാർക്ക്‌’ ഒരു ലേഖന​വു​മാ​യി പോകുന്ന, അപ്പോ​സ്‌ത​ല​നായ പൗലൊ​സി​ന്റെ സന്ദേശ​വാ​ഹ​ക​രാ​യി​രു​ന്നു ഇരുവ​രും. നമുക്ക​റി​യാ​വു​ന്ന​ട​ത്തോ​ളം പൗലൊസ്‌ ഒരിക്ക​ലും കൊ​ലൊ​സ്സ്യ സന്ദർശി​ച്ചി​രു​ന്നില്ല. മുഖ്യ​മാ​യും യഹൂദ​ര​ല്ലാ​ത്തവർ ഉൾപ്പെ​ട്ടി​രുന്ന സഭ സ്ഥാപി​ച്ചത്‌ അവരു​ടെ​യി​ട​യിൽ അധ്വാ​നി​ക്കു​ക​യും ഇപ്പോൾ പൗലൊ​സി​നോ​ടു​കൂ​ടെ ആയിരി​ക്കു​ക​യും ചെയ്‌ത എപ്പഫ്രാസ്‌ ആയിരി​ക്കാൻ സാധ്യ​ത​യുണ്ട്‌.—കൊലൊ. 1:2, 7; 4:12.

3. കൊ​ലൊ​സ്സ്യർക്കു​ളള ലേഖനം​തന്നെ എഴുത്തു​കാ​ര​നെ​ക്കു​റി​ച്ചും എഴുത്തി​ന്റെ കാല​ത്തെ​യും സ്ഥലത്തെ​യും കുറി​ച്ചും എന്തു വെളി​പ്പെ​ടു​ത്തു​ന്നു?

³ ഈ ലേഖന​ത്തി​ന്റെ ആരംഭ​ത്തി​ലെ​യും അവസാ​ന​ത്തി​ലെ​യും വാക്കു​ക​ളിൽ പ്രസ്‌താ​വി​ക്കുന്ന പ്രകാരം എഴുത്തു​കാ​രൻ അപ്പോ​സ്‌ത​ല​നായ പൗലൊസ്‌ ആയിരു​ന്നു. (1:1; 4:18) തടവിൽവെ​ച്ചാണ്‌ അവൻ ഇത്‌ എഴുതി​യ​തെ​ന്നും അതിന്റെ ഉപസം​ഹാ​രം പ്രസ്‌താ​വി​ക്കു​ന്നു. ഇതു റോമി​ലെ അവന്റെ ആദ്യ തടവിന്റെ കാലമാ​യി​രി​ക്കും, പൊ.യു. 59-61; അന്ന്‌ അവൻ അനേകം പ്രോ​ത്സാ​ഹ​ന​ക്ക​ത്തു​കൾ എഴുതി. കൊ​ലൊ​സ്സ്യർക്കു​ളള ലേഖനം ഫിലേ​മോ​നു​ളള ഒരു ലേഖനം സഹിതം അയയ്‌ക്ക​പ്പെ​ടു​ക​യാ​യി​രു​ന്നു. (കൊലൊ. 4:7-9; ഫിലേ. 10, 23) എഫെസ്യർക്കു​ളള ലേഖന​മെ​ഴു​തിയ അതേ കാലത്തു​ത​ന്നെ​യാണ്‌ ഇതെഴു​തി​യ​തെന്നു പ്രത്യ​ക്ഷ​മാ​കു​ന്നു, കാരണം അനേകം ആശയങ്ങ​ളും പദപ്ര​യോ​ഗ​ങ്ങ​ളും ഒന്നുത​ന്നെ​യാണ്‌.

4. കൊ​ലൊ​സ്സ്യ​രു​ടെ സത്യതയെ സാക്ഷ്യ​പ്പെ​ടു​ത്തു​ന്നത്‌ എന്ത്‌?

⁴ കൊ​ലൊ​സ്സ്യർക്കു​ളള ലേഖന​ത്തി​ന്റെ വിശ്വാ​സ്യ​തയെ സംശയി​ക്കാൻ കാരണ​മില്ല. പൊ.യു. ഏതാണ്ട്‌ 200-ലെ ചെസ്‌ററർ ബീററി പപ്പൈ​റസ്‌ നമ്പർ 2-ലെ (P⁴⁶) പൗലൊ​സി​ന്റെ മററു ലേഖന​ങ്ങ​ളോ​ടൊ​പ്പ​മു​ളള അതിന്റെ സാന്നി​ധ്യം അതിനെ പൗലൊ​സി​ന്റെ ലേഖന​ങ്ങ​ളി​ലൊ​ന്നാ​യി ആദിമ ക്രിസ്‌ത്യാ​നി​കൾ സ്വീക​രി​ച്ചി​രു​ന്നു​വെന്നു പ്രകട​മാ​ക്കു​ന്നു. പൗലൊ​സി​ന്റെ മററു ലേഖന​ങ്ങ​ളു​ടെ വിശ്വാ​സ്യ​തയെ സാക്ഷ്യ​പ്പെ​ടു​ത്തുന്ന അതേ ആദിമ പ്രാമാ​ണി​കൻമാർതന്നെ അതിന്റെ സത്യതയെ സാക്ഷ്യ​പ്പെ​ടു​ത്തു​ന്നുണ്ട്‌.

