ഇസ്രാ​യേൽ ജനത വാഗ്‌ദത്ത ദേശ​ത്തേക്കു പ്രവേ​ശി​ക്കാൻ തയ്യാ​റെ​ടു​ക്കു​ക​യാ​യി​രു​ന്നു. ആ അവസര​ത്തിൽ മോശെ തന്റെ ഉത്‌ക​ട​മായ ആഗ്രഹം ദൈവത്തെ അറിയി​ച്ചു: “ഞാൻ കടന്നു​ചെന്നു യോർദ്ദാ​ന്ന​ക്ക​രെ​യുള്ള നല്ല ദേശവും മനോ​ഹ​ര​മായ പർവ്വത​വും . . . ഒന്നു കണ്ടു​കൊ​ള്ളട്ടെ.”—ആവ 3:25.

അതിനുള്ള അനുമതി ലഭിച്ചി​ല്ലെ​ങ്കി​ലും യെരീ​ഹോ​വിന്‌ എതി​രെ​യുള്ള ഒരു പർവത​ത്തിൽനിന്ന്‌ ആ ദേശം കാണാൻ മോ​ശെക്കു സാധിച്ചു. അവൻ ‘ദാൻവരെ ഗിലെ​യാ​ദ്ദേശം ഒക്കെയും പടിഞ്ഞാ​റെ കടൽവരെ യെഹൂ​ദാ​ദേശം ഒക്കെയും തെക്കെ​ദേ​ശ​വും യെരീ​ഹോ​വി​ന്റെ താഴ്‌വീ​തി​യും [NW അടിക്കു​റിപ്പ്‌ പ്രകാരം ‘യോർദ്ദാൻ താഴ്‌വര’]’ കണ്ടതായി പറഞ്ഞി​രി​ക്കു​ന്നു. (ആവ 3:27; 34:1-4) നിങ്ങൾ ആ പേരുകൾ കേട്ടി​ട്ടു​ണ്ടോ? അവ എവി​ടെ​യൊ​ക്കെ​യാ​ണെന്ന്‌ നിങ്ങൾക്ക്‌ അറിയാ​മോ?

ഇന്ന്‌ യഹോ​വ​യു​ടെ ജനത്തിൽ ഭൂരി​പ​ക്ഷ​ത്തി​നും ബൈബി​ളിൽ വായി​ക്കുന്ന പല സ്ഥലങ്ങളും നേരിൽ പോയി കാണാൻ ആവില്ല. ദൈവം അബ്രാ​ഹാ​മി​നോട്‌ കൽപ്പിച്ച സംഗതി ചെയ്യുക എന്നത്‌, അതായത്‌ വാഗ്‌ദത്ത ദേശത്തു നെടു​കെ​യും കുറു​കെ​യും സഞ്ചരി​ക്കുക എന്നത്‌ അവരെ സംബന്ധി​ച്ചി​ട​ത്തോ​ളം അസാധ്യ​മാണ്‌. (ഉല്‌പ 13:14-17) എന്നിരു​ന്നാ​ലും സത്യ​ക്രി​സ്‌ത്യാ​നി​കൾക്ക്‌ ബൈബിൾ നാടു​കളെ കുറി​ച്ചും അവ പരസ്‌പരം ബന്ധപ്പെ​ട്ടി​രി​ക്കു​ന്നത്‌ എങ്ങനെ​യാണ്‌ എന്നതിനെ കുറി​ച്ചും അറിയാൻ അതിയായ ആഗ്രഹം ഉണ്ട്‌.

