അധ്യായം 21

“അവർ ലോക​ത്തി​ന്റെ ഭാഗമല്ല”

1. (എ) യേശു മരിക്കു​ന്ന​തി​ന്റെ തലേ രാത്രി അവൻ തന്റെ ശിഷ്യൻമാർക്കു​വേണ്ടി എന്തു പ്രാർത്ഥി​ച്ചു? (ബി) “ലോക​ത്തി​ന്റെ ഭാഗ”മല്ലാതി​രി​ക്കു​ന്നത്‌ വളരെ പ്രധാ​ന​മാ​യി​രു​ന്ന​തെ​ന്തു​കൊണ്ട്‌?

¹ യേശു സ്‌തം​ഭ​ത്തി​ലേ​റ​റ​പ്പെ​ട്ട​തി​ന്റെ തലേ രാത്രി​യിൽ അവൻ തന്റെ ശിഷ്യൻമാർക്കു​വേണ്ടി ആത്മാർത്ഥ​മാ​യി പ്രാർത്ഥി​ച്ചു. സാത്താൻ അവരെ ഭയങ്കര സമ്മർദ്ദ​ത്തി​നു വിധേ​യ​രാ​ക്കു​മെ​ന്ന​റി​ഞ്ഞു​കൊണ്ട്‌ അവൻ തന്റെ പിതാ​വി​നോ​ടി​ങ്ങനെ പറഞ്ഞു: “ഞാൻ നിന്നോട്‌ അപേക്ഷി​ക്കു​ന്നത്‌ അവരെ ലോക​ത്തിൽ നിന്ന്‌ എടുക്കാ​നല്ല, പിന്നെ​യോ ദുഷ്ടനാ​യവൻ നിമിത്തം അവരെ കാത്തു​സൂ​ക്ഷി​ക്കാ​നാണ്‌. ഞാൻ ലോക​ത്തി​ന്റെ ഭാഗമ​ല്ലാ​ത്ത​തു​പോ​ലെ അവർ ലോക​ത്തി​ന്റെ ഭാഗമല്ല.” (യോഹ. 17:15,16) ലോക​ത്തിൽ നിന്നുളള വേർപാ​ടു വളരെ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌? എന്തു​കൊ​ണ്ടെ​ന്നാൽ സാത്താ​നാണ്‌ അതിന്റെ ഭരണാ​ധി​പൻ. ലോക​ത്തി​ന്റെ ഭാഗമാ​യി​രി​ക്കു​ന്നവർ അവന്റെ നിയ​ന്ത്ര​ണ​ത്തിൻ കീഴി​ലാണ്‌. (യോഹ. 14:30; 1 യോഹ. 5:19) ഇതിന്റെ വീക്ഷണ​ത്തിൽ, ഏതൊരു ക്രിസ്‌ത്യാ​നി​യും, “ലോക​ത്തി​ന്റെ ഭാഗമല്ലാ”തിരി​ക്കു​ന്ന​തി​നാൽ അർത്ഥമാ​ക്ക​പ്പെ​ടു​ന്ന​തെ​ന്തെന്ന്‌ മനസ്സി​ലാ​ക്കു​ന്നത്‌ മർമ്മ​പ്ര​ധാ​ന​മാണ്‌. യേശു​വി​നെ സംബന്ധിച്ച്‌ അതു സത്യമാ​യി​രു​ന്ന​തെ​ങ്ങനെ?

2. യേശു ഏതു വിധങ്ങ​ളിൽ “ലോക​ത്തി​ന്റെ ഭാഗമല്ലാ”യിരുന്നു?

² തീർച്ച​യാ​യും യേശു മററു​ള​ള​വ​രിൽ നിന്ന്‌ തന്നേത്തന്നെ ഒററ​പ്പെ​ടു​ത്തി​യില്ല. അവൻ “ലോക​ത്തി​ന്റെ ഭാഗമല്ലാ”തിരു​ന്ന​തിന്‌ മററു​ള​ള​വ​രോട്‌ അവനു സ്‌നേ​ഹ​മി​ല്ലാ​യി​രു​ന്നു​വെ​ന്നർത്ഥ​മില്ല. മറിച്ച്‌, അവൻ ദൈവ​രാ​ജ്യ​ത്തെ​ക്കു​റി​ച്ചു​ളള സുവാർത്ത മററു​ള​ള​വ​രോ​ടു പറഞ്ഞു​കൊണ്ട്‌ നഗരം തോറും പോയി. അവൻ രോഗി​കളെ സൗഖ്യ​മാ​ക്കു​ക​യും അന്ധർക്കു കാഴ്‌ച കൊടു​ക്കു​ക​യും മരിച്ച​വരെ ഉയർപ്പി​ക്കു​ക​യും ചെയ്‌തു, മനുഷ്യ​വർഗ്ഗ​ത്തി​നു​വേണ്ടി തന്റെ ജീവനെ കൊടു​ക്കു​ക​പോ​ലും ചെയ്‌തു. എന്നാൽ അവൻ ലോക​ത്തി​ന്റെ ആത്മാവു നിറഞ്ഞി​രുന്ന ആളുക​ളു​ടെ ഭക്തികെട്ട മനോ​ഭാ​വ​ങ്ങ​ളെ​യും ദുഷ്ട​പ്ര​വൃ​ത്തി​ക​ളെ​യും സ്‌നേ​ഹി​ച്ചില്ല. അവൻ അസാൻമാർഗ്ഗിക മോഹ​ങ്ങൾക്കും ഒരു ഭൗതിക ജീവി​ത​രീ​തി​ക്കും വ്യക്തി​പ​ര​മായ  പ്രാമു​ഖ്യ​ത​ക്കു​വേ​ണ്ടി​യു​ളള സ്വാർത്ഥ​പ​ര​മായ അത്യാർത്തി​ക്കും എതിരാ​യി മുന്നറി​യി​പ്പു​കൊ​ടു​ത്തു. (മത്താ. 5:27,28; 6:19-21; ലൂക്കോ. 12:15-21; 20:46,47) യേശു ദൈവ​ത്തിൽനി​ന്ന​ന്യ​പ്പെട്ട ആളുക​ളു​ടെ ജീവി​ത​രീ​തി​യെ അനുക​രി​ക്കു​ന്ന​തി​നു പകരം യഹോ​വ​യു​ടെ വഴിക​ളിൽ നടന്നു. (യോഹ. 8:28,29) റോമാ​യും യഹൂദൻമാ​രും ഉൾപ്പെ​ടുന്ന രാഷ്‌ട്രീയ വിവാ​ദങ്ങൾ സംബന്ധിച്ച്‌ യേശു പക്ഷം പിടി​ച്ചില്ല, അവൻ ഒരു യഹൂദ​നാ​യി​രു​ന്നി​ട്ടും.

