അധ്യായം 5

യഹോ​വ​യു​ടെ ആരാധകർ അനുഭ​വി​ക്കുന്ന സ്വാത​ന്ത്ര്യം

1, 2. (എ) ആദ്യമ​നു​ഷ്യ​ജോ​ടിക്ക്‌ ദൈവം ഏതുതരം സ്വാത​ന്ത്ര്യം കൊടു​ത്തു? (ബി) അവരുടെ പ്രവർത്ത​നത്തെ ഭരിച്ച ചില നിയമങ്ങൾ പറയുക.

¹ യഹോവ ആദ്യമ​നു​ഷ്യ​ജോ​ടി​യെ സൃഷ്ടി​ച്ച​പ്പോൾ, അവർ ഇന്നു മനുഷ്യർക്കു​ളള ഏതു സ്വാത​ന്ത്ര്യ​ത്തെ​ക്കാ​ളും വളരെ മികച്ച സ്വാത​ന്ത്ര്യം അനുഭ​വി​ച്ചി​രു​ന്നു. അവരുടെ ഭവനം പരദീ​സ​യാ​യി​രു​ന്നു. രോഗം അവരുടെ ജീവി​താ​സ്വാ​ദ​നത്തെ കളങ്ക​പ്പെ​ടു​ത്തി​യില്ല. മരണം അവരെ കാത്തി​രു​ന്നില്ല. എന്നാൽ അങ്ങനെ​യു​ളള സ്വാത​ന്ത്ര്യ​ത്തിൽ അവർ തുടരു​ന്ന​തിന്‌ ദൈവ​നി​യ​മ​ങ്ങ​ളോ​ടു​ളള ആദരവ്‌ ഒരു പ്രധാ​ന​ഘ​ട​ക​മാ​യി​രു​ന്നു.

² ആ നിയമ​ങ്ങ​ളിൽ ചിലത്‌ വാമൊ​ഴി​യാ​യി പ്രസ്‌താ​വി​ക്ക​പ്പെ​ട്ടി​രു​ന്നി​ല്ലാ​യി​രി​ക്കാം, എന്നാൽ ആദാമും ഹവ്വായും അവ അനുസ​രി​ക്കു​ന്നത്‌ സ്വാഭാ​വി​കം മാത്ര​മാ​യി​രി​ക്ക​ത്ത​ക്ക​വണ്ണം അവർ നിർമ്മി​ക്ക​പ്പെ​ട്ടി​രു​ന്നു. അങ്ങനെ, വിശപ്പു ഭക്ഷി​ക്കേ​ണ്ട​തി​ന്റെ ആവശ്യത്തെ സൂചി​പ്പി​ച്ചു; ദാഹം, കുടി​ക്കേ​ണ്ട​തി​ന്റെ​യും. സൂര്യാ​സ്‌ത​മയം ആവശ്യ​മായ വിശ്ര​മ​വും ഉറക്കവും കിട്ടാൻ അവരെ പ്രോ​ത്സാ​ഹി​പ്പി​ച്ചു. യഹോവ അവരോ​ടു സംസാ​രി​ക്കു​ക​യും അവർക്കു വേല ചെയ്യു​ന്ന​തി​നു​ളള ഒരു നിയോ​ഗം കൊടു​ക്കു​ക​യും കൂടെ ചെയ്‌തു. യഥാർത്ഥ​ത്തിൽ ആ നിയോ​ഗം ഒരു നിയമം ആയിരു​ന്നു, എന്തു​കൊ​ണ്ടെ​ന്നാൽ അത്‌ അവരുടെ പ്രവർത്ത​ന​ഗ​തി​യെ ഭരിക്കു​മാ​യി​രു​ന്നു. എന്നാൽ അത്‌ എത്ര ദയാമ​സൃ​ണ​വും പ്രയോ​ജ​ന​പ്ര​ദ​വു​മായ നിയമ​മാ​യി​രു​ന്നു! അത്‌ അവർക്ക്‌ തികച്ചും തൃപ്‌തി​ക​ര​മായ വേല കൊടു​ത്തു, അതു ആരോ​ഗ്യാ​വ​ഹ​മായ വിധങ്ങ​ളിൽ അവരുടെ പ്രാപ്‌തി​കൾ പൂർണ്ണ​മാ​യി ഉപയോ​ഗി​ക്കാൻ അവരെ പ്രാപ്‌ത​രാ​ക്കി. അവർ മക്കളെ ജനിപ്പി​ക്കു​ക​യും ഭൂമി​യി​ലെ മൃഗജാ​ല​ങ്ങ​ളു​ടെ​മേൽ ആധിപ​ത്യം നടത്തു​ക​യും മുഴു ഗോള​ത്തെ​യും ഉൾപ്പെ​ടു​ത്തു​ന്ന​തു​വരെ ക്രമേണ പരദീ​സ​യു​ടെ അതിരു​കൾ വികസി​പ്പി​ക്കു​ക​യും ചെയ്യണ​മാ​യി​രു​ന്നു. (ഉല്‌പ. 1:28; 2:15) അനാവ​ശ്യ​മായ വിശദാം​ശ​ങ്ങ​ളാൽ ദൈവം അവരെ ഭാര​പ്പെ​ടു​ത്തി​യില്ല. തീരു​മാ​നങ്ങൾ ചെയ്യു​ന്ന​തിന്‌  അവർക്കു വേണ്ടത്ര പ്രവർത്ത​ന​രം​ഗം അനുവ​ദി​ച്ചി​രു​ന്നു. കൂടു​ത​ലാ​യി എന്താണ്‌ ഒരുവന്‌ ചോദി​ക്കാൻ കഴിയുക?

3. തീരു​മാ​നങ്ങൾ ചെയ്യു​ന്ന​തി​നു​ളള ആദാമി​ന്റെ സ്വാത​ന്ത്ര്യ​ത്തെ ജ്ഞാനപൂർവ്വം ഉപയോ​ഗി​ക്കാൻ അവന്‌ എങ്ങനെ സഹായി​ക്ക​പ്പെ​ടാൻ കഴിയു​മാ​യി​രു​ന്നു?

