പരിശു​ദ്ധാ​ത്മാവ്‌ എന്താണ്‌?

പരിശു​ദ്ധാ​ത്മാ​വി​നെ പരാമർശി​ക്കുന്ന ബൈബിൾ വാക്യ​ങ്ങ​ളു​ടെ ഒരു താരത​മ്യ​പ​ഠനം കാണി​ക്കു​ന്നത്‌ അത്‌ ആളുകളെ ‘നിറക്കുന്ന’തായി​ട്ടും ആളുകളെ അതിൽ ‘സ്‌നാ​പനം കഴിപ്പി​ക്കാൻ’ കഴിയു​ന്ന​താ​യി​ട്ടും അതിനാൽ “അഭി​ഷേകം ചെയ്യ​പ്പെ​ടാൻ” കഴിയു​ന്ന​താ​യി​ട്ടും അതി​നെ​പ്പ​ററി പറഞ്ഞി​രി​ക്കു​ന്നു എന്നാണ്‌. (ലൂക്കോ. 1:41; മത്താ. 3:11; പ്രവൃ. 10:38) പരിശു​ദ്ധാ​ത്‌മാവ്‌ ഒരു ആളായി​രു​ന്നെ​ങ്കിൽ ഈ പദപ്ര​യോ​ഗങ്ങൾ ഒന്നും ഉചിത​മാ​യി​രി​ക്കു​മാ​യി​രു​ന്നില്ല.

യേശു പരിശു​ദ്ധാ​ത്‌മാ​വി​നെ ഒരു “സഹായി” എന്ന നിലയി​ലും പരാമർശി​ച്ചു. (ഗ്രീക്ക്‌, പാര​ക്ലേ​ത്തോസ്‌), ഈ സഹായി “പഠിപ്പി​ക്കു​ക​യും” “സാക്ഷ്യം വഹിക്കു​ക​യും” “സംസാ​രി​ക്കു​ക​യും” ‘കേൾക്കു​ക​യും’ ചെയ്യു​മെന്ന്‌ അവൻ പറഞ്ഞു. (യോഹ. 14:16, 17, 26; 15:26; 16:13) തിരു​വെ​ഴു​ത്തു​ക​ളിൽ എന്തി​നെ​പ്പ​റ​റി​യെ​ങ്കി​ലും ആളത്വ​മാ​രോ​പി​ച്ചു സംസാ​രി​ക്കു​ന്നത്‌ അസാധാ​ര​ണമല്ല. ഉദാഹ​ര​ണ​മാ​യി ജ്ഞാനത്തിന്‌ “മക്കളു”ളളതായി പറയ​പ്പെ​ട്ടി​രി​ക്കു​ന്നു. (ലൂക്കോ. 7:35) പാപവും മരണവും രാജാ​ക്കൻമാ​രാ​യി​രി​ക്കു​ന്ന​താ​യി പറയ​പ്പെ​ട്ടി​രി​ക്കു​ന്നു. (റോമ. 5:14, 21) ആത്‌മാവ്‌ “സംസാ​രി​ച്ചു” എന്നു ചില വാക്യങ്ങൾ പറയു​മ്പോൾ അത്‌ ദൂതൻമാ​രി​ലൂ​ടെ​യോ മനുഷ്യ​രി​ലൂ​ടെ​യോ ആയിരു​ന്നു​വെന്ന്‌ മററു വേദഭാ​ഗങ്ങൾ വ്യക്തമാ​ക്കു​ന്നു. (പ്രവൃ. 4:24, 25;  28:25; മത്താ. 10:19, 20; പ്രവൃ​ത്തി​കൾ 20:23-നെ 21:10, 11-മായി താരത​മ്യം ചെയ്യുക.) 1 യോഹ​ന്നാൻ 5:6-8-ൽ ആത്‌മാവ്‌ മാത്രമല്ല “ജലവും രക്തവും” ‘സാക്ഷ്യം വഹിക്കു​ന്ന​താ​യി’ പറയ​പ്പെ​ട്ടി​രി​ക്കു​ന്നു. അതു​കൊണ്ട്‌ ഈ ബൈബിൾ വാക്യ​ങ്ങ​ളിൽ കാണ​പ്പെ​ടുന്ന ഒരു പദപ്ര​യോ​ഗ​വും അതിൽത്തന്നെ പരിശു​ദ്ധാ​ത്‌മാവ്‌ ഒരു ആളാ​ണെന്ന്‌ തെളി​യി​ക്കു​ന്നില്ല.

