അധ്യായം ഇരുപ​ത്തൊന്ന്‌

യഹോ​വ​യു​ടെ ഉദ്ദേശ്യം മഹത്തായ വിജയം വരിക്കു​ന്നു

1, 2. (എ) തന്റെ ബുദ്ധി​ശ​ക്തി​യുള്ള സൃഷ്ടി​കളെ സംബന്ധിച്ച യഹോ​വ​യു​ടെ ഉദ്ദേശ്യം എന്ത്‌? (ബി) ദൈവ​ത്തി​ന്റെ ആരാധ​ക​രു​ടെ ഏകീകൃത കുടും​ബ​ത്തിൽ ആരെല്ലാം ഉൾപ്പെ​ടു​ത്ത​പ്പെട്ടു?

 ബുദ്ധി​ശ​ക്തി​യുള്ള സർവ സൃഷ്ടി​യും ഏക സത്യ​ദൈ​വത്തെ ആരാധി​ക്കു​ന്ന​തിൽ ഏകീകൃ​ത​രാ​യി ദൈവ​മ​ക്ക​ളു​ടെ മഹത്തായ സ്വാത​ന്ത്ര്യം ആസ്വദി​ക്കുക—അതാണ്‌ യഹോ​വ​യു​ടെ സ്‌നേ​ഹ​നിർഭ​ര​മായ ഉദ്ദേശ്യം. നീതി​സ്‌നേ​ഹി​ക​ളു​ടെ ആത്മാർഥ​മായ ആഗ്രഹ​വും അതുത​ന്നെ​യാണ്‌.

² യഹോവ തന്റെ സൃഷ്ടി​ക്രി​യ​കൾക്കു തുടക്ക​മി​ട്ട​പ്പോൾ അവൻ ഈ മഹത്തായ ഉദ്ദേശ്യം നിവർത്തി​ക്കാൻ തുടങ്ങി. അവന്റെ ആദ്യ സൃഷ്ടി ഒരു പുത്ര​നാ​യി​രു​ന്നു. ആ പുത്രൻ പുനരു​ത്ഥാന ശേഷം ഇപ്പോൾ “[ദൈവ​ത്തി​ന്റെ] മഹത്ത്വ​ത്തി​ന്റെ പ്രതി​ഫ​ല​ന​വും അവന്റെ അസ്‌തി​ത്വ​ത്തി​ന്റെ​തന്നെ കൃത്യ​മായ പ്രതി​നി​ധാ​ന​വും” ആണ്‌. (എബ്രായർ 1:1-3, NW) ദൈവം തനിയെ സൃഷ്ടി​ച്ച​തി​നാൽ ഈ പുത്രൻ അനുപ​മ​നാ​യി​രു​ന്നു. തുടർന്ന്‌, മറ്റുള്ള​വ​രെ​യെ​ല്ലാം അസ്‌തി​ത്വ​ത്തി​ലേക്കു വരുത്തു​ന്നത്‌ ഈ പുത്രൻ മുഖാ​ന്തരം ആയിരി​ക്കു​മാ​യി​രു​ന്നു: ആദ്യം സ്വർഗ​ത്തി​ലെ ദൂതന്മാ​രെ​യും പിന്നീട്‌ ഭൂമി​യി​ലെ മനുഷ്യ​രെ​യും. (ഇയ്യോബ്‌ 38:6; ലൂക്കൊസ്‌ 3:38) ഇവരെ​ല്ലാം ചേർന്ന്‌ ഒരു സാർവ​ത്രിക കുടും​ബം ഉളവായി. അവർക്കെ​ല്ലാം യഹോവ ദൈവ​വും സാർവ​ത്രിക പരമാ​ധി​കാ​രി​യും സ്‌നേ​ഹ​നി​ധി​യായ പിതാ​വും ആയിരു​ന്നു.

3. (എ) ആദ്യ മാതാ​പി​താ​ക്ക​ളിൽനിന്ന്‌ നമു​ക്കെ​ല്ലാം പാരമ്പ​ര്യ​മാ​യി എന്തു ലഭിച്ചി​രി​ക്കു​ന്നു? (ബി) ആദാമി​ന്റെ സന്തതി​കൾക്കാ​യി യഹോവ സ്‌നേ​ഹ​നിർഭ​ര​മായ ഏതു ക്രമീ​ക​രണം ഏർപ്പെ​ടു​ത്തി?

