അധ്യായം 5

മനുഷ്യ​വർഗ്ഗ​ത്തി​ന്റെ ഭാവി​യു​ടെ ആശ്രയ​യോ​ഗ്യ​മായ മുൻദൃ​ഷ്ടാ​ന്ത​ങ്ങൾ

1. ബൈബിൾ പ്രവച​നങ്ങൾ എല്ലായ്‌പ്പോ​ഴും കൃത്യ​മെന്ന്‌ തെളി​യു​ന്ന​തെ​ന്തു​കൊ​ണ്ടാണ്‌?

 ഭാവിയെ സംബന്ധിച്ച്‌ ബൈബിൾ പറയുന്ന കാര്യ​ങ്ങ​ളിൽ ആത്‌മ​വി​ശ്വാ​സ​മു​ണ്ടാ​യി​രി​ക്കുന്ന​തിന്‌ നമുക്ക്‌ ശക്തമായ കാരണങ്ങൾ ഉണ്ട്‌. അവയിലെ പ്രവച​നങ്ങൾ സാദ്ധ്യ​തകൾ കണക്കി​ലെ​ടുത്ത്‌ കാര്യങ്ങൾ മുൻകൂ​ട്ടി​പ്പ​റ​ഞ്ഞി​ട്ടു​ളള മനുഷ്യ​രു​ടെ ഊഹാ​പോ​ഹത്തെ അടിസ്ഥാ​ന​മാ​ക്കി​യു​ള​ള​വയല്ല. “തിരു​വെ​ഴു​ത്തു​ക​ളി​ലെ പ്രവച​ന​ങ്ങ​ളൊ​ന്നും സ്വകാര്യ വ്യാഖ്യാ​ന​ത്തിൽനി​ന്നു​ള​വാ​കു​ന്ന​വയല്ല. എന്തു​കൊ​ണ്ടെ​ന്നാൽ പ്രവചനം ഒരിക്ക​ലും മമനു​ഷ്യ​ന്റെ ഇഷ്‌ട​ത്താൽ വന്നതല്ല, മറിച്ച്‌ പരിശു​ദ്ധാ​ത്‌മാ​വി​നാൽ നയിക്ക​പ്പെട്ട മനുഷ്യർ ദൈവ​ത്തിൽനിന്ന്‌ സംസാ​രി​ച്ച​ത​ത്രേ.” (2 പത്രോസ്‌ 1:20, 21) അതു​കൊണ്ട്‌ ബൈബിൾ പ്രവച​നങ്ങൾ എല്ലാ വിശദാം​ശ​ങ്ങ​ളി​ലും കൃത്യ​ത​യു​ള​ള​താ​ണെന്ന്‌ തെളി​ഞ്ഞി​രി​ക്കു​ന്നു.

2. ലോക സംഭവ​ങ്ങളെ സംബന്ധിച്ച പ്രവച​ന​ങ്ങൾക്ക്‌ ഉദാഹ​ര​ണങ്ങൾ നൽകുക.

² ബാബി​ലോൻ, മേദോ​പാർസ്യ, ഗ്രീസ്സ്‌ എന്നിവ​പോ​ലു​ളള ലോക​സാ​മ്രാ​ജ്യ​ങ്ങ​ളു​ടെ ഉയർച്ച​യും തകർച്ച​യും അതു മുൻകൂ​ട്ടി​പ്പ​റഞ്ഞു. ബാബി​ലോൻ എങ്ങനെ വീഴു​മെ​ന്നും അതിന്റെ ജേതാ​വി​ന്റെ പേരും ഏകദേശം രണ്ടു നൂററാ​ണ്ടു മുൻപേ അതു പ്രഖ്യാ​പി​ച്ചു. ഇത്‌ അതിന്റെ എല്ലാ വിശദാം​ശ​ങ്ങ​ളി​ലും നിറ​വേറി. ബാബി​ലോൻന​ഗരം കാല​ക്ര​മ​ത്തിൽ മേലാൽ ഒരിക്ക​ലും അതിൽ നിവാ​സി​കൾ ഇല്ലാതി​രി​ക്ക​ത്ത​ക്ക​വണ്ണം ഒരു ശൂന്യ​ശി​ഷ്ട​മാ​യി​ത്തീ​രു​മെന്ന്‌ അതു മുൻകൂ​ട്ടി​പ്പ​റഞ്ഞു. നമ്മുടെ നാളു​ക​ളോ​ളം ആ അവസ്ഥ തുടർന്നു​പോ​രു​ന്നു. (ദാനി​യേൽ 7:3-8, 20-22; യെശയ്യാവ്‌ 44:27-45:2; 13:1, 17-20) ബൈബി​ളിൽ പേരെ​ടു​ത്തു പറയാത്ത മററ്‌ രാഷ്‌ട്രങ്ങൾ വിശദാം​ശങ്ങൾ സഹിതം മുൻകൂ​ട്ടി വർണ്ണി​ക്ക​പ്പെ​ട്ടി​രി​ക്കു​ന്ന​തി​നാൽ കാര്യ​ജ്ഞാ​ന​മു​ള​ള​വർക്ക്‌ അവയെ എളുപ്പ​ത്തിൽ തിരി​ച്ച​റി​യാൻ കഴിയു​ന്നു.

3. മുന്നറി​യി​പ്പെന്ന നിലയിൽ പ്രഖ്യാ​പി​ക്ക​പ്പെ​ടാത്ത പ്രവച​ന​ങ്ങ​ളു​ണ്ടോ?