“എന്റെ രാജ്യം ഈ ലോക​ത്തി​ന്റെ ഭാഗമല്ല”

3. (എ) യേശു​വി​നെ സംബന്ധിച്ച്‌ യഹൂദ​മ​ത​നേ​താ​ക്കൻമാർ പീലാ​ത്തോ​സി​നോട്‌ എന്തു കുററാ​രോ​പണം നടത്തി, എന്തു​കൊണ്ട്‌? (ബി) ഒരു മാനു​ഷ​രാ​ജാ​വാ​യി​ത്തീ​രാൻ യേശു​വിന്‌ താൽപ്പ​ര്യ​മി​ല്ലാ​യി​രു​ന്നു​വെന്ന്‌ എന്തു പ്രകട​മാ​ക്കു​ന്നു?

³ എന്നിരു​ന്നാ​ലും, യഹൂദൻമാ​രു​ടെ മതനേ​താ​ക്കൻമാർ യേശു അവരുടെ ദേശീ​യ​താൽപ്പ​ര്യ​ങ്ങളെ അട്ടിമ​റി​ക്കു​ക​യാ​ണെന്ന്‌ കുററ​പ്പെ​ടു​ത്തി. അവർ അവനെ അറസ്‌ററു ചെയ്യി​ക്കു​ക​യും റോമൻ ഗവർണ​റാ​യി​രുന്ന പൊന്തി​യോസ്‌ പീലാ​ത്തോ​സി​ന്റെ അടുക്ക​ലേക്ക്‌ കൊണ്ടു​പോ​കു​ക​യും ചെയ്‌തി​രു​ന്നു. അവരെ യഥാർത്ഥ​ത്തിൽ ശല്യ​പ്പെ​ടു​ത്തി​യത്‌ യേശു​വി​ന്റെ ഉപദേശം അവരുടെ കപടഭ​ക്തി​യെ തുറന്നു​കാ​ട്ടി​യ​താ​യി​രു​ന്നു. എന്നാൽ ഗവർണ​റെ​ക്കൊ​ണ്ടു നടപടി എടുപ്പി​ക്കാൻ അവർ ഈ കുററാ​രോ​പണം നടത്തി: “ഈ മനുഷ്യൻ നമ്മുടെ ജനതയെ മറിച്ചു​ക​ള​യു​ന്ന​താ​യും കൈസ​റിന്‌ നികു​തി​കൾ കൊടു​ക്കു​ന്ന​തി​നെ വിലക്കു​ന്ന​താ​യും ഇവൻ തന്നെ ഒരു രാജാ​വായ ക്രിസ്‌തു ആണെന്ന്‌ പറയു​ന്ന​താ​യും ഞങ്ങൾ കണ്ടെത്തു​ക​യു​ണ്ടാ​യി.” (ലൂക്കോ. 23:2) ഒരു വർഷം മുമ്പ്‌ ആളുകൾ യേശു​വി​നെ രാജാ​വാ​ക്കാൻ ശ്രമി​ച്ച​പ്പോൾ അവൻ നിരസി​ച്ചി​രു​ന്നു​വെ​ന്ന​താണ്‌ വസ്‌തുത. (യോഹ. 6:15) താൻ ഒരു സ്വർഗ്ഗീയ രാജാ​വാ​യി​രി​ക്കേ​ണ്ട​താ​ണെ​ന്നും താൻ രാജാ​വാ​യി​ത്തീ​രാ​നു​ളള സമയം വന്നിരു​ന്നി​ല്ലെ​ന്നും താൻ സിംഹാ​സ​ന​സ്ഥ​നാ​ക്ക​പ്പെ​ടേ​ണ്ടത്‌ ജനാധി​പ​ത്യ​പ​ര​മോ ജനകീ​യ​മോ ആയ നടപടി​യാ​ലല്ല, പിന്നെ​യോ യഹോ​വ​യാം ദൈവ​ത്താ​ലാ​ണെ​ന്നും അവന്‌ അറിയാ​മാ​യി​രു​ന്നു.

4. “കൈസർക്കു നികുതി കൊടു​ക്കുന്ന”തു സംബന്ധിച്ച്‌ യേശു​വി​ന്റെ മനോ​ഭാ​വ​ത്തെ​ക്കു​റി​ച്ചു വസ്‌തു​തകൾ എന്തു വെളി​പ്പെ​ടു​ത്തു​ന്നു?

⁴ നികു​തി​കൾ കൊടു​ക്കു​ന്നതു സംബന്ധി​ച്ചാ​ണെ​ങ്കിൽ, യേശു​വി​നെ അറസ്‌റ​റു​ചെ​യ്യു​ന്ന​തിന്‌ വെറും മൂന്നു ദിവസം മുമ്പ്‌, ഈ സംഗതി സംബന്ധിച്ച്‌ കുററം ചുമത്തുന്ന എന്തെങ്കി​ലും അവനെ​ക്കൊ​ണ്ടു പറയി​ക്കു​ന്ന​തിന്‌ പരീശൻമാർ ശ്രമി​ച്ചി​രു​ന്നു. എന്നാൽ അവരുടെ കൗശല​പൂർവ്വ​ക​മായ ചോദ്യ​ത്തി​നു മറുപ​ടി​യാ​യി, യേശു “എന്നെ ഒരു ഡിനേ​റി​യസ്‌ (ഒരു റോമൻ നാണയം) കാണിക്കൂ. ഇതിൽ ആരുടെ പ്രതി​രൂ​പ​വും ആലേഖ​ന​വു​മാ​ണു​ള​ളത്‌?” എന്ന്‌ പറഞ്ഞി​രു​ന്നു. “കൈസ​റു​ടേത്‌”  എന്ന്‌ അവർ പറഞ്ഞ​പ്പോൾ “അപ്പോൾ, തീർച്ച​യാ​യും, കൈസർക്കു​ളളവ കൈസർക്കും ദൈവ​ത്തി​നു​ളളവ ദൈവ​ത്തി​നും തിരികെ കൊടു​ക്കുക” എന്ന്‌ അവൻ മറുപടി പറഞ്ഞു.—ലൂക്കോ. 20:20-25.

5. (എ) യേശു​വി​ന്റെ അറസ്‌റ​റി​ന്റെ സമയത്ത്‌ അവൻ തന്റെ ശിഷ്യൻമാ​രെ എന്തു പാഠം പഠിപ്പി​ച്ചു? (ബി) താൻ ചെയ്‌തി​രു​ന്ന​തി​ന്റെ കാരണം യേശു പീലാ​ത്തോ​സി​നോ​ടു വിശദീ​ക​രി​ച്ച​തെ​ങ്ങനെ?