³ നമ്മുടെ ആദ്യ മാനുഷ മാതാ​പി​താ​ക്കൾ മനഃപൂർവ പാപി​ക​ളെന്ന നിലയിൽ മരണത്തി​നു വിധി​ക്ക​പ്പെ​ട്ട​പ്പോൾ അവർ ഏദെനിൽനി​ന്നു പുറത്താ​ക്ക​പ്പെട്ടു, ദൈവ​ത്താൽ ത്യജി​ക്ക​പ്പെട്ടു. അവർ  അവന്റെ സാർവ​ത്രിക കുടും​ബ​ത്തി​ന്റെ ഭാഗമ​ല്ലാ​താ​യി. (ഉല്‌പത്തി 3:22-24; ആവർത്ത​ന​പു​സ്‌തകം 32:4, 5) നമ്മളെ​ല്ലാം അവരുടെ സന്തതി​ക​ളാണ്‌, അതു​കൊണ്ട്‌ നാം പാപ​പ്ര​വ​ണ​ത​ക​ളോ​ടെ ജനിച്ചി​രി​ക്കു​ന്നു. എന്നാൽ ആദാമി​ന്റെ​യും ഹവ്വായു​ടെ​യും സന്തതി​ക​ളിൽ ചിലർ നീതിയെ സ്‌നേ​ഹി​ക്കു​മെന്ന്‌ യഹോ​വ​യ്‌ക്ക്‌ അറിയാ​മാ​യി​രു​ന്നു. അതുനി​മി​ത്തം അവർക്ക്‌ “ദൈവ​മ​ക്ക​ളു​ടെ മഹത്തായ സ്വാത​ന്ത്ര്യം” പ്രാപി​ക്കാ​നുള്ള ഒരു ക്രമീ​ക​രണം അവൻ സ്‌നേ​ഹ​പൂർവം ഏർപ്പെ​ടു​ത്തി.—റോമർ 8:20, 21, NW.

അനുഗൃ​ഹീത പദവി ഇസ്രാ​യേൽ നഷ്ടപ്പെ​ടു​ത്തു​ന്നു

4. പുരാതന ഇസ്രാ​യേ​ലിന്‌ യഹോവ ഏതു പദവി നീട്ടി​ക്കൊ​ടു​ത്തു?

⁴ ആദാമി​നെ സൃഷ്ടിച്ച്‌ ഏതാണ്ട്‌ 2,500 വർഷങ്ങൾക്കു​ശേഷം, താനു​മാ​യി ഒരു പ്രത്യേക ബന്ധത്തി​ലേക്കു വരാനുള്ള അവസരം യഹോവ ചില മനുഷ്യർക്കു വെച്ചു​നീ​ട്ടി. അവൻ പുരാതന ഇസ്രാ​യേ​ലി​നെ തന്റെ ജനമാ​യി​രി​ക്കാൻ തിര​ഞ്ഞെ​ടു​ക്കു​ക​യും അവർക്കു തന്റെ ന്യായ​പ്ര​മാ​ണം കൊടു​ക്കു​ക​യും ചെയ്‌തു. (ഉല്‌പത്തി 12:1, 2) അവൻ അവരെ ഒരു ജനതയാ​ക്കു​ക​യും തന്റെ ഉദ്ദേശ്യ​ത്തോ​ടുള്ള ബന്ധത്തിൽ അവരെ ഉപയോ​ഗി​ക്കു​ക​യും ചെയ്‌തു. (ആവർത്ത​ന​പു​സ്‌തകം 14:1, 2; യെശയ്യാ​വു 43:1) എന്നുവ​രി​കി​ലും, അവർ അപ്പോ​ഴും പാപത്തി​ന്റെ​യും മരണത്തി​ന്റെ​യും അടിമ​ത്ത​ത്തി​ലാ​യി​രു​ന്നു. അതു​കൊണ്ട്‌ ആദിയിൽ ആദാമി​നും ഹവ്വായ്‌ക്കും ഉണ്ടായി​രുന്ന മഹത്തായ സ്വാത​ന്ത്ര്യം അവർ ആസ്വദി​ച്ചില്ല.

5. ഇസ്രാ​യേ​ല്യർക്കു ദൈവ​മു​മ്പാ​കെ ഉണ്ടായി​രുന്ന പ്രത്യേക നില അവർക്കു നഷ്ടമാ​യത്‌ എങ്ങനെ?

