അധ്യായം 22

ദൈവ​വ​ചനം സധൈ​ര്യം സംസാ​രി​ക്കു​ന്ന​തിൽ തുടരുക

1. (എ) പൊ. യു. 33-ലെ പെന്തെ​ക്കോ​സ്‌തിൽ തുടങ്ങി യേശു​വി​ന്റെ ശിഷ്യൻമാർ എന്തു സുവാർത്ത ഘോഷി​ച്ചു, എന്നാൽ ഭരണാ​ധി​കാ​രി​ക​ളു​ടെ​യും യഹൂദൻമാ​രി​ലെ പ്രായ​മേ​റിയ പുരു​ഷൻമാ​രു​ടെ​യും പ്രതി​ക​രണം എന്തായി​രു​ന്നു? (ബി) ഇതു സംബന്ധിച്ച്‌ നമുക്ക്‌ നമ്മോ​ടു​തന്നെ എന്തു ചോദ്യ​ങ്ങൾ ചോദി​ക്കാ​വു​ന്ന​താണ്‌?

¹ മനുഷ്യ ചരി​ത്ര​ത്തി​ലെ 4,000-ത്തിൽപരം വർഷങ്ങ​ളി​ലെ അതി​പ്ര​ധാന സംഭവങ്ങൾ നടന്നു​ക​ഴി​ഞ്ഞി​രു​ന്നു. ദൈവ​ത്തി​ന്റെ സ്വന്തം പുത്ര​നായ യേശു​ക്രി​സ്‌തു സർവ്വഭൂ​മി​യു​ടെ​യും​മേ​ലു​ളള ഭാവി​രാ​ജാ​വെന്ന നിലയിൽ അഭി​ഷേകം ചെയ്യ​പ്പെ​ട്ടി​രു​ന്നു. മത വൈരി​ക​ളു​ടെ പ്രേര​ണ​യാൽ യേശു വധിക്ക​പ്പെ​ട്ടെ​ങ്കി​ലും യഹോവ തന്റെ പുത്രനെ മരിച്ച​വ​രിൽനിന്ന്‌ ഉയർപ്പി​ച്ചി​രു​ന്നു. നിത്യ​ജീ​വന്റെ കാഴ്‌ച​പ്പാ​ടോ​ടെ അവനി​ലൂ​ടെ രക്ഷ സാദ്ധ്യ​മാ​യി​രു​ന്നു. എന്നാൽ യേശു​വി​ന്റെ വിശ്വസ്‌ത ശിഷ്യൻമാർ ഈ സുവാർത്ത പരസ്യ​മാ​യി ഘോഷി​ച്ച​പ്പോൾ ഭയങ്കര​മായ എതിർപ്പു പൊട്ടി​പ്പു​റ​പ്പെട്ടു. ആദ്യം രണ്ട്‌ അപ്പോ​സ്‌ത​ലൻമാ​രും, പിന്നീട്‌ അവരെ​ല്ലാ​വ​രും തടവി​ലാ​ക്ക​പ്പെട്ടു. അവർ പ്രഹരി​ക്ക​പ്പെ​ടു​ക​യും യേശു​വി​ന്റെ നാമത്തി​ന്റെ അടിസ്ഥാ​ന​ത്തിൽ സംസാ​രി​ക്കു​ന്നതു നിർത്താൻ ആജ്ഞാപി​ക്ക​പ്പെ​ടു​ക​യും ചെയ്‌തു. (പ്രവൃ. 4:1-3,17; 5:17,18,40) അവർ എന്തു ചെയ്യണം? നിങ്ങൾ എന്തു ചെയ്യു​മാ​യി​രു​ന്നു? നിങ്ങൾ സധൈ​ര്യം സാക്ഷീ​ക​രി​ക്കു​ന്ന​തിൽ തുടരു​മാ​യി​രു​ന്നോ?

2. (എ) നമ്മുടെ നാളിൽ അതിലും അത്ഭുത​ക​ര​മായ ഏതു വാർത്ത ഘോഷി​ക്കേ​ണ്ട​തുണ്ട്‌? (ബി) ഇതു ചെയ്യു​ന്ന​തി​നു​ളള ഉത്തരവാ​ദി​ത്തം ആർക്കാ​ണു​ള​ളത്‌?

² പൊ. യു. 1914 എന്ന വർഷത്തിൽ, സാർവ്വ​ത്രിക പ്രാധാ​ന്യ​മു​ളള, അതിലും അത്ഭുത​മേ​റിയ ഒരു സംഭവം നടന്നു. യേശു​ക്രി​സ്‌തു​വി​ന്റെ കൈക​ളി​ലെ ദൈവ​രാ​ജ്യം സ്വർഗ്ഗ​ത്തിൽ യഥാർത്ഥ​മാ​യി സ്ഥാപി​ക്ക​പ്പെട്ടു. അടുത്ത​താ​യി, സാത്താ​നും അവന്റെ ഭൂതങ്ങ​ളും ഭൂമി​യി​ലേക്ക്‌ വലി​ച്ചെ​റി​യ​പ്പെട്ടു. (വെളി. 12:1-5,7-12) ഇപ്പോ​ഴത്തെ ദുഷ്ടവ്യ​വ​സ്ഥി​തി​യു​ടെ അന്ത്യനാ​ളു​കൾ തുടങ്ങി​യി​രു​ന്നു. 1914-ലെ സംഭവ​ങ്ങൾക്കു  സാക്ഷ്യം വഹിച്ച തലമുറ മരിച്ചു​തീ​രു​ന്ന​തി​നു മുമ്പ്‌ ദൈവം മുഴു സാത്താന്യ വ്യവസ്ഥി​തി​യെ​യും തകർക്കും. (മത്താ. 24:34) അതിജീ​വി​ക്കു​ന്ന​വർക്ക്‌ തങ്ങളുടെ മുമ്പാകെ നിത്യ​ജീ​വന്റെ പ്രതീക്ഷ ഉണ്ടായി​രി​ക്കും. ദൈവ​ത്തി​ന്റെ ആദി​മോ​ദ്ദേ​ശ്യ​ത്തി​ന്റെ നിവൃ​ത്തി​യാ​യി മുഴു​ഭൂ​മി​യും ഒരു പരദീസാ ആയിത്തീ​രും. നിങ്ങൾ ഇപ്പോൾത്തന്നെ ഈ സുവാർത്തയെ സ്വീക​രി​ച്ചി​ട്ടു​ണ്ടെ​ങ്കിൽ അതു മററു​ള​ള​വർക്കു പങ്കു​വെ​ക്കു​ന്ന​തി​നു​ളള ഉത്തരവാ​ദി​ത്തം നിങ്ങൾക്കുണ്ട്‌. (മത്താ. 24:14) എന്നാൽ നിങ്ങൾക്ക്‌ എന്തു പ്രതി​വർത്തനം പ്രതീ​ക്ഷി​ക്കാൻ കഴിയും?

