അധ്യായം 4

ജീവൻ യാദൃ​ച്ഛി​ക​മാ​യി ഉളവാ​കു​മോ?

1. (എ) ജീവോ​ത്‌പ​ത്തി​യെ​ക്കു​റിച്ച്‌ ചാൾസ്‌ ഡാർവിൻ എന്താണു സമ്മതി​ച്ചത്‌? (ബി) ഇന്നത്തെ പരിണാ​മ​സി​ദ്ധാ​ന്തം പുനരു​ജ്ജീ​വി​പ്പി​ച്ചി​രി​ക്കുന്ന ആശയ​മേത്‌?

 “സ്രഷ്ടാവ്‌ ആരംഭ​ത്തിൽ ഒന്നോ അതില​ധി​ക​മോ ജീവരൂ​പ​ങ്ങ​ളി​ലേക്ക്‌” ജീവൻ “ഊതി​ക്കൊ​ടു”ത്തിരി​ക്കാൻ ഇടയു​ണ്ടെന്ന്‌ തന്റെ പരിണാ​മ​സി​ദ്ധാ​ന്തം മുന്നോ​ട്ടു വെക്കവെ ചാൾസ്‌ ഡാർവിൻ സമ്മതിച്ചു പറഞ്ഞു.¹ എന്നാൽ ഇന്നത്തെ പരിണാ​മ​സി​ദ്ധാ​ന്തം ഒരു സ്രഷ്ടാ​വി​നെ​ക്കു​റി​ച്ചുള്ള ഏതു പരാമർശ​ത്തെ​യും പൊതു​വെ ഒഴിവാ​ക്കു​ന്നു. പകരം, അത്‌ ഒരിക്കൽ ചവറ്റു​കൊ​ട്ട​യിൽ എറിഞ്ഞി​രുന്ന ജീവന്റെ സ്വതഃ​ജനന സിദ്ധാ​ന്തത്തെ വീണ്ടും പൊടി​തട്ടി എടുത്തി​രി​ക്കു​ന്നു, അൽപ്പം ചില ഭേദഗ​തി​ക​ളോ​ടെ.

2. (എ) സ്വതഃ​ജ​നനം ഉൾപ്പെട്ട ഏതു മുൻ വിശ്വാ​സ​മാണ്‌ തെറ്റാ​ണെന്നു തെളി​യി​ക്ക​പ്പെ​ട്ടത്‌? (ബി) ഇപ്പോൾ ജീവൻ താനേ ഉണ്ടാകു​ന്നി​ല്ലെന്നു സമ്മതി​ക്കു​ന്നെ​ങ്കി​ലും പരിണാ​മ​വാ​ദി​കൾ എന്താണ്‌ അനുമാ​നി​ക്കു​ന്നത്‌?

² സ്വതഃജനന വിശ്വാ​സ​ത്തി​ന്റെ വേരു​തേ​ടി​പ്പോ​യാൽ നാം നൂറ്റാ​ണ്ടു​കൾക്കു പിമ്പിൽ ചെന്നെ​ത്തും. പൊ.യു. 17-ാം നൂറ്റാ​ണ്ടിൽ, ഫ്രാൻസിസ്‌ ബേക്ക​ണെ​യും വില്യം ഹാർവി​യെ​യും പോ​ലെ​യുള്ള ആദരണീ​യ​രായ ശാസ്‌ത്ര​ജ്ഞർപോ​ലും ഈ സിദ്ധാന്തം അംഗീ​ക​രി​ച്ചി​രു​ന്നു. പക്ഷേ, ജീവനിൽനി​ന്നു മാത്രമേ ജീവൻ ഉണ്ടാകു​ന്നു​ള്ളു​വെന്നു പരീക്ഷ​ണ​ങ്ങ​ളി​ലൂ​ടെ തെളി​യിച്ച ലൂയി പാസ്‌ച​റും മറ്റു ശാസ്‌ത്ര​ജ്ഞ​രും 19-ാം നൂറ്റാ​ണ്ടിൽ ആ സിദ്ധാ​ന്ത​ത്തിന്‌ ഒരു മാരക​മായ പ്രഹര​മേൽപ്പി​ച്ച​താ​യി കാണ​പ്പെ​ടു​ന്നു. എന്നിരു​ന്നാ​ലും, ജീവന്റെ ഒരു കണിക ദീർഘ​നാൾ മുമ്പ്‌ ജീവനി​ല്ലാത്ത വസ്‌തു​വിൽനിന്ന്‌ എങ്ങനെ​യോ താനേ ഉത്‌ഭ​വി​ച്ചി​രി​ക്ക​ണ​മെന്ന്‌ പരിണാ​മ​സി​ദ്ധാ​ന്തം അനുമാ​നി​ക്കു​ന്നു—ആവശ്യത്തെ പ്രതി.

സ്വതഃ​ജ​ന​ന​ത്തി​ന്റെ ഒരു നവരൂപം

3, 4. (എ) ജീവോ​ത്‌പ​ത്തി​യി​ലേക്കു നയിക്കുന്ന പടികൾ സംബന്ധിച്ച്‌ എന്ത്‌ രൂപരേഖ നൽക​പ്പെ​ട്ടി​രി​ക്കു​ന്നു? (ബി) ജീവൻ യാദൃ​ച്ഛി​ക​മാ​യി ഉളവാ​കാ​നുള്ള സാധ്യ​ത​യി​ല്ലാ​ഞ്ഞി​ട്ടും പരിണാ​മ​വാ​ദി​കൾ എന്താണു വിശ്വ​സി​ക്കു​ന്നത്‌?

³ ജീവന്റെ ആരംഭ​ഘ​ട്ടത്തെ കുറി​ച്ചുള്ള ഇന്നത്തെ പരിണാ​മ​വാ​ദി​ക​ളു​ടെ വീക്ഷണം റിച്ചർഡ്‌ ഡോക്കിൻസി​ന്റെ ദ സെൽഫിഷ്‌ ജീൻ എന്ന പുസ്‌ത​ക​ത്തിൽ സംഗ്ര​ഹി​ച്ചി​രി​ക്കു​ന്നു. ആരംഭ​ത്തിൽ കാർബൺ ഡൈ ഓക്‌​സൈഡ്‌, മീഥെയ്‌ൻ, അമോ​ണിയ, ജലം എന്നിവ  അടങ്ങിയ ഒരു അന്തരീക്ഷം ഭൂമിക്ക്‌ ഉണ്ടായി​രു​ന്നു​വെന്ന്‌ അദ്ദേഹം അനുമാ​നി​ക്കു​ന്നു. സൂര്യ​പ്ര​കാ​ശ​ത്തിൽ നിന്നും ഒരുപക്ഷേ മിന്നൽ, അഗ്നിപർവത സ്‌ഫോ​ട​നങ്ങൾ എന്നിവ​യിൽ നിന്നും ലഭിച്ച ഊർജ​ത്താൽ ഈ ലഘു സംയു​ക്തങ്ങൾ വിഘടി​ക്കു​ക​യും തുടർന്ന്‌ അമിനോ അമ്ലങ്ങളാ​യി രൂപം​കൊ​ള്ളു​ക​യും ചെയ്‌തു. വിവി​ധ​തരം അമിനോ അമ്ലങ്ങൾ ക്രമേണ സമു​ദ്ര​ത്തിൽ കൂടി​ച്ചേ​രു​ക​യും അവ സംയോ​ജിച്ച്‌ മാംസ്യ​സ​മാന സംയു​ക്ത​ങ്ങ​ളാ​യി തീരു​ക​യും ചെയ്‌തു. ഒടുവിൽ സമുദ്രം ഒരു “ജൈവ സൂപ്പ്‌” ആയിത്തീർന്നു​വെന്ന്‌ അദ്ദേഹം പറയുന്നു, എന്നാൽ അപ്പോ​ഴും അതു നിർജീ​വ​മാ​യി​രു​ന്നു.

⁴ ഡോക്കിൻസിന്റെ വിവര​ണ​മ​നു​സ​രിച്ച്‌, അങ്ങനെ​യി​രി​ക്കെ, “തികച്ചും അസാധാ​ര​ണ​മായ ഒരു തന്മാത്ര യദൃച്ഛയാ രൂപം​കൊ​ണ്ടു”—സ്വയം പ്രത്യു​ത്‌പാ​ദനം നടത്താൻ ശേഷി ഉണ്ടായി​രുന്ന ഒരു തന്മാത്ര ആയിരു​ന്നു അത്‌. അത്തര​മൊ​രു യാദൃ​ച്ഛി​കത അങ്ങേയറ്റം അസംഭ​വ്യം ആണെന്നു സമ്മതി​ക്കു​ന്നെ​ങ്കി​ലും അത്‌ ഏതെങ്കി​ലും വിധത്തിൽ സംഭവി​ച്ചി​ട്ടു​ണ്ടാ​ക​ണ​മെന്ന്‌ അദ്ദേഹം ശഠിക്കു​ന്നു. സമാന തന്മാ​ത്രകൾ കൂടി​ച്ചേർന്നു. എന്നിട്ട്‌, വീണ്ടും, അങ്ങേയറ്റം അസംഭ​വ്യ​മായ ഒരു യാദൃ​ച്ഛിക സംഭവ​ത്തി​ലൂ​ടെ അവ മറ്റു മാംസ്യ തന്മാ​ത്ര​കൾകൊ​ണ്ടുള്ള ഒരു സംരക്ഷക മറയാൽ സ്വയം പൊതി​ഞ്ഞു, അത്‌ അവയുടെ സ്‌തര​മാ​യി​ത്തീർന്നു. അങ്ങനെ, ആദ്യ ജീവ​കോ​ശം താനേ രൂപം​കൊ​ണ്ട​താ​യി പറയ​പ്പെ​ടു​ന്നു.²

5. പ്രസി​ദ്ധീ​ക​ര​ണങ്ങൾ ജീവോ​ത്‌പ​ത്തി​യെ കുറിച്ച്‌ സാധാ​ര​ണ​ഗ​തി​യിൽ ചർച്ച ചെയ്യു​ന്ന​തെ​ങ്ങനെ, എന്നാൽ ഒരു ശാസ്‌ത്രജ്ഞൻ എന്താണു പറയു​ന്നത്‌?

⁵ ഈ ഘട്ടത്തിൽ ഒരു വായന​ക്കാ​രന്‌ ഡോക്കിൻസ്‌ തന്റെ പുസ്‌ത​ക​ത്തി​ന്റെ ആമുഖ​ത്തിൽ അഭി​പ്രാ​യ​പ്പെ​ട്ടതു മനസ്സി​ലാ​യി തുടങ്ങി​യേ​ക്കാം: “ഈ പുസ്‌തകം ഏറെക്കു​റെ ശാസ്‌ത്ര​കൽപ്പി​ത​ക​ഥ​പോ​ലെ വായി​ക്കേ​ണ്ട​തുണ്ട്‌.”³ എന്നാൽ അദ്ദേഹ​ത്തി​ന്റെ സമീപനം അസാധാ​ര​ണ​മ​ല്ലെന്ന്‌ ആ വിഷയത്തെ കുറിച്ചു വായി​ക്കു​ന്നവർ കണ്ടെത്തും. പരിണാ​മത്തെ കുറി​ച്ചുള്ള മറ്റു മിക്ക പുസ്‌ത​ക​ങ്ങ​ളും ജീവനി​ല്ലാത്ത വസ്‌തു​വിൽ നിന്നുള്ള ജീവന്റെ ആവിർഭാ​വ​ത്തി​ന്റെ വിശദീ​ക​രണം സംബന്ധിച്ച അന്ധാളി​പ്പി​ക്കുന്ന പ്രശ്‌നത്തെ തൊട്ടു​ഴി​ഞ്ഞു കടന്നു​പോ​കു​ന്നു. അതു​കൊണ്ട്‌ കേം​ബ്രി​ഡ്‌ജ്‌ യൂണി​വേ​ഴ്‌സി​റ്റി​യി​ലെ ജന്തുശാ​സ്‌ത്ര വിഭാ​ഗ​ത്തി​ന്റെ പ്രൊ​ഫ​സ​റായ വില്യം തോർപ്പ്‌ സഹശാ​സ്‌ത്ര​ജ്ഞ​ന്മാ​രോട്‌ ഇങ്ങനെ പറഞ്ഞു: “ജീവോ​ത്‌പത്തി സംഭവിച്ച വിധം വിശദീ​ക​രി​ക്കാ​നുള്ള ശ്രമത്തിൽ കഴിഞ്ഞ പത്തുപ​തി​നഞ്ചു വർഷക്കാ​ല​മാ​യി പ്രസി​ദ്ധീ​ക​രി​ച്ചി​ട്ടുള്ള എല്ലാ ഊഹാ​പോ​ഹ​ങ്ങ​ളും ചർച്ചക​ളും തീരെ കഥയി​ല്ലാ​ത്ത​തും കഴമ്പി​ല്ലാ​ത്ത​തു​മാ​ണെന്നു പ്രകട​മാ​ക്ക​പ്പെ​ട്ടി​രി​ക്കു​ന്നു. എന്നത്തെ​യും പോ​ലെ​തന്നെ ഇപ്പോ​ഴും പ്രശ്‌ന​ത്തിന്‌ ഒരു പരിഹാ​രം ദൃഷ്ടി​പ​ഥ​ത്തി​ലെ​ങ്ങു​മില്ല.”⁴

6. വിജ്ഞാന വർധനവ്‌ എന്താണു പ്രകടി​പ്പി​ക്കു​ന്നത്‌?

