അധ്യായം 20

ജീവനും രക്തവും—നിങ്ങൾ അവയെ പവി​ത്ര​മാ​യി കരുതു​ന്നു​വോ?

1. (എ) ദൈവം ജീവനെ എങ്ങനെ വീക്ഷി​ക്കു​ന്നു? (ബി) നാം ജീവന്റെ ദൈവി​ക​ദാ​നത്തെ വിലമ​തി​ക്കു​ന്നു​വെന്ന്‌ നമുക്ക്‌ എങ്ങനെ പ്രകട​മാ​ക്കാൻ കഴിയും?

¹ ജീവനെ സംബന്ധിച്ച ദൈവ​ത്തി​ന്റെ വീക്ഷണം ലോക​ത്തി​ന്റേ​തിൽനിന്ന്‌ വ്യത്യ​സ്‌ത​മാ​യി​രി​ക്കു​ന്നത്‌ നമ്മെ അതിശ​യി​പ്പി​ക്ക​രുത്‌. ദൈവ​ത്തിന്‌ മനുഷ്യ​ജീ​വൻ പവി​ത്ര​മാണ്‌. നിങ്ങൾ അതിനെ ആ വിധത്തിൽ വീക്ഷി​ക്കു​ന്നു​വോ? “സകല ആളുകൾക്കും ജീവനും ശ്വാസ​വും സകലവും കൊടു​ക്കുന്ന” ദൈവത്തെ പൂർണ്ണ​മാ​യി ആശ്രയി​ക്കേ​ണ്ട​വ​രാ​ണു നാം. (പ്രവൃ. 17:25-28; സങ്കീ. 36:9) നാം ദൈവ​ത്തി​ന്റെ വീക്ഷണം പുലർത്തു​ന്നു​വെ​ങ്കിൽ നാം നമ്മുടെ ജീവനെ കാത്തു​ര​ക്ഷി​ക്കും. എന്നാൽ നമ്മുടെ ഇപ്പോ​ഴത്തെ ജീവനെ രക്ഷിക്കാ​നു​ളള ശ്രമത്തിൽ നാം ദിവ്യ​നി​യ​മത്തെ ലംഘി​ക്കു​ക​യില്ല. ദൈവ​ത്തി​ന്റെ പുത്ര​നിൽ യഥാർത്ഥ​മാ​യി വിശ്വാ​സം പ്രകട​മാ​ക്കു​ന്ന​വർക്കു​വേ​ണ്ടി​യു​ളള നിത്യ​ജീ​വന്റെ ദൈവിക വാഗ്‌ദ​ത്തത്തെ നാം വിലമ​തി​ക്കു​ന്നു.—മത്താ. 16: 25, 26; യോഹ. 6:40; യൂദാ 21.

2. ജീവ​നോ​ടു​ളള ആരുടെ മനോ​ഭാ​വത്തെ ലോകം പ്രതി​ഫ​ലി​പ്പി​ക്കു​ന്നു, ഇത്‌ ചില​പ്പോൾ ഏതുതരം ന്യായ​വാ​ദ​ത്തി​ലേക്കു നയിക്കു​ന്നു?

² മറിച്ച്‌, ഈ ലോക​ത്തി​ന്റെ ഭരണാ​ധി​പ​നായ പിശാ​ചായ സാത്താൻ, “തുടങ്ങി​യ​പ്പോൾ ഒരു മനുഷ്യ​ഘാ​ത​ക​നാ​യി​രു​ന്നു”വെന്ന്‌ യേശു പറഞ്ഞു. (യോഹ. 8:44; 12:31) അവന്റെ മത്സരഗ​തി​യു​ടെ തുടക്കം മുതൽതന്നെ അവൻ മനുഷ്യ​വർഗ്ഗ​ത്തി​നു മരണം കൈവ​രു​ത്തി. ലോക​ത്തി​ന്റെ അക്രമാ​സക്ത ചരിത്രം അവന്റെ ആത്മാവി​നെ പ്രതി​നി​ധാ​നം ചെയ്യുന്നു. എന്നാൽ പിശാ​ചിന്‌ വ്യത്യ​സ്‌ത​മാ​യി തോന്നി​ക്കുന്ന ഒരു ഭാവവും അവതരി​പ്പി​ക്കാൻ കഴിയും. അങ്ങനെ, മതഭക്ത​രാ​യി​രി​ക്കു​ന്ന​തിൽ കുഴപ്പ​മി​ല്ലാ​യി​രി​ക്കാ​മെ​ങ്കി​ലും ജീവൻ അപകട​ത്തി​ലാ​യി​രി​ക്കു​മ്പോൾ ബൈബിൾ ഉദ്ധരി​ക്കു​ന്ന​തി​നു പകരം തങ്ങളുടെ “വിദഗ്‌ദ്ധ” ഉപദേശം അനുസ​രി​ക്കു​ന്ന​തി​നാൽ നിങ്ങൾക്കു പ്രയോ​ജനം കിട്ടു​മെന്ന്‌ അവന്റെ ചിന്തയാൽ സ്വാധീ​നി​ക്ക​പ്പെ​ടുന്ന മനുഷ്യർ വാദി​ക്കു​ന്നു. (2 കൊരി​ന്ത്യർ 11:14, 15 താരത​മ്യ​പ്പെ​ടു​ത്തുക.)  പ്രത്യ​ക്ഷ​ത്തിൽ ഒരു ജീവൻമരണ സാഹച​ര്യ​ത്തെ അഭിമു​ഖീ​ക​രി​ക്കു​മ്പോൾ നിങ്ങളു​ടെ ഹൃദയം ഏതു വഴിയേ ചായും? തീർച്ച​യാ​യും, നമ്മുടെ ആഗ്രഹം യഹോ​വയെ പ്രസാ​ദി​പ്പി​ക്കാ​നാ​യി​രി​ക്കണം.

