അധ്യായം 14

‘ഞാൻ ഒരു രാജ്യ​ത്തി​നു​വേണ്ടി നിങ്ങ​ളോട്‌ ഒരു ഉടമ്പടി ചെയ്യുന്നു’

1. യേശു​വി​ന്റെ മരണത്തി​ന്റെ തലേരാ​ത്രി​യിൽ അവൻ തന്റെ അപ്പോ​സ്‌ത​ലൻമാ​രു​ടെ മുമ്പാകെ എന്തു പ്രത്യാശ വെച്ചു?

¹ യേശു വധിക്ക​പ്പെ​ട്ട​തി​ന്റെ തലേ രാത്രി​യി​ലാ​യി​രു​ന്നു അവൻ തന്റെ വിശ്വ​സ്‌ത​രായ അപ്പോ​സ്‌ത​ലൻമാ​രോട്‌ ‘എന്റെ പിതാ​വി​ന്റെ വീട്ടിൽ അനേകം വസതി​ക​ളുണ്ട്‌. ഞാൻ ആയിരി​ക്കു​ന്ന​ടത്ത്‌ നിങ്ങളും ആയിരി​ക്കേ​ണ്ട​തിന്‌, ഞാൻ നിങ്ങൾക്കു​വേണ്ടി ഒരു സ്ഥലമൊ​രു​ക്കു​വാൻ പോകു​ക​യാ​കു​ന്നു’ എന്നു പറഞ്ഞത്‌. അവൻ അവരോട്‌ കൂടു​ത​ലാ​യി ഇങ്ങനെ പറഞ്ഞു: “എന്റെ പിതാവ്‌ എന്നോട്‌ ഒരു ഉടമ്പടി ചെയ്‌ത​തു​പോ​ലെ​തന്നെ, ഞാൻ ഒരു രാജ്യ​ത്തി​നു​വേണ്ടി നിങ്ങ​ളോട്‌ ഒരു ഉടമ്പടി ചെയ്യുന്നു.” (യോഹ. 14:2, 3; ലൂക്കോ. 22:29) അവൻ അവരുടെ മുമ്പാകെ എന്തോരു അത്ഭുത​ക​ര​മായ പ്രതീ​ക്ഷ​യാ​ണു വെച്ചത്‌!

2. എത്രപേർ ക്രിസ്‌തു​വി​നോ​ടു​കൂ​ടെ അവന്റെ സ്വർഗ്ഗീയ രാജ്യ​ത്തിൽ പങ്കെടു​ക്കും?

² എന്നിരു​ന്നാ​ലും, ആ അപ്പോ​സ്‌ത​ലൻമാർ മാത്രമേ തന്നോ​ടു​കൂ​ടെ സ്വർഗ്ഗീ​യ​രാ​ജ്യ​ത്തിൽ ഭരിക്കു​ക​യു​ള​ളു​വെന്ന്‌ യേശു അർത്ഥമാ​ക്കി​യില്ല. ഭൂമി​യിൽനിന്ന്‌ വീണ്ടെ​ടു​ക്ക​പ്പെ​ടുന്ന 1,44,000 പേർക്കും ആ മഹത്തായ പദവി ലഭിക്കു​മെന്ന്‌ പിന്നീട്‌ അറിയി​ക്ക​പ്പെട്ടു. (വെളി. 5:9, 10; 14:1, 4) ഇന്ന്‌ അത്‌ കരസ്ഥമാ​ക്കാൻ ചിലർ ശ്രമി​ക്കു​ന്നു​ണ്ടോ?

രാജ്യാ​വ​കാ​ശി​കളെ കൂട്ടി​ച്ചേർക്കൽ

3. യേശു തന്റെ പരസ്യ​ശു​ശ്രൂ​ഷ​യിൽ ഏത്‌ അവസര​ത്തി​ലേക്കു ശ്രദ്ധ ക്ഷണിച്ചു?

³ യോഹ​ന്നാൻ സ്‌നാ​പകൻ ഹെരോദ്‌ അന്തിപ്പാ​സി​നാൽ തടവി​ലാ​ക്ക​പ്പെ​ട്ട​ശേഷം, യേശു ഊർജ്ജി​ത​മായ ഒരു പരസ്യ​പ്ര​സംഗ പ്രസ്ഥാനം ഏറെറ​ടു​ത്തു, അതിൽ അവൻ “സ്വർഗ്ഗ​രാ​ജ്യ​ത്തിൽ” ശ്രദ്ധ കേന്ദ്രീ​ക​രി​ച്ചു. (മത്താ. 4:12, 17) അവൻ ആളുകൾക്ക്‌ ആ രാജ്യ​ത്തിൽ പ്രവേ​ശി​ക്കു​ന്ന​തി​നു​ളള അവസരം  ഉണ്ടായി​രി​ക്കു​മെ​ന്നു​ളള ബോധം അവരിൽ ഉളവാക്കി, അവന്റെ ശിഷ്യൻമാർ ആ സമ്മാന​ത്തി​നു​വേണ്ടി ആത്മാർത്ഥ​മാ​യി എത്തിപ്പി​ടി​ച്ചു.—മത്താ. 5:3, 10, 20; 7:21; 11:12.

4. (എ) യേശു​വി​ന്റെ ശിഷ്യൻമാ​രിൽ ആദ്യത്തവർ എപ്പോൾ പരിശു​ദ്ധാ​ത്മാ​വി​നാൽ അഭി​ഷേകം ചെയ്യ​പ്പെട്ടു? (ബി) അന്നുമു​തൽ രാജ്യാ​വ​കാ​ശി​ക​ളു​ടെ കൂട്ടി​ച്ചേർക്ക​ലിന്‌ ശ്രദ്ധതി​രി​ച്ചു​വി​ട്ടു​കൊ​ണ്ടി​രു​ന്നു​വെന്ന്‌ എന്തു പ്രകട​മാ​ക്കു​ന്നു?