5. (എ) കൊ​ലൊ​സ്സ്യർക്ക്‌ എഴുതാൻ പൗലൊ​സി​നെ പ്രേരി​പ്പി​ച്ച​തെന്ത്‌? (ബി) ലേഖനം എന്തിന്‌ ഊന്നൽ കൊടു​ക്കു​ന്നു?

⁵ കൊ​ലൊ​സ്സ്യർക്കു ലേഖന​മെ​ഴു​താൻ പൗലൊ​സി​നെ പ്രേരി​പ്പി​ച്ചത്‌ എന്താണ്‌? ഒരു സംഗതി, ഒനേസി​മൂസ്‌ കൊ​ലൊ​സ്സ്യ​യി​ലേക്കു മടങ്ങി​പ്പോ​കു​ക​യാ​യി​രു​ന്നു എന്നതാണ്‌. എപ്പഫ്രാസ്‌ അടുത്ത കാലത്തു പൗലൊ​സി​നോ​ടു ചേർന്നി​രു​ന്നു, കൊ​ലൊ​സ്സി​യി​ലെ അവസ്ഥക​ളെ​സം​ബ​ന്ധിച്ച അവന്റെ റിപ്പോർട്ട്‌ ലേഖന​ത്തി​നു മറെറാ​രു കാരണ​മൊ​രു​ക്കി​യെ​ന്ന​തി​നു സംശയ​മില്ല. (കൊലൊ. 1:7, 8; 4:12) അവിടത്തെ ക്രിസ്‌തീയ സഭയെ ഒരു പ്രത്യേക അപകടം ഭീഷണി​പ്പെ​ടു​ത്തി​യി​രു​ന്നു. അന്നത്തെ മതങ്ങൾ ജീർണി​ച്ചു​കൊ​ണ്ടി​രി​ക്കു​ക​യാ​യി​രു​ന്നു, പഴയവ​യു​ടെ ഭാഗങ്ങൾ ഉരുക്കി​ച്ചേർത്തു പുതിയ മതങ്ങൾ നിരന്തരം രൂപീ​ക​രി​ച്ചു​കൊ​ണ്ടി​രി​ക്കു​ക​യു​മാ​യി​രു​ന്നു. സന്ന്യാ​സ​വാ​ദം, ആത്മവാദം, വിഗ്ര​ഹാ​രാ​ധ​നാ​പ​ര​മായ അന്ധവി​ശ്വാ​സം എന്നിവ ഉൾപ്പെട്ട പുറജാ​തീയ തത്ത്വശാ​സ്‌ത്രങ്ങൾ ഉണ്ടായി​രു​ന്നു, യഹൂദൻമാ​രു​ടെ  ഭക്ഷ്യവർജ​ന​ത്തോ​ടും ദിവസ​ങ്ങ​ളു​ടെ ആചരണ​ത്തോ​ടും കലർത്തിയ രൂപങ്ങൾ സഭയിലെ ചിലരെ സ്വാധീ​നി​ച്ചി​രി​ക്കാം. പ്രശ്‌നം എന്തായി​രു​ന്നാ​ലും, അതു പൗലൊ​സി​നെ കാണു​ന്ന​തി​നു റോമി​ലേക്ക  എപ്പഫ്രാസ്‌ ദീർഘ​യാ​ത്ര നടത്തു​ന്ന​തി​നു മതിയായ കാരണ​മാ​യി​രു​ന്നു​വെ​ന്നതു പ്രത്യ​ക്ഷ​മാണ്‌. എന്നിരു​ന്നാ​ലും, സഭ മൊത്ത​ത്തിൽ സത്വര​മായ അപകട​ത്തി​ലാ​യി​രു​ന്നി​ല്ലെന്ന്‌ അവരുടെ സ്‌നേ​ഹ​ത്തെ​യും സ്ഥിരത​യെ​യും കുറി​ച്ചു​ളള എപ്പഫ്രാ​സി​ന്റെ പ്രോ​ത്സാ​ഹ​ക​മായ റിപ്പോർട്ടു സൂചി​പ്പി​ക്കു​ന്നു. റിപ്പോർട്ടു കേട്ടയു​ടനെ പൗലൊസ്‌ കൊ​ലൊ​സ്സ്യ സഭക്ക്‌ ഈ ലേഖന​മെ​ഴു​തി​ക്കൊ​ണ്ടു സൂക്ഷ്‌മ​പ​രി​ജ്ഞാ​ന​ത്തി​നും നിർമ​ലാ​രാ​ധ​ന​ക്കും അനുകൂ​ല​മാ​യി ശക്തമായി വാദി​ക്കാ​നെത്തി. പുറജാ​തി​ത​ത്ത്വ​ശാ​സ്‌ത്ര​ത്തി​ന്റെ​യും ദൂതാ​രാ​ധ​ന​യു​ടെ​യും യഹൂദ പാരമ്പ​ര്യ​ങ്ങ​ളു​ടെ​യും മധ്യേ ക്രിസ്‌തു​വി​ന്റെ ദൈവദത്ത ശ്രേഷ്‌ഠ​തയെ അത്‌ ഊന്നി​പ്പ​റഞ്ഞു.

കൊ​ലൊ​സ്സ്യ​രു​ടെ ഉളളടക്കം

6. (എ) കൊ​ലൊ​സ്സ്യർക്കു​വേണ്ടി പൗലൊസ്‌ എന്തു പ്രാർഥന നടത്തുന്നു? (ബി) സഭയോ​ടു​ളള ബന്ധത്തിൽ യേശു​വി​ന്റെ സ്ഥാന​ത്തെ​യും ശുശ്രൂ​ഷ​യെ​യും കുറിച്ചു പൗലൊസ്‌ എന്തു ചർച്ച​ചെ​യ്യു​ന്നു?