⁵ എന്നിരു​ന്നാ​ലും, ഇസ്രാ​യേ​ല്യർക്കു ദൈവ​മു​മ്പാ​കെ ഒരു അനുഗൃ​ഹീത നില ഉണ്ടായി​രു​ന്നു. യഹോ​വയെ തങ്ങളുടെ പിതാ​വാ​യി ആദരി​ക്കാ​നും അവന്റെ ഉദ്ദേശ്യ​ത്തി​നു ചേർച്ച​യിൽ പ്രവർത്തി​ക്കാ​നു​മുള്ള ഉത്തരവാ​ദി​ത്വ​വും അവർക്ക്‌ ഉണ്ടായി​രു​ന്നു. അവർ ആ കടപ്പാടു നിറ​വേ​റ്റേ​ണ്ട​തി​ന്റെ പ്രാധാ​ന്യം യേശു ഊന്നി​പ്പ​റഞ്ഞു. (മത്തായി 5:43-48) എന്നാൽ ഇസ്രാ​യേൽ ജനത ഇതു ചെയ്യു​ന്ന​തിൽ പരാജ​യ​പ്പെട്ടു. “ഞങ്ങൾക്ക്‌ ഒരു പിതാ​വേ​യു​ള്ളൂ; ദൈവം തന്നേ” എന്ന്‌ ആ യഹൂദ​ന്മാർ അവകാ​ശ​പ്പെ​ട്ടെ​ങ്കി​ലും അവരുടെ പ്രവർത്ത​ന​ങ്ങ​ളും അവർ പ്രകട​മാ​ക്കിയ മനോ​ഭാ​വ​വും അത്തര​മൊ​രു അവകാ​ശ​വാ​ദത്തെ പൊള്ള​യാ​ക്കി​യ​താ​യി യേശു പ്രഖ്യാ​പി​ച്ചു. (യോഹ​ന്നാൻ  8:41, 44, 47) പൊ.യു. 33-ൽ ന്യായ​പ്ര​മാ​ണത്തെ ദൈവം നീക്കം ചെയ്‌തു. അവനോ​ടുള്ള ഇസ്രാ​യേ​ലി​ന്റെ പ്രത്യേക ബന്ധം അവസാ​നി​ച്ചു. എന്നാൽ ആളുകൾക്ക്‌ ഒരിക്ക​ലും ദൈവ​വു​മാ​യി ഒരു അനുഗൃ​ഹീത ബന്ധം ആസ്വദി​ക്കാൻ കഴിയി​ല്ലെന്ന്‌ ഇത്‌ അർഥമാ​ക്കി​യോ?

“സ്വർഗ​ത്തി​ലു​ള്ളവ”യെ കൂട്ടി​ച്ചേർക്കു​ന്നു

6. എഫെസ്യർ 1:9, 10-ൽ പൗലൊസ്‌ പരാമർശിച്ച “ഭരണനിർവഹണ”ത്തിന്റെ ഉദ്ദേശ്യം എന്ത്‌?

⁶ മനുഷ്യ​വർഗ​ത്തി​ന്റെ ഇടയിൽനി​ന്നു ചിലർക്കു ദൈവ​വു​മാ​യി ഒരു പ്രത്യേക ബന്ധം ആസ്വദി​ക്കാ​നാ​കു​മെന്ന്‌ അപ്പൊ​സ്‌ത​ല​നായ പൗലൊസ്‌ പ്രകട​മാ​ക്കി. ദൃഷ്ടാ​ന്ത​ത്തിന്‌, വിശ്വാ​സം പ്രകട​മാ​ക്കു​ന്ന​വർക്ക്‌ തന്റെ ഭവനത്തി​ലെ അംഗങ്ങ​ളാ​കാൻ യഹോവ ചെയ്‌ത ക്രമീ​ക​ര​ണത്തെ കുറിച്ച്‌ പൗലൊസ്‌ എഴുതി: ‘തന്റെ ഹിതത്തി​ന്റെ മർമ്മം [ദൈവം] നമ്മോടു അറിയി​ച്ചു. അതു സ്വർഗ്ഗ​ത്തി​ലും ഭൂമി​യി​ലു​മു​ള​ളതു [“സ്വർഗ​ത്തി​ലു​ള്ള​വ​യെ​യും ഭൂമി​യി​ലു​ള്ള​വ​യെ​യും,” NW] എല്ലാം പിന്നെ​യും ക്രിസ്‌തു​വിൽ ഒന്നായി​ച്ചേർക്ക എന്നിങ്ങനെ കാലസ​മ്പൂർണ്ണ​ത​യി​ലെ വ്യവ​സ്ഥെ​ക്കാ​യി​ക്കൊ​ണ്ടു [“ഭരണനിർവ​ഹ​ണ​ത്തിന്‌,” NW] തന്നേ.’ (എഫെസ്യർ 1:9, 10) ഈ ‘ഭരണനിർവ​ഹണം’ യേശു​ക്രി​സ്‌തു​വി​നെ കേന്ദ്രീ​ക​രി​ച്ചു​ള്ള​താണ്‌. അവൻ മുഖാ​ന്തരം മനുഷ്യർ ദൈവ​മു​മ്പാ​കെ ഒരു അംഗീ​കൃത അവസ്ഥയി​ലേക്കു വരുത്ത​പ്പെ​ടു​ന്നു. അവരിൽ ഒരു പരിമിത സംഖ്യ​യ്‌ക്കു സ്വർഗ​ത്തിൽ ആയിരി​ക്കു​ന്ന​തി​നുള്ള പ്രത്യാ​ശ​യുണ്ട്‌. അതി​നെ​ക്കാൾ വളരെ​യേറെ ആളുകൾ ഭൂമി​യിൽ എന്നേക്കും ജീവി​ക്കും.