3. (എ)രക്തത്തെ​ക്കു​റി​ച്ചു ബൈബിൾ പറയു​ന്ന​തിൽ നാം വിശേ​ഷാൽ തത്‌പ​ര​രാ​യി​രി​ക്കേ​ണ്ട​തെ​ന്തു​കൊണ്ട്‌? (ബി) ഉല്‌പത്തി 9:3-6-ഉം പ്രവൃ​ത്തി​കൾ 15:28, 29-ഉം വായി​ക്കു​ക​യും അനന്തരം ഈ വാക്യ​ങ്ങ​ളോ​ടു​കൂ​ടെ മുകളിൽ പട്ടിക​പ്പെ​ടു​ത്തി​യി​രി​ക്കുന്ന ചോദ്യ​ങ്ങൾക്ക്‌ ഉത്തരം പറയു​ക​യും ചെയ്യുക

³ “മാംസ​ത്തി​ന്റെ ദേഹി [അഥവാ ജീവൻ] രക്തത്തി​ലാ​കു​ന്നു” എന്നു പറഞ്ഞു​കൊണ്ട്‌ ദൈവ​വ​ചനം ജീവനും രക്തവും തമ്മിൽ ഒരു ഉററബന്ധം വെളി​പ്പെ​ടു​ത്തു​ന്നു. ജീവൻ പവി​ത്ര​മാ​യി​രി​ക്കു​ന്ന​തു​പോ​ലെ രക്തത്തെ​യും ദൈവം പവി​ത്ര​മാ​ക്കി​യി​രി​ക്കു​ന്നു. അത്‌ അവനു​ള​ള​താണ്‌, അവൻ അംഗീ​ക​രി​ക്കുന്ന രീതി​യിൽ മാത്രം ഉപയോ​ഗി​ക്കേ​ണ്ട​താണ്‌. (ലേവ്യ. 17:3, 4, 11; ആവ. 12:23) അതു​കൊണ്ട്‌ രക്തം സംബന്ധിച്ച്‌ അവൻ നമ്മിൽനിന്ന്‌ ആവശ്യ​പ്പെ​ടു​ന്നത്‌ എന്തെന്ന്‌ നാം ശ്രദ്ധാ​പൂർവ്വം പരിചി​ന്തി​ക്കു​ന്നത്‌ നന്നായി​രി​ക്കും.

ഉല്‌പത്തി 9:3-6 വായി​ക്കു​ക

നിങ്ങളു​ടെ പ്രദേ​ശത്തെ ഏത്‌ ആചാരങ്ങൾ മൃഗരക്തം ആഹരി​ക്കാ​തി​രി​ക്കാൻ ജാഗ്ര​ത​പാ​ലി​ക്കു​ന്ന​തിന്‌ നിങ്ങ​ളോ​ടാ​വ​ശ്യ​പ്പെ​ടു​ന്നു?

മൃഗര​ക്ത​ത്തെ സംബന്ധിച്ച്‌ 4-ാം വാക്യ​ത്തിൽ പറഞ്ഞി​രി​ക്കു​ന്ന​തി​ന്റെ കാഴ്‌ച​പ്പാ​ടിൽ (റോമൻ വിനോദ പരിപാ​ടി​ക​ളിൽ ചെയ്യ​പ്പെ​ട്ടി​രുന്ന) മനുഷ്യ​ര​ക്ത​പാ​ന​ത്തോട്‌ നിങ്ങൾ എങ്ങനെ പ്രതി​ക​രി​ക്കും?

അഞ്ചും ആറും വാക്യ​ങ്ങ​ളിൽ പ്രകട​മാ​ക്കി​യി​രി​ക്കു​ന്ന​തു​പോ​ലെ, മനുഷ്യ​രക്തം ചൊരി​യു​ന്ന​തി​നു മുഖ്യ​മാ​യി ആരോ​ടാണ്‌ ഒരുവൻ സമാധാ​നം പറയേ​ണ്ടത്‌?

പ്രവൃത്തികൾ 15:28, 29 വായി​ക്കു​ക

ഒരു പരിമിത കാല​ത്തേക്കു മാത്രമേ ഈ വ്യവസ്ഥകൾ ബാധക​മാ​കു​ക​യു​ള​ളു​വെന്ന്‌ ഇതു പ്രസ്‌താ​വി​ക്കു​ന്നു​ണ്ടോ? അവ നമുക്കു ബാധക​മാ​കു​ന്നു​ണ്ടോ?

ഇവിടെ ഉപയോ​ഗി​ച്ചി​രി​ക്കുന്ന ഭാഷ മനുഷ്യ​ര​ക്തത്തെ ഒഴിവാ​ക്കു​ന്നു​ണ്ടോ?

അടിയ​ന്തി​ര​കേ​സു​ക​ളിൽ വ്യത്യ​സ്‌ത​തകൾ ആകാ​മെന്ന്‌ ഈ വാക്യം സൂചി​പ്പി​ക്കു​ന്നു​ണ്ടോ?

4. ഇവിടെ ചർച്ച ചെയ്‌തി​രി​ക്കു​ന്ന​പ്ര​കാ​രം, ഒരു വ്യക്തി രക്തപാ​ത​ക​ത്തിൽ പങ്കുപ​റ​റാ​തി​രി​ക്ക​ത്ത​ക്ക​വണ്ണം എന്തു നടപടി സ്വീക​രി​ക്കേ​ണ്ട​തു​ണ്ടാ​യി​രി​ക്കാ​മെന്ന്‌ തിരു​വെ​ഴു​ത്തു​കൾ പ്രകട​മാ​ക്കു​ന്നു?

⁴ മനുഷ്യ​ര​ക്ത​ത്തി​ന്റെ കാര്യ​ത്തിൽ കേവലം കൊല​പാ​ത​ക​ത്തിൽനിന്ന്‌  ഒഴിഞ്ഞി​രി​ക്കു​ന്ന​തി​നാൽ നാം നിർദ്ദോ​ഷി​ക​ളാ​യി​രി​ക്കു​മെന്ന്‌ നമുക്ക്‌ സങ്കൽപ്പി​ക്കാ​വു​ന്നതല്ല. നാം ദൈവ​മു​മ്പാ​കെ രക്തപാ​ത​ക​മു​ളള ഏതെങ്കി​ലും സ്ഥാപന​ത്തി​ന്റെ ഭാഗമാ​ണെ​ങ്കിൽ, നാം അതിന്റെ പാപങ്ങ​ളിൽ പങ്കുപ​റ​റാ​നാ​ഗ്ര​ഹി​ക്കു​ന്നി​ല്ലെ​ങ്കിൽ നാം അതി​നോ​ടു​ളള ബന്ധം വേർപെ​ടു​ത്തേ​ണ്ട​താ​ണെന്ന്‌ തിരു​വെ​ഴു​ത്തു​കൾ തെളി​യി​ക്കു​ന്നു. (വെളി​പ്പാട്‌ 18:4, 24; മീഖാ 4:3) അങ്ങനെ​യു​ളള പ്രവർത്തനം അടിയ​ന്തിര ശ്രദ്ധ അർഹി​ക്കു​ന്നു.