⁴ പൊ. യു. 33-ലെ പെന്തെ​ക്കോ​സ്‌തിൽ അവരിൽ ആദ്യത്തവർ പരിശു​ദ്ധാ​ത്മാ​വി​നാൽ അഭി​ഷേകം ചെയ്യ​പ്പെട്ടു. (പ്രവൃ. 2:1-4; 2 കൊരി. 1:21, 22) അമർത്ത്യ​സ്വർഗ്ഗീയ ജീവനി​ലേക്കു നയിക്കുന്ന ദൈവ​ത്തി​ന്റെ രക്ഷാവ്യ​വസ്ഥ അറിയി​ക്ക​പ്പെട്ടു. ആദ്യമാ​യി യഹൂദൻമാർക്കും, അടുത്ത​താ​യി ശമര്യ​ക്കാർക്കും, പിന്നീട്‌ വിജാ​തീയ രാഷ്‌ട്ര​ങ്ങ​ളി​ലെ ആളുകൾക്കും ഈ അറിവു തുറന്നു​കൊ​ടു​ക്കു​ന്ന​തിന്‌ പത്രോസ്‌ “സ്വർഗ്ഗ​രാ​ജ്യ​ത്തി​ന്റെ താക്കോ​ലു​കൾ” ഉപയോ​ഗി​ച്ചു. (മത്താ. 16:19) മനുഷ്യ​വർഗ്ഗത്തെ 1,000 വർഷം ഭരിക്കാ​നു​ളള ഗവൺമെൻറിന്‌ രൂപം കൊടു​ക്കു​ന്ന​തിന്‌ പ്രത്യേ​ക​ശ്രദ്ധ കൊടു​ക്ക​പ്പെ​ടു​ക​യാ​യി​രു​ന്നു, ക്രിസ്‌തീ​യ​ഗ്രീക്ക്‌ തിരു​വെ​ഴു​ത്തു​ക​ളി​ലെ മിക്കവാ​റു​മെല്ലാ നിശ്വസ്‌ത ലേഖന​ങ്ങ​ളും രാജ്യാ​വ​കാ​ശി​ക​ളു​ടെ ഈ കൂട്ടത്തി​നു​വേ​ണ്ടി​യാണ്‌ തിരി​ച്ചു​വി​ട​പ്പെ​ടു​ന്നത്‌—“സ്വർഗ്ഗീ​യ​വി​ളി​യു​ടെ ഓഹരി​ക്കാ​രായ” “വിശു​ദ്ധൻമാർ”ക്കുവേ​ണ്ടി​ത്തന്നെ. a

5. അവർ സ്വർഗ്ഗീയ ജീവനി​ലേക്കു വിളി​ക്ക​പ്പെ​ട്ടത്‌ അവർ അവർക്കു മുമ്പ്‌ ജീവി​ച്ചി​രു​ന്ന​വ​രെ​ക്കാൾ മെച്ചപ്പെട്ട ദൈവ​ദാ​സൻമാ​രാ​യി​രു​ന്ന​തു​കൊ​ണ്ടാ​ണോ?

⁵ അവർ സ്വർഗ്ഗീയ ജീവനി​ലേക്കു വിളി​ക്ക​പ്പെ​ട്ടത്‌ അവർ പൊ. യു. 33-ലെ പെന്തെ​ക്കോ​സ്‌തി​നു മുമ്പ്‌ മരിച്ച ദൈവ​ദാ​സൻമാ​രെ​ക്കാ​ളെ​ല്ലാം ഏതോ വിധത്തിൽ മെച്ചമാ​യി​രു​ന്ന​തു​കൊ​ണ്ടല്ല. (മത്താ. 11:11) പകരം, യഹോവ ഇപ്പോൾ യേശു​ക്രി​സ്‌തു​വി​ന്റെ സഹഭര​ണാ​ധി​കാ​രി​ക​ളാ​യി​രി​ക്കാ​നു​ള​ള​വരെ തെര​ഞ്ഞെ​ടു​ക്കാൻ തുടങ്ങി​യി​രു​ന്നു. ഇതിനു​ശേഷം ഏതാണ്ടു 19 നൂററാ​ണ്ടു​ക​ളിൽ ഒരൊററ വിളി, സ്വർഗ്ഗീ​യ​വി​ളി, മാത്രമേ ഉണ്ടായി​രു​ന്നു​ളളു. ദൈവം സ്‌നേ​ഹ​പൂർവ്വ​ക​വും ജ്ഞാനപൂർവ്വ​ക​വു​മായ സ്വന്തം ഉദ്ദേശ്യ​ങ്ങ​ളു​ടെ നടപ്പാ​ക്ക​ലിൽ ഒരു പരിമി​ത​സം​ഖ്യ​ക്കു നൽകിയ ഒരു അനർഹ​ദ​യ​യാ​യി​രു​ന്നു അത്‌.—എഫേ. 2:8-10.

6. (എ) സ്വർഗ്ഗീ​യ​വി​ളി അവസാ​നി​ക്കേണ്ട സമയം വരേണ്ട​തെ​ന്തു​കൊണ്ട്‌? (ബി) “മഹാപു​രു​ഷാര”ത്തെ സംബന്ധിച്ച പ്രവച​ന​ങ്ങ​ളും നിവർത്തി​ക്ക​ത്ത​ക്ക​വണ്ണം ആർ കാര്യ​ങ്ങളെ നയിക്കും, എന്ത്‌ യഥാർത്ഥ​മാ​യി സംഭവി​ച്ചി​രി​ക്കു​ന്നു?