³ എന്നാൽ ഒന്നില​ധി​കം വിധങ്ങ​ളി​ലു​ളള പ്രാവ​ച​നിക  വിവരങ്ങൾ ബൈബി​ളി​ലുണ്ട്‌ എന്ന്‌ നാം മനസ്സി​ലാ​ക്കേ​ണ്ടി​യി​രി​ക്കു​ന്നു. ദൈവ​രാ​ജ്യ​ത്തിൻകീ​ഴിൽ മനുഷ്യ​വർഗ്ഗം എന്ത്‌ അനുഭ​വി​ക്കും എന്നതിനു സൂചന​യാ​യി ഉതകുന്ന യേശു​ക്രി​സ്‌തു​വി​ന്റെ അത്ഭുത​ങ്ങ​ളോ​ടു​ളള ബന്ധത്തിൽ നാം അതു നിരീ​ക്ഷി​ച്ച​താണ്‌. മുന്നറി​യി​പ്പെന്ന്‌ തോന്നി​പ്പി​ക്കാത്ത തരം ഭാഷ ഉപയോ​ഗി​ക്കുന്ന തിരു​വെ​ഴു​ത്തു​ക​ളി​ലെ മററു ചില ഭാഗങ്ങ​ളും പ്രാവ​ച​നിക ഘടകങ്ങൾ ഉൾക്കൊ​ള​ളു​ന്നു.

ആകർഷ​ക​മായ പ്രാവ​ച​നിക മാതൃ​ക​കൾ

4. മോ​ശൈക നിയമ​ത്തി​ന്റെ പ്രാവ​ച​നിക പ്രാധാ​ന്യം സംബന്ധിച്ച്‌ നമുക്ക്‌ എവി​ടെ​നി​ന്നാണ്‌ അറിവ്‌ ലഭിക്കു​ന്നത്‌?

⁴ ഉദാഹ​ര​ണ​ത്തിന്‌ ഒരു സാധാരണ വായന​ക്കാ​രൻ വെറും ചരി​ത്ര​മാ​യി മാത്രം വീക്ഷി​ച്ചേ​ക്കാ​വുന്ന കാര്യ​ങ്ങ​ളു​ടെ പ്രാവ​ച​നിക പ്രാധാ​ന്യ​ത്തി​ലേക്ക്‌ ബൈബിൾ പുസ്‌ത​ക​മായ എബ്രായർ നമ്മുടെ കണ്ണുകൾ തുറക്കു​ന്നു. “[മോ​ശൈക] നിയമ​ങ്ങ​ളിൽ വരാനി​രുന്ന നൻമക​ളു​ടെ ഒരു നിഴൽ ഉണ്ട്‌” എന്ന്‌ അത്‌ വെളി​പ്പെ​ടു​ത്തു​ന്നു.—എബ്രായർ 10:1.

5. വസ്‌തു​ക്കൾക്ക്‌ അവയി​ലും വലിയ കാര്യ​ങ്ങ​ളു​ടെ മാതൃ​ക​യാ​യി​രി​ക്കാൻ കഴിയു​മെ​ന്ന​തിന്‌ എന്തു ദൃഷ്ടാ​ന്ത​മുണ്ട്‌?

⁵ ചില​പ്പോൾ പ്രാവ​ച​നിക മാതൃ​കകൾ നൽകാൻവേണ്ടി വസ്‌തു​ക്കൾ ഉപയോ​ഗി​ക്ക​പ്പെട്ടു. ഉദാഹ​ര​ണ​ത്തിന്‌ യഹോ​വ​യു​ടെ നിർദ്ദേ​ശ​പ്ര​കാ​രം മോശ പണിക​ഴി​പ്പിച്ച വിശു​ദ്ധ​കൂ​ടാ​രം അല്ലെങ്കിൽ സമാഗമന കൂടാരം അതിൽ നിർവ​ഹി​ക്ക​പ്പെട്ട സേവനങ്ങൾ സഹിതം “സ്വർഗ്ഗീ​യ​മായ കാര്യ​ങ്ങ​ളു​ടെ ദൃഷ്ടാ​ന്ത​വും നിഴലു​മാ​യി​രു​ന്നു”വെന്ന്‌ എബ്രാ​യ​ലേ​ഖ​ന​ത്തി​ന്റെ നിശ്വസ്‌ത എഴുത്തു​കാ​രൻ വിശദീ​ക​രി​ക്കു​ന്നു. അത്‌ യഹോ​വ​യു​ടെ വലിയ ആത്മീയാ​ല​യത്തെ ചിത്രീ​ക​രി​ച്ചു. അതിന്റെ അതിവി​ശു​ദ്ധം സ്വർഗ്ഗ​ത്തി​ലാണ്‌. അപ്രകാ​രം “ക്രിസ്‌തു​വോ ഇപ്പോൾ സംഭവി​ച്ചി​രി​ക്കുന്ന നല്ല കാര്യ​ങ്ങ​ളു​ടെ മഹാപു​രോ​ഹി​ത​നാ​യി വന്നപ്പോൾ കൈപ്പ​ണി​യ​ല്ലാ​ത്ത​തായ, അതായത്‌ ഈ സൃഷ്ടി​യിൽ ഉൾപ്പെ​ടാ​ത്ത​തായ വലിപ്പ​വും തികവു​മേ​റിയ കൂടാ​ര​ത്തിൽക്കൂ​ടി ആട്ടു​കൊ​റ​റൻമാ​രു​ടെ​യും കാളക്കി​ടാ​ങ്ങ​ളു​ടെ​യും രക്തത്താലല്ല മറിച്ച്‌ സ്വന്ത രക്തത്താൽ തന്നെ ഒരിക്ക​ലാ​യിട്ട്‌ ഒരു വിശുദ്ധ സ്ഥലത്തു പ്രവേ​ശിച്ച്‌ നമുക്കു​വേണ്ടി എന്നേക്കു​മു​ളള ഒരു വീണ്ടെ​ടുപ്പ്‌ സമ്പാദി​ച്ചു. . . . ക്രിസ്‌തു വാസ്‌ത​വ​മാ​യ​തി​ന്റെ പ്രതി​ബിം​ബ​മാ​യി കൈപ്പ​ണി​യായ വിശുദ്ധ മന്ദിര​ത്തി​ലേക്കല്ല, ഇപ്പോൾ നമുക്കു​വേണ്ടി ദൈവ​സ​ന്നി​ധി​യിൽ പ്രത്യ​ക്ഷ​നാ​കു​വാൻ സ്വർഗ്ഗ​ത്തി​ലേ​ക്ക​ത്രേ പ്രവേ​ശി​ച്ചത്‌.” (എബ്രായർ 8:1-5; 9:1-14, 24-28) ഇവിടെ വിവരി​ക്ക​പ്പെ​ട്ടി​രി​ക്കുന്ന ആത്മീയ വസ്‌തു​ത​ക​ളിൽനിന്ന്‌ ക്രിസ്‌ത്യാ​നി​കൾക്ക്‌ വലിയ പ്രയോ​ജനം ലഭിക്കു​ന്നു,  ഇവയോ​ടു​ളള വിലമ​തിപ്പ്‌ നമ്മുടെ ജീവി​ത​ഗ​തി​യിൽ പ്രതി​ഫ​ലി​പ്പി​ക്ക​പ്പെ​ടണം.—എബ്രായർ 9:14; 10:19-29; 13:11-16.