³ തീർച്ച​യാ​യും, തീരു​മാ​നങ്ങൾ എടുക്കു​ന്ന​തി​നു​ളള പദവി ആദാമി​നു കൊടു​ക്ക​പ്പെ​ട്ട​പ്പോൾ, അവൻ എന്തു തീരു​മാ​ന​മെ​ടു​ത്താ​ലും അതു സൽഫലങ്ങൾ ഉളവാ​ക്കു​മെന്ന്‌ അതിന്‌ അർത്ഥമി​ല്ലാ​യി​രു​ന്നു. തീരു​മാ​നങ്ങൾ എടുക്കു​ന്ന​തി​നു​ളള അവന്റെ സ്വാത​ന്ത്ര്യം ഉത്തരവാ​ദി​ത്തത്തെ അർത്ഥമാ​ക്കി. തന്റെ സ്വർഗ്ഗീയ പിതാ​വി​നെ ശ്രദ്ധി​ക്കു​ന്ന​തി​നാ​ലും അവന്റെ പ്രവൃ​ത്തി​കൾ നിരീ​ക്ഷി​ക്കു​ന്ന​തി​നാ​ലും ആദാമി​നു പഠിക്കാൻ കഴിയു​മാ​യി​രു​ന്നു. അവൻ പഠിച്ചതു ബാധക​മാ​ക്കു​ന്ന​തിന്‌ അവനെ പ്രാപ്‌ത​നാ​ക്കുന്ന ബുദ്ധി​ശക്തി ദൈവം അവനു കൊടു​ത്തി​രു​ന്നു. ആദാം “ദൈവ​ത്തി​ന്റെ പ്രതി​ച്ഛാ​യ​യിൽ” സൃഷ്ടി​ക്ക​പ്പെ​ട്ടി​രു​ന്ന​തു​കൊണ്ട്‌ തീരു​മാ​നങ്ങൾ ചെയ്യു​മ്പോൾ അവന്റെ സ്വാഭാ​വി​ക​പ്ര​വണത ദൈവിക ഗുണങ്ങൾ പ്രതി​ഫ​ലി​പ്പി​ക്കാ​നാ​യി​രി​ക്കും. ദൈവം അവനു​വേണ്ടി ചെയ്‌തി​രു​ന്ന​തി​നെ അവൻ യഥാർത്ഥ​മാ​യി വിലമ​തി​ക്കു​ക​യും ദൈവത്തെ പ്രസാ​ദി​പ്പി​ക്കാ​നാ​ഗ്ര​ഹി​ക്കു​ക​യും ചെയ്‌തി​രു​ന്നെ​ങ്കിൽ അതു ചെയ്യാൻ അവൻ തീർച്ച​യാ​യും ശ്രദ്ധാ​ലു​വാ​യി​രി​ക്കു​മാ​യി​രു​ന്നു.—ഉല്‌പ. 1:26, 27; യോഹ. 8:29 താരത​മ്യ​പ്പെ​ടു​ത്തുക.

4. (എ) ആദാമി​നു കൊടു​ക്ക​പ്പെട്ട നിയ​ന്ത്ര​ണാ​ത്മക കല്‌പന അവന്റെ സ്വാത​ന്ത്ര്യ​ത്തെ കവർന്നു​ക​ള​ഞ്ഞു​വോ? (ബി) അത്‌ ഉചിത​മായ ഒരു വ്യവസ്ഥ ആയിരു​ന്ന​തെ​ന്തു​കൊണ്ട്‌?

⁴ തന്റെ സ്രഷ്ടാ​വും ജീവദാ​താ​വു​മാ​യ​വന്റെ മേലുളള മമനു​ഷ്യ​ന്റെ ആശ്രയ​ത്തി​ന്റെ ഒരു ഓർമ്മി​പ്പി​ക്ക​ലെന്ന നിലയിൽ, യഹോവ അവന്റെ​മേൽ ഈ കല്‌പന വെച്ചു: “തോട്ട​ത്തി​ലെ ഓരോ വൃക്ഷത്തിൽനി​ന്നും നിനക്ക്‌ തൃപ്‌തി​യാ​കു​വോ​ളം ഭക്ഷിക്കാം. എന്നാൽ നൻമയു​ടെ​യും തിൻമ​യു​ടെ​യും അറിവി​ന്റെ വൃക്ഷത്തെ സംബന്ധി​ച്ച​ട​ത്തോ​ളം നീ അതിൽനിന്ന്‌ ഭക്ഷിക്ക​രുത്‌, എന്തു​കൊ​ണ്ടെ​ന്നാൽ നീ അതിൽനിന്ന്‌ ഭക്ഷിക്കുന്ന ദിവസ​ത്തിൽ നീ തീർച്ച​യാ​യും മരിക്കും.” (ഉല്‌പ. 2:16, 17) ആ നിയമം മമനു​ഷ്യ​ന്റെ സ്വാത​ന്ത്ര്യം കവർന്നു​ക​ള​ഞ്ഞോ? തീർച്ച​യാ​യു​മില്ല. അനുസ​രി​ക്കു​ന്ന​തി​നോ അനുസ​രി​ക്കാ​തി​രി​ക്കു​ന്ന​തി​നോ ആദാമി​നു സ്വാത​ന്ത്ര്യ​മു​ണ്ടാ​യി​രു​ന്നു. വിലക്ക്‌ ഭാരം വരുത്തി​ക്കൂ​ട്ടി​യില്ല. ആ ഒരു വൃക്ഷത്തെ തൊടാ​തെ​തന്നെ അവന്‌ ധാരാളം ഭക്ഷിക്കാ​നു​ണ്ടാ​യി​രു​ന്നു. എന്നിരു​ന്നാ​ലും താൻ ജീവി​ക്കുന്ന ഭൂമി ദൈവ​ത്തി​ന്റേ​താ​ണെ​ന്നും, സ്രഷ്ടാ​വെ​ന്ന​നി​ല​യിൽ ദൈവം തന്റെ സൃഷ്ടി​യു​ടെ നീതി​യു​ക്ത​നായ ഭരണാ​ധി​പ​നാ​ണെ​ന്നും അവൻ തിരി​ച്ച​റി​യു​ന്നത്‌ ഉചിതം മാത്ര​മാ​യി​രു​ന്നു.—സങ്കീ. 24:1, 10.

5. (എ) ആദാമി​നും ഹവ്വായ്‌ക്കും ഉണ്ടായി​രുന്ന മഹത്തായ സ്വാത​ന്ത്ര്യം അവർക്കു നഷ്ടപ്പെ​ട്ട​തെ​ങ്ങനെ? (ബി) അതിന്റെ സ്ഥാനത്ത്‌ എന്തു വന്നു? നാം എങ്ങനെ ബാധി​ക്ക​പ്പെ​ട്ടി​രി​ക്കു​ന്നു?

