അധ്യായം 8

സകല ജനതക​ളിൽനി​ന്നു​മു​ളള അതിജീ​വ​കർ

1. മനുഷ്യ​വർഗ്ഗ​ത്തി​ലെ “സകല കുടും​ബ​ങ്ങൾക്കും” ദൈവ​ത്തി​ന്റെ അംഗീ​കാ​രം ലഭിക്കുക സാദ്ധ്യ​മാണ്‌ എന്ന്‌ അബ്രഹാ​മി​നോ​ടു​ളള എന്തു വാഗ്‌ദത്തം പ്രകട​മാ​ക്കു​ന്നു?

 യഹോവ സകല ജനതക​ളി​ലെ​യും വർഗ്ഗങ്ങ​ളി​ലെ​യും ആളുക​ളിൽ സ്‌നേ​ഹ​പൂർവ്വ​ക​മായ താൽപ​ര്യ​മു​ള​ള​വ​നാണ്‌. ഭൂമി​യി​ലെ സകല കുടും​ബ​ങ്ങ​ളും അവന്റെ അംഗീ​കാ​ര​വും അനു​ഗ്ര​ഹ​വും ആസ്വദി​ക്കാൻ അവൻ കരുതൽ ചെയ്‌തി​രി​ക്കു​ന്നു. നോഹ​യു​ടെ പുത്ര​നായ ശേമിന്റെ ഒരു വംശജ​നാ​യി​രുന്ന അബ്രാ​മി​നോട്‌ (അബ്രഹാം) യഹോവ പറഞ്ഞു: “നിന്റെ ദേശ​ത്തെ​യും നിന്റെ ബന്ധുജ​ന​ങ്ങ​ളെ​യും നിന്റെ പിതൃ​ഭ​വ​ന​ത്തെ​യും വിട്ട്‌ ഞാൻ നിനക്കു കാണി​ച്ചു​ത​രുന്ന ദേശ​ത്തേക്കു പോക; ഞാൻ നിന്നെ ഒരു വലിയ ജനതയാ​ക്കും, ഞാൻ നിന്നെ അനു​ഗ്ര​ഹി​ക്കു​ക​യും നിന്റെ നാമം വലുതാ​ക്കു​ക​യും, നീ ഒരു അനു​ഗ്ര​ഹ​മാ​ണെന്ന്‌ തെളി​യു​ക​യും ചെയ്യും. നിന്നെ അനു​ഗ്ര​ഹി​ക്കു​ന്ന​വരെ ഞാൻ അനു​ഗ്ര​ഹി​ക്കും, നിന്നെ ശപിക്കു​ന്ന​വരെ ഞാൻ ശപിക്കും, നീ നിമിത്തം ഭൂമി​യി​ലെ സകല കുടും​ബ​ങ്ങ​ളും തങ്ങളെ​ത്തന്നെ അനു​ഗ്ര​ഹി​ക്കും.” (ഉൽപ്പത്തി 12:1-3; പ്രവൃ​ത്തി​കൾ 7:2-4) “ഭൂമി​യി​ലെ സകല കുടും​ബ​ങ്ങ​ളും”—നാം എവിടെ ജനിച്ചു​വെ​ന്നോ ഏതു ഭാഷ സംസാ​രി​ക്കു​ന്നു​വെ​ന്നോ കാര്യ​മാ​ക്കാ​തെ ഇന്ന്‌ നാമെ​ല്ലാം അതിൽ ഉൾപ്പെ​ടു​ന്നു.—സങ്കീർത്തനം 65:2.

2. (എ) അബ്രഹാ​മി​നെ​പ്പോ​ലെ ഏതു ഗുണം നമുക്കാ​വ​ശ്യ​മാണ്‌? (ബി) എബ്രായർ 11:8-10-ൽ പ്രകട​മാ​ക്ക​പ്പെ​ട്ടി​രി​ക്കുന്ന പ്രകാരം അബ്രഹാം എങ്ങനെ​യാണ്‌ ഈ ഗുണത്തി​ന്റെ തെളിവ്‌ നൽകി​യത്‌?

² ദൈവ​ത്തിൽനിന്ന്‌ ഇവിടെ വാഗ്‌ദാ​നം ചെയ്യ​പ്പെ​ട്ടി​രി​ക്കുന്ന അനു​ഗ്ര​ഹ​ങ്ങ​ളിൽ നാം പങ്കുപ​റ​റു​ന്ന​തിന്‌ നമുക്ക്‌ വിശ്വാ​സ​മു​ണ്ടാ​യി​രി​ക്കേ​ണ്ട​തു​പോ​ലെ തന്നെ യഹോവ ഈ വാഗ്‌ദാ​നങ്ങൾ ആർക്കു നൽകി​യോ ആ ഒരുവൻ വിശ്വാ​സ​മു​ളള ഒരു മനുഷ്യ​നാ​യി​രു​ന്നു. (യാക്കോബ്‌ 2:23; എബ്രായർ 11:6) അബ്രഹാ​മി​ന്റെ വിശ്വാ​സം വെറുതെ നിഷ്‌ക്രി​യ​മായ ഒരു വിശ്വാ​സ​മാ​യി​രു​ന്നില്ല മറിച്ച്‌ അതോ​ടൊ​പ്പം പ്രവൃ​ത്തി​യും ഉണ്ടായി​രു​ന്നു. അത്‌ മെസൊ​പ്പൊ​ത്താ​മ്യ​യിൽ  നിന്ന്‌ അതിനു മുമ്പ്‌ ഒരിക്ക​ലും കണ്ടിട്ടി​ല്ലാത്ത ഒരു വിദൂ​ര​ദേ​ശ​ത്തേക്ക്‌ അവൻ മാറി​പ്പാർക്കാൻ ഇടയാക്കി. ആ പ്രദേ​ശത്തെ നഗര രാജ്യ​ങ്ങ​ളോ​ടൊ​ന്നും ബന്ധപ്പെ​ടാ​തെ “വിശ്വാ​സ​ത്താൽ അവൻ വാഗ്‌ദത്ത ദേശത്ത്‌ ഒരു അന്യ​ദേ​ശത്ത്‌ എന്നപോ​ലെ വസിച്ചു. എന്തു​കൊ​ണ്ടെ​ന്നാൽ യഥാർത്ഥ അടിസ്ഥാ​ന​ങ്ങ​ളു​ള​ള​തും ദൈവം ശിൽപ്പി​യും നിർമ്മാ​താ​വു​മാ​യി​രി​ക്കു​ന്ന​തു​മായ നഗരത്തി​നാ​യി [ദൈവ​രാ​ജ്യം] അവൻ കാത്തി​രി​ക്കു​ക​യാ​യി​രു​ന്നു.”—എബ്രായർ 11:8-10.