നിങ്ങളു​ടെ തിരു​വെ​ഴു​ത്തു ഗ്രാഹ്യം വർധി​പ്പി​ക്കാൻ ഉപയോ​ഗി​ക്കാ​വുന്ന ഒരു ഉപകരണം ആണ്‌ കാണ്മിൻ! ആ ‘നല്ല ദേശം’ എന്ന ഈ പ്രസി​ദ്ധീ​ക​രണം. കവർ പേജിൽ കാണുന്ന ഗിലെ​യാ​ദി​ന്റെ ഫോട്ടോ പോലെ ഇപ്പോൾ നിലവി​ലുള്ള സ്ഥലങ്ങളു​ടെ ഫോ​ട്ടോ​കൾ ഇതിൽ അടങ്ങി​യി​ട്ടുണ്ട്‌. എന്നാൽ അതി​നെ​ക്കാൾ വിജ്ഞാ​ന​പ്ര​ദ​മാണ്‌ ഇതിലുള്ള ഭൂപടങ്ങൾ. അവയ്‌ക്ക്‌ ബൈബി​ളിൽ പരാമർശി​ച്ചി​ട്ടുള്ള സ്ഥലങ്ങൾ സംബന്ധിച്ച നിങ്ങളു​ടെ അറിവ്‌ വളരെ​യ​ധി​കം വർധി​പ്പി​ക്കാൻ കഴിയും.

പ്രധാ​ന​പ്പെട്ട സ്ഥലങ്ങളാണ്‌ 2-ഉം 3-ഉം പേജു​ക​ളി​ലെ ഭൂപട​ത്തിൽ മുഖ്യ​മാ​യും ഉൾക്കൊ​ള്ളി​ച്ചി​രി​ക്കു​ന്നത്‌. ഉദാഹ​ര​ണ​ത്തിന്‌ വാഗ്‌ദത്ത ദേശ​ത്തോ​ടുള്ള ബന്ധത്തിൽ അസീറി​യ​യു​ടെ​യും ഈജി​പ്‌തി​ന്റെ​യും സ്ഥാനം എവി​ടെ​യാ​യി​രു​ന്നെന്നു മനസ്സി​ലാ​ക്കു​മ്പോൾ ആ ദേശങ്ങൾ ഉൾപ്പെട്ട പ്രവച​നങ്ങൾ നിങ്ങൾക്കു മെച്ചമാ​യി ഗ്രഹി​ക്കാ​നാ​കും. (യെശ 7:18; 27:13; ഹോശേ 11:11; മീഖാ 7:12) വാഗ്‌ദത്ത ദേശം എന്നു വിളി​ക്ക​പ്പെട്ട നീണ്ട, വീതി​കു​റഞ്ഞ ഭൂപ്ര​ദേശം അനേകം പുരാതന റോഡു​ക​ളും വാണിജ്യ പാതക​ളും കൂടി​ച്ചേർന്നി​രു​ന്നി​ട​ത്താണ്‌ സ്ഥിതി​ചെ​യ്‌തി​രു​ന്നത്‌. അതിന്റെ ഫലഭൂ​യി​ഷ്‌ഠ​മായ വയലു​ക​ളു​ടെ​യും മുന്തി​രി​ത്തോ​പ്പു​ക​ളു​ടെ​യും ഒലിവു​തോ​ട്ട​ങ്ങ​ളു​ടെ​യും മേൽ ആധിപ​ത്യം നേടാൻ മറ്റു രാഷ്‌ട്രങ്ങൾ ശ്രമിച്ചു.—ആവ 8:8; ന്യായാ 15:5.

ചില​പ്പോ​ഴൊ​ക്കെ ഭൂപടങ്ങൾ തമ്മിൽ താരത​മ്യം ചെയ്‌തു പഠിക്കാൻ നിങ്ങൾ ആഗ്രഹി​ച്ചേ​ക്കാം. ഉദാഹ​ര​ണ​ത്തിന്‌, അസീറി​യൻ തലസ്ഥാ​ന​ത്തേക്കു പോകാൻ നിയമനം ലഭിച്ച യോനാ അതിനു പകരം പോയത്‌ തർശീ​ശി​ലേക്ക്‌ ആയിരു​ന്നു. (യോനാ 1:1-3) ആദ്യത്തെ ഭൂപട​ത്തിൽ ആ പ്രദേ​ശങ്ങൾ കണ്ടുപി​ടി​ക്കാൻ നിങ്ങൾക്കാ​യോ? എന്നാൽ തർശീ​ശി​നെ അപ്പൊ​സ്‌ത​ല​നായ പൗലൊ​സി​ന്റെ ജന്മദേ​ശ​മായ തർസൊ​സു​മാ​യി കൂട്ടി​ക്കു​ഴ​യ്‌ക്ക​രുത്‌. തർസൊ​സും ശ്രദ്ധേ​യ​മായ മറ്റുചില നഗരങ്ങ​ളും ഇവിടെ നൽകി​യി​രി​ക്കുന്ന ഭൂപട​ത്തിൽ നിങ്ങൾക്കു കാണാൻ കഴിയും.