⁵ യേശു​വി​ന്റെ അറസ്‌റ​റി​ന്റെ സമയത്തു​തന്നെ സംഭവി​ച്ചത്‌ അവൻ റോമാ​യി​ക്കെ​തി​രെ മൽസരം ഇളക്കി​വി​ടു​ക​യാ​യി​രു​ന്നി​ല്ലെ​ന്നും, അവന്റെ ശിഷ്യൻമാർ അങ്ങനെ ചെയ്യാൻ അവൻ ആഗ്രഹി​ച്ചി​ല്ലെ​ന്നും പ്രകട​മാ​ക്കി. യേശു​വി​നെ പിടി​ക്കാൻ റോമാ​പ​ട​യാ​ളി​കൾ വാളും വടിയു​മേ​ന്തിയ യഹൂദൻമാ​രു​ടെ കൂടെ വന്നെത്തി. (യോഹ. 18:3,12; മർക്കോ. 14:43) ഇതു കണ്ടു​കൊണ്ട്‌ അപ്പോ​സ്‌ത​ല​നായ പത്രോസ്‌ ഒരു വാളൂരി ആൾക്കാ​രിൽ ഒരാളെ വെട്ടി അയാളു​ടെ വലതു​ചെവി ചെത്തി​യി​ട്ടു. എന്നാൽ “നിന്റെ വാൾ അതിന്റെ സ്ഥാനത്തു തിരികെ ഇടുക, എന്തെന്നാൽ വാൾ എടുക്കു​ന്ന​വ​രെ​ല്ലാം വാളാൽ നശിക്കും”എന്നു പറഞ്ഞു​കൊണ്ട്‌ യേശു പത്രോ​സി​നെ ശാസിച്ചു. (മത്താ. 26:51,52) അടുത്ത ദിവസം രാവിലെ പീലാ​ത്തോ​സി​ന്റെ മുമ്പാ​കെ​യാ​യി​രു​ന്ന​പ്പോൾ യേശു തന്റെ നടപടി​യു​ടെ കാരണം വിശദീ​ക​രി​ച്ചു: “എന്റെ രാജ്യം ഈ ലോക​ത്തി​ന്റെ ഭാഗമല്ല. എന്റെ രാജ്യം ഈ ലോക​ത്തി​ന്റെ ഭാഗമാ​യി​രു​ന്നെ​ങ്കിൽ ഞാൻ യഹൂദൻമാർക്ക്‌ ഏൽപ്പി​ക്ക​പ്പെ​ടാ​തി​രി​ക്കാൻ എന്റെ സേവകർ പോരാ​ടു​മാ​യി​രു​ന്നു. എന്നാൽ എന്റെ രാജ്യം, അതായി​രി​ക്കു​ന്ന​തു​പോ​ലെ ഈ ഉറവിൽനി​ന്നല്ല.”—യോഹ. 18:36.

6. ആ വിചാ​ര​ണ​യു​ടെ ഫലം എന്തായി​രു​ന്നു?

⁶ തെളിവു പരിഗ​ണിച്ച ശേഷം, യേശു​വി​നെ​തി​രാ​യി ഉന്നയി​ക്ക​പ്പെട്ട “ആരോ​പ​ണ​ങ്ങൾക്ക്‌ അടിസ്ഥാ​ന​മില്ല” എന്ന്‌ പീലാ​ത്തോസ്‌ പ്രഖ്യാ​പി​ച്ചു. എന്നിരു​ന്നാ​ലും, അവൻ ജനക്കൂ​ട്ട​ത്തി​ന്റെ ആവശ്യ​ങ്ങൾക്കു വഴങ്ങു​ക​യും യേശു​വി​നെ സ്‌തം​ഭ​ത്തി​ലേ​റ​റി​ക്കു​ക​യും ചെയ്‌തു.—ലൂക്കോ. 23:13-15; യോഹ. 19:12-16.

ശിഷ്യൻമാർ യജമാ​നന്റെ നേതൃ​ത്വ​ത്തെ പിന്തു​ട​രു​ന്നു

7. തങ്ങൾ ലോക​ത്തി​ന്റെ ആത്മാവി​നെ ഒഴിവാ​ക്കി​യെ​ന്നും എന്നാൽ ആളുകളെ സ്‌നേ​ഹി​ച്ചു​വെ​ന്നും ആദിമ ക്രിസ്‌ത്യാ​നി​കൾ എങ്ങനെ പ്രകട​മാ​ക്കി?

⁷ “ലോക​ത്തി​ന്റെ ഭാഗമല്ലാ“തിരി​ക്കു​ന്ന​തിന്‌ തങ്ങളിൽനിന്ന്‌ ആവശ്യ​പ്പെ​ടു​ന്ന​തെ​ന്താ​ണെന്ന്‌ യേശു​വി​ന്റെ ശിഷ്യൻമാർ മനസ്സി​ലാ​ക്കി​യെന്ന്‌ ബൈബി​ളി​ലും മററു ചരി​ത്ര​കൃ​തി​ക​ളി​ലു​മു​ളള ആദിമ​ക്രി​സ്‌ത്യാ​നി​ത്വ​ത്തി​ന്റെ രേഖ പ്രകട​മാ​ക്കു​ന്നു. അവർ ലോക​ത്തി​ന്റെ ആത്മാവി​നെ ഒഴിവാ​ക്കാൻ  ശ്രമിച്ചു. അവർ റോമാ സർക്കസി​ലെ​യും തീയറ​റ​റി​ലെ​യും അക്രമാ​സ​ക്ത​വും അസാൻമാർഗ്ഗി​ക​വു​മായ വിനോ​ദത്തെ വർജ്ജി​ച്ച​തു​കൊണ്ട്‌ അവർ മനുഷ്യ​വർഗ്ഗ​വി​ദ്വേ​ഷി​ക​ളെന്ന്‌ പരിഹ​സി​ക്ക​പ്പെട്ടു. എന്നിരു​ന്നാ​ലും തങ്ങളുടെ സമസൃ​ഷ്ടി​കളെ അശേഷ​വും ദ്വേഷി​ക്കാ​തെ, രക്ഷക്കു​വേ​ണ്ടി​യു​ളള ദൈവ​ത്തി​ന്റെ സ്‌നേ​ഹ​പു​ര​സ്സ​ര​മായ കരുത​ലു​ക​ളിൽ നിന്ന്‌ പ്രയോ​ജനം നേടു​ന്ന​തിന്‌ മററു​ള​ള​വരെ സഹായി​ക്കാൻ അവർ തങ്ങളേ​ത്തന്നെ ചെലവി​ടു​ക​യാ​ണു​ണ്ടാ​യത്‌.