6. താഴെ​പ്പ​റ​യുന്ന തിരു​വെ​ഴു​ത്തു​ക​ളിൽ വ്യക്തി​കൾക്ക്‌ എന്തു പ്രാവ​ച​നിക പ്രാധാ​ന്യം നൽക​പ്പെ​ട്ടി​രി​ക്കു​ന്നു? (എ) ഗലാത്യർ 4:21-31? (ബി) മത്തായി 17:10-13?

⁶ തിരു​വെ​ഴു​ത്തു​ക​ളിൽ പരാമർശി​ക്ക​പ്പെ​ട്ടി​രി​ക്കുന്ന വ്യക്തി​ക​ളും പ്രാവ​ച​നിക മാതൃ​ക​ക​ളാ​യി ഉതകി. ഗലാത്യർ 4:21-31-ൽ അബ്രഹാ​മി​ന്റെ ഭാര്യ​യായ സാറാ​യു​ടെ​യും (“മീതെ​യു​ളള യെരൂ​ശ​ലേമി”നോട്‌ ഒത്തുവ​രു​ന്ന​താ​യി പറയ​പ്പെ​ട്ടി​രി​ക്കു​ന്നു) ദാസി​യായ ഹാഗാ​റി​ന്റെ​യും (ഭൗമി​ക​മാ​യി​രി​ക്കുന്ന “ഇന്നത്തെ യെരൂ​ശ​ലേമി”ന്റെ സ്ഥാനത്ത്‌) അവരുടെ മക്കളു​ടെ​യും വിശദ​മായ ദൃഷ്ടാ​ന്തങ്ങൾ വിവരി​ക്ക​പ്പെ​ട്ടി​രി​ക്കു​ന്നു. മറെറാ​രു സന്ദർഭ​ത്തിൽ ഏലിയാ പ്രവാ​ച​കന്‌, അവനെ​പ്പോ​ലെ കപടഭ​ക്തി​പ​ര​മായ മതാചാ​ര​ങ്ങളെ തുറന്നു​കാ​ട്ടു​ന്ന​തിൽ നിർഭ​യ​നാ​യി​രുന്ന സ്‌നാപക യോഹ​ന്നാ​നിൽ ഒരു മറുഘ​ട​ക​മു​ണ്ടെന്ന്‌ തിരി​ച്ച​റി​യാൻ യേശു തന്റെ ശിഷ്യൻമാ​രെ സഹായി​ച്ചു.—മത്തായി 17:10-13.

7. താഴെ​പ്പ​റ​യുന്ന വ്യക്തികൾ ഏതു വിധങ്ങ​ളി​ലാണ്‌ യേശു​ക്രി​സ്‌തു​വി​നെ മുൻനി​ഴ​ലാ​ക്കി​യത്‌? (എ) ശലോ​മോൻ. (ബി) മൽക്കീ​സേ​ദെക്ക്‌.

⁷ ജ്ഞാനത്തി​നും ഐശ്വ​ര്യ​ത്തി​നും തന്റെ ഭരണകാ​ലത്തെ സമാധാ​ന​ത്തി​നും കീർത്തി​കേ​ട്ട​വ​നായ ശലോ​മോൻ ഉചിത​മാ​യി യേശു​ക്രി​സ്‌തു​വി​നെ മുൻനി​ഴ​ലാ​ക്കി. (1 രാജാ​ക്കൻമാർ 3:28; 4:25; ലൂക്കോസ്‌ 11:31; കൊ​ലോ​സ്യർ 2:3) അബ്രഹാം മൽക്കീ​സേ​ദെ​ക്കു​മാ​യി കണ്ടുമു​ട്ടി​യതു സംബന്ധിച്ച ഉൽപ്പത്തി പുസ്‌ത​ക​ത്തി​ലെ വിവരണം വളരെ ഹ്രസ്വ​മാ​ണെ​ങ്കി​ലും അതും വളരെ അർത്ഥസ​മ്പു​ഷ്ട​മാ​ണെന്ന്‌ സങ്കീർത്തനം 110:1-4 വാക്യങ്ങൾ സൂചി​പ്പി​ക്കു​ന്നു. എന്തു​കൊ​ണ്ടെ​ന്നാൽ “മൽക്കീ​സേ​ദെ​ക്കി​ന്റെ ക്രമ​പ്ര​കാ​രം മശിഹാ അനിശ്‌ചി​ത​കാ​ല​ത്തോ​ളം ഒരു പുരോ​ഹി​ത​നാ​യി​രി​ക്കു​മാ​യി​രു​ന്നു,” അതായത്‌ അവൻ ഏതു കുടും​ബ​ത്തിൽ ജനിച്ചോ അതു നിമി​ത്ത​മാ​യി​രി​ക്കാ​തെ ദൈവ​ത്തി​ന്റെ നേരി​ട്ടു​ളള നിയമനം വഴി അവന്‌ പൗരോ​ഹി​ത്യം ലഭിക്കു​മാ​യി​രു​ന്നു. പിന്നീട്‌ എബ്രാ​യർക്കു​ളള ലേഖനം ദൈവത്തെ പ്രസാ​ദി​പ്പി​ക്കാൻ ശ്രമി​ക്കു​ന്ന​വ​രു​ടെ ഒരു പ്രമുഖ ഗുണമായ ക്രിസ്‌തീയ പക്വതയെ അത്തരം സത്യങ്ങ​ളോ​ടു​ളള വിലമ​തി​പ്പു​മാ​യി ബന്ധപ്പെ​ടു​ത്തു​ക​യും ഈ വിഷയം കൂടുതൽ വിശദ​മാ​ക്കു​ക​യും ചെയ്യുന്നു.—എബ്രായർ 5:10-14; 7:1-17.