⁶ അടുത്തകാലത്തെ വിജ്ഞാന വിസ്‌ഫോ​ടനം സചേതന വസ്‌തു​ക്കൾക്കും അചേതന വസ്‌തു​ക്കൾക്കും ഇടയിലെ വിടവി​നെ  എടുത്തു കാണി​ക്കു​കയേ ചെയ്‌തി​ട്ടു​ള്ളൂ. അറിയ​പ്പെ​ടു​ന്ന​തിൽവെച്ച്‌ ഏറ്റവും പഴക്കമുള്ള ഏകകോശ ജീവി​കൾപോ​ലും ദുർഗ്ര​ഹ​മാം​വി​ധം സങ്കീർണ​മാ​യി​രി​ക്കു​ന്ന​താ​യി കണ്ടെത്തി​യി​രി​ക്കു​ന്നു. “ജീവശാ​സ്‌ത്ര​ത്തി​ന്റെ ലക്ഷ്യം ഒരു ലളിത​മായ തുടക്ക​ത്തിൽ എത്തി​ച്ചേ​രു​ക​യെ​ന്ന​താണ്‌. ശിലക​ളിൽ കണ്ടെത്ത​പ്പെട്ട പുരാതന ജീവരൂ​പ​ങ്ങ​ളു​ടെ ഫോസിൽ അവശി​ഷ്ടങ്ങൾ ഒരു ലളിത​മായ തുടക്കം വെളി​പ്പെ​ടു​ത്തു​ന്നില്ല. . . . അതു​കൊണ്ട്‌ പരിണാ​മ​സി​ദ്ധാ​ന്ത​ത്തിന്‌ ഒരു ശരിയായ അടിത്ത​റ​യില്ല” എന്നു ജ്യോ​തി​ശ്ശാ​സ്‌ത്ര​ജ്ഞ​ന്മാ​രായ ഫ്രെഡ്‌ ഹോയ്‌ലും ചന്ദ്ര വിക്ര​മ​സിം​ഹെ​യും പറയുന്നു.⁵ അറിവി​ന്റെ ചക്രവാ​ളം വികസി​ക്കവെ, ഇത്ര അവിശ്വ​സ​നീ​യ​മാം​വി​ധം സങ്കീർണ​മായ സൂക്ഷ്‌മ ജീവരൂ​പങ്ങൾ യാദൃ​ച്ഛി​ക​മാ​യി എങ്ങനെ ഉളവാ​യി​രി​ക്കാ​മെന്നു വിശദീ​ക​രി​ക്കുക ഏറെ ദുഷ്‌ക​ര​മാ​യി​ത്തീ​രു​ന്നു.

7. ജീവോ​ത്‌പ​ത്തി​യി​ലേക്കു നയിച്ച​താ​യി അവകാ​ശ​പ്പെ​ടുന്ന മുഖ്യ പടിക​ളേവ?

⁷ പരിണാമസിദ്ധാന്തം വിഭാവന ചെയ്യു​ന്ന​ത​നു​സ​രിച്ച്‌ ജീവോ​ത്‌പ​ത്തി​യി​ലേക്കു നയിച്ച മുഖ്യ പടികൾ (1) അനു​യോ​ജ്യ​മായ ആദിമ അന്തരീ​ക്ഷ​ത്തി​ന്റെ അസ്‌തി​ത്വം (2) ജീവന്‌ അനിവാ​ര്യ​മായ “ലഘു” തന്മാ​ത്ര​ക​ള​ട​ങ്ങിയ ജൈവ സൂപ്പിന്റെ സമു​ദ്ര​ങ്ങ​ളി​ലെ രൂപം​കൊ​ള്ളൽ. (3) ഇവയിൽനിന്ന്‌ മാംസ്യ​ങ്ങ​ളും ന്യൂക്ലി​യോ​ടൈ​ഡു​ക​ളും (സങ്കീർണ​മായ രാസ സംയു​ക്തങ്ങൾ) ഉളവാകൽ (4) അവ സംയോ​ജി​ക്കു​ക​യും ഒരു സ്‌തരം ആർജി​ക്കു​ക​യും ചെയ്യൽ, അതിനു​ശേഷം (5) അവ ഒരു ജനിതക രേഖ വികസി​പ്പി​ച്ചെ​ടു​ക്കു​ക​യും അവയുടെ പകർപ്പു​കൾ ഉണ്ടാക്കാൻ തുടങ്ങു​ക​യും ചെയ്യൽ എന്നിവ​യാണ്‌. ഈ പടികൾ കണ്ടെത്ത​പ്പെട്ട വസ്‌തു​ത​ക​ളോ​ടു യോജി​പ്പി​ലാ​ണോ?

ആദിമ അന്തരീക്ഷം

8. സ്റ്റാൻലി മില്ലറും പിന്നീ​ടു​ള്ള​വ​രും നടത്തിയ ഒരു പ്രസിദ്ധ പരീക്ഷണം പാളി​പ്പോ​യത്‌ എങ്ങനെ?

⁸ 1953-ൽ സ്റ്റാൻലി മില്ലർ ഹൈ​ഡ്രജൻ, മീഥെയ്‌ൻ, അമോ​ണിയ, നീരാവി എന്നിവ അടങ്ങിയ ഒരു “അന്തരീക്ഷ”ത്തിലൂടെ ഒരു വൈദ്യു​ത സ്‌ഫു​ലിം​ഗം കടത്തി​വി​ട്ടു. അതിന്റെ ഫലമായി മാംസ്യ​ങ്ങ​ളു​ടെ നിർമാണ ഘടകങ്ങ​ളായ, ഇപ്പോൾ നിലവി​ലുള്ള അനേകം അമിനോ അമ്ലങ്ങളിൽ ചിലത്‌ ഉത്‌പാ​ദി​പ്പി​ക്ക​പ്പെട്ടു. എന്നാൽ ജീവന്റെ നിലനിൽപ്പിന്‌ ആവശ്യ​മായ 20 അമിനോ അമ്ലങ്ങളിൽ 4 എണ്ണം മാത്രമേ അദ്ദേഹ​ത്തി​നു ലഭിച്ചു​ള്ളൂ. 30-ലധികം വർഷം പിന്നി​ട്ടി​ട്ടും, അനിവാ​ര്യ​മായ 20 അമിനോ അമ്ലങ്ങളിൽ എല്ലാം, പരീക്ഷ​ണ​ത്തി​ലൂ​ടെ ഉത്‌പാ​ദി​പ്പി​ക്കാൻ ശാസ്‌ത്ര​ജ്ഞർക്കു കഴിഞ്ഞില്ല, അവ ഉണ്ടാകാൻ സാധ്യ​ത​യു​ള്ള​താ​യി തോന്നി​യേ​ക്കാ​വുന്ന സാഹച​ര്യ​ങ്ങ​ളിൽ പോലും.

9, 10. (എ) ഭൂമി​യു​ടെ ആദിമ അന്തരീ​ക്ഷ​ത്തി​ന്റെ സാധ്യ​മായ ചേരുവ സംബന്ധിച്ച്‌ എന്താണു വിശ്വ​സി​ക്ക​പ്പെ​ടു​ന്നത്‌? (ബി) പരിണാ​മം എന്തു വിഷമ​സ​ന്ധി​യെ​യാ​ണു നേരി​ടു​ന്നത്‌, ഭൂമി​യു​ടെ ആദിമ അന്തരീ​ക്ഷ​ത്തെ​ക്കു​റിച്ച്‌ അറിയ​പ്പെ​ടു​ന്നത്‌ എന്താണ്‌?

⁹ ഭൂമിയുടെ ആദിമ അന്തരീക്ഷം തന്റെ പരീക്ഷണ ഫ്‌ളാ​സ്‌കി​ലേ​തി​നോ​ടു  സമാന​മാ​യി​രു​ന്നെന്ന്‌ മില്ലർ അനുമാ​നി​ച്ചു. എന്തു​കൊണ്ട്‌? കാരണം, അദ്ദേഹ​വും ഒരു സഹപ്ര​വർത്ത​ക​നും പിന്നീടു പറഞ്ഞതു​പോ​ലെ: “ജൈവ​സം​യു​ക്ത​ങ്ങ​ളു​ടെ സംശ്ലേ​ഷണം നിരോ​ക്‌സീ​ക​രണം സംഭവിച്ച [അന്തരീ​ക്ഷ​ത്തിൽ സ്വതന്ത്ര ഓക്‌സി​ജൻ ഇല്ലാത്ത] പരിതഃ​സ്ഥി​തി​ക​ളിൽ മാത്രമേ നടക്കു​ക​യു​ള്ളൂ.”⁶ എന്നാൽ, ആദിമ അന്തരീ​ക്ഷ​ത്തിൽ ഓക്‌സി​ജൻ ഉണ്ടായി​രു​ന്നു​വെന്ന്‌ മറ്റു പരിണാ​മ​വാ​ദി​കൾ സിദ്ധാ​ന്തി​ക്കു​ന്നു. ഇതു പരിണാ​മ​ത്തി​നു സൃഷ്ടി​ക്കുന്ന വിഷമ​സന്ധി ഹിച്ചി​ങ്ങി​ന്റെ വാക്കു​ക​ളിൽ പ്രകട​മാണ്‌: “വായു​വിൽ ഓക്‌സി​ജൻ ഉണ്ടായി​രു​ന്നെ​ങ്കിൽ ആദ്യത്തെ അമിനോ അമ്ലം ഒരിക്ക​ലും ഉണ്ടാകു​മാ​യി​രു​ന്നില്ല; ഓക്‌സി​ജൻ ഇല്ലായി​രു​ന്നെ​ങ്കിൽ കോസ്‌മിക്‌ രശ്‌മി​കൾ അതിനെ തുടച്ചു​നീ​ക്കു​ക​യും ചെയ്യു​മാ​യി​രു​ന്നു.”⁷

¹⁰ ഭൂമിയുടെ ആദിമ അന്തരീ​ക്ഷ​ത്തി​ന്റെ അവസ്ഥ എന്തായി​രു​ന്നെന്നു സ്ഥാപി​ക്കാ​നുള്ള ഏതൊരു ശ്രമവും ഊഹാ​പോ​ഹ​ത്തി​ലോ അനുമാ​ന​ത്തി​ലോ മാത്രം അടിസ്ഥാ​ന​പ്പെ​ട്ട​താ​യി​രി​ക്കും എന്നതാണു വസ്‌തുത. അത്‌ എങ്ങനെ ആയിരു​ന്നു​വെന്ന്‌ ആർക്കും തിട്ടമില്ല.

ഒരു “ജൈവ സൂപ്പ്‌” ഉണ്ടാകു​മാ​യി​രു​ന്നോ?

11. (എ) സമു​ദ്ര​ത്തിൽ “ജൈവ സൂപ്പ്‌” രൂപം​കൊ​ള്ളാൻ സാധ്യ​ത​യി​ല്ലാ​ത്തത്‌ എന്തു​കൊണ്ട്‌? (ബി) മില്ലറിന്‌ തനിക്കു ലഭിച്ച ഏതാനും അമിനോ അമ്ലങ്ങൾ സംരക്ഷി​ക്കാൻ കഴിഞ്ഞ​തെ​ങ്ങനെ?

¹¹ അന്തരീക്ഷത്തിൽ ഉളവാ​യ​താ​യി വിചാ​രി​ക്ക​പ്പെ​ടുന്ന അമിനോ അമ്ലങ്ങൾ താഴേക്ക്‌ ഒഴുകി​യെ​ത്താ​നും സമു​ദ്ര​ങ്ങ​ളിൽ ഒരു “ജൈവ സൂപ്പ്‌” രൂപം​കൊ​ള്ളാ​നും എത്ര​ത്തോ​ളം സാധ്യ​ത​യുണ്ട്‌? ഒട്ടും സാധ്യ​ത​യില്ല. അന്തരീ​ക്ഷ​ത്തി​ലെ ലഘുവായ സംയു​ക്ത​ങ്ങളെ ശിഥി​ല​മാ​ക്കി​യി​രുന്ന ഊർജം അതി​ലേറെ വേഗത്തിൽ, രൂപം​കൊ​ള്ളുന്ന ഏതു സങ്കീർണ​മായ അമിനോ അമ്ലങ്ങ​ളെ​യും വിഘടി​പ്പി​ക്കു​മാ​യി​രു​ന്നു. രസകര​മെന്നു പറയട്ടെ, ഒരു “അന്തരീക്ഷ”ത്തിലൂടെ വൈദ്യു​ത സ്‌ഫു​ലിം​ഗം കടത്തി​വി​ട്ടു​കൊ​ണ്ടുള്ള പരീക്ഷ​ണ​ത്തിൽ, തനിക്കു ലഭിച്ച നാല്‌ അമിനോ അമ്ലങ്ങൾ മില്ലർക്കു സംരക്ഷി​ക്കാൻ കഴിഞ്ഞത്‌ അദ്ദേഹം അവയെ സ്‌ഫു​ലിം​ഗ​ത്തി​ന്റെ ഭാഗത്തു​നി​ന്നു മാറ്റി​യ​തു​കൊ​ണ്ടു മാത്ര​മാണ്‌. അദ്ദേഹം അവ അവിടെ വിട്ടി​രു​ന്നെ​ങ്കിൽ സ്‌ഫു​ലിം​ഗം അവയെ വിഘടി​പ്പി​ക്കു​മാ​യി​രു​ന്നു.

12. ചില അമിനോ അമ്ലങ്ങൾ സമു​ദ്ര​ങ്ങ​ളിൽ എത്തി​ച്ചേർന്നാൽപ്പോ​ലും അവയ്‌ക്ക്‌ എന്തു സംഭവി​ക്കു​മാ​യി​രു​ന്നു?

