ഇന്നത്തെ ഇറാനി​ലെ പീഠഭൂ​മി​യോ​ടു ചേർന്ന്‌ വലിയ രണ്ടു പർവത​നി​രകൾ സ്ഥിതി ചെയ്യു​ന്നുണ്ട്‌—എൽബേർസ്‌ പർവത​നി​ര​യും (കാസ്‌പി​യൻ കടലിന്റെ തെക്കു​വ​ശത്ത്‌) സാ​ഗ്രോസ്‌ പർവത​നി​ര​യും (പേർഷ്യൻ ഉൾക്കട​ലി​ന്റെ ദിശയിൽ തെക്കു​കി​ഴ​ക്കോട്ട്‌). പർവത​ങ്ങൾക്ക്‌ ഇടയി​ലാ​യി ഇടയ്‌ക്കി​ട​യ്‌ക്ക്‌ വൃക്ഷനി​ബി​ഡ​മായ ചെരു​വു​ക​ളോ​ടു കൂടിയ നീണ്ട ഫലഭൂ​യി​ഷ്‌ഠ​മായ താഴ്‌വ​രകൾ കാണാം. താഴ്‌വാ​ര​ങ്ങ​ളിൽ മിതോഷ്‌ണ കാലാവസ്ഥ ആണെങ്കി​ലും സദാ കാറ്റു വീശി​ക്കൊ​ണ്ടി​രി​ക്കുന്ന കുറെ​ക്കൂ​ടെ ഉയരത്തി​ലുള്ള വരണ്ട സമതല​ങ്ങ​ളിൽ ശൈത്യ​കാ​ലത്ത്‌ കൊടും​ത​ണുപ്പ്‌ അനുഭ​വ​പ്പെ​ടു​ന്നു. ഇവയ്‌ക്ക​ടുത്ത്‌ പീഠഭൂ​മി​യിൽ ജനവാസം തീരെ കുറഞ്ഞ മരുഭൂ​മി സ്ഥിതി​ചെ​യ്യു​ന്നു. മെസൊ​പ്പൊ​ത്താ​മ്യ​ക്കു കിഴക്കുള്ള മേൽവി​വ​രിച്ച പ്രദേ​ശ​ത്താ​യി​രു​ന്നു മേദോ-പേർഷ്യൻ സാമ്രാ​ജ്യ​ത്തി​ന്റെ ഉദയം.

പിന്നീട്‌ അർമേ​നി​യ​യി​ലേ​ക്കും കിലി​ക്യ​യി​ലേ​ക്കു​മൊ​ക്കെ വ്യാപി​ച്ചെ​ങ്കി​ലും മേദ്യർ മുഖ്യ​മാ​യും വസിച്ചി​രു​ന്നത്‌ പീഠഭൂ​മി​യു​ടെ വടക്കു ഭാഗത്താണ്‌. എന്നാൽ ടൈ​ഗ്രിസ്‌ താഴ്‌വ​ര​യു​ടെ കിഴക്കാ​യി, പീഠഭൂ​മി​യു​ടെ തെക്കു​പ​ടി​ഞ്ഞാ​റൻ ഭാഗത്താണ്‌ പേർഷ്യ​ക്കാർ പ്രധാ​ന​മാ​യും പാർത്തി​രു​ന്നത്‌. പൊ.യു.മു. ആറാം നൂറ്റാ​ണ്ടി​ന്റെ മധ്യഭാ​ഗത്ത്‌ കോ​രെ​ശി​ന്റെ (സൈറസ്‌) ഭരണകാ​ലത്ത്‌ ഈ രണ്ടു ജനതക​ളു​ടെ​യും രാജ്യങ്ങൾ ഒന്നിക്കു​ക​യും മേദോ-പേർഷ്യൻ ലോക​ശക്തി രൂപം​കൊ​ള്ളു​ക​യും ചെയ്‌തു.