8. (എ) ജീവി​താ​നു​ഭ​വങ്ങൾ പ്രാവ​ച​നി​ക​മാ​യി​രി​ക്കാ​മെന്ന്‌ ഏതു ദൃഷ്ടാന്തം തെളി​യി​ക്കു​ന്നു? (ബി) അത്തരം ഒരനു​ഭ​വ​ത്തി​ന്റെ എല്ലാ വിശദാം​ശ​ങ്ങൾക്കും അതിന്റെ നിവൃ​ത്തി​യിൽ ഒരു സമാനത ഉണ്ടായി​രി​ക്കു​മോ?

⁸ പ്രാവ​ച​നിക മാതൃ​ക​ക​ളിൽ ആളുക​ളു​ടെ സ്ഥാനവും  ഉദ്യോ​ഗ​വും മാത്രമല്ല ഉൾപ്പെ​ട്ടി​രി​ക്കു​ന്നത്‌ എന്നത്‌ വ്യക്തമാണ്‌. അവയിൽ അവരുടെ ജീവി​താ​നു​ഭ​വ​ങ്ങ​ളും ഉൾപ്പെ​ട്ടി​രി​ക്കു​ന്നു. ഒരു സന്ദർഭ​ത്തിൽ യഹൂദ മതനേ​താ​ക്കൻമാർ അവിശ്വാ​സം പ്രകട​മാ​ക്കി​യ​പ്പോൾ യേശു അവരോട്‌ പറഞ്ഞു: “ദോഷ​വും വ്യഭി​ചാ​ര​വു​മു​ളള തലമുറ അടയാളം അന്വേ​ഷി​ക്കു​ന്നു, എന്നാൽ യോനാ​പ്ര​വാ​ച​കന്റെ അടയാ​ള​മ​ല്ലാ​തെ അതിന്‌ അടയാളം ലഭിക്കു​ക​യില്ല. യോനാ വലിയ മൽസ്യ​ത്തി​ന്റെ വയററിൽ മൂന്നു പകലും മൂന്നു രാവും ആയിരു​ന്ന​തു​പോ​ലെ തന്നെ മനുഷ്യ​പു​ത്രൻ മൂന്നു പകലും മൂന്നു രാവും ഭൂമി​യു​ടെ ഉളളിൽ ആയിരി​ക്കും.” (മത്തായി 12:38-40; യോനാ 1:17; 2:10) എന്നാൽ യോനാ​യു​ടെ അനുഭ​വ​ങ്ങ​ളെ​ല്ലാം താൻതന്നെ അനുഭ​വി​ക്കാ​നി​രു​ന്ന​തി​നെ മുൻനി​ഴ​ലാ​ക്കി എന്ന്‌ യേശു പറഞ്ഞില്ല. യഹോ​വ​യിൽനിന്ന്‌ ഒരു നിയമനം ലഭിച്ച​പ്പോൾ യോന തർശ്ശീ​സി​ലേക്ക്‌ ഓടി​പ്പോ​കാൻ ശ്രമി​ച്ച​തു​പോ​ലെ യേശു ഓടി​പ്പോ​യില്ല. എന്നാൽ യേശു സൂചി​പ്പി​ച്ച​തു​പോ​ലെ യേശു​വി​ന്റെ തന്നെ മരണത്തി​ന്റെ​യും പുനരു​ത്ഥാ​ന​ത്തി​ന്റെ​യും പ്രാവ​ച​നി​ക​മായ വിശദാം​ശങ്ങൾ നൽകി​യ​തു​കൊ​ണ്ടാ​യി​രു​ന്നു വലിയ മൽസ്യ​ത്തി​ന്റെ വയററി​ലെ യോനാ​യു​ടെ അനുഭവം ബൈബിൾ രേഖയു​ടെ ഭാഗമാ​യി ഉൾപ്പെ​ടു​ത്തി​യത്‌.—മത്തായി 16:4, 21.

9. (എ) ചരി​ത്ര​ത്തി​ലെ രണ്ടു കാലഘ​ട്ടങ്ങൾ സംബന്ധിച്ച്‌ എന്തു പ്രാവ​ച​നിക വശമാണ്‌ യേശു ചൂണ്ടി​ക്കാ​ണി​ച്ചത്‌? (ബി) നിശ്വ​സ്‌ത​ത​യിൽ ഏതു കൂടു​ത​ലായ സുപ്ര​ധാന വിശദാം​ശങ്ങൾ പത്രോസ്‌ പരാമർശി​ച്ചു?

