അധ്യായം 7

വിപത്തി​ന്റെ മുമ്പിൽജ്ഞാ​ന​പൂർവം​പ്ര​വർത്തി​ക്കുക

1. ആളുകൾ അനാവ​ശ്യ​മാ​യി നശിച്ച​തെ​ന്തു​കൊ​ണ്ടാണ്‌ (എ) ടൈറ​റാ​നിക്ക്‌ മുങ്ങി​യ​പ്പോൾ? (ബി) മൗണ്ട്‌ പെലീ പൊട്ടി​ത്തെ​റി​ച്ച​പ്പോൾ?

 ഒരു അപകടം ആസന്നമാണ്‌ എന്ന്‌ ആശ്രയ​യോ​ഗ്യ​മായ ഒരു ഉറവിൽ നിന്ന്‌ മുന്നറി​യിപ്പ്‌ ലഭിക്കു​മ്പോൾ ജ്ഞാനികൾ തങ്ങളുടെ ജീവൻ രക്ഷിക്കാൻ വേണ്ട നടപടി സ്വീക​രി​ക്കു​ന്നു. (സദൃശ​വാ​ക്യ​ങ്ങൾ 22:3) എന്നാൽ അസ്ഥാനത്ത്‌ തങ്ങളുടെ ആശ്രയം വച്ചതി​നാൽ അനേകാ​യി​രങ്ങൾ അനാവ​ശ്യ​മാ​യി നശിച്ചു​പോ​യി​ട്ടുണ്ട്‌. രക്ഷാ​ബോ​ട്ടു​ക​ളിൽ കയറാ​നു​ളള മുന്നറി​യിപ്പ്‌ ലഭിച്ചി​ട്ടും നൂറു​ക​ണ​ക്കിന്‌ യാത്രി​കർ 1912-ൽ ടൈറ​റാ​നിക്‌ എന്ന കപ്പലി​നോ​ടൊ​പ്പം കടലിൽ താണു, കാരണം ആ കപ്പൽ മുക്ക​പ്പെ​ടാ​നാ​വാ​ത്ത​താണ്‌ എന്ന അവകാ​ശ​വാ​ദം അവർ വിശ്വ​സി​ച്ചു. 1902-ൽ മാർട്ടി​നി​ക്കി​ലെ മൗണ്ട്‌ പെലീ എന്ന അഗ്‌നി​പർവ്വതം പുകയാ​നാ​രം​ഭി​ച്ച​പ്പോൾ അടുത്തു​ണ്ടാ​യി​രുന്ന സെൻറ്‌ പിയറി​ലെ ആളുകൾ ഭയവി​ഹ്വ​ല​രാ​യി. എന്നാൽ സമൂഹ​ത്തി​ലെ പ്രമാ​ണി​മാ​രു​ടെ സ്വാർത്ഥ താൽപ്പ​ര്യ​ങ്ങൾ സംരക്ഷി​ക്കു​ന്ന​തി​നു​വേണ്ടി സ്ഥലത്തെ രാഷ്‌ട്രീ​യ​ക്കാ​രും പത്രാ​ധി​പൻമാ​രും ആളുകൾ സ്ഥലം വിട്ടു​പോ​കാ​തി​രി​ക്കാൻ വേണ്ടി അവരെ സാന്ത്വ​ന​പ്പെ​ടു​ത്തി. പെട്ടെന്ന്‌ അഗ്നിപർവ്വതം പൊട്ടു​ക​യും 30,000 പേർ മരണമ​ട​യു​ക​യും ചെയ്‌തു.

2. (എ) നമ്മുടെ നാളിൽ ഏത്‌ അടിയ​ന്തിര മുന്നറി​യി​പ്പാണ്‌ മുഴക്ക​പ്പെ​ട്ടു​കൊ​ണ്ടി​രി​ക്കു​ന്നത്‌? (ബി) സാഹച​ര്യം ഗുരു​ത​ര​മാ​യി​രി​ക്കു​ന്ന​തെ​ന്തു​കൊണ്ട്‌?

² നമ്മുടെ നാളു​ക​ളിൽ അതിലും അടിയ​ന്തി​ര​മായ ഒരു മുന്നറി​യിപ്പ്‌ മുഴക്ക​പ്പെ​ട്ടു​കൊ​ണ്ടി​രി​ക്കു​ക​യാണ്‌—ഏതെങ്കി​ലും പ്രാ​ദേ​ശി​ക​മായ അപകട​ത്തെ​ക്കു​റി​ച്ചല്ല മറിച്ച്‌ അർമ്മ​ഗെ​ദ്ദോ​നി​ലെ, ദൈവ​ത്തി​ന്റെ ആഗോള യുദ്ധ​ത്തെ​ക്കു​റിച്ച്‌. (യെശയ്യാവ്‌ 34:1, 2; യിരെ​മ്യാവ്‌ 25:32, 33) തങ്ങളുടെ ജീവൻ രക്ഷിക്കു​ന്ന​തിന്‌ ജ്ഞാനപൂർവം പ്രവർത്തി​ക്കാൻ പ്രേരി​പ്പി​ച്ചു​കൊണ്ട്‌ ലോക​വി​സ്‌തൃ​ത​മാ​യി യഹോ​വ​യു​ടെ സാക്ഷികൾ ആളുകളെ അവരുടെ വീടു​ക​ളിൽ സന്ദർശി​ച്ചി​ട്ടുണ്ട്‌. താമസം കൂടാതെ, ഉടൻ തന്നെ ആവശ്യ​മായ നടപടി സ്വീക​രി​ക്കാൻമാ​ത്രം, നിങ്ങൾ ജീവനെ സ്‌നേ​ഹി​ക്കു​ന്നു​ണ്ടോ?

 “ലോകം നീങ്ങി​പ്പോ​വു​ക​യാണ്‌”

3. ലോക​ത്തോ​ടു​ളള നമ്മുടെ മനോ​ഭാ​വം അതിജീ​വ​ന​ത്തി​നു​ളള നമ്മുടെ ഭാവി പ്രതീ​ക്ഷയെ ബാധി​ക്കു​ന്ന​തെ​ങ്ങനെ?