 ⁶ കാല​ക്ര​മ​ത്തിൽ 1,44,000 എന്ന നിർദ്ദി​ഷ്ട​മെ​ങ്കി​ലും പരിമി​ത​മായ സംഖ്യ തികയും. ഈ ആത്മീയ യിസ്രാ​യേ​ല്യ​രു​ടെ അംഗീ​കാ​രത്തെ കാണി​ക്കുന്ന അന്തിമ മുദ്ര​യി​ടീൽ സമീപി​ച്ചി​രി​ക്കും. (വെളി. 7:1-8) പിന്നീട്‌ യഹോവ തന്റെ ആത്മാവും തന്റെ ദൃശ്യ​സ്ഥാ​പ​ന​ത്തി​നു​വേണ്ടി താൻ സാദ്ധ്യ​മാ​ക്കിയ തന്റെ വചനത്തി​ന്റെ ഗ്രാഹ്യ​വും മുഖേന വെളി​പ്പാട്‌ 7:9-17-ൽ വർണ്ണി​ക്ക​പ്പെ​ട്ടി​രി​ക്കുന്ന, തന്റെ ഉദ്ദേശ്യ​ത്തി​ന്റെ മറെറാ​രു ഭാഗത്തെ നിവർത്തി​ക്ക​ത്ത​ക്ക​വണ്ണം കാര്യ​ങ്ങളെ നയിക്കും. മഹോ​പ​ദ്ര​വത്തെ അതിജീ​വിച്ച്‌ ഒരു ഭൗമിക പരദീ​സ​യിൽ പൂർണ്ണ​ത​യിൽ എന്നേക്കും ജീവി​ക്കു​ന്ന​തി​നു​ളള പുളക​പ്ര​ദ​മായ പ്രത്യാ​ശ​യോ​ടെ സകല ജനതക​ളിൽനി​ന്നു​മു​ളള ഒരു “മഹാപു​രു​ഷാ​രം” കൂട്ടി​ച്ചേർക്ക​പ്പെ​ടും. യഥാർത്ഥ​ത്തിൽ സംഭവി​ച്ചി​രി​ക്കു​ന്ന​തി​നെ​ക്കു​റി​ച്ചു നാം പരിചി​ന്തി​ക്കു​മ്പോൾ പൊ. യു. 1935 എന്ന വർഷ​ത്തോ​ട​ടുത്ത്‌ പൊതു​സ്വർഗ്ഗീയ വിളി പൂർത്തി​യാ​യി എന്നു സ്‌പഷ്ട​മാ​ണെന്നു തോന്നു​ന്നു, അന്ന്‌ “മഹാപു​രു​ഷാര”ത്തിന്റെ ഭൗമിക പ്രത്യാശ വ്യക്തമാ​യി മനസ്സി​ലാ​ക്ക​പ്പെട്ടു. അന്നു മുതൽ ഇവിടെ ഭൂമി​യിൽത്തന്നെ എന്നേക്കും ജീവി​ക്കു​ന്ന​തിന്‌ ആത്മാർത്ഥ​മാ​യി പ്രത്യാ​ശി​ക്കുന്ന, യഹോ​വ​യു​ടെ ദശലക്ഷ​ക്ക​ണ​ക്കിന്‌ ആരാധകർ സ്വർഗ്ഗീയ വർഗ്ഗത്തിൽ ശേഷി​ച്ചി​രി​ക്കുന്ന താരത​മ്യേന ചുരു​ക്ക​മായ ആയിര​ങ്ങ​ളോ​ടു​ളള സഹവാ​സ​ത്തി​ലേക്കു വരുത്ത​പ്പെ​ട്ടി​രി​ക്കു​ന്നു.

7. ചിലർക്ക്‌ ഇക്കാല​ത്തു​പോ​ലും സ്വർഗ്ഗീ​യ​വി​ളി ലഭിക്കാൻ സാദ്ധ്യ​ത​യു​ണ്ടോ, നിങ്ങൾ അങ്ങനെ ഉത്തരം നൽകു​ന്ന​തെ​ന്തു​കൊണ്ട്‌?

⁷ ഇപ്പോൾ സ്വർഗ്ഗീ​യ​ജീ​വ​നി​ലേക്ക്‌ ആരും ദൈവ​ത്താൽ വിളി​ക്ക​പ്പെ​ടു​ന്നി​ല്ലെന്ന്‌ ഇതിനർത്ഥ​മു​ണ്ടോ? അന്തിമ മുദ്ര​യി​ടീൽ നടക്കു​ന്ന​തു​വരെ, ആ പ്രത്യാ​ശ​യു​ളള ചുരുക്കം ചിലർ അവിശ്വ​സ്‌ത​രെന്നു തെളി​ഞ്ഞേ​ക്കാൻ സാദ്ധ്യ​ത​യുണ്ട്‌. അവരുടെ സ്ഥാന​ത്തേക്ക്‌ മററു​ള​ള​വരെ തെര​ഞ്ഞെ​ടു​ക്കേ​ണ്ടി​വ​രും. എന്നാൽ ഇത്‌ ഒരു അപൂർവ്വ​സം​ഭ​വ​മാ​യി​രി​ക്കു​മെന്നു​ള​ളത്‌ ന്യായ​യു​ക്ത​മാ​യി തോന്നു​ന്നു.

ആത്മീയ പുത്രൻമാർ—അവർ എങ്ങനെ അറിയു​ന്നു?

