അധ്യായം 24

യഹോ​വ​യു​ടെ ഉദ്ദേശ്യം മഹത്തായ വിജയ​ത്തി​ലെ​ത്തു​ന്നു

1, 2. (എ) തന്റെ ബുദ്ധി​ശ​ക്തി​യു​ളള സൃഷ്ടി​കളെ സംബന്ധിച്ച യഹോ​വ​യു​ടെ ഉദ്ദേശ്യം എന്താണ്‌? (ബി) ദൈവ​ത്തി​ന്റെ ആരാധ​ക​രു​ടെ ഏകീകൃത കുടും​ബ​ത്തിൽ ആർ ഉൾപ്പെ​ടു​ത്ത​പ്പെട്ടു? (സി) ഇതു സംബന്ധിച്ച്‌ ഏതു വ്യക്തി​പ​ര​മായ ചോദ്യം പരിചി​ന്തനം അർഹി​ക്കു​ന്നു?

¹ ബുദ്ധി​ശ​ക്തി​യു​ളള സകല സൃഷ്ടി​യും സത്യാ​രാ​ധ​ന​യിൽ ഏകീകൃ​ത​രാ​യി അവരെ​ല്ലാം ദൈവ​മ​ക്ക​ളു​ടെ മഹത്തായ സ്വാത​ന്ത്ര്യം ആസ്വദി​ക്കുക—അതാണ്‌ ജ്ഞാനപൂർവ്വ​ക​വും സ്‌നേ​ഹ​പൂർവ്വ​ക​വു​മായ യഹോ​വ​യു​ടെ ഉദ്ദേശ്യം. അതാണ്‌ സകല നീതി​പ്രേ​മി​ക​ളും ആത്മാർത്ഥ​മാ​യി ആഗ്രഹി​ക്കു​ന്ന​തും.

² യഹോവ തന്റെ സൃഷ്ടി​ക്രി​യ​കൾക്കു തുടക്ക​മി​ട്ട​പ്പോൾ ഈ മഹത്തായ ഉദ്ദേശ്യം നിവർത്തി​ച്ചു തുടങ്ങി. അവന്റെ ആദ്യ സൃഷ്ടി ഒരു പുത്ര​നാ​യി​രു​ന്നു, “തന്റെ തേജസ്സി​ന്റെ പ്രതി​ഫ​ല​ന​വും തന്റെ അസ്‌തി​ത്വ​ത്തി​ന്റെ കൃത്യ​മായ പ്രതി​നി​ധാ​ന​വും” എന്നു തെളി​ഞ്ഞ​വൻതന്നെ. (എബ്രാ. 1:1-3) ഇവൻ അനുപ​മ​നാ​യി​രു​ന്നു, ദൈവം തനിച്ചു സൃഷ്ടി​ച്ചവൻ. അവൻ മുഖാ​ന്ത​ര​മാണ്‌ മററു പുത്രൻമാർ ആസ്‌തി​ക്യ​ത്തി​ലേക്കു വരുത്ത​പ്പെ​ട്ടത്‌—ആദ്യം സ്വർഗ്ഗ​ത്തി​ലെ ദൂതൻമാ​രും പിന്നീട്‌ ഭൂമി​യി​ലെ മനുഷ്യ​നും. (ഇയ്യോ. 38:7; ലൂക്കോ. 3:38) ഈ പുത്രൻമാ​രെ​ല്ലാം ചേർന്ന്‌ ഒരു സാർവ്വ​ത്രിക കുടും​ബം ഉളവായി. അവർക്കെ​ല്ലാം യഹോവ ദൈവ​മാ​യി​രു​ന്നു, ആരാധി​ക്ക​പ്പെ​ടേണ്ട ഏകൻ. അവൻ സാർവ്വ​ത്രിക പരമാ​ധി​കാ​രി​യാ​യി​രു​ന്നു. അവൻ അവരുടെ സ്‌നേ​ഹ​നി​ധി​യായ പിതാ​വു​മാ​യി​രു​ന്നു. അതു​പോ​ലെ അവൻ നിങ്ങളു​ടെ​യും പിതാ​വാ​ണോ? നിങ്ങൾ അവന്റെ മക്കളിൽ പെട്ട ഒരാളാ​ണോ? അത്‌ എത്ര വില​യേ​റിയ ഒരു ബന്ധമാ​യി​രി​ക്കാൻ കഴിയും!

3. (എ) നമ്മിലാ​രും ജനനത്തി​ങ്കൽ ദൈവ​പു​ത്രൻമാ​ര​ല്ലാ​ഞ്ഞ​തെ​ന്തു​കൊണ്ട്‌? (ബി) എന്നാൽ യഹോവ ആദാമി​ന്റെ സന്തതി​കൾക്കു​വേണ്ടി ഏതു സ്‌നേ​ഹ​പൂർവ്വ​ക​മായ കരുതൽ ചെയ്‌തു?

³ എന്നിരു​ന്നാ​ലും, നമ്മുടെ ആദ്യമാ​താ​പി​താ​ക്കൾ മനഃപൂർവ്വ പാപി​ക​ളെന്ന നിലയിൽ മരണശി​ക്ഷക്കു വിധി​ക്ക​പ്പെ​ട്ട​പ്പോൾ അവർ ഏദനിൽനിന്ന്‌ പുറത്താ​ക്ക​പ്പെ​ടു​ക​യും  ദൈവ​ത്താൽ ത്യജി​ക്ക​പ്പെ​ടു​ക​യും ചെയ്‌തു​വെന്ന വസ്‌തു​തയെ നാം അഭിമു​ഖീ​ക​രി​ക്കേ​ണ്ട​താണ്‌. അവർ യഹോ​വ​യു​ടെ സാർവ്വ​ത്രിക കുടും​ബ​ത്തി​ന്റെ ഭാഗമ​ല്ലാ​താ​യി. (ഉല്‌പ. 3:22-24; ആവർത്തനം 32:4, 5 താരത​മ്യ​പ്പെ​ടു​ത്തുക.) നാം പാപി​യായ ആദാമി​ന്റെ സന്തതി​ക​ളാ​ക​യാൽ, നമ്മളെ​ല്ലാം പാപ പ്രവണ​ത​ക​ളോ​ടെ​യാ​ണു ജനിച്ചി​രി​ക്കു​ന്നത്‌. നമ്മൾ ദൈവ കുടും​ബ​ത്തിൽനിന്ന്‌ ബഹിഷ്‌ക്ക​രി​ക്ക​പ്പെട്ട മാതാ​പി​താ​ക്ക​ളു​ടെ സന്താന​ങ്ങ​ളാ​യ​തു​കൊണ്ട്‌ മനുഷ്യ​ജ​ന​ന​ത്തി​ന്റെ അടിസ്ഥാ​ന​ത്തിൽ മാത്രം നമുക്ക്‌ ദൈവ​പു​ത്രൻമാ​രാ​ണെ​ന്ന​വ​കാ​ശ​പ്പെ​ടാൻ കഴിക​യില്ല. എന്നാൽ ആദാമി​ന്റെ സന്തതി​ക​ളിൽനിന്ന്‌ ചിലർ നീതിയെ സ്‌നേ​ഹി​ക്കു​മെന്ന്‌ യഹോ​വക്ക്‌ അറിയാ​മാ​യി​രു​ന്നു. അവൻ സ്‌നേ​ഹ​പൂർവ്വം അവർക്കു ദൈവ​മ​ക്ക​ളു​ടെ മഹത്തായ സ്വാത​ന്ത്ര്യം പ്രാപി​ക്കാ​നു​ളള ഏർപ്പാടു ചെയ്‌തു.—റോമ. 8:20, 21.