³ അതിജീ​വ​ന​ത്തി​നു​ളള നിങ്ങളു​ടെ സാദ്ധ്യ​ത​യി​ലെ ഒരു നിർണ്ണാ​യക ഘടകം ലോക​ത്തോ​ടു​ളള നിങ്ങളു​ടെ മനോ​ഭാ​വ​മാണ്‌. നിങ്ങൾ ഒരു മനുഷ്യ​നാ​യി ഇവിടെ ജീവി​ക്കു​ന്നി​ട​ത്തോ​ളം കാലം നിങ്ങൾ ഈ ലോക​ത്തി​ലാണ്‌. എന്നാൽ അതിന്റെ തെററായ ആഗ്രഹ​ങ്ങ​ളി​ലും ദൈവ​വി​രു​ദ്ധ​മായ നടപടി​ക​ളി​ലും നിങ്ങൾ പങ്കു​ചേ​രേ​ണ്ട​തില്ല. ദൈവ​ത്തി​ലും അവന്റെ ഉദ്ദേശ്യ​ത്തി​ലും വിശ്വാ​സ​മർപ്പി​ക്കു​ന്ന​തി​നു പകരം നിങ്ങൾ മനുഷ്യ​രി​ലും അവരുടെ പദ്ധതി​ക​ളി​ലും വിശ്വാ​സ​മർപ്പി​ച്ചു​കൊണ്ട്‌ ഈ ലോക​ത്തോട്‌ താദാ​ത്മ്യം പ്രാപി​ക്കേ​ണ്ട​തില്ല. എന്നാൽ നിങ്ങൾ ഒരു തെര​ഞ്ഞെ​ടുപ്പ്‌ നടത്തേ​ണ്ടി​യി​രി​ക്കു​ന്നു; നിങ്ങൾക്ക്‌ ഇരുപ​ക്ഷ​ത്തും കൂടി​യാ​യി​രി​ക്കാൻ കഴിയു​ക​യില്ല. “ഈ ലോക​ത്തി​ന്റെ ഒരു സുഹൃ​ത്താ​യി​രി​ക്കാൻ ആഗ്രഹി​ക്കു​ന്ന​വ​നെ​ല്ലാം തന്നെത്തന്നെ ദൈവ​ത്തി​ന്റെ ഒരു ശത്രു​വാ​ക്കി​ത്തീർക്കു​ന്നു.” എന്തു​കൊണ്ട്‌? എന്തു​കൊ​ണ്ടെ​ന്നാൽ ദൈവ​ത്തി​ന്റെ വചനം നമ്മോട്‌ പറയും പ്രകാരം “മുഴു​ലോ​ക​വും ദുഷ്ടനാ​യ​വന്റെ അധികാ​ര​ത്തിൽ കിടക്കു​ന്നു.”—യാക്കോബ്‌ 4:4; 1 യോഹ​ന്നാൻ 5:19; സങ്കീർത്തനം 146:3-5.

4. (എ) ഏതു ആചാര​ങ്ങ​ളും മനോ​ഭാ​വ​ങ്ങ​ളും ദൈവ​രാ​ജ്യ​ത്തിൻകീ​ഴി​ലെ ജീവനിൽനിന്ന്‌ ആളുകളെ തടയും എന്ന്‌ നിങ്ങളു​ടെ ബൈബി​ളു​പ​യോ​ഗിച്ച്‌ വിശദീ​ക​രി​ക്കുക. (ബി) ഇത്തരം കാര്യ​ങ്ങ​ളിൽ ഉൾപ്പെ​ട്ടി​ട്ടു​ള​ളവർ പെട്ടെന്നു തന്നെ അവ ഉപേക്ഷി​ക്കേ​ണ്ട​തെ​ന്തു​കൊണ്ട്‌?

