നമ്മുടെ ആദ്യമാ​താ​പി​താ​ക്കൾ അനുസ​ര​ണ​ക്കേടു കാണി​ച്ച​തു​കൊ​ണ്ടാണ്‌ നമ്മൾ പാപി​ക​ളാ​യത്‌. അങ്ങനെ നമ്മൾ ദുരി​തങ്ങൾ അനുഭ​വി​ക്കു​ന്നു, മരിക്കു​ന്നു. a എന്നാൽ പ്രതീ​ക്ഷ​യ്‌ക്കു വകയുണ്ട്‌! നമ്മളെ പാപത്തി​ന്റെ​യും മരണത്തി​ന്റെ​യും പിടി​യിൽനിന്ന്‌ രക്ഷിക്കാൻ യഹോവ തന്റെ മകനായ യേശു​ക്രി​സ്‌തു​വി​നെ ഭൂമി​യി​ലേക്ക്‌ അയച്ചു. യേശു നമുക്കു​വേണ്ടി മരിച്ചു, അങ്ങനെ മോച​ന​വില നൽകി എന്ന്‌ ബൈബിൾ പറയുന്നു. തടവിൽവെ​ച്ചി​രി​ക്കുന്ന ആരെ​യെ​ങ്കി​ലും വിട്ടു​കി​ട്ടു​ന്ന​തി​നു​വേണ്ടി കൊടു​ക്കുന്ന വിലയാണ്‌ മോച​ന​വില. യേശു എന്താണ്‌ വിലയാ​യി കൊടു​ത്തത്‌? തന്റെ പൂർണ​ത​യുള്ള മനുഷ്യ​ജീ​വൻ! (മത്തായി 20:28 വായി​ക്കുക.) മരിക്കാ​തെ ഈ ഭൂമി​യിൽ എന്നേക്കും ജീവി​ക്കാ​നുള്ള അവകാശം യേശു​വി​നു​ണ്ടാ​യി​രു​ന്നു. എന്നാൽ ആദാമും ഹവ്വയും നഷ്ടപ്പെ​ടു​ത്തി​യ​തെ​ല്ലാം നമുക്കു തിരികെ കിട്ടു​ന്ന​തി​നു​വേണ്ടി ആ അവകാശം യേശു മനസ്സോ​ടെ വേണ്ടെ​ന്നു​വെച്ചു. മാത്രമല്ല, യേശു​വും പിതാ​വായ യഹോ​വ​യും നമ്മളെ എത്രമാ​ത്രം സ്‌നേ​ഹി​ക്കു​ന്നു​ണ്ടെന്ന സത്യവും അതിലൂ​ടെ യേശു നമുക്കു കാണി​ച്ചു​തന്നു. മോച​ന​വില കിട്ടി​യ​തു​കൊണ്ട്‌ എന്തെല്ലാം പ്രയോ​ജ​ന​ങ്ങ​ളു​ണ്ടെന്ന്‌ ഈ പാഠത്തിൽ നമ്മൾ മനസ്സി​ലാ​ക്കും.

1. യേശു​വി​ന്റെ മരണം ഇന്ന്‌ നമുക്കു പ്രയോ​ജനം ചെയ്യു​ന്നത്‌ എങ്ങനെ?