¹² എന്നാൽ, അമിനോ അമ്ലങ്ങൾ വല്ലവി​ധേ​ന​യും സമു​ദ്ര​ങ്ങ​ളിൽ എത്തി​ച്ചേർന്നു​വെ​ന്നും അന്തരീ​ക്ഷ​ത്തി​ലെ വിനാ​ശ​കാ​രി​യായ അൾട്രാ​വ​യ​ലറ്റ്‌ വികി​ര​ണ​ത്തിൽനി​ന്നു സംരക്ഷി​ക്ക​പ്പെ​ട്ടു​വെ​ന്നും അനുമാ​നി​ക്കു​ന്നെ​ങ്കി​ലെന്ത്‌? ഹിച്ചിങ്‌ ഇപ്രകാ​രം വിശദീ​ക​രി​ച്ചു: “ജലോ​പ​രി​ത​ല​ത്തിന്‌ അടിയിൽ കൂടു​ത​ലായ രാസ​പ്ര​വർത്ത​ന​ങ്ങളെ ഉജ്ജീവി​പ്പി​ക്കാൻ മതിയായ ഊർജം ഉണ്ടായി​രി​ക്കു​ക​യില്ല; കൂടുതൽ സങ്കീർണ​മായ തന്മാ​ത്ര​ക​ളു​ടെ വളർച്ചയെ ജലം എന്തായാ​ലും തടയും.”⁸

13. മാംസ്യ​ങ്ങൾ രൂപം​കൊ​ള്ള​ണ​മെ​ങ്കിൽ ജലത്തിലെ അമിനോ അമ്ലങ്ങൾ എന്തു ചെയ്യണം, എന്നാൽ മറ്റ്‌ എന്ത്‌ അപകടത്തെ അപ്പോൾ അവ അഭിമു​ഖീ​ക​രി​ക്കു​ന്നു?

 ¹³ അതുകൊണ്ട്‌, അമിനോ അമ്ലങ്ങൾ ഒരിക്കൽ ജലത്തിൽ ചെന്നു​പെ​ട്ടാൽ, കൂടുതൽ വലിയ തന്മാ​ത്രകൾ രൂപീ​കൃ​ത​മാ​കാ​നും ജീവന്റെ രൂപീ​ക​ര​ണ​ത്തിന്‌ ഉപയോ​ഗ​പ്ര​ദ​മായ മാംസ്യ​ങ്ങ​ളാ​യി പരിണ​മി​ക്കാ​നും അവ അതിനു വെളി​യിൽ കടന്നേ പറ്റൂ. എന്നാൽ, അവ ജലത്തിനു വെളി​യിൽ കടന്നാൽ വീണ്ടും അപകട​കാ​രി​യായ അൾട്രാ​വ​യ​ലറ്റ്‌ പ്രകാ​ശ​ത്തി​ന്റെ നാശവ​ല​യ​ത്തി​ലാ​കും! “മറ്റു വാക്കു​ക​ളിൽ പറഞ്ഞാൽ, ജീവപ​രി​ണാ​മ​ത്തി​ലെ ആദ്യ​ത്തേ​തും താരത​മ്യേന എളുപ്പ​മു​ള്ള​തു​മായ ഈ പടിതന്നെ [അമിനോ അമ്ലങ്ങൾ ഉണ്ടാകൽ] കടക്കു​ന്ന​തിന്‌ സൈദ്ധാ​ന്തിക തലത്തിൽ നിന്നു നോക്കു​മ്പോൾ സാധ്യത ഇല്ല” എന്ന്‌ ഹിച്ചിങ്‌ പറയുന്നു.⁹

14. അതു​കൊണ്ട്‌, പരിണാ​മ​വാ​ദി​കളെ അഭിമു​ഖീ​ക​രി​ക്കുന്ന ഏറ്റവും വലിയ കീറാ​മു​ട്ടി​ക​ളി​ലൊന്ന്‌ ഏത്‌?

¹⁴ ജീവൻ സമു​ദ്ര​ങ്ങ​ളിൽ താനേ ഉടലെ​ടു​ത്തു​വെന്ന ആശയത്തിൽ പലരും കടിച്ചു​തൂ​ങ്ങാ​റു​ണ്ടെ​ങ്കി​ലും അനിവാ​ര്യ​മാ​യി​രി​ക്കുന്ന രാസ​പ്ര​ക്രി​യ​കൾക്ക്‌ ജലാശ​യങ്ങൾ ഒട്ടും അനുകൂ​ലമല്ല. രസത​ന്ത്ര​ജ്ഞ​നായ റിച്ചർഡ്‌ ഡിക്കേ​ഴ്‌സൺ ഇങ്ങനെ വിശദീ​ക​രി​ക്കു​ന്നു: “ജലത്തിന്റെ സാന്നി​ധ്യം ബഹുല​കീ​ക​ര​ണ​ത്തെ​ക്കാൾ [ചെറിയ തന്മാ​ത്രകൾ കൂടി​ച്ചേർന്ന്‌ വലിയവ ഉണ്ടാകൽ] വിബഹു​ല​കീ​ക​ര​ണ​ത്തിന്‌ [വലിയ തന്മാ​ത്രകൾ ലഘു തന്മാ​ത്ര​ക​ളാ​യി വിഘടി​ക്കൽ] അനുകൂ​ല​മാ​യ​തി​നാൽ ആദിമ സമു​ദ്ര​ത്തി​ലെ ജലീയ പരിസ്ഥി​തി​യിൽ ബഹുല​കീ​ക​രണം എങ്ങനെ തുടങ്ങി​യി​രി​ക്കാ​മെന്നു മനസ്സി​ലാ​ക്കുക ബുദ്ധി​മു​ട്ടാണ്‌.”¹⁰ ജീവര​സ​ത​ന്ത്ര​ജ്ഞ​നായ ജോർജ്‌ വാൽഡ്‌ പിൻവ​രു​ന്ന​പ്ര​കാ​രം പ്രസ്‌താ​വി​ച്ചു​കൊണ്ട്‌ ഈ വീക്ഷണ​ത്തോ​ടു യോജി​ക്കു​ന്നു: “സ്വതഃ​വി​ല​യ​ന​ത്തി​നാ​ണു സാധ്യത വളരെ​ക്കൂ​ടു​തൽ, തന്നിമി​ത്തം അത്‌ സ്വതഃ​സം​ശ്ലേ​ഷ​ണ​ത്തെ​ക്കാൾ വളരെ വേഗത്തിൽ സംഭവി​ക്കു​ന്നു.” ജൈവ സൂപ്പ്‌ രൂപം​കൊ​ള്ളു​ക​യില്ല എന്നാണ്‌ ഇതിന്റെ അർഥം! വാൽഡ്‌ അതിനെ കുറിച്ച്‌ ഇങ്ങനെ പറയുന്നു: “നാം [പരിണാ​മ​വാ​ദി​കൾ], അഭിമു​ഖീ​ക​രി​ക്കുന്ന ഏറ്റവും വലിയ കീറാ​മു​ട്ടി” ആണിത്‌.

15, 16. ജൈവ സൂപ്പെന്നു കരുത​പ്പെ​ടു​ന്ന​തി​ലെ അമിനോ അമ്ലങ്ങളിൽനിന്ന്‌ ജീവന്‌ ആവശ്യ​മായ മാംസ്യ​ങ്ങൾ ലഭിക്കു​ന്ന​തി​നുള്ള മുഖ്യ പ്രശ്‌ന​മെ​ന്താണ്‌?

 ¹⁵ എന്നാൽ, പരിണാ​മ​സി​ദ്ധാ​ന്തം അഭിമു​ഖീ​ക​രി​ക്കുന്ന മറ്റൊരു കീറാ​മു​ട്ടി​യുണ്ട്‌. 100-ലധികം അമിനോ അമ്ലങ്ങൾ ഉണ്ടെങ്കി​ലും ജീവന്‌ ആധാര​മായ മാംസ്യ​ങ്ങൾക്ക്‌ 20 എണ്ണം മാത്രമേ ആവശ്യ​മു​ള്ളൂ​വെന്ന്‌ ഓർമി​ക്കുക. മാത്രമല്ല, അവ രണ്ട്‌ ആകൃതി​ക​ളി​ലുണ്ട്‌: ചിലത്‌ “വലതുവശ (right-handed)” തന്മാ​ത്ര​ക​ളും മറ്റുചി​ലത്‌ “ഇടതുവശ (left-handed)” തന്മാ​ത്ര​ക​ളും ആണ്‌. ഒരു സൈദ്ധാ​ന്തിക ജൈവ സൂപ്പി​ലെ​ന്ന​പോ​ലെ അവ യദൃച്ഛയാ രൂപം​കൊ​ണ്ട​താ​ണെ​ങ്കിൽ പകുതി വലതുവശ തന്മാ​ത്ര​ക​ളും പകുതി ഇടതുവശ തന്മാ​ത്ര​ക​ളും ആയിരി​ക്കാ​നാണ്‌ ഏറ്റവും സാധ്യത. അങ്ങനെ​യെ​ങ്കിൽ ജീവി​ക​ളിൽ രണ്ടു തരത്തി​ലു​ള്ള​വ​യും കാണ​പ്പെ​ടേ​ണ്ട​താണ്‌. എന്നാൽ, ജീവന്‌ ആധാര​മായ മാംസ്യ​ങ്ങ​ളു​ടെ ഉത്‌പാ​ദ​ന​ത്തിന്‌ ഉപയോ​ഗി​ക്കുന്ന 20 അമിനോ അമ്ലങ്ങൾ എല്ലാം ഇടതുവശ അമിനോ അമ്ലങ്ങളാണ്‌!

¹⁶ ആവശ്യമുള്ള പ്രത്യേക ഇനങ്ങൾ മാത്രം സൂപ്പിൽ യാദൃ​ച്ഛി​ക​മാ​യി ഒത്തു​ചേ​രു​ന്നത്‌ എങ്ങനെ? ഭൗതി​ക​ശാ​സ്‌ത്ര​ജ്ഞ​നായ ജെ. ഡി. ബെർനൽ ഇപ്രകാ​രം സമ്മതിച്ചു പറയുന്നു: “അതിന്റെ വിശദീ​ക​രണം . . . ഇപ്പോ​ഴും ജീവന്റെ ഘടനാ​പ​ര​മായ വശങ്ങളു​ടെ, വിശദീ​ക​രി​ക്കാൻ ഏറ്റവും ബുദ്ധി​മു​ട്ടുള്ള ഭാഗങ്ങ​ളി​ലൊ​ന്നാ​യി അവശേ​ഷി​ക്കു​ന്നു​വെന്ന്‌ സമ്മതിച്ചേ പറ്റൂ.” അദ്ദേഹം ഇങ്ങനെ നിഗമനം ചെയ്‌തു: “നമുക്ക്‌ അത്‌ എന്നെങ്കി​ലും വിശദീ​ക​രി​ക്കാൻ കഴിയു​മെ​ന്നും തോന്നു​ന്നില്ല.”¹²

സംഭവ്യ​ത​യും താനേ ഉളവായ മാംസ്യ​ങ്ങ​ളും

17. ഏതു ദൃഷ്ടാന്തം പ്രശ്‌ന​ത്തി​ന്റെ വ്യാപ്‌തി​യെ കാണി​ക്കു​ന്നു?

¹⁷ ശരിയായ അമിനോ അമ്ലങ്ങൾ കൂടി​ച്ചേർന്ന്‌ ഒരു മാംസ്യ തന്മാത്ര ഉണ്ടാകാൻ എന്തുമാ​ത്രം സാധ്യ​ത​യുണ്ട്‌? ചെമന്ന പയറും വെളുത്ത പയറും തുല്യ എണ്ണം അടങ്ങി​യി​ട്ടുള്ള നന്നായി ഇളക്കിയ ഒരു വലിയ കൂമ്പാ​ര​ത്തോട്‌ അതിനെ ഉപമി​ക്കാൻ കഴിയും. ഈ കൂമ്പാ​ര​ത്തിൽ 100-ലധികം വ്യത്യസ്‌ത ഇനങ്ങളി​ലുള്ള പയറും ഉണ്ട്‌. ഇപ്പോൾ, ആ കൂമ്പാ​ര​ത്തി​ലേക്ക്‌ ഒരു വലിയ കോരി​ക​യി​ട്ടു കോരി​യാൽ നിങ്ങൾക്ക്‌ എന്തു കിട്ടു​മെ​ന്നാ​ണു വിചാ​രി​ക്കു​ന്നത്‌? ഒരു മാംസ്യ​ത്തി​ന്റെ അടിസ്ഥാന ഘടകങ്ങളെ പ്രതി​നി​ധാ​നം​ചെ​യ്യുന്ന പയറുകൾ ലഭിക്കാൻ നിങ്ങൾ ചെമന്നതു മാത്രം കോരി​യെ​ടു​ക്കേ​ണ്ട​തുണ്ട്‌—വെളു​ത്തത്‌ ഒരെണ്ണം​പോ​ലും ഉണ്ടായി​രി​ക്കാൻ പാടില്ല! മാത്രമല്ല, നിങ്ങളു​ടെ കോരി​ക​യിൽ ചെമന്ന പയറിന്റെ 20 ഇനങ്ങൾ മാത്രമേ ഉണ്ടായി​രി​ക്കാ​വൂ. ഓരോ​ന്നും കോരി​ക​യിൽ ഒരു പ്രത്യേ​ക​മായ, മുൻനി​യ​മിത സ്ഥാനത്താ​യി​രി​ക്കു​ക​യും വേണം. മാംസ്യ​ലോ​കത്ത്‌, ഈ നിബന്ധ​ന​ക​ളിൽ ഏതെങ്കി​ലു​മൊ​ന്നിൽ ഒരൊറ്റ പിഴവു സംഭവി​ച്ചാൽ ഉണ്ടാകുന്ന മാംസ്യം ശരിയാം​വണ്ണം പ്രവർത്തി​ക്കു​ക​യില്ല. നമ്മുടെ സാങ്കൽപ്പിക പയറു കൂമ്പാ​രത്തെ എത്രമാ​ത്രം ഇളക്കി​യാ​ലും കോരി​യാ​ലും ശരിയായ സംയോ​ജ​ന​ത്തി​ലുള്ള പയറുകൾ കിട്ടു​മോ?  ഇല്ല. അപ്പോൾപ്പി​ന്നെ സാങ്കൽപ്പിക ജൈവ സൂപ്പിൽ അത്‌ എങ്ങനെ സാധ്യ​മാ​കു​മാ​യി​രു​ന്നു?

18. ലഘുവായ ഒരു മാംസ്യ തന്മാത്ര പോലും യാദൃ​ച്ഛി​ക​മാ​യി രൂപം​കൊ​ള്ളാ​നുള്ള സാധ്യത എത്ര വാസ്‌ത​വി​ക​മാണ്‌?