3. ഇസഹാ​ക്കി​നോ​ടു​ളള ബന്ധത്തിൽ അബ്രഹാം വിശ്വാ​സ​ത്തി​ന്റെ ഏതു പരി​ശോ​ധ​ന​യെ​യാണ്‌ നേരി​ടേ​ണ്ടി​വ​ന്നത്‌?

³ അബ്രഹാ​മിന്‌ 100 വയസ്സും അവന്റെ ഭാര്യ​യായ സാറാ​യ്‌ക്ക്‌ 90 വയസ്സു​മാ​യ​പ്പോൾ യഹോവ അത്ഭുത​ക​ര​മാ​യി അവർക്ക്‌ ഒരു പുത്രനെ, ഇസഹാ​ക്കി​നെ, നൽകി അനു​ഗ്ര​ഹി​ച്ചു. ഈ പുത്ര​നോ​ടു​ളള ബന്ധത്തിൽ അബ്രഹാം ദൈവ​ത്തി​ലു​ളള തന്റെ വിശ്വാ​സ​ത്തി​ന്റെ​യും അവനോ​ടു​ളള അനുസ​ര​ണ​ത്തി​ന്റെ​യും അതിക​ഠി​ന​മായ ഒരു പരി​ശോ​ധ​നയെ നേരി​ടേ​ണ്ടി​വന്നു. യുവാ​വായ തന്റെ മകനെ മോറിയ എന്ന ദേശ​ത്തേക്ക്‌ കൊണ്ടു​പോ​യി അവിടെ ഒരു ദഹനയാ​ഗ​മാ​യി അർപ്പി​ക്കാൻ യഹോവ അബ്രഹാ​മി​നോട്‌ നിർദ്ദേ​ശി​ച്ചു. പുനരു​ത്ഥാ​ന​ത്തി​ലൂ​ടെ തന്റെ പുത്രനെ തിരികെ തരാനു​ളള ദൈവ​ത്തി​ന്റെ പ്രാപ്‌തി​യിൽ വിശ്വാ​സം അർപ്പി​ച്ചു​കൊണ്ട്‌ അബ്രഹാം ആ നിർദ്ദേശം അനുസ​രി​ക്കാൻ ഒരു​മ്പെട്ടു. (എബ്രായർ 11:17-19) തന്റെ പിതാ​വിന്‌ കീഴ്‌വ​ഴങ്ങി ബന്ധിക്ക​പ്പെട്ട നിലയിൽ ഇസഹാക്ക്‌ ബലിപീ​ഠ​ത്തിൽ കിടന്നു, അവനെ കൊല്ലു​വാൻ അബ്രഹാം കത്തി കൈയ്യി​ലെ​ടു​ത്തു, അപ്പോൾ യഹോ​വ​യു​ടെ ദൂതൻ ഇടപെട്ടു. അബ്രഹാം യാതൊ​ന്നും ദൈവ​ത്തിൽനിന്ന്‌ പിടി​ച്ചു​വ​യ്‌ക്കു​ക​യില്ല എന്നു തെളി​യി​ക്കാൻ അത്ര​ത്തോ​ള​മു​ളള പരി​ശോ​ധന മതിയാ​യി​രു​ന്നു. അതു​കൊണ്ട്‌ ബൈബിൾ പറയും​പ്ര​കാ​രം ദൈവം അബ്രഹാ​മു​മാ​യു​ളള തന്റെ ഉടമ്പടി ഉറപ്പിച്ചു:

4. ആ സന്ദർഭ​ത്തിൽ സകല ജനതക​ളി​ലെ​യും ആളുകളെ സംബന്ധിച്ച്‌ ദൈവം കൂടു​ത​ലായ എന്തു സുപ്ര​ധാന വാഗ്‌ദത്തം നൽകി?

⁴ “‘നീ ഈ കാര്യം ചെയ്‌തു, നിന്റെ ഏകജാ​ത​നായ പുത്രനെ തരുവാൻ മടികാ​ണി​ച്ചില്ല എന്ന കാരണ​ത്താൽ ഞാൻ നിശ്ചയ​മാ​യും നിന്നെ അനു​ഗ്ര​ഹി​ക്കും, നിന്റെ സന്തതിയെ ആകാശ​ത്തി​ലെ നക്ഷത്രങ്ങൾ പോ​ലെ​യും കടൽക്ക​ര​യി​ലെ മണൽപോ​ലെ​യും അത്യന്തം വർദ്ധി​പ്പി​ക്കും; നിന്റെ സന്തതി ശത്രു​ക്ക​ളു​ടെ പട്ടണങ്ങളെ കൈവ​ശ​മാ​ക്കും. നീ എന്റെ വാക്കു അനുസ​രി​ച്ച​തു​കൊണ്ട്‌ നിന്റെ സന്തതി മുഖാ​ന്തരം ഭൂമി​യി​ലു​ളള സകല ജനതക​ളും തങ്ങളെ തന്നെ അനു​ഗ്ര​ഹി​ക്കും’ എന്ന്‌ ‘ഞാൻ എന്നെ​ക്കൊ​ണ്ടു​തന്നെ സത്യം ചെയ്‌തി​രി​ക്കു​ന്നു’ എന്ന്‌ യഹോവ അരുളി​ച്ചെ​യ്യു​ന്നു.”—ഉൽപ്പത്തി 22:15-18.