 ⁵ എന്നാൽ എന്തു സംഭവി​ച്ചു? ഒരു ദൂതൻ സ്വാർത്ഥ​മോ​ഹ​ത്താൽ പ്രേരി​ത​നാ​യി ഒരു യഥാർത്ഥ​വ​ഴി​കാ​ട്ടി​യാ​യി ചമഞ്ഞു​കൊണ്ട്‌ ഹവ്വായെ വഞ്ചിക്കു​ക​യും ദൈ​വേ​ഷ്ട​ത്തിന്‌ വിരു​ദ്ധ​മാ​യ​തിന്‌ അവൾക്ക്‌ ഉറപ്പു​കൊ​ടു​ക്കു​ക​യും ചെയ്‌തു. തന്റെ പിതാ​വി​നെ അനുസ​രി​ക്കു​ന്ന​തി​നു പകരം ആദാം ലംഘന​ത്തിൽ ഹവ്വാ​യോ​ടു ചേർന്നു. തങ്ങൾക്കു​ള​ള​ത​ല്ലാ​ത്തതു പിടി​ച്ചു​പ​റ​റാൻ ശ്രമി​ച്ച​തി​നാൽ ആദാമും ഹവ്വായും തങ്ങൾക്കു​ണ്ടാ​യി​രുന്ന മഹത്തായ സ്വാത​ന്ത്ര്യം നഷ്ടപ്പെ​ടു​ത്തി. പാപം അവരുടെ യജമാ​ന​നാ​യി​ത്തീർന്നു. ദൈവം മുന്നറി​യി​പ്പു​കൊ​ടു​ത്തി​രു​ന്ന​തു​പോ​ലെ മരണം സുനി​ശ്ചി​ത​മാ​യി അവരെ കാത്തി​രു​ന്നു. തത്‌ഫ​ല​മാ​യി അവരുടെ സന്തതി​ക​ളി​ലേക്ക്‌ ഏത്‌ അവകാശം കൈമാ​റ​പ്പെട്ടു? പാപം. അത്‌ ദുഷ്‌പ്ര​വൃ​ത്തി​ക്കു​ളള ഒരു സഹജ പ്രവണ​ത​യി​ലും ഒരുവനെ രോഗ​ത്തി​നു വിധേ​യ​നാ​ക്കുന്ന ദൗർബ്ബ​ല്യ​ങ്ങ​ളി​ലും ക്രമേണ പിടി​പെ​ടുന്ന വാർദ്ധ​ക്യ​ത്താ​ലു​ളള ക്ഷയിക്ക​ലി​ലും പ്രത്യ​ക്ഷ​മാ​കു​ന്നു. കൂടാതെ മരണവും. സാത്താന്യ സ്വാധീ​ന​ത്താൽ കൂടുതൽ വഷളാ​ക്ക​പ്പെട്ട, അവകാ​ശ​പ്പെ​ടു​ത്തിയ ദുഷ്‌പ്ര​വൃ​ത്തി​യി​ലേ​ക്കു​ളള പ്രവണത ഉളവാ​ക്കി​യി​രി​ക്കുന്ന സമുദാ​യ​ത്തിൽ ജീവിതം എല്ലാവർക്കും അപകട​ക​ര​മാ​യി​ത്തീർന്നി​രി​ക്കു​ന്നു. ദൈവം ആരംഭ​ത്തിൽ മനുഷ്യ​വർഗ്ഗ​ത്തി​നു കൊടു​ത്തി​രുന്ന സ്വാത​ന്ത്ര്യ​ത്തിൽനിന്ന്‌ എന്തോരു വ്യത്യാ​സം!—റോമ. 5:12; ഇയ്യോ. 14:1; വെളി. 12:9.

സ്വാത​ന്ത്ര്യം കണ്ടെത്താ​വു​ന്ന​ടം

6. (എ) യഥാർത്ഥ​സ്വാ​ത​ന്ത്ര്യം എവിടെ കണ്ടെത്താൻ കഴിയും? (ബി) യേശു യോഹ​ന്നാൻ 8:31, 32-ൽ ഏതുതരം സ്വാത​ന്ത്ര്യ​ത്തെ​ക്കു​റി​ച്ചാ​യി​രു​ന്നു സംസാ​രി​ച്ചത്‌?

⁶ ഇന്നത്തെ അവസ്ഥക​ളു​ടെ കാഴ്‌ച​പ്പാ​ടിൽ ആളുകൾ തങ്ങൾക്കു​ള​ള​തി​നെ​ക്കാൾ കൂടുതൽ സ്വാത​ന്ത്ര്യം കാംക്ഷി​ക്കു​ന്നത്‌ ആശ്ചര്യമല്ല. എന്നാൽ യഥാർത്ഥ സ്വാത​ന്ത്ര്യം എവിടെ കണ്ടെത്താൻ കഴിയും? യേശു​ക്രി​സ്‌തു ഇങ്ങനെ പറഞ്ഞു: “ നിങ്ങൾ എന്റെ വചനത്തിൽ നിലനിൽക്കു​ന്നു​വെ​ങ്കിൽ നിങ്ങൾ യഥാർത്ഥ​ത്തിൽ എന്റെ ശിഷ്യൻമാ​രാ​കു​ന്നു, നിങ്ങൾ സത്യം അറിയു​ക​യും സത്യം നിങ്ങളെ സ്വത​ന്ത്ര​രാ​ക്കു​ക​യും ചെയ്യും.” (യോഹ. 8:31, 32) ഈ സ്വാത​ന്ത്ര്യം മനുഷ്യർ ഒരു രാഷ്‌ട്രീ​യ​ഭ​ര​ണാ​ധി​കാ​രി​യെ അല്ലെങ്കിൽ ഭരണ സമ്പ്രദാ​യത്തെ തളളി മറെറാ​ന്നി​നെ അനുകൂ​ലി​ക്കു​മ്പോൾ പ്രത്യാ​ശി​ക്കുന്ന പരിമി​ത​മാ​യ​തരം സ്വാത​ന്ത്ര്യ​മല്ല. പകരം, അതു മാനു​ഷിക പ്രശ്‌ന​ങ്ങ​ളു​ടെ ഉൾക്കാ​മ്പി​ലേ​ക്കു​തന്നെ എത്തുന്നു. യേശു ചർച്ച ചെയ്‌തു​കൊ​ണ്ടി​രു​ന്നത്‌ പാപത്തിൽനി​ന്നു​ളള സ്വാത​ന്ത്ര്യ​മാ​യി​രു​ന്നു, പാപത്തി​ന്റെ അടിമ​ത്ത​ത്തിൽനി​ന്നു​ത​ന്നെ​യു​ളള സ്വാത​ന്ത്ര്യം. (യോഹ​ന്നാൻ 8:24, 34-36 കാണുക.)  അങ്ങനെ, ഒരു വ്യക്തി യേശു​ക്രി​സ്‌തു​വി​ന്റെ ഒരു യഥാർത്ഥ ശിഷ്യ​നാ​യി​ത്തീ​രു​മ്പോൾ അത്‌ അയാളു​ടെ ജീവി​ത​ത്തിൽ ശ്രദ്ധേ​യ​മായ ഒരു മാററ​ത്തിൽ, ഒരു വിമോ​ച​ന​ത്തിൽ, കലാശി​ക്കു​ന്നു.

7. (എ) ആ സ്ഥിതിക്ക്‌, നമുക്കി​പ്പോൾ പാപത്തിൽനിന്ന്‌ ഏതർത്ഥ​ത്തിൽ സ്വത​ന്ത്ര​രാ​കാൻ കഴിയും? (ബി) ആ സ്വാത​ന്ത്ര്യം ലഭിക്കാൻ നാം എന്തു ചെയ്യണം?