യിസ്രാ​യേ​ലി​ന്റെ അനുഗൃ​ഹീത പദവി

4. (എ) യിസ്രാ​യേ​ല്യർ ഏതടി​സ്ഥാ​ന​ത്തിൽ ദൈവ​ത്തി​ന്റെ “പുത്രൻമാർ” ആയിരു​ന്നു? (ബി) ഇതിന്‌ എന്തർത്ഥ​മി​ല്ലാ​യി​രു​ന്നു?

⁴ ആദാമി​ന്റെ സൃഷ്ടി​ക്കു​ശേഷം ഏതാണ്ട്‌ 2,500 വർഷം കഴിഞ്ഞ്‌ യഹോവ തന്റെ പുത്രൻമാ​രെന്ന നിലയിൽ തന്നോട്‌ ഒരു ബന്ധമു​ണ്ടാ​യി​രി​ക്കു​ന്ന​തി​നു​ളള പദവി വീണ്ടും ചില മനുഷ്യർക്ക്‌ നീട്ടി​ക്കൊ​ടു​ത്തു. അബ്രാ​ഹാ​മി​നോ​ടു​ളള തന്റെ ഉടമ്പടി​ക്ക​നു​യോ​ജ്യ​മാ​യി യഹോവ യിസ്രാ​യേ​ലി​നെ തന്റെ ജനമാ​യി​രി​ക്കാൻ തെര​ഞ്ഞെ​ടു​ത്തു. അങ്ങനെ, ഈജി​പ്‌റ​റി​ലെ ഫറവോ​നോട്‌ അവൻ യിസ്രാ​യേ​ലി​നെ സംബന്ധിച്ച്‌ “എന്റെ പുത്രൻ” എന്നു പറഞ്ഞു. (പുറ. 4:22, 23; ഉല്‌പ. 12:1, 2) പിന്നീട്‌ അവൻ സീനായി മലയിങ്കൽ വച്ച്‌ യിസ്രാ​യേ​ലി​നു തന്റെ ന്യായ​പ്ര​മാ​ണം കൊടു​ക്കു​ക​യും ആ ജനത്തെ ഒരു ജനതയാ​ക്കി​ത്തീർക്കു​ക​യും തന്റെ ഉദ്ദേശ്യ​ത്തോ​ടു​ളള ബന്ധത്തിൽ അവരെ ഉപയോ​ഗി​ക്കു​ക​യും ചെയ്‌തു. അവർ യഹോ​വ​യു​ടെ “പ്രത്യേക സ്വത്ത്‌” ആയിരു​ന്ന​തു​കൊണ്ട്‌, ഒരു ദേശീയ നിലപാ​ടിൽ, അവർ ദൈവ​ത്തി​ന്റെ “പുത്രൻമാർ” എന്നു പറയ​പ്പെട്ടു. (ആവ. 14:1, 2; യെശ. 43:1) കൂടാതെ, ആ ജനതക്കു​ള​ളി​ലെ ചില വ്യക്തി​ക​ളോ​ടു​ളള തന്റെ പ്രത്യേക ഇടപെ​ട​ലു​കൾ നിമിത്തം യഹോവ പുത്രൻമാ​രെന്ന നിലയിൽ അവരെ പരാമർശി​ച്ചു. (1 ദിനവൃ. 22:9, 10) ഈ നില ദൈവ​വു​മാ​യു​ളള ഉടമ്പടി ബന്ധത്തിൽ അധിഷ്‌ഠി​ത​മാ​യി​രു​ന്നു. എന്നിരു​ന്നാ​ലും, ഒരു ദൈവ​പു​ത്ര​നെന്ന നിലയിൽ ആദാമി​നു​ണ്ടാ​യി​രുന്ന മഹത്തായ സ്വാത​ന്ത്ര്യം അവർ ആസ്വദി​ച്ചു​വെന്ന്‌ ഇതിനർത്ഥ​മില്ല. അവർ അപ്പോ​ഴും പാപത്തി​ന്റെ​യും മരണത്തി​ന്റെ​യും അടിമ​ത്ത​ത്തി​ലാ​യി​രു​ന്നു.

5. യിസ്രാ​യേ​ലിന്‌ ദൈവ​ത്തി​ങ്കലെ അതിന്റെ പ്രത്യേക നില നഷ്ടപ്പെ​ട്ട​തെ​ങ്ങനെ?