7. “സ്വർഗ​ത്തി​ലു​ള്ളവ” ആരാണ്‌?

⁷ ആദ്യം, പൊ.യു. 33-ലെ പെന്തെ​ക്കൊ​സ്‌തിൽ തുടങ്ങി “സ്വർഗ​ത്തി​ലു​ള്ളവ”യ്‌ക്ക്‌, അതായത്‌ സ്വർഗീയ രാജ്യ​ത്തിൽ ക്രിസ്‌തു​വി​നോ​ടു​കൂ​ടെ കൂട്ടവ​കാ​ശി​കൾ ആയിരി​ക്കേ​ണ്ട​വർക്കു ശ്രദ്ധ കൊടു​ക്ക​പ്പെട്ടു. യേശു​വി​ന്റെ ബലിയു​ടെ മൂല്യ​ത്തി​ലുള്ള അവരുടെ വിശ്വാ​സ​ത്തി​ന്റെ അടിസ്ഥാ​ന​ത്തിൽ അവർ ദൈവ​ത്താൽ നീതി​മാ​ന്മാ​രാ​യി പ്രഖ്യാ​പി​ക്ക​പ്പെട്ടു. (റോമർ 5:1, 2) കാല​ക്ര​മ​ത്തിൽ, യഹൂദ​ന്മാ​രും വിജാ​തീ​യ​രും ഉൾപ്പെ​ടു​ത്ത​പ്പെട്ടു. “സ്വർഗ​ത്തി​ലു​ള്ളവ”യിൽ മൊത്തം 1,44,000 പേർ ഉണ്ടായി​രി​ക്കും. (ഗലാത്യർ 3:26-29;  വെളി​പ്പാ​ടു 14:1) അവരിൽ ഒരു ചെറിയ സംഖ്യ മാത്രമേ ഇപ്പോൾ ഭൂമി​യിൽ അവശേ​ഷി​ക്കു​ന്നു​ള്ളൂ.

“ഭൂമി​യി​ലു​ള്ളവ”യെ കൂട്ടി​ച്ചേർക്കു​ന്നു

8. “ഭൂമി​യി​ലു​ള്ളവ” ആരാണ്‌, അവർക്ക്‌ യഹോ​വ​യു​മാ​യുള്ള ബന്ധമെന്ത്‌?

⁸ ഇതേ ഭരണം “ഭൂമി​യി​ലു​ള്ളവ”യെയും കൂട്ടി​ച്ചേർക്കു​ന്നു. ഭൂമി​യി​ലെ നിത്യ​ജീ​വന്റെ പ്രത്യാ​ശ​യോ​ടെ ദശലക്ഷങ്ങൾ ഇപ്പോൾ കൂട്ടി​ച്ചേർക്ക​പ്പെ​ടു​ക​യാണ്‌. രാജ്യാ​വ​കാ​ശി​ക​ളു​ടെ ശേഷി​പ്പി​നോ​ടുള്ള ഐക്യ​ത്തിൽ അവർ യഹോ​വ​യു​ടെ നാമത്തെ മഹിമ​പ്പെ​ടു​ത്തു​ക​യും അവന്റെ ആരാധ​നയെ ഉന്നതമാ​ക്കു​ക​യും ചെയ്യുന്നു. (യെശയ്യാ​വു 2:2, 3; സെഫന്യാ​വു 3:9) കൂടാതെ, ജീവന്റെ ഉറവായി അവർ യഹോ​വയെ അംഗീ​ക​രി​ക്കു​ന്ന​തി​നാൽ അവനെ “പിതാവ്‌” എന്നു സംബോ​ധന ചെയ്യു​ക​യും ചെയ്യുന്നു. യേശു​വി​ന്റെ ചൊരി​യ​പ്പെട്ട രക്തത്തി​ലുള്ള തങ്ങളുടെ വിശ്വാ​സ​ത്തി​ന്റെ അടിസ്ഥാ​ന​ത്തിൽ അവർ അവന്റെ മുമ്പാകെ ഒരു അംഗീ​കൃത നിലയും ആസ്വദി​ക്കു​ന്നു. (വെളി​പ്പാ​ടു 7:9, 14) അവർ ഇപ്പോ​ഴും അപൂർണ​രാ​ക​യാൽ ദൈവ​മക്കൾ എന്ന നിലയിൽ പൂർണ​മാ​യി അംഗീ​ക​രി​ക്ക​പ്പെ​ടു​ന്നത്‌ ഭാവി​യിൽ ആയിരി​ക്കും.

