ഈ ലഘുപ​ത്രിക വായി​ച്ച​പ്പോൾ, ബൈബി​ളി​ന്റെ ശാസ്‌ത്രീയ കൃത്യ​ത​യെ​ക്കു​റി​ച്ചു മനസ്സി​ലാ​ക്കിയ കാര്യങ്ങൾ നിങ്ങളെ അതിശ​യി​പ്പി​ച്ചു​വോ? അത്‌ പലരെ​യും അതിശ​യി​പ്പി​ച്ചി​ട്ടുണ്ട്‌. ബൈബിൾ പറയുന്നു എന്നു പറഞ്ഞ്‌ പല മതങ്ങളും പഠിപ്പി​ക്കുന്ന കാര്യങ്ങൾ വാസ്‌ത​വ​ത്തിൽ ബൈബി​ളി​ലു​ള്ളതല്ല എന്നു തിരി​ച്ച​റി​ഞ്ഞ​തും അവരെ അത്ഭുത​പ്പെ​ടു​ത്തി​യി​ട്ടുണ്ട്‌. ഉദാഹ​ര​ണ​ത്തിന്‌, 24 മണിക്കൂ​റു​ക​ളുള്ള ആറു ദിവസം​കൊ​ണ്ടാണ്‌ ദൈവം ഈ പ്രപഞ്ച​ത്തെ​യും അതിലെ സർവ ജീവജാ​ല​ങ്ങ​ളെ​യും സൃഷ്ടി​ച്ച​തെന്ന്‌ ബൈബിൾ പറയു​ന്ന​താ​യി ചിലർ പഠിപ്പി​ക്കു​ന്നു. എന്നാൽ പ്രപഞ്ച​ത്തി​ന്റെ​യോ ഭൂമി​യു​ടെ​യോ കാലപ്പ​ഴ​ക്ക​ത്തെ​ക്കു​റി​ച്ചുള്ള ശാസ്‌ത്ര​ജ്ഞ​രു​ടെ കണക്കു​കൾക്ക്‌ വിരു​ദ്ധ​മായ ഒന്നും ബൈബി​ളി​ലില്ല എന്നതാണ്‌ സത്യം. *

ഭൂമി​യിൽ ജീവൻ ഉളവാ​യ​തി​നെ​ക്കു​റിച്ച്‌ വളരെ ഹ്രസ്വ​മായ ഒരു വിവര​ണമേ ബൈബി​ളിൽ കാണു​ന്നു​ള്ളൂ; അതു​കൊ​ണ്ടു​തന്നെ ഈ വിഷയ​ത്തെ​ക്കു​റി​ച്ചുള്ള ശാസ്‌ത്രീയ ഗവേഷ​ണ​ങ്ങൾക്കും പഠനങ്ങൾക്കു​മൊ​ക്കെ അനന്തസാ​ധ്യ​ത​ക​ളാ​ണു​ള്ളത്‌. എന്നിരു​ന്നാ​ലും ജീവജാ​ല​ങ്ങളെ സൃഷ്ടി​ച്ചത്‌ ദൈവ​മാ​ണെ​ന്നും അവയെ​ല്ലാം “അതതു തര”മായി സൃഷ്ടി​ക്ക​പ്പെ​ട്ട​താ​ണെ​ന്നും ബൈബിൾ വ്യക്തമാ​യി പറയു​ന്നുണ്ട്‌. (ഉല്‌പത്തി 1:11, 21, 24) ഈ പ്രസ്‌താ​വ​നകൾ, ചില ശാസ്‌ത്ര സിദ്ധാ​ന്ത​ങ്ങ​ളു​മാ​യി യോജി​ക്കു​ന്നി​ല്ലാ​യി​രി​ക്കാ​മെ​ങ്കി​ലും തെളി​യി​ക്ക​പ്പെട്ട ശാസ്‌ത്രീയ വസ്‌തു​ത​കൾക്കു നിരക്കു​ന്ന​വ​യാണ്‌. ശാസ്‌ത്ര​ത്തി​ന്റെ ഇന്നുവ​രെ​യുള്ള ചരിത്രം സൂചി​പ്പി​ക്കു​ന്നത്‌ സിദ്ധാ​ന്ത​ങ്ങൾക്കു മാറ്റം​വ​രാ​മെ​ങ്കി​ലും വസ്‌തു​തകൾ എക്കാല​വും മാറ്റമി​ല്ലാ​തെ തുടരും എന്നാണ്‌.