⁷ ഈ കാലത്ത്‌ സത്യ​ക്രി​സ്‌ത്യാ​നി​കൾക്ക്‌ പാപപൂർണ്ണ​മായ നടത്തയി​ലേ​ക്കു​ളള സഹജ​പ്ര​വ​ണ​ത​യു​ടെ ഫലങ്ങൾ മേലാൽ അനുഭ​വ​പ്പെ​ടു​ന്നി​ല്ലെന്ന്‌ അതിനർത്ഥ​മില്ല. മറിച്ച്‌, അതു നിമിത്തം അവർക്ക്‌ ഒരു പോരാ​ട്ട​മുണ്ട്‌. (റോമ. 7:21-25) എന്നാൽ ഒരു വ്യക്തി യേശു​വി​ന്റെ പഠിപ്പി​ക്ക​ലു​കൾക്ക്‌ ചേർച്ച​യാ​യി യഥാർത്ഥ​ത്തിൽ ജീവി​ക്കു​ന്നു​വെ​ങ്കിൽ, അയാൾ മേലാൽ പാപത്തി​ന്റെ ഹീനനായ അടിമ ആയിരി​ക്കു​ക​യില്ല. മേലാൽ പാപം അയാൾക്ക്‌ താൻ അനുസ​രി​ക്കുന്ന ആജ്ഞകൾ പുറ​പ്പെ​ടു​വി​ക്കുന്ന ഒരു രാജാ​വി​നെ​പ്പോ​ലെ​യാ​യി​രി​ക്കു​ക​യില്ല. അയാൾ മേലാൽ ഉദ്ദേശ്യ​ര​ഹി​ത​വും തന്നിൽ ഒരു അസ്വസ്ഥ മനഃസാ​ക്ഷി അവശേ​ഷി​പ്പി​ക്കു​ന്ന​തു​മായ ഒരു ജീവി​ത​രീ​തി​യിൽ കുരു​ങ്ങി​പ്പോ​കു​ക​യില്ല. ക്രിസ്‌തു​വി​ന്റെ ബലിയി​ലു​ളള വിശ്വാ​സ​ത്തി​ന്റെ അടിസ്ഥാ​ന​ത്തിൽ കഴിഞ്ഞ​കാല പാപങ്ങൾ മോചി​ക്ക​പ്പെ​ട്ടി​രി​ക്കു​ന്ന​തു​കൊണ്ട്‌ അയാൾ ദൈവ​മു​മ്പാ​കെ ഒരു നിർമ്മ​ല​മായ മനഃസാ​ക്ഷി ആസ്വദി​ക്കും. പാപപൂർണ്ണ​മായ പ്രവണ​തകൾ പ്രാബ​ല്യം കാട്ടാൻ ശ്രമി​ച്ചേ​ക്കാം, എന്നാൽ ക്രിസ്‌തു​വി​ന്റെ നിർമ്മ​ല​മായ ഉപദേ​ശങ്ങൾ അനുസ്‌മ​രി​ക്കുക നിമിത്തം അവയനു​സ​രി​ച്ചു പ്രവർത്തി​ക്കാൻ അയാൾ വിസമ്മ​തി​ക്കു​മ്പോൾ പാപം തന്റെ യജമാ​ന​ന​ല്ലെന്ന്‌ അയാൾ പ്രകട​മാ​ക്കും.—റോമ. 6:12-17.

8. (എ) സത്യ​ക്രി​സ്‌ത്യാ​നി​ത്വം വേറെ ഏതു സ്വാത​ന്ത്ര്യം നമുക്കു നൽകുന്നു? (ബി) ഇതു ലൗകിക ഭരണാ​ധി​കാ​രി​ക​ളോ​ടു​ളള നമ്മുടെ മനോ​ഭാ​വത്തെ എങ്ങനെ ബാധി​ക്കണം?

⁸ ക്രിസ്‌ത്യാ​നി​ക​ളെന്ന നിലയിൽ നാം വലിയ സ്വാത​ന്ത്ര്യം അനുഭ​വി​ക്കു​ന്നുണ്ട്‌. നാം വ്യാ​ജോ​പ​ദേ​ശ​ങ്ങ​ളു​ടെ ഫലങ്ങളിൽ നിന്നും അന്ധവി​ശ്വാ​സ​ത്തി​ന്റെ അടിമ​ത്ത​ത്തിൽനി​ന്നും പാപത്തി​ന്റെ ദാസ്യ​ത്തിൽനി​ന്നും വിമു​ക്ത​രാ​ക്ക​പ്പെ​ട്ടി​രി​ക്കു​ന്നു. മരിച്ച​വ​രു​ടെ അവസ്ഥ​യെ​യും പുനരു​ത്ഥാ​ന​ത്തെ​യും കുറി​ച്ചു​ളള മഹത്തായ സത്യങ്ങൾ, മനുഷ്യർ തങ്ങളുടെ മനഃസാ​ക്ഷി​യെ അടിച്ച​മർത്താൻ ഇടയാ​ക്കുന്ന ഘോര​മ​ര​ണത്തെ സംബന്ധിച്ച അന്യാ​യ​മായ ഭയത്തിൽനിന്ന്‌ നമ്മെ സ്വത​ന്ത്ര​രാ​ക്കി​യി​ട്ടുണ്ട്‌. അപൂർണ്ണ​മാ​നു​ഷ​ഗ​വൺമെൻറു​കൾക്കു പകരം ദൈവ​ത്തി​ന്റെ നീതി​യു​ളള രാജ്യം വരു​മെ​ന്നു​ളള അറിവ്‌ നമ്മെ നിരാ​ശ​യിൽ നിന്ന്‌ സ്വത​ന്ത്ര​രാ​ക്കു​ന്നു. എന്നാൽ അങ്ങനെ​യു​ളള സ്വാത​ന്ത്ര്യം പെട്ടെന്ന്‌ പഴയവ്യ​വ​സ്ഥി​തി മാറി​പ്പോ​കു​മെ​ന്നു​ളള ധാരണ​യിൽ നിയമ​ത്തോട്‌ അനാദ​ര​വോ ഗവൺമെൻറ്‌ ഉദ്യോ​ഗ​സ്ഥൻമാ​രോട്‌ അവഗണ​ന​യോ  കാട്ടു​ന്ന​തി​നെ ന്യായീ​ക​രി​ക്കു​ന്നില്ല.—1 പത്രോ. 2:16, 17; തീത്തോ. 3:1, 2.