3. (എ) ആളുകൾ രാജ്യ​സ​ന്ദേ​ശ​ത്തോട്‌ എങ്ങനെ പ്രതി​വർത്തി​ക്കു​ന്നു? (ബി) തന്നിമി​ത്തം, നാം എന്തു ചോദ്യ​ത്തെ അഭിമു​ഖീ​ക​രി​ക്കണം?

³ ചിലർ നിങ്ങളെ ഒരു രാജ്യ​പ്ര​ഘോ​ഷ​ക​നെ​ന്ന​നി​ല​യിൽ ഊഷ്‌മ​ള​മാ​യി സ്വാഗതം ചെയ്‌തേ​ക്കാ​മെ​ങ്കി​ലും ഭൂരി​പ​ക്ഷ​വും കേവലം ഉദാസീ​ന​രാ​യി​രി​ക്കും. (മത്താ. 24:37-39) മററു​ചി​ലർ നിങ്ങളെ പരിഹ​സി​ക്കു​ക​യോ കഠിന​മാ​യി എതിർക്കു​ക​യോ ചെയ്‌തേ​ക്കാം. കുറെ എതിർപ്പ്‌ നിങ്ങളു​ടെ സ്വന്തം ബന്ധുക്ക​ളിൽനിന്ന്‌ ഉണ്ടാ​യേ​ക്കാ​മെന്ന്‌ യേശു മുന്നറി​യി​പ്പു നൽകി. (ലൂക്കോ. 21:16-19) നിങ്ങളു​ടെ ജോലി​സ്ഥ​ല​ത്തോ സ്‌കൂ​ളി​ലോ അതുണ്ടാ​യേ​ക്കാം. ഭൂമി​യു​ടെ അനേകം ഭാഗങ്ങ​ളിൽ യഹോ​വ​യു​ടെ സാക്ഷികൾ അന്യാ​യ​മായ ഗവൺമെൻറ്‌ നിരോ​ധ​ന​ത്തിൻ കീഴിൽപോ​ലു​മാണ്‌. ഇതു​പോ​ലു​ളള ഏതെങ്കി​ലും സാഹച​ര്യ​ത്തെ​യോ എല്ലാ സാഹച​ര്യ​ങ്ങ​ളെ​യു​മോ അഭിമു​ഖീ​ക​രി​ക്കു​മ്പോൾ നിങ്ങൾ സധൈ​ര്യം ദൈവ​വ​ചനം സംസാ​രി​ക്കു​ന്ന​തിൽ തുടരു​മോ?

4. നാം ദൈവത്തെ വിശ്വ​സ്‌ത​മാ​യി സേവി​ക്കു​മെന്ന്‌ വ്യക്തി​പ​ര​മായ തീരു​മാ​നം ഉറപ്പു​നൽകു​ന്നു​വോ?

⁴ നിങ്ങൾ ദൈവ​ത്തി​ന്റെ ധൈര്യ​മു​ളള ഒരു ദാസനാ​യി​രി​ക്കാ​നാ​ഗ്ര​ഹി​ക്കു​ന്നു​വെ​ന്ന​തി​നു സംശയ​മില്ല. എന്നിരു​ന്നാ​ലും, യാതൊ​ന്നി​നും തങ്ങളെ പിന്തി​രി​പ്പി​ക്കാൻ കഴിക​യി​ല്ലെന്നു വിചാ​രിച്ച ചിലർ രാജ്യ​പ്ര​ഘോ​ഷ​ക​രു​ടെ അണിക​ളിൽനി​ന്നു വിട്ടു​പോ​യി​രി​ക്കു​ന്നു. മറിച്ച്‌, പ്രകൃ​ത്യാ ഏറെക്കു​റെ ഭയമു​ള​ളവർ ഉൾപ്പെടെ മററു​ള​ളവർ തീക്ഷ്‌ണ​ത​യു​ളള ദൈവ​ദാ​സൻമാ​രെ​ന്ന​നി​ല​യിൽ മുടങ്ങാ​തെ തുടർന്നി​രി​ക്കു​ന്നു. “വിശ്വാ​സ​ത്തിൽ സ്ഥിരത​യു​ളള”വനായി നിൽക്കുന്ന ഒരുവ​നെന്ന്‌ നിങ്ങൾക്ക്‌ എങ്ങനെ തെളി​യി​ക്കാൻ കഴിയും?—1 കൊരി. 16:13.