8. പരിശു​ദ്ധാ​ത്മാ​വി​നാൽ ജനിപ്പി​ക്ക​പ്പെ​ട്ട​വർക്ക്‌ ആ വസ്‌തുത സംബന്ധിച്ച്‌ ബോധ​മു​ണ്ടെന്നു പ്രകട​മാ​ക്കി​ക്കൊണ്ട്‌ പൗലോസ്‌ എന്തു വിശദീ​ക​രണം നൽകുന്നു?

⁸ ദൈവ​ത്തി​ന്റെ ആത്മാവ്‌ സ്വർഗ്ഗീ​യ​വി​ളി ലഭിച്ചി​ട്ടു​ളള സ്‌നാ​ന​മേററ ക്രിസ്‌ത്യാ​നി​കൾക്ക്‌ ആത്മീയ​പു​ത്രൻമാ​രാ​യു​ളള ദത്തെടു​പ്പി​ന്റെ സുനി​ശ്ചിത ഉറപ്പു കൊടു​ക്കു​ന്നു. അപ്പോ​സ്‌ത​ല​നായ പൗലോസ്‌ റോമി​ലെ വിശു​ദ്ധൻമാർക്ക്‌,  അന്നത്തെ സകല സത്യ​ക്രി​സ്‌ത്യാ​നി​ക​ളു​ടെ​യും അവസ്ഥ എന്തെന്നു വർണ്ണി​ച്ചു​കൊണ്ട്‌ എഴുതി​യ​പ്പോൾ ഇതു പ്രകട​മാ​ക്കു​ക​യു​ണ്ടാ​യി. അവൻ ഇങ്ങനെ പറഞ്ഞു: “ദൈവാ​ത്മാ​വി​നാൽ നയിക്ക​പ്പെ​ടുന്ന എല്ലാവ​രും ദൈവ​പു​ത്രൻമാ​രാ​കു​ന്നു. എന്തെന്നാൽ വീണ്ടും ഭയം ജനിപ്പി​ക്കുന്ന അടിമ​ത്ത​ത്തി​ന്റെ ഒരു ആത്മാവ്‌ നിങ്ങൾക്കു ലഭിച്ചില്ല, എന്നാൽ പുത്രൻമാ​രാ​യു​ളള ദത്തെടു​പ്പി​ന്റെ ഒരു ആത്മാവ്‌ നിങ്ങൾക്കു ലഭിച്ചു, ആ ആത്മാവി​നാൽ നാം ‘അബ്ബാ, പിതാവേ!’ എന്നു വിളി​ക്കു​ന്നു. നാം ദൈവ​മ​ക്ക​ളാ​കു​ന്നു​വെന്ന്‌ ആത്മാവു​തന്നെ നമ്മുടെ ആത്മാ​വോ​ടു​കൂ​ടെ സാക്ഷ്യം വഹിക്കു​ന്നു. അപ്പോൾ, നാം മക്കളാ​ണെ​ങ്കിൽ, നാം അവകാ​ശി​ക​ളു​മാ​കു​ന്നു: തീർച്ച​യാ​യും ദൈവ​ത്തി​ന്റെ അവകാ​ശി​കൾ, എന്നാൽ ക്രിസ്‌തു​വി​നോ​ടു​കൂ​ടെ കൂട്ടവ​കാ​ശി​കൾ, നാം ഒരുമിച്ച്‌ മഹത്വീ​ക​രി​ക്ക​പ്പെ​ടു​ക​യും ചെയ്യേ​ണ്ട​തിന്‌ നാം ഒരുമിച്ച്‌ കഷ്ടപ്പാ​ട​നു​ഭ​വി​ച്ചാ​ല​ത്രെ.”—റോമ. 1:7; 8:14-17.

9. യഥാർത്ഥ​ത്തിൽ ദൈവ​പു​ത്രൻമാ​രാ​യി​രി​ക്കു​ന്നവ​രു​ടെ ആത്മാ​വോ​ടു​കൂ​ടെ ‘ആത്മാവു​തന്നെ സാക്ഷ്യം വഹിക്കുന്ന’തെങ്ങനെ?