5. (എ) അബ്രഹാം യിസഹാ​ക്കി​നെ ബലി ചെയ്യാൻ ശ്രമി​ച്ച​തി​നാൽ എന്തു മുൻനി​ഴ​ലാ​ക്ക​പ്പെട്ടു? (ബി) ഉൽപ്പത്തി 12:3-ന്റെ നിവൃ​ത്തി​യാ​യി ആളുകൾ എങ്ങനെ​യാണ്‌ വലിപ്പ​മേ​റിയ അബ്രഹാ​മി​നെ ‘ശപിക്കു​ന്നത്‌’, എന്തു ഫലത്തോ​ടെ? (സി) നമുക്ക്‌ എങ്ങനെ അവനെ “സ്‌തു​തി​ക്കാൻ” കഴിയും?

 ⁵ വലിപ്പ​മേ​റിയ അബ്രഹാം യഹോ​വ​യാ​ണെ​ന്നും ഇസഹാക്ക്‌ യേശു​ക്രി​സ്‌തു​വി​നെ മുൻനി​ഴ​ലാ​ക്കി​യെ​ന്നും നാം തിരി​ച്ച​റി​യു​മ്പോൾ ഈ സംഭവങ്ങൾ നമുക്ക്‌ വ്യക്തി​പ​ര​മാ​യി പ്രാധാ​ന്യ​മു​ള​ള​വ​യാ​യി​രി​ക്കു​ന്ന​തെ​ങ്ങ​നെ​യെന്ന്‌ നമുക്ക്‌ വിലമ​തി​ക്കാൻ കഴിയും. വാസ്‌ത​വ​ത്തിൽ യഹോ​വ​യാം ദൈവ​ത്തോട്‌ നാം എങ്ങനെ പെരു​മാ​റു​ന്നു എന്നതാണ്‌ നമ്മുടെ ഭാവി നിർണ്ണ​യി​ക്കു​ന്നത്‌. അബ്രഹാം ഇസഹാ​ക്കി​നെ ബലിയർപ്പി​ക്കാൻ തയ്യാറാ​യ​തി​നാൽ ചിത്രീ​ക​രി​ക്ക​പ്പെട്ട പ്രകാരം ദൈവം തന്റെ ഏകജാ​ത​പു​ത്രനെ നമ്മുടെ പാപങ്ങൾക്കു​വേണ്ടി ഒരു ബലിയാ​യി അർപ്പി​ച്ച​തി​നാൽ നമുക്ക്‌ നിത്യ​ജീ​വന്റെ പ്രത്യാശ സാദ്ധ്യ​മാ​ക്കി​ത്തീർത്തി​രി​ക്കു​ന്നു. (യോഹ​ന്നാൻ 3:16) ‘യഹോ​വയെ ശപിക്കു​ന്ന​തിൽ’ തുടരു​ക​യോ അല്ലെങ്കിൽ അവന്റെ സ്‌നേ​ഹ​പൂർവ​ക​മായ ഉദ്ദേശ്യ​ങ്ങളെ നിസ്സാ​രീ​ക​രി​ക്കു​ക​യോ ചെയ്യുന്ന ഏതൊ​രു​വ​നും അവന്റെ നിത്യ​നാ​ശത്തെ അർത്ഥമാ​ക്കുന്ന ഒരു ശാപത്തിൻ കീഴിൽ വരും. (1 ശമുവേൽ 3:12-14; 2:12 താരത​മ്യം ചെയ്യുക.) എന്നാൽ നാം വിലമ​തി​പ്പു​ള​ള​വ​രാ​ണെ​ങ്കിൽ നാം വലിപ്പ​മേ​റിയ അബ്രഹാ​മി​നെ “സ്‌തു​തി​ക്കും.” എങ്ങനെ? തന്റെ പുത്ര​നി​ലൂ​ടെ​യു​ളള അനർഹ​ദാ​ന​മായ ജീവൻ ഉൾപ്പെടെ എല്ലാ നൻമക​ളും യഹോ​വ​യിൽനിന്ന്‌ വരുന്നു എന്ന്‌ അംഗീ​ക​രി​ക്കു​ന്ന​തി​നാൽ തന്നെ. കൂടാതെ യഹോ​വ​യു​ടെ നൻമ​യെ​ക്കു​റി​ച്ചും അവന്റെ രാജത്വ​ത്തി​ന്റെ മഹൽഗു​ണ​ങ്ങ​ളെ​ക്കു​റി​ച്ചും നാം മററു​ള​ള​വ​രോട്‌ പറയും. (യാക്കോബ്‌ 1:17; സങ്കീർത്തനം 145:7-13) അതുവഴി അവനിൽനിന്ന്‌ എന്നന്നേ​ക്കും അനു​ഗ്ര​ഹങ്ങൾ പ്രാപി​ക്കാ​നു​ളള നിരയിൽ നാം നമ്മെത്തന്നെ ആക്കി​വെ​ക്കും.

അബ്രഹാ​മി​ന്റെ വാഗ്‌ദത്ത“സന്തതി”

6. (എ) അബ്രഹാ​മി​ന്റെ “സന്തതി”യിലെ മുഖ്യൻ ആരാണ്‌? (ബി) അവൻ മുഖാ​ന്തരം വരുന്ന അനു​ഗ്രഹം നമുക്ക്‌ എങ്ങനെ പ്രാപി​ക്കാൻ കഴിയും?