 ⁵ എന്നിരു​ന്നാ​ലും, പുത്രൻമാ​രെന്ന നിലയിൽ അവർക്ക്‌ ദൈവ​മു​മ്പാ​കെ ഒരു അനുഗൃ​ഹീത നിലയു​ണ്ടാ​യി​രു​ന്നു. അവർക്ക്‌ തങ്ങളുടെ പിതാ​വി​നെ ആദരി​ക്കാ​നും അവന്റെ ഉദ്ദേശ്യ​ത്തി​ന​നു​യോ​ജ്യ​മാ​യി പ്രവർത്തി​ക്കാ​നു​മു​ളള ഉത്തരവാ​ദി​ത്ത​മു​ണ്ടാ​യി​രു​ന്നു. അവർ ആ കടപ്പാടു നിറ​വേ​റ​റു​ന്ന​തി​ന്റെ പ്രാധാ​ന്യം യേശു ഊന്നി​പ്പ​റഞ്ഞു—ദൈവത്തെ തങ്ങളുടെ പിതാ​വാ​യി അവകാ​ശ​പ്പെ​ടു​ന്ന​തി​ന്റെ മാത്രമല്ല, അവന്റെ പുത്രൻമാ​രെന്ന്‌ ‘തങ്ങളേ​ത്തന്നെ തെളി​യി​ക്കു​ന്ന​തി​ന്റെ​യും.’ (മത്താ. 5:43-48; മലാ. 1:6) എന്നിരു​ന്നാ​ലും, ഒരു ജനതയെന്ന നിലയിൽ യഹൂദൻമാർ ഇതിൽ പരാജ​യ​പ്പെട്ടു. തന്നിമി​ത്തം, യേശു​വി​ന്റെ ഭൗമിക ശുശ്രൂ​ഷ​യു​ടെ അന്തിമ വർഷത്തിൽ, യേശു​വി​നെ കൊല്ലാൻ ശ്രമി​ച്ചു​കൊ​ണ്ടി​രുന്ന യഹൂദൻമാർ “ഞങ്ങൾക്ക്‌ ഒരു പിതാ​വാ​ണു​ള​ളത്‌, ദൈവം” എന്നു പ്രഖ്യാ​പി​ച്ച​പ്പോൾ, അവരുടെ പ്രവർത്ത​ന​ങ്ങ​ളും അവർ പ്രകട​മാ​ക്കിയ ആത്മാവും അങ്ങനെ​യു​ളള അവകാ​ശ​വാ​ദം വ്യാജ​മാ​ണെന്നു തെളി​യി​ച്ച​താ​യി യേശു ദൃഢമാ​യി ചൂണ്ടി​ക്കാ​ട്ടി. (യോഹ. 8:41, 44, 47) പൊ. യു. 33-ൽ ന്യായ​പ്ര​മാണ ഉടമ്പടി ദൈവ​ത്താൽ നിർത്ത​ലാ​ക്ക​പ്പെട്ടു, യിസ്രാ​യേൽ ആസ്വദി​ച്ചി​രുന്ന പ്രത്യേ​ക​ബ​ന്ധ​ത്തി​ന്റെ അടിസ്ഥാ​നം അവസാ​നി​ച്ചു. എന്നിട്ടും, മനുഷ്യ​വർഗ്ഗ​ത്തി​ന്റെ ഇടയിൽ താൻ പുത്രൻമാ​രാ​യി സ്വീക​രി​ച്ചവർ യഹോ​വക്ക്‌ ഇല്ലാ​തെ​പോ​യില്ല.

യഹോവ തന്റെ ജനത്തെ ഏകീഭ​വി​പ്പി​ക്കു​ന്നു

6. പൗലോസ്‌ എഫേസ്യർ 1:9, 10-ൽ ഏത്‌ “ഭരണനിർവ്വഹണ”ത്തെ വർണ്ണിച്ചു, അതിന്റെ ലക്ഷ്യ​മെ​ന്താണ്‌?

⁶ അപ്പോ​സ്‌ത​ല​നായ പൗലോസ്‌ യഹോ​വ​യു​ടെ ജനത്തെ ഏകീഭ​വി​പ്പി​ക്കു​ന്ന​തി​നു​ളള അവന്റെ പരിപാ​ടി​യെ​ക്കു​റിച്ച്‌—വിശ്വാ​സം പ്രകട​മാ​ക്കു​ന്ന​വർക്ക്‌ അവന്റെ പ്രിയ​പ്പെട്ട കുടും​ബാം​ഗ​ങ്ങ​ളാ​യി​ത്തീ​രാൻ കഴിയുന്ന ദൈവ​ത്തി​ന്റെ ക്രമീ​ക​ര​ണ​ത്തെ​ക്കു​റിച്ച്‌—എഫേസൂ​സി​ലെ ക്രിസ്‌ത്യാ​നി​കൾക്കെ​ഴു​തി: “[ദൈവം] തന്റെ ഇഷ്ടത്തിന്റെ പാവന രഹസ്യം നമ്മെ അറിയി​ച്ചു. അത്‌ നിയമിത കാലങ്ങ​ളു​ടെ സമ്പൂർത്തി​യി​ങ്കലെ ഒരു ഭരണ നിർവ്വ​ഹ​ണ​ത്തി​നു​വേണ്ടി [ഗൃഹഭ​രണം] അവൻ തന്നിൽത്തന്നെ ഉദ്ദേശിച്ച തന്റെ നല്ല ഹിത​പ്ര​കാ​ര​മാണ്‌, അതായത്‌ സകല അസ്‌തി​ത്വ​ങ്ങ​ളെ​യും, സ്വർഗ്ഗ​ങ്ങ​ളി​ലെ അസ്‌തി​ത്വ​ങ്ങ​ളെ​യും ഭൂമി​യി​ലെ അസ്‌തി​ത്വ​ങ്ങ​ളെ​യും, വീണ്ടും ക്രിസ്‌തു​വിൽ കൂട്ടി​ച്ചേർക്കു​ന്ന​തി​നു​തന്നെ.” (എഫേ. 1:9, 10) ഈ “ഭരണനിർവ്വ​ഹണം” യേശു​ക്രി​സ്‌തു​വി​നെ കേന്ദ്രീ​ക​രി​ച്ചാണ്‌. അവൻ മുഖാ​ന്തരം, മനുഷ്യർ ദൈവ​മു​മ്പാ​കെ ഒരു അംഗീ​കൃ​താ​വ​സ്ഥ​യി​ലേക്കു വരുത്ത​പ്പെ​ടു​ന്നു—യഹോ​വ​യോ​ടു  വിശ്വ​സ്‌ത​രെന്നു തെളി​യി​ച്ചി​ട്ടു​ളള ദൈവ​ത്തി​ന്റെ ദൂതപു​ത്രൻമാ​രോ​ടു​ളള ഐക്യ​ത്തിൽ സേവി​ക്കു​ന്ന​തിന്‌ ചിലർക്കു സ്വർഗ്ഗ​ത്തി​ലാ​യി​രി​ക്കു​ന്ന​തി​നു​ളള പ്രത്യാശ ലഭിക്കു​ന്നു, മററു ചിലർക്കു ഭൂമി​യിൽ.

7. “സ്വർഗ്ഗ​ങ്ങ​ളി​ലെ അസ്‌തി​ത്വ​ങ്ങൾ” എന്താണ്‌, കൂട്ടി​ച്ചേർക്ക​പ്പെ​ടു​ന്നത്‌ അവരെ സംബന്ധിച്ച്‌ എന്തർത്ഥ​മാ​ക്കു​ന്നു?