പൊ.യു.മു 539-ൽ കോ​രെശ്‌ ബാബി​ലോ​ണി​നെ പിടി​ച്ച​ടക്കി. അവന്റെ സാമ്രാ​ജ്യം കിഴക്ക്‌ ഇന്ത്യവരെ വ്യാപി​ച്ചു. പടിഞ്ഞാറ്‌ ഈജി​പ്‌തും ഇപ്പോൾ ടർക്കി സ്ഥിതി​ചെ​യ്യുന്ന പ്രദേ​ശ​വും ആ സാമ്രാ​ജ്യ​ത്തിൻ കീഴി​ലാ​യി. ഉചിത​മാ​യി​ത്തന്നെ ദാനീ​യേൽ മേദോ-പേർഷ്യൻ സാമ്രാ​ജ്യ​ത്തെ ‘ധാരാളം മാംസം തിന്ന’ ആർത്തി​പൂണ്ട ഒരു ‘കരടി​യാ​യി’ ചിത്രീ​ക​രി​ച്ചു. (ദാനീ 7:5) കോ​രെശ്‌ മനുഷ്യ​ത്വ​വും സഹിഷ്‌ണു​ത​യും പ്രകട​മാ​ക്കിയ ഒരു ഭരണാ​ധി​കാ​രി ആയിരു​ന്നു. അവൻ തന്റെ സാമ്രാ​ജ്യ​ത്തെ പ്രവി​ശ്യ​ക​ളാ​യി തിരിച്ചു. ഓരോ പ്രവി​ശ്യ​യും  ഭരിച്ചി​രു​ന്നത്‌ ഒരു ഗവർണർ ആണ്‌. സാധാ​ര​ണ​ഗ​തി​യിൽ അത്‌ ഒരു പേർഷ്യ​ക്കാ​ര​നാ​യി​രു​ന്നു. എന്നാൽ അദ്ദേഹ​ത്തി​ന്റെ കീഴിൽ ഒരളവി​ലുള്ള അധികാ​രം ഉണ്ടായി​രുന്ന ഒരു പ്രാ​ദേ​ശിക ഭരണാ​ധി​കാ​രി​യെ നിയമി​ച്ചി​രു​ന്നു. സാമ്രാ​ജ്യ​ത്തി​ലെ ജനതതി​കളെ സ്വന്തം ആചാര​ങ്ങ​ളും മതവും​തന്നെ പിൻപ​റ്റാൻ പ്രോ​ത്സാ​ഹി​പ്പി​ച്ചി​രു​ന്നു.

ഈ നയത്തിനു ചേർച്ച​യിൽ എസ്രാ​യും നെഹെ​മ്യാ​വും പറഞ്ഞി​രി​ക്കു​ന്ന​തു​പോ​ലെ സത്യാ​രാ​ധന പുനഃ​സ്ഥാ​പി​ക്കാ​നും യെരൂ​ശ​ലേം പുതു​ക്കി​പ്പ​ണി​യാ​നു​മാ​യി സ്വദേ​ശ​ത്തേക്കു മടങ്ങാൻ കോ​രെശ്‌ യെഹൂ​ദ​ന്മാ​രെ അനുവ​ദി​ച്ചു. യൂഫ്ര​ട്ടീസ്‌ തീരത്തു​കൂ​ടെ വടക്കോട്ട്‌ അബ്രാ​ഹാം പോയ വഴിയി​ലൂ​ടെ കർക്കെ​മീ​ശി​ലേക്ക്‌ ആയിരി​ക്കു​മോ ഈ വലിയ കൂട്ടം സഞ്ചരി​ച്ചത്‌? അതോ ഒരുപക്ഷേ തദ്‌മോ​റി​ലൂ​ടെ​യും ദമസ്‌കൊ​സി​ലൂ​ടെ​യു​മുള്ള താരത​മ്യേന ദൈർഘ്യം കുറഞ്ഞ മാർഗ​മാ​യി​രി​ക്കു​മോ അവർ സ്വീക​രി​ച്ചി​രി​ക്കുക? ബൈബിൾ അതിനെ കുറിച്ച്‌ ഒന്നും പറയു​ന്നില്ല. (6, 7 പേജുകൾ കാണുക.) കാലാ​ന്ത​ര​ത്തിൽ നൈൽ നദീമു​ഖ​തു​രു​ത്തും കൂടുതൽ തെക്കോ​ട്ടുള്ള പ്രദേ​ശ​ങ്ങ​ളും ഉൾപ്പെ​ടെ​യുള്ള സാമ്രാ​ജ്യ​ത്തി​ന്റെ ഇതര ഭാഗങ്ങ​ളി​ലും യെഹൂ​ദ​ന്മാർ പാർക്കാൻ തുടങ്ങി. യെഹൂ​ദ​ന്മാ​രു​ടെ സാമാ​ന്യം വലിയ ഒരു കൂട്ടം ബാബി​ലോ​ണിൽത്തന്നെ തുടർന്നു. നൂറ്റാ​ണ്ടു​കൾക്കു ശേഷം അപ്പൊ​സ്‌ത​ല​നായ പത്രൊസ്‌ ബാബി​ലോൺ സന്ദർശി​ച്ച​തി​നു പിന്നിലെ കാരണം ഇതായി​രി​ക്കാം. (1 പത്രൊ 5:13) അതേ, തുടർന്നു​വന്ന ഗ്രീക്ക്‌, റോമൻ സാമ്രാ​ജ്യ​ങ്ങ​ളു​ടെ കാലത്ത്‌ യെഹൂ​ദ​ന്മാർ പല പ്രദേ​ശ​ങ്ങ​ളിൽ കാണ​പ്പെ​ടാൻ ഇടയാ​യ​തി​നു പിന്നിൽ മേദോ-പേർഷ്യൻ സാമ്രാ​ജ്യ​ത്തിന്‌ ഒരു പങ്കുണ്ടാ​യി​രു​ന്നു.