⁶ സഭയുടെ ശിരസ്സായ ക്രിസ്‌തു​വിൽ വിശ്വ​സി​ക്കുക (1:1–2:12). തന്റെയും തിമൊ​ഥെ​യൊ​സി​ന്റെ​യും പ്രാരംഭ അഭിവാ​ദ്യ​ങ്ങൾക്കു​ശേഷം, പൗലൊസ്‌ ക്രിസ്‌തു​വി​ലു​ളള കൊ​ലൊ​സ്സ്യ​രു​ടെ വിശ്വാ​സ​ത്തി​നും അവരുടെ സ്‌നേ​ഹ​ത്തി​നും നന്ദി കൊടു​ക്കു​ന്നു. അവരുടെ ഇടയിൽ എപ്പഫ്രാസ്‌ സുവാർത്ത പ്രസം​ഗി​ച്ച​തി​ന്റെ ഫലമായി അവർ ദൈവ​ത്തി​ന്റെ അനർഹ​ദ​യ​യെ​ക്കു​റി​ച്ചു മനസ്സി​ലാ​ക്കി​യി​രി​ക്കു​ന്നു. അവരെ​സം​ബ​ന്ധിച്ച റിപ്പോർട്ടു കിട്ടി​യ​തു​മു​തൽ അവർ ‘കർത്താ​വി​നു യോഗ്യ​മാ​യി നടക്കു​ന്ന​തി​നും പൂർണ​മാ​യി സഹിച്ചു​നിൽക്കു​ന്ന​തി​നും സന്തോ​ഷ​ത്തോ​ടെ ദീർഘക്ഷമ കാട്ടു​ന്ന​തി​നും ആത്മീയ​മായ സകല ജ്ഞാനത്തി​ലും വിവേ​ക​ത്തി​ലും അവന്റെ ഇഷ്ടത്തിന്റെ പരിജ്ഞാ​നം​കൊ​ണ്ടു നിറഞ്ഞു​വ​രേണ’മെന്നു പ്രാർഥി​ക്കു​ന്ന​തിൽനി​ന്നു പൗലൊസ്‌ വിരമി​ച്ചി​ട്ടില്ല. (1:9-11) പിതാവ്‌ അവരെ അദൃശ്യ​നായ ദൈവ​ത്തി​ന്റെ പ്രതി​മ​യായ, “തന്റെ സ്‌നേ​ഹ​സ്വ​രൂ​പ​നായ പുത്രന്റെ രാജ്യത്തി”ലേക്കു വിടു​വി​ച്ചി​രി​ക്കു​ന്നു, അവൻമു​ഖാ​ന്ത​ര​വും അവനു​വേ​ണ്ടി​യു​മാ​ണു സകലവും സൃഷ്ടി​ക്ക​പ്പെ​ട്ടി​രി​ക്കു​ന്നത്‌. അവൻ സഭയുടെ തലയും മരിച്ച​വ​രിൽനി​ന്നു​ളള ആദ്യജാ​ത​നു​മാ​കു​ന്നു. ഒരിക്കൽ അന്യ​പ്പെ​ട്ട​വ​രാ​യി​രുന്ന കൊ​ലൊ​സ്സ്യർ ഉൾപ്പെടെ സകല​രെ​യും യേശു​വി​ന്റെ രക്തം മുഖാ​ന്തരം വീണ്ടും തന്നോടു നിരപ്പി​ക്കു​ന്നതു നന്നെന്നു ദൈവം കണ്ടു, ‘അവർ വിശ്വാ​സ​ത്തിൽ നിലനി​ന്നു​കൊ​ണ്ടാൽ’ മാത്രം.—1:13, 23.

7. പൗലൊസ്‌ എന്താണു പ്രസം​ഗി​ക്കു​ന്നത്‌, എന്തു​ദ്ദേ​ശ്യ​ത്തിൽ?

⁷ താൻ എന്തിന്റെ ശുശ്രൂ​ഷ​ക​നാ​യോ ആ സഭക്കു​വേണ്ടി ക്രിസ്‌തു​വി​ന്റെ കഷ്ടപ്പാ​ടു​കൾ പൂരി​പ്പി​ക്കു​ന്ന​തിൽ പൗലൊസ്‌ സന്തോ​ഷി​ക്കു​ന്നു. ഇതു ‘ദൈവം തന്റെ വിശു​ദ്ധൻമാർക്ക്‌ ഇപ്പോൾ വെളി​പ്പെ​ടു​ത്താൻ ഇഷ്ടപ്പെ​ട്ടി​രി​ക്കുന്ന മഹിമാ​ധ​ന​മായ മർമ’ത്തെക്കു​റി​ച്ചു​ളള ദൈവ​വ​ചനം അവരുടെ താത്‌പ​ര്യ​ത്തിൽ പൂർണ​മാ​യും പ്രസം​ഗി​ക്കാൻവേ​ണ്ടി​യാ​യി​രു​ന്നു. ‘പ്രബോ​ധി​പ്പി​ക്ക​യും സകല ജ്ഞാന​ത്തോ​ടും​കൂ​ടെ ഉപദേ​ശി​ക്ക​യും ചെയ്‌ത്‌ ഏതു മനുഷ്യ​നെ​യും ക്രിസ്‌തു​വിൽ തികഞ്ഞ​വ​നാ​യി നിറു​ത്തേ​ണ്ട​തി​ന്നു ഞങ്ങൾ ക്രിസ്‌തു​വി​നെ​യാണ്‌ അറിയി​ക്കു​ന്നത്‌,’ പൗലൊസ്‌ പറയുന്നു.—1:26-28.