⁴ നമുക്ക്‌ മനസ്സി​ലാ​ക്കാ​വു​ന്ന​തു​പോ​ലെ തങ്ങളുടെ ജീവിതം ദൈവം കുററം വിധി​ക്കുന്ന കാര്യ​ങ്ങ​ളോട്‌ പററി നിൽക്കു​ന്നു എന്ന്‌ തെളിവ്‌ നൽകുന്ന ആരെയും യഹോവ തന്റെ പുതിയ വ്യവസ്ഥി​തി​യി​ലേക്ക്‌ ജീവ​നോ​ടെ പരിര​ക്ഷി​ക്കു​ക​യില്ല. അവയിൽ ചിലത്‌ എന്തൊ​ക്കെ​യാണ്‌? അവയിൽ അനേക​വും ലോകം ചോദ്യം ചെയ്യാതെ അംഗീ​ക​രി​ക്കുന്ന പ്രവർത്ത​ന​ങ്ങ​ളും മനോ​ഭാ​വ​ങ്ങ​ളു​മാണ്‌. എന്നാൽ ഈ ദുഷ്ട​ലോ​ക​ത്തി​ന്റെ അന്ത്യത്തെ അതിജീ​വി​ക്കാൻ നമ്മൾ ആഗ്രഹി​ക്കു​ന്നു​വെ​ങ്കിൽ മററു​ള​ളവർ എന്തു ചെയ്യുന്നു, എന്തു വിചാ​രി​ക്കു​ന്നു, എന്നു പരിഗ​ണി​ക്കാ​തെ പരസം​ഗ​ക്കാർ, വ്യഭി​ചാ​രി​കൾ, സ്വവർഗ്ഗ​സം​ഭോ​ഗി​കൾ, ധർമ്മവി​രു​ദ്ധ​മായ അശുദ്ധി​യി​ലും അഴിഞ്ഞ നടത്തയി​ലും ഉൾപ്പെ​ടു​ന്നവർ ഇവർ ആരും അതിജീ​വ​കർക്കി​ട​യിൽ ഉണ്ടായി​രി​ക്കു​ക​യില്ല എന്ന ബൈബിൾ മുന്നറി​യി​പ്പിന്‌ നമ്മൾ ശ്രദ്ധ കൊടു​ക്കും. മററു​ള​ളവർ എത്ര കൂടെ​ക്കൂ​ടെ ഭോഷ്‌ക്‌ പറയു​ക​യോ മോഷ്ടി​ക്കു​ക​യോ ചെയ്യുന്നു എന്നതു പരിഗ​ണി​ക്കാ​തെ നമ്മൾ അത്തരം ഒരു ഗതി ഉപേക്ഷി​ക്കും. മാന്ത്രിക വിദ്യ​ക​ളു​ടെ ജനസമ്മതി കണക്കാ​ക്കാ​തെ നാം അവയെ ഒഴിവാ​ക്കും. മററു​ള​ളവർ അസൂയാ​ലു​ക്ക​ളാ​യി​ത്തീ​രു​ക​യോ കുഴപ്പങ്ങൾ  കുത്തി​പ്പൊ​ക്കു​ക​യോ, കോപി​ക്കു​ക​യോ നിരാ​ശ​യിൽനിന്ന്‌ രക്ഷപെ​ടാ​നാ​യി മയക്കു​മ​രു​ന്നു​കൾ ഉപയോ​ഗി​ക്കു​ക​യോ അമിത​മാ​യി മദ്യപി​ക്കു​ക​യോ ചെയ്‌താ​ലും നാം അവരെ അനുക​രി​ക്കു​ക​യില്ല. നാം ഇത്തരം കാര്യ​ങ്ങ​ളിൽ ഉൾപ്പെ​ട്ടി​ട്ടു​ണ്ടെ​ങ്കിൽ മാററം വരു​ത്തേ​ണ്ട​തി​ന്റെ ആവശ്യകത നമ്മൾ അംഗീ​ക​രി​ക്കും. കഴിഞ്ഞ കാലങ്ങ​ളിൽ ഇത്തരം കാര്യങ്ങൾ “സാധാ​ര​ണ​യാ​യി” നമുക്ക്‌ തോന്നി​യി​ട്ടു​ണ്ടെ​ങ്കി​ലും നാം അവയെ ഉപേക്ഷി​ക്കും. എന്തു​കൊണ്ട്‌? എന്തു​കൊ​ണ്ടെ​ന്നാൽ നാം യഥാർത്ഥ​ത്തിൽ ദൈവത്തെ സ്‌നേ​ഹി​ക്കു​ന്നു, നാം ജീവ​നെ​യും സ്‌നേ​ഹി​ക്കു​ന്നു. കൂടാതെ “ഇത്തരം കാര്യങ്ങൾ ചെയ്‌തു​കൊ​ണ്ടി​രി​ക്കു​ന്നവർ ദൈവ​രാ​ജ്യം അവകാ​ശ​മാ​ക്കു​ക​യില്ല” എന്ന്‌ ദൈവ​വ​ചനം മുന്നറി​യിപ്പ്‌ നൽകുന്നു.—ഗലാത്യർ 5:19-21; എഫേസ്യർ 5:3-7; 1 കൊരി​ന്ത്യർ 6:9, 10; 2 കൊരി​ന്ത്യർ 7:1; വെളി​പ്പാട്‌ 22:15.

5. (എ) ജീവൻ നമുക്ക്‌ വില​പ്പെ​ട്ട​താ​ണെ​ങ്കിൽ നാം എന്തു ചെയ്യാൻ പഠിക്കണം? (ബി) ഈ ഖണ്ഡിക​യു​ടെ അവസാനം കാണുന്ന തിരു​വെ​ഴു​ത്തു​ക​ളിൽ ഏതു നല്ല ഗുണങ്ങൾ പരാമർശി​ച്ചി​രി​ക്കു​ന്നു? അവ എത്ര പ്രധാ​ന​മാണ്‌? നമുക്ക്‌ അവ എങ്ങനെ വികസി​പ്പി​ച്ചെ​ടു​ക്കാം?

⁵ സന്തോ​ഷ​ത്തോ​ടെ നിത്യ​കാ​ലം ജീവി​ക്കാ​നു​ളള അവസരം നമ്മെ സംബന്ധി​ച്ചി​ട​ത്തോ​ളം പ്രധാ​ന​മാ​ണെ​ങ്കിൽ ജീവദാ​താ​വായ യഹോ​വ​യാം ദൈവത്തെ പ്രസാ​ദി​പ്പി​ക്കേ​ണ്ട​തെ​ങ്ങനെ എന്ന്‌ നാം പഠി​ക്കേ​ണ്ട​തുണ്ട്‌. (പ്രവൃ​ത്തി​കൾ 17:24-28; വെളി​പ്പാട്‌ 4:11) ക്രമാ​നു​ഗ​ത​മാ​യി നമ്മുടെ ജീവി​ത​ത്തി​ന്റെ എല്ലാവ​ശ​ങ്ങ​ളി​ലും നാം അവന്റെ വചനം ബാധക​മാ​ക്കണം. നാം അതു ചെയ്യു​മ്പോൾ നാം പെട്ടെന്നു തന്നെ നമ്മോ​ടും മററു​ള​ള​വ​രോ​ടും നമ്മുടെ വ്യക്തി​പ​ര​മായ വസ്‌തു​വ​ക​ക​ളോ​ടും നേട്ടങ്ങ​ളോ​ടു​മു​ളള നമ്മുടെ മനോ​ഭാ​വത്തെ ഗൗരവ​മാ​യി പരി​ശോ​ധി​ക്കു​ക​യും ദൈവ​ത്തി​ന്റെ മുമ്പാ​കെ​യു​ളള നമ്മുടെ നിലയെ അതു എങ്ങനെ ബാധി​ക്കും എന്ന്‌ പരിഗ​ണി​ക്കു​ക​യും ചെയ്യും. നമ്മുടെ ചുററു​മു​ളള ആളുകൾക്ക്‌ അവരെ​പ്പ​റ​റി​ത്ത​ന്നെ​യും അവരുടെ ഗോ​ത്ര​ത്തെ​യോ ജാതി​യെ​യോ രാജ്യ​ത്തെ​യോ സംബന്ധി​ച്ചും വലിയ മതിപ്പ്‌ ഉണ്ടായി​രു​ന്നേ​ക്കാം. എന്നാൽ “ദൈവം അഹങ്കാ​രി​ക​ളോട്‌ എതിർത്തു നിൽക്കു​ന്നു, എന്നാൽ താഴ്‌മ​യു​ള​ള​വർക്ക്‌ അവൻ അനർഹ ദയ നൽകുന്നു” എന്ന തിരു​വെ​ഴു​ത്തിന്‌ നാം ഗൗരവ​മായ ചിന്ത നൽകും.—യാക്കോബ്‌ 4:6; സെഫന്യാവ്‌ 2:2, 3; സങ്കീർത്തനം 149:4.