8. (എ) ആ ആദിമ ശിഷ്യൻമാർ “ലോക​ത്തി​ന്റെ ഭാഗമല്ലാ”തിരു​ന്ന​തു​കൊണ്ട്‌ അവർക്ക്‌ എന്ത്‌ അനുഭ​വ​പ്പെട്ടു? (ബി) എന്നാൽ അവർ രാഷ്‌ട്രീ​യ​ഭ​ര​ണ​കർത്താ​ക്ക​ളെ​യും നികു​തി​കൊ​ടു​ക്ക​ലി​നെ​യും എങ്ങനെ വീക്ഷിച്ചു, എന്തു​കൊണ്ട്‌?

⁸ അവരുടെ യജമാ​ന​നെ​പ്പോ​ലെ അവരും ഉഗ്രമായ പീഡന​ത്തി​ന്റെ ഇരകളാ​യി​രു​ന്നു, മിക്ക​പ്പോ​ഴും തെററി​ദ്ധ​രിച്ച ഗവൺമെൻറ്‌ ഉദ്യോ​ഗ​സ്ഥൻമാ​രു​ടെ കൈക​ളാൽ. (യോഹ. 15:18-20) എന്നാൽ പൊ.യു. 56-നോട​ടുത്ത്‌ അപ്പോ​സ്‌ത​ല​നായ പൗലോസ്‌, യേശു കൊടു​ത്തി​രുന്ന ബുദ്ധി​യു​പ​ദേ​ശത്തെ പരി​പോ​ഷി​പ്പി​ച്ചു​കൊണ്ട്‌ റോമി​ലെ സഹക്രി​സ്‌ത്യാ​നി​കൾക്കെ​ഴു​തി. രാഷ്‌ട്രീ​യ​ഭ​ര​ണാ​ധി​കാ​രി​ക​ളായ “ശ്രേഷ്‌ഠാ​ധി​കാ​ര​ങ്ങൾക്ക്‌ കീഴ്‌പ്പെ​ട്ടി​രി​ക്കാ”ൻ പൗലോസ്‌ അവരെ പ്രോ​ത്സാ​ഹി​പ്പി​ച്ചു, എന്തു​കൊ​ണ്ടെ​ന്നാൽ “ദൈവ​ത്താ​ല​ല്ലാ​തെ അധികാ​ര​മില്ല.” ലൗകി​ക​ഗ​വൺമെൻറു​കളെ യഹോവ സ്ഥാപി​ക്കു​ന്നു​വെന്നല്ല, പിന്നെ​യോ അവ അവന്റെ അനുവാ​ദ​ത്താൽ ഭരിക്കു​ന്നു. അവ “ദൈവ​ത്താൽ അവയുടെ ആപേക്ഷി​ക​സ്ഥാ​ന​ങ്ങ​ളിൽ നില​കൊ​ള​ളു​ന്നു,” എന്തു​കൊ​ണ്ടെ​ന്നാൽ അവ അധികാ​ര​ത്തിൽ വരുന്ന ക്രമത്തെ ദൈവം മുൻകൂ​ട്ടി​ക്കാ​ണു​ക​യും മുൻകൂ​ട്ടി​പ്പ​റ​യു​ക​യും ചെയ്‌തു. തന്നിമി​ത്തം, “ശ്രേഷ്‌ഠാ​ധി​കാ​രങ്ങൾ” യേശു​ക്രി​സ്‌തു​വി​ന്റെ കൈക​ളി​ലെ ദൈവ​ത്തി​ന്റെ സ്വന്തം രാജ്യം ഭൂമിയെ ഭരിക്കുന്ന ഏകഗവൺമെൻറ്‌ ആയിത്തീ​രു​ന്ന​തു​വരെ തൽക്കാ​ല​ത്തേ​ക്കു​ളള “ദൈവ​ത്തി​ന്റെ ക്രമീ​കരണ”മായി​രി​ക്കു​ന്നു. അതു​കൊണ്ട്‌, ലൗകിക ഉദ്യോ​ഗ​സ്ഥൻമാ​രോട്‌ ഉചിത​മായ ബഹുമാ​നം കാണി​ക്കാ​നും അവർ ചുമത്തുന്ന നികു​തി​കൾ കൊടു​ക്കാ​നും പൗലോസ്‌ ക്രിസ്‌ത്യാ​നി​കളെ ഉപദേ​ശി​ച്ചു.—റോമ. 13:1-7; തീത്തോ. 3:1,2.

9. (എ) “ശ്രേഷ്‌ഠാ​ധി​കാ​രങ്ങൾ”ക്കു കീഴ്‌പെ​ട്ടി​രി​ക്കു​മ്പോൾ എന്ത്‌ പരിഗ​ണി​ക്കാ​തെ വിടാ​വു​ന്നതല്ല? (ബി) ആദിമ ക്രിസ്‌ത്യാ​നി​കൾ യേശു​വി​ന്റെ ദൃഷ്ടാന്തം ശ്രദ്ധാ​പൂർവ്വം പിന്തു​ടർന്നു​വെന്ന്‌ ചരിത്രം പ്രകട​മാ​ക്കു​ന്ന​തെ​ങ്ങനെ?

⁹ എന്നിരു​ന്നാ​ലും, ദൈവ​ത്തെ​യും ദൈവ​വ​ച​ന​ത്തെ​യും തങ്ങളുടെ ക്രിസ്‌തീയ മനഃസാ​ക്ഷി​യെ​യും പരിഗ​ണി​ക്കാ​തെ സമ്പൂർണ്ണ​മാ​യി കീഴ്‌പ്പെ​ട്ടി​രി​ക്കാൻ പൗലോസ്‌ അവരോ​ടു പറഞ്ഞില്ല. യേശു യഹോ​വയെ മാത്രമേ ആരാധി​ച്ചി​രു​ന്നു​ള​ളു​വെ​ന്നും ആളുകൾ തന്നെ രാജാ​വാ​ക്കു​ന്ന​തിന്‌ യേശു  വിസമ്മ​തി​ച്ചി​രു​ന്നു​വെ​ന്നും പത്രോ​സി​ന്റെ വാൾ മാററി​ക്ക​ള​യാൻ അവനോട്‌ അവൻ പറഞ്ഞി​രു​ന്നു​വെ​ന്നും അവർക്ക​റി​യാ​മാ​യി​രു​ന്നു. അവർ മനഃസാ​ക്ഷി​പൂർവ്വം തങ്ങളുടെ യജമാ​നന്റെ നേതൃ​ത്വ​ത്തെ പിന്തു​ടർന്നു. നാഗരി​ക​ത്വ​ത്ത​ലേ​ക്കു​ളള വഴിയിൽ—ഒരു ലോക​ച​രി​ത്രം (ഹെക്കലി​ന്റെ​യും സിഗ്മാ​ന്റെ​യും, പേജ്‌ 237,238) എന്ന പുസ്‌തകം ഇങ്ങനെ റിപ്പോർട്ടു ചെയ്യുന്നു: “ക്രിസ്‌ത്യാ​നി​കൾ റോമാ പൗരൻമാ​രു​ടെ ചില കടമക​ളിൽ പങ്കുപ​റ​റാൻ വിസമ്മ​തി​ച്ചു. ക്രിസ്‌ത്യാ​നി​കൾ പട്ടാള​സേ​വ​ന​ത്തിൽ പ്രവേ​ശി​ക്കു​ന്നത്‌ അവരുടെ വിശ്വാ​സ​ത്തി​ന്റെ ലംഘന​മാ​ണെന്ന്‌ . . . അവർ വിചാ​രി​ച്ചു. അവർ രാഷ്‌ട്രീയ ഉദ്യോ​ഗം വഹിക്കു​മാ​യി​രു​ന്നില്ല. അവർ ചക്രവർത്തി​യെ ആരാധി​ക്കു​മാ​യി​രു​ന്നില്ല.”