ഊർ, ഹാരാൻ, യെരൂ​ശ​ലേം എന്നീ സ്ഥലങ്ങൾ കണ്ടോ? ശരി, അബ്രാ​ഹാ​മി​ന്റെ സഞ്ചാര​പ​ഥത്തെ കുറി​ച്ചും അവന്റെ യാത്ര എത്ര ദൈർഘ്യ​മു​ള്ള​താ​യി​രു​ന്നു എന്നതിനെ കുറി​ച്ചും ചിന്തി​ക്കുക. ഊർ ദേശം വിടാൻ യഹോവ കൽപ്പി​ച്ച​ശേഷം അവൻ ആദ്യം ചെന്നു പാർത്തത്‌ ഹാരാ​നി​ലാണ്‌. പിന്നീട്‌ അവി​ടെ​നിന്ന്‌ അവൻ വാഗ്‌ദത്ത ദേശ​ത്തേക്കു പോയി. (ഉല്‌പ 11:28–12:1; പ്രവൃ 7:2-5) 6-7 പേജു​ക​ളി​ലെ “ഗോ​ത്ര​പി​താ​ക്ക​ന്മാ​രു​ടെ ലോകം” എന്ന ഭാഗം പഠിക്കു​മ്പോൾ നിങ്ങൾക്ക്‌ അബ്രാ​ഹാ​മി​ന്റെ യാത്രയെ കുറിച്ച്‌ കൂടുതൽ വ്യക്തമായ ഒരു ചിത്രം ലഭിക്കും.

ആദ്യത്തെ ഭൂപട​വും ഇവിടെ കാണു​ന്ന​തും ഏതെങ്കി​ലും പ്രത്യേക കാലഘ​ട്ട​വു​മാ​യി ബന്ധപ്പെ​ട്ട​വയല്ല. എന്നാൽ ഇവയ്‌ക്കു ശേഷമുള്ള ഭൂപടങ്ങൾ പൊതു​വേ കാലാ​നു​ക്ര​മ​ത്തിൽ ആണ്‌ നൽകി​യി​രി​ക്കു​ന്നത്‌. ഭൂപട​ത്തിൽ കാണുന്ന നഗരങ്ങൾ അല്ലെങ്കിൽ വിശദാം​ശങ്ങൾ ചരി​ത്ര​ത്തി​ലെ ഏതെങ്കി​ലു​മൊ​രു പ്രത്യേക കാലഘ​ട്ട​ത്തിൽ നടന്ന സംഭവ​ങ്ങ​ളോ​ടു ബന്ധപ്പെ​ട്ട​വ​യാ​യി​രി​ക്കും. ഭൂപട​ങ്ങ​ളിൽ കൊടു​ത്തി​രി​ക്കുന്ന ഓരോ സ്ഥലപ്പേ​രും സൂചി​ക​യിൽ (34-5 പേജുകൾ) ഉൾപ്പെ​ടു​ത്തി​യി​ട്ടി​ല്ലെ​ങ്കി​ലും സാധാ​ര​ണ​ഗ​തി​യിൽ നിങ്ങൾ ഗവേഷണം ചെയ്‌തു​കൊ​ണ്ടി​രി​ക്കുന്ന സംഗതി​യു​മാ​യി ബന്ധപ്പെട്ട ഭൂപടങ്ങൾ ഏവയാ​ണെന്നു കണ്ടുപി​ടി​ക്കാൻ അതിനു നിങ്ങളെ സഹായി​ക്കാ​നാ​വും.