പരിശു​ദ്ധാ​ത്‌മാ​വി​നെ ശരിയാ​യി തിരി​ച്ച​റി​യു​മ്പോൾ അത്‌ ആ ആത്‌മാ​വി​നെ പരാമർശി​ക്കുന്ന എല്ലാ തിരു​വെ​ഴു​ത്തു​ക​ളോ​ടും യോജി​പ്പി​ലാ​യി​രി​ക്കണം. ഈ വീക്ഷണ​ത്തിൽ, പരിശു​ദ്ധാ​ത്‌മാവ്‌ ദൈവ​ത്തി​ന്റെ പ്രവർത്ത​ന​നി​ര​ത​മായ ശക്തിയാണ്‌ എന്ന്‌ നിഗമനം ചെയ്യു​ന്നത്‌ ന്യായ​യു​ക്ത​മാണ്‌. അത്‌ ഒരു വ്യക്തിയല്ല മറിച്ച്‌, തന്റെ വിശു​ദ്ധ​മായ ഇഷ്‌ടം നിവർത്തി​ക്കാൻ വേണ്ടി തന്നിൽ നിന്ന്‌ പുറ​പ്പെ​ടാൻ ദൈവം ഇടയാ​ക്കുന്ന പ്രബല​മായ ഒരു ശക്തിയാണ്‌ അത്‌.—സങ്കീ. 104:30; 2 പത്രോ. 1:21; പ്രവൃ. 4:31.

“ത്രിത്വം” എന്ന ശീർഷ​ക​ത്തിൻകീ​ഴിൽ 406, 407 എന്നീ പേജുകൾ കൂടെ കാണുക.

 ഒരു വ്യക്തിക്ക്‌ യഥാർത്ഥ​ത്തിൽ പരിശു​ദ്ധാ​ത്മാവ്‌ അല്ലെങ്കിൽ “പരിശു​ദ്ധാ​രൂ​പി” (KJ) ഉണ്ടെന്ന്‌ തെളിവ്‌ നൽകു​ന്നത്‌ എന്താണ്‌?

ലൂക്കോ. 4:18, 31-35: “[യേശു യെശയ്യാ​വി​ന്റെ ചുരു​ളിൽ നിന്ന്‌ വായിച്ചു:] ‘സുവാർത്ത ഘോഷി​ക്കാൻ യഹോവ എന്നെ അഭി​ഷേകം ചെയ്‌തി​രി​ക്കു​ക​യാൽ അവന്റെ ആത്മാവ്‌ എന്റെ മേൽ ഉണ്ട്‌’ . . . അവൻ ഗലീല​യി​ലെ ഒരു നഗരമായ കഫർന്ന​ഹൂ​മി​ലേക്ക്‌ പോയി. ശബ്ബത്ത്‌ ദിവസ​ത്തിൽ അവൻ അവരെ പഠിപ്പി​ച്ചു​കൊ​ണ്ടി​രു​ന്നു; അവന്റെ പഠിപ്പി​ക്കൽ രീതി​യിൽ അവർ ആശ്ചര്യ​പ്പെട്ടു, എന്തു​കൊ​ണ്ടെ​ന്നാൽ അവന്റെ സംസാരം അധികാ​ര​ത്തോ​ടെ​യാ​യി​രു​ന്നു. അപ്പോൾ സിന്ന​ഗോ​ഗിൽ ഒരു ആത്മാവ്‌, ഒരു അശുദ്ധ​മായ ഭൂതം, ബാധിച്ച ഒരു മനുഷ്യ​നു​ണ്ടാ​യി​രു​ന്നു, അവൻ ഉച്ചത്തിൽ നിലവി​ളി​ച്ചു. ‘മിണ്ടരുത്‌, അവനെ വിട്ടു​പോ​കൂ’ എന്ന്‌ പറഞ്ഞ്‌ യേശു അതിനെ ശാസിച്ചു. അതു​കൊണ്ട്‌ അവനെ അവരുടെ നടുവിൽ തളളി​യി​ട്ടിട്ട്‌ ഉപദ്ര​വ​മൊ​ന്നും ചെയ്യാതെ ഭൂതം അവനെ വിട്ടു​പോ​യി.” (യേശു​വിന്‌ ദൈവ​ത്തി​ന്റെ ആത്‌മാ​വുണ്ട്‌ എന്നതിന്‌ തെളിവ്‌ നൽകി​യത്‌ എന്തായി​രു​ന്നു? അവൻ വിറക്കു​ക​യോ സ്വരം ഉയർത്തു​ക​യോ തുളളു​ക​യോ ചെയ്‌തു​വെന്ന്‌ വിവരണം പറയു​ന്നില്ല. മറിച്ച്‌ അവൻ അധികാ​ര​ത്തോ​ടെ സംസാ​രി​ച്ചു എന്നാണ്‌ അത്‌ പറയു​ന്നത്‌. എന്നിരു​ന്നാ​ലും ആ സന്ദർഭ​ത്തിൽ ഒരു ഭൂതാ​ത്‌മാവ്‌ ആ മനുഷ്യൻ ഉച്ചത്തിൽ നിലവി​ളി​ക്കാ​നും തറയിൽ വീഴാ​നും ഇടയാക്കി.)

