അധ്യായം 4

അതിജീ​വ​കരെ കാത്തി​രി​ക്കു​ന്ന​തരം ജീവിതം

1. ആസന്നമായ “യഹോ​വ​യു​ടെ ദിവസം” ഭൂമിയെ ഒരു ശൂന്യ​ശി​ഷ്‌ട​മാ​യി അവശേ​ഷി​പ്പി​ക്കു​ക​യി​ല്ലാ​ത്ത​തെ​ന്തു​കൊണ്ട്‌? (യെശയ്യാവ്‌ 45:18)

 ആസന്നമാ​യി​രി​ക്കുന്ന “യഹോ​വ​യു​ടെ ദിവസം” ഭയജന​ക​മാ​യി​രി​ക്കു​മെ​ങ്കി​ലും അതു ഭൂമിയെ നിവാ​സ​യോ​ഗ്യ​മ​ല്ലാ​ത്ത​താ​യി അവശേ​ഷി​പ്പി​ക്കു​ക​യില്ല. അതിന്റെ ഫലങ്ങൾ ഒരു ആണവ സമഗ്ര​നാ​ശ​ത്തി​ന്റേ​തു​പോ​ലെ​യാ​യി​രി​ക്കു​ക​യില്ല. അത്തര​മൊ​രു നാശമു​ണ്ടാ​യാൽ അത്‌ പരിസ്ഥി​തി​യെ കുഴപ്പ​ത്തി​ലാ​ക്കു​മെ​ന്നും അതിജീ​വകർ അണു​പ്ര​സ​ര​ത്തിൽനി​ന്നു​ളള ദുരന്ത ഫലങ്ങൾ അനുഭ​വി​ക്കേ​ണ്ടി​വ​രു​മെ​ന്നു​മു​ളള ഭയമുണ്ട്‌. നിവാ​സ​യോ​ഗ്യ​മ​ല്ലാ​ത്ത​വണ്ണം ഭൂമിയെ നശിപ്പി​ക്കു​ന്ന​തി​നു പകരം സ്രഷ്ടാവ്‌ “ഭൂമിയെ നശിപ്പി​ച്ചു​കൊ​ണ്ടി​രി​ക്കു​ന്ന​വരെ നശിപ്പി​ക്കാൻ” പോവു​ക​യാണ്‌.—യോവേൽ 2:30, 31; വെളി​പ്പാട്‌ 11:18.

2. വിശ്വ​സ്‌ത​രാ​യ​വരെ യഹോവ മഹോ​പ​ദ്ര​വ​ത്തി​ലൂ​ടെ സംരക്ഷി​ക്കു​മെന്ന്‌ നമുക്ക്‌ ആത്മവി​ശ്വാ​സ​മു​ണ്ടാ​യി​രി​ക്കാൻ കഴിയു​ന്ന​തെ​ന്തു​കൊണ്ട്‌?

² തങ്ങൾക്കു ചുററും അപ്പോൾ വിനാശക ശക്തികൾ അഴിച്ചു​വി​ട​പ്പെ​ടു​മെ​ങ്കി​ലും ദൈവ​ത്തിന്‌ തങ്ങളെ രക്ഷിക്കാൻ കഴിയും എന്ന കാര്യ​ത്തിൽ യഹോ​വ​യു​ടെ വിശ്വസ്‌ത ദാസൻമാ​രു​ടെ മനസ്സു​ക​ളിൽ സംശയം അശേഷം പോലു​മില്ല. ധാർമ്മി​ക​മാ​യി അധഃപ​തിച്ച സോ​ദോ​മും ഗൊ​മോ​റ​യും ‘സ്വർഗ്ഗ​ത്തിൽനി​ന്നു​ളള അഗ്നിയാ​ലും ഗന്ധകത്താ​ലും’ നശിപ്പി​ക്ക​പ്പെ​ട്ട​പ്പോൾ യഹോ​വ​യു​ടെ ദൂതൻമാർ ലോത്തി​നെ​യും അവന്റെ രണ്ടു പുത്രി​മാ​രെ​യും രക്ഷിച്ചു എന്ന്‌ അവർക്ക​റി​യാം. (ഉൽപ്പത്തി 19:15-17, 24-26) മോശ​യു​ടെ നാളു​ക​ളിൽ ഈജി​പ്‌റ​റി​ലെ എല്ലാ ആദ്യജാ​തൻമാ​രും നശിപ്പി​ക്ക​പ്പെ​ട്ട​പ്പോൾ യഹോ​വ​യു​ടെ വധാധി​കൃത ദൂതൻ പെസഹാ​ക്കു​ഞ്ഞാ​ടി​ന്റെ രക്തത്താൽ അടയാ​ള​മി​ട​പ്പെട്ട യിസ്രാ​യേല്യ ഭവനങ്ങളെ കടന്നു​പോ​യി എന്നും അവർക്ക​റി​യാം. (പുറപ്പാട്‌ 12:21-29) അപ്രകാ​രം​തന്നെ മഹോ​പ​ദ്ര​വ​ത്തി​ന്റെ നശീക​ര​ണ​ശക്തി പൊട്ടി​പ്പു​റ​പ്പെ​ടു​മ്പോൾ യഹോ​വയെ തങ്ങളുടെ സങ്കേത​മാ​ക്കി​യ​വരെ അവൻ രക്ഷിക്കും.—സങ്കീർത്തനം 91:1, 2, 14-16; യെശയ്യാവ്‌ 26:20.

3. വളരെ​യ​ധി​കം ശവശരീ​രങ്ങൾ അതിജീ​വ​ക​രു​ടെ ആരോ​ഗ്യ​ത്തെ ദോഷ​ക​ര​മാ​യി ബാധി​ക്കു​ക​യി​ല്ലാ​ത്ത​തെ​ന്തു​കൊണ്ട്‌?