⁶ മനുഷ്യ​വർഗ്ഗത്തെ അനു​ഗ്ര​ഹി​ക്കാ​നു​ളള തന്റെ ക്രമീ​ക​ര​ണ​ത്തി​ന്റെ ഭാഗമാ​യി നീതി​യു​ളള ഒരു സ്വർഗ്ഗീയ ഗവൺമെൻറ്‌ സ്ഥാപി​ക്കാൻ യഹോവ ഉദ്ദേശി​ച്ചു. അബ്രഹാ​മി​ന്റെ ഒരു അനന്തര​ഗാ​മി​യാ​യി, അവന്റെ വംശത്തി​ലെ മുഖ്യൻ അല്ലെങ്കിൽ “സന്തതി”യായി യേശു​ക്രി​സ്‌തു ജനിച്ചു; അവനാണ്‌ യഹോവ രാജത്വം നൽകി​യി​രി​ക്കു​ന്നത്‌. (ഗലാത്യർ 3:16; മത്തായി 1:1) അബ്രഹാ​മി​നോ​ടു​ളള യഹോ​വ​യു​ടെ സ്വന്തം ആണയിട്ട വചനം സൂചി​പ്പിച്ച പ്രകാരം യേശു​ക്രി​സ്‌തു​വി​ലൂ​ടെ​യാണ്‌  ഭൂമി​യി​ലെ സകല ജനതക​ളി​ലെ​യും ആളുകൾ അനു​ഗ്ര​ഹി​ക്ക​പ്പെ​ടു​ന്നത്‌. നിങ്ങൾക്കു​വേണ്ടി ആ അനു​ഗ്രഹം സമ്പാദി​ക്കാൻ ആവശ്യ​മാ​യത്‌ നിങ്ങൾ ചെയ്യു​ന്നു​ണ്ടോ? ഉദാഹ​ര​ണ​ത്തിന്‌ യേശു​ക്രി​സ്‌തു​വി​ന്റെ ജീവൻ ബലി​ചെ​യ്യ​പ്പെ​ട്ടത്‌ നിങ്ങളെ സംബന്ധി​ച്ചി​ട​ത്തോ​ളം എത്ര പ്രധാ​ന​മാ​ണെന്ന്‌ നിങ്ങൾ വിലമ​തി​ക്കു​ന്നു​വെന്ന്‌ നിങ്ങളു​ടെ ജീവി​ത​ഗതി പ്രകട​മാ​ക്കു​ന്നു​ണ്ടോ? രാജാ​വെന്ന നിലയി​ലു​ളള അവന്റെ അധികാ​ര​ത്തിന്‌ നിങ്ങൾ യഥാർത്ഥ​ത്തിൽ കീഴട​ങ്ങു​ന്നു​ണ്ടോ?—യോഹ​ന്നാൻ 3:36; പ്രവൃ​ത്തി​കൾ 4:12.

7. (എ) “അബ്രഹാ​മി​ന്റെ സന്തതി”യിൽ മററ്‌ ആരും കൂടെ ഉൾപ്പെ​ട്ടി​രി​ക്കു​ന്നു? (ബി) ദൈവത്തെ വിശ്വ​സ്‌ത​ത​യോ​ടെ സേവി​ക്കുന്ന എല്ലാവ​രും സ്വർഗ്ഗ​ത്തി​ലേക്കു പോകു​ന്നില്ല എന്ന്‌ നമു​ക്കെ​ങ്ങനെ അറിയാം?

⁷ അപ്പോ​സ്‌ത​ല​നായ യോഹ​ന്നാന്‌ സ്വർഗ്ഗീയ സംഭവ​ങ്ങ​ളു​ടെ ഒരു പ്രാവ​ച​നിക പൂർവ്വ​വീ​ക്ഷണം ലഭിച്ചു. അതിൽ യേശു​വി​നോട്‌ ബന്ധപ്പെട്ട മററു​ള​ള​വരെ സ്വർഗ്ഗീയ സീയോൻ മലയിൽ അവൻ കണ്ടു. അവരും “അബ്രഹാ​മി​ന്റെ സന്തതി”യുടെ ഭാഗമാണ്‌. വെളി​പ്പാട്‌ 14:1-5 പ്രസ്‌താ​വി​ച്ചി​രി​ക്കുന്ന പ്രകാരം അവർ “മനുഷ്യ​വർഗ്ഗ​ത്തിൽനിന്ന്‌ വിലയ്‌ക്കു വാങ്ങ​പ്പെ​ട്ട​വ​രാണ്‌”, അവരുടെ എണ്ണം 1,44,000 ആണ്‌. (ഗലാത്യർ 3:26-29) അവരിൽ ആരെല്ലാം ഉൾപ്പെ​ടു​ന്നു? നീതി​മാൻമാ​രായ എല്ലാവ​രെ​യും സ്വർഗ്ഗ​ത്തി​ലേക്ക്‌ കൊണ്ടു​പോ​വു​ക​യെ​ന്നത്‌ ഒരിക്ക​ലും ദൈവ​ത്തി​ന്റെ ഉദ്ദേശ്യ​മാ​യി​രു​ന്നി​ട്ടില്ല എന്ന്‌ ബൈബിൾ വളരെ വ്യക്തമാ​യി പറയുന്നു. (മത്തായി 11:11; പ്രവൃ​ത്തി​കൾ 2:34; സങ്കീർത്തനം 37:29) സ്വർഗ്ഗ​രാ​ജ്യ​ത്തിൽ ഓഹരി​ക്കാ​രാ​കു​ന്ന​തി​നു​ളള മഹത്തായ പദവി അവനോ​ടു​കൂ​ടെ രാജാ​ക്കൻമാ​രും പുരോ​ഹി​തൻമാ​രു​മാ​യി ഒരു ആയിരം വർഷ​ത്തേക്ക്‌ ഭരിക്കുന്ന ഒരു “ചെറിയ ആട്ടിൻകൂട്ട”ത്തിന്‌ പരിമി​ത​പ്പെ​ടു​ത്തി​യി​രി​ക്കു​ന്നു.—ലൂക്കോസ്‌ 12:32; വെളി​പ്പാട്‌ 5:9, 10; 20:6.