10. (എ) യരുശ​ലേ​മി​ലെ ക്രിസ്‌ത്യാ​നി​കൾ പൊ.യു. 66-ൽ ആ നടപടി സ്വീക​രി​ച്ച​തെ​ന്തു​കൊണ്ട്‌? (ബി) അത്‌ ഏതു വിധത്തിൽ ഒരു വിലപ്പെട്ട മാതൃക നൽകുന്നു?

¹⁰ യേശു​വി​ന്റെ ശിഷ്യൻമാർ തങ്ങളുടെ നാളിലെ രാഷ്‌ട്രീ​യ​വും സൈനി​ക​വു​മായ വിവാ​ദങ്ങൾ സംബന്ധിച്ച്‌ കർശന​മായ നിഷ്‌പക്ഷത പാലിച്ചു. റോമാ​പ്ര​വി​ശ്യ​യാ​യി​രുന്ന യഹൂദ്യ​യി​ലെ യഹൂദൻമാർ പൊ.യു. 66-ാമാണ്ടിൽ കൈസ​റി​നെ​തി​രാ​യി മൽസരി​ച്ചു. റോമൻ സൈന്യ​ങ്ങൾ പെട്ടെന്ന്‌ യരുശ​ലേ​മി​നെ വളഞ്ഞു. നഗരത്തി​ലെ ക്രിസ്‌ത്യാ​നി​കൾ എന്തു ചെയ്‌തു? നിഷ്‌പ​ക്ഷ​രാ​യി നില​കൊ​ള​ളാ​നും യുദ്ധം ചെയ്യുന്ന സൈന്യ​ങ്ങ​ളു​ടെ ഇടയിൽനിന്ന്‌ പുറത്തു​ക​ട​ക്കാ​നു​മു​ളള യേശു​വി​ന്റെ ബുദ്ധി​യു​പ​ദേശം അവർ ഓർത്തു. റോമാ​സൈ​ന്യം താൽക്കാ​ലി​ക​മാ​യി പിൻവാ​ങ്ങി​യ​പ്പോൾ ക്രിസ്‌ത്യാ​നി​കൾ അവസരത്തെ തക്കത്തിൽ ഉപയോ​ഗി​ക്കു​ക​യും യോർദ്ദാൻ നദിക​ടന്ന്‌ പെല്ലാ​യി​ലെ പർവ്വത​പ്ര​ദേ​ശ​ത്തേക്ക്‌ ഓടി​പ്പോ​കു​ക​യും ചെയ്‌തു. (ലൂക്കോ. 21:20-24) അവരുടെ നിഷ്‌പ​ക്ഷ​ത​യിൽ അവർ പിൽക്കാല ക്രിസ്‌ത്യാ​നി​കൾക്ക്‌ ഒരു വിശ്വ​സ്‌ത​മാ​തൃ​ക​യാ​യി ഉതകി.

അന്ത്യകാ​ലത്തെ ക്രിസ്‌തീയ നിഷ്‌പ​ക്ഷർ

11. (എ) യഹോ​വ​യു​ടെ സാക്ഷികൾ ഏതു വേലയിൽ തിര​ക്കോ​ടെ ഏർപ്പെ​ടു​ന്നു, എന്തു​കൊണ്ട്‌? (ബി) അവർ എന്തു സംബന്ധിച്ച്‌ നിഷ്‌പ​ക്ഷ​രാണ്‌?

¹¹ പൊ.യു. 1914 മുതലു​ളള ഈ “അന്ത്യകാ​ലത്ത്‌” ഏതെങ്കി​ലും സമൂഹം ആ ആദിമ​ക്രി​സ്‌ത്യാ​നി​കളെ അനുക​രിച്ച്‌ ക്രിസ്‌തീ​യ​നി​ഷ്‌പ​ക്ഷ​ത​യു​ടെ ഒരു ഗതി പിന്തു​ടർന്നി​ട്ടു​ണ്ടെന്ന്‌ ചരി​ത്ര​രേഖ പ്രകട​മാ​ക്കു​ന്നു​വോ? ഉവ്വ്‌, യഹോ​വ​യു​ടെ സാക്ഷികൾ അങ്ങനെ ചെയ്‌തി​ട്ടുണ്ട്‌. സർവ്വഭൂ​മി​യി​ലു​മു​ളള നീതി​പ്രേ​മി​കൾക്ക്‌ സമാധാ​ന​വും ഐശ്വ​ര്യ​വും നിലനിൽക്കുന്ന സന്തുഷ്ടി​യും കൈവ​രുക സാദ്ധ്യ​മാ​ക്കുന്ന ഏക ഉപാധി ദൈവ​രാ​ജ്യ​മാ​ണെന്ന്‌ പ്രസം​ഗി​ക്കു​ന്ന​തിൽ അവർ സർവ്വഭൂ​മി​യി​ലും തിരക്കു​ള​ള​വ​രാ​യി​രി​ക്കു​ന്നു. (മത്താ. 24:14) എന്നാൽ ജനതക​ളു​ടെ ഇടയിലെ വിവാ​ദങ്ങൾ സംബന്ധിച്ച്‌ അവർ കർശന​മായ നിഷ്‌പക്ഷത പാലി​ച്ചി​രി​ക്കു​ന്നു.