8. സഹോ​ദ​രൻമാർക്കു​വേണ്ടി പൗലൊസ്‌ പോരാ​ട്ടം കഴിക്കു​ന്നത്‌ എന്തു​കൊണ്ട്‌?

⁸ കൊ​ലൊ​സ്സ്യർക്കും ലവോ​ദി​ക്യർക്കും മററു​ള​ള​വർക്കും വേണ്ടി​യു​ളള പൗലൊ​സി​ന്റെ പോരാ​ട്ടം അവർ ആശ്വസി​പ്പി​ക്ക​പ്പെ​ടേ​ണ്ട​തി​നും ‘ജ്ഞാനത്തി​ന്റെ​യും പരിജ്ഞാ​ന​ത്തി​ന്റെ​യും സകല നിക്ഷേ​പ​ങ്ങ​ളും ശ്രദ്ധാ​പൂർവം ഗോപ​നം​ചെ​യ്‌തി​രി​ക്കു​ന്നത്‌ ആരിലാ​ണോ ആ ക്രിസ്‌തു​വെന്ന, ദൈവ​ത്തി​ന്റെ പാവന​ര​ഹ​സ്യ​ത്തെ​സം​ബ​ന്ധിച്ച സൂക്ഷ്‌മ​പ​രി​ജ്ഞാ​നം’ അവർ നേടു​ന്ന​തി​നെ മുൻനിർത്തി സ്‌നേ​ഹ​ത്തിൽ ഐക്യ​ത്തോ​ടെ ഒന്നിച്ചു​ചേ​രേ​ണ്ട​തി​നു​മാണ്‌. അവർ പ്രേര​ണാ​ത്മ​ക​മായ വാദങ്ങ​ളാൽ വഞ്ചിക്ക​പ്പെ​ടാൻ അവൻ ആഗ്രഹി​ക്കു​ന്നില്ല, മറിച്ച്‌, അവർ ക്രിസ്‌തു​വി​നോ​ടു​ളള ഐക്യ​ത്തിൽ ‘അവനിൽ വേരൂ​ന്നി​യും ആത്മിക​വർദ്ധന പ്രാപി​ച്ചും വിശ്വാ​സ​ത്തിൽ ഉറച്ചും’ തുടർന്നു നടക്കണം. പൗലൊസ്‌ ഇപ്പോൾ ഒരു മുന്നറി​യി​പ്പു നൽകുന്നു: ‘മനുഷ്യ​രു​ടെ സമ്പ്രദാ​യ​ത്തി​ന്നു ഒത്തവണ്ണം തത്വജ്ഞാ​ന​വും വെറും വഞ്ചനയും​കൊ​ണ്ടു ആരും നിങ്ങളെ കവർന്നു​ക​ള​യാ​തി​രി​പ്പാൻ സൂക്ഷി​പ്പിൻ.’—2:2, 3, 7, 8.

9. ഏതുതരം ആരാധ​ന​ക്കെ​തി​രാ​യി പൗലൊസ്‌ മുന്നറി​യി​പ്പു കൊടു​ക്കു​ന്നു, കൊ​ലൊ​സ്സ്യർ ന്യായ​പ്ര​മാ​ണ​ത്തി​നു വിധേ​യ​രാ​ക​രു​താ​ത്തത്‌ എന്തു​കൊണ്ട്‌?

⁹ ജഡത്തിന്റെ പ്രവൃ​ത്തി​കൾക്കു മരിക്കു​ക​യും ക്രിസ്‌തു​വി​നു ജീവി​ക്കു​ക​യും ചെയ്യുക (2:13–3:17). അവർ തങ്ങളുടെ ലംഘന​ങ്ങ​ളി​ലും പരിച്‌ഛേ​ദ​ന​യി​ല്ലാ​യ്‌മ​യി​ലും മരിച്ച​വ​രാ​യി​രു​ന്നെ​ങ്കി​ലും, യഹൂദൻമാർക്കെ​തി​രാ​യി​രുന്ന കയ്യെഴു​ത്തു​പ്ര​മാ​ണം മായി​ച്ചു​കൊ​ണ്ടു ദൈവം ക്രിസ്‌തു​വി​നോ​ടു​കൂ​ടെ അവരെ ജീവി​പ്പി​ച്ചി​രു​ന്നു. അതു​കൊ​ണ്ടു യാഥാർഥ്യ​മായ ക്രിസ്‌തു​വി​ന്റെ നിഴൽമാ​ത്ര​മായ ന്യായ​പ്ര​മാ​ണ​ത്തി​ന്റെ​യോ അതിന്റെ ആചരണ​ങ്ങ​ളു​ടെ​യോ കാര്യ​ത്തിൽ ‘ആരും അവരെ വിധി​ക്ക​രുത്‌.’ കൂടാതെ, അവർ ലോക​ത്തി​ന്റെ പ്രാഥ​മി​ക​കാ​ര്യ​ങ്ങൾസം​ബ​ന്ധി​ച്ചു ക്രിസ്‌തു​വി​നോ​ടു​കൂ​ടെ മരിച്ചി​രി​ക്കു​ന്നു​വെ​ങ്കിൽ അവർ മനുഷ്യ​കൽപ്പ​ന​കൾക്കും ഉപദേ​ശ​ങ്ങൾക്കും അനുസ​ര​ണ​മാ​യി “പിടി​ക്ക​രു​തു, രുചി​ക്ക​രു​തു, തൊട​രു​തു” എന്ന കൽപ്പന​കൾക്കു കീഴ്‌പ്പെ​ടു​ന്നത്‌ എന്തിന്‌? ബാഹ്യ​പ്ര​ക​ട​ന​മാ​യി സ്വയം ഏർപ്പെ​ടു​ത്തുന്ന ഒരു ആരാധ​നാ​രൂ​പം, കൃത്രിമ താഴ്‌മ, ശരീര​ത്തോ​ടു​ളള കഠിന പെരു​മാ​ററം—ഇവ ജഡത്തിന്റെ മോഹ​ങ്ങ​ളോ​ടു പൊരു​തു​ന്ന​തിൽ മൂല്യ​വത്തല്ല.—2:16, 21.