⁹ “ആത്മാവ്‌” എന്ന പദത്തിന്റെ രണ്ട്‌ ഉപയോ​ഗങ്ങൾ ഇവിടെ നമ്മുടെ ശ്രദ്ധയി​ലേക്കു വരുത്ത​പ്പെ​ടു​ന്നു: “ആത്മാവു​തന്നെ”യും “നമ്മുടെ ആത്മാവും.” ആദ്യ​ത്തേത്‌ ദൈവ​ത്തി​ന്റെ അദൃശ്യ​മായ പ്രവർത്ത​ന​നി​ര​ത​ശ​ക്തി​യാണ്‌. അത്‌ തന്റെ ആത്മീയ മക്കളിൽ ദൈവ​ത്തി​ന്റെ സ്വത​ന്ത്ര​മ​ക്ക​ളാ​യി ദത്തെടു​ക്ക​പ്പെ​ട്ടി​രി​ക്കു​ന്ന​താ​യു​ളള ഒരു ബോദ്ധ്യ​ത്തിന്‌ പ്രചോ​ദനം കൊടു​ക്കു​ന്നു. ആ ആത്മാവ്‌ ദൈവ​ത്തി​ന്റെ നിശ്വ​സ്‌ത​വ​ച​ന​മായ ബൈബി​ളി​ലൂ​ടെ​യും സാക്ഷ്യം വഹിക്കു​ന്നു, അത്‌ തന്റെ ആത്മീയ​മ​ക്കൾക്കു​ളള ഒരു വ്യക്തി​പ​ര​മായ എഴുത്തു​പോ​ലെ​യാണ്‌. (1 പത്രോ. 1:10-12) ദൈവ​ത്തി​ന്റെ ആത്മീയ പുത്രൻമാ​രാ​യി​രി​ക്കു​ന്ന​വ​രോട്‌ തിരു​വെ​ഴു​ത്തു​കൾ പറയു​ന്നത്‌ പരിശു​ദ്ധാ​ത്മാ​വി​നാൽ ജനിപ്പി​ക്ക​പ്പെ​ട്ടി​രി​ക്കു​ന്നവർ വായി​ക്കു​മ്പോൾ ‘അത്‌ എനിക്കു ബാധക​മാ​കു​ന്നു’ എന്ന്‌ അവർ ഉചിത​മാ​യി പ്രതി​വ​ചി​ക്കു​ന്നു. അങ്ങനെ ദൈവ​ത്തി​ന്റെ സ്വന്തം പ്രവർത്ത​ന​നി​ര​ത​ശക്തി, വിവിധ വിധങ്ങ​ളിൽ, അവർ ദൈവ​മ​ക്ക​ളാ​ണെന്ന്‌, അവരുടെ സ്വന്തം മനസ്സി​ലെ​യും ഹൃദയ​ത്തി​ലെ​യും പ്രേര​ക​ശ​ക്തി​യായ അവരുടെ ആത്മാ​വോ​ടു​കൂ​ടെ സാക്ഷ്യം വഹിക്കു​ന്നു. അങ്ങനെ ദൈവാ​ത്മാവ്‌ സൂചി​പ്പി​ക്കു​ന്ന​തി​ന​നു​യോ​ജ്യ​മാ​യി അവരുടെ മനസ്സു​ക​ളും ഹൃദയ​ങ്ങ​ളും ക്രിസ്‌തു​വി​നോ​ടു​കൂ​ടെ കൂട്ടവ​കാ​ശി​ക​ളാ​യി​രി​ക്കു​ന്ന​തി​ന്റെ പ്രത്യാശ സംബന്ധിച്ച്‌ ഉറയ്‌ക്കു​ന്നു. അവർ ദൈവ​ത്തി​ന്റെ ആത്മീയ​മ​ക്ക​ളു​ടെ ഉത്തരവാ​ദി​ത്തങ്ങൾ സ്വീക​രി​ക്കു​ന്നു.—ഫിലി. 3:13, 14.

10. (എ) ഏതു വസ്‌തു​തകൾ അവയിൽത്തന്നെ ഒരുവനെ ഒരു അഭിഷിക്ത ക്രിസ്‌ത്യാ​നി​യാ​യി തിരി​ച്ച​റി​യി​ക്കു​ന്നില്ല? (ബി) “വേറെ ആടുകൾ” ദൈ​വോ​ദ്ദേ​ശ്യ​ത്തി​ലെ തങ്ങളുടെ സ്ഥാനം സംബന്ധിച്ച്‌ എന്തു വീക്ഷണം കൈ​ക്കൊ​ള​ളു​ന്നു?

 ¹⁰ അതു നിങ്ങളെ സംബന്ധി​ച്ചു സത്യമാ​ണോ? ആണെങ്കിൽ നിങ്ങൾക്ക്‌ അത്ഭുത​ക​ര​മായ ഒരു പദവി​യുണ്ട്‌. എന്നിരു​ന്നാ​ലും, ഒരു വ്യക്തിക്ക്‌ ആഴമേ​റിയ ആത്മീയ കാര്യ​ങ്ങ​ളോട്‌ തീവ്ര​മായ വിലമ​തി​പ്പു​ള​ള​തു​കൊ​ണ്ടോ വയൽശു​ശ്രൂ​ഷ​യിൽ തീക്ഷ്‌ണ​ത​യു​ള​ള​തു​കൊ​ണ്ടോ തന്റെ സഹോ​ദ​രൻമാ​രോട്‌ ഉററസ്‌നേ​ഹ​മു​ള​ള​തു​കൊ​ണ്ടോ അയാൾ ആത്മാഭി​ഷി​ക്ത​നായ ഒരു ക്രിസ്‌ത്യാ​നി​യാ​യി​രി​ക്ക​ണ​മെന്ന്‌ ആരെങ്കി​ലും നിഗമനം ചെയ്യു​ന്നത്‌ തെററാ​യി​രി​ക്കും. ആ കാര്യ​ങ്ങൾത​ന്നെ​യാണ്‌ “വേറെ ആടുക​ളിൽ” അനേക​രു​ടെ​യും ലക്ഷണങ്ങൾ. ക്രിസ്‌തു​വി​ന്റെ കൂട്ടവ​കാ​ശി​കളെ സംബന്ധിച്ച്‌ തിരു​വെ​ഴു​ത്തു​ക​ളിൽ അവർ വായി​ക്കുന്ന സംഗതി​ക​ളാൽ അവരുടെ ഹൃദയ​വും പ്രേരി​ത​മാ​കു​ന്നു, എന്നാൽ ദൈവം അവർക്കു​വേണ്ടി കരുതി​വെ​ച്ചി​ട്ടി​ല്ലാത്ത ഒന്ന്‌ അവകാ​ശ​പ്പെ​ടാൻ അവർ സാഹസം കാട്ടു​ന്നില്ല. (സംഖ്യാ​പു​സ്‌തകം 16:1-40 താരത​മ്യ​പ്പെ​ടു​ത്തുക.) ഭൂമിയെ സംബന്ധിച്ച ദൈവ​ത്തി​ന്റെ ആദിമ ഉദ്ദേശ്യ​ത്തെ അവർ തിരി​ച്ച​റി​യു​ക​യും അതിൽ പങ്കുപ​റ​റു​ന്ന​തിന്‌ വിലമ​തി​പ്പോ​ടെ പ്രവർത്തി​ക്കു​ക​യും ചെയ്യുന്നു.