ഇനി, മതത്തോ​ടുള്ള വിരക്തി​നി​മി​ത്തം ബൈബിൾ പരി​ശോ​ധി​ക്കാൻ വിമുഖത കാണി​ക്കുന്ന ആളുക​ളു​മുണ്ട്‌. വ്യവസ്ഥാ​പിത മതങ്ങളിൽ കാണുന്ന കാപട്യ​വും അഴിമ​തി​യും യുദ്ധ​ക്കൊ​തി​യു​മൊ​ക്കെ​യാണ്‌ അതിനുള്ള കാരണം. എന്നാൽ തങ്ങളുടെ മതഗ്രന്ഥം ബൈബി​ളാ​ണെന്ന്‌ അവകാ​ശ​പ്പെ​ടു​ന്ന​വ​രു​ടെ പ്രവൃ​ത്തി​കളെ അടിസ്ഥാ​ന​മാ​ക്കി ബൈബി​ളി​നെ വിധി​ക്കു​ന്നത്‌ ശരിയാ​യി​രി​ക്കു​മോ? മനുഷ്യ​സ്‌നേ​ഹി​ക​ളായ പല ശാസ്‌ത്ര​ജ്ഞ​രെ​യും ഞെട്ടി​ച്ചു​കൊണ്ട്‌ രക്തദാ​ഹി​ക​ളായ ചില നിഷ്‌ഠുര നേതാ​ക്ക​ന്മാർ തങ്ങളുടെ വർഗീ​യ​വാ​ദ​ത്തി​നു കരു​ത്തേ​കാ​നാ​യി പരിണാ​മ​വാ​ദത്തെ കൂട്ടു​പി​ടി​ച്ചി​ട്ടുണ്ട്‌. എന്നാൽ അതിന്റെ അടിസ്ഥാ​ന​ത്തിൽ പരിണാ​മ​വാ​ദ​ത്തി​നു വിധി​യെ​ഴു​തു​ന്നത്‌ ശരിയാ​യി​രി​ക്കു​മോ? ആ സിദ്ധാ​ന്ത​ത്തി​ന്റെ അവകാ​ശ​വാ​ദങ്ങൾ പരി​ശോ​ധിച്ച്‌ ലഭ്യമായ തെളി​വു​ക​ളു​മാ​യി അവയെ താരത​മ്യം​ചെ​യ്‌തു​നോ​ക്കു​ന്ന​താ​യി​രി​ക്കി​ല്ലേ എന്തു​കൊ​ണ്ടും ഉചിതം?

ബൈബി​ളി​ന്റെ കാര്യ​ത്തി​ലും അതുതന്നെ ചെയ്യാ​നാണ്‌ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ന്നത്‌. വ്യവസ്ഥാ​പിത മതങ്ങളിൽ മിക്കവ​യു​ടെ​യും പഠിപ്പി​ക്ക​ലു​ക​ളും ബൈബി​ളി​ന്റെ പഠിപ്പി​ക്ക​ലു​ക​ളും തമ്മിൽ വലിയ അന്തരമു​ണ്ടെന്ന്‌ അപ്പോൾ നിങ്ങൾക്കു മനസ്സി​ലാ​കും. യുദ്ധങ്ങ​ളും വംശീ​യ​ക​ലാ​പ​ങ്ങ​ളും ബൈബിൾ ഒരിക്ക​ലും പ്രോ​ത്സാ​ഹി​പ്പി​ക്കു​ന്നില്ല. ദൈവ​ദാ​സർ രക്തച്ചൊ​രി​ച്ചി​ലും  അതിനു വഴി​വെ​ക്കുന്ന വിദ്വേ​ഷം​പോ​ലും വെറു​ക്ക​ണ​മെ​ന്നാണ്‌ അതു പഠിപ്പി​ക്കു​ന്നത്‌. (യെശയ്യാ​വു 2:2-4; മത്തായി 5:43, 44; 26:52) മതഭ്രാ​ന്തി​നെ​യോ തെളി​വു​ക​ളു​ടെ പിൻബ​ല​മി​ല്ലാത്ത അന്ധമായ വിശ്വാ​സ​ത്തെ​യോ ബൈബിൾ പിന്താ​ങ്ങു​ന്നില്ല; പകരം യഥാർഥ വിശ്വാ​സ​ത്തിന്‌ തെളി​വു​കൾ ആവശ്യ​മാ​ണെ​ന്നും ദൈവത്തെ സേവി​ക്കു​ന്നത്‌ കാര്യ​ബോ​ധ​ത്തോ​ടെ ആയിരി​ക്ക​ണ​മെ​ന്നും ആണ്‌ അത്‌ അനുശാ​സി​ക്കു​ന്നത്‌. (റോമർ 12:1; എബ്രായർ 11:1) ജിജ്ഞാ​സയെ തല്ലി​ക്കെ​ടു​ത്തു​ന്ന​തി​നു പകരം, ഇക്കാല​മ​ത്ര​യും മനുഷ്യ​ന്റെ ആകാം​ക്ഷയെ ഉണർത്തി​യി​ട്ടുള്ള സുപ്ര​ധാ​ന​മായ പല ചോദ്യ​ങ്ങൾക്കും ഉത്തരം അന്വേ​ഷി​ച്ചു കണ്ടെത്താ​നാണ്‌ ബൈബിൾ പ്രോ​ത്സാ​ഹി​പ്പി​ക്കു​ന്നത്‌.

ഉദാഹ​ര​ണ​ത്തിന്‌, ‘ഒരു ദൈവ​മു​ണ്ടെ​ങ്കിൽ, അവൻ ദുഷ്ടത അനുവ​ദി​ക്കു​ന്നത്‌ എന്തു​കൊ​ണ്ടാണ്‌’ എന്നു നിങ്ങൾ എപ്പോ​ഴെ​ങ്കി​ലും ചിന്തി​ച്ചി​ട്ടു​ണ്ടോ? ഇതിനും ഇതു​പോ​ലുള്ള മറ്റു പല ചോദ്യ​ങ്ങൾക്കും ബൈബിൾ തൃപ്‌തി​ക​ര​മായ ഉത്തരം നൽകു​ന്നുണ്ട്‌. * കാരണം അത്‌ യാദൃ​ച്ഛി​ക​മാ​യി ഉണ്ടായ ഒന്നല്ല. സത്യത്തി​നു​വേ​ണ്ടി​യുള്ള അന്വേ​ഷണം തുടരാൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ന്നു. ഹൃദ്യ​വും ഉദ്വേ​ഗ​ജ​ന​ക​വും യുക്തി​സ​ഹ​വും അതേസ​മയം തെളി​വു​ക​ളിൽ അധിഷ്‌ഠി​ത​വു​മായ ഉത്തരങ്ങൾ നിങ്ങൾക്കു തീർച്ച​യാ​യും കണ്ടെത്താ​നാ​കും.