⁷ ആദ്യമാ​യി, പൊ. യു. 33-ലെ പെന്തെ​ക്കോ​സ്‌തിൽ തുടങ്ങി “സ്വർഗ്ഗ​ങ്ങ​ളി​ലെ അസ്‌തി​ത്വ​ങ്ങൾ”ക്ക്‌, അതായത്‌ സ്വർഗ്ഗീയ രാജ്യ​ത്തിൽ ക്രിസ്‌തു​വി​നോ​ടു​കൂ​ടെ കൂട്ടവ​കാ​ശി​ക​ളാ​യി​രി​ക്കാ​നു​ളള​വർക്ക്‌, ശ്രദ്ധ കൊടു​ക്ക​പ്പെട്ടു. യേശു​വി​ന്റെ ബലിയു​ടെ മൂല്യ​ത്തി​ലു​ളള അവരുടെ വിശ്വാ​സ​ത്തി​ന്റെ അടിസ്ഥാ​ന​ത്തിൽ അവർ ദൈവ​ത്താൽ നീതി​മാൻമാ​രാ​യി പ്രഖ്യാ​പി​ക്ക​പ്പെട്ടു. (റോമ. 5:1, 2) അനന്തരം അവർ “വീണ്ടും ജനിച്ചു,” അഥവാ സ്വർഗ്ഗീയ ജീവന്റെ പ്രതീ​ക്ഷ​യോ​ടെ ദൈവ​പു​ത്രൻമാ​രാ​യി ജനിപ്പി​ക്ക​പ്പെട്ടു. (യോഹ. 3:3; 1:12, 13) ഒരു ആത്മീയ ജനതയെന്ന നിലയിൽ ഇവരു​മാ​യി ദൈവം പുതിയ ഉടമ്പടി ചെയ്‌തു. കാല​ക്ര​മ​ത്തിൽ, യഹൂദൻമാ​രും വിജാ​തീ​യ​രും ഉൾപ്പെ​ടു​ത്ത​പ്പെ​ടേ​ണ്ടി​യി​രു​ന്നു, അവർ മൊത്തം 1,44,000 പേരാ​യി​രി​ക്കും.—ഗലാ. 3:26-29; വെളി. 14:1.

8. രാജ്യാ​വ​കാ​ശി​കൾക്ക്‌ പിതാ​വി​നോ​ടു​ളള ബന്ധത്തെ മോ​ശൈ​ക​ന്യാ​യ​പ്ര​മാ​ണ​ത്തിൻകീ​ഴി​ലെ യഹൂദൻമാർക്കു​ണ്ടാ​യി​രുന്ന ബന്ധത്തോട്‌ എങ്ങനെ താരത​മ്യ​പ്പെ​ടു​ത്താം?

⁸ ജഡത്തിൽ ഇപ്പോ​ഴും അപൂർണ്ണ​രെ​ങ്കി​ലും, സ്വർഗ്ഗീയ രാജ്യ​ത്തി​ന്റെ അങ്ങനെ​യു​ളള അവകാ​ശി​ക​ളു​ടെ ശേഷിപ്പ്‌ പിതാ​വി​നോട്‌ വില​യേ​റിയ ഒരു അടുത്ത​ബന്ധം ആസ്വദി​ക്കു​ന്നു. ഇതു സംബന്ധിച്ച്‌ പൗലോസ്‌ എഴുതി: “ഇപ്പോൾ നിങ്ങൾ പുത്രൻമാ​രാ​യ​തു​കൊണ്ട്‌ ദൈവം തന്റെ പുത്രന്റെ ആത്മാവി​നെ നിങ്ങളു​ടെ ഹൃദയ​ങ്ങ​ളി​ലേ​ക്ക​യ​ച്ചി​രി​ക്കു​ന്നു, അത്‌ ‘അബ്ബാ, പിതാവേ!’ എന്നു വിളി​ക്കു​ന്നു. ആ സ്ഥിതിക്ക്‌, നിങ്ങൾ മേലാൽ ഒരു അടിമയല്ല, പിന്നെ​യോ ഒരു പുത്ര​നാണ്‌; ഒരു പുത്ര​നെ​ങ്കിൽ, ദൈവ​ത്തി​ലൂ​ടെ ഒരു അവകാ​ശി​യും തന്നെ.” (ഗലാ. 4:6, 7) “അബ്ബാ” എന്ന അരാമ്യ പദപ്ര​യോ​ഗ​ത്തി​ന്റെ അർത്ഥം “പിതാവ്‌” എന്നാണ്‌, എന്നാൽ അത്‌ പ്രീതി​ജ​ന​ക​മായ ഒരു സംബോ​ധനാ രൂപമാണ്‌—ഒരു കൊച്ചു കുട്ടി പിതാ​വി​നെ ഉദ്ദേശിച്ച്‌ ഉപയോ​ഗി​ക്കു​ന്നത്‌. യേശു​വി​ന്റെ ബലിയു​ടെ ശ്രേഷ്‌ഠ​ത​യും ദൈവ​ത്തി​ന്റെ സ്വന്തം അനർഹ​ദ​യ​യും നിമിത്തം ഈ ആത്മാഭി​ഷിക്ത ക്രിസ്‌ത്യാ​നി​കൾ ന്യായ​പ്ര​മാ​ണ​ത്തിൻ കീഴിൽ അപൂർണ്ണ​മ​നു​ഷ്യർക്കു സാദ്ധ്യ​മാ​യി​രുന്ന ഏതി​നെ​ക്കാ​ളും അടുത്ത ഒരു ബന്ധമാണ്‌ പിതാ​വി​നോ​ടു പുലർത്തു​ന്നത്‌. എന്നിരു​ന്നാ​ലും, അവർക്ക്‌ ഭാവി​യിൽ സ്ഥിതി​ചെ​യ്യു​ന്നത്‌ അതിലും വിശി​ഷ്ട​ത​ര​മാണ്‌.

9. അവരുടെ പുത്ര​ത്വ​ത്തി​ന്റെ പൂർണ്ണ​സാ​ക്ഷാ​ത്‌ക്കാ​രം എന്തർത്ഥ​മാ​ക്കു​ന്നു?