വാഗ്‌ദത്ത ദേശത്തെ ഏറ്റവു​മ​ധി​കം നഗരങ്ങ​ളു​ടെ​യും പട്ടണങ്ങ​ളു​ടെ​യും സ്ഥാനം അടയാ​ള​പ്പെ​ടു​ത്തി​യി​ട്ടു​ള്ളത്‌ മധ്യ​പേ​ജു​ക​ളിൽ (18-19 പേജുകൾ) കാണുന്ന ഭൂപട​ത്തി​ലാണ്‌. ലേവ്യ നഗരങ്ങൾ, ആറ്‌ സങ്കേത നഗരങ്ങൾ എന്നിവ ഏതൊ​ക്കെ​യാണ്‌, ഒരു സ്ഥലത്തെ കുറി​ച്ചുള്ള പരാമർശം എബ്രായ തിരു​വെ​ഴു​ത്തു​ക​ളി​ലാ​ണോ ഗ്രീക്കു തിരു​വെ​ഴു​ത്തു​ക​ളി​ലാ​ണോ അതോ രണ്ടിലു​മു​ണ്ടോ എന്നൊക്കെ അറിയാൻ ഭൂപട​ത്തോട്‌ അനുബ​ന്ധി​ച്ചു നൽകി​യി​ട്ടുള്ള സൂചക​വി​വരം (ഭൂപട​ത്തിൽ ഉപയോ​ഗി​ച്ചി​രി​ക്കുന്ന പ്രതീ​കങ്ങൾ എന്തിനെ കുറി​ക്കു​ന്നു എന്നു വ്യക്തമാ​ക്കുന്ന പട്ടിക) നിങ്ങളെ സഹായി​ക്കും.

 ബൈബി​ളിൽ പരാമർശി​ച്ചി​രി​ക്കുന്ന ചില സ്ഥലങ്ങളു​ടെ സ്ഥാനം എവി​ടെ​യാ​യി​രു​ന്നു എന്ന്‌ ഇപ്പോൾ അറിയില്ല. അതു​കൊണ്ട്‌ അത്തരത്തി​ലുള്ള സ്ഥലങ്ങളിൽ മിക്കവ​യും മധ്യ​പേ​ജി​ലെ ഭൂപട​ത്തിൽ ഉൾപ്പെ​ടു​ത്തി​യി​ട്ടില്ല. അതു​പോ​ലെ ഗോത്ര അതിരു​ക​ളു​ടെ പട്ടിക​യി​ലും മറ്റും കാണുന്ന എല്ലാ നഗരങ്ങ​ളും പട്ടണങ്ങ​ളും അതിൽ ഉൾക്കൊ​ള്ളി​ക്കുക സാധ്യ​മ​ല്ലാ​യി​രു​ന്നു. (യോശു 15-19 അധ്യാ​യങ്ങൾ) എന്നിരു​ന്നാ​ലും ആ ഭൂപട​ത്തിൽ സാധാ​ര​ണ​ഗ​തി​യിൽ അത്തരം സ്ഥലങ്ങളു​ടെ അടുത്തുള്ള നഗരങ്ങൾ കൊടു​ത്തി​ട്ടു​ണ്ടാ​വും. അത്‌ ആ സ്ഥലങ്ങളു​ടെ ഏകദേശ സ്ഥാനം തിട്ട​പ്പെ​ടു​ത്താൻ നിങ്ങളെ സഹായി​ക്കും. അതിൽ ഭൂമി​ശാ​സ്‌ത്ര​പ​ര​മായ ചില സവി​ശേ​ഷ​തകൾ (പർവതങ്ങൾ, നദികൾ, നീർത്താ​ഴ്‌വ​രകൾ [torrent valleys]) a അടയാ​ള​പ്പെ​ടു​ത്തു​ക​യും ഉയരം, ഭൂപ്ര​കൃ​തി എന്നിവ വ്യത്യസ്‌ത നിറങ്ങ​ളാൽ സൂചി​പ്പി​ക്കു​ക​യും ചെയ്‌തി​ട്ടുണ്ട്‌. ഇത്തരം വിശദാം​ശ​ങ്ങൾക്ക്‌ ബൈബിൾ സംഭവ​ങ്ങ​ളു​മാ​യി ബന്ധപ്പെട്ട കാര്യങ്ങൾ ഭാവന​യിൽ കാണാൻ നിങ്ങളെ സഹായി​ക്കാ​നാ​വും.