 ³ ഈ വലിയ നാശത്തി​ന്റെ ഫലമായി യഹോ​വ​യാൽ വധിക്ക​പ്പെ​ട്ടവർ ഭൂമി​യിൽ നിരന്നു കിടക്കും എന്നതു സത്യം തന്നെ. എന്നാൽ അതിജീ​വ​ക​രു​ടെ ആരോ​ഗ്യം സംരക്ഷി​ക്കു​ന്ന​തിന്‌ ചെയ്യേ​ണ്ട​തെ​ന്താ​ണെന്ന്‌ ദൈവ​ത്തേ​ക്കാൾ മെച്ചമാ​യി ആർക്കും അറിയാൻ പാടില്ല. അവൻ ആകാശ​ത്തി​ലെ പക്ഷിക​ളെ​യും വയലിലെ മൃഗങ്ങ​ളെ​യും അവന്റെ “വലിയ അത്താഴ​വി​രു​ന്നിന്‌” ക്ഷണിക്കു​മെ​ന്നും അവ വധിക്ക​പ്പെ​ട്ട​വ​രു​ടെ മാംസ​ള​ഭാ​ഗങ്ങൾ തിന്ന്‌ തൃപ്‌ത​രാ​കു​മെ​ന്നും അവൻ പറയുന്നു. (വെളി​പ്പാട്‌ 19:17, 18; യെഹെ​സ്‌ക്കേൽ 39:17-20) അവ തിന്നു​ക​ള​യാ​ത്തത്‌ മററു വിധങ്ങ​ളിൽ ഇവിടെ നിന്ന്‌ നീക്കി​ക്ക​ള​യാൻ അവന്‌ കഴിയും. ഭൂമിയെ സംബന്ധിച്ച്‌ ഏദനിൽവച്ച്‌ പ്രഖ്യാ​പി​ക്ക​പ്പെട്ട ദൈ​വോ​ദ്ദേ​ശ്യം അപ്പോൾ അതിന്റെ നിവൃ​ത്തി​യി​ലേക്കു നീങ്ങും.

ദൈവ​ത്തി​ന്റെ ആദി​മോ​ദ്ദേ​ശ്യം വെളി​പ്പെ​ടു​ത്തുന്ന കാര്യങ്ങൾ

4. ആദ്യ മാനുഷ ദമ്പതി​കൾക്ക്‌ യഹോവ ഏതുതരം തുടക്ക​മാണ്‌ ഇട്ടു​കൊ​ടു​ത്തത്‌, അത്‌ നമുക്ക്‌ വിശേ​ഷാൽ താൽപ്പ​ര്യ​ജന​ക​മാ​യി​രി​ക്കു​ന്ന​തെ​ന്തു​കൊണ്ട്‌?

⁴ ഏദനിൽ യഹോവ മാനു​ഷ​കു​ടും​ബ​ത്തിന്‌ തുടക്ക​മിട്ട വിധത്തിൽ മഹോ​പ​ദ്ര​വ​ത്തിൽനി​ന്നു​ളള അതിജീ​വ​കർക്ക്‌ എന്തു ഭാവി​യാ​ണു​ള​ളത്‌ എന്നതു സംബന്ധിച്ച്‌ ഒരു സൂചന കണ്ടെത്താൻ കഴിയും. മനുഷ്യ​വർഗ്ഗ​ത്തിന്‌ വസിക്കാ​നാ​യി ഭൂമിയെ ഒരുക്കി​യ​പ്പോൾ സ്രഷ്ടാവ്‌ ധാരാളം പച്ച സസ്യങ്ങ​ളും കൂടാതെ മൽസ്യ​ങ്ങ​ളും പക്ഷിക​ളും രമ്യമായ എല്ലാത​ര​ത്തി​ലു​മു​ളള കരമൃ​ഗ​ങ്ങ​ളും ഉണ്ടാകാൻ ഇടയാക്കി. “യഹോ​വ​യായ ദൈവം കിഴക്ക്‌ ഏദനിൽ ഒരു തോട്ടം നട്ടുണ്ടാ​ക്കി താൻ സൃഷ്‌ടിച്ച മനുഷ്യ​നെ അവി​ടെ​യാ​ക്കി.” (ഉൽപ്പത്തി 2:8) എന്നാൽ ദൈവം മുഴു​ഭൂ​മി​യെ​യും ഒരു പറുദീ​സ​യാ​ക്കു​ക​യും മനുഷ്യ​നു​വേണ്ടി അതു കാത്തു​സൂ​ക്ഷി​ക്കു​ക​യും ചെയ്‌തില്ല. മറിച്ച്‌ യഹോവ ആദ്യ മാനു​ഷ​ജോ​ടിക്ക്‌ അൽഭു​ത​ക​ര​മായ ഒരു തുടക്ക​മി​ട്ടു​കൊ​ടു​ക്കു​ക​യും അവരെ അനു​ഗ്ര​ഹി​ക്കു​ക​യും അവർക്ക്‌ ഒരു വേല നിയോ​ഗി​ച്ചു​കൊ​ടു​ക്കു​ക​യും ചെയ്‌തു. അവരുടെ പ്രാപ്‌തി​കൾ പൂർണ്ണ​യ​ള​വിൽ ഉപയോ​ഗി​ക്കു​ന്ന​തി​നും അവരുടെ നേട്ടങ്ങ​ളിൽ സംതൃ​പ്‌തി കണ്ടെത്തു​ന്ന​തി​നും സാധി​ക്ക​ത്ത​ക്ക​വ​ണ്ണ​മു​ളള പദ്ധതികൾ അവൻ അവരുടെ മുമ്പിൽ വച്ചു​കൊ​ടു​ത്തു. ഇത്‌ അവരുടെ ജീവി​തത്തെ അർത്ഥവ​ത്താ​ക്കു​മാ​യി​രു​ന്നു. എത്ര ആകർഷ​ക​മായ ഒരു നിയോ​ഗ​മാ​യി​രു​ന്നു അവരു​ടേത്‌—ദൈവിക ഗുണങ്ങൾ പ്രതി​ഫ​ലി​പ്പി​ക്കാൻത​ക്ക​വണ്ണം മക്കളെ വളർത്തി​ക്കൊ​ണ്ടു​വ​രിക, ഭൂമി​യു​ടെ അററങ്ങ​ളോ​ളം  ആ പറുദീസ വികസി​പ്പി​ക്കുക, ജീവജാ​ല​ങ്ങ​ളെ​ക്കൊണ്ട്‌ നിറഞ്ഞ ആ പറുദീസ കാത്തു​സൂ​ക്ഷി​ക്കുക! ആദാമും ഹവ്വായും യഹോ​വ​യു​ടെ പരമാ​ധി​കാ​രത്തെ ആദരി​ക്കു​ന്ന​തിൽ തുടർന്നി​രു​ന്നെ​ങ്കിൽ അവർ ഒരിക്ക​ലും മരി​ക്കേ​ണ്ടി​വ​രി​ക​യി​ല്ലാ​യി​രു​ന്നു. അവർ ഭൂമി​യിൽ എക്കാല​വും പൂർണ്ണ​ത​യു​ളള ജീവിതം ആസ്വദി​ക്കു​മാ​യി​രു​ന്നു.—ഉൽപ്പത്തി 1:26-28; 2:16, 17.