9. (എ) മനുഷ്യർക്ക്‌ ഇപ്പോൾ സാദ്ധ്യ​മായ ഏററവും വലിയ അളവി​ലു​ളള സ്വാത​ന്ത്ര്യം ആസ്വദി​ക്കു​ന്ന​തിന്‌ യഹോവ നമ്മെ സ്‌നേ​ഹ​പൂർവ്വം സഹായി​ക്കു​ന്ന​തെ​ങ്ങനെ? (ബി) തീരു​മാ​നങ്ങൾ ചെയ്യു​മ്പോൾ ആദാം തന്റെ സ്വാത​ന്ത്ര്യ​ത്തെ ദുരു​പ​യോ​ഗ​പ്പെ​ടു​ത്തി​യ​തിൽനിന്ന്‌ ഉണ്ടായ ഫലം നാം വ്യക്തമാ​യി മനസ്സി​ലാ​ക്കു​ന്നു​ണ്ടെന്ന്‌ നമുക്ക്‌ എങ്ങനെ പ്രകട​മാ​ക്കാൻ കഴിയും?

⁹ പരീക്ഷി​ച്ചും തെററു​വ​രു​ത്തി​യും ഏററവും നല്ല ജീവി​ത​രീ​തി കണ്ടുപി​ടി​ക്കാൻ യഹോവ നമ്മെ വിടു​ന്നില്ല. നാം എങ്ങനെ നിർമ്മി​ക്ക​പ്പെ​ട്ടി​രി​ക്കു​ന്നു​വെ​ന്നും നമുക്ക്‌ യഥാർത്ഥ​സം​തൃ​പ്‌തി​യും വ്യക്തി​പ​ര​മായ മാന്യ​താ​ബോ​ധ​വും കൈവ​രു​ത്തു​ന്ന​തെ​ന്തെ​ന്നും നമുക്ക്‌ ഏററം നിലനിൽക്കുന്ന പ്രയോ​ജനം കൈവ​രു​ത്തു​ന്ന​തെ​ന്തെ​ന്നും അവന്‌ അറിയാം. തന്റെ ഉദ്ദേശ്യം നിറ​വേ​റ​റു​ന്ന​തി​നു​ളള സ്വന്തം സമയപ്പ​ട്ടി​ക​യും അവനറി​യാം. തന്നിമി​ത്തം നാം ഏററവും പ്രയോ​ജ​ന​ക​ര​മായ ഏതു പ്രവർത്ത​ന​ങ്ങ​ളിൽ ഏർപ്പെ​ടേ​ണ്ട​താ​ണെന്ന്‌ അവന്‌ അറിയാം. അതു​പോ​ലെ​തന്നെ ഒരു വ്യക്തിയെ അധഃപ​തി​പ്പി​ക്കാ​നോ മററു​ള​ള​വ​രു​മാ​യു​ളള അയാളു​ടെ ബന്ധങ്ങളെ നശിപ്പി​ക്കാ​നോ ദൈവ​രാ​ജ്യ​ത്തി​ന്റെ അനു​ഗ്ര​ഹ​ങ്ങ​ളിൽനിന്ന്‌ അയാളെ മാററി​നിർത്താൻപോ​ലു​മോ കഴിയുന്ന ചിന്തകളെ അല്ലെങ്കിൽ നടത്ത​യെ​ക്കു​റി​ച്ചും അവന്‌ അറിവുണ്ട്‌. അവൻ സ്‌നേ​ഹ​പൂർവ്വം ഈ കാര്യ​ങ്ങ​ളെ​ക്കു​റിച്ച്‌ ബൈബി​ളി​ലൂ​ടെ​യും അവന്റെ ദൃശ്യ​സ്ഥാ​പനം മുഖാ​ന്ത​ര​വും നമ്മെ അറിയി​ക്കു​ന്നു. (ഗലാ. 5:19-23; മർക്കോ. 13:10; 1 തിമൊ. 1:12, 13 താരത​മ്യ​പ്പെ​ടു​ത്തുക.) അപ്പോൾ, നമ്മുടെ ദൈവ​ദ​ത്ത​മായ ഇച്ഛാസ്വാ​ത​ന്ത്ര്യം ഉപയോ​ഗിച്ച്‌ നാം എങ്ങനെ പ്രതി​വർത്തി​ക്ക​ണ​മെന്ന്‌ തീരു​മാ​നി​ക്കേ​ണ്ടത്‌ നാം തന്നെയാണ്‌. ആരംഭ​ത്തിൽ മനുഷ്യ​വർഗ്ഗ​ത്തി​നു കൊടു​ക്ക​പ്പെട്ട സ്വാത​ന്ത്ര്യം ആദാം നഷ്ടപ്പെ​ടു​ത്തി​യ​തി​നെ​ക്കു​റി​ച്ചു ബൈബിൾ നമ്മോടു പറയു​ന്നതു നാം കാര്യ​മാ​യി എടുത്തി​ട്ടു​ണ്ടെ​ങ്കിൽ നാം ജ്ഞാനപൂർവ്വം ആ തീരു​മാ​നങ്ങൾ ചെയ്യും. യഹോ​വ​യോ​ടു​ളള ഒരു നല്ല ബന്ധമാണ്‌ ജീവി​ത​ത്തി​ലെ നമ്മുടെ മുഖ്യ​താ​ത്‌പ​ര്യ​മെന്ന്‌ നാം പ്രകട​മാ​ക്കും.

മറെറാ​രു തരം സ്വാത​ന്ത്ര്യം വാഞ്‌ഛി​ക്കൽ

10. ക്രിസ്‌ത്യാ​നി​ക​ളെ​ന്ന​വ​കാ​ശ​പ്പെ​ടുന്ന ചിലർ ഏതു തരം സ്വാത​ന്ത്ര്യം നേടാൻ ശ്രമി​ച്ചി​രി​ക്കു​ന്നു?