ബാബി​ലോ​ണി​നെ കീഴട​ക്കിയ ശേഷം മേദോ-പേർഷ്യ​ക്കാർ അത്യുഷ്‌ണ വേനൽക്കാ​ല​ങ്ങ​ളുള്ള ആ നഗരത്തെ തങ്ങളുടെ ഒരു ഭരണ​കേ​ന്ദ്ര​മാ​ക്കി. മുൻ ഏലാമ്യ തലസ്ഥാ​ന​മാ​യി​രുന്ന ശൂശൻ രാജന​ഗ​ര​ങ്ങ​ളിൽ ഒന്നായി കണക്കാ​ക്ക​പ്പെട്ടു. പിന്നീട്‌ അവിടെ വെച്ചാണ്‌ പേർഷ്യൻ രാജാ​വായ അഹശ്വേ​രോശ്‌ (തെളി​വ​നു​സ​രിച്ച്‌ സെർക്‌സിസ്‌ ഒന്നാമൻ) എസ്ഥേറി​നെ തന്റെ രാജ്ഞി​യാ​ക്കി​യ​തും വൻ സാമ്രാ​ജ്യ​ത്തിൽ ഉടനീ​ള​മുള്ള ദൈവ​ജ​നത്തെ ഉന്മൂലനം ചെയ്യാ​നുള്ള ഒരു ഗൂഢപ​ദ്ധതി വിഫല​മാ​ക്കി​യ​തും. അഹ്മെഥാ (ഉല്ലാസ​ക​ര​മായ വേനൽക്കാ​ല​ങ്ങ​ളുള്ള ഈ നഗരം 1,900-ത്തിലേറെ മീറ്റർ ഉയരത്തി​ലാ​യി​രു​ന്നു), പസാർഗഡി (അതേ ഉയരത്തിൽ ഏതാണ്ട്‌ 650 കിലോ​മീ​റ്റർ തെക്കു​കി​ഴക്ക്‌ മാറി​യാ​യി​രു​ന്നു അതിന്റെ സ്ഥാനം) എന്നീ നഗരങ്ങ​ളും മേദോ-പേർഷ്യൻ തലസ്ഥാ​ന​ങ്ങ​ളാ​യി​രു​ന്നു.

ഈ ലോക​ശ​ക്തി​യു​ടെ അന്ത്യം എങ്ങനെ​യാ​യി​രു​ന്നു? മേദോ-പേർഷ്യ അധികാ​ര​ത്തി​ന്റെ കൊടു​മു​ടി​യിൽ ഇരിക്കു​മ്പോൾ വടക്കു​പ​ടി​ഞ്ഞാ​റൻ അതിർത്തി​പ്ര​ദേ​ശത്ത്‌ ഗ്രീക്കു​കാർക്കി​ട​യിൽ പ്രക്ഷോ​ഭം തലപൊ​ക്കി. തമ്മില​ടി​ച്ചു​കൊ​ണ്ടി​രുന്ന നഗരരാ​ഷ്‌ട്ര​ങ്ങ​ളാ​യി ഗ്രീസ്‌ അപ്പോൾ ഭിന്നി​ച്ചി​രി​ക്കു​ക​യാ​യി​രു​ന്നെ​ങ്കി​ലും തങ്ങളെ അടിച്ച​മർത്താൻ എത്തിയ മേദോ-പേർഷ്യ​ക്കാ​രെ അവർ ഒറ്റക്കെ​ട്ടാ​യി നേരിട്ടു. മാര​ത്തോ​ണി​ലും സലമീ​സി​ലും വെച്ചു നടന്ന നിർണാ​യക പോരാ​ട്ട​ങ്ങ​ളിൽ ഗ്രീസ്‌ പേർഷ്യൻ സൈന്യ​ത്തെ പരാജ​യ​പ്പെ​ടു​ത്തു​ക​യും ചെയ്‌തു. ഇത്‌ ഏകീക​രി​ക്ക​പ്പെട്ട ഗ്രീസ്‌ മേദോ-പേർഷ്യ​യു​ടെ​മേൽ മേൽക്കോയ്‌മ നേടു​ന്ന​തി​ലേക്കു നയിച്ചു.