12. (എ) സാക്ഷി​ക​ളു​ടെ നിഷ്‌പക്ഷത വൈദി​ക​രു​ടെ നടപടി​ക​ളിൽ നിന്നു വ്യത്യ​സ്‌ത​മാ​യി​രി​ക്കു​ന്ന​തെ​ങ്ങനെ? (ബി) രാഷ്‌ട്രീ​യം സംബന്ധിച്ച നിഷ്‌പ​ക്ഷ​ത​യിൽ യഹോ​വ​യു​ടെ സാക്ഷി​കൾക്ക്‌ എന്തുൾപ്പെ​ടു​ന്നു?

 ¹² ഇതിനു കടകവി​രു​ദ്ധ​മാ​യി, ക്രൈ​സ്‌ത​വ​ലോ​ക​ത്തി​ലെ വൈദി​കർ ലോക​ത്തി​ലെ രാഷ്‌ട്രീ​യ​കാ​ര്യ​ങ്ങ​ളിൽ വളരെ​യ​ധി​ക​മാ​യി ഉൾപ്പെ​ടു​ന്നു. ചില രാജ്യ​ങ്ങ​ളിൽ അവർ സ്ഥാനാർത്ഥി​കൾക്ക​നു​കൂ​ല​മാ​യോ പ്രതി​കൂ​ല​മാ​യോ സജീവ​മാ​യി പ്രചാ​രണം നടത്തുന്നു. വൈദി​ക​രിൽ ചിലർ തന്നെ രാഷ്‌ട്രീയ ഉദ്യോ​ഗം വഹിക്കു​ന്നു. മററു ചിലർ വൈദി​കർ അംഗീ​ക​രി​ക്കുന്ന പരിപാ​ടി​കളെ അനുകൂ​ലി​ക്കാൻ രാജ്യ​ത​ന്ത്ര​ജ്ഞൻമാ​രു​ടെ​മേൽ വലിയ സമ്മർദ്ദം ചെലു​ത്തു​ന്നു. മററു ചിലടത്ത്‌ “യാഥാ​സ്ഥി​തിക” വൈദി​കർ അധികാ​രം കൈയാ​ളു​ന്ന​വ​രു​ടെ അടുത്ത സഹകാ​രി​ക​ളാ​യി​രി​ക്കെ, “പുരോ​ഗ​മ​ന​വാ​ദി​ക​ളായ” പുരോ​ഹി​തൻമാ​രും ശുശ്രൂ​ഷ​കൻമാ​രും അവരെ മറിച്ചി​ടാൻ ശ്രമി​ക്കുന്ന ഗറില്ലാ​പ്ര​സ്ഥാ​ന​ങ്ങളെ പിന്തു​ണ​ക്കു​ന്നു. എന്നിരു​ന്നാ​ലും, യഹോ​വ​യു​ടെ സാക്ഷികൾ ഏതു രാജ്യത്തു ജീവി​ച്ചാ​ലും അവർ രാഷ്‌ട്രീ​യ​ത്തിൽ ഇടപെ​ടു​ന്നില്ല. ഒരു രാഷ്‌ട്രീ​യ​ക​ക്ഷി​യിൽ ചേരു​ന്ന​തോ സ്ഥാനം നേടാൻ ശ്രമി​ക്കു​ന്ന​തോ തെര​ഞ്ഞെ​ടു​പ്പു​ക​ളിൽ വോട്ടു​ചെ​യ്യു​ന്ന​തോ സംബന്ധിച്ച്‌ മററു​ള​ളവർ ചെയ്യു​ന്ന​തിൽ അവർ ഇടപെ​ടു​ന്നില്ല. എന്നാൽ തന്റെ ശിഷ്യൻമാർ “ലോക​ത്തി​ന്റെ ഭാഗമല്ലാ”തിരി​ക്കു​മെന്ന്‌ യേശു പറഞ്ഞതു​കൊണ്ട്‌, യഹോ​വ​യു​ടെ സാക്ഷികൾ യാതൊ​രു​വിധ രാഷ്‌ട്രീയ പ്രവർത്ത​ന​ങ്ങ​ളി​ലും പങ്കെടു​ക്കു​ന്നില്ല.

13. യുദ്ധത്തിൽ ഏർപ്പെ​ടു​ന്നതു സംബന്ധിച്ച്‌, യഹോ​വ​യു​ടെ സാക്ഷി​ക​ളു​ടെ നിലപാട്‌ എന്തായി​രു​ന്നു​വെന്ന്‌ വസ്‌തു​തകൾ പ്രകട​മാ​ക്കു​ന്നു?

¹³ യേശു മുൻകൂ​ട്ടി​പ്പ​റ​ഞ്ഞ​തു​പോ​ലെ, ഈ “അന്ത്യകാ​ലത്ത്‌” രാഷ്‌ട്രങ്ങൾ ആവർത്തിച്ച്‌ യുദ്ധത്തി​ലേർപ്പെ​ട്ടി​രി​ക്കു​ന്നു. ജനതക്കു​ള​ളി​ലെ വിഭാ​ഗങ്ങൾ പോലും അന്യോ​ന്യം ആയുധ​മെ​ടു​ത്തു പോരാ​ടി​യി​രി​ക്കു​ന്നു. (മത്താ. 24:3,6,7) എന്നാൽ ഇതി​ന്റെ​യെ​ല്ലാം മദ്ധ്യേ യഹോ​വ​യു​ടെ സാക്ഷികൾ എന്തു നില സ്വീക​രി​ച്ചി​രി​ക്കു​ന്നു? അങ്ങനെ​യു​ളള പോരാ​ട്ടങ്ങൾ സംബന്ധിച്ച അവരുടെ നിഷ്‌പക്ഷത ലോക​ത്തി​ന്റെ എല്ലാഭാ​ഗ​ങ്ങ​ളി​ലും സുപ്ര​സി​ദ്ധ​മാണ്‌. യേശു​ക്രി​സ്‌തു സ്വീക​രി​ച്ച​തും പിന്നീടു അവന്റെ ആദിമ ശിഷ്യൻമാർ പ്രകട​മാ​ക്കി​യ​തു​മായ നിലപാ​ടി​നു ചേർച്ച​യാ​യി വീക്ഷാ​ഗോ​പു​രം അതിന്റെ 1939 നവംബർ 1-ലെ ലക്കത്തിൽ ഇങ്ങനെ പ്രസ്‌താ​വി​ച്ചു: “കർത്താ​വി​ന്റെ പക്ഷത്തുളള എല്ലാവ​രും യുദ്ധം ചെയ്യുന്ന രാഷ്‌ട്ര​ങ്ങ​ളോ​ടു​ളള ബന്ധത്തിൽ നിഷ്‌പ​ക്ഷ​രും, തികച്ചും മുഴു​വ​നാ​യും വലിയ ദിവ്യാ​ധി​പ​തി​ക്കും [യഹോവ] അവന്റെ രാജാ​വി​നും [യേശു​ക്രി​സ്‌തു] അനുകൂ​ല​വു​മാ​യി​രി​ക്കും.” എല്ലാ രാഷ്‌ട്ര​ങ്ങ​ളി​ലും എല്ലാ സാഹച​ര്യ​ങ്ങ​ളി​ലു​മു​ളള  യഹോ​വ​യു​ടെ സാക്ഷികൾ ഈ നിലപാ​ടി​നോ​ടു പററി​നിൽക്കു​ന്നു​വെന്ന്‌ വസ്‌തു​തകൾ പ്രകട​മാ​ക്കു​ന്നു. യഹോ​വ​യു​ടെ ആരാധ​ക​രെന്ന നിലയി​ലു​ളള അവരുടെ സാർവ്വ​ദേ​ശീയ സാഹോ​ദ​ര്യ​ത്തെ തകർക്കാൻ അവർ ലോക​ത്തി​ലെ വിഭാ​ഗീയ രാഷ്‌ട്രീ​യ​ത്തെ​യും യുദ്ധങ്ങ​ളെ​യും അനുവ​ദി​ച്ചി​ട്ടില്ല.—യെശ. 2:3,4; 2 കൊരി. 10:3,4 താരത​മ്യ​പ്പെ​ടു​ത്തുക.