5. അതു​കൊണ്ട്‌ മഹോ​പ​ദ്ര​വത്തെ അതിജീ​വി​ക്കു​ന്ന​വ​രു​ടെ മുമ്പാകെ എന്തു ഭാവി പ്രതീ​ക്ഷ​യുണ്ട്‌?

⁵ മഹോ​പ​ദ്രവം കഴിയു​ന്ന​യു​ടനെ തീർച്ച​യാ​യും ഭൂമി​യി​ലെ അവസ്ഥകൾ ഏദനി​ലേ​തു​പോ​ലെ​യാ​യി​രി​ക്കു​ക​യില്ല. എന്നാൽ ഭൂമി​യെ​യും മനുഷ്യ​വർഗ്ഗ​ത്തെ​യും സംബന്ധിച്ച ദൈവ​ത്തി​ന്റെ ആദിമ ഉദ്ദേശ്യ​ത്തിന്‌ മാററ​മു​ണ്ടാ​യി​രി​ക്കു​ക​യില്ല. പറുദീസ ഈ ഭൂഗോ​ളം മുഴു​വ​നി​ലേ​ക്കും വ്യാപി​ക്കും, മനുഷ്യ​വർഗ്ഗം അതിന്റെ കാവൽക്കാ​രാ​യി​രി​ക്കും, അവരെ​ല്ലാ​വ​രും സത്യ​ദൈ​വ​ത്തി​ന്റെ ആരാധ​ന​യിൽ ഏകീകൃ​ത​രാ​യി​രി​ക്കു​ക​യും ചെയ്യും. ദൈവ​പു​ത്രൻമാ​രു​ടെ മഹത്തായ സ്വാത​ന്ത്ര്യം ആസ്വദി​ച്ചു​കൊണ്ട്‌ എന്നേക്കും ജീവി​ക്കാ​നു​ളള അവസരം അവരുടെ മുമ്പി​ലു​ണ്ടാ​യി​രി​ക്കും.—ലൂക്കോസ്‌ 23:42, 43; വെളി​പ്പാട്‌ 21:3, 4; റോമർ 8:20, 21.

6. (എ) യുദ്ധാ​യു​ധ​ങ്ങൾക്ക്‌ എന്തു സംഭവി​ക്കും? (ബി) മേലാൽ ആരും വിശപ്പനുഭവിക്കേണ്ടിവരികയില്ലാത്തതെന്തുകൊണ്ട്‌?

⁶ തുടക്ക​ത്തിൽ തീർച്ച​യാ​യും പഴയ വ്യവസ്ഥി​തി​യു​ടെ അവശി​ഷ്ടങ്ങൾ നീക്കം ചെയ്യേ​ണ്ട​താ​യി​ട്ടു​ണ്ടാ​കും. അവശേ​ഷി​ക്കുന്ന യുദ്ധോ​പ​ക​ര​ണങ്ങൾ സമാധാ​നാ​വ​ശ്യ​ങ്ങൾക്ക്‌ ഉതകാൻത​ക്ക​വണ്ണം രൂപ​ഭേദം വരു​ത്തേ​ണ്ടി​വ​രും. (യെഹെ​സ്‌ക്കേൽ 39:8-10; മീഖാ 4:3 താരത​മ്യം ചെയ്യുക.) അതിജീ​വ​കരെ പോറ​റാൻവേണ്ടി വയലിൽ ശേഷി​ച്ചി​രി​ക്കുന്ന വിളവ്‌ കൊയ്‌തെ​ടു​ക്കേ​ണ്ടി​വ​രും. പിന്നീട്‌ വിത്ത്‌ വിതക്കു​ക​യും പുതിയ വിളവ്‌ കൊയ്‌തെ​ടു​ക്കു​ക​യും ചെയ്യു​മ്പോൾ “ഭൂമി തന്നെ അതിന്റെ വിളവു തരും; ദൈവം, നമ്മുടെ ദൈവം നമ്മെ അനു​ഗ്ര​ഹി​ക്കും” എന്ന വാഗ്‌ദത്തം നിവൃ​ത്തി​യാ​കും. (സങ്കീർത്തനം 67:6; ആവർത്തനം 28:8 താരത​മ്യം ചെയ്യുക.) പഴയ വ്യവസ്ഥി​തി​യി​ലെ സ്വാർത്ഥ​വും വിഭാ​ഗീ​യ​വു​മായ ഘടകങ്ങൾ പൊയ്‌പോ​യി​രി​ക്കു​മ്പോൾ മേലാൽ ആരും വിശ​പ്പോ​ടെ കിടന്നു​റ​ങ്ങാൻ പോ​കേ​ണ്ടി​വ​രി​ക​യില്ല.—സങ്കീർത്തനം 72:16.

7. ഭൂമി​ക്കു​വേ​ണ്ടി​യു​ളള പുതിയ രാജാ​വി​ന്റെ തെര​ഞ്ഞെ​ടുപ്പ്‌ യഹോ​വ​യു​ടെ ഭാഗത്തെ ജ്ഞാനവും സ്‌നേ​ഹ​വും പ്രതി​ഫ​ലി​പ്പി​ക്കു​ന്ന​തെ​ങ്ങനെ?