സ്വന്തശ​ക്തി​യി​ലാ​ശ്ര​യി​ക്കാ​തി​രി​ക്കുക

5. (എ) നാം വിശ്വസ്‌ത ദൈവ​ദാ​സ​രാ​ണെന്ന്‌ തെളി​യി​ക്കു​ന്ന​തിന്‌, അടിസ്ഥാ​ന​പ​ര​മായ ഒരു വ്യവസ്ഥ എന്താണ്‌? (ബി) യോഗങ്ങൾ വളരെ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

⁵ തീർച്ച​യാ​യും, ഒരു വിശ്വ​സ്‌ത​ദൈ​വ​ദാ​സ​നാ​യി​രി​ക്കു​ന്ന​തിൽ അനേകം ഘടകങ്ങൾ ഉൾപ്പെ​ട്ടി​രി​ക്കു​ന്നു. എന്നാൽ  അവയി​ലെ​ല്ലാം അടിസ്ഥാ​ന​പ​ര​മാ​യി​രി​ക്കു​ന്നത്‌ യഹോ​വ​യി​ലും അവന്റെ കരുത​ലു​ക​ളി​ലു​മു​ളള ആശ്രയ​മാണ്‌. നാം അങ്ങനെ​യു​ളള ആശ്രയം എങ്ങനെ​യാണ്‌ പ്രകട​മാ​ക്കു​ന്നത്‌? ഒരു മാർഗ്ഗം സഭാമീ​റ​റിം​ഗു​കൾക്ക്‌ ഹാജരാ​കു​ക​യാണ്‌. അവയെ അവഗണി​ക്കാ​തി​രി​ക്കാൻ തിരു​വെ​ഴു​ത്തു​കൾ നമ്മെ പ്രോ​ത്സാ​ഹി​പ്പി​ക്കു​ന്നു. (എബ്രാ. 10:23-25) പൊതു​ജ​ന​വി​ര​ക്തി​യേ​യോ പീഡന​ത്തേ​യോ വകവെ​ക്കാ​തെ യഹോ​വ​യു​ടെ വിശ്വ​സ്‌ത​സാ​ക്ഷി​ക​ളാ​യി തുടർന്നി​ട്ടു​ള​ളവർ സഹാരാ​ധ​ക​രോ​ടു​കൂ​ടെ യോഗ​ങ്ങ​ളിൽ ക്രമമാ​യി ഹാജരാ​കാൻ തീവ്ര​യ​ത്‌നം നടത്തി​യി​ട്ടുണ്ട്‌. ഈ യോഗ​ങ്ങ​ളിൽ തിരു​വെ​ഴു​ത്തു​ക​ളെ​ക്കു​റി​ച്ചു​ളള നമ്മുടെ അറിവ്‌ വർദ്ധി​ക്കു​ന്നു, എന്നാൽ പുതിയ കാര്യ​ങ്ങ​ളി​ലു​ളള ഹരമല്ല നമ്മെ ആകർഷി​ക്കു​ന്നത്‌. (പ്രവൃ​ത്തി​കൾ 17:21 താരത​മ്യ​പ്പെ​ടു​ത്തുക) സുവി​ദി​ത​മായ സത്യങ്ങ​ളെ​ക്കു​റി​ച്ചു​ളള നമ്മുടെ വിലമ​തിപ്പ്‌ വളരുന്നു, അവ ഉപയോ​ഗി​ക്കു​ന്ന​തി​നു​ളള വഴിക​ളെ​ക്കു​റി​ച്ചു​ളള നമ്മുടെ അവബോ​ധം മൂർച്ച​യേ​റി​യ​താ​യി​ത്തീ​രു​ന്നു. യേശു നമുക്കു​വേണ്ടി വെച്ച മാതൃക നമ്മുടെ മനസ്സി​ലും ഹൃദയ​ത്തി​ലും ആഴത്തിൽ പതിയു​ന്നു. (എഫേ. 4:20-24) നാം ഏകീകൃ​താ​രാ​ധ​ന​യിൽ നമ്മുടെ ക്രിസ്‌തീയ സഹോ​ദ​രൻമാ​രോട്‌ അടുക്കു​ന്നു. ദൈ​വേഷ്ടം ചെയ്യു​ന്ന​തിൽ തുടരു​ന്ന​തിന്‌ നാം വ്യക്തി​പ​ര​മാ​യി ശക്തീക​രി​ക്ക​പ്പെ​ടു​ന്നു. യഹോ​വ​യു​ടെ ആത്മാവ്‌ സഭ മുഖാ​ന്തരം മാർഗ്ഗ​നിർദ്ദേശം നൽകുന്നു, നാം യേശു​വി​ന്റെ നാമത്തിൽ സമ്മേളി​ക്കു​മ്പോൾ അവൻ ആ ആത്മാവു മുഖേന നമ്മുടെ മദ്ധ്യത്തി​ലുണ്ട്‌.—വെളി. 3:6; മത്താ. 18:20.

6. യഹോ​വ​യു​ടെ സാക്ഷി​കളെ നിരോ​ധി​ച്ചി​രി​ക്കു​ന്ന​ടത്ത്‌, യോഗങ്ങൾ സംബന്ധിച്ച്‌ എന്തു ചെയ്യുന്നു?