10. ഒരുവന്‌ ഉയരത്തി​ലു​ളള കാര്യങ്ങൾ അന്വേ​ഷി​ച്ചു​കൊ​ണ്ടി​രി​ക്കാ​നും പുതിയ വ്യക്തി​ത്വം ധരിക്കാ​നും എങ്ങനെ കഴിയും?

¹⁰ മറിച്ച്‌, പൗലൊസ്‌ ഇങ്ങനെ ബുദ്ധ്യു​പ​ദേ​ശി​ക്കു​ന്നു: “ക്രിസ്‌തു ദൈവ​ത്തി​ന്റെ വലത്തു​ഭാ​ഗത്തു ഇരിക്കു​ന്നി​ട​മായ ഉയരത്തി​ലു​ള​ളതു അന്വേ​ഷി​പ്പിൻ. ഭൂമി​യി​ലു​ള​ളതല്ല ഉയരത്തി​ലു​ള​ളതു തന്നേ ചിന്തി​പ്പിൻ.” പഴയ വ്യക്തി​ത്വം ഉരിഞ്ഞു​ക​ള​യു​ന്ന​തി​നാ​ലും പുതിയ വ്യക്തി​ത്വം ധരിക്കു​ന്ന​തി​നാ​ലും ഇതു ചെയ്യാൻ കഴിയും, അതു സൂക്ഷ്‌മ​പ​രി​ജ്ഞാ​ന​ത്താൽ യഹൂദ​നും യവനനും തമ്മിൽ ജഡിക​വ്യ​ത്യാ​സം കൽപ്പി​ക്കു​ന്നില്ല, എന്തു​കൊ​ണ്ടെ​ന്നാൽ “ക്രിസ്‌തു​വ​ത്രേ എല്ലാവ​രി​ലും എല്ലാം ആകുന്നു.” അതിന്റെ അർഥം ‘ദൈവ​ത്തി​ന്റെ വൃതൻമാർ’ എന്ന നിലയിൽ അനുക​മ്പ​യു​ടെ ആർദ്ര​പ്രി​യങ്ങൾ, ദയ, മനസ്സിന്റെ എളിമ, സൗമ്യത, ദീർഘക്ഷമ, എന്നിവ ധരിക്കുക എന്നാണ്‌. അപ്പോ​സ്‌തലൻ ഇങ്ങനെ പറയുന്നു: “കർത്താവു [“യഹോവ,” NW] നിങ്ങ​ളോ​ടു ക്ഷമിച്ച​തു​പോ​ലെ, നിങ്ങളും ചെയ്‌വിൻ. എല്ലാറ​റി​ന്നും മീതെ സമ്പൂർണ്ണ​ത​യു​ടെ ബന്ധമായ സ്‌നേഹം ധരിപ്പിൻ.” വാക്കി​ലാ​യാ​ലും പ്രവൃ​ത്തി​യി​ലാ​യാ​ലും “സകലവും കർത്താ​വായ യേശു​വി​ന്റെ നാമത്തിൽ ചെയ്‌തും അവൻമു​ഖാ​ന്തരം പിതാ​വായ ദൈവ​ത്തി​ന്നു സ്‌തോ​ത്രം പറഞ്ഞും​കൊ​ണ്ടി​രി​പ്പിൻ.”—3:1, 2, 11-14, 17.

11. (എ) കുടും​ബ​ത്തെ​യും മററു ബന്ധങ്ങ​ളെ​യും കുറിച്ച്‌ എന്തു ബുദ്ധ്യു​പ​ദേശം കൊടു​ക്കു​ന്നു? (ബി) ഉപസം​ഹാ​ര​മാ​യി ഏത്‌ അഭിവ​ന്ദ​നങ്ങൾ അറിയി​ക്കു​ന്നു?