¹⁸ ജീവന്‌ അനിവാ​ര്യ​മായ മാംസ്യ​ങ്ങൾക്കു വളരെ സങ്കീർണ തന്മാ​ത്ര​ക​ളാണ്‌ ഉള്ളത്‌. ഒരു ലഘുവായ മാംസ്യ തന്മാ​ത്ര​പോ​ലും ജൈവ സൂപ്പിൽ യാദൃ​ച്ഛി​ക​മാ​യി രൂപം​കൊ​ള്ളു​ന്ന​തി​നുള്ള സാധ്യത എത്ര​ത്തോ​ള​മുണ്ട്‌? അത്‌ 10¹¹³-ൽ (1 കഴിഞ്ഞ്‌ 113 പൂജ്യങ്ങൾ) ഒന്നു മാത്ര​മാ​ണെന്നു പരിണാ​മ​വാ​ദി​കൾ സമ്മതിച്ചു പറയുന്നു. എന്നാൽ 10⁵⁰-ൽ ഒന്നുമാ​ത്രം സാധ്യ​ത​യുള്ള ഏതൊ​ന്നി​നെ​യും ഒരിക്ക​ലും സംഭവി​ക്കാ​ത്ത​താ​യി ഗണിത​ശാ​സ്‌ത്ര​ജ്ഞ​ന്മാർ തള്ളിക്ക​ള​യു​ന്നു. 10¹¹³ എന്ന സംഖ്യ പ്രപഞ്ച​ത്തി​ലെ എല്ലാ ആറ്റങ്ങളു​ടെ​യും കണക്കാ​ക്ക​പ്പെ​ടുന്ന മൊത്തം എണ്ണത്തെ​ക്കാൾ കൂടു​ത​ലാണ്‌. അപ്പോൾപ്പി​ന്നെ അതു സംഭവി​ക്കാൻ എത്രമാ​ത്രം സാധ്യ​ത​യു​ണ്ടെന്ന്‌ ഊഹി​ക്കാ​വു​ന്ന​തേ​യു​ള്ളൂ!

19. ഒരു ജീവ​കോ​ശ​ത്തിന്‌ ആവശ്യ​മായ എൻ​സൈ​മു​കൾ ലഭിക്കു​ന്ന​തി​നുള്ള സാധ്യത എത്രയാണ്‌?

¹⁹ ചില മാംസ്യ​ങ്ങൾ നിർമാണ വസ്‌തു​ക്ക​ളാ​യും മറ്റു ചിലത്‌ എൻ​സൈ​മു​ക​ളാ​യും വർത്തി​ക്കു​ന്നു. രണ്ടാമതു പറഞ്ഞവ കോശ​ത്തി​നു​ള്ളിൽ ആവശ്യ​മായ രാസ​പ്ര​വർത്ത​ന​ങ്ങളെ ത്വരി​ത​പ്പെ​ടു​ത്തു​ന്നു. അവയുടെ സഹായ​മി​ല്ലെ​ങ്കിൽ കോശം നശിച്ചു​പോ​കും. കോശ​പ്ര​വർത്ത​ന​ത്തിന്‌, എൻ​സൈ​മു​ക​ളാ​യി പ്രവർത്തി​ക്കുന്ന 2,000 മാംസ്യ​ങ്ങ​ളാണ്‌ ആവശ്യ​മാ​യി​രി​ക്കു​ന്നത്‌. ഇവയെ​ല്ലാം യാദൃ​ച്ഛി​ക​മാ​യി ലഭിക്കു​ന്ന​തി​നുള്ള സാധ്യത എത്രമാ​ത്ര​മാണ്‌? 10^40,000-ത്തിൽ ഒന്ന്‌! അതായത്‌ “മുഴു പ്രപഞ്ച​വും ജൈവ സൂപ്പു​കൊ​ണ്ടു​ള്ളത്‌ ആയാൽപോ​ലും അവയെ​ല്ലാം ലഭിക്കാൻ സാധ്യ​ത​യില്ല,” ഹോയ്‌ൽ തറപ്പി​ച്ചു​പ​റ​യു​ന്നു. അദ്ദേഹം ഇങ്ങനെ കൂട്ടി​ച്ചേർക്കു​ന്നു: “ഭൂമി​യിൽ ജീവൻ [താനേ] ഉളവായി എന്ന്‌ ഉറച്ചു വിശ്വ​സി​ക്ക​ത്ത​ക്ക​വണ്ണം സാമൂ​ഹിക വിശ്വാ​സ​ങ്ങ​ളോ ശാസ്‌ത്രീയ പരിശീ​ല​ന​മോ ഒരാളു​ടെ മനസ്സിനെ പരുവ​പ്പെ​ടു​ത്താത്ത പക്ഷം ലളിത​മായ ഈ കണക്കു​കൂ​ട്ടൽ അത്തരം ഒരു ആശയത്തെ പാടേ തള്ളിക്ക​ള​യു​ന്നു.”¹³

20. കോശ​ത്തിന്‌ ആവശ്യ​മാ​യി​രി​ക്കുന്ന സ്‌തരം പ്രശ്‌നത്തെ വർധി​പ്പി​ക്കു​ന്നത്‌ എന്തു​കൊണ്ട്‌?

²⁰ പക്ഷേ, വാസ്‌ത​വ​ത്തിൽ സാധ്യത, ഈ തീരെ ചെറിയ സംഖ്യ സൂചി​പ്പി​ക്കു​ന്ന​തി​നെ​ക്കാൾ വളരെ​യ​ധി​കം കുറവാണ്‌. കാരണം, കോശത്തെ ആവരണം​ചെ​യ്യുന്ന ഒരു സ്‌തരം ഉണ്ടായി​രി​ക്കേ​ണ്ട​തുണ്ട്‌. എന്നാൽ മാംസ്യം, പഞ്ചസാര, കൊഴു​പ്പു തന്മാ​ത്രകൾ എന്നിവ​കൊ​ണ്ടു നിർമി​ത​മായ ഈ സ്‌തരം അങ്ങേയറ്റം സങ്കീർണ​മാണ്‌. ലെസ്ലി ഓർഗൽ എന്ന പരിണാ​മ​വാ​ദി ഇപ്രകാ​രം എഴുതു​ന്നു: “പോഷ​കങ്ങൾ, വിസർജ്യ​ങ്ങൾ, ലോഹ അയോ​ണു​കൾ എന്നിവ​യു​ടെ അകത്തേ​ക്കും പുറ​ത്തേ​ക്കു​മുള്ള ഗതിയെ പ്രത്യേ​കം നിയ​ന്ത്രി​ക്കുന്ന കുഴലു​ക​ളും പമ്പുക​ളും ഉൾപ്പെ​ടു​ന്ന​താണ്‌ ഇപ്പോ​ഴത്തെ കോശ​സ്‌ത​രങ്ങൾ. പ്രത്യേക ധർമം നിർവ​ഹി​ക്കുന്ന ഈ കുഴലു​ക​ളിൽ കൃത്യ​മാ​യി  ആവശ്യ​മായ മാംസ്യ​ങ്ങൾ തന്നെയാ​ണു​ള്ളത്‌. ഇവയാ​കട്ടെ, ജീവപ​രി​ണാ​മ​ത്തി​ന്റെ തുടക്ക​ത്തിൽ ഉണ്ടായി​രു​ന്നി​രി​ക്കാൻ ഇടയി​ല്ലാഞ്ഞ തന്മാ​ത്ര​ക​ളാണ്‌.”¹⁴

21. ഡിഎൻഎ-യ്‌ക്ക്‌ ആവശ്യ​മായ ഹിസ്റ്റോ​ണു​കൾ ലഭിക്കുക എത്ര​ത്തോ​ളം ബുദ്ധി​മു​ട്ടാണ്‌?

²¹ ജനിതക രേഖയെ ഉൾക്കൊ​ള്ളുന്ന ഡിഎൻഎ-യുടെ ഘടനാ യൂണി​റ്റു​ക​ളായ ന്യൂക്ലി​യോ​ടൈ​ഡു​കൾ ലഭിക്കാ​നാണ്‌ ഇവയെ​ക്കാ​ളേറെ ബുദ്ധി​മുട്ട്‌. ഡിഎൻഎ-യിൽ അഞ്ചു ഹിസ്റ്റോ​ണു​കൾ ഉൾപ്പെ​ട്ടി​രി​ക്കു​ന്നു (ജീനു​ക​ളു​ടെ പ്രവർത്തനം നിയ​ന്ത്രി​ക്കു​ന്ന​തിൽ ഹിസ്റ്റോ​ണു​കൾക്കു പങ്കുള്ള​താ​യി കരുത​പ്പെ​ടു​ന്നു). ഈ ഹിസ്റ്റോ​ണു​ക​ളിൽ ഏറ്റവും ലഘുവാ​യ​തു​പോ​ലും രൂപം​കൊ​ള്ളാ​നുള്ള സാധ്യത 20¹⁰⁰-ൽ ഒന്നായി​രി​ക്കു​ന്ന​താ​യി പറയ​പ്പെ​ടു​ന്നു—മറ്റൊരു ഭീമൻ സംഖ്യ. “ഏറ്റവും വലിയ ജ്യോ​തി​ശ്ശാ​സ്‌ത്ര ദൂരദർശി​നി​ക​ളിൽ ദൃശ്യ​മാ​കുന്ന സകല നക്ഷത്ര​ങ്ങ​ളി​ലെ​യും ഗാലക്‌സി​ക​ളി​ലെ​യും ആറ്റങ്ങളു​ടെ ആകെത്തു​ക​യെ​ക്കാൾ വലിയ” സംഖ്യ തന്നെ.¹⁵

22. (എ) ‘കോഴി​യോ മുട്ടയോ’ എന്ന പഴയ പ്രഹേ​ളിക മാംസ്യ​ങ്ങ​ളും ഡിഎൻഎ-യുമായി ബന്ധപ്പെ​ട്ടി​രി​ക്കു​ന്നത്‌ എങ്ങനെ? (ബി) ഒരു പരിണാ​മ​വാ​ദി എന്തു പോം​വ​ഴി​യാ​ണു നിർദേ​ശി​ക്കു​ന്നത്‌, അത്‌ യുക്തി​സ​ഹ​മാ​ണോ?

²² എന്നാൽ പരിണാ​മ​സി​ദ്ധാ​ന്തം അഭിമു​ഖീ​ക​രി​ക്കുന്ന ഏറെ വലിയ പ്രശ്‌ന​ങ്ങ​ളിൽ ഒന്നാണ്‌ കോശ പുനരു​ത്‌പാ​ദ​ന​ത്തിന്‌ അനിവാ​ര്യ​മായ ഒരു സമ്പൂർണ ജനിതക രേഖയു​ടെ ഉത്ഭവം. ‘കോഴി​യോ മുട്ടയോ’ എന്ന പഴയ പ്രഹേ​ളിക മാംസ്യ​ങ്ങ​ളോ​ടും ഡിഎൻഎ-യോടു​മുള്ള ബന്ധത്തിൽ വീണ്ടും തലപൊ​ക്കു​ന്നു. ഹിച്ചിങ്‌ പറയുന്നു: “മാംസ്യ​ങ്ങൾ അവയുടെ രൂപീ​ക​ര​ണ​ത്തിന്‌ ഡിഎൻഎ-യെ ആശ്രയി​ക്കു​ന്നു. എന്നാൽ മാംസ്യ​മി​ല്ലാ​തെ ഡിഎൻഎ-ക്ക്‌ ഉളവാ​കാൻ കഴിയു​ക​യില്ല.”¹⁶ ഡിക്കേ​ഴ്‌സൺ ചൂണ്ടി​ക്കാ​ണി​ക്കു​ന്നതു പോലെ ഇത്‌ ഒരു വിരോ​ധാ​ഭാ​സ​ത്തിന്‌ ഇടയാ​ക്കു​ന്നു: “ഏതാണ്‌ ആദ്യമു​ണ്ടാ​യത്‌,” മാംസ്യ​മോ ഡിഎൻഎ-യോ?  “ഉത്തരം ‘അവ ഒരേ സമയത്തു വികാ​സം​പ്രാ​പി​ച്ചു’ എന്നത്‌ ആയിരു​ന്നേ പറ്റൂ,” അദ്ദേഹം തറപ്പിച്ചു പറയുന്നു.¹⁷ ഫലത്തിൽ, ‘കോഴി​യും’ ‘മുട്ടയും’ ഒരേ സമയം പരിണ​മി​ച്ചു വന്നിരി​ക്കണം എന്നാണ്‌ അദ്ദേഹം പറയു​ന്നത്‌, ഒന്നും മറ്റേതിൽനിന്ന്‌ ഉളവാ​യതല്ല. ഇതു നിങ്ങൾക്കു യുക്തി​സ​ഹ​മാ​യി തോന്നു​ന്നു​വോ? ഒരു ശാസ്‌ത്ര ലേഖകൻ അതിങ്ങനെ സംഗ്ര​ഹി​ക്കു​ന്നു: “ജനിതക രേഖയു​ടെ ഉത്ഭവം ഒരു വൻ കോഴി-മുട്ട പ്രശ്‌നം അവതരി​പ്പി​ക്കു​ന്നു, അതി​പ്പോൾ ആകെ ഉടഞ്ഞു കിടക്കു​ക​യാണ്‌.”¹⁸

23. ജനിതക സംവി​ധാ​ന​ത്തെ​ക്കു​റിച്ച്‌ മറ്റു ശാസ്‌ത്ര​ജ്ഞ​ന്മാർ എന്തു പറയുന്നു?