5. വയൽശു​ശ്രൂ​ഷ​യി​ലെ ഉത്സാഹം രക്തപാ​ത​ക​ത്തിൽനിന്ന്‌ വിമു​ക്ത​രാ​യി​രി​ക്കു​ന്ന​തി​നോട്‌ ബന്ധപ്പെ​ടു​ന്ന​തെ​ങ്ങനെ?

⁵ മഹോ​പ​ദ്ര​വ​ത്തി​ലെ ആസന്നമാ​യി​രി​ക്കുന്ന നാശ​ത്തെ​ക്കു​റിച്ച്‌ മുന്നറി​യി​പ്പു​കൊ​ടു​ക്കാൻ ദൈവം നിയോ​ഗി​ച്ചി​രി​ക്കുന്ന അവന്റെ ദാസൻമാ​രു​ടെ സംഗതി​യിൽ, അവർക്കു രക്തപാ​ത​ക​ത്തിൽനിന്ന്‌ വിമു​ക്തി​വേ​ണ​മെ​ങ്കിൽ അവർ വിശ്വ​സ്‌ത​മാ​യി ആ സന്ദേശം ഘോഷി​ക്കേ​ണ്ട​താ​വ​ശ്യ​മാണ്‌. (യെഹെ​സ്‌ക്കേൽ 3:17-21 താരത​മ്യ​പ്പെ​ടു​ത്തുക.) അപ്പോ​സ്‌ത​ല​നായ പൗലോസ്‌ തനിക്കു നിയമി​ച്ചു​കി​ട്ടിയ ശുശ്രൂഷ നിമിത്തം താൻ എല്ലാത്തരം ആളുകൾക്കും കടക്കാ​ര​നാ​യി​രി​ക്കു​ന്ന​തു​പോ​ലെ തന്നേത്തന്നെ വീക്ഷിച്ചു. രക്ഷക്കു​വേ​ണ്ടി​യു​ളള ദൈവ​ത്തി​ന്റെ കരുത​ലി​നെ​ക്കു​റിച്ച്‌ അവരോ​ടു പൂർണ്ണ​സാ​ക്ഷ്യം വഹിച്ച​ശേഷം മാത്രമേ അവരുടെ രക്തത്തിന്റെ ഉത്തരവാ​ദി​ത്ത​ത്തിൽനിന്ന്‌ താൻ വിമു​ക്ത​നാ​ണെന്ന്‌ അവൻ വിചാ​രി​ച്ചു​ളളു. (റോമ. 1:14, 15; പ്രവൃ​ത്തി​കൾ 18:5, 6; 20:26, 27) വയൽശു​ശ്രൂ​ഷ​യി​ലെ നിങ്ങളു​ടെ ഉത്സാഹം യഹോ​വ​യു​ടെ സാക്ഷി​ക​ളു​ടെ​മേ​ലെ​ല്ലാം സ്ഥിതി​ചെ​യ്യുന്ന ഉത്തരവാ​ദി​ത്ത​ത്തെ​ക്കു​റി​ച്ചു​ളള സമാന​മായ ഒരു ബോധത്തെ പ്രതി​നി​ധാ​നം ചെയ്യു​ന്നു​വോ?

6. അപകട നിവാ​ര​ണ​വും ജീവന്റെ പവി​ത്ര​ത​യോ​ടു​ളള ആദരവും തമ്മിൽ എന്തു ബന്ധമുണ്ട്‌?

⁶ മാരക​മായ അപകട​ങ്ങ​ളും നമുക്ക്‌ സഗൗരവ താൽപ്പ​ര്യ​മു​ള​ള​താ​യി​രി​ക്കണം. മോ​ശൈ​ക​ന്യാ​യ​പ്ര​മാ​ണ​ത്തിൻ കീഴിൽ അപകട​വ​ശാൽ ഒരു സഹമമ​നു​ഷ്യ​ന്റെ മരണത്തി​നി​ട​യാ​ക്കി​യവർ നിർദ്ദോ​ഷി​ക​ളാ​യി വീക്ഷി​ക്ക​പ്പെ​ട്ടില്ല. ശിക്ഷകൾ ചുമത്ത​പ്പെട്ടു. (പുറ. 21:29, 30; ആവ. 22:8; സംഖ്യാ. 35:22-25) ഉൾപ്പെ​ട്ടി​രി​ക്കുന്ന തത്വം നാം കാര്യ​മാ​യി എടുക്കു​ന്നു​വെ​ങ്കിൽ നാം ഒരു വാഹനം ഓടി​ക്കുന്ന വിധത്താ​ലോ, മൗഢ്യ​മായ ഏതെങ്കി​ലും ഭാഗ്യ​പ​രീ​ക്ഷണം നടത്തു​ന്ന​തി​നാ​ലോ നമ്മുടെ ഭവനത്തി​ലോ നമ്മുടെ ബിസി​നസ്‌ സ്ഥലത്തോ അരക്ഷി​ത​മായ അവസ്ഥകൾ സ്ഥിതി​ചെ​യ്യാൻ അനുവ​ദി​ക്കു​ന്ന​തി​നാ​ലോ, ഏതെങ്കി​ലും മാരക​മായ അപകട​ത്തിന്‌ വഴി​യൊ​രു​ക്കു​ന്ന​തൊ​ഴി​വാ​ക്കാൻ നാം ശ്രദ്ധി​ക്കു​ന്ന​താ​യി​രി​ക്കും. ഈ കാര്യങ്ങൾ സംബന്ധി​ച്ചു​ളള നിങ്ങളു​ടെ മനോ​ഭാ​വം ജീവന്റെ പവി​ത്ര​ത​യോ​ടു​ളള പൂർണ്ണ​വി​ല​മ​തി​പ്പി​നെ പ്രതി​ഫ​ലി​പ്പി​ക്കു​ന്നു​വോ?