⁹ ചരി​ത്ര​ത്തി​ലെ ചില കാലഘ​ട്ട​ങ്ങ​ളും നമ്മുടെ സവിശേഷ ശ്രദ്ധ അർഹി​ക്ക​ത്ത​ക്ക​വി​ധ​ത്തിൽ പ്രാവ​ച​നി​ക​മായ വെളിച്ചം വീശുന്നു. രാജ്യാ​ധി​കാ​ര​ത്തി​ലു​ളള തന്റെ പ്രത്യ​ക്ഷ​ത​യി​ലേക്കു നയിക്കുന്ന സമയ​ത്തേ​പ്പ​ററി സംസാ​രി​ക്കു​ക​യിൽ ദുഷ്ടൻമാ​രു​ടെ​മേൽ ദിവ്യ​ന്യാ​യ​വി​ധി നിർവ​ഹി​ക്ക​പ്പെട്ട മററു രണ്ടു സന്ദർഭ​ങ്ങ​ളോട്‌ അതിനു​ളള സമാനത യേശു എടുത്തു​കാ​ട്ടി. “നോഹ​യു​ടെ നാളു​ക​ളി​ലെ​യും” “ലോത്തി​ന്റെ നാളു​ക​ളി​ലെ​യും” ആളുകൾ അനുദി​ന​ജീ​വി​ത​വ്യാ​പാ​ര​ങ്ങ​ളിൽ തിരക്കു​ള​ള​വ​രാ​യി​രു​ന്നു എന്നതിനെ വിശേ​ഷ​വൽക്ക​രി​ച്ചു​കൊണ്ട്‌ ആ നാളു​ക​ളു​ടെ പ്രാധാ​ന്യ​ത്തെ​പ്പ​ററി യേശു സംസാ​രി​ച്ചു. ലോത്തി​ന്റെ ഭാര്യ ചെയ്‌ത​തു​പോ​ലെ പിന്നിൽ വിട്ടു​കളഞ്ഞ കാര്യ​ങ്ങ​ളി​ലേക്ക്‌ ആഗ്രഹ​ത്തോ​ടെ നോക്കാ​തെ സത്വര​മായ നടപടി സ്വീക​രി​ക്കാൻ അവൻ നമ്മെ ഉൽസാ​ഹി​പ്പി​ച്ചു. (ലൂക്കോസ്‌ 17:26-32) അപ്പോ​സ്‌ത​ല​നായ പത്രോ​സി​ന്റെ രണ്ടാമത്തെ നിശ്വസ്‌ത ലേഖന​ത്തിൽ സുപ്ര​ധാ​ന​മായ കൂടുതൽ വിശദാം​ശങ്ങൾ നൽക​പ്പെ​ട്ടി​രി​ക്കു​ന്നു—പ്രളയ​ത്തി​നു മുമ്പുളള കാലത്തെ ദൂതൻമാ​രു​ടെ അനുസ​ര​ണ​ക്കേട്‌, നോഹ​യു​ടെ പ്രസം​ഗ​പ്ര​വർത്തനം, സോ​ദോ​മി​ലെ ആളുക​ളു​ടെ നിയമ​നി​ഷേധ  പ്രവൃ​ത്തി​കൾ നിമിത്തം ലോത്തിന്‌ അനുഭ​വ​പ്പെട്ട ദണ്ഡം, തന്റെ നിശ്ചിത സമയത്ത്‌ ദുഷ്ടൻമാ​രെ ഛേദി​ച്ചു​ക​ള​ഞ്ഞു​കൊണ്ട്‌ ദൈവം വരാനി​രി​ക്കുന്ന കാര്യ​ങ്ങ​ളു​ടെ ഒരു മാതൃക വയ്‌ക്കു​ക​യാണ്‌ എന്ന വസ്‌തുത, കൂടാതെ തന്റെ വിശ്വസ്‌ത ദാസൻമാ​രെ രക്ഷിക്കാൻ ദൈവ​ത്തിന്‌ കഴിയു​മെ​ന്നും നിശ്ചയ​മാ​യും രക്ഷിക്കു​മെ​ന്നും ഉളളതി​ന്റെ തെളി​വും.—2 പത്രോസ്‌ 2:4-9.

10. യിരെ​മ്യാ​പ്പു​സ്‌തകം വെളി​പ്പാ​ടു​മാ​യി താരത​മ്യം ചെയ്‌തു​കൊണ്ട്‌ നിവൃ​ത്തി​യേ​റിയ പ്രവച​ന​ങ്ങൾക്ക്‌ കൂടു​ത​ലായ പ്രാവ​ച​നിക മൂല്യ​മു​ണ്ടാ​യി​രി​ക്കാം എന്നു കാണി​ക്കുക.