യോഗ്യ​മാ​യി പങ്കുപ​റ​റൽ

11. യേശു​വി​ന്റെ മരണത്തി​ന്റെ വാർഷിക സ്‌മാ​ര​കാ​ഘോ​ഷ​ത്തിന്‌ ആർ ഹാജരാ​കു​ന്നു, എന്തു​കൊണ്ട്‌?

¹¹ ഓരോ വർഷവും നീസാൻ 14-ാം തീയതി സൂര്യാ​സ്‌ത​മ​ന​ത്തി​നു​ശേഷം ഭൂമി​യു​ടെ എല്ലാ ഭാഗങ്ങ​ളി​ലു​മു​ളള യേശു​ക്രി​സ്‌തു​വി​ന്റെ അഭിഷി​ക്താ​നു​ഗാ​മി​കൾ, അവൻ തന്റെ അപ്പോ​സ്‌ത​ലൻമാർക്കു കൊടുത്ത നിർദ്ദേ​ശ​ങ്ങൾക്ക​നു​യോ​ജ്യ​മാ​യി, അവന്റെ മരണത്തി​ന്റെ സ്‌മാ​ര​ക​മാ​ഘോ​ഷി​ക്കു​ന്നു. (ലൂക്കോ. 22:19, 20) അപ്പവീ​ഞ്ഞു​ക​ളിൽ പങ്കെടു​ക്കു​ന്ന​വ​രെന്ന നിലയി​ലല്ല, പിന്നെ​യോ ആദരവു​ളള നിരീ​ക്ഷ​ക​രെന്ന നിലയിൽ “വേറെ ആടുക​ളും” ഹാജരാ​കു​ന്നു.

12. കൊരി​ന്തി​ലെ ചില ആദിമ ക്രിസ്‌ത്യാ​നി​കൾ കർത്താ​വി​ന്റെ സന്ധ്യാ​ഭ​ക്ഷ​ണ​ത്തോട്‌ ഉചിത​മായ വിലമ​തി​പ്പു പ്രകട​മാ​ക്കു​ന്ന​തിൽ പരാജ​യ​പ്പെ​ട്ട​തെ​ങ്ങനെ?

¹² ഇത്‌ അർത്ഥശൂ​ന്യ​മായ മതകർമ്മമല്ല, പിന്നെ​യോ ശക്തമായ അർത്ഥം നിറഞ്ഞ​താണ്‌. ഗ്രീസി​ലെ കൊരി​ന്തി​ലു​ണ്ടാ​യി​രുന്ന ഒന്നാം നൂററാ​ണ്ടി​ലെ ക്രിസ്‌ത്യാ​നി​ക​ളിൽ ചിലർ ആ അവസര​ത്തോട്‌ ഉചിത​മായ വിലമ​തി​പ്പു കാണി​ക്കു​ന്ന​തിൽ പരാജ​യ​പ്പെട്ടു, അപ്പോ​സ്‌ത​ല​നായ പൗലോസ്‌ അവർക്കു ഗൗരവ​മായ ബുദ്ധി​യു​പ​ദേശം കൊടു​ത്തു​കൊണ്ട്‌ ഇങ്ങനെ എഴുതി: “അയോ​ഗ്യ​മാ​യി അപ്പം തിന്നു​ക​യോ കർത്താ​വി​ന്റെ പാനപാ​ത്രം കുടി​ക്കു​ക​യോ ചെയ്യുന്ന ഏവനും കർത്താ​വി​ന്റെ ശരീര​വും രക്തവും സംബന്ധിച്ച്‌ കുററ​ക്കാ​ര​നാ​യി​രി​ക്കും.” അവരെ ‘അയോ​ഗ്യ​മാ​യി’ പങ്കെടു​ക്കു​ന്ന​വ​രാ​ക്കി​യ​തെ​ന്താണ്‌?  അവർ ഹൃദയ​ത്തി​ലും മനസ്സി​ലും തങ്ങളേ​ത്തന്നെ ഉചിത​മാ​യി ഒരുക്കു​ക​യാ​യി​രു​ന്നില്ല. സഭയിൽ ഭിന്നതകൾ ഉണ്ടായി​രു​ന്നു. കൂടാതെ ചിലർ യോഗ​ത്തി​നു മുമ്പ്‌ ഭക്ഷണത്തി​ലും കുടി​യി​ലും അമിത​മാ​യി ഏർപ്പെ​ട്ടി​രു​ന്നു. അവർ കർത്താ​വി​ന്റെ സന്ധ്യാ​ഭ​ക്ഷ​ണത്തെ അലക്ഷ്യ​മാ​യി​ട്ടാ​ണു കരുതി​യത്‌. അവർ അപ്പത്തി​ന്റെ​യും വീഞ്ഞി​ന്റെ​യും ഗൗരവാ​വ​ഹ​മായ പ്രാധാ​ന്യം മനസ്സി​ലാ​ക്കാ​നു​ളള അവസ്ഥയി​ലാ​യി​രു​ന്നില്ല.—1 കൊരി. 11:17-34.

13. സസ്‌മാ​ര​ക​ത്തിന്‌ കൊടു​ക്ക​പ്പെ​ടുന്ന അപ്പവീ​ഞ്ഞു​ക​ളു​ടെ അർത്ഥ​മെന്ത്‌?