⁶ നിങ്ങൾ ക്രമമാ​യി എല്ലാ യോഗ​ങ്ങൾക്കും ഹാജരാ​കു​ന്നു​ണ്ടോ? നിങ്ങൾ ചർച്ച ചെയ്‌തു കേൾക്കു​ന്നത്‌ വ്യക്തി​പ​ര​മാ​യി ബാധക​മാ​ക്കു​ന്നു​ണ്ടോ? ചില​പ്പോൾ, നിരോ​ധ​ന​ത്തിൻകീ​ഴിൽ ആയിരി​ക്കു​മ്പോൾ, സ്വകാ​ര്യ​ഭ​വ​ന​ങ്ങ​ളിൽ ചെറിയ കൂട്ടങ്ങ​ളാ​യി യോഗങ്ങൾ നടത്തേ​ണ്ട​താ​വ​ശ്യ​മാ​യി വന്നിട്ടുണ്ട്‌. സ്ഥലവും സമയങ്ങ​ളും വ്യത്യാ​സ​പ്പെ​ട്ടേ​ക്കാം, എല്ലായ്‌പ്പോ​ഴും സൗകര്യ​പ്ര​ദ​വു​മ​ല്ലാ​യി​രി​ക്കാം, ചില യോഗങ്ങൾ രാത്രി​യിൽ വൈകി​യാ​യി​രി​ക്കാം നടക്കു​ന്നത്‌. എന്നാൽ വ്യക്തി​പ​ര​മായ അസൗക​ര്യ​മോ അപകട​മോ ഗണ്യമാ​ക്കാ​തെ, വിശ്വസ്‌ത സഹോ​ദ​രീ​സ​ഹോ​ദ​രൻമാർ ഓരോ യോഗ​ത്തി​നും ഹാജരാ​കാൻ ആത്മാർത്ഥ​ശ്രമം നടത്തുന്നു.

7. (എ) വേറെ എങ്ങനെ​യും നാം യഹോ​വ​യി​ലു​ളള ആശ്രയം പ്രകട​മാ​ക്കു​ന്നു? (ബി) ധൈര്യ​പൂർവ്വം സംസാ​രി​ച്ചു​കൊ​ണ്ടേ​യി​രി​ക്കു​ന്ന​തിന്‌ ഇതിനു നമ്മെ എങ്ങനെ സഹായി​ക്കാൻ കഴിയും?

⁷ യഹോ​വ​യി​ലു​ളള ആശ്രയം, ക്രമമാ​യി പ്രാർത്ഥ​ന​യിൽ അവനി​ലേക്കു തിരി​യു​ന്ന​തി​നാ​ലും പ്രകട​മാ​ക്ക​പ്പെ​ടു​ന്നു—വെറും ഔപചാ​രി​ക​മായ ഒരു ചടങ്ങാ​യി​ട്ടല്ല, പിന്നെ​യോ  നമുക്ക്‌ ദൈവ​സ​ഹാ​യം ആവശ്യ​മാ​ണെ​ന്നു​ളള ഹൃദയം​ഗ​മ​മായ തിരി​ച്ച​റി​വോ​ടെ. നിങ്ങൾ അതു ചെയ്യു​ന്നു​വോ? യേശു തന്റെ ഭൗമിക ശുശ്രൂ​ഷ​ക്കാ​ലത്ത്‌ ആവർത്തി​ച്ചു പ്രാർത്ഥി​ച്ചു. (ലൂക്കോ. 3:21; 6:12, 13; 9:18, 28; 11:1; 22:39-44) തന്റെ സ്‌തം​ഭ​ത്തി​ലെ വധത്തിന്റെ തലേരാ​ത്രി​യിൽ “നിങ്ങൾ പരീക്ഷ​യിൽ അകപ്പെ​ടാ​തി​രി​ക്കാൻ ഉണർന്നും പ്രാർത്ഥി​ച്ചും കൊണ്ടി​രി​പ്പിൻ” എന്ന്‌ അവൻ തന്റെ ശിഷ്യൻമാ​രെ ശക്തമായി ഉപദേ​ശി​ച്ചു. (മർക്കോ. 14:38) നാം രാജ്യ​സ​ന്ദേ​ശ​ത്തോ​ടു​ളള വളരെ​യ​ധി​ക​മായ ഉദാസീ​ന​തയെ അഭിമു​ഖീ​ക​രി​ക്കു​ന്നു​വെ​ങ്കിൽ, നമ്മുടെ ശുശ്രൂ​ഷ​യിൽ മന്ദീഭ​വി​ക്കു​ന്ന​തി​നു​ളള ഒരു പ്രലോ​ഭ​ന​മു​ണ്ടാ​കാ​വു​ന്ന​താണ്‌. ആളുകൾ നമ്മെ പരിഹ​സി​ക്കു​ന്നു​വെ​ങ്കിൽ, അല്ലെങ്കിൽ കഠിന​ത​ര​മായ പീഡനം പോലു​മു​ണ്ടെ​ങ്കിൽ അതൊ​ഴി​വാ​ക്കാൻ മൗനം പാലി​ക്കാ​നു​ളള പ്രലോ​ഭനം നമുക്ക​നു​ഭ​വ​പ്പെ​ട്ടേ​ക്കാം. എന്നാൽ സധൈ​ര്യം സംസാ​രി​ക്കു​ന്ന​തിൽ തുടരു​ന്ന​തിന്‌ നമ്മെ സഹായി​ക്കാൻ നാം ദൈവാ​ത്മാ​വി​നു​വേണ്ടി ആത്മാർത്ഥ​മാ​യി പ്രാർത്ഥി​ക്കു​ന്നു​വെ​ങ്കിൽ നാം ആ പ്രലോ​ഭ​ന​ത്തിന്‌ വഴങ്ങു​ന്ന​തി​നെ​തി​രെ കാത്തു​സൂ​ക്ഷി​ക്ക​പ്പെ​ടും.—ലൂക്കോ. 11:13; എഫേ. 6:18-20.