6, 7. ഒന്ന്‌ യോഹ​ന്നാൻ 2:15-17-ന്റെ വെളി​ച്ച​ത്തിൽ നാം നമ്മുടെ സ്വന്തം ജീവി​തത്തെ പരി​ശോ​ധി​ക്കേ​ണ്ട​തെ​ന്തു​കൊണ്ട്‌?

⁶ മററു​ള​ള​യാ​ളു​കൾ ഭൗതി​കത്വ ചിന്താ​ഗ​തി​യു​ളള സമൂഹ​ത്താൽ ഉത്തേജി​പ്പി​ക്ക​പ്പെ​ടുന്ന ആഗ്രഹ​ങ്ങൾക്ക്‌ അടിമ​ക​ളാ​യി​രി​ക്കാൻ തങ്ങളെ​ത്തന്നെ അനുവ​ദി​ക്കു​ന്നെ​ങ്കി​ലും അതല്ലെ​ങ്കിൽ വ്യക്തി​പ​ര​മായ പ്രാമു​ഖ്യ​ത​ക്കു​വേ​ണ്ടി​യു​ളള ആഗ്രഹ​ത്താൽ  ഉത്തേജി​പ്പി​ക്ക​പ്പെ​ടു​ന്നു​വെ​ങ്കി​ലും 1 യോഹ​ന്നാൻ 2:15-17-ൽ പറഞ്ഞി​രി​ക്കു​ന്ന​തി​ന്റെ വെളി​ച്ച​ത്തിൽ നാം നമ്മുടെ ജീവി​തത്തെ പരി​ശോ​ധി​ക്കും. അവിടെ ഇപ്രകാ​രം പറഞ്ഞി​രി​ക്കു​ന്നു: “ലോക​ത്തെ​യോ ലോക​ത്തി​ലു​ള​ള​തി​നെ​യോ സ്‌നേ​ഹി​ക്ക​രുത്‌. ഒരുവൻ ലോകത്തെ സ്‌നേ​ഹി​ക്കു​ന്നു​വെ​ങ്കിൽ പിതാ​വി​നോ​ടു​ളള സ്‌നേഹം അവനിൽ ഇല്ല; എന്തു​കൊ​ണ്ടെ​ന്നാൽ ലോക​ത്തി​ലു​ള​ള​തൊ​ക്കെ​യും—ജഡമോ​ഹം, കൺമോ​ഹം, ഒരുവന്റെ ജീവന​ത്തി​ന്റെ പ്രതാപ പ്രകടനം—പിതാ​വിൽനി​ന്നല്ല ഉത്ഭവി​ക്കു​ന്നത്‌, മറിച്ച്‌ ലോക​ത്തിൽ നിന്നത്രേ. കൂടാതെ ഈ ലോക​വും അതിന്റെ മോഹ​വും ഒഴിഞ്ഞു​പോ​കു​ന്നു, എന്നാൽ ദൈ​വേഷ്ടം ചെയ്യു​ന്ന​വ​നോ എന്നേക്കും ഇരിക്കു​ന്നു.” നാം മാററങ്ങൾ വരു​ത്തേ​ണ്ട​തു​ണ്ടെ​ങ്കിൽ അതു ചെയ്യാ​നു​ളള സമയം ഇപ്പോ​ഴാണ്‌.

⁷ ഈ ലോക​വും അതിന്റെ ജീവി​ത​രീ​തി​ക​ളും എന്നേക്കും തുടരു​ക​യില്ല. അത്‌ “മുക്ക​പ്പെ​ടാ​നാ​വാ​ത്തത്‌” അല്ല. തങ്ങളുടെ ശ്രമങ്ങ​ളാൽ ലോകത്തെ മെച്ച​പ്പെ​ടു​ത്താൻ കഴിയു​മെന്ന്‌ തോന്നി​പ്പി​ച്ചു​കൊണ്ട്‌ ലോക​ക്കാ​രായ ആളുകൾ തങ്ങളുടെ അനുയാ​യി​കളെ തങ്ങളോ​ടൊ​പ്പം പിടിച്ചു നിറു​ത്തി​യേ​ക്കാം. എന്നാൽ ആസന്നമാ​യി​രി​ക്കുന്ന നാശത്തിൽനിന്ന്‌ രക്ഷപെ​ടു​ന്ന​തി​നു​ളള ഒരേ ഒരു മാർഗ്ഗം ദൈവ​ത്തി​ന്റെ മുന്നറി​യി​പ്പിൻ ദൂതിന്‌ ചെവി​കൊ​ടു​ക്കുക എന്നതാണ്‌. ഇതിൽ യോനാ​പ്ര​വാ​ച​കന്റെ നാളിലെ നിന​വേ​ക്കാർ നാം മനസ്സിൽ പിടി​ക്കേണ്ട ഒരു മാതൃക വച്ചു.