¹³ എന്താണ്‌ ആ പ്രാധാ​ന്യം? അത്‌ അപ്പവീ​ഞ്ഞു​ക​ളു​ടെ ഏതെങ്കി​ലും അത്ഭുത​ക​ര​മായ സാങ്കൽപ്പിക രൂപാ​ന്ത​ര​ത്തിൽ സ്ഥിതി​ചെ​യ്യു​ന്നില്ല. ക്രിസ്‌തു ഏതെങ്കി​ലും അർത്ഥത്തിൽ ഓരോ സ്‌മാ​ര​ക​ത്തി​ലും വീണ്ടും ബലി ചെയ്യ​പ്പെ​ടു​ന്നില്ല. “ക്രിസ്‌തു അനേക​രു​ടെ പാപങ്ങൾ വഹിക്കു​ന്ന​തിന്‌ എക്കാല​ത്തേ​ക്കു​മാ​യി ഒരിക്കൽ അർപ്പി​ക്ക​പ്പെട്ടു” എന്ന്‌ തിരു​വെ​ഴു​ത്തു​കൾ പ്രസ്‌താ​വി​ക്കു​ന്നു. (എബ്രാ. 9:28; 10:10; റോമ. 6:9) പുളി​പ്പി​ല്ലാത്ത അപ്പവും ചുവന്ന വീഞ്ഞും യേശു ബലി ചെയ്‌ത അക്ഷരീയ ശരീര​ത്തെ​യും അവൻ ചൊരിഞ്ഞ അക്ഷരീയ രക്തത്തെ​യും പ്രതി​നി​ധാ​നം ചെയ്യു​ന്ന​തി​നു​ളള ചിഹ്നങ്ങൾ മാത്ര​മാണ്‌. എന്നാൽ ഈ യാഥാർത്ഥ്യ​ങ്ങൾ എത്ര വില​യേ​റി​യ​വ​യാണ്‌! യേശു​വി​ന്റെ പാപര​ഹിത മനുഷ്യ​ശ​രീ​രം മനുഷ്യ​വർഗ്ഗ​ലോ​ക​ത്തിന്‌ എന്നേക്കും ജീവി​ക്കു​ന്ന​തി​നു​ളള അവസരം ലഭി​ക്കേ​ണ്ട​തിന്‌ കൊടു​ക്ക​പ്പെട്ടു. (യോഹ. 6:51) അവന്റെ ചൊരി​യ​പ്പെട്ട രക്തം ഇരുമ​ട​ങ്ങായ ഉദ്ദേശ്യ​ത്തിന്‌ ഉതകുന്നു—അതിൽ വിശ്വാ​സം പ്രകട​മാ​ക്കുന്ന മനുഷ്യ​രെ പാപത്തിൽനിന്ന്‌ ശുദ്ധീ​ക​രി​ക്കുക; കൂടാതെ, ദൈവ​വും ആത്മാഭി​ഷിക്ത ക്രിസ്‌ത്യാ​നി​കൾ ചേർന്നു​ളള ആത്മീയ യിസ്രാ​യേ​ലി​ന്റെ സഭയും തമ്മിലു​ളള പുതിയ ഉടമ്പടി പ്രാവർത്തി​ക​മാ​ക്കുക. (1 യോഹ. 1:7; 1 കൊരി. 11:25; ഗലാ. 6:14-16) ഈ വില​യേ​റിയ ഏർപ്പാ​ടു​ക​ളാണ്‌ “ചെറിയ ആട്ടിൻകൂട്ട”ത്തിലെ അംഗങ്ങൾക്ക്‌ യഥാർത്ഥ​മാ​യി മനുഷ്യ പൂർണ്ണത കണക്കി​ട്ടു​കൊണ്ട്‌ ദൈവ​ത്താൽ നീതി​മാൻമാ​രാ​യി പ്രഖ്യാ​പി​ക്ക​പ്പെ​ടു​ന്നതു സാദ്ധ്യ​മാ​ക്കു​ന്നത്‌. (ലൂക്കോ. 12:32) ക്രിസ്‌തു​വി​ന്റെ സ്വർഗ്ഗീയ രാജ്യ​ത്തിൽ അവനോ​ടു​കൂ​ടെ​യു​ളള പങ്കുപ​ററൽ മുന്നിൽ കണ്ടു​കൊണ്ട്‌ ദൈവ​പു​ത്രൻമാ​രെന്ന നിലയിൽ അവരെ പരിശു​ദ്ധാ​ത്മാ​വി​നാൽ ജനിപ്പി​ക്കാൻ കഴി​യേ​ണ്ട​തി​നാണ്‌ ഇതു ചെയ്യു​ന്നത്‌. അവർ ഓരോ വർഷവും സ്‌മാരക ചിഹ്നങ്ങ​ളിൽ പങ്കുപ​റ​റു​ക​യും അങ്ങനെ തങ്ങളുടെ സ്വർഗ്ഗീയ പ്രത്യാ​ശക്കു സാക്ഷ്യം വഹിക്കു​ക​യും ചെയ്യു​മ്പോൾ ക്രിസ്‌തു​വി​നാൽ മാദ്ധ്യസ്ഥം വഹിക്ക​പ്പെ​ടുന്ന “പുതിയ ഉടമ്പടി”യിലാ​യി​രി​ക്കു​ന്ന​തി​ലു​ളള വിലമ​തി​പ്പു പുതു​ക്ക​പ്പെ​ടു​ക​യും ആഴമു​ള​ള​താ​ക്ക​പ്പെ​ടു​ക​യും ചെയ്യുന്നു.—എബ്രാ. 8:6-12.

 “ഞങ്ങൾ നിങ്ങ​ളോ​ടു​കൂ​ടെ പോരും”

14. (എ) “വേറെ ആടുകൾ” സ്‌മാരക ചിഹ്നങ്ങ​ളിൽ പങ്കെടു​ക്കു​ന്നി​ല്ലാ​ത്ത​തെ​ന്തു​കൊണ്ട്‌, എന്നാൽ അവർ ആകാം​ക്ഷ​യോ​ടെ എന്തു പ്രതീ​ക്ഷി​ക്കു​ന്നു? (ബി) അവർ രാജ്യാ​വ​കാ​ശി​ക​ളു​ടെ ശേഷി​പ്പി​നോ​ടു​ളള സഹവാ​സത്തെ എങ്ങനെ വീക്ഷി​ക്കു​ന്നു?