പാപി​ക​ളാ​യ​തു​കൊണ്ട്‌ നമ്മൾ യഹോ​വയെ വിഷമി​പ്പി​ക്കുന്ന പല കാര്യ​ങ്ങ​ളും ചെയ്യുന്നു. എങ്കിലും ദൈവ​വു​മാ​യി ഒരു അടുത്ത സുഹൃ​ദ്‌ബ​ന്ധ​ത്തി​ലേക്കു വരാൻ നമുക്കു കഴിയും. അതിനു നമ്മൾ ചെയ്‌തു​പോയ പാപങ്ങ​ളെ​ക്കു​റിച്ച്‌ ആത്മാർഥ​മാ​യി പശ്ചാത്ത​പി​ക്കണം, ആ പാപങ്ങൾ ക്ഷമിച്ചു​കി​ട്ടാൻ യേശു​ക്രി​സ്‌തു​വി​ലൂ​ടെ യഹോ​വ​യോട്‌ അപേക്ഷി​ക്കണം, കൂടാതെ ചെയ്‌ത തെറ്റ്‌ ആവർത്തി​ക്കാ​തി​രി​ക്കാൻ നല്ല ശ്രമം ചെയ്യു​ക​യും വേണം. (1 യോഹ​ന്നാൻ 2:1) ബൈബിൾ ഇങ്ങനെ പറയുന്നു: “നീതി​മാ​നായ ക്രിസ്‌തു നീതി​കെ​ട്ട​വ​രു​ടെ പാപങ്ങൾക്കു​വേണ്ടി ഒരിക്കൽ മരിച്ച​ല്ലോ. നിങ്ങളെ ദൈവ​ത്തോട്‌ അടുപ്പി​ക്കാ​നാ​ണു ക്രിസ്‌തു അങ്ങനെ ചെയ്‌തത്‌.”—1 പത്രോസ്‌ 3:18.

2. യേശു മരിച്ചത്‌ ഭാവി​യിൽ നമുക്കു പ്രയോ​ജനം ചെയ്യു​ന്നത്‌ എങ്ങനെ?

“തന്റെ ഏകജാ​ത​നായ മകനിൽ വിശ്വ​സി​ക്കുന്ന ആരും നശിച്ചു​പോ​കാ​തെ അവരെ​ല്ലാം നിത്യ​ജീ​വൻ നേടാൻ” ദൈവം യേശു​വി​ന്റെ പൂർണ​ത​യുള്ള ജീവൻ എല്ലാവർക്കും​വേണ്ടി നൽകി. (യോഹ​ന്നാൻ 3:16) യേശു കൊടുത്ത മോച​ന​വി​ല​യു​ടെ അടിസ്ഥാ​ന​ത്തിൽ, ആദാമി​ന്റെ അനുസ​ര​ണ​ക്കേ​ടി​ലൂ​ടെ ഉണ്ടായി​ട്ടുള്ള എല്ലാ കുഴപ്പ​ങ്ങ​ളും യഹോവ പെട്ടെ​ന്നു​തന്നെ പരിഹ​രി​ക്കും. യേശു നൽകിയ മോച​ന​വി​ല​യി​ലുള്ള വിശ്വാ​സ​ത്തിന്‌ ചേർച്ച​യിൽ ജീവി​ച്ചാൽ, ഭൂമി​യി​ലെ പറുദീ​സ​യിൽ എന്നും ജീവി​ക്കാ​നുള്ള അവസരം നമുക്കും ലഭിക്കും.—യശയ്യ 65:21-23.

 ആഴത്തിൽ പഠിക്കാൻ

3. യേശു​വി​ന്റെ മരണം പാപത്തിൽനി​ന്നും മരണത്തിൽനി​ന്നും മോചി​പ്പി​ക്കു​ന്നു

1. പൂർണമനുഷ്യനായിരുന്ന ആദാം ദൈവ​ത്തോട്‌ അനുസ​ര​ണ​ക്കേടു കാണി​ച്ചു​കൊണ്ട്‌ മനുഷ്യ​കു​ടും​ബത്തെ പാപത്തി​ലേ​ക്കും മരണത്തി​ലേ​ക്കും തള്ളിവി​ട്ടു

2. പൂർണമനുഷ്യനായിരുന്ന യേശു ദൈവത്തെ അനുസ​രി​ച്ചു​കൊണ്ട്‌ മനുഷ്യ​കു​ടും​ബ​ത്തിന്‌ പൂർണ​ത​യി​ലേ​ക്കും നിത്യ​ജീ​വ​നി​ലേ​ക്കും ഉള്ള വഴിതു​റ​ന്നു