⁷ യഹോ​വ​യു​ടെ മാർഗ്ഗ​നിർദ്ദേ​ശ​വും അനു​ഗ്ര​ഹ​വും ഉണ്ടായി​രി​ക്കു​ന്ന​തി​ന്റെ പ്രാധാ​ന്യം വിലമ​തി​ക്കുന്ന ആളുകൾ ചേർന്നു​ളള ഒരു ലോക​മാ​യി​രി​ക്കും ഇത്‌. ദൈവ​ത്തി​ന്റെ തന്നെ ജ്ഞാനവും സ്‌നേ​ഹ​വും പ്രതി​ഫ​ലി​പ്പി​ക്കുന്ന ഒരു വിധത്തിൽ  ഇവ നൽക​പ്പെ​ടും. ഭൂമി​യു​ടെ പുതിയ രാജാ​വാ​യി യഹോവ നിയോ​ഗി​ച്ചി​രി​ക്കു​ന്നതു അവന്റെ തന്നെ പുത്ര​നായ യേശു​ക്രി​സ്‌തു​വി​നെ​യാണ്‌. അവൻ മുഖാ​ന്ത​ര​മാണ്‌ ദൈവം ഭൂമി​യെ​യും അതിലു​ളള എല്ലാത്തരം ജീവജാ​ല​ങ്ങ​ളെ​യും സൃഷ്ടി​ച്ചത്‌ എന്ന്‌ ബൈബിൾ വെളി​പ്പെ​ടു​ത്തു​ന്നു. (കൊ​ലോ​സ്യർ 1:15-17) ഭൂമി​യിൽ ജീവൻ എന്നേക്കും നിലനിൽക്കു​ന്ന​തി​നാ​വ​ശ്യ​മാ​യത്‌ എന്തെന്ന്‌ ദൈവ​ത്തി​ന്റെ പുത്രന്‌ നന്നായി അറിയാം, മാത്ര​വു​മല്ല മനുഷ്യ​വർഗ്ഗ​ത്തോട്‌ ബന്ധപ്പെട്ട കാര്യ​ങ്ങ​ളിൽ അവന്‌ പ്രത്യേക താൽപ​ര്യ​വു​മുണ്ട്‌.—സദൃശ​വാ​ക്യ​ങ്ങൾ 8:30, 31.

8. യഹോ​വ​യു​ടെ പരമാ​ധി​കാ​ര​ത്തോട്‌ ഏതു തരം പ്രതി​ക​രണം നട്ടുവ​ളർത്താൻ യേശു തന്റെ ഭൗമ​പ്ര​ജ​കളെ സഹായി​ക്കും?

⁸ അതി​നെ​ല്ലാം പുറമേ പുത്രൻ യഹോ​വ​യു​ടെ പരമാ​ധി​കാ​രത്തെ വിശ്വ​സ്‌ത​ത​യോ​ടെ ഉയർത്തി​പ്പി​ടി​ക്കു​ന്നു. യേശു​വി​നെ​ക്കു​റിച്ച്‌ ഇപ്രകാ​രം മുൻകൂ​ട്ടി പറയ​പ്പെ​ട്ടി​രു​ന്നു: “അവന്റെ​മേൽ യഹോ​വ​യു​ടെ ആത്മാവ്‌ വസി​ക്കേ​ണ്ട​താണ്‌, ജ്ഞാനത്തി​ന്റെ​യും വിവേ​ക​ത്തി​ന്റെ​യും ആത്മാവ്‌, ആലോ​ച​ന​യു​ടെ​യും ബലത്തി​ന്റെ​യും ആത്മാവ്‌, അറിവി​ന്റെ​യും യഹോ​വാ​ഭ​യ​ത്തി​ന്റെ​യും ആത്മാവ്‌ തന്നെ; അവൻ യഹോ​വാ​ഭ​യ​ത്തിൽ പ്രമോ​ദി​ക്കും.” (യെശയ്യാവ്‌ 11:2, 3) യഹോ​വ​യു​ടെ വഴിക​ളോട്‌ തങ്ങളുടെ ജീവി​തത്തെ പൊരു​ത്ത​പ്പെ​ടു​ത്തി​ക്കൊണ്ട്‌ അതു​പോ​ലു​ളള ആസ്വാ​ദനം കണ്ടെത്താൻ അവൻ തന്റെ ഭൗമ​പ്ര​ജ​കളെ സഹായി​ക്കും. അവന്റെ ഭരണത്തിൻകീ​ഴിൽ, മഹോ​പ​ദ്ര​വ​ത്തിൽനി​ന്നു​ളള അതിജീ​വകർ, ദൈവം നമ്മുടെ ആദിമാ​താ​പി​താ​ക്കൾക്ക്‌ അവരുടെ ഭവനമാ​യി ഏദൻ നൽകി​യ​പ്പോൾ അവൻ അവർക്കു​വേണ്ടി ഉദ്ദേശി​ച്ച​തരം ജീവനി​ലേക്ക്‌ പുനഃ​സ്ഥി​തീ​ക​രി​ക്ക​പ്പെ​ടും.

യേശു​വി​ന്റെ ശുശ്രൂഷ വെളി​പ്പെ​ടു​ത്തു​ന്നത്‌

9. (എ) അവകാ​ശ​പ്പെ​ടു​ത്ത​പ്പെട്ട പാപത്തി​ന്റെ ഗുരു​ത​ര​മായ ഫലങ്ങളിൽ ചിലത്‌ ഏവ? (ബി) യേശു​വി​ന്റെ അത്ഭുതങ്ങൾ എന്തു പ്രത്യാശ വച്ചുനീ​ട്ടു​ന്നു?