 ⁹ അവർ മരണം​വരെ വിശ്വ​സ്‌ത​രെന്നു തെളി​യി​ക്കു​ന്നു​വെ​ങ്കിൽ, അവർ സ്വർഗ്ഗ​ത്തി​ലെ അമർത്ത്യ​ജീ​വ​നി​ലേക്കു പുനരു​ത്ഥാ​നം പ്രാപി​ച്ചു​കൊണ്ട്‌ തങ്ങളുടെ പുത്ര​ത്വ​ത്തി​ന്റെ പൂർണ്ണ സാക്ഷാ​ത്‌ക്കാ​രം നേടുന്നു. അവിടെ യഹോ​വ​യാം ദൈവ​ത്തി​ന്റെ സാന്നി​ദ്ധ്യ​ത്തിൽതന്നെ ഐക്യ​ത്തിൽ സേവി​ക്കു​ന്ന​തി​നു​ളള പദവി അവർക്കു ലഭിക്കും. ഈ ദൈവ​പു​ത്രൻമാ​രു​ടെ താരത​മ്യേന ചെറിയ ഒരു സംഖ്യ മാത്രമേ ഇപ്പോൾ ഭൂമി​യി​ലു​ളളു.—റോമ. 8:14, 23; 1 യോഹ. 3:1, 2.

“ഭൂമി​യി​ലെ അസ്‌തി​ത്വ​ങ്ങളെ” കൂട്ടി​ച്ചേർക്കൽ

10. (എ) “ഭൂമി​യി​ലെ അസ്‌തി​ത്വ​ങ്ങൾ” എന്താണ്‌, അവർ എന്നുമു​തൽ ആരാധ​ന​യു​ടെ ഐക്യ​ത്തി​ലേക്ക്‌ കൂട്ടി​ച്ചേർക്ക​പ്പെ​ട്ടി​രി​ക്കു​ന്നു? (ബി) യഹോ​വ​യോ​ടു​ളള അവരുടെ ബന്ധമെ​ന്താണ്‌?

¹⁰ സ്വർഗ്ഗീയ ജീവന്റെ കാഴ്‌ച​പ്പാ​ടോ​ടെ മനുഷ്യ​രെ ദൈവ​ത്തി​ന്റെ കുടും​ബ​ത്തി​ലേക്ക്‌ കൂട്ടി​ച്ചേർക്കുക സാദ്ധ്യ​മാ​ക്കുന്ന അതേ, “ഭരണ നിർവ്വ​ഹണം” “ഭൂമി​യി​ലെ അസ്‌തി​ത്വ​ങ്ങളി”ലേക്കും ശ്രദ്ധതി​രി​ക്കു​ന്നു. ക്രിസ്‌തു​വി​ന്റെ ബലിയിൽ വിശ്വാ​സ​മു​ളള ആളുകൾ, വിശേ​ഷിച്ച്‌ പൊ. യു. 1935 മുതൽ ഭൂമി​യി​ലെ നിത്യ​ജീ​വന്റെ പ്രത്യാ​ശ​യോ​ടെ കൂട്ടി​ച്ചേർക്ക​പ്പെ​ട്ടി​രി​ക്കു​ന്നു. അവർ അഭിഷിക്ത വർഗ്ഗത്തി​ന്റെ ശേഷി​പ്പി​നോട്‌ തോ​ളോ​ടു​തോൾ ചേർന്ന്‌ യഹോ​വ​യു​ടെ നാമത്തെ മഹിമ​പ്പെ​ടു​ത്തു​ക​യും അവന്റെ ആരാധ​നയെ ഉന്നതമാ​ക്കു​ക​യും ചെയ്യുന്നു. (സെഫ. 3:9; യെശ. 2:2, 3) ഇവരും അഗാധ​മായ ആദര​വോ​ടെ യഹോ​വയെ “പിതാവ്‌” എന്നു സംബോ​ധന ചെയ്യു​ക​യും അവനെ ജീവന്റെ ഉറവായി അംഗീ​ക​രി​ക്കു​ക​യും ചെയ്യുന്നു. അവന്റെ പുത്രൻമാ​രെ സംബന്ധിച്ച്‌ അവൻ പ്രതീ​ക്ഷി​ക്കു​ന്ന​തു​പോ​ലെ, അവന്റെ ഗുണങ്ങൾ പ്രതി​ഫ​ലി​പ്പി​ക്കാൻ അവർ ആത്മാർത്ഥ​മാ​യി ശ്രമി​ക്കു​ന്നു. യേശു​വി​ന്റെ ചൊരി​യ​പ്പെട്ട രക്തത്തി​ലു​ളള വിശ്വാ​സ​ത്തി​ന്റെ അടിസ്ഥാ​ന​ത്തിൽ അവർ അവന്റെ മുമ്പാകെ ഒരു അംഗീ​കൃത നിലപാട്‌ ആസ്വദി​ക്കു​ന്നു. (മത്താ. 6:9; വെളി. 7:9, 14) എന്നാൽ തന്റെ പുത്രൻമാ​രെന്ന നിലയിൽ ദൈവ​ത്താൽ പൂർണ്ണ​മാ​യി അംഗീ​ക​രി​ക്ക​പ്പെ​ടു​ന്ന​തി​ലു​ളള സന്തോഷം അവർക്ക്‌ ഇനിയും ഭാവി​യി​ലാണ്‌ ലഭിക്കു​ന്ന​തെന്ന്‌ അവർക്ക​റി​യാം.

11. (എ) റോമർ 8:19-21 മനുഷ്യ​വർഗ്ഗ​ത്തിന്‌ എന്ത്‌ വാഗ്‌ദത്തം വെച്ചു​നീ​ട്ടു​ന്നു? (ബി) അവർ ആകാം​ക്ഷാ​പൂർവ്വം കാത്തി​രി​ക്കുന്ന “ദൈവ​പു​ത്രൻമാ​രു​ടെ വെളി​പ്പെടൽ” എന്താണ്‌?