¹⁰ പ്രവച​നങ്ങൾ പൂർത്തി​യാ​യി​ക്ക​ഴി​യു​മ്പോൾ അവയ്‌ക്ക്‌ മേലാൽ ചരി​ത്ര​പ​ര​മായ പ്രാധാ​ന്യ​മേ​യു​ള​ളു​വെന്ന്‌ നാം അർത്ഥമാ​ക്കേ​ണ്ട​തില്ല. സംഭവി​ക്കാൻ പോകു​ന്ന​തി​നെ സംബന്ധിച്ച മുന്നറി​യി​പ്പും അതു സംഭവിച്ച വിധവും മിക്ക​പ്പോ​ഴും ഭാവി​യിൽ ദൂരവ്യാ​പ​ക​മായ നിവൃത്തി ഉണ്ടാകും എന്നതിന്റെ പ്രാവ​ച​നിക സൂചന​ക​ളാണ്‌. അങ്ങേയ​ററം മതാധി​ഷ്‌ഠ​വും ഇന്നും ലോക​ത്തി​നു ചുററും അതിന്റെ സ്വാധീ​നം അനുഭ​വ​പ്പെ​ട്ടു​കൊ​ണ്ടി​രി​ക്കു​ന്ന​തു​മായ പുരാതന ബാബി​ലോ​ന്യ സാമ്രാ​ജ്യ​ത്തെ സംബന്ധിച്ച്‌ രേഖ​പ്പെ​ടു​ത്തി​യി​രി​ക്കു​ന്നത്‌ അത്തരത്തിൽ സത്യമാണ്‌. പൊ. യു. മു. 539-ൽ മേദ്യ​രും പേർഷ്യ​രും ബാബി​ലോൻ കീഴട​ക്കി​യെ​ങ്കി​ലും ഒന്നാം നൂററാ​ണ്ടി​ന്റെ അവസാ​ന​ത്തിൽ എഴുത​പ്പെട്ട വെളി​പ്പാട്‌ പുസ്‌തകം യിരെ​മ്യാ പ്രവാ​ച​കന്റെ വാക്കുകൾ എടുത്തു പ്രയോ​ഗി​ച്ചു​കൊണ്ട്‌ വ്യാജമത ലോക​സാ​മ്രാ​ജ്യ​മായ മഹാബാ​ബി​ലോ​നി​നോ​ടു​ളള ബന്ധത്തിൽ ഒരു ഭാവി നിവൃ​ത്തി​യി​ലേക്ക്‌ വിരൽ ചൂണ്ടുന്നു. ഇതിന്‌ ഉദാഹ​ര​ണ​ങ്ങ​ളാ​യി വെളി​പ്പാട്‌ 18:4; യിരെ​മ്യാവ്‌ 51:6, 45-മായും വെളി​പ്പാട്‌ 17:1, 15; 16:12 എന്നിവ യിരെ​മ്യാവ്‌ 51:13; 50:38 എന്നിവ​യു​മാ​യും വെളി​പ്പാട്‌ 18:21 യിരെ​മ്യാവ്‌ 51:63, 64-മായും താരത​മ്യം ചെയ്യുക.

11. വിശ്വാ​സ​ത്യാ​ഗി​യായ യിസ്രാ​യേ​ലി​നോ​ടും അവിശ്വ​സ്‌ത​യാ​യി​ത്തീർന്ന​പ്പോൾ യഹൂദ​യോ​ടും യഹോവ ഇടപെ​ട്ട​തി​നെ സംബന്ധിച്ച രേഖക്ക്‌ എന്തു പ്രാവ​ച​നിക പ്രാധാ​ന്യ​മുണ്ട്‌? എന്തു​കൊണ്ട്‌?

¹¹ അതു​പോ​ലെ വിശ്വാ​സ​ത്യാ​ഗി​യായ പത്തു​ഗോ​ത്ര യിസ്രാ​യേൽരാ​ജ്യ​ത്തോ​ടും രണ്ടു​ഗോ​ത്ര യഹൂദാ രാജ്യ​ത്തി​ലെ അവിശ്വ​സ്‌ത​രായ രാജാ​ക്കൻമാ​രോ​ടും പുരോ​ഹി​തൻമാ​രോ​ടു​മു​ളള യഹോ​വ​യു​ടെ ഇടപെ​ട​ലു​കൾ പ്രാവ​ച​നി​ക​ങ്ങ​ളാണ്‌. ആ രണ്ടു രാജ്യ​ങ്ങൾക്കും ബാധക​മായ പ്രവച​ന​ങ്ങ​ളും തിരു​വെ​ഴു​ത്തു​ക​ളിൽ രേഖ​പ്പെ​ടു​ത്തി​യി​രി​ക്കുന്ന അവയുടെ നിവൃ​ത്തി​ക​ളും ബൈബി​ളി​ലെ ദൈവത്തെ സേവി​ക്കു​ന്നു എന്ന്‌ അവകാ​ശ​പ്പെ​ടു​ക​യും എന്നാൽ അവന്റെ നീതി​യു​ളള കൽപ്പന​കളെ അതിഗൗ​ര​വ​മാ​യി ലംഘി​ക്കു​ക​യും ചെയ്യുന്ന ആധുനിക  നാളിലെ ക്രൈ​സ്‌ത​വ​ലോ​ക​ത്തോട്‌ ദൈവം എങ്ങനെ ഇടപെ​ടും എന്നതിന്റെ ഒരു വ്യക്തമായ ചിത്രം വരച്ചു​കാ​ട്ടു​ന്നു.

12. അത്തരം വിവര​ണ​ങ്ങ​ളിൽനിന്ന്‌ നമുക്ക്‌ വ്യക്തി​പ​ര​മാ​യി എന്തു പ്രയോ​ജനം ലഭിക്കു​ന്നു?

¹² അതു​കൊണ്ട്‌ ഈ വിവര​ങ്ങ​ളെ​ല്ലാം ഇന്ന്‌ പ്രധാ​ന​മാണ്‌. നമ്മുടെ നാളിലെ സാഹച​ര്യ​ത്തെ ദൈവം എങ്ങനെ വീക്ഷി​ക്കു​ന്നു​വെ​ന്നും ആസന്നമാ​യി​രി​ക്കുന്ന മഹോ​പ​ദ്ര​വത്തെ അതിജീ​വി​ക്കാൻ നാം വ്യക്തി​പ​ര​മാ​യി എന്തു ചെയ്യണ​മെ​ന്നും മനസ്സി​ലാ​ക്കാൻ അവ നമ്മെ സഹായി​ക്കു​ന്നു. “എല്ലാ തിരു​വെ​ഴു​ത്തും . . . പഠിപ്പി​ക്ക​ലി​നും ശാസന​ക്കും കാര്യങ്ങൾ നേരെ​യാ​ക്കു​ന്ന​തി​നും നീതി​യിൽ ശിക്ഷണം കൊടു​ക്കു​ന്ന​തി​നും പ്രയോ​ജ​ന​ക​ര​മാണ്‌” എന്ന വസ്‌തുത കൂടുതൽ വിലമ​തി​ക്കാൻ നാം അപ്രകാ​രം സഹായി​ക്ക​പ്പെ​ടു​ന്നു.—2 തിമൊ​ഥെ​യോസ്‌ 3:16, 17.