¹⁴ യഹോവ തന്റെ അഭിഷി​ക്ത​രോട്‌ ഇടപെ​ട്ടു​കൊ​ണ്ടി​രി​ക്കു​ന്ന​തെ​ങ്ങനെ​യെന്ന്‌ “വേറെ ആടുകൾ” മനസ്സി​ലാ​ക്കു​ന്നു. “ദൈവം നിങ്ങ​ളോ​ടു​കൂ​ടെ ഉണ്ടെന്ന്‌ ഞങ്ങൾ കേട്ടി​രി​ക്കു​ന്ന​തു​കൊണ്ട്‌ ഞങ്ങൾ നിങ്ങ​ളോ​ടു​കൂ​ടെ പോരും” എന്നു പറഞ്ഞു​കൊണ്ട്‌ അവർ അവരോ​ടു ചേർന്നി​രി​ക്കു​ന്നു. (സെഖ. 8:20-23) അവർ ഒന്നിച്ചു കൂടു​ന്നു​വെന്നു മാത്രമല്ല, പിന്നെ​യോ നിവസിത ഭൂമി​യി​ലെ​ല്ലാം രാജ്യ​സു​വാർത്ത പ്രസി​ദ്ധ​മാ​ക്കു​ന്ന​തിൽ അവർ ഒരുമി​ച്ചു പങ്കെടു​ക്കു​ക​യും ചെയ്യുന്നു. എന്നിരു​ന്നാ​ലും, “വേറെ ആടുകൾ” ആത്മീയ യിസ്രാ​യേ​ലി​നോ​ടു​കൂ​ടെ “പുതിയ ഉടമ്പടി”യിലേക്കു എടുക്ക​പ്പെ​ടു​ന്നില്ല, യേശു​വി​നോ​ടു​കൂ​ടെ സ്വർഗ്ഗീയ ജീവനിൽ പങ്കുപ​റ​റാൻ തെര​ഞ്ഞെ​ടു​ക്ക​പ്പെ​ട്ട​വ​രോട്‌ അവൻ ചെയ്‌ത “ഒരു രാജ്യ​ത്തി​നു​വേ​ണ്ടി​യു​ളള . . . ഉടമ്പടി”യിലും അവർ ഉൾപ്പെ​ടു​ന്നില്ല. തന്നിമി​ത്തം, അവർ ഉചിത​മാ​യി സ്‌മാ​ര​ക​ചി​ഹ്ന​ങ്ങ​ളിൽ പങ്കുപ​റ​റു​ന്നില്ല. (ലൂക്കോ. 22:20, 29) എന്നാൽ “ചെറിയ ആട്ടിൻകൂട്ട”ത്തിലെ അന്തിമ അംഗങ്ങളെ സ്വർഗ്ഗീയ രാജ്യ​ത്തി​ലേക്കു കൂട്ടി​ച്ചേർത്തു​കൊണ്ട്‌ “പുതിയ ഉടമ്പടി” അതിന്റെ ഉദ്ദേശ്യം സാധി​ക്കു​മ്പോൾ, ആ രാജ്യം മുഖേന “വേറെ ആടുകൾ” ഭൂമി​യിൽ പ്രാപി​ക്കുന്ന അനു​ഗ്ര​ഹങ്ങൾ അടുത്തു​വ​രു​ന്ന​താ​യി അതു സൂചി​പ്പി​ക്കു​ന്നു​വെന്ന്‌ അവർ തിരി​ച്ച​റി​യു​ന്നു. “അന്ത്യനാ​ളു​ക​ളിൽ” രാജ്യാ​വ​കാ​ശി​ക​ളു​ടെ വിശ്വ​സ്‌ത​ശേ​ഷി​പ്പി​നോ​ടു​കൂ​ടെ ഒററ​ക്കെ​ട്ടാ​യി നിന്ന്‌ സേവി​ക്കു​ന്നത്‌ ഒരു പദവി​യാ​ണെന്ന്‌ അവർ പരിഗ​ണി​ക്കു​ന്നു.

[അടിക്കു​റി​പ്പു​കൾ]

പുനരവലോകന ചർച്ച

● ക്രിസ്‌തീയ ഗ്രീക്ക്‌ തിരു​വെ​ഴു​ത്തു​ക​ളു​ടെ വളരെ​യ​ധി​കം ഭാഗങ്ങ​ളും സ്വർഗ്ഗീയ പ്രത്യാ​ശ​യി​ലേക്കു ശ്രദ്ധതി​രി​ക്കു​ന്ന​തെ​ന്തു​കൊണ്ട്‌?

● ദൈവ​പു​ത്രൻമാ​രെന്ന നിലയിൽ ജനിപ്പി​ക്ക​പ്പെ​ട്ടി​ട്ടു​ള​ളവർ അതറി​യു​ന്ന​തെ​ങ്ങനെ? അവർ പങ്കുപ​റ​റുന്ന സ്‌മാരക ചിഹ്നങ്ങ​ളു​ടെ അർത്ഥ​മെന്ത്‌?

● “വേറെ ആടുകൾ” യഥാർത്ഥ​ത്തിൽ “ചെറിയ ആട്ടിൻകൂട്ട”ത്തോട്‌ ഐക്യ​ത്തിൽ ചേർന്നു​നിൽക്കു​ന്നു​വെന്ന്‌ അവർ എങ്ങനെ പ്രകട​മാ​ക്കു​ന്നു?

[അധ്യയന ചോദ്യ​ങ്ങൾ]