¹⁰ ചില സമയങ്ങ​ളിൽ യഹോ​വ​യു​ടെ സാക്ഷി​ക​ളാ​യി വളർത്ത​പ്പെട്ട ചില ചെറു​പ്പ​ക്കാ​രും അത്ര ചെറു​പ്പ​മ​ല്ലാത്ത മററു ചിലരും മറെറാ​രു​തരം സ്വാത​ന്ത്ര്യം വേണ​മെന്നു വിചാ​രി​ക്കു​ന്നു. ലോകം വളരെ മോഹ​ന​മാ​യി കാണ​പ്പെ​ട്ടേ​ക്കാം, അവർ അതി​നെ​ക്കു​റിച്ച്‌ എത്ര കൂടു​ത​ലാ​യി ചിന്തി​ക്കു​ന്നു​വോ അത്രയ​ധി​ക​മാ​യി ലോക​ജ​നങ്ങൾ ചെയ്യുന്ന കാര്യങ്ങൾ ചെയ്യാ​നു​ളള അവരുടെ ആഗ്രഹം ശക്തമാ​യി​ത്തീ​രു​ന്നു. മയക്കു​മ​രു​ന്നു​കൾ  കഴിച്ച്‌ ‘പൂസാ​കാ​നോ’ വളരെ​യ​ധി​കം കുടി​ക്കാ​നോ ദുർവൃ​ത്തി​യി​ലേർപ്പെ​ടാ​നോ അവർ ആസൂ​ത്രണം ചെയ്യു​ക​യി​ല്ലാ​യി​രി​ക്കാം. എന്നാൽ അവർ സ്‌കൂ​ളി​നു​ശേ​ഷ​മോ ജോലി​ക​ഴി​ഞ്ഞോ ലൗകിക കൂട്ടു​കാ​രു​മാ​യി സമയം ചെലവ​ഴി​ക്കാൻ തുടങ്ങു​ന്നു. തീർച്ച​യാ​യും അവർ തങ്ങളുടെ പുതിയ കൂട്ടു​കാ​രാൽ അംഗീ​ക​രി​ക്ക​പ്പെ​ടാ​നാ​ഗ്ര​ഹി​ക്കു​ന്നു, തന്നിമി​ത്തം അവർ അവരുടെ സംസാ​ര​ത്തെ​യും നടത്ത​യെ​യും അനുക​രി​ച്ചു തുടങ്ങു​ന്നു.—3 യോഹ​ന്നാൻ 11.

11. ഇതു ചെയ്യു​ന്ന​തി​നു​ളള വശീക​രണം ചില​പ്പോൾ എവി​ടെ​നി​ന്നാ​ണു വരുന്നത്‌?

¹¹ ചില​പ്പോൾ ലൗകിക നടത്തയിൽ ഏർപ്പെ​ടാ​നു​ളള വശീക​രണം യഹോ​വയെ സേവി​ക്കു​ന്ന​താ​യി അവകാ​ശ​പ്പെ​ടുന്ന മറെറാ​രാ​ളിൽനി​ന്നാ​ണു വരുന്നത്‌. ഏദനിൽ സാത്താൻ ഹവ്വായെ വഞ്ചിച്ച​പ്പോ​ഴും, പിന്നീട്‌ ഹവ്വാ തന്നോടു ചേരാൻ ആദാമി​നെ പ്രോ​ത്സാ​ഹി​പ്പി​ച്ച​പ്പോ​ഴും സംഭവി​ച്ച​ത​താണ്‌. ആദിമ ക്രിസ്‌ത്യാ​നി​ക​ളു​ടെ ഇടയി​ലും അതു സത്യമാ​യി​രു​ന്നു, നമ്മുടെ നാളി​ലും അതുതന്നെ സംഭവി​ക്കു​ന്നു. അങ്ങനെ​യു​ള​ളവർ മിക്ക​പ്പോ​ഴും ഹരം പ്രിയ​പ്പെ​ടു​ന്നു, അത്യധി​ക​മായ ഉല്ലാസം കൈവ​രു​ത്തുന്ന കാര്യങ്ങൾ വാഞ്‌ഛി​ക്കു​ക​യും ചെയ്യുന്നു. “കുറെ രസിക്കാൻ” അവർ മററു​ള​ള​വരെ പ്രോ​ത്സാ​ഹി​പ്പി​ക്കു​ന്നു. ‘തങ്ങൾതന്നെ ദുഷി​പ്പി​ന്റെ അടിമ​ക​ളാ​യി​രി​ക്കെ, അവർ സ്വാത​ന്ത്ര്യം വാഗ്‌ദാ​നം ചെയ്യുന്നു.’—2 പത്രോ. 2:18, 19.

12. (എ) ലൗകി​ക​ന​ട​ത്ത​യു​ടെ സങ്കടഫ​ലങ്ങൾ ഏവ? (ബി) ഉൾപ്പെ​ട്ടി​രി​ക്കു​ന്ന​വർക്ക്‌ പരിണ​ത​ഫ​ലങ്ങൾ അറിയാ​മെ​ങ്കിൽ, അവർ അത്തരം കാര്യങ്ങൾ ചെയ്യു​ന്ന​തിന്‌ നിർബ്ബന്ധം പിടി​ക്കു​ന്ന​തെ​ന്തു​കൊണ്ട്‌?

¹² ഫലം ഉല്ലാസ​ക​രമല്ല. അവിഹിത ലൈം​ഗിക വികാര വിക്ഷു​ബ്ധ​ത​യിൽ കലാശി​ക്കു​ന്നു. അത്‌ രോഗ​ത്തി​ലേ​ക്കും ആവശ്യ​മി​ല്ലാത്ത ഗർഭധാ​ര​ണ​ത്തി​ലേ​ക്കും ഒരുപക്ഷേ വിവാ​ഹ​ത്ത​കർച്ച​യി​ലേ​ക്കും നയി​ച്ചേ​ക്കാം. (സദൃശ. 6:32-35; 1 കൊരി. 6:18; 1 തെസ്സ. 4:3-8) മയക്കു​മ​രു​ന്നി​ന്റെ ദുരു​പ​യോ​ഗ​ത്തിന്‌ പ്രകോ​പ​ന​വും കുഴഞ്ഞ സംസാ​ര​വും മങ്ങിയ കാഴ്‌ച​യും തലചു​റ​റ​ലും ശ്വാ​സോ​ച്ഛ്വാ​സ തടസ്സവും മിഥ്യാ​ദർശ​ന​ങ്ങ​ളും മരണവും ഉളവാ​ക്കാൻ കഴിയും. (സദൃശ​വാ​ക്യ​ങ്ങൾ 23:29-35 താരത​മ്യ​പ്പെ​ടു​ത്തുക.) അതിന്‌ ആസക്തി​യിൽ കലാശി​ക്കാൻ കഴിയും, ആസക്തി ആ ശീലത്തെ നിലനിർത്താൻ കുററ​കൃ​ത്യം ചെയ്യു​ന്ന​തി​ലേക്കു നയി​ച്ചേ​ക്കാം. അത്തരം നടത്തയിൽ ഉൾപ്പെ​ടു​ന്ന​വർക്ക്‌ സാധാ​ര​ണ​യാ​യി പരിണ​ത​ഫലം എന്തായി​രി​ക്കാ​മെന്ന്‌ അറിയാം. എന്നാൽ ഹരത്തി​നും ഇന്ദ്രി​യ​സു​ഖ​ത്തി​നും വേണ്ടി​യു​ളള അവരുടെ അഭിവാഞ്‌ഛ പരിണ​ത​ഫ​ലങ്ങൾ സംബന്ധിച്ച്‌ അവർ മനസ്സട​ച്ചു​ക​ള​യാ​നി​ട​യാ​ക്കു​ന്നു. അത്‌ സ്വാത​ന്ത്ര്യ​മാ​ണെന്ന്‌ അവർ തങ്ങളോ​ടു​തന്നെ പറയുന്നു, എന്നാൽ തങ്ങൾ പാപത്തി​ന്റെ അടിമ​ക​ളാ​ണെന്ന്‌ അവർ തീരെ വൈകി മനസ്സി​ലാ​ക്കു​ന്നു. പാപം എന്തോരു ക്രൂര​നായ യജമാ​ന​നാണ്‌! ഈ സംഗതി സംബന്ധിച്ച്‌ ഇപ്പോൾ ചിന്തി​ക്കു​ന്നു​വെ​ങ്കിൽ അതിന്‌ അത്തര​മൊ​രു  അനുഭ​വ​ത്തി​നെ​തി​രെ നമ്മെ കാത്തു​സൂ​ക്ഷി​ക്കു​ന്ന​തിന്‌ സഹായി​ക്കാൻ കഴിയും.—ഗലാ. 6:7, 8.