 രക്തത്തിന്റെ ചികി​ത്സാ​പ​ര​മായ ഉപയോ​ഗം സംബന്ധി​ച്ചെന്ത്‌?

7. (എ) ഒരു മനുഷ്യ​ന്റെ രക്തം മറെറാ​രാ​ളിൽ പകരു​ന്നത്‌ രക്തത്തിന്റെ പവി​ത്ര​ത​യോട്‌ പൊരു​ത്ത​പ്പെ​ടു​ന്ന​താ​ണോ? (ബി) ‘രക്തം വർജ്ജിക്കാ’നുളള കല്‌പ​നയെ ഒന്നാം നൂററാ​ണ്ടിൽ സാധാ​ര​ണ​മാ​യി​രുന്ന നടപടി​കൾക്ക്‌ പരിമി​ത​പ്പെ​ടു​ത്തു​ന്നത്‌ ന്യായ​ര​ഹി​ത​മാ​യി​രി​ക്കു​ന്ന​തെ​ന്തു​കൊണ്ട്‌?

⁷ ഈ നടപടി പുതു​ത​ല്ലെ​ങ്കി​ലും, ജീവൻ നിലനിർത്തു​ക​യെന്ന ഉദ്ദേശ്യ​ത്തിൽ, വിശേ​ഷാൽ 20-ാം നൂററാ​ണ്ടിൽ രക്തപ്പകർച്ച നടത്താൻ രക്തം വ്യാപ​ക​മാ​യി ഉപയോ​ഗി​ച്ചി​രി​ക്കു​ന്നു. രക്തം അപ്പാ​ടെ​യും രക്തത്തിന്റെ മുഖ്യ​ഘ​ട​ക​ങ്ങ​ളും ഈ വിധത്തിൽ ഉപയോ​ഗി​ക്ക​പ്പെ​ട്ടി​ട്ടുണ്ട്‌. തീർച്ച​യാ​യും അങ്ങനെ​യു​ളള ചികി​ത്സാ​ന​ട​പ​ടി​കൾ രോഗി മരിക്കു​ക​യി​ല്ലെന്ന്‌ ഉറപ്പു നൽകു​ന്നില്ല. യഥാർത്ഥ​ത്തിൽ, രക്തത്തിന്റെ അത്തരം ഉപയോ​ഗ​ത്തി​ന്റെ നേരി​ട്ടു​ളള ഒരു ഫലമെന്ന നിലയിൽ ചില​പ്പോൾ മരണം സംഭവി​ക്കു​ന്നു. എന്നാൽ നാം ‘രക്തം വർജ്ജി​ക്കണം’ എന്നുളള ബൈബിൾ വ്യവസ്ഥ ഈ ചികിത്സാ നടപടി​ക്കു ബാധക​മാ​കു​ന്നു​ണ്ടോ?—ഏറെ താൽപ്പ​ര്യ​ജ​ന​ക​മായ ഒരു സംഗതി​തന്നെ. ബാധക​മാ​കു​ന്നുണ്ട്‌! മനുഷ്യ​നാ​യാ​ലും മൃഗമാ​യാ​ലും, വേറെ ഏതെങ്കി​ലും ജീവി​യിൽനിന്ന്‌ ഒരുവന്റെ ശരീര​ത്തി​ലേക്കു രക്തം സ്വീക​രി​ക്കു​ന്നത്‌ ദിവ്യ​നി​യ​മ​ത്തി​ന്റെ ലംഘന​മാണ്‌. അതു ജീവന്റെ പവി​ത്ര​ത​യോ​ടു​ളള അനാദ​ര​വി​നെ പ്രകട​മാ​ക്കു​ന്നു. (പ്രവൃ. 15:19, 20) ‘രക്തം വർജ്ജി​ക്കുക’ എന്ന കൽപ്പന ആധുനിക ചികി​ത്സാ​വി​ദ്യ​കളെ ഒഴിവാ​ക്കി​ക്കൊണ്ട്‌, ഒന്നാം നൂററാ​ണ്ടിൽ നിലവി​ലി​രുന്ന നടപടി​കൾക്കു പരിമി​ത​പ്പെ​ടു​ത്താൻ അടിസ്ഥാ​ന​മില്ല. ഈ സംഗതി സംബന്ധിച്ച്‌ ന്യായ​വാ​ദം ചെയ്യുക: നമുക്ക​റി​യാ​വുന്ന വിധത്തി​ലു​ളള തോക്കു​കൾ വളരെ കാലം കഴിയു​ന്ന​തു​വരെ കണ്ടുപി​ടി​ക്ക​പ്പെ​ട്ടി​രു​ന്നി​ല്ലെ​ന്നു​ള​ള​തു​കൊണ്ട്‌ കൊല​പാ​ത​ക​ത്തി​നെ​തി​രായ ബൈബിൾ കല്‌പ​ന​യിൽ നിയമ​വി​രു​ദ്ധ​മാ​യി ഒരു തോക്കു​കൊണ്ട്‌ മനുഷ്യ​ജീ​വൻ ഹനിക്കു​ന്നത്‌ ഉൾപ്പെ​ട്ടി​രു​ന്നി​ല്ലെന്ന്‌ ആർ വാദി​ക്കും? മദ്യല​ഹ​രി​യു​ടെ നിരോ​ധനം ഒന്നാം നൂററാ​ണ്ടിൽ അറിയ​പ്പെ​ട്ടി​രുന്ന ലഹരി​പാ​നീ​യ​ങ്ങൾക്കു മാത്രമേ ബാധക​മാ​യി​രു​ന്നു​ള​ളു​വെ​ന്നും ആധുനി​ക​നാ​ളി​ലെ കടുപ്പം കൂടിയ മദ്യങ്ങൾക്കു ബാധക​മാ​യി​രു​ന്നി​ല്ലെ​ന്നും വാദി​ക്കു​ന്നത്‌ ന്യായ​യു​ക്ത​മാ​യി​രി​ക്കു​മോ? ദൈവത്തെ പ്രസാ​ദി​പ്പി​ക്കാൻ യഥാർത്ഥ​മാ​യി ആഗ്രഹി​ക്കുന്ന ആളുകൾക്ക്‌ ‘രക്തം വർജ്ജി​ക്കുക’ എന്ന കല്‌പ​ന​യാൽ നൽക​പ്പെ​ടുന്ന സന്ദേശം വ്യക്തമാണ്‌.