9. റോമർ 8:21 മനുഷ്യ​വർഗ​ത്തിന്‌ എന്തു വാഗ്‌ദാ​നം വെച്ചു​നീ​ട്ടു​ന്നു?

⁹ ഭൗമിക പ്രത്യാ​ശ​യുള്ള ഇവർ മനുഷ്യ​സൃ​ഷ്ടി “ജീർണ​ത​യു​ടെ അടിമ​ത്ത​ത്തിൽനി​ന്നു സ്വത​ന്ത്ര​മാക്ക”പ്പെടുന്ന സമയത്തി​നാ​യി ഇപ്പോൾ ആകാം​ക്ഷ​യോ​ടെ കാത്തി​രി​ക്കു​ക​യാണ്‌. (റോമർ 8:21, NW) ക്രിസ്‌തു​വും അവന്റെ സ്വർഗീയ സൈന്യ​ങ്ങ​ളും അർമ​ഗെ​ദോൻ പാരമ്യം മുഖേന മഹോ​പ​ദ്ര​വത്തെ സമാപ്‌തി​യി​ലേക്കു വരുത്തി​യ​ശേഷം ആ വിടുതൽ തുടങ്ങും. സാത്താന്റെ മുഴു ദുഷ്ടവ്യ​വ​സ്ഥി​തി​യു​ടെ​യും നാശത്തെ അത്‌ അർഥമാ​ക്കു​ന്നു. അതേത്തു​ടർന്ന്‌ രാജ്യാ​ധി​കാ​ര​ത്തി​ലുള്ള ക്രിസ്‌തു​വി​ന്റെ ആയിര​വർഷ വാഴ്‌ച​യു​ടെ അനു​ഗ്ര​ഹങ്ങൾ മനുഷ്യ​വർഗ​ത്തി​ന്മേൽ വർഷി​ക്ക​പ്പെ​ടും.—വെളി​പ്പാ​ടു 19:17-21; 20:6.

10. യഹോ​വ​യു​ടെ ദാസന്മാർ ഏതു സ്‌തു​തി​ഗീ​തം പാടും?

¹⁰ യഹോ​വ​യു​ടെ ഭൂമി​യി​ലെ ദാസന്മാർ, സസന്തോ​ഷം ഇപ്രകാ​രം ഘോഷി​ക്കുന്ന സ്വർഗ​ത്തി​ലെ അവന്റെ ദാസന്മാ​രു​ടെ വികാ​ര​ങ്ങളെ പ്രതി​ധ്വ​നി​പ്പി​ക്കു​മ്പോൾ അത്‌ എത്ര ആഹ്ലാദ​ജ​ന​ക​മാ​യി​രി​ക്കും: “സർവ്വശ​ക്തി​യുള്ള ദൈവ​മായ കർത്താവേ, നിന്റെ പ്രവൃ​ത്തി​കൾ  വലുതും അത്ഭുത​വു​മാ​യവ; സർവ്വജാ​തി​ക​ളു​ടെ​യും രാജാവേ, നിന്റെ വഴികൾ നീതി​യും സത്യവു​മു​ള്ളവ. കർത്താവേ, ആർ നിന്റെ നാമത്തെ ഭയപ്പെ​ടാ​തെ​യും മഹത്വ​പ്പെ​ടു​ത്താ​തെ​യും ഇരിക്കും? നീയല്ലോ ഏകപരി​ശു​ദ്ധൻ; നിന്റെ ന്യായ​വി​ധി​കൾ വിളങ്ങി​വ​ന്ന​തി​നാൽ സകലജാ​തി​ക​ളും വന്നു തിരു​സ​ന്നി​ധി​യിൽ നമസ്‌ക​രി​ക്കും.” (വെളി​പ്പാ​ടു 15:3, 4) തീർച്ച​യാ​യും, യഹോ​വ​യു​ടെ സകല ദാസന്മാ​രും ഏക സത്യ​ദൈ​വ​ത്തി​ന്റെ ആരാധ​ന​യിൽ ഏകീകൃ​ത​രാ​കും. മരിച്ചവർ പോലും പുനരു​ത്ഥാ​നം പ്രാപി​ക്കു​ക​യും യഹോ​വ​യു​ടെ സ്‌തു​തി​ക്കാ​യി ശബ്ദം ഉയർത്തു​ന്ന​തിൽ ഒത്തു​ചേ​രു​ന്ന​തി​നുള്ള അവസരം അവർക്കും നൽക​പ്പെ​ടു​ക​യും ചെയ്യും.—പ്രവൃ​ത്തി​കൾ 24:15.