“യോനാ​യു​ടെ പ്രസം​ഗ​ത്തി​ങ്കൽ അവർ അനുത​പി​ച്ചു”

8. യോന ദൈവ​ത്തിൽ നിന്നുളള മുന്നറി​യിപ്പ്‌ നൽകി​യ​പ്പോൾ നിന​വേ​ക്കാർ എങ്ങനെ​യാണ്‌ ജ്ഞാനം പ്രകട​മാ​ക്കി​യത്‌, എന്തു ഫലങ്ങ​ളോ​ടെ?

⁸ പൊ. യു. മു. ഒൻപതാം നൂററാ​ണ്ടിൽ അസ്സീറി​യ​യു​ടെ തലസ്ഥാ​ന​മായ നിന​വേ​യി​ലെ ആളുക​ളോട്‌ അവരുടെ ദുഷ്ടത നിമിത്തം നിനവേ നശിപ്പി​ക്ക​പ്പെ​ടാൻ പോകു​ന്നു എന്ന്‌ പ്രഖ്യാ​പി​ക്കാൻ യഹോവ യോനാ​യെ നിയോ​ഗി​ച്ചു. നാൽപ്പതു ദിവസ​ത്തി​നകം അവർ നശിച്ചു​പോ​കു​മെന്ന്‌ യോന മുന്നറി​യിപ്പ്‌ കൊടു​ത്ത​പ്പോൾ അവർ എങ്ങനെ​യാണ്‌ പ്രതി​ക​രി​ച്ചത്‌? പരിഹ​സി​ക്കു​ന്ന​തി​നു പകരം അവർ “ദൈവ​ത്തിൽ വിശ്വ​സി​ക്കു​ക​യും ഒരു ഉപവാസം പ്രഖ്യാ​പി​ക്കു​ക​യും ചാക്കു​വ​സ്‌ത്രം ധരിക്കു​ക​യും ചെയ്‌തു.” രാജാവു പോലും അതിൽ പങ്കു​ചേ​രു​ക​യും ദൈവത്തെ വിളി​ച്ച​പേ​ക്ഷി​ക്കാ​നും ദുർമ്മാർഗ്ഗ​വും അക്രമ​പ്ര​വർത്ത​ന​ങ്ങ​ളും വിട്ടക​ലാ​നും എല്ലാവ​രെ​യും ഉൽസാ​ഹി​പ്പി​ക്കു​ക​യും ചെയ്‌തു. “നാം നശിപ്പി​ക്ക​പ്പെ​ടാ​തി​രി​ക്കാൻ തക്കവണ്ണം സത്യ​ദൈവം അവന്റെ ജ്വലി​ക്കുന്ന കോപം വിട്ടക​ലു​മോ എന്ന്‌ ആർക്കറി​യാം” എന്ന്‌ അയാൾ ന്യായ​വാ​ദം ചെയ്‌തു. അവർ തങ്ങളുടെ  ദുർമ്മാർഗ്ഗം ഉപേക്ഷി​ച്ച​തു​കൊണ്ട്‌ യഹോവ അവരോട്‌ കരുണ കാണിച്ചു. അവരുടെ ജീവൻ സംരക്ഷി​ക്ക​പ്പെട്ടു.—യോന 3:2-10.

9, 10. (എ) എന്തിലാണ്‌ നിന​വേ​ക്കാർ അനുക​രി​ക്കാൻ കൊള​ളാ​വുന്ന മാതൃ​ക​യാ​ണെന്ന്‌ യേശു പറഞ്ഞത്‌? (ബി) ഇന്ന്‌ ആരാണ്‌ നിന​വേ​ക്കാ​രെ​പ്പോ​ലെ ആയിരി​ക്കു​ന്നത്‌?

⁹ അവിശ്വാ​സി​ക​ളായ യഹൂദൻമാർക്ക്‌ ഒരു ശാസന എന്ന നിലയിൽ പൊ. യു. ഒന്നാം നൂററാ​ണ്ടിൽ ഇപ്രകാ​രം പറഞ്ഞു​കൊണ്ട്‌ ആ ചരിത്ര സംഭവ​ത്തി​ലേക്ക്‌ യേശു ശ്രദ്ധ ക്ഷണിച്ചു: “നിന​വേ​ക്കാർ ന്യായ​വി​ധി​യിൽ ഈ തലമു​റ​യോ​ടൊ​പ്പം എഴു​ന്നേ​ററ്‌ അതിനെ കുററം വിധി​ക്കും; എന്തു​കൊ​ണ്ടെ​ന്നാൽ അവർ യോനാ​യു​ടെ പ്രസംഗം കേട്ട്‌ മാനസാ​ന്ത​ര​പ്പെട്ടു, എന്നാൽ നോക്കു! യോനാ​യി​ലും വലിയവൻ ഇവി​ടെ​യുണ്ട്‌.”—മത്തായി 12:41.