²³ രസതന്ത്രജ്ഞനായ ഡിക്കേ​ഴ്‌സ​ണും ഈ രസാവ​ഹ​മായ അഭി​പ്രാ​യം പറഞ്ഞു: “ജനിതക സംവി​ധാ​ന​ത്തി​ന്റെ പരിണാ​മം പരീക്ഷ​ണ​ശാ​ല​യിൽ തെളി​യി​ക്ക​പ്പെ​ട്ടി​ട്ടില്ല; അതു​കൊണ്ട്‌ അസുഖ​ക​ര​മായ യാഥാർഥ്യ​ങ്ങ​ളു​ടെ കൂച്ചു​വി​ല​ങ്ങി​ല്ലാ​തെ ഒരുവന്‌ എത്ര വേണ​മെ​ങ്കി​ലും ഊഹി​ക്കാൻ കഴിയും.”¹⁹ എന്നാൽ “അസുഖ​ക​ര​മായ യാഥാർഥ്യ​ങ്ങ​ളു​ടെ” പ്രളയ​ങ്ങളെ കണ്ടി​ല്ലെന്നു നടിക്കു​ന്നത്‌ ശാസ്‌ത്രത്തെ സംബന്ധിച്ച്‌ ശരിയായ ഒരു നടപടി​യാ​ണോ? ലെസ്ലി ഓർഗൽ ജനിതക രേഖയു​ടെ സാന്നി​ധ്യ​ത്തെ “ജീവോ​ത്‌പത്തി പ്രശ്‌ന​ത്തി​ന്റെ ഏറ്റവും കുഴപ്പി​ക്കുന്ന വശം” എന്നു വിളി​ക്കു​ന്നു.²⁰ ഫ്രാൻസിസ്‌ ക്രിക്ക്‌ ഇപ്രകാ​രം നിഗമനം ചെയ്‌തു: “ജനിതക രേഖ സർവസാ​ധാ​ര​ണ​മായ ഒന്നാണ്‌. എങ്കിലും അതിനെ രൂപ​പ്പെ​ടു​ത്താ​നാ​വ​ശ്യ​മായ സംവി​ധാ​നം ഒറ്റയടിക്ക്‌ ഉളവാ​യി​രി​ക്കാൻ ആകാത്ത​വി​ധം അത്ര സങ്കീർണ​മാണ്‌.”²¹

24. പ്രകൃ​തി​നിർധാ​ര​ണ​ത്തെ​ക്കു​റി​ച്ചും പുനരു​ത്‌പാ​ദനം നടത്തുന്ന ആദ്യത്തെ കോശ​ത്തെ​ക്കു​റി​ച്ചും എന്തു പറയാൻ കഴിയും?

²⁴ എന്നാൽ, “ഒറ്റയടിക്ക്‌” എന്തെങ്കി​ലും സംഭവി​ക്കേ​ണ്ട​തി​ന്റെ ആവശ്യം തന്നെ വരുന്നി​ല്ലെന്നു കാണി​ക്കാ​നാ​യി പരിണാ​മ​സി​ദ്ധാ​ന്തം പ്രകൃ​തി​നിർധാ​രണം—സാവധാ​ന​ത്തിൽ, പടിപ​ടി​യാ​യി നടക്കുന്ന ഒരു പ്രക്രിയ—എന്ന ആശയത്തെ പൊക്കി​പ്പി​ടി​ക്കു​ന്നു. പക്ഷേ, ജനിതക രേഖ ഇല്ലെങ്കിൽ പുനരു​ത്‌പാ​ദനം നടക്കു​ക​യില്ല. പുനരു​ത്‌പാ​ദനം നടന്നി​ല്ലെ​ങ്കിൽ പ്രകൃ​തി​നിർധാ​ര​ണ​ത്തിന്‌ തിര​ഞ്ഞെ​ടു​ക്കാൻ യാതൊ​ന്നും ഉണ്ടായി​രി​ക്കു​ക​യു​മില്ല.

വിസ്‌മ​യ​മു​ണർത്തുന്ന പ്രകാ​ശ​സം​ശ്ലേ​ഷണം

25. ഏതു പ്രക്രിയ ആരംഭി​ക്കാ​നുള്ള വിസ്‌മ​യാ​വ​ഹ​മായ പ്രാപ്‌തി​യാണ്‌ പരിണാ​മം ഒരു ലഘു കോശ​ത്തിന്‌ ആരോ​പി​ക്കു​ന്നത്‌?

²⁵ പരിണാമസിദ്ധാന്തത്തിന്റെ മറ്റൊരു വിലങ്ങു​തടി ഇപ്പോൾ തലപൊ​ക്കു​ന്നു. പരിണാ​മ​ശ്രേ​ണി​യിൽ എങ്ങോ വെച്ച്‌ ഭൗമജീ​വനെ പാടേ മാറ്റി​മ​റിച്ച ഒരു സംഗതി ആദിമ കോശം കണ്ടുപി​ടി​ക്കേ​ണ്ടി​യി​രു​ന്നു—പ്രകാ​ശ​സം​ശ്ലേ​ഷണം. സസ്യങ്ങൾ കാർബൺ ഡൈ ഓക്‌​സൈ​ഡി​നെ സ്വീക​രി​ക്കു​ക​യും ഓക്‌സി​ജനെ പുറത്തു​വി​ടു​ക​യും ചെയ്യുന്ന ഈ പ്രക്രിയ ശാസ്‌ത്ര​ജ്ഞർക്ക്‌ ഇതുവരെ പൂർണ​മാ​യി മനസ്സി​ലാ​യി​ട്ടില്ല. ജീവശാ​സ്‌ത്ര​ജ്ഞ​നായ എഫ്‌. ഡബ്ലിയു. വെന്റ്‌ പ്രസ്‌താ​വി​ച്ച​തു​പോ​ലെ “ആർക്കും ഇതുവരെ ടെസ്റ്റ്‌ട്യൂ​ബിൽ പുനരാ​വി​ഷ്‌ക​രി​ക്കാൻ കഴിഞ്ഞി​ട്ടി​ല്ലാത്ത ഒരു പ്രക്രിയ” ആണിത്‌.  എങ്കിലും, ലഘുവായ ഒരു ചെറിയ കോശം യാദൃ​ച്ഛി​ക​മാ​യി ഈ പ്രക്രിയ ആരംഭി​ച്ച​താ​യി കരുത​പ്പെ​ടു​ന്നു.

26. ഈ പ്രക്രിയ എന്തു സമൂല പരിവർത്ത​ന​മാണ്‌ ഉളവാ​ക്കി​യത്‌?

²⁶ ഈ പ്രകാ​ശ​സം​ശ്ലേഷണ പ്രക്രി​യ​യു​ടെ ഫലമായി സ്വതന്ത്ര ഓക്‌സി​ജൻ ഇല്ലാതി​രുന്ന ഒരു അന്തരീ​ക്ഷ​ത്തി​ലെ ഓരോ അഞ്ചു തന്മാ​ത്ര​ക​ളി​ലും ഒന്നു വീതം ഓക്‌സി​ജൻ തന്മാ​ത്ര​യാ​യി മാറി. അതിന്റെ ഫലമായി, ജന്തുക്കൾക്ക്‌ ഓക്‌സി​ജൻ ശ്വസി​ക്കാ​നും അങ്ങനെ ജീവൻ നിലനിർത്താ​നും കഴിഞ്ഞു. കൂടാതെ, അൾട്രാ​വ​യ​ലറ്റ്‌ വികി​ര​ണ​ത്തി​ന്റെ ഹാനി​ക​ര​മായ ഫലങ്ങളിൽനിന്ന്‌ മുഴു ജീവജാ​ല​ങ്ങ​ളെ​യും സംരക്ഷി​ക്കുന്ന ഒരു ഓസോൺ പാളി​യും രൂപം​കൊ​ണ്ടു. പക്ഷേ, അത്ഭുത​ക​ര​മായ ഈ സംഭവ​പ​ര​മ്പ​രകൾ കേവലം യാദൃ​ച്ഛി​ക​മാ​യി സംഭവി​ക്കു​മോ?

ബുദ്ധി​ശക്തി ഉൾപ്പെ​ട്ടി​ട്ടു​ണ്ടോ?

27. തെളി​വു​കൾ ചില പരിണാ​മ​വാ​ദി​കളെ എവി​ടെ​ക്കൊ​ണ്ടെ​ത്തി​ച്ചി​രി​ക്കു​ന്നു?

²⁷ ഒരു ജീവ​കോ​ശം യാദൃ​ച്ഛി​ക​മാ​യി ഉളവാ​കു​ന്ന​തി​നുള്ള അതിബൃ​ഹ​ത്തായ പ്രതി​കൂല സാധ്യ​തകൾ തിരി​ച്ച​റി​യു​മ്പോൾ ചില പരിണാ​മ​വാ​ദി​കൾ പിന്തി​രി​യാൻ നിർബ​ന്ധി​ത​രാ​കു​ന്നു. ഉദാഹ​ര​ണ​ത്തിന്‌, ബഹിരാ​കാ​ശ​ത്തു​നി​ന്നുള്ള പരിണാ​മം (ഇംഗ്ലീഷ്‌) എന്ന പുസ്‌ത​ക​ത്തി​ന്റെ ഗ്രന്ഥകർത്താ​ക്കൾ (ഹോയ്‌ലും വിക്ര​മ​സിം​ഹെ​യും) ഇങ്ങനെ പറഞ്ഞു​കൊ​ണ്ടു ശ്രമം ഉപേക്ഷി​ക്കു​ന്നു: “ഈ പ്രശ്‌നങ്ങൾ അക്കമിട്ടു നിരത്താൻ പറ്റാത്ത​വണ്ണം വളരെ സങ്കീർണ​മാണ്‌.” അവർ ഇപ്രകാ​രം കൂട്ടി​ച്ചേർക്കു​ന്നു: “കൂടിയ അളവി​ലു​ള്ള​തോ മെച്ചമോ ആയ ഒരു ജൈവ സൂപ്പാണ്‌ ഉണ്ടായി​രു​ന്ന​തെന്നു പറഞ്ഞു​കൊണ്ട്‌ നമുക്കു രക്ഷപ്പെ​ടാൻ . . . മാർഗ​മൊ​ന്നു​മില്ല. അങ്ങനെ കരുതു​ന്നത്‌ പ്രശ്‌ന​ത്തി​നു പരിഹാ​ര​മാ​യേ​ക്കു​മെ​ന്നാണ്‌ ഒന്നോ രണ്ടോ വർഷം മുമ്പു നാം പ്രതീ​ക്ഷി​ച്ചത്‌. നാം മുകളിൽ കണക്കു​കൂ​ട്ടിയ സാധ്യ​തകൾ ഒരു ഭൗമിക സൂപ്പി​ലെ​ന്ന​പോ​ലെ​തന്നെ ഒരു പ്രാപ​ഞ്ചിക സൂപ്പിന്റെ കാര്യ​ത്തി​ലും അടിസ്ഥാ​ന​പ​ര​മാ​യി അസംഭ​വ്യ​മാണ്‌.”²³

28. (എ) ബുദ്ധി​ശ​ക്തി​യു​ടെ ആവശ്യം സമ്മതി​ക്കാ​തി​രി​ക്കു​ന്ന​തി​നു പിന്നിൽ എന്തു കാരണ​മാ​യി​രി​ക്കാ​മു​ള്ളത്‌? (ബി) ഉയർന്ന ബുദ്ധി​ശക്തി ആവശ്യ​മാ​ണെന്നു വിശ്വ​സി​ക്കുന്ന പരിണാ​മ​വാ​ദി​കൾ, ആ ബുദ്ധി​ശ​ക്തി​യു​ടെ ഉറവിടം എന്തല്ലെ​ന്നാ​ണു പറയു​ന്നത്‌?

 ²⁸ അതുകൊണ്ട്‌, ജീവൻ ഉളവാ​ക്കു​ന്ന​തിൽ ബുദ്ധി​ശക്തി ഏതോ വിധത്തിൽ ഉൾപ്പെ​ട്ടി​രി​ക്കണം എന്നു സമ്മതി​ച്ച​തി​നു ശേഷം ഗ്രന്ഥകർത്താ​ക്കൾ തുടരു​ന്നു: “വാസ്‌ത​വ​ത്തിൽ, ആ സിദ്ധാന്തം തികച്ചും സ്‌പഷ്ട​മായ ഒന്നായി ആളുകൾ പരക്കെ അംഗീ​ക​രി​ക്കാ​ത്തത്‌ എന്തു​കൊ​ണ്ടെന്ന്‌ അത്ഭുതം തോന്നും, അത്രമാ​ത്രം വ്യക്തമാണ്‌ അത്‌. കാരണങ്ങൾ ശാസ്‌ത്രീ​യം അല്ല, പകരം മനഃശാ​സ്‌ത്ര​പ​ര​മാണ്‌.”²⁴ അതു​കൊണ്ട്‌, ഡോക്കിൻസ്‌ പ്രസ്‌താ​വി​ച്ച​തു​പോ​ലെ, മിക്ക പരിണാ​മ​വാ​ദി​ക​ളും യാദൃ​ച്ഛിക ജീവോ​ത്‌പത്തി എന്ന ആശയത്തിൽ കടിച്ചു​തൂ​ങ്ങു​ന്ന​തും ഏതെങ്കി​ലും “രൂപകൽപ്പ​ന​യെ​യോ ഉദ്ദേശ്യ​ത്തെ​യോ മാർഗ​നിർദേ​ശ​ത്തെ​യോ”²⁵ നിരസി​ക്കു​ന്ന​തും എന്തു​കൊണ്ട്‌ എന്നതി​നുള്ള സാധ്യ​മായ ഒരേ ഒരു വിശദീ​ക​രണം ‘മനഃശാ​സ്‌ത്ര​പ​ര​മായ’ പ്രതി​ബന്ധം നിമി​ത്ത​മാ​ണെന്ന്‌ ഒരു നിരീ​ക്ഷകൻ നിഗമനം ചെയ്‌തേ​ക്കാം. വാസ്‌ത​വ​ത്തിൽ, ഹോയ്‌ലും വിക്ര​മ​സിം​ഹെ​യും പോലും ബുദ്ധി​ശ​ക്തി​യു​ടെ ആവശ്യം സമ്മതിച്ചു പറഞ്ഞ ശേഷം ആളത്വ​മുള്ള ഒരു സ്രഷ്ടാവ്‌ ജീവോ​ത്‌പ​ത്തിക്ക്‌ ഉത്തരവാ​ദി ആയിരി​ക്കു​ന്ന​താ​യി തങ്ങൾ വിശ്വ​സി​ക്കു​ന്നി​ല്ലെന്നു പറയുന്നു.²⁶ അവർ പറയു​ന്നത്‌, ബുദ്ധി​ശക്തി എന്തായാ​ലും ഉൾപ്പെ​ട്ടി​രു​ന്നു, പക്ഷേ ഒരു സ്രഷ്ടാവ്‌ ഉണ്ടായി​രു​ന്നില്ല എന്നാണ്‌. അതു പരസ്‌പ​ര​വി​രു​ദ്ധ​മാ​യി നിങ്ങൾക്കു തോന്നു​ന്നു​വോ?