⁹ എന്നിരു​ന്നാ​ലും അത്തരം ജീവിതം ആസ്വദി​ക്കു​ന്ന​തിന്‌ നാം പാപത്തി​ന്റെ കൊടിയ ഫലങ്ങളിൽനിന്ന്‌ മോചി​ത​രാ​കണം. യഹോ​വ​യു​ടെ പരമാ​ധി​കാ​ര​ത്തോട്‌ അധാർമ്മി​ക​മായ അവഗണന പ്രകട​മാ​ക്കി​യ​പ്പോൾ പൂർണ്ണത നഷ്ടപ്പെട്ട ആദാമിൽനിന്ന്‌ നാമെ​ല്ലാ​വ​രും പാപം അവകാ​ശ​മാ​ക്കി​യി​രി​ക്കു​ന്നു. പാപത്തി​ന്റെ ഫലങ്ങൾ വിവിധ വിധങ്ങ​ളിൽ പ്രത്യ​ക്ഷ​മാണ്‌. അതു രോഗ​ത്തി​നും അതു​പോ​ലെ ശാരീ​രിക വൈക​ല്യ​ങ്ങൾക്കും അതു​പോ​ലെ തെററായ ആന്തരത്തിൽനിന്ന്‌ നാം ചിന്തി​ക്കു​ന്ന​തി​നും സംസാ​രി​ക്കു​ന്ന​തി​നും കാര്യങ്ങൾ ചെയ്യു​ന്ന​തി​നു​മു​ളള ഒരു പ്രവണ​ത​ക്കും ഇടയാ​ക്കി​യി​രി​ക്കു​ന്നു. അന്തിമ​മാ​യി അതു മരണം കൈവ​രു​ത്തു​ന്നു. (റോമർ 5:12; 6:23)  ദൈവ​രാ​ജ്യ​ത്തി​ന്റെ പ്രജകൾക്ക്‌ ആശ്വാസം കൈവ​രു​ത്താൻ താൻ എന്തു​ചെ​യ്യു​മെന്ന്‌ പ്രകട​മാ​ക്കിയ അനേകം അത്ഭുതങ്ങൾ യേശു തന്റെ ഭൗമിക ശുശ്രൂ​ഷ​ക്കാ​ലത്ത്‌ ചെയ്‌തു.

10. ശാസ്‌ത്ര​ജ്ഞൻമാർക്ക്‌ പകർത്താൻ കഴിയാത്ത അത്ഭുതങ്ങൾ യേശു​വിന്‌ ചെയ്യാൻ കഴിഞ്ഞത്‌ ന്യായ​ര​ഹി​ത​മ​ല്ലാ​ത്ത​തെ​ന്തു​കൊണ്ട്‌?

¹⁰ എന്നാൽ യേശു​വി​ന്റെ അത്ഭുത​ങ്ങളെ സംബന്ധി​ച്ചു​ളള പുളക​പ്ര​ദ​മായ ബൈബിൾ വിവര​ണങ്ങൾ വായി​ക്കു​മ്പോൾ ചിലയാ​ളു​കൾ സംശയം പ്രകട​മാ​ക്കു​ന്നു. എന്തു​കൊണ്ട്‌? എന്തു​കൊ​ണ്ടെ​ന്നാൽ സംശയാ​ലു​ത്വം ജനരഞ്‌ജ​ക​മാ​യി​രി​ക്കുന്ന ഒരു ലോക​ത്തി​ലാണ്‌ നാം ജീവി​ക്കു​ന്നത്‌. അത്ഭുത​ങ്ങളെ വിശ്വ​സി​ക്കാൻ കഴിയ​ണ​മെ​ങ്കിൽ ശാസ്‌ത്ര​ജ്ഞൻമാർക്ക്‌ ഇന്ന്‌ അവയെ ആവർത്തി​ക്കാ​നോ അല്ലെങ്കിൽ വിശദീ​ക​രി​ക്കാ​നോ കഴി​യേ​ണ്ട​താണ്‌ എന്ന്‌ ഈ സംശയാ​ലു​ക്കൾ വിചാ​രി​ച്ചേ​ക്കാം. എന്നാൽ എന്തു​കൊ​ണ്ടാണ്‌ ഇന്നും ശാസ്‌ത്ര​ജ്ഞൻമാർ ഗവേഷ​ണ​ങ്ങൾക്കു​വേണ്ടി വളരെ​യ​ധി​കം സമയവും പണവും ചെലവ​ഴി​ക്കു​ന്നത്‌? എന്തു​കൊ​ണ്ടെ​ന്നാൽ അവർക്ക്‌ ഇപ്പോ​ഴും മനസ്സി​ലാ​ക്കാൻ കഴിയാത്ത വളരെ​യ​ധി​കം കാര്യ​ങ്ങ​ളുണ്ട്‌. യേശു​വി​ന്റെ ശുശ്രൂ​ഷ​യോ​ടു​ളള നമ്മുടെ മനോ​ഭാ​വ​ത്തി​ലെ യഥാർത്ഥ പ്രശ്‌നം മാനു​ഷ​കാ​ര്യാ​ദി​ക​ളി​ലെ ദിവ്യ​ഇ​ട​പെടൽ അംഗീ​ക​രി​ക്കാൻ മനസ്സു​ണ്ടാ​യി​രി​ക്കുക എന്നതാണ്‌.

11. പ്രവൃ​ത്തി​കൾ 2:22-ൽ യേശു​വി​ന്റെ അത്ഭുത​ങ്ങളെ വർണ്ണി​ക്കാൻ എന്തു പദപ്ര​യോ​ഗ​ങ്ങ​ളാണ്‌ ഉപയോ​ഗി​ച്ചി​രി​ക്കു​ന്നത്‌, അവ എന്തു സൂചി​പ്പി​ക്കു​ന്നു?