¹¹ റോമർ 8:19-21-ൽ പ്രകട​മാ​ക്ക​പ്പെ​ട്ടി​രി​ക്കുന്ന പ്രകാരം അവർ “ദൈവ​പു​ത്രൻമാ​രു​ടെ വെളി​പ്പെ​ട​ലി​നു” വേണ്ടി ആകാം​ക്ഷാ​പൂർവ്വം കാത്തി​രി​ക്കു​ക​യാണ്‌, എന്തു​കൊ​ണ്ടെ​ന്നാൽ മനുഷ്യ സൃഷ്ടി​യിൽപെട്ട ഇവർക്ക്‌ “ദ്രവത്വ​ത്തി​ന്റെ  അടിമ​ത്ത​ത്തിൽനിന്ന്‌ സ്വത​ന്ത്ര​രാ​ക്ക​പ്പെ​ടുന്ന”തിനുളള സമയം അപ്പോൾ ആഗതമാ​കും. സ്വർഗ്ഗീയ പ്രതി​ഫലം പ്രാപി​ച്ചി​രി​ക്കുന്ന ആത്മാഭി​ഷിക്ത ദൈവ​പു​ത്രൻമാർ തങ്ങളുടെ മഹത്വീ​ക​രി​ക്ക​പ്പെട്ട കർത്താ​വായ യേശു​ക്രി​സ്‌തു​വി​ന്റെ കൂട്ടാ​ളി​ക​ളെന്ന നിലയിൽ പ്രവർത്തനം തുടങ്ങി​യി​രി​ക്കു​ന്ന​തി​ന്റെ തെളിവ്‌ ഇവിടെ ഭൂമി​യി​ലെ മനുഷ്യർ കാണു​മ്പോൾ ആ “വെളി​പ്പെടൽ” നടക്കു​ന്ന​താ​യി​രി​ക്കും. മുഴു​ദുഷ്ട വ്യവസ്ഥി​തി​യു​ടെ​യും നാശത്തി​ലും തുടർന്നു​വ​രുന്ന ക്രിസ്‌തു​വി​ന്റെ ആയിര​വർഷ​വാ​ഴ്‌ച​യു​ടെ അനു​ഗ്ര​ഹ​ങ്ങ​ളി​ലും അതു പ്രത്യ​ക്ഷ​മാ​യി​രി​ക്കും. ഈ “ദൈവ​പു​ത്രൻമാർ” രാജാ​ക്കൻമാ​രും പുരോ​ഹി​തൻമാ​രും എന്നനി​ല​യിൽ ആ വാഴ്‌ച​യിൽ അവനോ​ടു​കൂ​ടെ പങ്കാളി​ത്തം വഹിക്കും.—വെളി. 2:26, 27; 20:6.

12. മഹോ​പ​ദ്ര​വത്തെ തുടർന്ന്‌ ജയശാ​ലി​ക​ളായ ആത്മാഭി​ഷിക്ത ദൈവ​പു​ത്രൻമാർ ഏതു സ്‌തു​തി​ഗീ​ത​ത്തിൽ ചേരും, അത്‌ എന്തർത്ഥ​മാ​ക്കു​ന്നു?

¹² ക്രിസ്‌തു​വി​നോ​ടു ചേർന്നി​രി​ക്കുന്ന ആ ദൈവ​പു​ത്രൻമാർ മഹോ​പ​ദ്രവം കഴിഞ്ഞ്‌ ദൈവ​സ്‌തു​തി​ക്കാ​യി തങ്ങളുടെ ശബ്ദങ്ങളും ചേർത്ത്‌ സന്തോ​ഷ​പൂർവ്വം ഇങ്ങനെ ഉദ്‌ഘോ​ഷി​ക്കു​മ്പോൾ അത്‌ എത്ര ആഹ്ലാദ​ജ​ന​ക​മാ​യി​രി​ക്കും: “സർവ്വശ​ക്ത​നാം യഹോ​വ​യാം ദൈവമേ, നിന്റെ പ്രവൃ​ത്തി​കൾ വലുതും അതിശ​യ​ക​ര​വു​മാ​കു​ന്നു. നിത്യ​ത​യു​ടെ രാജാവേ, നിന്റെ വഴികൾ നീതി​നി​ഷ്‌ഠ​വും സത്യവു​മാ​കു​ന്നു. യഹോവേ, നീ മാത്രം വിശ്വ​സ്‌ത​നാ​ക​യാൽ, ആർ യഥാർത്ഥ​ത്തിൽ നിന്നെ ഭയപ്പെ​ടാ​തെ​യും, നിന്റെ നാമത്തെ മഹത്വ​പ്പെ​ടു​ത്താ​തെ​യു​മി​രി​ക്കും? എന്തെന്നാൽ സകല ജനതക​ളും വന്ന്‌ നിന്റെ മുമ്പാകെ ആരാധി​ക്കും, എന്തു​കൊ​ണ്ടെ​ന്നാൽ നിന്റെ നീതി​യു​ളള വിധികൾ പ്രത്യ​ക്ഷ​മാ​ക്ക​പ്പെ​ട്ടി​രി​ക്കു​ന്നു!” (വെളി. 15:3, 4) അതെ, മുൻജ​ന​ത​ക​ളിൽ നിന്നെ​ല്ലാ​മു​ളള ആളുകൾ ഉൾപ്പെ​ടുന്ന സകല മനുഷ്യ​വർഗ്ഗ​വും സത്യ​ദൈ​വ​ത്തി​ന്റെ ആരാധ​ന​യിൽ ഏകീക​രി​ക്ക​പ്പെ​ടും. സ്‌മാ​ര​ക​ക്ക​ല്ല​റ​ക​ളി​ലു​ള​ള​വർപോ​ലും ഉയർപ്പി​ക്ക​പ്പെ​ടു​ക​യും യഹോ​വയെ ഒത്തു​ചേർന്ന്‌ സ്‌തു​തി​ക്കു​ന്ന​തി​നു​ളള അവസരം കൊടു​ക്ക​പ്പെ​ടു​ക​യും ചെയ്യും.

13. മഹോ​പ​ദ്ര​വത്തെ അതിജീ​വി​ക്കു​ന്നവർ ഉടൻതന്നെ ഏത്‌ അത്ഭുത​ക​ര​മായ സ്വാത​ന്ത്ര്യം ആസ്വദി​ക്കും?

¹³ മേലാൽ പിശാ​ചായ സാത്താൻ “ഈ വ്യവസ്ഥി​തി​യു​ടെ ദൈവ”മായി​രി​ക്കു​ക​യില്ല. മേലാൽ ഇവിടെ ഭൂമി​യി​ലു​ളള യഹോ​വ​യു​ടെ ആരാധ​കർക്ക്‌ അവന്റെ ദുഷ്ടസ്വാ​ധീ​ന​ത്തോട്‌ പോരാ​ടേ​ണ്ടി​വ​രി​ക​യില്ല. (2 കൊരി. 4:4; വെളി. 20:1-3) മേലാൽ വ്യാജ​മതം നമ്മുടെ സ്‌നേ​ഹ​നി​ധി​യായ ദൈവത്തെ തെററി​ദ്ധ​രി​പ്പി​ക്കു​ക​യും മനുഷ്യ​സ​മു​ദാ​യ​ത്തിൽ ഒരു വിഭാ​ഗീയ സ്വാധീ​ന​മാ​യി സേവി​ക്കു​ക​യു​മില്ല. മേലാൽ  സത്യ​ദൈ​വ​ത്തി​ന്റെ ദാസൻമാർ ഭരണപ​ദ​വി​യി​ലി​രി​ക്കു​ന്ന​വ​രു​ടെ കൈക​ളാൽ അനീതി​യും ചൂഷണ​വും അനുഭ​വി​ക്കു​ക​യില്ല. മഹോ​പ​ദ്ര​വത്തെ അതിജീ​വി​ക്കു​ന്ന​വർക്ക്‌ അത്‌ എത്ര അത്ഭുത​ക​ര​മായ സ്വാത​ന്ത്ര്യ​ത്തെ അർത്ഥമാ​ക്കും!