അതൊരു ശാസ്‌ത്രീയ വസ്‌തു​ത​യാ​ണോ?

29. ശാസ്‌ത്രീയ രീതി എന്താണ്‌?

²⁹ ജീവന്റെ താനേ​യുള്ള ആരംഭത്തെ ശാസ്‌ത്ര വസ്‌തു​ത​യാ​യി അംഗീ​ക​രി​ക്ക​ണ​മെ​ങ്കിൽ അതു ശാസ്‌ത്രീ​യ​മായ രീതി​യിൽത്തന്നെ സ്ഥാപി​ക്ക​പ്പെ​ടണം. ആ രീതി പിൻവ​രു​ന്ന​താണ്‌: സംഭവി​ക്കു​ന്നത്‌ എന്താ​ണെന്നു നിരീ​ക്ഷി​ക്കുക; ആ നിരീ​ക്ഷ​ണ​ങ്ങളെ അടിസ്ഥാ​ന​മാ​ക്കി സത്യമാ​യി​രി​ക്കാ​വുന്ന കാര്യ​ങ്ങളെ പറ്റി ഒരു സിദ്ധാന്തം ആവിഷ്‌ക​രി​ക്കുക; കൂടു​ത​ലായ നിരീക്ഷണ പരീക്ഷ​ണ​ങ്ങ​ളി​ലൂ​ടെ ആ സിദ്ധാ​ന്ത​ത്തി​ന്റെ മാറ്റു​രച്ചു നോക്കുക; സിദ്ധാ​ന്തത്തെ അടിസ്ഥാ​ന​മാ​ക്കി​യുള്ള പ്രവച​നങ്ങൾ നിവൃ​ത്തി​യാ​കു​ന്നു​ണ്ടോ എന്നു നിരീ​ക്ഷി​ക്കുക.

30. ശാസ്‌ത്രീയ രീതി ബാധക​മാ​ക്കു​ന്ന​തി​നോ​ടുള്ള ബന്ധത്തിൽ സ്വതഃ​ജ​നനം ഏതെല്ലാം വിധങ്ങ​ളി​ലാ​ണു പാളി​പ്പോ​കു​ന്നത്‌?

³⁰ ശാസ്‌ത്രീയ രീതി​യിൽ കാര്യങ്ങൾ ചെയ്യാൻ ശ്രമി​ക്കവെ, ജീവന്റെ സ്വതഃ​ജ​നനം നിരീ​ക്ഷി​ക്കാൻ കഴിഞ്ഞി​ട്ടില്ല. അതി​പ്പോൾ സംഭവി​ക്കു​ന്നുണ്ട്‌ എന്നതിന്‌ യാതൊ​രു തെളി​വു​മില്ല. അതു സംഭവി​ച്ചി​രു​ന്നു എന്നു പരിണാ​മ​വാ​ദി​കൾ പറയുന്ന സമയത്ത്‌ മനുഷ്യ നിരീ​ക്ഷ​ക​രാ​രും തീർച്ച​യാ​യും അവി​ടെ​ങ്ങും ഉണ്ടായി​രു​ന്നില്ല. അതു സംബന്ധിച്ച യാതൊ​രു സിദ്ധാ​ന്ത​വും നിരീ​ക്ഷ​ണ​ത്തി​ലൂ​ടെ സമർഥി​ക്ക​പ്പെ​ട്ടി​ട്ടില്ല.  പരീക്ഷ​ണ​ശാ​ലാ പരീക്ഷ​ണങ്ങൾ അതു പുനരാ​വി​ഷ്‌ക​രി​ക്കു​ന്ന​തിൽ പരാജ​യ​പ്പെ​ട്ടി​രി​ക്കു​ന്നു. സിദ്ധാ​ന്തത്തെ അടിസ്ഥാ​ന​മാ​ക്കി​യുള്ള പ്രവച​നങ്ങൾ നിവൃ​ത്തി​യാ​യി​ട്ടു​മില്ല. ശാസ്‌ത്രീയ രീതി ഒരു തരത്തി​ലും ബാധക​മാ​ക്കാൻ കഴിയാത്ത ഈ സാഹച​ര്യ​ത്തിൽ അത്തര​മൊ​രു സിദ്ധാ​ന്തത്തെ വസ്‌തു​ത​യു​ടെ തലത്തി​ലേക്ക്‌ ഉയർത്തു​ന്നത്‌ ശാസ്‌ത്രത്തെ സംബന്ധി​ച്ചി​ട​ത്തോ​ളം സത്യസ​ന്ധ​മാ​ണോ?

31. ഒരു ശാസ്‌ത്ര​ജ്ഞന്‌ സ്വതഃ​ജ​ന​ന​ത്തെ​ക്കു​റി​ച്ചു പരസ്‌പ​ര​വി​രു​ദ്ധ​മായ എന്തു വീക്ഷണ​ങ്ങ​ളാണ്‌ ഉള്ളത്‌?

³¹ അതേസമയം, ജീവനി​ല്ലാത്ത വസ്‌തു​വിൽനി​ന്നുള്ള ജീവന്റെ സ്വതഃ​ജ​നനം അസാധ്യ​മാ​ണെ​ന്നുള്ള നിഗമ​നത്തെ പിന്തു​ണ​യ്‌ക്കാൻ വേണ്ടത്ര തെളി​വു​ക​ളുണ്ട്‌. “ഒരു ജീവി​യു​ടെ സ്വതഃ​ജ​നനം അസാധ്യ​മാ​ണെന്നു സമ്മതി​ക്കാൻ ഒരാൾ അതു​പ്ര​കാ​രം നടക്കേണ്ട സംഗതി​ക​ളു​ടെ വ്യാപ്‌തി​യെ​ക്കു​റി​ച്ചു ശ്രദ്ധാ​പൂർവം പരിചി​ന്തി​ക്കുക മാത്രമേ വേണ്ടൂ” എന്ന്‌ ഹാർവാർഡ്‌ സർവക​ലാ​ശാ​ല​യി​ലെ പ്രൊ​ഫസർ വാൽഡ്‌ സമ്മതിച്ചു പറയുന്നു. എന്നാൽ പരിണാ​മ​ത്തി​ന്റെ ഈ അനുകൂല വാദി വാസ്‌ത​വ​ത്തിൽ എന്താണു വിശ്വ​സി​ക്കു​ന്നത്‌? അദ്ദേഹം മറുപടി പറയുന്നു: “എങ്കിലും നാമി​വി​ടെ​യുണ്ട്‌—അതു​കൊ​ണ്ടു​തന്നെ ഞാൻ സ്വതഃ​ജ​ന​ന​ത്തിൽ വിശ്വ​സി​ക്കു​ന്നു.”²⁷ അതു വസ്‌തു​നി​ഷ്‌ഠ​മായ ശാസ്‌ത്രീയ സമീപ​ന​മാ​ണെന്നു നിങ്ങൾക്കു തോന്നു​ന്നു​ണ്ടോ?

32. അത്തരം ന്യായ​വാ​ദം അശാസ്‌ത്രീ​യ​മാ​ണെന്നു പരിണാ​മ​വാ​ദി​കൾപോ​ലും സമ്മതി​ക്കു​ന്നത്‌ എങ്ങനെ?

³² ബ്രിട്ടീഷ്‌ ജീവശാ​സ്‌ത്ര​ജ്ഞ​നായ ജോസഫ്‌ ഹെൻറി വൂഡ്‌ജെർ അത്തരം ന്യായ​വാ​ദത്തെ “സംഭവി​ച്ച​താ​യി നിങ്ങൾ വിശ്വ​സി​ക്കാൻ ആഗ്രഹി​ക്കുന്ന സംഗതി വാസ്‌ത​വ​ത്തിൽ നടന്നു​വെന്ന വെറും കടും​പി​ടി​ത്തം” എന്നു വിശേ​ഷി​പ്പി​ക്കു​ന്നു.²⁸ ശാസ്‌ത്രീയ രീതി അവലം​ബി​ക്കു​ന്ന​തി​ലെ ഈ പ്രകട​മായ ലംഘനത്തെ ശാസ്‌ത്ര​ജ്ഞ​ന്മാർതന്നെ സമ്മതിച്ചു പറയു​ന്ന​തെ​ങ്ങനെ? സുപ്ര​സിദ്ധ പരിണാ​മ​വാ​ദി​യായ ലോറെൻ ഐസ്ലീ ഇങ്ങനെ പറഞ്ഞു: “കെട്ടു​ക​ഥ​യി​ലും അത്ഭുത​ത്തി​ലും ആശ്രയി​ക്കു​ന്ന​തിന്‌ ദൈവ​ശാ​സ്‌ത്ര​ജ്ഞനെ ശകാരി​ച്ച​ശേഷം സ്വന്തമാ​യി ഒരു കെട്ടുകഥ നിർമി​ക്കേണ്ടി വരുന്ന, ഒട്ടും മെച്ചമ​ല്ലാത്ത സ്ഥാനത്ത്‌ ശാസ്‌ത്രം എത്തിയി​രി​ക്കു​ന്നു: അതായത്‌, ദീർഘ​കാ​ലത്തെ ശ്രമത്തി​നു ശേഷവും സംഭവി​ക്കു​മെന്ന്‌ ഇന്നു തെളി​യി​ക്കാൻ കഴിയാത്ത ഒരു സംഗതി സത്യത്തിൽ അതിപു​രാ​തന കാലത്തു സംഭവി​ച്ചു എന്ന്‌ അത്‌ അഭ്യൂ​ഹി​ച്ചി​രി​ക്കു​ന്നു.”²⁹

33. മുൻ തെളി​വു​ക​ളു​ടെ​യെ​ല്ലാം അടിസ്ഥാ​ന​ത്തിൽ സ്വതഃ​ജ​ന​ന​വും ശാസ്‌ത്രീയ രീതി​യു​ടെ ബാധക​മാ​ക്ക​ലും സംബന്ധിച്ച്‌ എന്തു നിഗമ​ന​ത്തിൽ എത്തി​ച്ചേ​രേ​ണ്ട​തുണ്ട്‌?

³³ തെളിവിന്റെ അടിസ്ഥാ​ന​ത്തിൽ, ജീവന്റെ സ്വതഃ​ജനന സിദ്ധാ​ന്തത്തെ ശാസ്‌ത്ര വസ്‌തു​ത​യാ​യി കണക്കാ​ക്കു​ന്ന​തി​നെ​ക്കാൾ ശാസ്‌ത്ര​കൽപ്പി​ത​ക​ഥ​യാ​യി കണക്കാ​ക്കു​ന്ന​താ​ണു മെച്ച​മെന്നു തോന്നു​ന്നു. തങ്ങൾ വിശ്വ​സി​ക്കാൻ ആഗ്രഹി​ക്കു​ന്നതു വിശ്വ​സി​ക്കു​ന്ന​തി​നു വേണ്ടി, അത്തരം സിദ്ധാ​ന്ത​ങ്ങളെ അനുകൂ​ലി​ക്കുന്ന പലരും ശാസ്‌ത്രീയ രീതി വിട്ടു​ക​ള​ഞ്ഞി​രി​ക്കു​ന്ന​താ​യി കാണുന്നു.  ജീവൻ യാദൃ​ച്ഛി​ക​മാ​യി ഉത്ഭവി​ക്കു​ന്ന​തി​നുള്ള സാധ്യത തുലോം തുച്ഛമാ​യി​രു​ന്നി​ട്ടും ശാസ്‌ത്രീയ രീതി സാധാരണ അവലം​ബി​ക്കാ​റുള്ള ജാഗ്ര​ത​യോ​ടു​കൂ​ടിയ സമീപ​ന​ത്തി​നു പകരം, കാര്യ​ങ്ങ​ളിൽ കടിച്ചു​തൂ​ങ്ങു​ന്ന​തി​നുള്ള ഒരു പ്രവണ​ത​യാ​ണു കാണാൻ കഴിയു​ന്നത്‌.

എല്ലാ ശാസ്‌ത്ര​ജ്ഞ​രും അതിനെ അംഗീ​ക​രി​ക്കു​ന്നില്ല

34. (എ) ഒരു ഭൗതി​ക​ശാ​സ്‌ത്രജ്ഞൻ ശാസ്‌ത്രീ​യ​മാ​യി വിശാ​ല​മ​നഃ​സ്ഥി​തി പ്രകടി​പ്പി​ക്കു​ന്നത്‌ എങ്ങനെ? (ബി) അദ്ദേഹം പരിണാ​മത്തെ എങ്ങനെ വർണി​ക്കു​ന്നു, പല ശാസ്‌ത്ര​ജ്ഞ​ന്മാ​രെ​യും കുറിച്ച്‌ എന്ത്‌ അഭി​പ്രാ​യ​മാണ്‌ അദ്ദേഹം പുറ​പ്പെ​ടു​വി​ക്കു​ന്നത്‌?