¹⁰ നമ്മുടെ നാളിനെ സംബന്ധി​ച്ചെന്ത്‌? ആരെങ്കി​ലും അത്തരം അനുതാ​പം പ്രകട​മാ​ക്കു​ന്നു​ണ്ടോ? ഉവ്വ്‌; നിന​വേ​ക്കാ​രെ​പ്പോ​ലെ ബൈബി​ളി​ലെ ദൈവത്തെ ആരാധി​ക്കു​ന്ന​താ​യി ഒരിക്ക​ലും അവകാ​ശ​പ്പെ​ട്ടി​ട്ടി​ല്ലാ​ത്ത​വ​രും എന്നാൽ ഇപ്പോൾ യഹോ​വ​യു​ടെ മുന്നറി​യി​പ്പിൻ ദൂതിന്‌ ചെവി​കൊ​ടു​ക്കു​ന്ന​വ​രു​മായ അനേകാ​യി​രങ്ങൾ ഇന്ന്‌ ലോക​ത്തി​ലെ​ല്ലാ​യി​ട​ത്തു​മാ​യി​ട്ടുണ്ട്‌. ഈ ലോക​ത്തിൻമേൽ എന്തു​കൊ​ണ്ടാണ്‌ നാശം വരുന്നത്‌ എന്ന്‌ മനസ്സി​ലാ​ക്കു​മ്പോൾ അവർ ദൈവ​ത്തി​ന്റെ കരുണ തേടുന്നു. തങ്ങളുടെ മുൻജീ​വി​ത​ഗതി സംബന്ധിച്ച്‌ അവരുടെ മനസ്സി​നും ഹൃദയ​ത്തി​നും യഥാർത്ഥ മാററ​മുണ്ട്‌; ഇപ്പോൾ അവർ “അനുതാ​പ​ത്തിന്‌ യോജ്യ​മായ പ്രവൃ​ത്തി​കൾ” ചെയ്യുന്നു. (പ്രവൃ​ത്തി​കൾ 26:20; റോമർ 2:4 കൂടെ കാണുക.) അവരി​ലൊ​രാ​ളാ​യി​രി​ക്കാൻ നിങ്ങൾക്ക്‌ ആഗ്രഹ​മു​ണ്ടോ? ഉണ്ടെങ്കിൽ ഒട്ടും താമസി​ക്ക​രുത്‌.

സമാധാ​ന​ത്തി​ലാ​കാൻ അടിയ​ന്തി​ര​മാ​യി ശ്രമി​ക്കു​ക

11. (എ) ഗിബെ​യോ​ന്യ​രു​ടെ പശ്ചാത്തലം എന്തായി​രു​ന്നു? (ബി) അവർ യിസ്രാ​യേ​ലു​മാ​യി സമാധാ​ന​ത്തിന്‌ അപേക്ഷി​ച്ച​തെ​ന്തു​കൊണ്ട്‌?

¹¹ തങ്ങളുടെ ജീവൻ സംരക്ഷി​ക്ക​പ്പെ​ടേ​ണ്ട​തിന്‌ യോശു​വ​യു​ടെ നാളിലെ ഗിബെ​യോ​ന്യ​രും ജ്ഞാനപൂർവം നടപടി സ്വീക​രി​ച്ചു. കനാന്യ​രാ​യി​രുന്ന അവരുടെ ജീവി​ത​ഗതി അധാർമ്മി​ക​വും ഭൗതി​ക​ത്വ​പ​ര​വും വിഗ്ര​ഹാ​രാ​ധ​നാ​പ​ര​വും ഭൂതസ്വാ​ധീ​ന​ത്തി​ലു​ള​ള​തു​മാ​യി​രു​ന്നു. അവരെ നശിപ്പി​ക്കാൻ യഹോവ കൽപ്പി​ച്ചി​രു​ന്നു. നാൽപ്പതു വർഷം മുൻപ്‌ യഹോവ യിസ്രാ​യേ​ല്യ​രെ ഈജി​പ്‌റ​റിൽനിന്ന്‌ വിടു​വി​ച്ച​തെ​ങ്ങ​നെ​യെ​ന്നും യോർദ്ദാ​നു കിഴക്കു​ളള ശക്തരായ അമോര്യ രാജാ​ക്കൻമാർക്ക്‌ അവർക്കെ​തി​രെ പിടി​ച്ചു​നിൽക്കാൻ കഴിഞ്ഞി​ല്ലെ​ന്നും ഗിബെ​യോ​ന്യർക്ക്‌ അറിയാ​മാ​യി​രു​ന്നു. യന്ത്രമു​ട്ടി​ക​ളു​ടെ​യൊ​ന്നും സഹായം കൂടാതെ യെരീ​ഹോ​യു​ടെ കനത്ത മതിലു​കൾ യിസ്രാ​യേ​ല്യ​രു​ടെ  മുമ്പിൽ നിലം​പ​രി​ചാ​യി എന്നും ഹായി​പ്പ​ട്ടണം ഒരു കുപ്പക്കു​ന്നാ​യി എന്നും എല്ലാവർക്കും അറിയാ​മാ​യി​രു​ന്നു. (യോശുവ 9:3, 9, 10) ഗിബെ​യോൻ നഗരത്തി​ലെ നിവാ​സി​കൾ ജീവ​നോ​ടി​രി​ക്കാൻ ആഗ്രഹി​ച്ചു, എന്നാൽ യിസ്രാ​യേ​ലി​ന്റെ ദൈവ​ത്തി​നെ​തി​രെ ഒരു യുദ്ധത്തിൽ തങ്ങൾക്ക്‌ ജയിക്കാ​നാ​വില്ല എന്നും അവർ മനസ്സി​ലാ​ക്കി. പെട്ടെ​ന്നു​തന്നെ എന്തെങ്കി​ലും ചെയ്യേ​ണ്ടി​യി​രു​ന്നു. എന്നാൽ എന്ത്‌? തങ്ങളോട്‌ ഒരു സന്ധി ചെയ്യാൻ യിസ്രാ​യേ​ലി​നെ നിർബ​ന്ധി​ക്കാൻ അവർക്ക്‌ കഴിയു​മാ​യി​രു​ന്നില്ല. എന്നാൽ എങ്ങനെ​യെ​ങ്കി​ലും സന്ധിയി​ലാ​കാൻ ശ്രമി​ക്കേ​ണ്ട​താ​ണെന്ന്‌ അവർ വിചാ​രി​ച്ചു. എങ്ങനെ?

12. (എ) വഞ്ചന പ്രയോ​ഗി​ച്ചി​ട്ടും ഗിബെ​യോ​ന്യർ നശിപ്പി​ക്ക​പ്പെ​ടാ​ഞ്ഞത്‌ എന്തു​കൊണ്ട്‌? (ബി) അവർക്ക്‌ എന്തു മാററങ്ങൾ വരു​ത്തേണ്ടി വന്നു, അവർക്ക്‌ എന്തു ജോലി​യാണ്‌ നൽക​പ്പെ​ട്ടത്‌?