യേശു​വി​ന്റെ അനുയാ​യി​കൾക്ക്‌ പരിശു​ദ്ധാ​ത്‌മാവ്‌ ലഭിച്ചു കഴിയു​മ്പോൾ അവർ അവന്റെ സാക്ഷി​ക​ളാ​യി​രി​ക്കും എന്നാണ്‌ പ്രവൃ​ത്തി​കൾ 1:8 പറയു​ന്നത്‌. പ്രവൃ​ത്തി​കൾ 2:1-11 അനുസ​രിച്ച്‌ അവർക്ക്‌ പരിശു​ദ്ധാ​ത്‌മാവ്‌ ലഭിച്ച​പ്പോൾ, സംസാ​രി​ച്ച​വ​രെ​ല്ലാം ഗലീലാ​ക്കാ​രാ​യി​രു​ന്നു​വെ​ങ്കി​ലും അവിടെ സന്നിഹി​ത​രാ​യി​രുന്ന അനേകം വിദേ​ശി​കൾക്ക്‌ പരിചി​ത​മായ ഭാഷക​ളിൽ അവർ ദൈവ​ത്തി​ന്റെ മഹദ്‌കാ​ര്യ​ങ്ങ​ളെ​ക്കു​റിച്ച്‌ സംസാ​രി​ക്കു​ക​യാ​യി​രു​ന്നു എന്ന വസ്‌തു​ത​യാൽ നിരീ​ക്ഷകർ ആശ്ചര്യ​പ്പെട്ടു. എന്നാൽ ആത്‌മാവ്‌ ലഭിച്ച​വ​രു​ടെ ഭാഗത്ത്‌ എന്തെങ്കി​ലും വികാ​ര​വി​ക്ഷോ​ഭങ്ങൾ ഉണ്ടായി​രു​ന്ന​താ​യി രേഖ പറയു​ന്നില്ല.