¹¹ മററു​ള​ള​വ​രു​മാ​യു​ളള ബന്ധങ്ങൾ (3:18–4:18). കുടുംബ ബന്ധങ്ങൾ സംബന്ധി​ച്ചു ഭാര്യ​മാർ ഭർത്താ​ക്കൻമാർക്കു കീഴ്‌പ്പെ​ട്ടി​രി​ക്കട്ടെ, ഭർത്താ​ക്കൻമാർ തങ്ങളുടെ ഭാര്യ​മാ​രെ സ്‌നേ​ഹി​ക്കട്ടെ, കുട്ടികൾ മാതാ​പി​താ​ക്കളെ അനുസ​രി​ക്കട്ടെ, മാതാ​പി​താ​ക്കൾ തങ്ങളുടെ മക്കളെ പ്രകോ​പി​പ്പി​ക്കാ​തി​രി​ക്കട്ടെ. അടിമകൾ യഹോ​വ​യോ​ടു​ളള ഭയത്തിൽ തങ്ങളുടെ യജമാ​നൻമാ​രോട്‌ അനുസ​ര​ണ​മു​ള​ള​വ​രാ​യി​രി​ക്കണം, യജമാ​നൻമാർ തങ്ങളുടെ അടിമ​ക​ളോ​ടു നീതി​നി​ഷ്‌ഠ​മാ​യി ഇടപെ​ടണം. എല്ലാവ​രും പ്രാർഥ​ന​യിൽ ഉററി​രി​ക്കു​ക​യും പുറത്തു​ള​ള​വ​രോ​ടു​ളള ഇടപെ​ട​ലിൽ ജ്ഞാന​ത്തോ​ടെ നടക്കു​ന്ന​തിൽ തുടരു​ക​യും വേണം. പൗലൊ​സി​നെ​യും അവന്റെ സഹ ദൈവ​രാ​ജ്യ പ്രവർത്ത​ക​രെ​യും  കുറി​ച്ചു​ളള കാര്യങ്ങൾ തിഹി​ക്കോ​സും ഒനേസി​മൂ​സും അവരോ​ടു വ്യക്തി​പ​ര​മാ​യി പറയും. അവർ കൊ​ലൊ​സ്സ്യ​യി​ലേക്ക്‌ അഭിവാ​ദ്യ​ങ്ങൾ അയയ്‌ക്കു​ന്നു, പൗലൊസ്‌ ലവോ​ദി​ക്യ​യി​ലു​ളള സഹോ​ദ​രൻമാ​രെ​യും അഭിവാ​ദ​നം​ചെ​യ്യു​ക​യും താൻ അയയ്‌ക്കുന്ന ലേഖനങ്ങൾ അവർ കൈമാ​റ​ണ​മെന്ന്‌ ആവശ്യ​പ്പെ​ടു​ക​യും ചെയ്യുന്നു. പൗലൊസ്‌ സ്വന്ത കൈയ​ക്ഷ​ര​ത്തിൽ ഒരു ഉപസം​ഹാര ആശംസ എഴുതു​ന്നു: “എന്റെ ബന്ധനങ്ങളെ ഓർത്തു​കൊൾവിൻ. കൃപ നിങ്ങ​ളോ​ടു​കൂ​ടെ ഇരിക്കു​മാ​റാ​കട്ടെ.”—4:18.

എന്തു​കൊ​ണ്ടു പ്രയോ​ജ​ന​പ്ര​ദം

12. കൊ​ലൊ​സ്സ്യർക്കു​ളള പൗലൊ​സി​ന്റെ ലേഖനം എത്ര നവോൻമേ​ഷ​പ്ര​ദ​മായ സത്യങ്ങൾ പ്രദാ​നം​ചെ​യ്‌തു, സഭക്ക്‌ എന്തു പ്രയോ​ജ​ന​ത്തോ​ടെ?