14. അവർ എന്തു മുഖാ​ന്ത​ര​ത്താൽ പാപത്തിൽ നിന്നും അതിന്റെ സകല ഫലങ്ങളിൽനി​ന്നും വിമു​ക്ത​രാ​ക്ക​പ്പെ​ടും?

¹⁴ “ലോക​ത്തി​ന്റെ പാപത്തെ ചുമന്നു നീക്കുന്ന ദൈവ​ത്തി​ന്റെ കുഞ്ഞാട്‌” എന്ന നിലയിൽ യേശു​ക്രി​സ്‌തു മനുഷ്യ​വർഗ്ഗ​ത്തി​ന്റെ സകല കഴിഞ്ഞ​കാ​ല​പാ​പ​ങ്ങ​ളും റദ്ദാക്ക​ത്ത​ക്ക​വണ്ണം തന്റെ ബലിയു​ടെ മൂല്യം പ്രയോ​ഗി​ക്കും. (യോഹ. 1:29) ഭൂമി​യിൽ ഒരു വ്യക്തി​യു​ടെ പാപങ്ങൾ മോചി​ക്ക​പ്പെ​ട്ട​താ​യി യേശു പ്രഖ്യാ​പി​ച്ച​പ്പോൾ, അതിന്റെ തെളി​വാ​യി അവൻ മോചി​തനെ സൗഖ്യ​മാ​ക്കു​ക​യും ചെയ്‌തു. (മത്താ. 9:1-7) സമാന​മായ രീതി​യിൽ, അവൻ അന്ധരെ​യും ബധിര​രെ​യും ഊമ​രെ​യും ശാരീ​രി​ക​മാ​യി അംഗഭം​ഗം ഭവിച്ച​വ​രെ​യും മനോ​രോ​ഗി​ക​ളെ​യും മററ്‌ ഏതു ദീനക്കാ​രെ​യും സ്വർഗ്ഗ​ത്തിൽനിന്ന്‌ അത്ഭുത​ക​ര​മാ​യി സൗഖ്യ​മാ​ക്കും. ക്രമേണ, ദൈവ​ത്തി​ന്റെ വഴികൾക്ക​നു​സൃ​ത​മാ​യി തങ്ങളേ​ത്തന്നെ കരുപ്പി​ടി​പ്പി​ക്കു​ന്ന​തി​നാൽ സന്നദ്ധത​യും അനുസ​ര​ണ​വു​മു​ളള സകലർക്കും “പാപത്തി​ന്റെ നിയമം” തങ്ങളിൽത്തന്നെ പൂർണ്ണ​മാ​യി ദുർബ്ബ​ല​മാ​ക്ക​പ്പെ​ടും, തന്നിമി​ത്തം അവരുടെ സകല പ്രവർത്ത​ന​ങ്ങ​ളും ചിന്തക​ളും ഹൃദയ​വാ​ഞ്‌ഛ​ക​ളും അവർക്കു​ത​ന്നെ​യും ദൈവ​ത്തി​നും പ്രസാ​ദ​ക​ര​മാ​യി​രി​ക്കും. (റോമ. 7:21-23; യെശയ്യാവ്‌ 25:7, 8; വെളി​പ്പാട്‌ 21:3, 4 ഇവ താരത​മ്യ​പ്പെ​ടു​ത്തുക.) സഹസ്രാ​ബ്ദ​ത്തി​ന്റെ അവസാ​ന​ത്തി​നു മുമ്പ്‌ അവർ തികഞ്ഞ മാനു​ഷ​പൂർണ്ണത പ്രാപി​ക്കു​മാറ്‌ സഹായി​ക്ക​പ്പെ​ട്ടി​രി​ക്കും. അവർ പാപത്തിൽനി​ന്നും അതിന്റെ ദുഃഖ​ക​ര​മായ സകല ഫലങ്ങളിൽനി​ന്നും പൂർണ്ണ മായി വിമു​ക്ത​രാ​ക്ക​പ്പെ​ടും. മുഴു​ഗോ​ള​ത്തെ​യും ഉൾക്കൊ​ള​ളി​ക്കുന്ന ഒരു ഭൗമിക പരദീ​സ​യിൻമ​ദ്ധ്യേ അവർ ദൈവ​ത്തി​ന്റെ ‘പ്രതി​ച്ഛാ​യ​യെ​യും സാദൃ​ശ്യ​ത്തെ​യും’ ഉചിത​മാ​യി പ്രതി​ഫ​ലി​പ്പി​ക്കും.—ഉല്‌പ. 1:26.

15. സഹസ്രാ​ബ്ദ​ത്തി​ന്റെ ഒടുവിൽ ക്രിസ്‌തു എന്തു നടപടി സ്വീക​രി​ക്കും, എന്തു ലക്ഷ്യ​ത്തോ​ടെ?

¹⁵ ക്രിസ്‌തു മനുഷ്യ​വർഗ്ഗത്തെ പൂർണ്ണ​ത​യി​ലേക്കു വരുത്തി​ക്ക​ഴി​യു​മ്പോൾ, അവൻ ഈ വേലക്കു​വേണ്ടി തനിക്കു നൽകപ്പെട്ട അധികാ​രം പിതാ​വി​നെ തിരികെ ഏൽപ്പി​ക്കും. 1 കൊരി​ന്ത്യർ 15:28-ൽ മുൻകൂ​ട്ടി​പ്പ​റ​യ​പ്പെട്ട പ്രകാരം “സകലവും അവന്‌ [പുത്രന്‌] കീഴ്‌പ്പെ​ടു​ത്ത​പ്പെ​ട്ടി​രി​ക്കു​മ്പോൾ, പുത്രൻതന്നെ തനിക്കു സകലവും കീഴ്‌പ്പെ​ടു​ത്തി​യ​വന്‌ തന്നേത്തന്നെ കീഴ്‌പ്പെ​ടു​ത്തും, ദൈവം സകലർക്കും സകലവു​മാ​യി​രി​ക്കേ​ണ്ട​തി​നു​തന്നെ.”