പ്രശ്‌നങ്ങൾ തുടങ്ങു​ന്ന​ടം

13. (എ) ഈ പ്രശ്‌ന​ങ്ങ​ളി​ലേക്കു നയിക്കുന്ന മോഹങ്ങൾ മിക്ക​പ്പോ​ഴും എങ്ങനെ ഉത്തേജി​ത​മാ​കു​ന്നു? (ബി) “ചീത്ത സഹവാ​സങ്ങൾ” എന്തെന്നു മനസ്സി​ലാ​ക്കു​ന്ന​തിന്‌ നമുക്ക്‌ ആരുടെ വീക്ഷണ​ഗതി ആവശ്യ​മാണ്‌? (സി) ഖണ്ഡിക​യു​ടെ ഒടുവി​ലത്തെ ചോദ്യ​ങ്ങൾക്ക്‌ നിങ്ങൾ ഉത്തരം പറയു​മ്പോൾ യഹോ​വ​യു​ടെ വീക്ഷണ​ങ്ങൾക്ക്‌ ഊന്നൽ കൊടു​ക്കുക. ഒരു സമയത്ത്‌ ഒരു ചോദ്യ​ത്തി​നു​മാ​ത്രം ഉത്തരം പറയുക.

¹³ ആ പ്രശ്‌നങ്ങൾ മിക്ക​പ്പോ​ഴും എവി​ടെ​യാ​ണു തുടങ്ങു​ന്ന​തെന്ന്‌ നിന്നു ചിന്തി​ക്കുക. ബൈബിൾ വിശദീ​ക​രി​ക്കു​ന്നു: “ഓരോ​രു​ത്ത​നും സ്വന്തം മോഹ​ത്താൽ ആകർഷി​ക്ക​പ്പെ​ട്ടും വശീക​രി​ക്ക​പ്പെ​ട്ടും പരീക്ഷി​ക്ക​പ്പെ​ടു​ന്നു. അനന്തരം മോഹം പുഷ്ടി​പ്പെട്ട്‌ പാപത്തി​നു ജൻമ​മേ​കു​ന്നു; ക്രമത്തിൽ പാപം പൂർത്തി​യാ​യി മരണത്തെ പ്രസവി​ക്കു​ന്നു.” (യാക്കോ. 1:14, 15) എന്നാൽ ആ മോഹങ്ങൾ എങ്ങനെ​യാണ്‌ ഉത്തേജി​ത​മാ​കു​ന്നത്‌? മനസ്സിൽ പ്രവേ​ശി​ക്കുന്ന കാര്യ​ങ്ങ​ളാൽ; മിക്ക​പ്പോ​ഴും ഇത്‌ ബൈബിൾ തത്വങ്ങൾ ബാധക​മാ​ക്കാത്ത ആളുക​ളു​മാ​യു​ളള സഹവാ​സ​ത്തി​ന്റെ ഫലമാ​യി​ട്ടാണ്‌. തീർച്ച​യാ​യും, നാം “ചീത്ത സഹവാ​സങ്ങൾ” ഒഴിവാ​ക്കേ​ണ്ട​താ​ണെന്ന്‌ നമു​ക്കെ​ല്ലാ​മ​റി​യാം. എന്നാൽ പ്രശ്‌ന​മി​താണ്‌, ഏതു സഹവാ​സ​ങ്ങ​ളാണ്‌ ചീത്ത? യഹോവ എങ്ങനെ സംഗതി വീക്ഷി​ക്കു​ന്നു? ചുവടെ ചേർക്കുന്ന ചോദ്യ​ങ്ങ​ളും തിരു​വെ​ഴു​ത്തു​ക​ളും സംബന്ധിച്ച്‌ ന്യായ​വാ​ദം ചെയ്യു​ന്നത്‌ ശരിയായ നിഗമ​ന​ങ്ങ​ളി​ലെ​ത്തു​ന്ന​തിന്‌ നമ്മെ സഹായി​ക്കേ​ണ്ട​താണ്‌.

ചിലർ ബഹുമാ​ന്യ​രായ ആളുക​ളാ​ണെന്നു തോന്നു​ന്നു​വെന്ന വസ്‌തുത അവർ നല്ല കൂട്ടു​കാ​രാ​യി​രി​ക്കു​മെന്ന്‌ അർത്ഥമാ​ക്കു​ന്നു​ണ്ടോ? (ഉല്‌പത്തി 34:1, 2, 18, 19 താരത​മ്യ​പ്പെ​ടു​ത്തുക.)

അവരുടെ സംഭാ​ഷ​ണ​ത്തിന്‌, ഒരുപക്ഷേ, അവരുടെ തമാശ​കൾക്ക്‌, നാം അവരു​മാ​യി അടുത്ത സഹവാസം പുലർത്തേ​ണ്ട​താ​ണെന്ന്‌ സൂചി​പ്പി​ക്കാൻ കഴിയു​മോ? (എഫേ. 5:3, 4)

ദൈ​വോ​ദ്ദേ​ശ്യം സംബന്ധിച്ച്‌ നാം വിശ്വ​സി​ക്കുന്ന അതേ കാര്യങ്ങൾ അവർ വിശ്വ​സി​ക്കു​ന്നി​ല്ലെ​ങ്കിൽ നാം ഉൽക്കണ്‌ഠാ​കു​ല​രാ​കു​ന്ന​തിന്‌ എന്തെങ്കി​ലും കാരണ​മു​ണ്ടോ? (1 കൊരി​ന്ത്യർ 15:12, 32, 33 താരത​മ്യ​പ്പെ​ടു​ത്തുക.)

യഹോ​വ​യെ സ്‌നേ​ഹി​ക്കാത്ത ആളുക​ളു​മാ​യു​ളള സഹവാസം നാം തെര​ഞ്ഞെ​ടു​ത്താൽ യഹോവ എങ്ങനെ വിചാ​രി​ക്കും? (2 ദിനവൃ​ത്താ​ന്തങ്ങൾ 19:1, 2 താരത​മ്യ​പ്പെ​ടു​ത്തുക.)