8. (എ) ഒരു പ്രത്യേക ചികി​ത്സാ​ന​ട​പ​ടി​ക്രമം ഒരു ക്രിസ്‌ത്യാ​നിക്ക്‌ യോജി​ച്ച​താ​ണോ​യെന്ന്‌ നിങ്ങൾക്ക്‌ എങ്ങനെ തീരു​മാ​നി​ക്കാൻ കഴിയും? (ബി) ഒരു ഡോക്ടർ നിങ്ങളു​ടെ സ്വന്തം രക്തത്തിൽ കുറെ വലി​ച്ചെ​ടു​ത്തു ശേഖരി​ക്കു​ക​യും ഒരു ശസ്‌ത്ര​ക്രി​യാ​സ​മ​യത്ത്‌ നിങ്ങളു​ടെ ശരീര​ത്തി​ലേക്ക്‌ തിരികെ പ്രവേ​ശി​പ്പി​ക്കു​ക​യും ചെയ്യാ​നാ​ഗ്ര​ഹി​ക്കു​ന്നു​വെ​ങ്കിൽ ഒരു ശരിയായ തീരു​മാ​നം ചെയ്യാൻ ഏതു ബൈബിൾ തത്വങ്ങൾക്ക്‌ നിങ്ങളെ സഹായി​ക്കാൻ കഴിയും? (സി) ശരീര​ത്തിന്‌ പുറത്ത്‌ ഉപകര​ണ​ത്തി​ലൂ​ടെ രക്തത്തെ സഞ്ചരി​പ്പി​ക്കാൻ ആവശ്യ​പ്പെ​ടുന്ന ചികിത്സ സംബന്ധിച്ച്‌ ഒരു വ്യക്തിക്ക്‌ എങ്ങനെ ന്യായ​വാ​ദം ചെയ്യാ​വു​ന്ന​താണ്‌?

⁸ എന്നിരു​ന്നാ​ലും, ചില ചികി​ത്സാ​ന​ട​പ​ടി​ക്ര​മ​ങ്ങ​ളു​ടെ  സങ്കീർണ്ണത ചോദ്യ​ങ്ങൾ ഉദിപ്പി​ച്ചേ​ക്കാം. ഇവ എങ്ങനെ പരിഹ​രി​ക്കാൻ കഴിയും? ഒന്നാമ​താ​യി, നിർദ്ദി​ഷ്ട​ന​ട​പടി സംബന്ധിച്ച്‌ വ്യക്തമായ ഒരു വിശദീ​ക​രണം നിങ്ങളു​ടെ ഡോക്ട​റോ​ടു ചോദി​ക്കുക. അനന്തരം ബൈബിൾ തത്വങ്ങ​ളു​ടെ വെളി​ച്ച​ത്തിൽ അതിനെ പ്രാർത്ഥ​നാ​പൂർവ്വം വിശക​ലനം ചെയ്യുക. നിങ്ങളു​ടെ സ്വന്തം രക്തത്തിൽ കുറെ എടുത്ത്‌, ആവശ്യ​മെ​ങ്കിൽ പിന്നീട്‌ ഒരു ശസ്‌ത്ര​ക്രി​യാ​വേ​ള​യിൽ ഉപയോ​ഗി​ക്കു​ന്ന​തിന്‌ ശേഖരി​ച്ചു വെക്കാൻ നിങ്ങളു​ടെ ഡോക്ടർ നിർദ്ദേ​ശി​ച്ചേ​ക്കാം. നിങ്ങൾ സമ്മതി​ക്കു​മോ? മോശെ മുഖാ​ന്തരം കൊടു​ക്ക​പ്പെട്ട ദൈവ​ത്തി​ന്റെ ന്യായ​പ്ര​മാ​ണ​മ​നു​സ​രിച്ച്‌ ഒരു ജീവി​യിൽനിന്ന്‌ നീക്ക​പ്പെ​ടുന്ന രക്തം നിലത്ത്‌ ഒഴിച്ചു​ക​ള​യ​ണ​മാ​യി​രു​ന്നു എന്ന്‌ ഓർക്കുക. (ആവ. 12:24) ഇന്നു നാം ന്യായ​പ്ര​മാ​ണ​സം​ഹി​ത​യിൻ കീഴിലല്ല, എന്നാൽ അന്തർഭ​വി​ച്ചി​രി​ക്കുന്ന സന്ദേശം രക്തം പവി​ത്ര​മാ​ണെ​ന്നു​ള​ള​താണ്‌. ഒരു ജീവി​യു​ടെ ശരീര​ത്തിൽനിന്ന്‌ നീക്ക​പ്പെ​ടു​മ്പോൾ അതു ദൈവ​ത്തി​ന്റെ പാദപീ​ഠ​മായ ഭൂമി​യിൽ ഒഴിച്ചു​കൊണ്ട്‌ ദൈവ​ത്തി​നു തിരികെ കൊടു​ക്കേ​ണ്ട​തു​മാണ്‌. (മത്തായി 5:34, 35 താരത​മ്യ​പ്പെ​ടു​ത്തുക.) അതു​കൊണ്ട്‌, (താരത​മ്യേന ചുരു​ങ്ങിയ സമയ​ത്തേ​ക്കു​പോ​ലും) നിങ്ങളു​ടെ രക്തം ശേഖരി​ച്ചു​വെ​ക്കു​ന്ന​തും അനന്തരം നിങ്ങളു​ടെ ശരീര​ത്തി​ലേക്കു തിരികെ കയററു​ന്ന​തും എങ്ങനെ ഉചിത​മാ​യി​രി​ക്കാൻ കഴിയും? എന്നാൽ ശസ്‌ത്ര​ക്രി​യാ​വേ​ള​യിൽ അല്ലെങ്കിൽ മററു ചികി​ത്സാ​സ​മ​യത്ത്‌ ഉപകര​ണ​ത്തി​ലൂ​ടെ നിങ്ങളു​ടെ ശരീര​ത്തി​നു വെളി​യി​ലേ​ക്കും പിന്നീട്‌ തിരികെ ശരീര​ത്തി​ലേ​ക്കും ഒഴുക്കാ​മെന്ന്‌ ഡോക്ടർ പറയു​ന്നു​വെ​ങ്കി​ലോ? നിങ്ങൾ സമ്മതി​ക്കു​മോ? ഉപകരണം രക്തമല്ലാത്ത ഒരു ദ്രാവകം നിറച്ച്‌ ആദ്യം പ്രവർത്തി​പ്പി​ച്ചു തുടങ്ങി​യ​ശേ​ഷ​മാ​ണെ​ങ്കിൽ തങ്ങൾക്ക്‌ ഒരു ശുദ്ധമ​നഃ​സാ​ക്ഷി​യോ​ടെ ഇത്‌ അനുവ​ദി​ക്കാൻ കഴിയു​മെന്ന്‌ ചിലർ വിചാ​രി​ച്ചി​ട്ടുണ്ട്‌. ബാഹ്യ ഉപകര​ണത്തെ തങ്ങളുടെ രക്ഷ പരിസ​ഞ്ചരണ വ്യവസ്ഥ​യു​ടെ ഒരു തുടർച്ച​യാ​യി​ട്ടാണ്‌ അവർ വീക്ഷി​ച്ചി​ട്ടു​ള​ളത്‌. തീർച്ച​യാ​യും സാഹച​ര്യ​ങ്ങൾ വ്യത്യ​സ്‌ത​മാണ്‌. തീരു​മാ​നി​ക്കേ​ണ്ടതു നിങ്ങളാണ്‌. എന്നാൽ നിങ്ങളു​ടെ തീരു​മാ​നം ദൈവ​മു​മ്പാ​കെ നിങ്ങൾക്ക്‌ ഒരു ശുദ്ധ മനഃസാ​ക്ഷി ശേഷി​പ്പി​ക്കേ​ണ്ട​താണ്‌.—1 പത്രോ. 3:16; 1 തിമൊ. 1:19.