എലിസ​ബത്ത്‌ പരിശു​ദ്ധാ​ത്മാവ്‌ നിറഞ്ഞ​വ​ളാ​യി “ഉച്ചത്തിൽ വിളിച്ചു പറഞ്ഞ​പ്പോൾ”  അവൾ ആരാധ​ന​ക്കാ​യി കൂടിവന്ന ഒരു മീററിം​ഗു സ്ഥലത്താ​യി​രു​ന്നില്ല, മറിച്ച്‌ സന്ദർശി​ക്കുന്ന ഒരു ബന്ധുവി​നെ സ്വീക​രി​ക്കു​ക​യാ​യി​രു​ന്നു എന്ന്‌ കുറി​ക്കൊ​ളേ​ള​ണ്ട​തുണ്ട്‌. (ലൂക്കോ. 1:41, 42) പ്രവൃ​ത്തി​കൾ 4:31-ൽ റിപ്പോർട്ടു ചെയ്യ​പ്പെ​ട്ടി​രി​ക്കു​ന്ന​പ്ര​കാ​രം ശിഷ്യൻമാ​രു​ടെ ഒരു സംഘത്തിൻമേൽ പരിശു​ദ്ധാ​ത്മാവ്‌ വന്നപ്പോൾ, ആ സ്ഥലം കുലുങ്ങി, എന്നാൽ പരിശു​ദ്ധാ​ത്മാവ്‌ ലഭിച്ച​തി​ന്റെ ഫലമായി ആ ശിഷ്യൻമാർ വിറക്കു​ക​യോ നിലത്തു കിടന്ന്‌ ഉരുളു​ക​യോ ചെയ്‌തില്ല, മറിച്ച്‌ അവർ ‘ദൈവ​വ​ചനം ധൈര്യ​പൂർവ്വം സംസാ​രി​ക്കു​ക​യാണ്‌ ചെയ്‌തത്‌.’ അതു​പോ​ലെ ഇന്നും ദൈവ​വ​ചനം സംസാ​രി​ക്കു​ന്ന​തി​ലു​ളള ധൈര്യം, സാക്ഷീ​ക​ര​ണ​വേ​ല​യിൽ ഉൽസാ​ഹ​പൂർവ്വം ഏർപ്പെ​ടു​ന്നത്‌—ഇവയാണ്‌ ഒരുവന്‌ പരിശു​ദ്ധാ​ത്മാവ്‌ ഉണ്ട്‌ എന്നതിന്‌ തെളിവ്‌ നൽകു​ന്നത്‌.

ഗലാ. 5:22, 23: “ആത്മാവി​ന്റെ ഫലങ്ങളോ സ്‌നേഹം, സന്തോഷം, സമാധാ​നം, ദീർഘക്ഷമ, ദയ, നൻമ, വിശ്വാ​സം, സൗമ്യത, ആത്മനി​യ​ന്ത്രണം എന്നിവ​യാണ്‌.” (യഥാർത്ഥ​ത്തിൽ ദൈവാ​ത്മാവ്‌ ഉളളവരെ അന്വേ​ഷി​ക്കു​മ്പോൾ ഒരുവൻ നോ​ക്കേ​ണ്ടത്‌ മതതീ​ക്ഷ്‌ണ​ത​യു​ടെ ആവേശ​ത്ത​ള​ള​ലി​നെ​ന്ന​തി​നേ​ക്കാൾ ഈ ഫലങ്ങൾക്കു വേണ്ടി​യാണ്‌.)

ഒരു വ്യക്തി ഒരിക്ക​ലും പഠിച്ചി​ട്ടി​ല്ലാത്ത ഒരു ഭാഷയിൽ വലിയ വികാ​രാ​വേ​ശ​ത്തോ​ടെ സംസാ​രി​ക്കാ​നു​ളള പ്രാപ്‌തി അയാൾക്ക്‌ ദൈവാ​ത്മാ​വുണ്ട്‌ എന്നതിന്റെ തെളി​വാ​ണോ?

“അന്യഭാ​ഷകൾ, സംസാ​രി​ക്കൽ” എന്ന മുഖ്യ​ശീർഷകം കാണുക.

നമ്മുടെ നാളിൽ നടക്കുന്ന അത്ഭുത രോഗ​ശാ​ന്തി ദൈവ​ത്തി​ന്റെ ആത്മാവി​നാ​ലാ​ണോ നടക്കു​ന്നത്‌?

“രോഗ​ശാ​ന്തി” എന്ന മുഖ്യ​ശീർഷകം കാണുക.

പരിശുദ്ധാത്മാവിൽ സ്‌നാ​പ​ന​മേൽക്കു​ന്നവർ ആരാണ്‌?

“സ്‌നാ​പനം” എന്നതിൻ കീഴിൽ പേജ്‌ 56, “വീണ്ടും ജനിച്ചവർ” എന്ന മുഖ്യ ശീർഷകം എന്നിവ കാണുക.

ഒരു മനുഷ്യന്‌ ശരീര​ത്തി​ന്റെ മരണത്തെ അതിജീ​വി​ക്കുന്ന ഒരു ആത്മഭാ​ഗ​മു​ണ്ടോ?