അത്യത്ഭു​ത​ക​ര​മായ സ്വാത​ന്ത്ര്യം സമീപം

11. മഹോ​പ​ദ്ര​വത്തെ അതിജീ​വി​ക്കു​ന്നവർ ഏത്‌ അത്ഭുത​ക​ര​മായ സ്വാത​ന്ത്ര്യം ആസ്വദി​ക്കും?

¹¹ അർമ​ഗെ​ദോ​നിൽ പാരമ്യ​ത്തി​ലെ​ത്തുന്ന മഹോ​പ​ദ്രവം ഭൂമി​യി​ലെ ദുഷ്ടത നീക്കി അതിനെ ശുദ്ധീ​ക​രി​ച്ചു കഴിയു​മ്പോൾ, പിശാ​ചായ സാത്താൻ മേലാൽ “ഈ ലോക​ത്തി​ന്റെ ദൈവം” ആയിരി​ക്കു​ക​യില്ല. യഹോ​വ​യു​ടെ ആരാധകർ മേലാൽ അവന്റെ ദുഷ്ടസ്വാ​ധീ​ന​ത്തോ​ടു പൊരു​തേണ്ടി വരില്ല. (2 കൊരി​ന്ത്യർ 4:4; വെളി​പ്പാ​ടു 20:1, 2) വ്യാജ​മതം മേലാൽ യഹോ​വയെ തെറ്റായി ചിത്രീ​ക​രി​ക്കു​ക​യും മനുഷ്യ സമുദാ​യ​ത്തി​ന്മേൽ ഛിദ്രാ​ത്മക സ്വാധീ​നം ചെലു​ത്തു​ക​യും ചെയ്യില്ല. സത്യ​ദൈ​വ​ത്തി​ന്റെ ദാസന്മാർക്കു മേലാൽ മാനുഷ അധികാ​രി​ക​ളിൽനിന്ന്‌ അനീതി​യും ചൂഷണ​വും അനുഭ​വി​ക്കേണ്ടി വരില്ല. എത്ര മഹത്തായ സ്വാത​ന്ത്ര്യ​മാ​യി​രി​ക്കും അത്‌!

12. പാപത്തിൽനി​ന്നും അതിന്റെ ഫലങ്ങളിൽനി​ന്നും സകലരും എങ്ങനെ സ്വത​ന്ത്ര​രാ​ക്ക​പ്പെ​ടും?

¹² “ലോക​ത്തി​ന്റെ പാപം ചുമക്കുന്ന ദൈവ​ത്തി​ന്റെ കുഞ്ഞാടു” എന്ന നിലയിൽ യേശു മനുഷ്യ​വർഗ​ത്തി​ന്റെ പാപങ്ങൾ തുടച്ചു​നീ​ക്കാൻ തന്റെ ബലിയു​ടെ മൂല്യം പ്രയോ​ഗി​ക്കും. (യോഹ​ന്നാൻ 1:29) ഭൂമി​യി​ലാ​യി​രി​ക്കെ യേശു ഒരു വ്യക്തി​യു​ടെ പാപങ്ങൾ മോചി​ച്ച​പ്പോൾ, അതിന്റെ തെളി​വാ​യി അവൻ അയാളെ സൗഖ്യ​മാ​ക്കി. (മത്തായി 9:1-7; 15:30, 31) സമാന​മാ​യി, ദൈവ​രാ​ജ്യ​ത്തി​ന്റെ സ്വർഗീയ രാജാ​വെന്ന നിലയിൽ യേശു​ക്രി​സ്‌തു അന്ധരെ​യും ഊമ​രെ​യും ബധിര​രെ​യും അംഗഹീ​ന​രെ​യും മാനസിക  ക്ലേശം അനുഭ​വി​ക്കു​ന്ന​വ​രെ​യും മറ്റ്‌ ഏതു വ്യാധി​ക​ളാ​ലും ക്ലേശി​ക്കു​ന്ന​വ​രെ​യും അത്ഭുത​ക​ര​മാ​യി സൗഖ്യ​മാ​ക്കും. (വെളി​പ്പാ​ടു 21:3-5) അനുസ​ര​ണ​മുള്ള സകലരിൽനി​ന്നും ‘പാപത്തി​ന്റെ പ്രമാണം’ നീക്കം ചെയ്യ​പ്പെ​ടും, തന്നിമി​ത്തം അവരുടെ ചിന്തക​ളും പ്രവർത്ത​ന​ങ്ങ​ളും അവർക്കും ദൈവ​ത്തി​നും പ്രസാ​ദ​ക​ര​മാ​യി​രി​ക്കും. (റോമർ 7:21-23) സഹസ്രാ​ബ്ദ​ത്തി​ന്റെ അവസാ​ന​മാ​കു​മ്പോ​ഴേക്ക്‌ അവർ ഏക സത്യ​ദൈ​വ​ത്തി​ന്റെ ‘സ്വരൂ​പ​ത്തി​ലും സാദൃ​ശ്യ​ത്തി​ലും’ മാനുഷ പൂർണ​ത​യി​ലേക്കു വരുത്ത​പ്പെ​ട്ടി​രി​ക്കും.—ഉല്‌പത്തി 1:26.

