ബൈബിൾ സൂചി​പ്പി​ക്കുന്ന പ്രകാരം ഏതാനും ആയിരം വർഷങ്ങൾ മാത്രമല്ല മറിച്ച്‌ ദശലക്ഷ​ക്ക​ണ​ക്കിന്‌ വർഷങ്ങൾ മനുഷ്യർ ഭൂമി​യിൽ ഉണ്ടായി​രു​ന്നി​ട്ടുണ്ട്‌ എന്ന്‌ ശാസ്‌ത്ര​ജ്ഞൻമാർ തെളി​യി​ച്ചി​ട്ടു​ണ്ടോ?

കാല നിർണ്ണ​യ​ത്തി​നു വേണ്ടി ശാസ്‌ത്ര​ജ്ഞൻമാർ ഉപയോ​ഗി​ക്കുന്ന രീതികൾ പ്രയോ​ജ​ന​ക​ര​മായ, എന്നാൽ മിക്ക​പ്പോ​ഴും പരസ്‌പര വിരു​ദ്ധ​മായ, ഫലങ്ങൾ കൈവ​രു​ത്തുന്ന ചില അഭ്യൂ​ഹ​ങ്ങ​ളിൽ കെട്ടു​പണി ചെയ്യ​പ്പെ​ട്ടി​ട്ടു​ള​ള​താണ്‌. അതു​കൊണ്ട്‌ അവർ നൽകുന്ന തീയതി​ക​ളിൽ കൂടെ​ക്കൂ​ടെ മാററം വരുത്തു​ന്നുണ്ട്‌.

ആയിര​ത്തി​ത്തൊ​ള​ളാ​യി​രത്തി എൺപത്തി​രണ്ട്‌ മാർച്ച്‌ 18-ലെ ന്യൂ സയൻറി​സ്‌റ​റിൽ  വന്ന ഒരു റിപ്പോർട്ട്‌ ഇപ്രകാ​രം വായി​ക്ക​പ്പെ​ടു​ന്നു: “‘ഒരു വർഷം മുൻപ്‌ മാത്രം ഞാൻ നടത്തിയ പ്രസ്‌താ​വ​നകൾ ഞാൻ നടത്തി​യത്‌ ഓർക്കു​മ്പോൾ എനിക്ക്‌ അമ്പരപ്പ്‌ തോന്നു​ന്നു’ എന്ന്‌ കഴിഞ്ഞ വെളളി​യാഴ്‌ച വൈകു​ന്നേരം റോയൽ ഇൻസ്‌റ​റി​റ​റ്യൂ​ഷ​നി​ലെ മാന്യ​സ​ദ​സ്സി​ന്റെ മുമ്പാകെ റിച്ചാർഡ്‌ ലിക്കി പ്രസ്‌താ​വി​ച്ചു. അടുത്ത കാലത്ത്‌ ദി മെയ്‌ക്കിംഗ്‌ ഓഫ്‌ മാൻ​കൈൻഡ്‌ എന്ന ബി. ബി. സി. റെറലി​വി​ഷൻ പരമ്പര​യിൽ ഞാൻ പിന്താ​ങ്ങിയ പരമ്പരാ​ഗത ജ്ഞാനം ‘പല സുപ്ര​ധാന മണ്ഡലങ്ങ​ളി​ലും സാദ്ധ്യ​ത​യ​നു​സ​രിച്ച്‌ തെററാ​യി​രു​ന്നു’ എന്ന്‌ വെളി​പ്പെ​ടു​ത്താ​നാണ്‌ അദ്ദേഹം അവിടെ എത്തിയത്‌. വിശേ​ഷിച്ച്‌ മനുഷ്യ​ന്റെ ഏററം പ്രായ​മേ​റിയ പൂർവ്വി​കന്‌ അദ്ദേഹം റെറലി​വി​ഷ​നിൽ അവകാ​ശ​പ്പെട്ട 15-20 ദശലക്ഷം വർഷങ്ങ​ളേ​ക്കാൾ വളരെ പ്രായ​ക്കു​റ​വാണ്‌ എന്ന്‌ അദ്ദേഹം ഇപ്പോൾ കാണുന്നു.”—പേ. 695.