[24-ാം പേജിലെ മാപ്പ്‌]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

മേദോ-പേർഷ്യൻ സാമ്രാ​ജ്യം

A2 മക്കെ​ദോ​ന്യ

A2 ത്രേസ്‌

A4 കുറേന

A4 ലിബിയ

B2 ബൈസ​ന്റി​യം

B2 ലുദിയാ

B2 സർദ്ദിസ്‌

B4 മോഫ്‌ (നോഫ്‌)

B4 ഈജി​പ്‌ത്‌

B5 നോ-അമ്മോൻ (തിബ്‌സ്‌)

B5 സെവേനെ

C3 കിലിക്യ

C3 തർസൊസ്‌

C3 ഇസ്സുസ്‌

C3 കർക്കെ​മീശ്‌

C3 തദ്‌മോർ

C3 സിറിയ

C3 സീദോൻ

C3 ദമസ്‌കൊസ്‌

C3 സോർ

C4 യെരൂ​ശ​ലേം

D2 ഫേസിസ്‌

D2 അർമേ​നി​യ

D3 അസീറിയ

D3 നീനെവേ

D4 ബാബി​ലോൺ

E3 മേദ്യ

E3 അഹ്മെഥാ

E3 ഹിർകേ​നി​യ

E4 ശൂശൻ

E4 ഏലാം

E4 പസാർഗ​ഡി

E4 പെർസെ​പൊ​ലിസ്‌

E4 പേർഷ്യ

F3 പാർത്ത്യ

F4 ഡ്രാൻജി​യേന

G2 മാറകാൻഡ (സാമർകാണ്ട്‌)

G3 സോഗ്‌ഡി​യാ​ന

G3 ബാക്‌ട്രി​യ

G3 ആരിയ

G4 ആരകോഷ

G4 ജെ​ഡ്രോ​ഷ

H5 ഇന്ത്യ

[മറ്റു സ്ഥലങ്ങൾ]

A2 ഗ്രീസ്‌

A3 മാര​ത്തോൺ

A3 അഥേന

A3 സലമീസ്‌

C1 ശകദേശം (സിഥിയ)

C4 ഏലത്ത്‌ (ഏലോത്ത്‌)

C4 തേമാ

D4 അറബി​ദേ​ശം

[പർവതങ്ങൾ]

E3 എൽബേർസ്‌ പർവത​നി​ര

E4 സാ​ഗ്രോസ്‌ പർവത​നി​ര

[ജലാശ​യങ്ങൾ]

B3 മധ്യധ​ര​ണ്യാ​ഴി (മഹാസ​മു​ദ്രം)

C2 കരിങ്കടൽ

C5 ചെങ്കടൽ

E2 കാസ്‌പി​യൻ കടൽ

E4 പേർഷ്യൻ ഉൾക്കടൽ

[നദികൾ]

B4 നൈൽ

C3 യൂഫ്ര​ട്ടീസ്‌

D3 ടൈ​ഗ്രിസ്‌

H4 സിന്ധു

[24-ാം പേജിലെ ചിത്രം]

ബാബിലോണിൽ എത്താൻ കോ​രെ​ശി​ന്റെ സൈന്യ​ത്തിന്‌ സാ​ഗ്രോസ്‌ പർവത​നിര കടക്കേ​ണ്ടി​യി​രു​ന്നു

[25-ാം പേജിലെ ചിത്രം]

മുകളിൽ: പെർസെ​പൊ​ലി​സി​ലെ ‘സകല ജനതക​ളു​ടെ​യും കവാടം’

[25-ാം പേജിലെ ചിത്രം]

ഉൾച്ചിത്രം: പസാർഗ​ഡി​യി​ലെ കോ​രെ​ശി​ന്റെ ശവകു​ടീ​രം