13. സഹസ്രാബ്ദ ഭരണത്തി​ന്റെ ഒടുവിൽ ക്രിസ്‌തു ഏതു നടപടി സ്വീക​രി​ക്കും, എന്തായി​രി​ക്കും ഫലം?

¹³ ക്രിസ്‌തു മനുഷ്യ​വർഗത്തെ പൂർണ​ത​യി​ലേക്കു വരുത്തി​ക്ക​ഴി​യു​മ്പോൾ, ഈ വേലയ്‌ക്കു​വേണ്ടി അവനു നൽകി​യി​രി​ക്കുന്ന അധികാ​രം അവൻ പിതാ​വി​നെ തിരികെ ഏൽപ്പി​ക്കും: “അന്നു അവൻ എല്ലാവാ​ഴ്‌ചെ​ക്കും അധികാ​ര​ത്തി​ന്നും ശക്തിക്കും നീക്കം വരുത്തീ​ട്ടു രാജ്യം പിതാ​വായ ദൈവത്തെ ഏല്‌പി​ക്കും. അവൻ സകലശ​ത്രു​ക്ക​ളെ​യും കാല്‌ക്കീ​ഴാ​ക്കു​വോ​ളം വാഴേ​ണ്ട​താ​കു​ന്നു.” (1 കൊരി​ന്ത്യർ 15:24, 25) രാജ്യ​ത്തി​ന്റെ സഹസ്രാബ്ദ ഭരണം അതിന്റെ ഉദ്ദേശ്യം പൂർണ​മാ​യി സാധി​ച്ചി​രി​ക്കും; അതു​കൊണ്ട്‌ യഹോ​വ​യ്‌ക്കും മനുഷ്യർക്കു​മി​ട​യിൽ ഈ ഉപ ഗവൺമെന്റ്‌ നിലനിൽക്കേണ്ട ആവശ്യം മേലാൽ ഉണ്ടായി​രി​ക്കു​ക​യില്ല. പാപവും മരണവും പൂർണ​മാ​യി നീക്ക​പ്പെ​ടു​ക​യും മനുഷ്യ​വർഗം വീണ്ടെ​ടു​ക്ക​പ്പെ​ടു​ക​യും ചെയ്‌തി​രി​ക്കു​ന്ന​തു​കൊണ്ട്‌, ഒരു വീണ്ടെ​ടു​പ്പു​കാ​ര​നാ​യുള്ള യേശു​വി​ന്റെ ആവശ്യം അവസാ​നി​ക്കു​ന്നു. ബൈബിൾ ഇങ്ങനെ വിശദീ​ക​രി​ക്കു​ന്നു: “ദൈവം സകലത്തി​ലും സകലവും ആകേണ്ട​തി​ന്നു പുത്രൻ താനും സകലവും തനിക്കു കീഴാ​ക്കി​ക്കൊ​ടു​ത്ത​വന്നു കീഴ്‌പെ​ട്ടി​രി​ക്കും.”—1 കൊരി​ന്ത്യർ 15:28.

14. പൂർണ​രാ​ക്ക​പ്പെട്ട സകല മനുഷ്യ​രും എന്തിനു വിധേ​യ​രാ​ക്ക​പ്പെ​ടും, എന്തു​കൊണ്ട്‌?

¹⁴ ഇതിനെ തുടർന്ന്‌, ഏക സത്യ​ദൈ​വത്തെ എന്നേക്കും സേവി​ക്കാ​നാ​ണു തങ്ങൾ ആഗ്രഹി​ക്കു​ന്ന​തെന്നു തെളി​യി​ക്കാ​നുള്ള അവസരം പൂർണ​രാ​ക്ക​പ്പെട്ട മനുഷ്യ​വർഗ​ത്തി​നു കൊടു​ക്ക​പ്പെ​ടും. അതു​കൊണ്ട്‌, യഹോവ അവരെ തന്റെ മക്കളായി പൂർണ​മാ​യി സ്വീക​രി​ക്കു​ന്ന​തി​നു മുമ്പ്‌, പൂർണ​രാ​ക്ക​പ്പെട്ട ആ മനുഷ്യ​രെ​യെ​ല്ലാം അവൻ ഒരു അന്തിമ പരി​ശോ​ധ​ന​യ്‌ക്കു വിധേ​യ​രാ​ക്കും. സാത്താ​നെ​യും അവന്റെ ഭൂതങ്ങ​ളെ​യും അഗാധ​ത്തിൽനിന്ന്‌  അഴിച്ചു​വി​ടും. യഹോ​വയെ സത്യമാ​യി സേവി​ക്കു​ന്ന​വർക്ക്‌ ഇതു നിലനിൽക്കുന്ന യാതൊ​രു ദോഷ​വും വരുത്തു​ക​യില്ല. എന്നാൽ അവിശ്വ​സ്‌ത​രാ​യി യഹോ​വ​യോട്‌ അനുസ​ര​ണ​ക്കേടു കാട്ടാൻ തങ്ങളെ​ത്തന്നെ അനുവ​ദി​ക്കുന്ന ഏവരും ആദ്യ മത്സരി​യോ​ടും അവന്റെ ഭൂതങ്ങ​ളോ​ടു​മൊ​പ്പം എന്നേക്കു​മാ​യി നശിപ്പി​ക്ക​പ്പെ​ടും.—വെളി​പ്പാ​ടു 20:7-10.