16. പൂർണ്ണ​രാ​ക്ക​പ്പെ​ടുന്ന എല്ലാ മനുഷ്യ​രും ഇപ്പോൾ എന്തിന്‌ വിധേ​യ​രാ​ക്ക​പ്പെ​ടും, എന്തു​കൊണ്ട്‌?

 ¹⁶ ഇപ്പോൾ പൂർണ്ണ​രാ​ക്ക​പ്പെട്ട മനുഷ്യ​വർഗ്ഗ​ത്തി​ന്റെ മാററ​മി​ല്ലാത്ത തീരു​മാ​നം ജീവനു​ളള ഏകസത്യ​ദൈ​വത്തെ എന്നേക്കും സേവി​ക്കാ​നാ​ണെന്ന്‌ പ്രകട​മാ​ക്കാ​നു​ളള അവസരം അവർക്കു കൊടു​ക്ക​പ്പെ​ടും. തന്നിമി​ത്തം, യേശു​ക്രി​സ്‌തു മുഖേന തന്റെ പുത്രൻമാ​രാ​യി അവരെ ദത്തെടു​ക്കു​ന്ന​തി​നു മുമ്പ്‌, യഹോവ, പൂർണ്ണ​രാ​ക്ക​പ്പെട്ട ആ മനുഷ്യ​രെ​യെ​ല്ലാം സമ്പൂർണ്ണ​മായ ഒരു അന്തിമ പരി​ശോ​ധ​നക്കു വിധേ​യ​രാ​ക്കും. സാത്താ​നും അവന്റെ ഭൂതങ്ങ​ളും അഗാധ​ത്തിൽനിന്ന്‌ അഴിച്ചു വിട​പ്പെ​ടും. ഇത്‌ യഹോ​വയെ യഥാർത്ഥ​മാ​യി സ്‌നേ​ഹി​ക്കു​ന്ന​വർക്ക്‌ നിലനിൽക്കുന്ന ദ്രോ​ഹ​ത്തിൽ കലാശി​ക്കു​ക​യില്ല. എന്നാൽ യഹോ​വ​യോ​ടു​ളള അനുസ​ര​ണ​ക്കേ​ടി​ലേക്കു നയിക്ക​പ്പെ​ടാൻ അഭക്തി​പൂർവ്വം തങ്ങളേ​ത്തന്നെ അനുവ​ദി​ക്കുന്ന ഏവരും ആദ്യമ​ത്സ​രി​യോ​ടും അവന്റെ ഭൂതങ്ങ​ളോ​ടും​കൂ​ടെ എന്നേക്കും നശിപ്പി​ക്ക​പ്പെ​ടും.—വെളി. 20:7-10.

17. യഹോ​വ​യു​ടെ ഉദ്ദേശ്യ​ത്തി​ന്റെ നിവൃ​ത്തി​യാ​യി, ബുദ്ധി​ശ​ക്തി​യു​ളള അവന്റെ സകല സൃഷ്ടി​ക​ളു​ടെ​യും ഇടയിൽ വീണ്ടും ഏതവസ്ഥ സ്ഥിതി​ചെ​യ്യും?

¹⁷ ആ നിർണ്ണാ​യ​ക​മായ അന്തിമ​പ​രി​ശോ​ധ​നയെ ചെറുത്തു നിൽക്കുന്ന, പൂർണ്ണ​രാ​ക്ക​പ്പെട്ട സകല മനുഷ്യ​രെ​യും ഇപ്പോൾ യഹോവ ക്രിസ്‌തു​വി​ലൂ​ടെ തന്റെ പുത്രൻമാ​രാ​യി സ്‌നേ​ഹ​പൂർവ്വം ദത്തെടു​ക്കും. അപ്പോൾ അവർ “ദൈവ​മ​ക്ക​ളു​ടെ മഹത്തായ സ്വാത​ന്ത്ര്യ”ത്തിൽ പൂർണ്ണ​മാ​യി പങ്കുപ​റ​റും. (റോമ. 8:21) ഒടുവിൽ അവർ ഏകീകൃ​ത​മായ ദൈവ​ത്തി​ന്റെ സാർവ്വ​ത്രിക കുടും​ബ​ത്തി​ന്റെ ഒരു ഭാഗമാ​യി​ത്തീ​രും, അവർക്കെ​ല്ലാം യഹോവ എന്നേക്കും ഏക​ദൈ​വ​വും സാർവ്വ​ത്രി​ക​പ​ര​മാ​ധി​കാ​രി​യും അവരുടെ സ്‌നേ​ഹ​നി​ധി​യായ പിതാ​വു​മാ​യി​രി​ക്കും. അപ്പോൾ സ്വർഗ്ഗ​ത്തി​ലും ഭൂമി​യി​ലു​മു​ളള, യഹോ​വ​യു​ടെ ബുദ്ധി​ശ​ക്തി​യു​ളള സകല സൃഷ്ടി​യും വീണ്ടും ഏകസത്യ​ദൈ​വ​ത്തി​ന്റെ ആരാധ​ന​യിൽ ഏകീകൃ​ത​രാ​യി​രി​ക്കും.

പുനരവലോകന ചർച്ച

● ഏദെനി​ലെ മത്സരത്തി​നു മുമ്പ്‌, യഹോ​വ​യു​ടെ സകല ആരാധ​കർക്കും അവനോട്‌ എന്ത്‌ ബന്ധമു​ണ്ടാ​യി​രു​ന്നു?

● ദൈവ​പു​ത്രൻമാ​രാ​യി​രി​ക്കു​ന്ന​വ​രു​ടെ​മേൽ എന്ത്‌ ഉത്തരവാ​ദി​ത്തം സ്ഥിതി​ചെ​യ്യു​ന്നു?

● ഇന്നു ദൈവ​പു​ത്രൻമാർ ആരാണ്‌? ഇനി ആർ ദൈവ​മ​ക്ക​ളാ​യി​ത്തീ​രും, ഇത്‌ ഏകീകൃ​താ​രാ​ധന സംബന്ധിച്ച യഹോ​വ​യു​ടെ ഉദ്ദേശ്യ​ത്തോ​ടു ബന്ധപ്പെ​ട്ടി​രി​ക്കു​ന്ന​തെ​ങ്ങനെ?

[അധ്യയന ചോദ്യ​ങ്ങൾ]