8. “ചെറിയ ആട്ടിൻകൂട്ട”ത്തിന്റെ തെര​ഞ്ഞെ​ടുപ്പ്‌ എന്നാരം​ഭി​ച്ചു, അത്‌ എത്ര കാല​ത്തേക്ക്‌ തുടരു​ന്നു?

⁸ ഈ “ചെറിയ ആട്ടിൻകൂട്ട”ത്തിന്റെ തെര​ഞ്ഞെ​ടുപ്പ്‌ എങ്ങനെ​യാണ്‌ നടക്കു​ന്നത്‌? സ്വർഗ്ഗീയ ഗവൺമെൻറിൽ ഓഹരി​ക്കാ​രാ​കാ​നു​ളള ദയാപൂർവ്വ​ക​മായ ക്ഷണം ആദ്യം സ്വാഭാ​വിക യിസ്രാ​യേ​ലി​നാണ്‌ വച്ചുനീ​ട്ട​പ്പെ​ട്ടത്‌. എന്നാൽ അവരുടെ വിശ്വാ​സ​രാ​ഹി​ത്യം നിമിത്തം 1,44,000-ത്തെ മുഴുവൻ അവരിൽനിന്ന്‌ ലഭിച്ചില്ല. അതു​കൊണ്ട്‌ ശമര്യ​രും പിന്നീട്‌ സകല ജനതക​ളിൽ നിന്നു​മു​ളള ആളുക​ളും ക്ഷണിക്ക​പ്പെട്ടു. (പ്രവൃ​ത്തി​കൾ 1:8) യേശു​വി​ന്റെ കൂട്ടവ​കാ​ശി​ക​ളിൽ ആദ്യത്തവർ പൊ. യു. 33-ലെ പെന്തെ​ക്കൊ​സ്‌തു ദിവസം പരിശു​ദ്ധാ​ത്മാ​വി​നാൽ അഭി​ഷേകം ചെയ്യ​പ്പെട്ടു. ദൈവ​ത്താൽ അംഗീ​ക​രി​ക്ക​പ്പെട്ട 1,44,000 പേരും മുദ്ര​യി​ട​പ്പെട്ടു കഴിയു​ന്ന​തു​വരെ  ഈ കൂട്ടത്തി​ന്റെ തെര​ഞ്ഞെ​ടുപ്പ്‌ തുടരു​ന്നു. പിന്നീട്‌ സ്വർഗ്ഗീയ ഗവൺമെൻറി​ന്റെ വിലമ​തി​പ്പു​ളള പ്രജക​ളാ​യി ഭൂമി​യിൽ ജീവി​ക്കാ​നു​ള​ള​വ​രു​ടെ കൂട്ടി​ച്ചേർക്ക​ലി​ലേക്ക്‌ ശ്രദ്ധ തിരി​ച്ചു​വി​ട​പ്പെ​ടു​ന്നു.

9. (എ) ബൈബി​ളി​ലെ ഏതു പദപ്ര​യോ​ഗങ്ങൾ ഈ സ്വർഗ്ഗീയ വർഗ്ഗത്തിന്‌ ബാധക​മാ​കു​ന്നു? (ബി) സ്വാഭാ​വിക യിസ്രാ​യേ​ലി​നാൽ മുൻനി​ഴ​ലാ​ക്ക​പ്പെ​ട്ടത്‌ ആരായി​രു​ന്നു?