9. (എ) ‘രക്തം വർജ്ജിക്കാ’നുളള നിങ്ങളു​ടെ തീരു​മാ​ന​ത്തോ​ടു​ളള ആദരവ്‌ ഉറപ്പു​വ​രു​ത്താൻ ഏതു കരുതൽന​ട​പ​ടി​കൾ സ്വീക​രി​ച്ചേ തീരൂ? (ബി) ഒരു അടിയ​ന്തി​ര​ത​യിൽപോ​ലും, ചില​പ്പോൾ അസുഖ​ക​ര​മായ ഏററു​മു​ട്ട​ലി​നെ എങ്ങനെ ഒഴിവാ​ക്കാൻ കഴിയും? (സി) ഒരു ഡോക്ട​റോ ഒരു കോട​തി​യോ ഒരു രക്തപ്പകർച്ച അടി​ച്ചേൽപ്പി​ക്കാൻ ശ്രമി​ക്കു​ന്നു​വെ​ങ്കിൽ, നിങ്ങൾ എന്തു ചെയ്യും?

⁹ ‘രക്തം വർജ്ജിക്കാ’നുളള നിങ്ങളു​ടെ തീരു​മാ​നത്തെ നിങ്ങളു​ടെ ഡോക്ടർ ആദരി​ക്കു​മെ​ന്നു​റപ്പു വരുത്താൻ, ചികി​ത്സാ​സം​ബ​ന്ധ​മായ ഏതെങ്കി​ലും അടിയ​ന്തി​രത സംജാ​ത​മാ​കു​ന്ന​തി​നു മുമ്പ്‌ അയാ​ളോ​ടു സംസാ​രി​ക്കുക. ചികി​ത്സ​ക്കു​വേണ്ടി ഒരു ആശുപ​ത്രി​യിൽ പ്രവേ​ശി​ക്കേ​ണ്ട​താ​വ​ശ്യ​മെ​ങ്കിൽ രക്തം  ഉപയോ​ഗി​ക്ക​രു​തെന്ന്‌ രേഖാ​മൂ​ലം അപേക്ഷി​ക്കുന്ന കരുതൽന​ട​പടി സ്വീക​രി​ക്കുക. കൂടാതെ, നിങ്ങളു​ടെ കേസ്‌ കൈകാ​ര്യം ചെയ്യുന്ന ഡോക്ട​റോട്‌ അതിനെ സംബന്ധിച്ച്‌ വ്യക്തി​പ​ര​മാ​യി സംസാ​രി​ക്കുക. എന്നാൽ അപ്രതീ​ക്ഷി​ത​മായ ഒരു അടിയ​ന്തിര സാഹച​ര്യം ഉണ്ടെങ്കി​ലോ? ആദരപൂർവ്വ​ക​വും ന്യായ​യു​ക്ത​വു​മായ ഒരു ചർച്ച ഡോക്ട​റു​മാ​യി നടത്തു​ന്ന​തി​നാൽ മിക്ക​പ്പോ​ഴും അസുഖ​ക​ര​മായ ഏററു​മു​ട്ട​ലു​കൾ ഒഴിവാ​ക്കാൻ കഴിയും; സഹായി​ക്കു​ന്ന​തിന്‌ അയാളു​ടെ വൈദ​ഗ്‌ദ്ധ്യ​ങ്ങൾ ഉപയോ​ഗി​ക്കാ​നും എന്നാൽ നിങ്ങളു​ടെ ക്രിസ്‌തീയ മനഃസാ​ക്ഷി​യോ​ടു​ളള ആദര​വോ​ടെ അങ്ങനെ ചെയ്യാ​നും അയാളെ പ്രോ​ത്സാ​ഹി​പ്പി​ക്കുക. (സദൃശ. 15:1; 16:21, 23) എന്നുവ​രി​കി​ലും, ഒരുപക്ഷേ, രക്തം നിരസി​ക്കു​ന്നത്‌ നമ്മുടെ ജീവനെ അപകട​പ്പെ​ടു​ത്തു​മെന്ന്‌, സദു​ദ്ദേ​ശ്യ​ങ്ങ​ളു​ളള ചികി​ത്സകർ ശഠിക്കു​ക​യും അങ്ങനെ വിട്ടു​വീ​ഴ്‌ചക്കു നമ്മെ നിർബ്ബ​ന്ധി​ക്കാൻ ശ്രമി​ക്കു​ക​യു​മാ​ണെ​ങ്കി​ലോ? യഹോ​വ​യു​ടെ വഴിക​ളു​ടെ ഔചി​ത്യ​ത്തി​ലു​ളള വിശ്വാ​സം നമ്മെ ദൃഢത​യു​ള​ള​വ​രാ​ക്കേ​ണ്ട​താണ്‌. യഹോ​വ​യോ​ടു​ളള വിശ്വ​സ്‌തത നാം ദൃഢചി​ത്ത​ത​യോ​ടെ ചെറു​ത്തു​നിൽക്കാ​നി​ട​യാ​ക്കേ​ണ്ട​താണ്‌, എന്തു​കൊ​ണ്ടെ​ന്നാൽ നാം മനുഷ്യ​രെ​ക്കാൾ ദൈവത്തെ അനുസ​രി​ക്കാൻ ഇഷ്ടപ്പെ​ടു​ന്നു.—പ്രവൃ​ത്തി​കൾ 5:29; ഇയ്യോബ്‌ 2:4; സദൃശ​വാ​ക്യ​ങ്ങൾ 27:11 ഇവ താരത​മ്യ​പ്പെ​ടു​ത്തുക.