¹² രണ്ടു സഹോ​ദ​രൻമാർ റോമിൽനി​ന്നു വന്ന വാർത്ത എത്ര പെട്ടെന്നു കൊ​ലൊ​സ്സ്യ​യി​ലെ സഹോ​ദ​ര​ങ്ങ​ളു​ടെ ഇടയിൽ പ്രചരി​ച്ചു​വെന്നു നമുക്കു സങ്കൽപ്പി​ക്കാൻ കഴിയും. വളരെ​യ​ധി​കം ആകാം​ക്ഷ​യോ​ടെ അവർ പൗലൊ​സി​ന്റെ ലേഖനം വായി​ച്ചു​കേൾക്കു​ന്ന​തി​നു സാധ്യ​ത​യ​നു​സ​രി​ച്ചു ഫിലേ​മോ​ന്റെ വീട്ടിൽ സമ്മേളി​ക്കു​മാ​യി​രു​ന്നു. (ഫിലേ. 2) ക്രിസ്‌തു​വി​ന്റെ കൃത്യ​മായ സ്ഥാന​ത്തെ​ക്കു​റി​ച്ചും സൂക്ഷ്‌മ​പ​രി​ജ്ഞാ​ന​ത്തി​ന്റെ ആവശ്യ​ക​ത​യെ​ക്കു​റി​ച്ചും എത്ര നവോൻമേ​ഷ​പ്ര​ദ​മായ സത്യങ്ങൾ അതു പ്രദാ​നം​ചെ​യ്‌തു! മനുഷ്യ​രു​ടെ തത്ത്വശാ​സ്‌ത്ര​ങ്ങ​ളും യഹൂദ​പാ​ര​മ്പ​ര്യ​ങ്ങ​ളും എത്ര വ്യക്തമാ​യി തുറന്നു​കാ​ട്ട​പ്പെ​ടു​ക​യും സമാധാ​ന​വും ക്രിസ്‌തു​വി​ന്റെ വചനവും ഉയർത്ത​പ്പെ​ടു​ക​യും ചെയ്‌തു! സഭയിലെ എല്ലാവർക്കും—മേൽവി​ചാ​ര​കൻമാർക്കും ഭർത്താ​ക്കൻമാർക്കും ഭാര്യ​മാർക്കും പിതാ​ക്കൻമാർക്കും കുട്ടി​കൾക്കും യജമാ​നൻമാർക്കും അടിമ​കൾക്കും—മനസ്സി​നും ഹൃദയ​ത്തി​നു​മു​ളള പോഷണം ഇവി​ടെ​യു​ണ്ടാ​യി​രു​ന്നു. തീർച്ച​യാ​യും ഫിലേ​മോ​നും ഒനേസി​മൂ​സും വീണ്ടും യജമാന-അടിമ ബന്ധത്തിൽ പ്രവേ​ശി​ച്ച​പ്പോൾ അവർക്കു നല്ല ബുദ്ധ്യു​പ​ദേശം ഉണ്ടായി​രു​ന്നു. ആട്ടിൻകൂ​ട്ടത്തെ ശരിയായ ഉപദേ​ശ​ത്തിൽ പുനഃ​സ്ഥാ​പി​ക്കു​ന്ന​തി​നു മേൽവി​ചാ​ര​കൻമാർക്ക്‌ എത്ര നല്ല മാർഗ​ദർശനം കൊടു​ക്ക​പ്പെട്ടു! യഹോ​വ​യ്‌ക്കെ​ന്ന​പോ​ലെ, സർവാ​ത്മനാ പ്രവർത്തി​ക്കുന്ന പദവി​യോ​ടു​ളള കൊ​ലൊ​സ്സ്യ​രു​ടെ വിലമ​തി​പ്പി​നെ പൗലൊ​സി​ന്റെ വാക്കുകൾ എത്ര മൂർച്ച​യു​ള​ള​താ​ക്കി​ത്തീർത്തു! അടിമ​ത്ത​ത്തി​ലാ​ക്കുന്ന ലോക​ത്തി​ന്റെ ചിന്തക​ളിൽനി​ന്നും നടപടി​ക​ളിൽനി​ന്നും സ്വത​ന്ത്ര​രാ​കു​ന്ന​തു​സം​ബ​ന്ധി​ച്ചു കൊ​ലൊ​സ്സ്യർക്കു കൊടുത്ത പരിപു​ഷ്ടി​പ്പെ​ടു​ത്തുന്ന ബുദ്ധ്യു​പ​ദേശം ഇന്നത്തെ സഭക്ക്‌ ഒരു ജീവദ്‌സ​ന്ദേ​ശ​മാ​യി നില​കൊ​ള​ളു​ക​യാണ്‌.—കൊലൊ. 1:9-11, 17, 18; 2:8; 3:15, 16, 18-25; 4:1.

13. കൃപ​യോ​ടു​കൂ​ടിയ വാക്കു​ക​ളെ​യും പ്രാർഥ​ന​യെ​യും ക്രിസ്‌തീയ സഹവാ​സ​ത്തെ​യും കുറിച്ചു പൗലൊസ്‌ എന്തു ബുദ്ധ്യു​പ​ദേ​ശി​ക്കു​ന്നു?

¹³ ക്രിസ്‌തീയ ശുശ്രൂ​ഷ​കനു വിശി​ഷ്ട​മായ ബുദ്ധ്യു​പ​ദേശം കൊ​ലൊ​സ്യർ 4:6-ൽ വിവരി​ക്ക​പ്പെ​ട്ടി​രി​ക്കു​ന്നു: “ഓരോ​രു​ത്ത​നോ​ടു നിങ്ങൾ എങ്ങനെ ഉത്തരം പറയേണം എന്നു അറി​യേ​ണ്ട​തി​ന്നു നിങ്ങളു​ടെ വാക്കു എപ്പോ​ഴും കൃപ​യോ​ടു​കൂ​ടി​യ​തും ഉപ്പിനാൽ രുചി​വ​രു​ത്തി​യ​തും ആയിരി​ക്കട്ടെ.” സത്യത്തി​ന്റെ കൃപ​യോ​ടു​കൂ​ടിയ വചനങ്ങൾ പരമാർഥ​ഹൃ​ദ​യി​കൾക്കു സംതൃ​പ്‌തി​ക​ര​മെന്നു തെളി​യു​ക​യും അവരുടെ സ്ഥിരമായ പ്രയോ​ജ​ന​ത്തിന്‌ ഉതകു​ക​യും ചെയ്യും. കൂടാതെ, വിലമ​തി​പ്പു​ളള ഹൃദയ​ത്തിൽനിന്ന്‌ ഉച്ചരി​ക്കുന്ന പൂർണ​മായ ഉണർവോ​ടു​കൂ​ടിയ ക്രിസ്‌ത്യാ​നി​യു​ടെ പ്രാർഥന യഹോ​വ​യിൽനി​ന്നു സമൃദ്ധ​മായ അനു​ഗ്ര​ഹങ്ങൾ കൈവ​രു​ത്തും: “പ്രാർത്ഥ​ന​യിൽ ഉററി​രി​പ്പിൻ; സ്‌തോ​ത്ര​ത്തോ​ടെ അതിൽ ജാഗരി​പ്പിൻ.” ക്രിസ്‌തീയ സഹവാ​സ​ത്തിൽ എന്തു സന്തോ​ഷ​വും പരിപു​ഷ്ടി​പ്പെ​ടു​ത്തുന്ന നവോൻമേ​ഷ​വും കണ്ടെത്താൻ കഴിയും! “നിങ്ങളു​ടെ ഹൃദയ​ങ്ങ​ളിൽ ദൈവ​ത്തി​നു പാടി”ക്കൊണ്ടു “തമ്മിൽ പഠിപ്പി​ച്ചും ബുദ്ധ്യു​പ​ദേ​ശി​ച്ചും” കൊണ്ടി​രി​ക്കാൻ പൗലൊസ്‌ പറയുന്നു. (4:2; 3:16) കൊ​ലൊ​സ്സ്യർക്കു​ളള ലേഖനം പരി​ശോ​ധി​ക്കു​മ്പോൾ സാരവ​ത്തും പ്രാ​യോ​ഗി​ക​വു​മായ ഉദ്‌ബോ​ധ​ന​ത്തി​ന്റെ മററ​നേകം രത്‌നങ്ങൾ നിങ്ങൾ കണ്ടെത്തും.