ധീരസാ​ക്ഷീ​ക​ര​ണ​ത്തി​ന്റെ ഒരു രേഖ

8. (എ) പ്രവൃ​ത്തി​ക​ളി​ലെ രേഖ നമുക്കു പ്രത്യേക താൽപ്പ​ര്യ​മു​ള​ള​താ​യി​രി​ക്കു​ന്ന​തെ​ന്തു​കൊണ്ട്‌? (ബി) ഈ വിവര​ങ്ങൾക്ക്‌ എങ്ങനെ നമുക്കു പ്രയോ​ജനം ചെയ്യാൻ കഴിയു​മെന്ന്‌ ഊന്നി​പ്പ​റ​ഞ്ഞു​കൊണ്ട്‌ ഈ ഖണ്ഡിക​യു​ടെ ഒടുവിൽ കൊടു​ത്തി​രി​ക്കുന്ന ചോദ്യ​ങ്ങൾക്ക്‌ ഉത്തരം പറയുക.

⁸ പ്രവൃ​ത്തി​ക​ളു​ടെ പുസ്‌ത​ക​ത്തി​ല​ട​ങ്ങി​യി​രി​ക്കുന്ന രേഖ നമു​ക്കെ​ല്ലാം പ്രത്യേക താൽപ്പ​ര്യ​മു​ള​ള​താണ്‌. അപ്പോ​സ്‌ത​ലൻമാ​രും മററ്‌ ആദിമ​ശി​ഷ്യൻമാ​രും—നമ്മു​ടേ​തു​പോ​ലെ​യു​ളള വികാ​ര​ങ്ങ​ളു​ണ്ടാ​യി​രുന്ന ആളുകൾ—തടസ്സങ്ങളെ തരണം ചെയ്യു​ക​യും യഹോ​വ​യു​ടെ ധീരരും വിശ്വ​സ്‌ത​രു​മായ സാക്ഷി​ക​ളെന്ന്‌ തെളി​യി​ക്കു​ക​യും ചെയ്‌ത​തെ​ങ്ങ​നെ​യെന്ന്‌ അതു പറയുന്നു. ചുവടെ ചേർക്കുന്ന ചോദ്യ​ങ്ങ​ളു​ടെ​യും സൂചിത തിരു​വെ​ഴു​ത്തു​ക​ളു​ടെ​യും സഹായ​ത്തോ​ടെ നമുക്ക്‌ ആ രേഖയു​ടെ ഒരു ഭാഗം പരി​ശോ​ധി​ക്കാം. നാം അങ്ങനെ ചെയ്യു​മ്പോൾ, നിങ്ങൾ വായി​ക്കു​ന്ന​തിൽനിന്ന്‌ നിങ്ങൾക്ക്‌ എങ്ങനെ വ്യക്തി​പ​ര​മാ​യി പ്രയോ​ജനം നേടാൻ കഴിയു​മെന്ന്‌ പരിചി​ന്തി​ക്കുക.

അപ്പോസ്‌തലൻമാർ ഉന്നതവി​ദ്യാ​ഭ്യാ​സം സിദ്ധി​ച്ചവർ ആയിരു​ന്നോ? അവർ എന്തു സംഭവി​ച്ചാ​ലും പ്രകൃ​ത്യാ ഭയരഹി​ത​രാ​യി​രുന്ന വ്യക്തി​ക​ളാ​യി​രു​ന്നോ? (പ്രവൃ. 4:13; യോഹ. 18:17,25-27; 20:19)

കുറെ ആഴ്‌ച​കൾക്കു മുമ്പ്‌ ദൈവ​ത്തി​ന്റെ സ്വന്തം പുത്രനെ കുററം​വി​ധി​ച്ചി​രുന്ന യഹൂദ കോടതി മുമ്പാകെ സധൈ​ര്യം സംസാ​രി​ക്കാൻ പത്രോ​സി​നെ പ്രാപ്‌ത​നാ​ക്കി​യ​തെന്ത്‌? (പ്രവൃ. 4:8; മത്താ. 10:19, 20)

 അപ്പോ​സ്‌ത​ലൻമാർ സന്നദ്രീം മുമ്പാകെ വരുത്ത​പ്പെ​ട്ട​തിന്‌ മുമ്പത്തെ വാരങ്ങ​ളിൽ അവർ എന്തു ചെയ്‌തു​കൊ​ണ്ടി​രു​ന്നു? (പ്രവൃ. 1:14; 2:1, 42)

യേശുവിന്റെ നാമത്തി​ന്റെ അടിസ്ഥാ​ന​ത്തിൽ പ്രസം​ഗി​ക്കു​ന്നതു നിർത്താൻ ഭരണാ​ധി​കാ​രി​കൾ ആജ്ഞാപി​ച്ച​പ്പോൾ പത്രോ​സും യോഹ​ന്നാ​നും എന്തു മറുപടി പറഞ്ഞു? (പ്രവൃ. 4:19, 20)

അവരുടെ മോച​ന​ത്തെ​തു​ടർന്ന്‌ അവർ വീണ്ടും ആരി​ലേക്കു സഹായ​ത്തി​നാ​യി നോക്കി? പീഡന​ത്തിന്‌ അറുതി​വ​രു​ത്താൻ അവർ അവനോ​ടു യാചി​ച്ചോ, അല്ലെങ്കിൽ എന്ത്‌? (പ്രവൃ. 4:24-31)

എതിരാളികൾ പ്രസം​ഗ​വേ​ലയെ നിർത്താൻ ശ്രമി​ച്ച​പ്പോൾ എന്തു മുഖാ​ന്ത​ര​ത്താൽ യഹോവ സഹായം പ്രദാനം ചെയ്‌തു? (പ്രവൃ. 5:17-20,33-40)

തങ്ങൾ വിമോ​ചി​ത​രാ​യ​തി​ന്റെ കാരണം തങ്ങൾക്കു മനസ്സി​ലാ​യെന്ന്‌ അപ്പോ​സ്‌ത​ലൻമാർ പ്രകട​മാ​ക്കി​യ​തെ​ങ്ങനെ? (പ്രവൃ. 5:21,41,42)

പീഡനത്തിന്റെ കാഠി​ന്യം നിമിത്തം ശിഷ്യൻമാ​രിൽ അനേകർ ചിതറി​പ്പോ​യ​പ്പോൾ പോലും അവർ എന്തു ചെയ്യു​ന്ന​തിൽ തുടർന്നു? (പ്രവൃ. 8:3,4; 11:19-21)

9. (എ) ആ ആദിമ​ശി​ഷ്യൻമാ​രു​ടെ ശുശ്രൂ​ഷ​യിൽനിന്ന്‌ ഏതു പുളക​പ്ര​ദ​മായ ഫലങ്ങളു​ണ്ടാ​യി? (ബി) നാം ഉൾപ്പെ​ടാ​നി​ട​യാ​യി​രി​ക്കു​ന്ന​തെ​ങ്ങനെ?