¹¹ പൊ. യു. 33-ൽ യെരൂ​ശ​ലേ​മി​ലെ ഒരു ജനക്കൂ​ട്ട​ത്തോട്‌ യേശു​വി​നെ​പ്പ​ററി, “ദൈവം അവനെ​ക്കൊണ്ട്‌ നിങ്ങളു​ടെ നടുവിൽ ചെയ്യിച്ച വീര്യ​പ്ര​വൃ​ത്തി​ക​ളും അത്ഭുത​ങ്ങ​ളും അടയാ​ള​ങ്ങ​ളും​കൊണ്ട്‌ നിങ്ങൾക്ക്‌ അവൻ കാണി​ച്ചു​തന്ന പുരുഷൻ” എന്ന്‌ അപ്പോ​സ്‌ത​ല​നായ പത്രോസ്‌ പറഞ്ഞു. (പ്രവൃ​ത്തി​കൾ 2:22) പത്രോസ്‌ സൂചി​പ്പി​ച്ച​തു​പോ​ലെ ഈ അത്ഭുതങ്ങൾ “വീര്യ​പ്ര​വൃ​ത്തി​ക​ളാ​യി​രു​ന്നു.” അല്ലാതെ മനുഷ്യർക്ക്‌ അനുക​രി​ക്കാ​നോ വിശദീ​ക​രി​ക്കാ​നോ കഴിയുന്ന കാര്യ​ങ്ങ​ളാ​യി​രു​ന്നില്ല. അവ യേശു​വി​ലൂ​ടെ ദൈവ​ത്തി​ന്റെ ശക്തി പ്രവർത്തി​ക്കു​ന്നു എന്നതിന്റെ തെളി​വു​ക​ളാ​യി​രു​ന്നു. അവൻ ദൈവ​ത്തി​ന്റെ സ്വന്തം പുത്ര​നായ മശിഹാ​യാണ്‌ എന്നതിന്റെ “അടയാള”ങ്ങളായി​രു​ന്നു അവ. ഹൃദ​യോ​ദ്ദീ​പ​ക​മായ ഭാവി സംഭവ​ങ്ങ​ളി​ലേക്ക്‌ വിരൽ ചൂണ്ടിയ “അത്ഭുത​ങ്ങ​ളും”കൂടി​യാ​യി​രു​ന്നു അവ.

12. (എ) കുഷ്‌ഠ​രോ​ഗി​കളെ സൗഖ്യ​മാ​ക്കി​യ​തി​നെ സംബന്ധിച്ച വിവരണം പ്രോൽസാ​ഹ​ജ​ന​ക​മാ​യി നിങ്ങൾ കണ്ടെത്തു​ന്ന​തെ​ന്തു​കൊണ്ട്‌? (ബി) ഒരു തളർവാ​ത​രോ​ഗി​യെ യേശു സൗഖ്യ​മാ​ക്കി​യ​തിൽ വിശേ​ഷാൽ ശ്രദ്ധേ​യ​മാ​യി​രു​ന്ന​തെന്ത്‌?

¹² ബൈബി​ളി​ലെ സുവി​ശേ​ഷ​വി​വ​ര​ണങ്ങൾ വായി​ക്കുക,  വായി​ക്കു​മ്പോൾ യേശു ചെയ്‌ത അത്ഭുതങ്ങൾ മശി​ഹൈ​ക​രാ​ജ്യ​ത്തിൻ കീഴിൽ ഭൂമി​യിൽ ജീവി​ക്കുന്ന മനുഷ്യ​വർഗ്ഗ​ത്തി​നു​വേണ്ടി അവൻ ചെയ്യാ​നി​രി​ക്കു​ന്ന​തി​ന്റെ പൂർവ്വ​വീ​ക്ഷ​ണ​മാ​ണെന്ന്‌ മനസ്സിൽ പിടി​ക്കുക. പൊ. യു. 33-ൽ യെരൂ​ശ​ലേ​മി​ലേ​ക്കു​ളള യാത്രാ​മ​ദ്ധ്യേ യേശു പത്തു കുഷ്‌ഠ​രോ​ഗി​കളെ സൗഖ്യ​മാ​ക്കി​യ​തു​പോ​ലെ കുഷ്‌ഠ​രോ​ഗം പോലെ വൈക​ല്യ​മു​ള​വാ​ക്കുന്ന രോഗ​ങ്ങ​ളിൽനിന്ന്‌ ആളുകൾ ശുദ്ധരാ​ക്ക​പ്പെ​ടുന്ന ഒരു സമയമാ​യി​രി​ക്കും അത്‌. തനിക്ക്‌ അത്തരം ആളുകളെ സഹായി​ക്കാൻ കഴിയു​മെ​ന്നും അങ്ങനെ ചെയ്യാൻ താൻ ആഗ്രഹി​ക്കു​ന്നു​വെ​ന്നും അവൻ പ്രകട​മാ​ക്കി. (ലൂക്കോസ്‌ 17:11-19; മർക്കോസ്‌ 1:40-42) അനേകർ തളർവാ​ത​ത്തി​ന്റെ ഇരകളാ​യി​ത്തീർന്നി​ട്ടുണ്ട്‌. അവർക്കും സൗഖ്യം ലഭിക്കും—പാപങ്ങൾ മോചി​ച്ചു​കൊ​ടു​ക്കു​ന്ന​തു​മാ​യി ബന്ധപ്പെ​ടു​ത്തി യേശു കിടക്ക​യിൽതന്നെ കഴിഞ്ഞി​രുന്ന ഒരു തളർവാ​ത​രോ​ഗി​യെ സൗഖ്യ​മാ​ക്കി​യ​തു​പോ​ലെ തന്നെ.—മർക്കോസ്‌ 2:1-12.

13. താഴെ​പ്പ​റ​യു​ന്ന​തരം ആളുകൾക്ക്‌ പ്രത്യാശ നൽകു​ന്ന​താ​യി യേശു​വി​ന്റെ അത്ഭുത​ങ്ങ​ളിൽ ഒന്നു പറയുക: (എ) അന്ധർ, (ബി) ചെകിടർ, സംസാര വൈക​ല്യ​മു​ള​ളവർ, (സി) അനേക ഡോക്ടർമാ​രാൽ ചികിൽസി​ക്ക​പ്പെ​ട്ടെ​ങ്കി​ലും ആശ്വാസം ലഭിക്കാ​ത്തവർ. (ഡി) യേശു​വിന്‌ എല്ലാത്തരം രോഗ​ങ്ങ​ളും അവശത​ക​ളും സൗഖ്യ​മാ​ക്കാൻ കഴിയു​മെന്ന്‌ നിങ്ങൾക്കെ​ങ്ങനെ അറിയാം?