¹² പ്രത്യ​ക്ഷ​ത്തിൽ വളരെ ദീർഘ​ദൂ​രം യാത്ര​ചെ​യ്‌തു വന്നവ​രെന്ന്‌ തോന്നി​ക്കുന്ന ആളുകളെ യോശു​വ​യു​ടെ അടുക്കൽ അയച്ചു​കൊണ്ട്‌ അവർ ബുദ്ധി​പൂർവം പ്രവർത്തി​ച്ചു. തങ്ങൾ വിദൂ​ര​ദേ​ശ​ത്തു​നി​ന്നു​ള​ള​വ​രാ​ണെ​ന്നും യഹോവ ചെയ്‌ത വൻകാ​ര്യ​ങ്ങ​ളെ​ക്കു​റിച്ച്‌ തങ്ങൾ കേട്ടി​രി​ക്കു​ന്നു​വെ​ന്നും ജനത്തിന്റെ പ്രതി​നി​ധി​ക​ളെ​ന്ന​നി​ല​യിൽ തങ്ങളോട്‌ ഒരു സന്ധി ചെയ്യണ​മെ​ന്നും തങ്ങൾ അടിമ​ക​ളാ​യി​രി​ക്കാൻ ഒരുക്ക​മാ​ണെ​ന്നും അവർ യോശു​വയെ സമീപി​ച്ചു പറഞ്ഞു. യോശു​വ​യും യിസ്രാ​യേ​ലി​ലെ പ്രമാ​ണി​മാ​രും അതിനു സമ്മതിച്ചു. പിന്നീട്‌ ഈ വഞ്ചന വെളി​ച്ച​ത്താ​യ​പ്പോൾ തങ്ങളുടെ പ്രാണൻ സംബന്ധിച്ച്‌ ഭയപ്പെ​ട്ട​തു​കൊ​ണ്ടാണ്‌ അങ്ങനെ ചെയ്‌തത്‌ എന്ന്‌ അവർ താഴ്‌മ​യോ​ടെ ഏററു പറയു​ക​യും തങ്ങളോട്‌ ആവശ്യ​പ്പെ​ടുന്ന എന്തും ചെയ്യാൻ തങ്ങൾ ഒരുക്ക​മാ​ണെന്ന്‌ പ്രകട​മാ​ക്കു​ക​യും ചെയ്‌തു. (യോശുവ 9:4-25) യഹോവ ഇതെല്ലാം നിരീ​ക്ഷി​ക്കു​ന്നു​ണ്ടാ​യി​രു​ന്നു. അവൻ വഞ്ചിക്ക​പ്പെ​ട്ടില്ല. നേരത്തെ മോവാ​ബ്യർ ചെയ്‌ത​തു​പോ​ലെ ഇവർ തന്റെ ജനത്തെ ദുഷി​പ്പി​ക്കാൻ ശ്രമി​ക്ക​യില്ല എന്ന്‌ അവന്‌ കാണാൻ കഴിഞ്ഞു, തുടർന്ന്‌ ജീവി​ച്ചി​രി​ക്കാ​നു​ളള അവരുടെ അതിയായ ആഗ്രഹത്തെ അവൻ വിലമ​തി​ക്കു​ക​യും ചെയ്‌തു. അതു​കൊണ്ട്‌ ലേവ്യ​രു​ടെ കീഴിൽ വിറകു ശേഖരി​ക്കു​ക​യും വെളളം കോരു​ക​യും ചെയ്യു​ന്ന​വ​രാ​യി അങ്ങനെ സത്യാ​രാ​ധ​നക്ക്‌ പിന്തുണ കൊടു​ക്കു​ന്ന​തി​നു​വേണ്ടി പ്രവർത്തി​ക്കാ​നു​ളള നിയോ​ഗം അവർക്കു നൽക​പ്പെ​ടാൻ അവൻ അനുവ​ദി​ച്ചു. അത്തരം സേവന​ത്തിന്‌ യോഗ്യ​രാ​യി​രി​ക്കാൻ അവർ തീർച്ച​യാ​യും അവരുടെ മുമ്പേ​യു​ളള അശുദ്ധ​മായ ആചാരങ്ങൾ ഉപേക്ഷി​ക്കേ​ണ്ടി​യി​രു​ന്നു.—യോശുവ 9:27; ലേവ്യാ​പു​സ്‌തകം 18:26-30.

13. (എ) ഗിബെ​യോ​ന്യ​രെ സംബന്ധിച്ച പ്രാവ​ച​നിക നാടക​ത്തിൽ നിന്ന്‌ നമുക്ക്‌ എങ്ങനെ പ്രയോ​ജനം അനുഭ​വി​ക്കാം? (ബി) വലിപ്പ​മേ​റിയ യോശു​വ​യാൽ സംരക്ഷി​ക്ക​പ്പെ​ടു​ന്ന​തിന്‌ ഇന്ന്‌ ആളുക​ളു​ടെ ഭാഗത്ത്‌ എന്താണ്‌ ആവശ്യ​മാ​യി​രി​ക്കു​ന്നത്‌?