³⁴ എന്നിരുന്നാലും, എല്ലാ ശാസ്‌ത്ര​ജ്ഞ​രും ഇക്കാര്യ​ത്തിൽ കടും​പി​ടി​ത്ത​ക്കാ​രല്ല. ഉദാഹ​ര​ണ​ത്തിന്‌, ഭൗതി​ക​ശാ​സ്‌ത്ര​ജ്ഞ​നായ എച്ച്‌. എസ്‌. ലിപ്‌സൺ ജീവൻ താനേ ഉളവാ​കു​ന്ന​തി​നുള്ള പ്രതി​കൂല സാധ്യ​തകൾ തിരി​ച്ച​റി​ഞ്ഞു​കൊണ്ട്‌ ഇങ്ങനെ പറഞ്ഞു: “സ്വീകാ​ര്യ​മായ ഏക വിശദീ​ക​രണം സൃഷ്ടി​യാണ്‌. എന്നെ പോ​ലെ​യുള്ള ഭൗതി​ക​ശാ​സ്‌ത്ര​ജ്ഞർക്ക്‌ ഇതു നിഷി​ദ്ധ​മാ​ണെന്ന്‌ എനിക്ക​റി​യാം.  എന്നാൽ നമുക്ക്‌ ഇഷ്ടമി​ല്ലാത്ത ഒരു സിദ്ധാ​ന്ത​മാ​ണെ​ങ്കി​ലും അതിനെ പരീക്ഷ​ണങ്ങൾ തെളി​യി​ക്കു​ന്ന​പക്ഷം നാം തള്ളിക്ക​ള​യ​രുത്‌.” ഡാർവി​ന്റെ പുസ്‌ത​ക​മായ വർഗോ​ത്‌പത്തി പുറത്തി​റ​ങ്ങി​യ​തി​നു​ശേഷം “പരിണാ​മം ഒരർഥ​ത്തിൽ ഒരു ശാസ്‌ത്ര മതം ആയിത്തീർന്നെ​ന്നും മിക്കവാ​റും എല്ലാ ശാസ്‌ത്ര​ജ്ഞ​ന്മാ​രും അതിനെ അംഗീ​ക​രി​ച്ചി​രി​ക്കു​ക​യാ​ണെ​ന്നും പലരും തങ്ങളുടെ നിരീ​ക്ഷ​ണ​ങ്ങളെ അതിന്‌ അനു​യോ​ജ്യ​മാം വിധം ‘വളച്ചൊ​ടി​ക്കാൻ’ തയ്യാറാ​ണെ​ന്നും” അദ്ദേഹം കൂട്ടി​ച്ചേർത്തു.³⁰ സങ്കടക​രം​തന്നെ, പക്ഷേ അതാണു യാഥാർഥ്യം.

35. (എ) ഒരു യൂണി​വേ​ഴ്‌സി​റ്റി പ്രൊ​ഫസർ ഏത്‌ ആശയം തള്ളിക്ക​ള​യു​ന്ന​താ​ണു വേദനാ​ക​ര​മാ​യി കണ്ടെത്തി​യി​രി​ക്കു​ന്നത്‌? (ബി) ജീവൻ യാദൃ​ച്ഛി​ക​മാ​യി പരിണ​മി​ച്ചു​ണ്ടാ​കാ​നുള്ള സാധ്യ​തയെ അദ്ദേഹം എങ്ങനെ ദൃഷ്ടാ​ന്തീ​ക​രി​ക്കു​ന്നു?

³⁵ കാർഡിഫിലെ യൂണി​വേ​ഴ്‌സി​റ്റി കോ​ളെജ്‌ പ്രൊ​ഫസർ ചന്ദ്ര വിക്ര​മ​സിം​ഹെ ഇപ്രകാ​രം പറഞ്ഞു: “ഒരു ശാസ്‌ത്ര​ജ്ഞ​നാ​യി പരിശീ​ലനം ലഭിച്ചു തുടങ്ങി​യ​പ്പോൾ മുതൽതന്നെ, ഉദ്ദേശ്യ​പൂർവ​ക​മായ സൃഷ്ടി സംബന്ധിച്ച ഒരു ആശയവു​മാ​യും ശാസ്‌ത്ര​ത്തിന്‌ യോജി​ക്കാൻ കഴിയി​ല്ലെന്നു വിശ്വ​സി​ക്ക​ത്ത​ക്ക​വണ്ണം എന്നെ വല്ലാതെ മസ്‌തി​ഷ്‌ക​പ്ര​ക്ഷാ​ളനം ചെയ്‌തി​രു​ന്നു. വളരെ വേദന​യോ​ടെ ആണെങ്കി​ലും ആ ആശയം തള്ളിക്ക​ള​യേ​ണ്ടി​യി​രി​ക്കു​ന്നു. ഈ സാഹച​ര്യ​ത്തിൽ, അതായത്‌ ഇപ്പോൾ ഞാൻ എത്തിയി​രി​ക്കുന്ന മാനസി​കാ​വ​സ്ഥ​യിൽ ഞാൻ തീർത്തും അസ്വസ്ഥ​നാണ്‌. എന്നാൽ, അതിൽനി​ന്നു പുറത്തു​ചാ​ടാൻ യുക്തി​സ​ഹ​മായ യാതൊ​രു മാർഗ​വു​മില്ല . . . കാരണം, ജീവൻ, ഭൂമി​യി​ലെ ഒരു രാസപ​ര​മായ യാദൃ​ച്ഛി​കത ആയിരു​ന്നു എന്നു പറയു​ന്നത്‌ പ്രപഞ്ച​ത്തി​ലെ എല്ലാ ഗ്രഹങ്ങ​ളി​ലെ​യും എല്ലാ കടൽത്തീ​ര​ങ്ങ​ളി​ലും ഒരു പ്രത്യേക മണൽത്തരി തിരഞ്ഞു കണ്ടെത്തു​ന്ന​തു​പോ​ലെ​യാണ്‌.” മറ്റു വാക്കു​ക​ളിൽ പറഞ്ഞാൽ, ജീവൻ ഒരു രാസപ​ര​മായ യാദൃ​ച്ഛി​ക​ത​യി​ലൂ​ടെ ഉത്ഭവി​ച്ചി​രി​ക്കാൻ യാതൊ​രു സാധ്യ​ത​യു​മില്ല. അതു​കൊണ്ട്‌ വിക്ര​മ​സിം​ഹെ ഇങ്ങനെ നിഗമനം ചെയ്യുന്നു: “ഒരു പ്രാപ​ഞ്ചിക തലത്തിൽ സൃഷ്ടി നടന്നു എന്നു സമ്മതി​ക്കാ​ത്ത​പക്ഷം ജീവന്‌ ആധാര​മായ രാസവ​സ്‌തു​ക്കൾക്ക്‌ കൃത്യ​മായ ക്രമം ഉള്ളതിന്റെ കാരണം മനസ്സി​ലാ​ക്കാൻ നമുക്കു കഴിയു​ക​യില്ല.”³¹

36. റോബർട്ട്‌ ജാസ്റ്റ്രോ എന്ത്‌ അഭി​പ്രായ പ്രകട​ന​മാ​ണു നടത്തു​ന്നത്‌?

³⁶ ജ്യോതിശ്ശാസ്‌ത്രജ്ഞനായ റോബർട്ട്‌ ജാസ്റ്റ്രോ പറഞ്ഞു: “ജീവൻ സൃഷ്ടി​ക്രി​യ​യു​ടെ ഫലമാ​യി​രു​ന്നില്ല എന്നുള്ള​തിന്‌ ശാസ്‌ത്ര​ജ്ഞ​ന്മാർക്ക്‌ യാതൊ​രു തെളി​വു​മില്ല.”³²

37. പരിണാ​മ​ത്തെ​ക്കു​റിച്ച്‌ എന്തു ചോദ്യ​മാണ്‌ ഉദിക്കു​ന്നത്‌, ഉത്തരം എവിടെ കണ്ടെത്താൻ കഴിയും?

³⁷ ഇനി, ആദ്യത്തെ ജീവ​കോ​ശം ഏതോ വിധത്തിൽ താനേ ഉണ്ടായി എന്ന്‌ അനുമാ​നി​ച്ചാൽപോ​ലും ഇന്നോളം ഭൂമി​യിൽ ജീവി​ച്ചി​രു​ന്നി​ട്ടുള്ള സകല ജീവി​ക​ളും അതിൽനി​ന്നു പരിണ​മി​ച്ചു​ണ്ടാ​യി എന്നതിനു തെളി​വു​ണ്ടോ? ഫോസി​ലു​കൾ ഉത്തരം നൽകുന്നു, ഫോസിൽ രേഖ വാസ്‌ത​വ​ത്തിൽ എന്തു പറയു​ന്നു​വെന്ന്‌ അടുത്ത അധ്യായം ചർച്ച​ചെ​യ്യു​ന്നു.

[അധ്യയന ചോദ്യ​ങ്ങൾ]

[44-ാം പേജിലെ ആകർഷ​ക​വാ​ക്യം]

“മാംസ്യ​ങ്ങൾ അവയുടെ രൂപീ​ക​ര​ണ​ത്തിന്‌ ഡിഎൻഎ-യെ ആശ്രയി​ക്കു​ന്നു. എന്നാൽ മാംസ്യ​മി​ല്ലാ​തെ ഡിഎൻഎ-ക്ക്‌ ഉളവാ​കാൻ കഴിയു​ക​യില്ല”

[46-ാം പേജിലെ ആകർഷ​ക​വാ​ക്യം]

ജനിതക രേഖ: “ജീവോ​ത്‌പത്തി പ്രശ്‌ന​ത്തി​ന്റെ ഏറ്റവും കുഴപ്പി​ക്കുന്ന വശം”

[50-ാം പേജിലെ ആകർഷ​ക​വാ​ക്യം]

ഫലത്തിൽ ചില ശാസ്‌ത്ര​ജ്ഞ​ന്മാർ പറയു​ന്നത്‌ ‘ബുദ്ധി​ശക്തി എന്തായാ​ലും ഉൾപ്പെ​ട്ടി​രു​ന്നു, പക്ഷേ ഒരു സ്രഷ്ടാവ്‌ ഉണ്ടായി​രു​ന്നില്ല’ എന്നാണ്‌

[53-ാം പേജിലെ ആകർഷ​ക​വാ​ക്യം]

ഒരു ശാസ്‌ത്രജ്ഞൻ സമ്മതിച്ചു പറഞ്ഞു: “സ്വീകാ​ര്യ​മായ ഏക വിശദീ​ക​രണം സൃഷ്ടി​യാണ്‌”

[53-ാം പേജിലെ ആകർഷ​ക​വാ​ക്യം]

ജാസ്റ്റ്രോ: “ജീവൻ സൃഷ്ടി​ക്രി​യ​യു​ടെ ഫലമാ​യി​രു​ന്നില്ല എന്നുള്ള​തിന്‌ ശാസ്‌ത്ര​ജ്ഞ​ന്മാർക്ക്‌ യാതൊ​രു തെളി​വു​മില്ല”

[52-ാം പേജിലെ ചതുരം]

മുമ്പത്തെയും ഇപ്പോ​ഴ​ത്തെ​യും പരിണാ​മ​വാ​ദി​കൾ ജീവോ​ത്‌പ​ത്തി​യെ​ക്കു​റിച്ച്‌ അഭി​പ്രാ​യ​പ്പെ​ടു​ന്നു

“ജീവൻ അജൈവ വസ്‌തു​വിൽനി​ന്നു വികാ​സം​പ്രാ​പി​ച്ചു​വെ​ന്നുള്ള പരികൽപ്പന ഇപ്പോ​ഴും ഒരു വിശ്വാ​സ​പ്ര​മാ​ണ​മാണ്‌.”—ഗണിത​ശാ​സ്‌ത്ര​ജ്ഞ​നായ ജെ. ഡബ്ലിയു. എൻ. സള്ളിവൻ^d

“ജീവൻ യാദൃ​ച്ഛി​ക​മാ​യി ഉത്ഭവി​ക്കു​ന്ന​തി​നുള്ള സാധ്യ​തയെ ഒരു അച്ചടി​ശാ​ല​യി​ലെ സ്‌ഫോ​ട​ന​ത്തി​ന്റെ ഫലമായി അൺഅ​ബ്രി​ജ്‌ഡ്‌ ഡിക്‌ഷ​ണറി ഉണ്ടാകു​ന്ന​തി​നുള്ള സാധ്യ​ത​യോ​ടു താരത​മ്യ​പ്പെ​ടു​ത്താം.”—ജീവശാ​സ്‌ത്ര​ജ്ഞ​നായ എഡ്വിൻ കോൺക്ലിൻ^e

“ഒരു ജീവി​യു​ടെ സ്വതഃ​ജ​നനം അസാധ്യ​മാ​ണെന്നു സമ്മതി​ക്കാൻ ഒരാൾ അതു​പ്ര​കാ​രം നടക്കേണ്ട സംഗതി​ക​ളു​ടെ വ്യാപ്‌തി​യെ​ക്കു​റി​ച്ചു ശ്രദ്ധാ​പൂർവം പരിചി​ന്തി​ക്കുക മാത്രമേ വേണ്ടൂ”—ജീവര​സ​ത​ന്ത്ര​ജ്ഞ​നായ ജോർജ്‌ വാൽഡ്‌^f

“ഇന്നു ലഭ്യമാ​യി​രി​ക്കുന്ന സകല പരിജ്ഞാ​ന​വും നേടി​യി​ട്ടുള്ള സത്യസ​ന്ധ​നായ ഒരു മനുഷ്യന്‌, ജീവോ​ത്‌പത്തി ഇപ്പോൾ ഏതാ​ണ്ടൊ​രു അത്ഭുത​മാ​യി കാണ​പ്പെ​ടു​ന്നു​വെന്നു മാത്രമേ പറയാൻ കഴിയൂ.”—ജീവശാ​സ്‌ത്ര​ജ്ഞ​നായ ഫ്രാൻസിസ്‌ ക്രിക്ക്‌^g

“ഭൂമി​യിൽ ജീവൻ [താനേ] ഉളവായി എന്ന്‌ ഉറച്ചു വിശ്വ​സി​ക്ക​ത്ത​ക്ക​വണ്ണം സാമൂ​ഹിക വിശ്വാ​സ​ങ്ങ​ളോ ശാസ്‌ത്രീയ പരിശീ​ല​ന​മോ ഒരാളു​ടെ മനസ്സിനെ പരുവ​പ്പെ​ടു​ത്താത്ത പക്ഷം ലളിത​മായ ഈ കണക്കു​കൂ​ട്ടൽ [അതിന്റെ ഗണിത​ശാ​സ്‌ത്ര​പ​ര​മായ പ്രതി​കൂല സാധ്യ​തകൾ] അത്തരം ഒരു ആശയത്തെ പാടേ തള്ളിക്ക​ള​യു​ന്നു.”—ജ്യോ​തി​ശ്ശാ​സ്‌ത്ര​ജ്ഞ​രായ ഫ്രെഡ്‌ ഹോയ്‌ലും എൻ. സി. വിക്രമസിംഹെയും^h

[47-ാം പേജിലെ ചതുരം/ചിത്രങ്ങൾ]

പ്രകാശസംശ്ലേഷണത്തിൽ സസ്യങ്ങൾ സൂര്യ​പ്ര​കാ​ശം, കാർബൺ ഡൈ ഓക്‌​സൈഡ്‌, ജലം, ധാതുക്കൾ എന്നിവ ഉപയോ​ഗിച്ച്‌ ഓക്‌സി​ജ​നും ഭക്ഷ്യോ​ത്‌പ​ന്ന​ങ്ങ​ളും ഉത്‌പാ​ദി​പ്പി​ക്കു​ന്നു. ലഘുവായ ഒരു കോശ​ത്തിന്‌ ഇതെല്ലാം തനിയെ കണ്ടുപി​ടി​ച്ചു ചെയ്യാൻ കഴിയു​മാ​യി​രു​ന്നോ?