⁹ ക്രിസ്‌തു​വി​നോ​ടു​കൂ​ടി സ്വർഗ്ഗീയ ഗവൺമെൻറിൽ അവകാ​ശി​ക​ളാ​യ​വരെ തിരു​വെ​ഴു​ത്തു​ക​ളിൽ “തെര​ഞ്ഞെ​ടു​ക്ക​പ്പെ​ട്ടവർ”, “വിശു​ദ്ധൻമാർ”, “ദൈവ​ത്താൽ അഭി​ഷേകം ചെയ്യ​പ്പെ​ട്ടവർ” എന്നൊക്കെ വിളി​ച്ചി​രി​ക്കു​ന്നു. (2 തിമൊ​ഥെ​യോസ്‌ 2:10; 1 കൊരി​ന്ത്യർ 6:1, 2; 2 കൊരി​ന്ത്യർ 1:21) സംയു​ക്ത​മാ​യി അവർ ക്രിസ്‌തു​വി​ന്റെ “മണവാട്ടി” എന്ന നിലയി​ലും വർണ്ണി​ക്ക​പ്പെ​ട്ടി​രി​ക്കു​ന്നു. (വെളി​പ്പാട്‌ 21:2, 9; എഫേസ്യർ 5:22-32) മററു നിലപാ​ടു​ക​ളിൽ നിന്ന്‌ വീക്ഷി​ക്ക​പ്പെ​ടു​മ്പോൾ അവർ ക്രിസ്‌തു​വി​ന്റെ “സഹോ​ദ​രൻമാർ” എന്നും “ക്രിസ്‌തു​വി​ന്റെ കൂട്ടവ​കാ​ശി​കൾ” എന്നും “ദൈവ​ത്തി​ന്റെ പുത്രൻമാർ” എന്നും വിളി​ക്ക​പ്പെ​ടു​ന്നു. (എബ്രായർ 2:10, 11; റോമർ 8:15-17; എഫേസ്യർ 1:5) അവർ ഏതു ദേശത്തു നിന്നു​ള​ള​വ​രാണ്‌ എന്നതു പരിഗ​ണി​ക്കാ​തെ, ആത്മീയ​മാ​യി പറഞ്ഞാൽ അവർ “ദൈവ​ത്തി​ന്റെ യിസ്രാ​യേൽ” ആണ്‌. (ഗലാത്യർ 6:16; റോമർ 2:28, 29; 9:6-8) ജഡിക യിസ്രാ​യേ​ലു​മാ​യു​ളള തന്റെ ഉടമ്പടി യഹോവ അവസാ​നി​പ്പി​ച്ച​പ്പോൾ അവൻ ആത്മീയ യിസ്രാ​യേ​ലി​നെ താനു​മാ​യി ഒരു പുതിയ ഉടമ്പടി​യി​ലേക്ക്‌ കൊണ്ടു​വന്നു. എന്നാൽ ജഡിക യിസ്രാ​യേൽ നിയമ​ത്തിൻ കീഴി​ലാ​യി​രു​ന്ന​പ്പോ​ഴത്തെ അവരോ​ടു​ളള അവന്റെ ഇടപെടൽ വരാനി​രി​ക്കുന്ന കാര്യ​ങ്ങ​ളു​ടെ ഒരു മാതൃക വച്ചു. (എബ്രായർ 10:1) അപ്പോൾ ഒരു “പ്രത്യേക സ്വത്തായി” ദൈവ​ത്താൽ തെര​ഞ്ഞെ​ടു​ക്ക​പ്പെട്ട ജഡിക യിസ്രാ​യേ​ലി​നാൽ മുൻനി​ഴ​ലാ​ക്ക​പ്പെ​ട്ടത്‌ ആരായി​രു​ന്നു? സ്വർഗ്ഗ​ത്തിൽ ക്രിസ്‌തു​വി​നോ​ടു​കൂ​ടെ ഭരിക്കാൻ ദൈവം തെര​ഞ്ഞെ​ടുത്ത ആത്മീയ യിസ്രാ​യേ​ലി​ലേ​ക്കാണ്‌ വസ്‌തു​തകൾ വിരൽ ചൂണ്ടു​ന്നത്‌. (പുറപ്പാട്‌ 19:5, 6; 1 പത്രോസ്‌ 1:3, 4; 2:9 എന്നിവ​യു​മാ​യി താരത​മ്യം ചെയ്യുക.) മനുഷ്യ​വർഗ്ഗ​ത്തി​ലെ അനുസ​ര​ണ​മു​ളള ശേഷം പേർക്ക്‌ അനു​ഗ്രഹം പ്രദാനം ചെയ്യാ​നു​ളള ഉപാധി അവരും ക്രിസ്‌തു​വും കൂടെ​യാ​യി​രി​ക്കും. ഇതിനെ വിലമ​തി​ക്കു​ന്നത്‌ ബൈബിൾ മനസ്സി​ലാ​ക്കാ​നു​ളള ഒരു താക്കോ​ലാണ്‌.

“സന്തതി” മുഖാ​ന്തരം അനു​ഗ്ര​ഹി​ക്ക​പ്പെ​ടു​ന്നവർ

10. യഹോ​വ​യു​ടെ യിസ്രാ​യേ​ല്യേ​തര ആരാധ​ക​രാൽ ചിത്രീ​ക​രി​ക്ക​പ്പെ​ട്ടത്‌ ആരായി​രു​ന്നു?

¹⁰ ദൈവം യിസ്രാ​യേൽ ജനതയു​മാ​യി ഒരു പ്രത്യേക വിധത്തിൽ ഇടപെ​ട്ടി​രുന്ന കാലത്തും ആ ജനതയിൽപെ​ടാ​ത്ത​വർക്ക്‌  യിസ്രാ​യേ​ലു​മാ​യി ബന്ധപ്പെട്ട്‌ സത്യാ​രാ​ധ​ന​യിൽ പങ്കു​ചേ​രാൻ ഹൃദ്‌​പ്രേരണ ഉണ്ടായി​രു​ന്നെ​ങ്കിൽ അങ്ങനെ​യു​ള​ള​വർക്കു​വേ​ണ്ടി​യും യഹോവ സ്‌നേ​ഹ​പൂർവം കരുതൽ ചെയ്‌തു. ബൈബിൾ രേഖയിൽ അവരെ​പ്പ​ററി ശ്രദ്ധേ​യ​മായ പരാമർശ​നങ്ങൾ നടത്തി​യി​ട്ടുണ്ട്‌. അവർക്കും ആധുനി​ക​കാല മറുഘ​ട​ക​ങ്ങ​ളു​ണ്ടോ? ഉവ്വ്‌, തീർച്ച​യാ​യും. ആത്മീയ യിസ്രാ​യേ​ലി​ന്റെ ഭാഗമ​ല്ലാ​ത്ത​വ​രും എന്നാൽ ദൈവ​രാ​ജ്യ​ത്തി​ന്റെ ഭൗമിക പ്രജക​ളെ​ന്ന​നി​ല​യിൽ നിത്യ​ജീ​വൻ ആസ്വദി​ക്കാ​നു​ളള അത്‌ഭു​ത​ക​ര​മായ പ്രതീക്ഷ വച്ചുപു​ലർത്തു​ന്ന​വ​രു​മാ​യ​വരെ അവർ അനേക വിധങ്ങ​ളിൽ ചിത്രീ​ക​രി​ക്കു​ന്നു. “സന്തതി” മുഖാ​ന്തരം “ഭൂമി​യി​ലെ സകല ജനതക​ളിൽ”നിന്നു​മു​ള​ളവർ തങ്ങളെ​ത്തന്നെ അനു​ഗ്ര​ഹി​ക്കു​മെന്ന്‌ ദൈവം അബ്രഹാ​മി​നോട്‌ ആരെപ്പ​ററി പറഞ്ഞു​വോ അവർ ഇവരാണ്‌.—ഉൽപ്പത്തി 22:18; ആവർത്തനം 32:43.