14. (എ) കൊ​ലൊ​സ്സ്യ​രിൽ ഏതു യാഥാർഥ്യം പ്രദീ​പ്‌ത​മാ​ക്ക​പ്പെ​ട്ടി​രി​ക്കു​ന്നു? (ബി) രാജ്യ​പ്ര​ത്യാ​ശക്ക്‌ എങ്ങനെ ദൃഢത കൊടു​ത്തി​രി​ക്കു​ന്നു?

¹⁴ ന്യായ​പ്ര​മാ​ണ​ത്തി​ന്റെ ആചരണ​ങ്ങൾസം​ബ​ന്ധി​ച്ചു ലേഖനം പറയുന്നു: “ഇവ വരുവാ​നി​രു​ന്ന​വ​യു​ടെ നിഴല​ത്രേ; ദേഹം [“യാഥാർഥ്യം,” NW] എന്നതോ ക്രിസ്‌തു​വി​ന്നു​ള​ളതു.” (2:17) ക്രിസ്‌തു​വി​ന്റെ ഈ യാഥാർഥ്യ​മാ​ണു കൊ​ലൊ​സ്സ്യ​രിൽ പ്രദീ​പ്‌ത​മാ​ക്ക​പ്പെ​ട്ടി​രി​ക്കു​ന്നത്‌. ലേഖനം ക്രിസ്‌തു​വി​നോ​ടു​ളള ഐക്യ​ത്തി​ലാ​യി​രി​ക്കു​ന്ന​വർക്കു​വേണ്ടി സ്വർഗ​ത്തിൽ കരുതി​വെ​ച്ചി​രി​ക്കുന്ന മഹത്തായ പ്രത്യാ​ശയെ കൂടെ​ക്കൂ​ടെ പരാമർശി​ക്കു​ന്നുണ്ട്‌. (1:5, 27; 3:4) പിതാവ്‌ ഇപ്പോൾത്തന്നെ അങ്ങനെ​യു​ള​ള​വരെ ഇരുട്ടി​ന്റെ അധികാ​ര​ത്തിൽനി​ന്നു വിടു​വി​ക്കു​ക​യും “സ്‌നേ​ഹ​സ്വ​രൂ​പ​നായ പുത്രന്റെ രാജ്യ​ത്തി​ലാ​ക്കി​വെ​ക്കു​ക​യും ചെയ്‌ത”തിന്‌ അവർക്ക്‌ അത്യന്തം നന്ദിയു​ള​ള​വ​രാ​യി​രി​ക്കാൻ കഴിയും. അങ്ങനെ അവർ “അദൃശ്യ​നായ ദൈവ​ത്തി​ന്റെ പ്രതി​മ​യും സർവ്വസൃ​ഷ്ടി​ക്കും ആദ്യജാ​തനു”മായ ഏകന്‌ അധീന​പ്പെ​ട്ടി​രി​ക്കു​ന്നു. “സ്വർഗ്ഗ​ത്തി​ലു​ള​ള​തും ഭൂമി​യി​ലു​ള​ള​തും ദൃശ്യ​മാ​യ​തും അദൃശ്യ​മാ​യ​തും സിംഹാ​സ​നങ്ങൾ ആകട്ടെ കർതൃ​ത്വ​ങ്ങൾ ആകട്ടെ വാഴ്‌ചകൾ ആകട്ടെ അധികാ​രങ്ങൾ ആകട്ടെ സകലവും അവൻമു​ഖാ​ന്തരം സൃഷ്ടി​ക്ക​പ്പെട്ടു.” ഈ ഒരുവൻ ദൈവ​രാ​ജ്യ​ത്തിൽ നീതി​യിൽ ഭരിക്കാൻ തികച്ചും യോഗ്യ​ത​യു​ള​ള​വ​നാണ്‌. അതു​കൊ​ണ്ടാ​ണു പൗലൊസ്‌ അഭിഷി​ക്ത​ക്രി​സ്‌ത്യാ​നി​കളെ ഇങ്ങനെ ബുദ്ധ്യു​പ​ദേ​ശി​ക്കു​ന്നത്‌: “ആകയാൽ നിങ്ങൾ ക്രിസ്‌തു​വി​നോ​ടു​കൂ​ടെ ഉയിർത്തെ​ഴു​ന്നേ​റ​റി​രി​ക്കു​ന്നു എങ്കിൽ ക്രിസ്‌തു ദൈവ​ത്തി​ന്റെ വലതു​ഭാ​ഗത്തു ഇരിക്കു​ന്നി​ട​മായ ഉയരത്തി​ലു​ള​ളതു അന്വേ​ഷി​പ്പിൻ.”—1:12-16; 3:1.

[അടിക്കു​റി​പ്പു​കൾ]

[അധ്യയന ചോദ്യ​ങ്ങൾ]