⁹ സുവാർത്ത​യോ​ടു​ളള ബന്ധത്തി​ലു​ളള അവരുടെ വേല വ്യർത്ഥ​മാ​യി​രു​ന്നില്ല. പൊ. യു. 33-ലെ പെന്തെ​ക്കോ​സ്‌തിൽ ഏതാണ്ടു 3,000 ശിഷ്യൻമാർ സ്‌നാനം കഴിപ്പി​ക്ക​പ്പെ​ട്ടി​രു​ന്നു. “കർത്താ​വിൽ വിശ്വ​സി​ച്ചവർ, പുരു​ഷൻമാ​രു​ടെ​യും സ്‌ത്രീ​ക​ളു​ടെ​യും പുരു​ഷാ​രങ്ങൾ, കൂട്ട​പ്പെ​ട്ടു​കൊ​ണ്ടേ​യി​രു​ന്നു.” (പ്രവൃ. 2:41; 4:4; 5:14) കാല​ക്ര​മ​ത്തിൽ അത്യന്തം കഠിന​രായ പീഡക​രിൽ ഒരാളാ​യി​രുന്ന തർസൂ​സി​ലെ ശൗൽപോ​ലും ഒരു ക്രിസ്‌ത്യാ​നി​യാ​യി​ത്തീർന്ന​താ​യും അവൻതന്നെ സത്യത്തിന്‌ സാക്ഷ്യം വഹിച്ചു​കൊ​ണ്ടി​രു​ന്ന​താ​യും റിപ്പോർട്ടു ചെയ്യ​പ്പെട്ടു. അവൻ അപ്പോ​സ്‌ത​ല​നായ പൗലോസ്‌ എന്നറി​യ​പ്പെ​ടാ​നി​ട​യാ​യി. (ഗലാ. 1:22-24) ഒന്നാം നൂററാ​ണ്ടിൽ ആരംഭിച്ച വേല നിന്നി​ട്ടില്ല. ഈ “അന്ത്യനാ​ളു​ക​ളിൽ” അതിന്‌ ആക്കം കൂടി​യി​രി​ക്കു​ന്നു, ഭൂമി​യു​ടെ എല്ലാഭാ​ഗ​ങ്ങ​ളി​ലും എത്തുക​യും ചെയ്‌തി​രി​ക്കു​ന്നു. നമുക്ക്‌ അതിൽ പങ്കുപ​റ​റു​ന്ന​തി​നു​ളള പദവി​യുണ്ട്‌. നാം അങ്ങനെ ചെയ്യു​മ്പോൾ, നമുക്കു മുമ്പു സേവിച്ച വിശ്വ​സ്‌ത​സാ​ക്ഷി​കൾ വെച്ച ദൃഷ്ടാ​ന്ത​ത്തിൽനിന്ന്‌ നമുക്കു പഠിക്കാൻ കഴിയും.

10. (എ) സാക്ഷീ​ക​രി​ക്കു​ന്ന​തി​നു​ളള ഏതവസ​ര​ങ്ങളെ പൗലോസ്‌ ഉപയോ​ഗി​ച്ചു? (ബി) നിങ്ങൾ ഏതു വിധങ്ങ​ളിൽ മററു​ള​ള​വ​രി​ലേക്കു രാജ്യ​സ​ന്ദേശം പരത്തുന്നു?

¹⁰ പൗലോസ്‌ യേശു​ക്രി​സ്‌തു​വി​നെ​ക്കു​റി​ച്ചു​ളള സത്യം മനസ്സി​ലാ​ക്കി​യ​പ്പോൾ അവൻ താമസി​ച്ചില്ല. “ഉടൻതന്നെ . . . അവൻ യേശു​വി​നെ പ്രസം​ഗി​ക്കാൻ തുടങ്ങി, ഇവൻ ദൈവ​പു​ത്ര​നാ​കു​ന്നു  എന്ന്‌.” (പ്രവൃ. 9:20) അവൻ തന്നോ​ടു​ളള ദൈവ​ത്തി​ന്റെ അനർഹ​ദ​യയെ വിലമ​തി​ക്കു​ക​യും തനിക്ക്‌ ലഭിച്ചി​രുന്ന സുവാർത്ത എല്ലാവർക്കും ആവശ്യ​മാ​ണെന്ന്‌ തിരി​ച്ച​റി​യു​ക​യും ചെയ്‌തു. അവൻ ഒരു യഹൂദ​നാ​യി​രു​ന്ന​തു​കൊണ്ട്‌ അന്നത്തെ ആചാര​മ​നു​സ​രിച്ച്‌ ഒരു സാക്ഷ്യം കൊടു​ക്കു​ന്ന​തിന്‌ അവൻ സിന്ന​ഗോ​ഗു​ക​ളി​ലേ​ക്കു​പോ​യി, അവ പൊതു സമ്മേള​ന​ത്തി​നു​ളള യഹൂദൻമാ​രു​ടെ സ്ഥലങ്ങളാ​യി​രു​ന്നു. അവൻ വീടു​തോ​റും പ്രസം​ഗി​ക്കു​ക​യും ചന്തസ്ഥലത്ത്‌ ആളുക​ളു​മാ​യി ന്യായ​വാ​ദം ചെയ്യു​ക​യും ചെയ്‌തു. സുവാർത്ത പ്രസി​ദ്ധ​മാ​ക്കാൻ പുതിയ സ്ഥലങ്ങളി​ലേക്ക്‌ നീങ്ങാൻ അവൻ സന്നദ്ധനാ​യി​രു​ന്നു.—പ്രവൃ. 17:17; 20:20; റോമ. 15:23,24.