യെഹെ. 18:4: “പാപം ചെയ്യുന്ന ദേഹി—അതുതന്നെ മരിക്കും.” (RS, NE, KJ, Dy എന്നിവ ഈ വാക്യ​ത്തിൽ നീഫെഷ്‌ എന്ന എബ്രായ വാക്ക്‌ “ദേഹി” എന്ന്‌ തർജ്ജമ ചെയ്‌തി​രി​ക്കു​ന്നു, അതുവഴി ദേഹി തന്നെയാണ്‌ മരിക്കു​ന്നത്‌ എന്നു പറയുന്നു. മററു ഭാഗങ്ങ​ളിൽ നീഫെഷ്‌ എന്നത്‌ “ദേഹി” എന്ന്‌ വിവർത്തനം ചെയ്‌തി​ട്ടു​ളള ചില ഭാഷാ​ന്ത​രങ്ങൾ ഈ വാക്യ​ത്തിൽ “മനുഷ്യൻ” എന്നോ “ഒരുവൻ” എന്നോ ഉപയോ​ഗി​ച്ചി​രി​ക്കു​ന്നു. അതു​കൊണ്ട്‌ നീഫെഷ്‌, ദേഹി, വ്യക്തി തന്നെയാണ്‌. ശരീരം മരിക്കു​മ്പോൾ അതിജീ​വി​ക്കുന്ന അയാളു​ടെ ഭൗതി​ക​മ​ല്ലാത്ത ഒരു ഭാഗമല്ല.) (കൂടുതൽ വിശദാം​ശ​ങ്ങൾക്ക്‌ “ദേഹി” എന്ന മുഖ്യ ശീർഷകം കാണുക.)

 സങ്കീ. 146:4: “അവന്റെ ആത്മാവ്‌ വിട്ടു​പോ​കു​ന്നു, അവൻ തന്റെ നില​ത്തേക്ക്‌ മടങ്ങി​പ്പോ​കു​ന്നു; അന്ന്‌ അവന്റെ ചിന്തകൾ തീർച്ച​യാ​യും നശിക്കു​ന്നു.” (“ആത്മാവ്‌” എന്ന്‌ ഇവിടെ വിവർത്തനം ചെയ്യ​പ്പെ​ട്ടി​രി​ക്കുന്ന എബ്രായ പദം റൂവാക്‌ എന്നതിൽ നിന്ന്‌ വന്നിട്ടു​ള​ള​താണ്‌. ചില വിവർത്തകർ അതിനെ “ശ്വാസം” എന്ന്‌ ഭാഷാ​ന്തരം ചെയ്‌തി​രി​ക്കു​ന്നു. ആ റൂവാക്‌ അല്ലെങ്കിൽ പ്രവർത്ത​ന​നി​ര​ത​മായ ജീവശക്തി ശരീരത്തെ വിട്ടു​പോ​കു​മ്പോൾ ആ വ്യക്തി​യു​ടെ ചിന്തകൾ നശിക്കു​ന്നു; അവ മറെറാ​രു മണ്ഡലത്തിൽ തുടരു​ന്നില്ല.)