15. യഹോ​വ​യു​ടെ ബുദ്ധി​ശ​ക്തി​യുള്ള സകല ജീവി​ക​ളു​ടെ​യും ഇടയിൽ ഏത്‌ അവസ്ഥ വീണ്ടും നിലനിൽക്കും?

¹⁵ അന്ന്‌ അന്തിമ പരി​ശോ​ധ​ന​യിൽ യഹോ​വ​യു​ടെ പരമാ​ധി​കാ​രത്തെ ഉയർത്തി​പ്പി​ടി​ക്കുന്ന പൂർണ​രാ​ക്ക​പ്പെട്ട സകല മനുഷ്യ​രെ​യും യഹോവ തന്റെ മക്കളായി സ്വീക​രി​ക്കും. ആ സമയം മുതൽ അവർ ദൈവ​ത്തി​ന്റെ സാർവ​ത്രിക കുടും​ബ​ത്തി​ന്റെ ഭാഗമെന്ന നിലയിൽ ദൈവ​മ​ക്ക​ളു​ടെ മഹത്തായ സ്വാത​ന്ത്ര്യം പൂർണ​മാ​യി ആസ്വദി​ക്കും. സ്വർഗ​ത്തി​ലെ​യും ഭൂമി​യി​ലെ​യും ബുദ്ധി​ശ​ക്തി​യുള്ള സകല ജീവി​ക​ളും അവനെ ഏക സത്യ​ദൈ​വ​മാ​യി ആരാധി​ക്കു​ന്ന​തിൽ ഒരിക്കൽക്കൂ​ടി ഏകീകൃ​ത​രാ​യി​രി​ക്കും. യഹോ​വ​യു​ടെ ഉദ്ദേശ്യം മഹത്തായ വിജയം കൈവ​രി​ച്ചി​രി​ക്കും! സന്തുഷ്ട​മായ, ശാശ്വ​ത​മായ, ആ സാർവ​ത്രിക കുടും​ബ​ത്തി​ന്റെ ഭാഗമാ​യി​രി​ക്കാൻ നിങ്ങൾ ആഗ്രഹി​ക്കു​ന്നു​വോ? എങ്കിൽ, 1 യോഹ​ന്നാൻ 2:17-ൽ ബൈബിൾ പറയു​ന്നത്‌ അനുസ​രി​ക്കാൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ന്നു: “ലോക​വും അതിന്റെ മോഹ​വും ഒഴിഞ്ഞു​പോ​കു​ന്നു; ദൈ​വേഷ്ടം ചെയ്യു​ന്ന​വ​നോ എന്നേക്കും ഇരിക്കു​ന്നു.”

പുനരവലോകന ചർച്ച

• ഏദെനി​ലെ മത്സരത്തി​നു മുമ്പ്‌, യഹോ​വ​യു​ടെ സകല ആരാധ​കർക്കും അവനോട്‌ എന്തു ബന്ധം ഉണ്ടായി​രു​ന്നു?

• ദൈവ​ദാ​സ​ന്മാർ ആയിരി​ക്കു​ന്ന​വർക്ക്‌ എന്ത്‌ ഉത്തരവാ​ദി​ത്വ​മുണ്ട്‌?

• ഇനി ആർ ദൈവ​മക്കൾ ആയിത്തീ​രും, ഇത്‌ ഏകീകൃത ആരാധന സംബന്ധിച്ച യഹോ​വ​യു​ടെ ഉദ്ദേശ്യ​ത്തോ​ടു ബന്ധപ്പെ​ട്ടി​രി​ക്കു​ന്നത്‌ എങ്ങനെ?

[അധ്യയന ചോദ്യ​ങ്ങൾ]

 [190-ാം പേജിലെ ചിത്രം]

അനുസരണമുള്ള മനുഷ്യർ ഒരു ആഗോള പറുദീ​സ​യിൽ ജീവിതം ആസ്വദി​ക്കും