11. (എ) ധൈര്യ​മു​ള​ള​വ​നാ​യി​രി​ക്കെ, താൻ സാക്ഷീ​ക​രിച്ച വിധത്തിൽ വിവേ​ച​ന​യു​ള​ള​വ​നാ​യി​രു​ന്നു​വെന്ന്‌ പൗലോസ്‌ എങ്ങനെ പ്രകട​മാ​ക്കി? (ബി) ബന്ധുക്ക​ളോ​ടോ കൂട്ടു​ജോ​ലി​ക്കാ​രോ​ടോ സഹപാ​ഠി​ക​ളോ​ടോ സാക്ഷീ​ക​രി​ക്കു​മ്പോൾ നമുക്ക്‌ എങ്ങനെ ആ ഗുണം പ്രതി​ഫ​ലി​പ്പി​ക്കാ​വു​ന്ന​താണ്‌?

¹¹ പൗലോസ്‌ ധൈര്യ​മു​ള​ള​വ​നാ​യി​രു​ന്നു, എന്നാൽ വിവേ​ച​ന​യു​ള​ള​വ​നു​മാ​യി​രു​ന്നു, നാം അങ്ങനെ​യാ​യി​രി​ക്കണം. യഹൂദൻമാ​രു​ടെ പൂർവ്വ​പി​താ​ക്ക​ളോ​ടു ദൈവം ചെയ്‌തി​രുന്ന വാഗ്‌ദ​ത്ത​ങ്ങ​ളു​ടെ അടിസ്ഥാ​ന​ത്തിൽ അവൻ യഹൂദൻമാ​രോ​ടു അഭ്യർത്ഥി​ച്ചു. ഗ്രീക്കു​കാർക്കു പരിചി​ത​മാ​യി​രുന്ന കാര്യ​ങ്ങ​ളു​ടെ അടിസ്ഥാ​ന​ത്തിൽ അവൻ ഗ്രീക്കു​കാ​രോ​ടു സംസാ​രി​ച്ചു. ചില സമയങ്ങ​ളിൽ ഒരു സാക്ഷ്യം കൊടു​ക്കു​ന്ന​തി​നു​ളള ഒരു ഉപാധി​യാ​യി സത്യം മനസ്സി​ലാ​ക്കി​യ​തി​ലു​ളള സ്വന്തം അനുഭ​വത്തെ അവൻ ഉപയോ​ഗി​ച്ചു. അവൻ വിശദീ​ക​രിച്ച പ്രകാരം: “ഞാൻ സകലവും സുവാർത്ത​ക്കു​വേണ്ടി ചെയ്യുന്നു, ഞാൻ മററു​ള​ള​വർക്ക്‌ അതു പങ്കു​വെ​ക്കു​ന്ന​വ​നാ​യി​ത്തീ​രേ​ണ്ട​തിനു​തന്നെ.”—1 കൊരി. 9:20-23; പ്രവൃ. 22:3-21.

12. (എ) ധൈര്യ​മു​ള​ള​വ​നാ​യി​രു​ന്നെ​ങ്കി​ലും, എതിരാ​ളി​ക​ളു​മാ​യു​ളള നിരന്തര ഏററു​മു​ട്ട​ലു​കൾ ഒഴിവാ​ക്കാൻ പൗലോസ്‌ എന്തു ചെയ്‌തു? (ബി) നമുക്ക്‌ ജ്ഞാനപൂർവ്വം എപ്പോൾ ആ ദൃഷ്ടാന്തം അനുക​രി​ക്കാ​വു​ന്ന​താണ്‌, എങ്ങനെ? (സി) സധൈ​ര്യം സംസാ​രി​ച്ചു​കൊ​ണ്ടേ​യി​രി​ക്കു​ന്ന​തി​നു​ളള ശക്തി എവി​ടെ​നി​ന്നു ലഭിക്കു​ന്നു?