സഭാ. 3:19-21: “മനുഷ്യ​വർഗ്ഗ​ത്തി​ന്റെ പുത്രൻമാ​രെ സംബന്ധി​ച്ചി​ട​ത്തോ​ളം ഒരു സംഭവ്യ​ത​യും മൃഗത്തെ സംബന്ധി​ച്ചി​ട​ത്തോ​ളം ഒരു സംഭവ്യ​ത​യു​മുണ്ട്‌, അവക്ക്‌ ഒരേ സംഭവ്യ​ത​യാ​ണു​ള​ളത്‌. ഒന്നു മരിക്കു​ന്ന​തു​പോ​ലെ മറെറ​തും മരിക്കു​ന്നു; അവക്കെ​ല്ലാം ഒരേ ആത്മാവാ​ണു​ള​ളത്‌, അതു​കൊണ്ട്‌ മനുഷ്യന്‌ മൃഗ​ത്തെ​ക്കാൾ ശ്രേഷ്‌ഠ​ത​യില്ല, എന്തെന്നാൽ എല്ലാം മായയ​ത്രേ. എല്ലാം ഒരു സ്ഥലത്തേക്ക്‌ പോകു​ന്നു. എല്ലാം പൊടി​യിൽ നിന്നു​ണ്ടാ​യി, എല്ലാം പൊടി​യി​ലേക്ക്‌ മടങ്ങി​പ്പോ​കു​ന്നു. മനുഷ്യ​വർഗ്ഗ​ത്തി​ന്റെ പുത്രൻമാ​രു​ടെ ആത്മാവ്‌ മുകളി​ലേക്ക്‌ പോകു​ന്നു​വോ, മൃഗത്തി​ന്റെ ആത്മാവ്‌ താഴെ ഭൂമി​യി​ലേക്ക്‌ പോകു​ന്നു​വോ എന്ന്‌ ആർക്കാണ്‌ അറിയാ​വു​ന്നത്‌?” (ആദാമിൽ നിന്ന്‌ അവകാ​ശ​മാ​ക്കിയ പാപത്തി​ന്റെ​യും മരണത്തി​ന്റെ​യും ഫലമാ​യിട്ട്‌ മൃഗങ്ങ​ളെ​പോ​ലെ​തന്നെ മനുഷ്യ​രെ​ല്ലാ​വ​രും മരിക്കു​ക​യും പൊടി​യി​ലേക്ക്‌ തിരികെ പോവു​ക​യും ചെയ്യുന്നു. എന്നാൽ ശരീര​ത്തി​ലെ പ്രവർത്തനം അവസാ​നി​ച്ച​ശേ​ഷ​വും ബുദ്ധി​ശ​ക്തി​യു​ളള ഒരു വ്യക്തി​യാ​യി തുടരുന്ന ഒരു ആത്മാവ്‌ ഓരോ മനുഷ്യ​നും ഉണ്ടോ? ഇല്ല; മനുഷ്യർക്കും മൃഗങ്ങൾക്കും “ഒരേ ആത്മാവാ​ണു​ള​ളത്‌” എന്ന്‌ 19-ാം വാക്യം ഉത്തരം നൽകുന്നു. ആത്മാവി​നെ സംബന്ധിച്ച്‌ 21-ാം വാക്യ​ത്തിൽ ചോദി​ച്ചി​രി​ക്കുന്ന ചോദ്യ​ത്തിന്‌ മാനുഷ നിരീ​ക്ഷ​ണത്തെ മാത്രം അടിസ്ഥാ​ന​മാ​ക്കി ആർക്കും ആധികാ​രി​ക​മാ​യി ഉത്തരം പറയാൻ കഴിയു​ന്നതല്ല. മരണത്തി​ങ്കൽ മനുഷ്യന്‌ മൃഗങ്ങ​ളേ​ക്കാൾ ശ്രേഷ്‌ഠത നൽകുന്ന യാതൊ​ന്നും അവന്റെ ജനനത്തിൽ ഇല്ല എന്ന്‌ ദൈവ​ത്തി​ന്റെ വചനം ഉത്തരം നൽകുന്നു. എന്നിരു​ന്നാ​ലും ക്രിസ്‌തു​വി​ലൂ​ടെ​യു​ളള ദൈവ​ത്തി​ന്റെ കരുണാ​പൂർവ്വ​ക​മായ കരുതൽ നിമിത്തം വിശ്വാ​സം പ്രകട​മാ​ക്കുന്ന മനുഷ്യർക്ക്‌ എന്നേക്കും ജീവി​ക്കു​ന്ന​തി​നു​ളള ഭാവി പ്രതീക്ഷ തുറന്നു കിട്ടി​യി​രി​ക്കു​ന്നു. എന്നാൽ മൃഗങ്ങൾക്ക്‌ അതില്ല. മനുഷ്യ​വർഗ്ഗ​ത്തിൽ അനേകർക്ക്‌ അത്‌ സാദ്ധ്യ​മാ​ക്കു​ന്നത്‌ പുനരു​ത്ഥാ​ന​ത്തി​ലൂ​ടെ​യാ​യി​രി​ക്കും, അപ്പോൾ ദൈവ​ത്തിൽ നിന്നുളള പ്രവർത്ത​ന​നി​ര​ത​മായ ജീവശക്തി അവരെ വീണ്ടും ജീവി​പ്പി​ക്കും.)