എല്ലാം മുൻകൂ​ട്ടി നിർണ്ണ​യി​ക്ക​പ്പെ​ട്ടി​രു​ന്നോ?

13. പ്രാവ​ച​നിക മാതൃ​കകൾ നിർമ്മി​ക്കു​ന്ന​തിന്‌ ദൈവം പാപം ചെയ്യാൻ ആളുകളെ പ്രേരി​പ്പി​ച്ചില്ല എന്ന്‌ നമു​ക്കെ​ങ്ങനെ അറിയാം?

¹³ ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന ജനതക​ളു​ടെ​യും രാഷ്‌ട്ര​ങ്ങ​ളു​ടെ​യും പെരു​മാ​ററം അതിന്‌ ഒരു പ്രാവ​ച​നിക അർത്ഥമു​ണ്ടാ​യി​രി​ക്കാൻ തക്കവണ്ണം ദൈവ​ത്താൽ മുന്നമേ ക്രമീ​ക​രി​ക്ക​പ്പെട്ടു എന്നാണോ ഇതിൽനി​ന്നെ​ല്ലാം നാം മനസ്സി​ലാ​ക്കേ​ണ്ടത്‌? ഭാവി​യി​ലേക്ക്‌ തന്റെ മനസ്സി​ലു​ണ്ടാ​യി​രുന്ന വലിപ്പ​മേ​റിയ കാര്യ​ങ്ങ​ളു​ടെ ഒരു മാതൃക പ്രദാനം ചെയ്യാൻ തക്കവണ്ണം ദൈവം തന്നെ കഴിഞ്ഞ കാലങ്ങ​ളിൽ തന്റെ ദാസൻമാ​രോട്‌ ഇടപെട്ടു എന്നത്‌ വ്യക്തമാണ്‌. എന്നാൽ മനുഷ്യ​രു​ടെ പ്രവർത്ത​നങ്ങൾ സംബന്ധി​ച്ചെന്ത്‌? അവരിൽ ചിലർ ഗൗരവ​ത​ര​മായ പാപങ്ങൾ ചെയ്‌തു. ബൈബിൾരേഖ ചമയ്‌ക്കാൻവേണ്ടി അതു​ചെ​യ്യാൻ ദൈവം അവരെ പ്രേരി​പ്പി​ച്ചോ? ക്രിസ്‌തീയ ബൈബി​ളെ​ഴു​ത്തു​കാ​ര​നായ യാക്കോബ്‌ ഉത്തരം നൽകുന്നു: “ദൈവം തിൻമ​ക​ളാൽ പരീക്ഷി​ക്ക​പ്പെ​ടാ​വു​ന്ന​വനല്ല; അവൻ തന്നെ ആരെയും പരീക്ഷി​ക്കു​ന്നു​മില്ല.” (യാക്കോബ്‌ 1:13) പ്രാവ​ച​നിക മാതൃ​കകൾ നിർമ്മി​ക്കാൻവേണ്ടി അവർ തെററു ചെയ്യാൻ ദൈവം ഇടയാ​ക്കി​യില്ല.

14. (എ) ഭാവി​യിൽ മനുഷ്യ​രോ അല്ലെങ്കിൽ സാത്താൻ പോലു​മോ എന്തു​ചെ​യ്യു​മെന്ന്‌ യഹോ​വ​യ്‌ക്ക്‌ എങ്ങനെ അറിയാം? (ബി) യഹോ​വ​യ്‌ക്ക്‌ തന്നെപ്പ​റ​റി​യും തന്റെ ഉദ്ദേശ്യ​ങ്ങ​ളെ​പ്പ​റ​റി​യും ഉളള അറിവ്‌ ഏതു വിധങ്ങ​ളി​ലാണ്‌ ബൈബിൾ പ്രവച​ന​ങ്ങ​ളിൽ ഉൾപ്പെ​ട്ടി​രി​ക്കു​ന്നത്‌?