11. (എ) ശലോ​മോ​ന്റെ ആലയം സമർപ്പിച്ച വേളയിൽ ഈ കൂട്ട​ത്തെ​പ്പ​ററി എന്തു പരാമർശം നടത്ത​പ്പെട്ടു? (ബി) യെശയ്യാവ്‌ 56:6, 7-ൽ മുൻകൂ​ട്ടി​പ്പ​റ​യ​പ്പെ​ട്ട​പ്ര​കാ​രം നമ്മുടെ നാളു​ക​ളിൽ “അന്യജാ​തി​ക്കാർ” എങ്ങനെ​യാണ്‌ ‘യഹോ​വ​യോട്‌ ചേരു​ന്നത്‌’?

¹¹ മുഴു​മ​നു​ഷ്യ​വർഗ്ഗ​വും സത്യാ​രാ​ധ​ന​യിൽ ഏകീകൃ​ത​രാ​യി​രി​ക്കുക എന്നത്‌ എല്ലാക്കാ​ല​ത്തും ദൈവ​ത്തി​ന്റെ ഉദ്ദേശ്യ​മാ​യി​രു​ന്നി​ട്ടുണ്ട്‌. ഉചിത​മാ​യി യെരൂ​ശ​ലേ​മിൽ ശലോ​മോൻ പണിക​ഴി​പ്പിച്ച ആലയത്തി​ന്റെ സമർപ്പണ വേളയിൽ, യിസ്രാ​യേ​ല്യ​രോ​ടൊ​പ്പം സ്വീകാ​ര്യ​മായ ആരാധന സമർപ്പി​ക്കാൻ അന്വേ​ഷി​ച്ചു​വ​രുന്ന അന്യജാ​തി​ക്കാ​രു​ടെ പ്രാർത്ഥന യഹോവ കേൾക്ക​ണമേ എന്ന്‌ രാജാവ്‌ പ്രാർത്ഥി​ച്ചു. (2 ദിനവൃ​ത്താ​ന്തം 6:32, 33) കൂടാതെ യെശയ്യാവ്‌ 56:6, 7 വാക്യ​ങ്ങ​ളിൽ ദൈവം ഇപ്രകാ​രം വാഗ്‌ദത്തം ചെയ്‌തു: “യഹോ​വയെ സേവിച്ച്‌, അവന്റെ നാമത്തെ സ്‌നേ​ഹിച്ച്‌, അവന്റെ ദാസൻമാ​രാ​യി​രി​ക്കേ​ണ്ട​തിന്‌ യഹോ​വ​യോട്‌ ചേർന്നു​വ​രുന്ന അന്യജാ​തി​ക്കാ​രെ . . . ഞാൻ എന്റെ വിശുദ്ധ പർവത​ത്തി​ലേക്കു കൊണ്ടു​വ​രി​ക​യും അവർ എന്റെ പ്രാർത്ഥ​നാ​ല​യ​ത്തിൽ സന്തോ​ഷി​ക്കാ​നി​ട​യാ​ക്കു​ക​യും ചെയ്യും . . . എന്തു​കൊ​ണ്ടെ​ന്നാൽ എന്റെ ആലയം സകല ജനതകൾക്കു​മു​ളള പ്രാർത്ഥ​നാ​ലയം എന്നു വിളി​ക്ക​പ്പെ​ടും.” ഇവിടെ പ്രതി​പാ​ദി​ച്ചി​രി​ക്കുന്ന ആത്മാവ്‌ പ്രതി​ഫ​ലി​പ്പി​ച്ചു​കൊണ്ട്‌ ആധുനിക നാളിലെ “അന്യജാ​തി​ക്കാർ” വെറും നിരീ​ക്ഷ​ക​രാ​യി​ട്ടല്ല മറിച്ച്‌ ‘യഹോ​വ​യോട്‌ ചേരുന്ന’ വ്യക്തി​ക​ളാ​യിട്ട്‌ സകല ജനതക​ളിൽനി​ന്നും കൂട്ടി​ച്ചേർക്ക​പ്പെ​ട്ടു​കൊ​ണ്ടി​രി​ക്കു​ന്നു. തങ്ങളുടെ ജീവി​തത്തെ അവന്‌ സമർപ്പി​ക്കു​ന്ന​തി​നാ​ലും അതു ജലസ്‌നാ​ന​ത്താൽ ലക്ഷ്യ​പ്പെ​ടു​ത്തു​ന്ന​തി​നാ​ലും തുടർന്ന്‌ “യഹോ​വ​യു​ടെ നാമ​ത്തോ​ടും” അതു പ്രതി​നി​ധാ​നം ചെയ്യുന്ന സകല​ത്തോ​ടും ഉളള തങ്ങളുടെ സ്‌നേഹം പ്രകട​മാ​ക്കുന്ന ഒരു വിധത്തിൽ സേവി​ക്കു​ന്ന​തി​നാ​ലും അവർ അതു ചെയ്യുന്നു.—മത്തായി 28:19, 20.

12. ദൈവ​രാ​ജ്യ​ത്തി​ന്റെ ഭൗമിക പ്രജക​ളാ​യി​രി​ക്കാൻ പ്രതീ​ക്ഷി​ക്കു​ന്നവർ ആത്മീയ യിസ്രാ​യേ​ലി​നു ബാധക​മാ​കുന്ന സമുന്നത നിലവാ​ര​ങ്ങ​ളോട്‌ യോജി​പ്പിൽ വരേണ്ട​തു​ണ്ടോ​യെന്ന്‌ മോ​ശൈക നിയമം സൂചി​പ്പി​ക്കു​ന്ന​തെ​ങ്ങനെ?