¹³ ഒന്നാം നൂററാ​ണ്ടിൽ ഗലീല​യി​ലും ഡെക്കാ​പ്പൊ​ലീ​സി​ലു​മു​ളള ആളുകൾക്കു​വേണ്ടി യേശു ചെയ്‌ത​തു​പോ​ലെ കുരു​ടൻമാ​രു​ടെ കണ്ണുകൾ തുറക്ക​പ്പെ​ടും, ചെകി​ടൻമാ​രു​ടെ ചെവി അടഞ്ഞി​രി​ക്കു​ക​യില്ല, സംസാ​ര​വൈ​ക​ല്യ​മു​ള​ള​വ​രു​ടെ നാവുകൾ അയഞ്ഞു​കി​ട്ടും. (മത്തായി 9:27-30; മർക്കോസ്‌ 7:31-37) ഇന്ന്‌ അനേക​മാ​ളു​ക​ളു​ടെ രോഗം സൗഖ്യ​മാ​ക്കാൻ ഡോക്ടർമാർക്ക്‌ കഴിയു​ന്നില്ല. “പല വൈദ്യൻമാ​രാ​ലും ഏറെ കഷ്ടമനു​ഭ​വി​ക്കേ​ണ്ടി​വ​രി​ക​യും തനിക്കു​ള​ള​തെ​ല്ലാം ചെലവ​ഴി​ച്ചി​ട്ടും ഒരു പ്രയോ​ജ​ന​വും ലഭിക്കാ​തി​രി​ക്കു​ക​യും” ചെയ്‌ത​വ​ളാ​യി കഫർന്ന​ഹൂ​മിൽ നിന്നുളള ഒരു സ്‌ത്രീ​യു​ടെ അവസ്ഥ അതായി​രു​ന്നു. എന്നാൽ യേശു അവളെ സുഖ​പ്പെ​ടു​ത്തി, അവളെ​പ്പോ​ലെ​യു​ളള അനേകർക്കു​വേണ്ടി യേശു അതുതന്നെ ചെയ്യും. (മർക്കോസ്‌ 5:25-29) “എല്ലാവിധ ദീനവും എല്ലാവിധ വ്യാധി​യും” ഗലീല​യി​ലെ തന്റെ ശുശ്രൂ​ഷ​ക്കാ​ലത്ത്‌ ഭേദമാ​ക്കി​യ​പ്പോൾ അവൻ പ്രകട​മാ​ക്കി​യ​തു​പോ​ലെ, കാൻസർ, ഹൃ​ദ്രോ​ഗം, മലമ്പനി, ഒച്ചുപനി ഇവയൊ​ന്നും ഭേദമാ​ക്കു​ക​യെ​ന്നത്‌ അവന്‌ പ്രയാ​സ​മാ​യി​രി​ക്കു​ക​യില്ല.—മത്തായി 9:35.

14. യേശു മരിച്ച​വരെ ഉയിർപ്പി​ച്ച​തി​നെ സംബന്ധി​ച്ചു​ളള വിവരണം അതിജീ​വ​കർക്ക്‌ പുനരു​ത്ഥാ​നം എന്തർത്ഥ​മാ​ക്കു​ന്നു​വെന്ന്‌ സൂചി​പ്പി​ക്കു​ന്ന​തെ​ങ്ങനെ?

¹⁴ മരിച്ച​വർക്ക്‌—മഹോ​പ​ദ്ര​വ​ത്തിൽ ദൈവ​ത്താൽ നശിപ്പി​ക്ക​പ്പെ​ട്ട​വർക്കല്ല—മറിച്ച്‌ നൂററാ​ണ്ടു​ക​ളി​ലെ​ല്ലാ​മാ​യി മരിച്ചു​പോ​യി​ട്ടു​ളള  കോടി​ക്ക​ണ​ക്കി​നാ​ളു​കൾക്ക്‌ അവരുടെ എത്തുപാ​ടിൽ അതിനു മുമ്പൊ​രി​ക്ക​ലും ഉണ്ടായി​രു​ന്നി​ട്ടി​ല്ലാത്ത ഭാവി പ്രതീ​ക്ഷ​യോ​ടെ വീണ്ടും ജീവി​ക്കു​ന്ന​തി​നു​ളള അവസരം ലഭിക്കുന്ന സമയവും അതായി​രി​ക്കും. അതിജീ​വ​കരെ സംബന്ധി​ച്ചി​ട​ത്തോ​ളം അത്‌ എന്തർത്ഥ​മാ​ക്കും? നയീൻ എന്ന ഗ്രാമ​ത്തി​ന്റെ സമീപ​ത്തു​വച്ച്‌ വിധവ​യായ ഒരമ്മയു​ടെ ഏകപു​ത്രനെ ജീവനി​ലേക്ക്‌ തിരികെ വരുത്തി​ക്കൊണ്ട്‌ യേശു അവളുടെ കണ്ണുനീർ തുടച്ചു. കഫർന്ന​ഹൂ​മിൽ മരിച്ചു​പോയ ഒരു കൊച്ചു പെൺകു​ട്ടി​യെ വിളി​ച്ചെ​ഴു​ന്നേൽപ്പി​ച്ചു​കൊണ്ട്‌ യേശു അവളുടെ മാതാ​പി​താ​ക്കൾക്ക്‌ അളവററ സന്തോഷം കൈവ​രു​ത്തി. (ലൂക്കോസ്‌ 7:11-16; മർക്കോസ്‌ 5:35-42) നിങ്ങളു​ടെ പ്രിയ​പ്പെ​ട്ടവർ മരണത്തിൽനിന്ന്‌ തിരികെ വരു​മ്പോൾ അവിടെ ഉണ്ടായി​രി​ക്കാൻ നിങ്ങൾ ആഗ്രഹി​ക്കു​ന്നു​വോ? “പുതിയ ഭൂമി”യിലേക്ക്‌ അതിജീ​വി​ക്കു​ന്ന​വ​രു​ടെ പുളക​പ്ര​ദ​മായ അനുഭവം അതായി​രി​ക്കും.