നാം അവിശ്വാ​സി​ക​ളോ​ടൊ​ത്തു ജോലി ചെയ്യു​ക​യോ അവരോ​ടൊ​ത്തു സ്‌കൂ​ളിൽ പോകു​ക​യോ ചെയ്യു​ന്നു​വെ​ങ്കി​ലും നാം അവരെ നമ്മുടെ കൂട്ടു​കാ​രാ​യി തെര​ഞ്ഞെ​ടു​ക്കു​ന്നി​ല്ലെന്ന്‌ നമുക്ക്‌ എങ്ങനെ പ്രകട​മാ​ക്കാൻ കഴിയും? (1 പത്രോ. 4:3, 4)

 ടെലി​വി​ഷൻ കാണു​ന്ന​തും പുസ്‌ത​ക​ങ്ങ​ളും മാസി​ക​ക​ളും വർത്തമാ​ന​പ്പ​ത്ര​ങ്ങ​ളും വായി​ക്കു​ന്ന​തും മററു​ള​ള​വ​രു​മാ​യി സഹവസി​ക്കുന്ന മാർഗ്ഗ​ങ്ങ​ളാണ്‌. ഈ നാളു​ക​ളിൽ ഈ ഉറവു​ക​ളിൽ നിന്നുളള ഏതുതരം വിവര​ങ്ങൾക്കെ​തി​രെ ജാഗ്രത പുലർത്തേണ്ട പ്രത്യേക ആവശ്യ​മുണ്ട്‌? (സദൃശ. 3:31; യെശ. 8:19; എഫേ. 4:17-19)

നമ്മുടെ കൂട്ടു​കാ​രു​ടെ തെര​ഞ്ഞെ​ടുപ്പ്‌ നാം ഏതുതരം ആളുക​ളാ​ണെന്ന്‌ യഹോ​വ​യോ​ടു പറയുന്നു? (സങ്കീ. 26:1, 4, 5; 97:10)

14. ഇപ്പോൾ വിശ്വ​സ്‌ത​ത​യോ​ടെ ദൈവ​വ​ച​ന​ത്തി​ലെ ബുദ്ധി​യു​പ​ദേശം ബാധക​മാ​ക്കു​ന്ന​വർക്ക്‌ ഏതു മഹത്തായ സ്വാത​ന്ത്ര്യം ഭാവി​യിൽ സ്ഥിതി​ചെ​യ്യു​ന്നു?

¹⁴ ദൈവ​ത്തി​ന്റെ നൂതന​ക്രമം നമ്മുടെ തൊട്ടു​മു​മ്പാ​കെ​യാ​ണു സ്ഥിതി​ചെ​യ്യു​ന്നത്‌. അവന്റെ രാജ്യം മുഖാ​ന്തരം മനുഷ്യ​വർഗ്ഗം സാത്താ​ന്റെ​യും അവന്റെ മുഴു ദുഷ്ടവ്യ​വ​സ്ഥി​തി​യു​ടെ​യും അടിമ​പ്പെ​ടു​ത്തുന്ന സ്വാധീ​ന​ത്തിൽനിന്ന്‌ സ്വത​ന്ത്ര​രാ​ക്ക​പ്പെ​ടും. ക്രമേണ പാപത്തി​ന്റെ സകല ഫലങ്ങളും മനുഷ്യ​വർഗ്ഗ​ത്തിൽനിന്ന്‌ നീക്ക​പ്പെ​ടും. പരദീ​സ​യി​ലെ നിത്യ​ജീ​വി​തം അവരുടെ മുമ്പാകെ സ്ഥിതി​ചെ​യ്യും. “യഹോ​വ​യു​ടെ ആത്മാവി”നോട്‌ പൂർണ്ണ​ചേർച്ച​യി​ലു​ളള സ്വാത​ന്ത്ര്യം ഒടുവിൽ സകല സൃഷ്ടി​ക​ളും ആസ്വദി​ക്കു​ന്ന​താ​യി​രി​ക്കും. (2 കൊരി. 3:17) ഇപ്പോൾ ദൈവ​വ​ച​ന​ത്തി​ലെ ബുദ്ധി​യു​പ​ദേ​ശത്തെ നിസ്സാ​ര​മാ​യി കരുതു​ക​നി​മി​ത്തം അതെല്ലാം നഷ്ടപ്പെ​ടു​ത്തു​ന്ന​തി​ന്റെ അപകടം വരുത്തി​ക്കൂ​ട്ടു​ന്നത്‌ ബുദ്ധി​യാ​യി​രി​ക്കു​മോ? നാം ഇന്ന്‌ നമ്മുടെ ക്രിസ്‌തീയ സ്വാത​ന്ത്ര്യം പ്രയോ​ഗി​ക്കുന്ന വിധത്താൽ, നാം യഥാർത്ഥ​ത്തിൽ ആഗ്രഹി​ക്കു​ന്നത്‌ “ദൈവ​മ​ക്ക​ളു​ടെ മഹത്തായ സ്വാത​ന്ത്ര്യ”മാണെന്ന്‌ നമു​ക്കെ​ല്ലാം വ്യക്തമാ​യി പ്രകട​മാ​ക്കാം.—റോമ. 8:21.

പുനരവലോകന ചർച്ച

● ആദ്യമാ​നു​ഷ​ജോ​ടി ഏതുതരം സ്വാത​ന്ത്ര്യം ആസ്വദി​ച്ചി​രു​ന്നു? ഇന്ന്‌ മനുഷ്യ​വർഗ്ഗ​ത്തിന്‌ അനുഭ​വ​പ്പെ​ടു​ന്നത്‌ അതി​നോട്‌ എങ്ങനെ ഒക്കുന്നു?

● ലോക​ത്തിൽനിന്ന്‌ വ്യത്യ​സ്‌ത​മാ​യി സത്യ​ക്രി​സ്‌ത്യാ​നി​കൾക്ക്‌ എന്തു സ്വാത​ന്ത്ര്യ​മുണ്ട്‌? ഇത്‌ സാദ്ധ്യ​മാ​യി​രി​ക്കു​ന്ന​തെ​ങ്ങനെ?

● ലോക​ത്തി​നു​ളള തരം സ്വാത​ന്ത്ര്യം തേടു​ന്നവർ എന്തു വില​കൊ​ടു​ക്കു​ന്നു?

● “ചീത്ത സഹവാ​സങ്ങൾ” ഒഴിവാ​ക്കു​ന്നത്‌ വളരെ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌? ആദാമിൽനിന്ന്‌ വ്യത്യ​സ്‌ത​മാ​യി, ചീത്ത എന്തെന്നു​ള​ളതു സംബന്ധിച്ച്‌ ആരുടെ തീരു​മാ​നങ്ങൾ നാം സ്വീക​രി​ക്കു​ന്നു?

[അധ്യയന ചോദ്യ​ങ്ങൾ]