 ¹² ആത്‌മാ​ഭി​ഷിക്ത ക്രിസ്‌ത്യാ​നി​ക​ളിൽനി​ന്നു​ള​ള​തി​നേ​ക്കാൾ ഒട്ടും കുറവ​ല്ലാത്ത വിശ്വ​സ്‌തത അവരുടെ ഭാഗത്തും ആവശ്യ​മാണ്‌. മോ​ശൈക നിയമ​ത്തിൻ കീഴിൽ സത്യാ​രാ​ധന ആചരി​ക്കുന്ന “വിദേ​ശി​കൾ” യിസ്രാ​യേ​ല്യർക്കു ബാധക​മാ​യി​രുന്ന അതേ നിയമം അനുസ​രി​ക്ക​ണ​മെന്ന്‌ യഹോവ ആവശ്യ​പ്പെട്ടു. (സംഖ്യാ​പു​സ്‌തകം 15:15, 16) അവർക്കി​ട​യി​ലു​ണ്ടാ​യി​രി​ക്കേണ്ട ബന്ധമാ​കട്ടെ വെറും സഹിഷ്‌ണു​ത​യാ​യി​രു​ന്നില്ല മറിച്ച്‌ യഥാർത്ഥ സ്‌നേ​ഹ​മാ​യി​രു​ന്നു. (ലേവ്യാ​പു​സ്‌തകം 19:34) അതു​പോ​ലെ യിസ്രാ​യേ​ല്യർക്കി​ട​യിൽ പാർത്ത വിദേ​ശി​ക​ളാൽ മുൻനി​ഴ​ലാ​ക്ക​പ്പെ​ട്ട​വ​രും തങ്ങളുടെ ജീവി​തത്തെ യഹോ​വ​യു​ടെ നിബന്ധ​ന​ക​ളോട്‌ പൂർണ്ണ യോജി​പ്പിൽ കൊണ്ടു​വ​രാ​നും ആത്മീയ യിസ്രാ​യേ​ലി​ന്റെ ശേഷി​പ്പി​നോ​ടു​ളള സ്‌നേ​ഹ​പൂർവ്വ​ക​മായ ഐക്യ​ത്തിൽ സേവി​ക്കാ​നും ശ്രമി​ക്കു​ന്നു.—യെശയ്യാവ്‌ 61:5.

13. “പുതിയ ഭൂമി”യിലേക്ക്‌ അതിജീ​വി​ക്കാ​നാ​ഗ്ര​ഹി​ക്കു​ന്നു​വെ​ങ്കിൽ യെശയ്യാവ്‌ 2:1-4-ലെ ഏതു വിശദാം​ശങ്ങൾ നാം മനസ്സിൽ പിടി​ക്കണം?

¹³ ഇന്ന്‌ “സകല ജനതക​ളിൽ” നിന്നു​മാ​യി യഹോ​വ​യു​ടെ അഖിലാണ്ഡ ആരാധ​നാ​ല​യ​ത്തി​ലേക്ക്‌ താൽപ്പ​ര്യ​പൂർവം കൂടി​വ​രുന്ന ആളുകളെ യഹോവ തന്റെ പ്രവാ​ച​ക​നായ യെശയ്യാവ്‌ മുഖാ​ന്തരം വർണ്ണിച്ചു. അവൻ ഇപ്രകാ​രം മുൻകൂ​ട്ടി​പ്പ​റഞ്ഞു: “അനേക ജനതക​ളും തീർച്ച​യാ​യും ചെന്ന്‌ ‘ജനങ്ങളെ വരുവിൻ നമുക്ക്‌ യഹോ​വ​യു​ടെ പർവ്വത​ത്തി​ലേ​ക്കും യാക്കോ​ബിൻ ദൈവ​ത്തി​ന്റെ ആലയത്തി​ലേ​ക്കും കയറി​ച്ചെ​ല്ലാം; അവൻ നമുക്ക്‌ തന്റെ വഴികളെ ഉപദേ​ശി​ച്ചു​ത​രി​ക​യും നാം അവന്റെ പാതക​ളിൽ നടക്കു​ക​യും ചെയ്യും’ എന്നു പറയും.” അതിന്റെ ഫലമായി അവർ തങ്ങളുടെ ‘വാളു​കളെ കൊഴു​ക്ക​ളാ​യി അടിച്ചു​തീർത്തി​രി​ക്കു​ന്നു.’ കൂടാതെ യുദ്ധത്താൽ ചീന്തപ്പെട്ട ഈ ലോകത്തു പോലും അവർ ‘മേലാൽ യുദ്ധം അഭ്യസി​ക്കു​ന്നില്ല.’ (യെശയ്യാവ്‌ 2:1-4) നിങ്ങൾ ആ സന്തുഷ്ട​കൂ​ട്ട​ത്തോ​ടൊ​പ്പം നിങ്ങ​ളെ​ത്തന്നെ കണ്ടെത്തു​ന്നു​വോ? യഹോ​വ​യു​ടെ നിബന്ധ​നകൾ പഠിക്കു​ന്ന​തി​നും അവ നിങ്ങളു​ടെ ജീവി​ത​ത്തിൽ ബാധക​മാ​ക്കു​ന്ന​തി​നും യുദ്ധാ​യു​ധ​ങ്ങ​ളിൽ ആശ്രയി​ക്കു​ന്നത്‌ അവസാ​നി​പ്പി​ക്കു​ന്ന​തി​നു​മു​ളള അവരുടെ ആഗ്രഹ​ത്തിൽ നിങ്ങൾ പങ്കു​ചേ​രു​ന്നു​ണ്ടോ? ഈ ഗതി പിന്തു​ട​രുന്ന ഒരു മഹാപു​രു​ഷാ​രം സമാധാ​ന​പൂർണ്ണ​മായ “പുതിയ ഭൂമി”യിലേക്ക്‌ “മഹോ​പ​ദ്ര​വ​ത്തിൽനിന്ന്‌” അതിജീ​വ​ക​രാ​യി “കടന്നു​വ​രു​മെന്ന്‌” ദൈവം വാഗ്‌ദാ​നം ചെയ്‌തി​രി​ക്കു​ന്നു.—വെളി​പ്പാട്‌ 7:9, 10, 14; സങ്കീർത്തനം 46:8, 9.

[അധ്യയന ചോദ്യ​ങ്ങൾ]