4. യേശു​വി​ന്റെ മരണം എല്ലാവർക്കും പ്രയോ​ജനം ചെയ്യുന്നു

 5. മോച​ന​വില നിങ്ങൾക്കുള്ള യഹോ​വ​യു​ടെ സമ്മാനം

‘യഹോവ എനിക്കു തന്ന സമ്മാനം,’ എന്നാണ്‌ യഹോ​വയെ സ്‌നേ​ഹി​ക്കു​ന്നവർ മോച​ന​വി​ല​യെ​ക്കു​റിച്ച്‌ പറയു​ന്നത്‌. ഉദാഹ​ര​ണ​ത്തിന്‌, ഗലാത്യർ 2:20 വായി​ക്കുക. എന്നിട്ട്‌ ഈ ചോദ്യം ചർച്ച ചെയ്യുക:

• അപ്പോ​സ്‌ത​ല​നായ പൗലോസ്‌ എങ്ങനെ​യാണ്‌ മോച​ന​വി​ലയെ തനിക്കു കിട്ടിയ ഒരു സമ്മാന​മാ​യി കണ്ടത്‌?

പാപം ചെയ്‌ത​തു​കൊണ്ട്‌ ആദാം മരിച്ചു. ആദാമി​ന്റെ പിൻത​ല​മു​റ​ക്കാർ ആയതു​കൊണ്ട്‌ നമ്മളും മരിക്കു​ന്നു. എന്നാൽ നമ്മൾ എന്നേക്കും ജീവി​ച്ചി​രി​ക്കാൻവേണ്ടി യഹോവ തന്റെ മകനെ മരിക്കാൻ അനുവ​ദി​ച്ചു.

താഴെ കൊടു​ത്തി​രി​ക്കുന്ന ബൈബിൾ വാക്യങ്ങൾ വായി​ക്കു​മ്പോൾ തന്റെ മകൻ അനുഭ​വിച്ച ദുരി​തങ്ങൾ കണ്ട്‌ യഹോ​വ​യ്‌ക്ക്‌ എന്തു തോന്നി​ക്കാ​ണു​മെന്നു ചിന്തി​ക്കുക. യോഹ​ന്നാൻ 19:1-7, 16-18 വായി​ക്കുക. എന്നിട്ട്‌ ഈ ചോദ്യം ചർച്ച ചെയ്യുക:

• യഹോ​വ​യും യേശു​വും നിങ്ങൾക്കു​വേണ്ടി ചെയ്‌ത കാര്യ​ങ്ങ​ളെ​ക്കു​റിച്ച്‌ ഓർക്കു​മ്പോൾ എന്തു തോന്നു​ന്നു?

 ചുരു​ക്ക​ത്തിൽ

യേശു​വി​ന്റെ മോച​ന​വില യഹോവ സ്വീക​രി​ച്ചു. അതിന്റെ അടിസ്ഥാ​ന​ത്തിൽ യഹോ​വ​യ്‌ക്ക്‌ നമ്മുടെ പാപങ്ങൾ ക്ഷമിക്കാൻ കഴിയും. കൂടാതെ, എന്നേക്കും ജീവി​ക്കാ​നുള്ള അവസര​വും നമുക്ക്‌ അതിലൂ​ടെ തുറന്നു​കി​ട്ടു​ന്നു.

ഓർക്കുന്നുണ്ടോ?

• യേശു എന്തിനാ​ണു മരിച്ചത്‌?

• പൂർണ​ത​യുള്ള യേശു​വി​ന്റെ ജീവൻ ഒരു മോച​ന​വി​ല​യാ​കു​ന്നത്‌ എങ്ങനെ​യാണ്‌?

• യേശു​വി​ന്റെ മരണം നിങ്ങൾക്ക്‌ എങ്ങനെ​യാണ്‌ പ്രയോ​ജനം ചെയ്യു​ന്നത്‌?