ബൈബിൾ സ്ഥലങ്ങളെ കുറി​ച്ചുള്ള കൂടുതൽ വിവരങ്ങൾ പല ഭാഷക​ളിൽ പ്രസി​ദ്ധീ​ക​രി​ച്ചി​ട്ടുള്ള തിരു​വെ​ഴു​ത്തു​കൾ സംബന്ധിച്ച ഉൾക്കാഴ്‌ച (മലയാ​ള​ത്തിൽ ലഭ്യമല്ല) എന്ന വിജ്ഞാ​ന​കോ​ശ​ത്തിൽ ലഭ്യമാണ്‌. b അതും മറ്റു ബൈബിൾ പഠന സഹായി​ക​ളും ഉപയോ​ഗി​ക്കു​മ്പോൾ കാണ്മിൻ! ആ ‘നല്ല ദേശം’ അടുത്തു​തന്നെ വെക്കുക. അത്യന്തം പ്രയോ​ജ​ന​ക​ര​മായ നിങ്ങളു​ടെ തിരു​വെ​ഴു​ത്തു പഠനത്തിൽ അതിന്റെ സഹായം തേടുക.—2 തിമൊ 3:16, 17.

[അടിക്കു​റി​പ്പു​കൾ]

[4, 5 പേജു​ക​ളി​ലെ മാപ്പ്‌]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

ബൈബിൾ നാടു​ക​ളും മുഖ്യ​ന​ഗ​ര​ങ്ങ​ളും

A1 ഇറ്റലി

A2 റോം

A3 സിസിലി

A3 മെലിത്ത

C2 മക്കെ​ദോ​ന്യ

C2 ഫിലിപ്പി

C2 ഗ്രീസ്‌

C3 അഥേന

C3 കൊരിന്ത്‌

C3 ക്രേത്ത

C4 ലിബിയ

D3 അന്ത്യൊ​ക്ക്യ (പിസി​ദ്യ​യി​ലേത്‌)

D3 എഫെ​സൊസ്‌

D3 പത്മൊസ്‌

D3 രൊ​ദൊസ്‌

D4 മോഫ്‌

D5 ഈജി​പ്‌ത്‌

E2 ഏഷ്യാ​മൈ​നർ

E3 തർസൊസ്‌

E3 അന്ത്യൊ​ക്ക്യ (സിറി​യ​യി​ലേത്‌)

E3 കു​പ്രൊസ്‌

E4 സീദോൻ

E4 ദമസ്‌കൊസ്‌

E4 സോർ

E4 കൈസര്യ

E4 വാഗ്‌ദത്ത ദേശം

E4 യെരൂ​ശ​ലേം

E4 മോവാബ്‌

E4 കാദേശ്‌

E4 ഏദോം

F3 ഏദെൻ തോട്ടം?

F3 അസീറിയ

F3 ഹാരാൻ

F3 സിറിയ

F5 അറബി​ദേ​ശം

G3 നീനെവേ

G4 ബാബി​ലോൺ

G4 കൽദയ

G4 ശൂശൻ

G4 ഊർ

H3 മേദ്യ

[പർവതങ്ങൾ]

E5 സീനായി പർവതം

G2 അരാരാത്ത്‌ പർവതം

[ജലാശ​യങ്ങൾ]

C3 മധ്യധ​ര​ണ്യാ​ഴി (മഹാസ​മു​ദ്രം)

E1 കരിങ്കടൽ

E5 ചെങ്കടൽ

H2 കാസ്‌പി​യൻ കടൽ

H5 പേർഷ്യൻ ഉൾക്കടൽ

[നദികൾ]

D5 നൈൽ നദി

F3 യൂഫ്ര​ട്ടീസ്‌ നദി

G3 ടൈ​ഗ്രിസ്‌  നദി