¹⁴ യഹോവ മനുഷ്യ​വർഗ്ഗ​ത്തി​ന്റെ സ്രഷ്ടാ​വാണ്‌ എന്ന  കാര്യം വിസ്‌മ​രി​ക്ക​രുത്‌. നാം എങ്ങനെ നിർമ്മി​ക്ക​പ്പെ​ട്ടി​രി​ക്കു​ന്നു​വെ​ന്നും ആളുകൾ പ്രവർത്തി​ക്കുന്ന വിധത്തിൽ അവർ പ്രവർത്തി​ക്കാൻ ഇടയാ​ക്കു​ന്ന​തെ​ന്താ​ണെ​ന്നും അവനറി​യാം. (ഉൽപ്പത്തി 6:5; ആവർത്തനം 31:21) തന്റെ നീതി​യു​ളള തത്വങ്ങ​ളോട്‌ യോജി​പ്പിൽ ജീവി​ക്കു​ന്ന​വ​രു​ടെ ഭാവി​യും ദൈവ​ത്തെ​ക്കൊ​ണ്ടു​ളള തങ്ങളുടെ ആവശ്യം അവഗണി​ച്ചു​ക​ള​യു​ന്ന​വർക്കും അവന്റെ വഴി മറിച്ചു​ക​ള​യു​ന്ന​വർക്കും ഉണ്ടാകുന്ന ഫലങ്ങളും കൃത്യ​മാ​യി മുൻകൂ​ട്ടി​പ്പ​റ​യാൻ അവന്‌ കഴിയും. (ഗലാത്യർ 6:7, 8) കഴിഞ്ഞ കാലങ്ങ​ളിൽ ഉപയോ​ഗി​ച്ച​തി​നോട്‌ സമാന​മായ തന്ത്രങ്ങൾ പ്രയോ​ഗി​ക്കു​ന്ന​തിൽ സാത്താൻ തുടരും എന്ന്‌ അവനറി​യാം. ചില പ്രത്യേക സാഹച​ര്യ​ങ്ങ​ളിൽ താൻ എന്തു ചെയ്യു​മെന്ന്‌—താൻ എല്ലായ്‌പ്പോ​ഴും പ്രകട​മാ​ക്കി​യി​ട്ടു​ളള നീതി, നിഷ്‌പക്ഷത, സ്‌നേഹം, ദയ എന്നീ സമുന്നത ഗുണങ്ങൾക്ക്‌ ചേർച്ച​യാ​യി പ്രവർത്തി​ക്കും എന്നുകൂ​ടെ—അവനറി​യാം. (മലാഖി 3:6) യഹോ​വ​യു​ടെ ഉദ്ദേശ്യ​ങ്ങൾ നിശ്ചയ​മാ​യും നിറ​വേ​റും എന്നുള​ള​തി​നാൽ അവന്‌ അന്തിമ ഫലങ്ങളും അവ കൈവ​രു​ത്താൻ അവൻ സ്വീക​രി​ക്കുന്ന നടപടി​ക​ളും മുൻകൂ​ട്ടി​പ്പ​റ​യാൻ കഴിയും. (യെശയ്യാവ്‌ 14:24, 27) അതു​കൊണ്ട്‌ ഭാവി എന്തു കൈവ​രു​ത്തും എന്നതു സംബന്ധിച്ച്‌ ഒരു പൂർവ​വീ​ക്ഷണം നൽകാൻ വ്യക്തി​ക​ളു​ടെ​യും രാഷ്‌ട്ര​ങ്ങ​ളു​ടെ​യും ജീവി​ത​ത്തിൽ നിന്ന്‌ സംഭവങ്ങൾ തെര​ഞ്ഞെ​ടു​ക്കു​ന്ന​തി​നും അവയെ ബൈബി​ളി​ന്റെ ഭാഗമാ​ക്കു​ന്ന​തി​നും അവന്‌ കഴിയു​മാ​യി​രു​ന്നു.

15. ബൈബിൾ വിവര​ണ​ങ്ങ​ളിൽ വെറും ചരി​ത്ര​ത്തേ​ക്കാൾ അധികം ഉൾപ്പെ​ട്ടി​രി​ക്കു​ന്നു​വെന്ന്‌ അപ്പോ​സ്‌ത​ല​നായ പൗലോസ്‌ ഊന്നി​പ്പ​റ​ഞ്ഞ​തെ​ങ്ങനെ?

¹⁵ അതു​കൊണ്ട്‌ ഉചിത​മാ​യി​ത്തന്നെ യിസ്രാ​യേ​ലി​ന്റെ ചരി​ത്ര​ത്തിൽ നിന്ന്‌ സംഭവങ്ങൾ വിവരി​ച്ച​ശേഷം അപ്പോ​സ്‌ത​ല​നായ പൗലോസ്‌ സഹക്രി​സ്‌ത്യാ​നി​ക​ളോട്‌ ഇങ്ങനെ പറഞ്ഞു: “ഈ കാര്യങ്ങൾ ദൃഷ്ടാ​ന്ത​ങ്ങ​ളാ​യി അവർക്ക്‌ സംഭവി​ച്ചു, വ്യവസ്ഥി​തി​ക​ളു​ടെ സമാപ​ന​ത്തി​ങ്കൽ വന്നെത്തി​യി​രി​ക്കുന്ന നമ്മുടെ മുന്നറി​യി​പ്പി​നാ​യി അവ എഴുത​പ്പെ​ട്ടി​രി​ക്കു​ക​യും ചെയ്യുന്നു.” (1 കൊരി​ന്ത്യർ 10:11) കൂടാതെ റോമി​ലെ ക്രിസ്‌തീയ സഭയ്‌ക്ക്‌ അവൻ ഇപ്രകാ​രം എഴുതി: “മുന്നെ​ഴു​തി​യി​രി​ക്കു​ന്ന​തൊ​ക്കെ​യും നമ്മുടെ പ്രബോ​ധ​ന​ത്തി​നാ​യിട്ട്‌, നമ്മുടെ സഹിഷ്‌ണു​ത​യാ​ലും തിരു​വെ​ഴു​ത്തു​ക​ളിൽ നിന്നുളള ആശ്വാ​സ​ത്താ​ലും നമുക്ക്‌ പ്രത്യാ​ശ​യു​ണ്ടാ​കേ​ണ്ട​തി​നു തന്നെ എഴുത​പ്പെട്ടു.” (റോമർ 15:4) ബൈബി​ളി​ലെ വിവര​ണങ്ങൾ വെറും ചരി​ത്ര​ത്തേ​ക്കാൾ അധിക​മാ​ണെന്ന്‌ നാം വിലമ​തി​ക്കു​മ്പോൾ അവയിൽനിന്ന്‌ നമുക്ക്‌ മനുഷ്യ​വർഗ്ഗ​ത്തി​ന്റെ ഭാവി സംബന്ധിച്ച്‌ അത്ഭുത​ക​ര​മായ പൂർവ​വീ​ക്ഷ​ണങ്ങൾ ഉൾക്കൊ​ണ്ടു​തു​ട​ങ്ങാൻ കഴിയും.

[അധ്യയന ചോദ്യ​ങ്ങൾ]

 [41-ാം പേജിലെ ചതുരം/ചിത്രം]

പ്രാവചനിക മാതൃ​കകൾ—എന്തി​ലേക്ക്‌ വിരൽ ചൂണ്ടുന്നു?

നോഹയുടെ നാളുകൾ

സമാഗമന കൂടാരം

ശലോമോൻ രാജാവ്‌

മൂന്നു ദിവസ​ത്തേക്ക്‌ യോന മൽസ്യ​ത്തി​ന്റെ വയററിൽ

ബാബിലോന്റെ വീഴ്‌ച