¹² സുവാർത്ത​യോ​ടു​ളള എതിർപ്പ്‌, മറെറ​വി​ടെ​യെ​ങ്കി​ലും പ്രസം​ഗി​ക്കു​ന്ന​തോ കുറെ​ക്കാ​ല​ത്തേക്ക്‌ മറെറാ​രു പ്രദേ​ശ​ത്തേക്ക്‌ നീങ്ങു​ന്ന​തോ ഏററവും നന്നായി​രി​ക്കു​മെന്നു തോന്നി​ച്ച​പ്പോൾ സത്യത്തി​ന്റെ ശത്രു​ക്ക​ളു​മാ​യി നിരന്തരം ഏററു​മു​ട്ടു​ന്ന​തി​നു​പ​കരം പൗലോസ്‌ അങ്ങനെ ചെയ്‌തു. (പ്രവൃ. 14:5-7; 18:5-7; റോമ. 12:18) എന്നാൽ അവൻ ഒരിക്ക​ലും സുവാർത്ത​യെ​ക്കു​റി​ച്ചു ലജ്ജിച്ചി​രു​ന്നില്ല. (റോമ. 1:16) എതിരാ​ളി​ക​ളു​ടെ മര്യാ​ദ​യി​ല്ലാ​ത്ത​തോ അക്രമാ​സക്തം പോലു​മോ ആയ പെരു​മാ​ററം അസുഖ​ക​ര​മെന്നു പൗലോസ്‌  കണ്ടെത്തി​യെ​ങ്കി​ലും തുടർന്നു പ്രസം​ഗി​ക്കു​ന്ന​തിന്‌ അവൻ “നമ്മുടെ ദൈവം മുഖാ​ന്തരം ധൈര്യം സമാഹ​രി​ച്ചു.” അവൻ പ്രയാ​സ​മേ​റിയ സാഹച​ര്യ​ങ്ങ​ളി​ലാ​യി​ത്തീർന്നി​ട്ടും “എന്നിലൂ​ടെ പ്രസംഗം പൂർണ്ണ​മാ​യി നിർവ്വ​ഹി​ക്ക​പ്പെ​ടേ​ണ്ട​തിന്‌ കർത്താവ്‌ എന്റെ അടുക്കൽ നിൽക്കു​ക​യും എന്നിൽ ശക്തി പകരു​ക​യും ചെയ്‌തു”വെന്ന്‌ അവൻ പറഞ്ഞു. (1 തെസ്സ. 2:2; 2 തിമൊ. 4:17) ക്രിസ്‌തീ​യ​സ​ഭ​യു​ടെ ശിരസ്സായ കർത്താ​വായ യേശു നമ്മുടെ നാളി​ലേക്കു മുൻകൂ​ട്ടി​പ്പറഞ്ഞ വേല ചെയ്യു​ന്ന​തി​നാ​വ​ശ്യ​മായ ശക്തി പ്രദാനം ചെയ്യു​ന്ന​തിൽ തുടരു​ന്നു.—മർക്കോ. 13:10.

13. എന്താണ്‌ ക്രിസ്‌തീയ ധൈര്യ​ത്തി​ന്റെ തെളിവു നൽകു​ന്നത്‌, അതിനു​ളള അടിസ്ഥാ​നം എന്താണ്‌?

¹³ യേശു​ക്രി​സ്‌തു​വും ഒന്നാം നൂററാ​ണ്ടി​ലെ ദൈവ​ത്തി​ന്റെ മററു വിശ്വസ്‌ത ദാസൻമാ​രും ചെയ്‌ത​തു​പോ​ലെ ദൈവ​വ​ചനം ധൈര്യ​പൂർവ്വം പ്രസം​ഗി​ക്കു​ന്ന​തിൽ തുടരു​ന്ന​തിന്‌ നമുക്ക്‌ സകല കാരണ​വു​മുണ്ട്‌. നമ്മുടെ രീതി​യിൽ പരുഷ​രോ ധിക്കാ​രി​ക​ളോ ആയിരി​ക്കുക എന്ന്‌ ഇതിനർത്ഥ​മില്ല. മര്യാ​ദ​യി​ല്ലാ​ത്ത​വ​രാ​യി​രി​ക്കു​ന്നതി​നോ സന്ദേശം ആഗ്രഹി​ക്കാ​ത്ത​വരെ അത്‌ അടി​ച്ചേൽപ്പി​ക്കു​ന്ന​തി​നോ ആവശ്യ​മില്ല. എന്നാൽ ആളുകൾ ഉദാസീ​ന​രാ​യി​രി​ക്കു​ന്ന​തു​കൊണ്ട്‌ നാം പിൻമാ​റു​ന്നില്ല, എതിർപ്പി​നാൽ നാം ഭയന്ന്‌ മിണ്ടാ​തി​രി​ക്കു​ന്നു​മില്ല. യേശു​വി​നെ​പ്പോ​ലെ, സർവ്വഭൂ​മി​യു​ടെ​യും ന്യായ​യു​ക്ത​മായ ഗവൺമെൻറ്‌ എന്നനി​ല​യിൽ നാം ദൈവ​രാ​ജ്യ​ത്തി​ലേക്കു വിരൽചൂ​ണ്ടു​ന്നു. നാം സാർവ്വ​ത്രി​ക​പ​ര​മാ​ധി​കാ​രി​യായ യഹോ​വയെ പ്രതി​നി​ധാ​നം ചെയ്യു​ന്ന​തു​കൊണ്ട്‌ നാം സധൈ​ര്യം പ്രസം​ഗി​ക്കു​ന്നു. നാം പ്രഘോ​ഷി​ക്കുന്ന സന്ദേശം നമ്മിൽനി​ന്നല്ല, പിന്നെ​യോ യഹോ​വ​യിൽനി​ന്നാണ്‌.—ഫിലി. 1:27,28; 1 തെസ്സ. 2:13.

പുനരവലോകന ചർച്ച

● സാദ്ധ്യ​മാ​കുന്ന ഏവനോ​ടും രാജ്യ​സ​ന്ദേശം അറിയി​ക്കു​ന്നത്‌ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌? എന്നാൽ നാം ഏതു പ്രതി​ക​ര​ണങ്ങൾ പ്രതീ​ക്ഷി​ക്കണം?

● യഹോ​വയെ സേവി​ക്കു​ന്ന​തിന്‌ നാം സ്വന്തശ​ക്തി​യിൽ ആശ്രയി​ക്കാൻ ശ്രമി​ക്കു​ന്നി​ല്ലെന്ന്‌ നമുക്ക്‌ എങ്ങനെ പ്രകട​മാ​ക്കാൻ കഴിയും?

● പ്രവൃ​ത്തി​ക​ളു​ടെ പുസ്‌ത​ക​ത്തിൽ നിന്ന്‌ ഏതു വിലപ്പെട്ട പാഠങ്ങൾ നാം പഠിക്കു​ന്നു?

[അധ്യയന ചോദ്യ​ങ്ങൾ]