[ചിത്രങ്ങൾ]

മനുഷ്യരും ജന്തുക്ക​ളും ഓക്‌സി​ജൻ ശ്വസി​ക്കു​ന്നു, കാർബൺ ഡൈ ഓക്‌​സൈഡ്‌ പുറത്തു​വി​ടു​ന്നു. സസ്യങ്ങൾ കാർബൺ ഡൈ ഓക്‌​സൈഡ്‌ സ്വീക​രി​ക്കു​ന്നു, ഓക്‌സി​ജൻ പുറത്തു​വി​ടു​ന്നു

[രേഖാ​ചി​ത്രം]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

പ്രകാശം

ഓക്‌സിജൻ

നീരാവി

കാർബൺ ഡൈ ഓക്‌​സൈഡ്‌

 [48, 49 പേജു​ക​ളി​ലെ ചതുരം/ചിത്രം]

അത്യത്ഭുതകരമായ കോശം

ജീവ​കോ​ശം അത്യന്തം സങ്കീർണ​മാണ്‌. ജീവശാ​സ്‌ത്ര​ജ്ഞ​നായ ഫ്രാൻസിസ്‌ ക്രിക്ക്‌ അതിന്റെ പ്രവർത്ത​ന​ങ്ങളെ ലളിത​മാ​യി വർണി​ക്കാൻ ശ്രമിച്ചു, എന്നാൽ തനിക്ക്‌ ഒരു പരിധി​വ​രെയേ പോകാൻ കഴിയൂ എന്ന്‌ അദ്ദേഹം ഒടുവിൽ മനസ്സി​ലാ​ക്കി. “അതു വളരെ സങ്കീർണ​മാ​യ​തി​നാൽ വായന​ക്കാ​രൻ സകല വിശദാം​ശ​ങ്ങ​ളു​മാ​യി മല്ലടി​ക്കാൻ ശ്രമി​ക്ക​രുത്‌,” അദ്ദേഹം പറയുന്നു.^a

കോശ​ത്തി​ന്റെ ഡിഎൻഎ-യിലുള്ള നിർദേ​ശ​ങ്ങ​ളെ​ല്ലാം “കടലാ​സിൽ പകർത്തി​യാൽ 600 പേജുള്ള ആയിരം പുസ്‌ത​കങ്ങൾ നിറയും. ഓരോ കോശ​വും തന്മാ​ത്രകൾ എന്നു വിളി​ക്ക​പ്പെ​ടുന്ന ഇരുപതു ദശലക്ഷം കോടി ചെറു ആറ്റസമൂ​ഹങ്ങൾ തിങ്ങി​നി​റഞ്ഞ ഒരു ലോക​മാണ്‌. . . . നമ്മുടെ 46 ക്രോ​മ​സോം ‘ഇഴകൾ’ കൂട്ടി​യോ​ജി​പ്പി​ച്ചാൽ അതിന്‌ രണ്ടു മീറ്ററി​ല​ധി​കം നീളം വരും. എങ്കിലും, അവയെ ഉൾക്കൊ​ള്ളുന്ന കോശ​മർമ​ത്തി​ന്റെ വ്യാസം ഒരു മില്ലി​മീ​റ്റ​റി​ന്റെ നൂറി​ലൊ​രു ഭാഗ​ത്തെ​ക്കാൾ കുറവാണ്‌,” നാഷണൽ ജിയോ​ഗ്ര​ഫിക്ക്‌ വിശദീകരിക്കുന്നു.^b

കോശ​പ്ര​വർത്ത​ന​ങ്ങളെ കുറിച്ച്‌ ഒരു ഏകദേശ ധാരണ നൽകു​ന്ന​തിന്‌ ന്യൂസ്‌വീക്ക്‌ മാസിക ഒരു ദൃഷ്ടാന്തം ഉപയോ​ഗി​ക്കു​ന്നു: “100 ലക്ഷം കോടി കോശ​ങ്ങ​ളോ​രോ​ന്നും മതിലുള്ള ഒരു നഗരം പോലെ പ്രവർത്തി​ക്കു​ന്നു. ഊർജോ​ത്‌പാ​ദന നിലയങ്ങൾ കോശ​ത്തിന്‌ ആവശ്യ​മായ ഊർജം ഉത്‌പാ​ദി​പ്പി​ക്കു​ന്നു. ഫാക്ടറി​കൾ രാസ വ്യാപാ​ര​ത്തി​ന്റെ മർമ​പ്ര​ധാന യൂണി​റ്റു​ക​ളായ മാംസ്യ​ങ്ങളെ ഉളവാ​ക്കു​ന്നു. സങ്കീർണ​മായ ഗതാഗത സംവി​ധാ​നങ്ങൾ പ്രത്യേക രാസവ​സ്‌തു​ക്കളെ കോശ​ത്തി​ന​ക​ത്തും പുറത്തും, ഒരു സ്ഥലത്തു​നി​ന്നു മറ്റൊരു സ്ഥലത്തേക്കു വഴിന​യി​ക്കു​ന്നു. സുരക്ഷാ​ഭി​ത്തി​കൾക്ക​രി​കെ നിൽക്കുന്ന കാവൽഭ​ട​ന്മാർ കയറ്റു​മതി-ഇറക്കു​മതി വിപണി​കളെ നിയ​ന്ത്രി​ക്കു​ക​യും അപകട​സൂ​ച​നകൾ എന്തെങ്കി​ലു​മു​ണ്ടോ എന്നറി​യാൻ ബാഹ്യ​ലോ​കത്തെ നിരീ​ക്ഷി​ക്കു​ക​യും ചെയ്യുന്നു. സുശി​ക്ഷി​ത​മായ ജൈവ​സേ​നകൾ ആക്രമ​ണ​കാ​രി​കളെ പിടി​കൂ​ടാൻ തയ്യാറാ​യി നിൽക്കു​ന്നു. ഒരു കേന്ദ്രീ​കൃത ജനിതക ഗവൺമെന്റ്‌ ക്രമസ​മാ​ധാ​നം പാലിക്കുന്നു.”^c

ആധുനിക പരിണാ​മ​സി​ദ്ധാ​ന്തം ആദ്യമാ​യി അവതരി​പ്പി​ച്ച​പ്പോൾ ജീവ​കോ​ശ​ത്തി​ന്റെ അതിസ​ങ്കീർണ​ത​യെ​പ്പറ്റി ശാസ്‌ത്ര​ജ്ഞ​ന്മാർക്കു കാര്യ​മായ അറി​വൊ​ന്നും ഉണ്ടായി​രു​ന്നില്ല. കൊടു​ത്തി​രി​ക്കുന്ന ചിത്ര​ത്തിൽ ഒരു സാധാരണ കോശ​ത്തി​ന്റെ ഏതാനും ഭാഗങ്ങൾ കാണി​ച്ചി​രി​ക്കു​ന്നു—1/40 മില്ലി​മീ​റ്റർ മാത്രം വ്യാസ​മുള്ള ഒരു പാത്ര​ത്തിൽ അവയെ​ല്ലാം അടുക്കി​വെ​ച്ചി​രി​ക്കു​ന്നു.

 കോശ​സ്‌ത​രം

കോശത്തിന്‌ ഉള്ളി​ലേ​ക്കും പുറ​ത്തേ​ക്കും കടക്കുന്ന വസ്‌തു​ക്കളെ നിയ​ന്ത്രി​ക്കുന്ന ആവരണം

റൈബോസോമുകൾ

അമിനോ അമ്ലങ്ങൾ സംയോ​ജിച്ച്‌ മാംസ്യ​ങ്ങൾ രൂപം​കൊ​ള്ളു​ന്നത്‌ ഇവയിൽവെ​ച്ചാണ്‌

കോശമർമം

ഒരു ഇരട്ടസ്‌ത​ര​ത്താൽ ആവരണം​ചെ​യ്യ​പ്പെ​ട്ടി​രി​ക്കുന്ന ഇത്‌ കോശ​ത്തി​ലെ പ്രവർത്ത​ന​ങ്ങളെ എല്ലാം നിയ​ന്ത്രി​ക്കുന്ന കേന്ദ്ര​മാണ്‌

ക്രോമസോമുകൾ

കോശത്തിന്റെ ജനിതക മാസ്റ്റർ പ്ലാനായ ഡിഎൻഎ ഇവയി​ലാണ്‌ ഉള്ളത്‌

മർമകം

റൈബോസോമുകൾ സംയോ​ജി​പ്പി​ക്ക​പ്പെ​ടുന്ന സ്ഥലം

അന്തർദ്രവ്യജാലിക

ഈ സ്‌തര​പാ​ളി​കൾ, അവയിൽ പറ്റിപ്പി​ടി​ച്ചി​രി​ക്കുന്ന റൈ​ബോ​സോ​മു​കൾ (ചില റൈ​ബോ​സോ​മു​കൾ കോശ​ത്തിൽ സ്വത​ന്ത്ര​മാ​യി ഒഴുകി​ന​ട​ക്കു​ന്നു) ഉത്‌പാ​ദി​പ്പി​ക്കുന്ന മാംസ്യ​ങ്ങൾ ശേഖരി​ച്ചു​വെ​ക്കു​ക​യോ മറ്റിട​ങ്ങ​ളി​ലേക്ക്‌ എത്തിക്കു​ക​യോ ചെയ്യുന്നു

മൈറ്റോകോൺഡ്രിയണുകൾ

കോശത്തിന്‌ ഊർജം പ്രദാനം ചെയ്യുന്ന എറ്റിപി തന്മാ​ത്ര​ക​ളു​ടെ ഉത്‌പാ​ദന കേന്ദ്രങ്ങൾ

ഗോൾഗി വസ്‌തു

കോശം ഉത്‌പാ​ദി​പ്പി​ക്കുന്ന മാംസ്യ​ങ്ങൾ പായ്‌ക്കു ചെയ്‌ത്‌ വിതരണം ചെയ്യുന്ന പരന്ന സ്‌തര സഞ്ചിക​ളു​ടെ സമൂഹം

സെൻട്രിയോളുകൾ

കോശമർമത്തിനു സമീപം സ്ഥിതി​ചെ​യ്യുന്ന ഇവ കോശ പുനരു​ത്‌പാ​ദ​ന​ത്തിൽ പ്രധാന പങ്കു വഹിക്കു​ന്നു

[ചിത്രം]

നിങ്ങളുടെ ശരീര​ത്തി​ലെ 1,00,00,000,00,00,000 കോശങ്ങൾ യാദൃ​ച്ഛി​ക​മാ​യി ഉണ്ടായ​വ​യോ?

[40-ാം പേജിലെ ചിത്രം]

അടിത്തറയില്ലാതെ ഒരു വലിയ കെട്ടി​ട​ത്തി​നും നിൽക്കാൻ കഴിയു​ക​യില്ല. “പരിണാ​മ​സി​ദ്ധാ​ന്ത​ത്തിന്‌ ഒരു ശരിയായ അടിത്ത​റ​യില്ല” എന്നു രണ്ടു ശാസ്‌ത്ര​ജ്ഞ​ന്മാർ പറയുന്നു

[42-ാം പേജിലെ ചിത്രം]

ചെമന്നതു മാത്രം, വേണ്ടിയ ഇനങ്ങൾ മാത്രം, ഓരോ​ന്നും അതിന്റെ മുൻനി​യ​മി​ത

[43-ാം പേജിലെ ചിത്രം]

ജീവരൂപങ്ങളിൽ “ഇടതുവശ” അമിനോ അമ്ലങ്ങൾ മാത്രം കാണുന്നു: ‘നമുക്ക്‌ അത്‌ എന്നെങ്കി​ലും വിശദീ​ക​രി​ക്കാൻ കഴിയു​മെന്നു തോന്നു​ന്നില്ല’

[45-ാം പേജിലെ ചിത്രങ്ങൾ]

ഏതാണ്‌ ആദ്യം ഉണ്ടായത്‌?

“ജനിതക രേഖയു​ടെ ഉത്ഭവം ഒരു വൻ കോഴി-മുട്ട പ്രശ്‌നം അവതരി​പ്പി​ക്കു​ന്നു, അതി​പ്പോൾ ആകെ ഉടഞ്ഞു കിടക്കു​ക​യാണ്‌”