ലൂക്കോ. 23:46: “‘പിതാവേ, അങ്ങയുടെ കരങ്ങളിൽ ഞാൻ എന്റെ ആത്മാവി​നെ [ഗ്രീക്ക്‌, ന്യൂമ] ഭരമേൽപ്പി​ക്കു​ന്നു’ എന്ന്‌ യേശു ഉച്ചത്തിൽ നിലവി​ളി​ച്ചു പറഞ്ഞു. അത്‌ പറഞ്ഞ​ശേഷം അവൻ അന്ത്യശ്വാ​സം വലിച്ചു.” (യേശു അന്ത്യശ്വാ​സം വലിച്ചു​വെന്ന്‌ കുറി​ക്കൊ​ള​ളുക. അവന്റെ ആത്മാവ്‌ പുറ​ത്തേക്ക്‌ പോയ​പ്പോൾ സ്വർഗ്ഗ​ത്തി​ലേക്ക്‌ പോയില്ല. അതുക​ഴിഞ്ഞ്‌ മൂന്നാം ദിവസം മാത്ര​മാണ്‌ യേശു മരിച്ച​വ​രു​ടെ ഇടയിൽ നിന്ന്‌ ഉയർപ്പി​ക്ക​പ്പെ​ട്ടത്‌. പിന്നീട്‌, പ്രവൃ​ത്തി​കൾ 1:3, 9 കാണി​ക്കുന്ന പ്രകാരം 40 ദിവസം കൂടെ കഴിഞ്ഞാണ്‌ അവൻ സ്വർഗ്ഗാ​രോ​ഹണം ചെയ്‌തത്‌. അതു​കൊണ്ട്‌ മരണസ​മ​യത്ത്‌ യേശു പറഞ്ഞതി​ന്റെ അർത്ഥ​മെ​ന്താ​യി​രു​ന്നു? അവൻ മരിക്കു​മ്പോൾ അവന്റെ ഭാവി ജീവി​ത​പ്ര​ത്യാ​ശ ദൈവ​ത്തെ​മാ​ത്രം ആശ്രയി​ച്ചി​രി​ക്കു​ന്നു എന്ന്‌ തനിക്ക​റി​യാ​മെന്ന്‌  അവൻ പറയു​ക​യാ​യി​രു​ന്നു. ‘ദൈവ​ത്തി​ങ്ക​ലേക്ക്‌ മടങ്ങി​പ്പോ​കുന്ന ആത്മാവി​നെ’ സംബന്ധിച്ച്‌ കൂടുതൽ വിവര​ങ്ങൾക്ക്‌ “ദേഹി” എന്ന ശീർഷ​ക​ത്തിൻ കീഴിൽ പേ. 378 കാണുക.)

‘നിങ്ങൾക്ക്‌ പരിശു​ദ്ധാ​ത്മാവ്‌ (അല്ലെങ്കിൽ പരിശു​ദ്ധാ​രൂ​പി) ഉണ്ടോ?’

നിങ്ങൾക്ക്‌ ഇങ്ങനെ മറുപടി പറയാം: ‘ഉവ്വ്‌, അതു​കൊ​ണ്ടാണ്‌ ഞാൻ ഇന്ന്‌ നിങ്ങളു​ടെ വീട്ടു​വാ​തിൽക്കൽ വന്നിരി​ക്കു​ന്നത്‌. (പ്രവൃ. 2:17, 18)’

അല്ലെങ്കിൽ നിങ്ങൾക്ക്‌ ഇങ്ങനെ പറയാൻ കഴിയും: ‘എനിക്ക്‌ ക്രിസ്‌തീയ ശുശ്രൂ​ഷ​യിൽ പങ്കെടു​ക്കാൻ കഴിയു​ന്നത്‌ അതു​കൊ​ണ്ടാണ്‌. എന്നാൽ ഒരു വ്യക്തിക്ക്‌ യഥാർത്ഥ​മാ​യി പരിശു​ദ്ധാ​ത്മാവ്‌ ഉണ്ട്‌ എന്നുള​ള​തി​ന്റെ തെളിവ്‌ എന്താണ്‌ എന്നതി​നെ​പ്പ​ററി എല്ലാവർക്കും ഒരേ ആശയമല്ല ഉളളത്‌ എന്ന്‌ ഞാൻ മനസ്സി​ലാ​ക്കു​ന്നു. തെളി​വാ​യി നിങ്ങൾ എന്താണ്‌ നോക്കു​ന്നത്‌?’ പിന്നെ ഒരുപക്ഷേ ഇങ്ങനെ കൂട്ടി​ച്ചേർക്കുക: ( 381, 382 പേജു​ക​ളി​ലെ ചില വിവര​ങ്ങ​ളു​ടെ ചർച്ച.)