14. (എ) തങ്ങളുടെ നിഷ്‌പക്ഷ നിലപാ​ടു നിമിത്തം സാക്ഷികൾ എന്തും കൂടെ ചെയ്യാൻ വിസമ്മ​തി​ച്ചി​രി​ക്കു​ന്നു? (ബി) ഇതിന്റെ കാരണം അവർ വിശദീ​ക​രി​ക്കു​ന്ന​തെ​ങ്ങനെ?

¹⁴ യഹോ​വ​യു​ടെ സാക്ഷികൾ മിലി​ട്ടറി യൂണി​ഫോ​മു​കൾ ധരിക്കാ​നും ആയുധ​മേ​ന്താ​നും വിസമ്മ​തി​ച്ചി​രി​ക്കു​ന്നു​വെന്നു മാത്രമല്ല, കഴിഞ്ഞ അര നൂററാ​ണ്ടി​ല​ധി​കം കാലത്ത്‌ അവർ യുദ്ധര​ഹിത സേവന​വും പട്ടാള​സേ​വ​ന​ത്തി​നു പകരമു​ളള മററു ജോലി നിയോ​ഗ​ങ്ങ​ളും നിരസി​ച്ചി​രി​ക്കു​ന്നു​വെന്ന്‌ ചരി​ത്ര​വ​സ്‌തു​ത​ക​ളു​ടെ ഒരു പരി​ശോ​ധന പ്രകട​മാ​ക്കു​ന്നു. എന്തു​കൊണ്ട്‌? എന്തു​കൊ​ണ്ടെ​ന്നാൽ അവർ ദൈവ​ത്തി​ന്റെ വ്യവസ്ഥകൾ പഠിക്കു​ക​യും അനന്തരം വ്യക്തി​പ​ര​വും മനഃസാ​ക്ഷി​പൂർവ്വ​ക​വു​മായ ഒരു തീരു​മാ​നം എടുക്കു​ക​യും ചെയ്‌തി​രി​ക്കു​ന്നു. അവർ എന്തു ചെയ്യേ​ണ്ട​താ​ണെന്ന്‌ ആരും അവരോ​ടു പറയു​ന്നില്ല. മററു​ള​ളവർ ചെയ്യു​വാ​നി​ഷ്ട​പ്പെ​ടു​ന്ന​തിൽ അവർ ഇടപെ​ടു​ന്ന​തു​മില്ല. എന്നാൽ അവരുടെ നില വിശദീ​ക​രി​ക്കാൻ ക്ഷണിക്ക​പ്പെ​ടു​മ്പോൾ, സമർപ്പ​ണ​ത്തിൽ തങ്ങളേ​ത്തന്നെ ദൈവ​ത്തിന്‌ ഏൽപ്പി​ച്ചു​കൊ​ടു​ത്തി​ട്ടു​ള​ളവർ എന്ന നിലയിൽ അവർ തങ്ങളുടെ ശരീര​ങ്ങളെ അവന്റെ സേവന​ത്തിൽ ഉപയോ​ഗി​ക്കാൻ കടപ്പെ​ട്ടി​രി​ക്കു​ന്നു​വെ​ന്നും ദൈ​വോ​ദ്ദേ​ശ്യ​ത്തി​നു വിരു​ദ്ധ​മാ​യി പ്രവർത്തി​ക്കുന്ന ഭൗമി​ക​യ​ജ​മാ​നൻമാർക്ക്‌ തങ്ങളേ​ത്തന്നെ ഇപ്പോൾ വിട്ടു​കൊ​ടു​ക്കാ​നാ​വി​ല്ലെ​ന്നും യഹോ​വ​യു​ടെ സാക്ഷികൾ അറിയി​ച്ചി​ട്ടുണ്ട്‌.—റോമ. 6:12-14; 12:1,2; മീഖാ. 4:3.

15. (എ) ലോക​ത്തിൽ നിന്നുളള വേർപാട്‌ നിലനിർത്തുക നിമിത്തം, യഹോ​വ​യു​ടെ സാക്ഷി​കൾക്ക്‌ എന്ത്‌ അനുഭ​വ​പ്പെ​ട്ടി​രി​ക്കു​ന്നു? (ബി) അവർ തടവി​ലാ​ക്ക​പ്പെ​ട്ട​പ്പോൾ പോലും ക്രിസ്‌തീയ തത്വങ്ങൾ അവരെ നയിച്ചി​രി​ക്കു​ന്ന​തെ​ങ്ങനെ?