15. (എ) യേശു​വി​ന്റെ പഠിപ്പി​ക്ക​ലു​കൾ അന്ന്‌ ഭൂമി​യിൽ ജീവി​ക്കു​ന്നത്‌ ഏതു തരം ആളുക​ളാ​യി​രി​ക്കു​മെന്ന്‌ സൂചി​പ്പി​ക്കു​ന്ന​തെ​ങ്ങനെ? (ബി) അത്തരം ജീവി​ത​ത്തി​ന്റെ ഒരു പൂർവാ​സ്വാ​ദനം നമുക്കി​പ്പോൾ ഉണ്ടായി​രി​ക്കാൻ കഴിയു​ന്ന​തെ​ങ്ങനെ?

¹⁵ അന്ന്‌ ജീവിതം ഇന്ന്‌ ആളുകളെ ഭാര​പ്പെ​ടു​ത്തുന്ന ഹൃദയ​വേ​ദ​ന​യു​ടെ​യും സങ്കടത്തി​ന്റെ​യും ഒരു ആവർത്ത​ന​മാ​യി​രി​ക്കു​ക​യില്ല. യേശു ചെയ്‌ത അത്ഭുത​ങ്ങ​ളാൽ മാത്രമല്ല മറിച്ച്‌ അവന്റെ പഠിപ്പി​ക്ക​ലി​നാ​ലും ഇതു പ്രകട​മാ​ക്ക​പ്പെ​ട്ടി​രി​ക്കു​ന്നു, കാരണം യഥാർത്ഥ​ത്തിൽ അവന്റെ ശിഷ്യ​രാ​യി​രി​ക്കു​ന്നവർ മാത്രമേ “പുതിയ ഭൂമി”യിലേക്ക്‌ അതിജീ​വി​ക്കു​ക​യു​ളളു. (യോഹ​ന്നാൻ 3:36) ഭൗതിക അനുധാ​വ​ന​ങ്ങൾക്കു മുമ്പേ ആത്മീയ മൂല്യങ്ങൾ വയ്‌ക്കു​ന്ന​തി​നും യഹോ​വ​യിൽ ആശ്രയി​ക്കു​ന്ന​തി​നും മാർഗ്ഗ​നിർദ്ദേ​ശ​ത്തി​നു​വേണ്ടി അവനി​ലേക്കു നോക്കു​ന്ന​തി​നും അവന്റെ അനു​ഗ്ര​ഹ​ങ്ങ​ളോട്‌ വിലമ​തി​പ്പു​ള​ള​വ​രാ​യി​രി​ക്കു​ന്നതി​നും യേശു തന്റെ അനുയാ​യി​കളെ പഠിപ്പി​ച്ചു. സ്‌നേഹം, എളിമ, മററു​ള​ള​വ​രോട്‌ ആഴമായ കരുത​ലു​ണ്ടാ​യി​രി​ക്കു​ക​യും അവർക്കു​വേണ്ടി തങ്ങളെ​ത്തന്നെ വിട്ടു​കൊ​ടു​ക്കു​ക​യും ചെയ്യുക എന്നീ കാര്യ​ങ്ങ​ളു​ടെ പ്രാധാ​ന്യ​ത്തിന്‌ യേശു വാക്കി​നാ​ലും പ്രവൃ​ത്തി​യാ​ലും ഊന്നൽ നൽകി. ക്രിസ്‌തു​വി​ന്റെ ശിഷ്യൻമാ​രാ​യി​ത്തീ​രു​ക​യും ഈ തത്വങ്ങൾ ജീവി​ത​ത്തിൽ ബാധക​മാ​ക്കു​ക​യും ചെയ്യു​ന്നവർ ഇപ്പോൾതന്നെ തങ്ങളുടെ ദേഹി​കൾക്ക്‌ നവോൻമേഷം കണ്ടെത്തു​ക​യും ക്രമത്തിൽ മററു​ള​ള​വർക്ക്‌ അതു പകർന്നു കൊടു​ക്കു​ക​യും ചെയ്യുന്നു. (മത്തായി 11:28, 29; യോഹ​ന്നാൻ 13:34, 35) ഇത്‌ ഇന്നത്തെ സ്‌നേ​ഹ​ര​ഹി​ത​മായ ലോകം പൊയ്‌പ്പോയ ശേഷം ജീവ​നോ​ടെ ശേഷി​ച്ചി​രി​ക്കു​ന്നവർ ആസ്വദി​ക്കുന്ന തരം ജീവി​ത​ത്തി​ന്റെ ഒരു പൂർവ്വ​വീ​ക്ഷണം മാത്ര​മാണ്‌. നിങ്ങൾ ഇപ്പോൾ ജ്ഞാനപൂർവ്വം പ്രവർത്തി​ക്കു​ന്നെ​ങ്കിൽ ആ ജീവിതം നിങ്ങളു​ടേ​താ​യി​രി​ക്കും.

[അധ്യയന ചോദ്യ​ങ്ങൾ]

 [33-ാം പേജിലെ ചതുരം/ചിത്രം]

മനുഷ്യവർഗ്ഗത്തിനുവേണ്ടിയുളള ദൈവ​ത്തി​ന്റെ ആദി​മോ​ദ്ദേ​ശ്യം

ദൈവിക ഗുണങ്ങൾ പ്രതി​ഫ​ലി​പ്പി​ക്കുന്ന മനുഷ്യ​രെ​ക്കൊണ്ട്‌ ഭൂമിയെ നിറയ്‌ക്കു​ക

ഭൂവിസ്‌തൃതമായി പറുദീസ വ്യാപി​പ്പി​ക്കു​ക​യും അതും അതിലെ ജന്തുജീ​വ​നും പരിപാ​ലി​ക്കു​ക​യും ചെയ്യുക

ഭൂമിയിൽ ജീവിതം എന്നേക്കും ആസ്വദി​ക്കു​ക