¹³ നാം അന്ത്യനാ​ളു​ക​ളു​ടെ അവസാ​ന​ത്തോട്‌ അടുത്തു ജീവി​ക്കു​ന്നു  എന്ന വസ്‌തു​ത​യു​ടെ വീക്ഷണ​ത്തിൽ അതിജീ​വി​ക്കാ​നാ​ഗ്ര​ഹി​ക്കുന്ന എല്ലാവ​രും ഒട്ടും വൈകാ​തെ​യും തികഞ്ഞ ആത്‌മാർത്ഥ​ത​യോ​ടെ​യും നടപടി സ്വീക​രി​ക്കു​ന്നത്‌ ജീവൽപ്ര​ധാ​ന​മാണ്‌. യോശു​വയെ കബളി​പ്പി​ച്ച​തു​പോ​ലെ യഹോ​വ​യു​ടെ നീതി​നിർവ്വാ​ഹ​ക​നായ യേശു​ക്രി​സ്‌തു​വി​നെ കബളി​പ്പി​ക്കാ​നാ​വില്ല. അത്തരം ആളുകൾക്ക്‌ നാശത്തിൽനിന്ന്‌ രക്ഷപെ​ടാൻ കഴിയ​ത്ത​ക്ക​വണ്ണം അവനു​മാ​യി ഒരു ക്രമീ​ക​ര​ണ​ത്തിൽ വരാൻ കഴിയുന്ന ഏക മാർഗ്ഗം സത്യ​ദൈ​വ​മായ യഹോ​വ​യി​ലു​ളള അവരുടെ വിശ്വാ​സം പരസ്യ​മാ​യി പ്രഖ്യാ​പി​ക്കുക എന്നത്‌ മാത്ര​മാണ്‌. (പ്രവൃ​ത്തി​കൾ 2:17-21 താരത​മ്യം ചെയ്യുക.) അവർ ദൈവം യേശു​ക്രി​സ്‌തു​വിന്‌ നിയോ​ഗി​ച്ചു​കൊ​ടു​ത്തി​രി​ക്കുന്ന സ്ഥാനങ്ങ​ളിൽ അവനെ അംഗീ​ക​രി​ക്കു​ക​യും അതിനു​ശേഷം നാശത്തി​നു വിധി​ക്ക​പ്പെട്ട ഈ ലോക​ത്തി​ന്റെ വഴികളെ സ്‌നേ​ഹി​ക്കാ​ത്ത​വ​രെന്ന നിലയിൽ ജീവി​ക്കു​ക​യും വേണം. തുടർന്ന്‌ ദൈവ​ജ​ന​ത്തി​ന്റെ സഭയോ​ടു​ളള ബന്ധത്തിൽ ദൈവ​ത്തിന്‌ വിശുദ്ധ സേവനം അർപ്പി​ക്കു​ക​യും അവന്റെ എളിയ ദാസരാ​യി​ത്തീ​രു​ക​യും വേണം.—യോഹ​ന്നാൻ 17:16; വെളി​പ്പാട്‌ 7:14, 15.

14. യഹോവ ശത്രു​സൈ​ന്യ​ങ്ങ​ളിൽനിന്ന്‌ ഗിബെ​യോ​ന്യ​രെ രക്ഷിച്ചത്‌ നമുക്ക്‌ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

¹⁴ ഗിബെ​യോ​ന്യർ യഹോ​വ​യു​ടെ ജനത്തിന്റെ പക്ഷത്തു നിലയു​റ​പ്പി​ച്ച​യു​ടനെ അവർ വലിയ സമ്മർദ്ദ​ത്തിൻ കീഴിൽ വന്നു. യിസ്രാ​യേ​ലി​നെ​തി​രെ ഗിബെ​യോ​ന്യർ തങ്ങളുടെ പക്ഷത്തു നിലയു​റ​പ്പി​ക്കാൻ അവരെ നിർബ​ന്ധി​ക്കു​ന്ന​തിന്‌ അഞ്ച്‌ അമോര്യ രാജാ​ക്കൻമാർ ഗിബെ​യോ​നെ ആക്രമി​ച്ചു. സഹായ​ത്തി​നു​വേണ്ടി ഗിബെ​യോ​ന്യർ അടിയ​ന്തി​ര​മാ​യി യോശു​വ​യു​ടെ അടു​ത്തേക്ക്‌ ദൂതൻമാ​രെ അയച്ചു, അവർക്ക്‌ അനുഭ​വ​വേ​ദ്യ​മായ വിടുതൽ ലോക​ച​രി​ത്ര​ത്തി​ലെ​ല്ലാം വച്ച്‌ ഏററം രംഗപ്പ​കി​ട്ടാർന്ന ഒന്നായി​രു​ന്നു. യഹോവ ശത്രു​ക്കളെ കുഴഞ്ഞ അവസ്ഥയി​ലാ​ക്കു​ക​യും ആകാശ​ത്തു​നിന്ന്‌ അവരു​ടെ​മേൽ വലിയ ഹിമക്ക​ട്ടകൾ വർഷി​ക്കു​ക​യും യിസ്രാ​യേ​ല്യർ ശത്രു​ക്കളെ പൂർണ്ണ​മാ​യി പരാജ​യ​പ്പെ​ടു​ത്തു​ന്ന​തു​വരെ അത്ഭുത​ക​ര​മാ​യി പകൽവെ​ളി​ച്ചം ദീർഘി​പ്പി​ച്ചു​കൊ​ടു​ക്കു​ക​യും ചെയ്‌തു. (യോശുവ 10:1-14) ഗിബെ​യോ​ന്യ​രു​ടെ വിടുതൽ ആഗോള യുദ്ധമായ അർമ്മ​ഗെ​ദ്ദോ​നിൽ സത്യ​ദൈ​വ​ത്തി​ന്റെ ആരാധ​ക​രു​ടെ ഒരു മഹാപു​രു​ഷാ​രം അതിലും അത്ഭുത​ക​ര​മാ​യി വിടു​വി​ക്ക​പ്പെ​ടു​ന്ന​തി​ന്റെ ഒരു പ്രാവ​ച​നിക മാതൃ​ക​യാ​യി​രു​ന്നു. ആ രക്ഷയിൽനിന്ന്‌ പ്രയോ​ജനം അനുഭ​വി​ക്കു​ന്ന​തി​നു​ളള അവസരം, ഇപ്പോൾ ജ്ഞാനപൂർവം പ്രവർത്തി​ക്കു​ന്നെ​ങ്കിൽ, എല്ലാ ജനതയി​ലും​പെട്ട ആളുകൾക്കുണ്ട്‌. നിങ്ങൾ ആ അവസരത്തെ പ്രയോ​ജ​ന​പ്പെ​ടു​ത്തു​ന്നു​ണ്ടോ?—വെളി​പ്പാട്‌ 7:9, 10.

[അധ്യയന ചോദ്യ​ങ്ങൾ]