¹⁵ ഫലം യേശു പറഞ്ഞതു​പോ​ലെ തന്നെയാണ്‌: “നിങ്ങൾ ലോക​ത്തി​ന്റെ ഭാഗമ​ല്ലാ​ത്ത​തു​കൊണ്ട്‌ . . . ലോകം നിങ്ങളെ വെറു​ക്കു​ന്നു.”(യോഹ. 15:19) തങ്ങളുടെ ക്രിസ്‌തീയ നിഷ്‌പക്ഷത ലംഘി​ക്കു​ക​യി​ല്ലാ​ഞ്ഞ​തു​കൊണ്ട്‌ യഹോ​വ​യു​ടെ സാക്ഷി​ക​ളി​ല​നേകർ തുറു​ങ്കി​ല​ട​ക്ക​പ്പെ​ട്ടി​ട്ടുണ്ട്‌. ചിലർ ക്രൂര​മായ പെരു​മാ​റ​റ​ത്തി​നു വിധേ​യ​മാ​ക്ക​പ്പെ​ട്ടി​ട്ടുണ്ട്‌, മരണ​ത്തോ​ളം പോലും. മററു​ചി​ലർ തടവു​വാ​സ​ത്തി​ന്റെ വർഷങ്ങ​ളിൽ തങ്ങളുടെ നിഷ്‌പക്ഷത പ്രകട​മാ​ക്കു​ന്ന​തിൽ തുടർന്നി​രി​ക്കു​ന്നു. ആഷ്‌വി​റ​റ്‌സി​ലെ മൂല്യ​ങ്ങ​ളും അക്രമ​വും (അന്നാ പാവൽഷിൻസ്‌ക്കാ​യാൽ വിരചി​തം, പേജ്‌ 89) എന്ന പുസ്‌തകം ഇങ്ങനെ റിപ്പോർട്ടു ചെയ്യുന്നു: “യാതൊ​രു യഹോ​വ​യു​ടെ സാക്ഷി​യും [തടങ്കൽപാ​ള​യ​ങ്ങ​ളി​ലെ] തന്റെ വിശ്വാ​സ​ങ്ങൾക്കും  ബോധ്യ​ങ്ങൾക്കും വിപരീ​ത​മായ ഒരു കൽപ്പന​യോ മറെറാ​രാൾക്കെ​തി​രായ ഏതെങ്കി​ലും പ്രവർത്ത​ന​മോ—അയാൾ ഒരു കൊല​പാ​ത​കി​യോ ഒരു രഹസ്യ പോലീ​സു​ദ്യോ​ഗ​സ്ഥ​നോ ആയിരു​ന്നാ​ലും—നിർവ്വ​ഹി​ക്കു​ക​യി​ല്ലെന്ന്‌ എല്ലാവർക്കു​മ​റി​യാ​മാ​യി​രു​ന്നു. മറിച്ച്‌, ധാർമ്മി​ക​മാ​യി തനിക്ക്‌ നിഷ്‌പ​ക്ഷ​മെ​ങ്കിൽ മററ്‌ ഏതൊരു ജോലി​യും, ഏററവും ഹീന​മെ​ങ്കിൽപോ​ലും, തന്റെ കഴിവി​ന്റെ പരമാ​വധി നിർവ്വ​ഹി​ക്കു​മാ​യി​രു​ന്നു.”

16. (എ) സകല രാഷ്‌ട്ര​ങ്ങ​ളും എന്തി​ലേക്ക്‌ മാർച്ചു ചെയ്യുന്നു, തന്നിമി​ത്തം യഹോ​വ​യു​ടെ സാക്ഷികൾ എന്ത്‌ ഒഴിവാ​ക്കാൻ ശ്രദ്ധി​ക്കു​ന്നു? (ബി) അപ്പോൾ, ലോക​ത്തിൽ നിന്നുളള വേർപാട്‌ വളരെ ഗൗരവ​മു​ളള സംഗതി ആയിരി​ക്കു​ന്ന​തെ​ന്തു​കൊണ്ട്‌?

¹⁶ സകല രാഷ്‌ട്ര​ങ്ങ​ളും അർമ്മ​ഗെ​ദ്ദോ​നി​ലെ, “സർവ്വശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധ”ത്തിലേക്ക്‌ മാർച്ചു ചെയ്യു​ക​യാ​ണെന്ന്‌ യഹോ​വ​യു​ടെ സാക്ഷികൾ തിരി​ച്ച​റി​യു​ന്നു. ഒരു ഏകീകൃത ജനമെന്ന നിലയിൽ, യഹോ​വ​യു​ടെ ദാസൻമാർ അവന്റെ മശി​ഹൈ​ക​രാ​ജ്യ​ത്തിന്‌ അനുകൂ​ല​മായ നിലപാ​ടു സ്വീക​രി​ച്ചി​രി​ക്കു​ന്നു. തന്നിമി​ത്തം, ആ രാജ്യ​ത്തി​നെ​തി​രായ ഒരു നിലപാ​ടി​ലേക്ക്‌ തന്ത്രപൂർവ്വം നയിക്ക​പ്പെ​ടാൻ തങ്ങളേ​ത്തന്നെ അനുവ​ദി​ക്കു​ന്ന​തൊ​ഴി​വാ​ക്കാൻ അവർ ശ്രദ്ധി​ക്കു​ന്നു. (വെളി. 16:14,16; 19:11-21) തന്റെ യഥാർത്ഥ അനുഗാ​മി​കൾ “ലോക​ത്തി​ന്റെ ഭാഗമല്ല” എന്ന യേശു​വി​ന്റെ പ്രസ്‌താ​വ​ന​യു​ടെ ഗൗരവം അവർ വിലയി​രു​ത്തു​ന്നുണ്ട്‌. ഈ പഴയ ലോകം പെട്ടെന്നു നീങ്ങി​പ്പോ​കു​മെ​ന്നും ദൈവ​ത്തി​ന്റെ ഇഷ്ടം യഥാർത്ഥ​മാ​യി ചെയ്യു​ന്നവർ മാത്രമേ എന്നേക്കും നിലനിൽക്കു​ക​യു​ള​ളു​വെ​ന്നും അവർക്ക​റി​യാം.—1 യോഹ. 2:15-17.

പുനരവലോകന ചർച്ച

● “ലോക​ത്തി​ന്റെ ഭാഗമല്ലാ”തിരി​ക്കു​ന്ന​തിൽ എന്തുൾപ്പെ​ട്ടി​രി​ക്കു​ന്നു​വെന്ന്‌ യേശു പ്രകട​മാ​ക്കി​യ​തെ​ങ്ങനെ?

● ആദിമ ക്രിസ്‌ത്യാ​നി​കൾക്ക്‌ (1) ലോക​ത്തി​ന്റെ ആത്മാവി​നോ​ടും (2) ലൗകി​ക​ഭ​ര​ണാ​ധി​പൻമാ​രോ​ടും നികു​തി​കൊ​ടു​ക്ക​ലി​നോ​ടും (3) പട്ടാള​സേ​വ​ന​ത്തോ​ടു​മു​ണ്ടാ​യി​രുന്ന മനോ​ഭാ​വത്തെ സൂചി​പ്പി​ക്കു​ന്ന​തെന്ത്‌?

● യഹോ​വ​യു​ടെ സാക്ഷികൾ ആധുനിക കാലങ്ങ​ളിൽ തങ്ങളുടെ ക്രിസ്‌തീയ നിഷ്‌പ​ക്ഷ​തക്ക്‌ തെളിവു നൽകി​യി​രി​ക്കു​ന്നത്‌ ഏതു വിധങ്ങ​ളിൽ?

[അധ്യയന ചോദ്യ​ങ്ങൾ]