സംഗതി എത്ര ഗൗരവ​മു​ള​ള​താണ്‌?

10. ഒരു ജീവനെ രക്ഷിക്കാൻ ഒരു രക്തപ്പകർച്ച ആവശ്യ​മാ​ണെ​ന്നു​ളള അവകാ​ശ​വാ​ദം സംഗതി​സം​ബ​ന്ധിച്ച നമ്മുടെ വീക്ഷണ​ത്തി​നു മാററം വരുത്തു​ക​യി​ല്ലാ​ത്ത​തെ​ന്തു​കൊണ്ട്‌?

¹⁰ യഹോ​വയെ ഇപ്പോ​ഴും അറിയാ​ത്ത​വർക്ക്‌, രക്തപ്പകർച്ച​കൾക്ക്‌ അനുകൂ​ല​മായ വാദങ്ങൾ ചില​പ്പോൾ ജീവന്റെ പവി​ത്ര​ത​യോ​ടു​ളള ഉയർന്ന ആദരവു പ്രകട​മാ​ക്കു​ന്ന​താ​യി തോന്നി​യേ​ക്കാം. എന്നാൽ ഈ വിധത്തിൽ വാദി​ക്കുന്ന അനേകർ ഗർഭച്ഛി​ദ്രം മൂലമു​ളള ജീവനാ​ശ​ത്തി​നു​നേരേ കണ്ണടക്കു​ക​യും ചെയ്യു​ന്നു​വെ​ന്നത്‌ ഞങ്ങൾ മറക്കു​ന്നില്ല. ജീവ​നെ​യും രക്തത്തെ​യും സംബന്ധിച്ച്‌ ഏതു ചികിസാ“വിദഗ്‌ദ്ധ”നെയും​കാൾ കൂടുതൽ യഹോ​വ​ക്ക​റി​യാം. അവന്റെ കല്‌പ​ന​ക​ളെ​ല്ലാം നമ്മുടെ നൻമക്കാ​ണെന്ന്‌, നമ്മുടെ ഇപ്പോ​ഴത്തെ ജീവ​നെ​യും നമ്മുടെ ഭാവി പ്രത്യാ​ശ​ക​ളെ​യും കാത്തു​സൂ​ക്ഷി​ക്കു​ന്ന​വ​യാ​ണെന്ന്‌, തെളി​ഞ്ഞി​രി​ക്കു​ന്നു. (യെശ. 48:17; 1 തിമൊ. 4:8) ‘രക്തം വർജ്ജിക്കാ’നുളള കല്‌പ​നക്ക്‌ എന്തെങ്കി​ലും വ്യത്യ​സ്‌ത​ത​യു​ണ്ടോ?

11. (എ) രക്തത്തിന്റെ ഏത്‌ ഉപയോ​ഗം മാത്ര​മാണ്‌ യഹോവ യിസ്രാ​യേ​ലിന്‌ അനുവ​ദി​ച്ചത്‌? (ബി) ക്രിസ്‌ത്യാ​നി​ക​ളെന്ന നിലയിൽ നമുക്ക്‌ ഇതു വളരെ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

¹¹ രക്തത്തിന്റെ പവി​ത്ര​തയെ ആദരി​ക്കു​ന്ന​തി​ന്റെ ഗൗരവം, രക്തത്തിന്റെ ഏക ഉപയോ​ഗം സംബന്ധിച്ച്‌ യഹോവ പറഞ്ഞി​ട്ടു​ള​ള​തി​നാൽ ദൃഢീ​ക​രി​ക്ക​പ്പെ​ടു​ന്നു. “മാംസ​ത്തി​ന്റെ ദേഹി രക്തത്തി​ലാ​കു​ന്നു, നിങ്ങളു​ടെ ദേഹി​കൾക്ക്‌ പാപപ​രി​ഹാ​രം വരുത്തു​ന്ന​തിന്‌ ഞാൻതന്നെ അതു നിങ്ങൾക്കു​വേണ്ടി യാഗപീ​ഠ​ത്തിൻമേൽ  വെച്ചി​രി​ക്കു​ന്നു, എന്തു​കൊ​ണ്ടെ​ന്നാൽ രക്തമാണ്‌ അതിലെ ദേഹി​യാൽ പാപപ​രി​ഹാ​രം വരുത്തു​ന്നത്‌. അതു​കൊ​ണ്ടാണ്‌ ‘നിങ്ങളിൽ യാതൊ​രു ദേഹി​യും രക്തം ഭക്ഷിക്ക​രുത്‌’ എന്നു ഞാൻ യിസ്രാ​യേൽ പുത്രൻമാ​രോ​ടു പറഞ്ഞി​രി​ക്കു​ന്നത്‌.” (ലേവ്യ. 17:11, 12) ആ വ്യവസ്ഥ​ക്ക​നു​യോ​ജ്യ​മാ​യി യഹോ​വ​യു​ടെ യാഗപീ​ഠ​ത്തി​ങ്കൽ ചൊരി​യ​പ്പെട്ട സകല മൃഗര​ക്ത​വും യേശു​ക്രി​സ്‌തു​വി​ന്റെ വില​യേ​റിയ രക്തത്തെ മുൻനി​ഴ​ലാ​ക്കി. (എബ്രാ. 9:11, 12; 1 പത്രോ. 1:18, 19) അങ്ങനെ രക്തത്തിന്റെ മററ്‌ ഏതൊരു ഉപയോ​ഗ​ത്തെ​യും വിലക്കുന്ന ദൈവ​നി​യ​മ​ത്താൽ യേശു​വി​ന്റെ രക്തത്തിന്റെ പവി​ത്ര​ത​തന്നെ ദൃഢീ​ക​രി​ക്ക​പ്പെ​ടു​ന്നു. രക്തത്തിന്റെ ഏതു ദുരു​പ​യോ​ഗ​വും രക്ഷക്കു​വേണ്ടി തന്റെ പുത്രൻ മുഖേന യഹോവ ചെയ്‌തി​രി​ക്കുന്ന കരുത​ലി​നോ​ടു​ളള കടുത്ത അനാദ​ര​വി​നെ പ്രകട​മാ​ക്കു​ന്നു​വെന്ന്‌ ഇതിൽനിന്ന്‌ കാണാൻ കഴിയും.

12. മരണത്തെ അഭിമു​ഖീ​ക​രി​ക്കു​ന്നു​വെ​ങ്കിൽ, ജീവി​ച്ചി​രി​ക്കാ​നു​ളള ശ്രമത്തിൽ ഒരു സത്യ​ക്രി​സ്‌ത്യാ​നി രക്തത്തിന്റെ ഏതെങ്കി​ലും ദുരു​പ​യോ​ഗത്തെ ആശ്രയി​ക്കു​ക​യി​ല്ലാ​ത്ത​തെ​ന്തു​കൊണ്ട്‌?

¹² ഒരു ജീവൻമരണ സാഹച​ര്യ​ത്തെ അഭിമു​ഖീ​ക​രി​ക്കു​മ്പോൾ, ഒരുവൻ ദൈവ​ത്തി​നു നേരേ പുറം​തി​രി​ഞ്ഞു കളയു​ന്നത്‌ എത്ര ഹ്രസ്വ​ദൃ​ഷ്ടി​യാ​യി​രി​ക്കും! നാം മനഃസാ​ക്ഷി​ബോ​ധ​മു​ളള ഡോക്ടർമാ​രു​ടെ സേവന​ങ്ങളെ വിലമ​തി​ക്കു​ന്നു​വെ​ങ്കി​ലും ഈ ജീവി​ത​മാണ്‌ സർവ്വസ്വ​വും എന്നപോ​ലെ, ദൈവ​നി​യമം ലംഘി​ച്ചു​കൊണ്ട്‌ നമ്മെയോ നമ്മുടെ പ്രിയ​പ്പെ​ട്ട​വ​രേ​യോ ഏതാനും ദിവസ​ങ്ങ​ളോ വർഷങ്ങ​ളോ കൂടെ ജീവ​നോ​ടെ നിലനിർത്താൻ നാം സാഹസി​ക​മാ​യി ശ്രമി​ക്കു​ന്നില്ല. യേശു​വി​ന്റെ ചൊരി​യ​പ്പെട്ട രക്തത്തിന്റെ മൂല്യ​ത്തി​ലും അതു സാദ്ധ്യ​മാ​ക്കുന്ന നിത്യ ജീവനി​ലും നമുക്കു വിശ്വാ​സ​മുണ്ട്‌. ദൈവ​ത്തി​ന്റെ വിശ്വസ്‌ത ദാസൻമാർക്ക്‌—മരിക്കു​ന്ന​വർക്കു​പോ​ലും—നിത്യ​ജീ​വന്റെ പ്രതി​ഫലം നൽക​പ്പെ​ടു​മെന്ന്‌ നാം മുഴു​ഹൃ​ദ​യ​ത്തോ​ടെ വിശ്വ​സി​ക്കു​ന്നു.—യോഹ. 11:25; 1 തിമൊ. 4:10.

പുനരവലോകന ചർച്ച

● ജീവ​നെ​യും രക്തത്തെ​യും പവി​ത്ര​മാ​ക്കു​ന്ന​തെന്ത്‌? ലോകം ഒരു വ്യത്യസ്‌ത വീക്ഷണ​ത്തി​ന​നു​കൂ​ല​മാ​യി വാദി​ക്കു​ന്ന​തെ​ന്തു​കൊണ്ട്‌?

● മൃഗങ്ങ​ളു​ടെ കാര്യ​ത്തിൽ, അവയുടെ രക്തത്തിന്റെ പവി​ത്ര​ത​യോട്‌ നാം എങ്ങനെ ആദരവു കാട്ടുന്നു?

● നാം മനുഷ്യ​ജീ​വനെ പവി​ത്ര​മാ​യി കരുതു​ന്നു​വെന്ന്‌ ഏതു വിവിധ വിധങ്ങ​ളിൽ നമ്മളെ​ല്ലാം പ്രകട​മാ​ക്കേ​ണ്ട​താണ്‌? അങ്ങനെ ചെയ്യു​ന്നത്‌ എത്ര പ്രധാ​ന​മാണ്‌?

[അധ്യയന ചോദ്യ​ങ്ങൾ]