ഓരോ​രോ കാലഘ​ട്ട​ങ്ങ​ളിൽ കാലഗ​ണ​ന​യ്‌ക്കു​ളള പുതിയ സമ്പ്രദാ​യങ്ങൾ വികസി​പ്പി​ച്ചെ​ടു​ക്ക​പ്പെ​ടു​ന്നു. ഇവ എത്ര​ത്തോ​ളം ആശ്രയി​ക്ക​ത്ത​ക്ക​വ​യാണ്‌? തെർമോ​ലൂ​മി​നെ​സ്സൻസ്‌ എന്ന രീതി​യെ​പ്പ​ററി ദി ന്യൂ എൻ​സൈ​ക്ലോ​പ്പീ​ഡിയ ബ്രിട്ടാ​നിക്ക (1976, മാ​ക്രോ​പ്പീ​ഡിയ, വാല്യം 5, പേ. 509) പറയുന്നു: “നേട്ട​ത്തേ​ക്കാൾ പ്രതീ​ക്ഷ​യാണ്‌ അതിന്റെ സവി​ശേഷത എന്നതാണ്‌ തെർമോ​ലൂ​മി​നെ​സ്സൻസ്‌ കാലനിർണ്ണയ സമ്പ്രദാ​യ​ത്തി​ന്റെ ഇന്നത്തെ അവസ്ഥ.” കൂടാതെ, അമീനോ ആസിഡ്‌ റെയ്‌സ്‌​മൈ​സേഷൻ രീതി​കൊണ്ട്‌ 70,000 വർഷത്തെ പഴക്കമു​ണ്ടെന്ന്‌ കണക്കാ​ക്ക​പ്പെ​ട്ടി​രുന്ന ഒരു അസ്ഥിപ​ഞ്ച​ര​ത്തി​ന്റെ പ്രായം റേഡി​യോ കാർബൺ കാലനിർണ്ണ​യ​മ​നു​സ​രിച്ച്‌ 8,300 അല്ലെങ്കിൽ 9,000 വർഷം മാത്ര​മാ​ണെന്ന്‌ സയൻസ്‌ (ആഗസ്‌ററ്‌ 28, 1981, പേ. 1003) റിപ്പോർട്ടു ചെയ്യുന്നു.

“റേഡി​യോ ആക്‌റ​റീ​വ​ത​യു​ളള വസ്‌തു​ക്ക​ളു​ടെ പഠനത്തിൽ നിന്ന്‌ നിർണ്ണ​യി​ക്ക​പ്പെ​ട്ടി​രി​ക്കുന്ന തീയതി​കൾ എല്ലാം തന്നെ ഏതാനും വർഷത്തി​ന്റെയല്ല, ദീർഘ​കാ​ല​ഘ​ട്ട​ത്തി​ന്റെ തന്നെ വ്യത്യാ​സ​മു​ള​ള​താ​യി​രി​ക്കാ​മെന്ന്‌ ഭൗതിക ശാസ്‌ത്ര​ജ്ഞ​നായ റോബർട്ട്‌ ജെൻട്രി വിശ്വ​സി​ക്കു​ന്ന​താ​യി” പോപ്പു​ലർ സയൻസ്‌ (നവംബർ 1979, പേ. 81) റിപ്പോർട്ടു ചെയ്യുന്നു. “മനുഷ്യൻ 3.6 ദശലക്ഷം വർഷങ്ങളല്ല ഏതാനും ആയിരം വർഷങ്ങൾ മാത്രമെ ഈ ഭൂമി​യിൽ നടന്നി​ട്ടു​ളളു എന്ന നിഗമ​ന​ത്തി​ലേക്ക്‌ അദ്ദേഹ​ത്തി​ന്റെ കണ്ടുപി​ടു​ത്തങ്ങൾ നയിക്കും” എന്ന്‌ പ്രസ്‌തുത ലേഖനം ചൂണ്ടി​ക്കാ​ട്ടു​ന്നു.

എന്നിരു​ന്നാ​ലും ഭൂമി​യു​ടെ പ്രായം മനുഷ്യ​ന്റെ പ്രായ​ത്തേ​ക്കാൾ വളരെ കൂടു​ത​ലാ​ണെന്ന്‌ ശാസ്‌ത്ര​ജ്ഞൻമാർ വിശ്വ​സി​ക്കു​ന്നു എന്നത്‌ കുറി​ക്കൊ​ളേ​ള​ണ്ട​തുണ്ട്‌. ബൈബിൾ അതി​നോട്‌ വിയോ​ജി​ക്കു​ന്നില്ല.

ബൈബിൾ പ്രസ്‌താ​വി​ക്കുന്ന പ്രളയ​ത്തിന്‌ മുമ്പു​ണ്ടാ​യി​രുന്ന ആളുക​ളു​ടെ പ്രായം നാം ഇന്ന്‌ ഉപയോ​ഗി​ക്കുന്ന അതേ വർഷങ്ങ​ളി​ലാ​ണോ എണ്ണപ്പെ​ട്ടി​രു​ന്നത്‌?

ആ “വർഷങ്ങൾ” ഇന്നത്തെ മാസങ്ങൾക്ക്‌ തുല്യ​മാണ്‌ എന്ന്‌ വാദി​ക്കു​ക​യാ​ണെ​ങ്കിൽ ഏഴു വർഷം മാത്രം പ്രായ​മു​ള​ള​പ്പോൾ ഏനോശ്‌ ഒരു പിതാ​വാ​യി​ത്തീർന്നു, ഒരു പുത്രനെ ജനിപ്പി​ച്ച​പ്പോൾ കേനാന്‌ അഞ്ചു വയസ്സേ ഉണ്ടായി​രു​ന്നു​ളളു. (ഉൽപ. 5:9, 12) വ്യക്തമാ​യും അത്‌ അസാദ്ധ്യ​മാണ്‌.

പ്രളയ​ത്തോ​ടു​ളള ബന്ധത്തിൽ നൽക​പ്പെ​ട്ടി​രി​ക്കുന്ന വിശദ​മായ കാലക്ക​ണക്ക്‌  അക്കാലത്ത്‌ ഉപയോ​ഗി​ച്ചി​രുന്ന മാസങ്ങ​ളു​ടെ​യും വർഷങ്ങ​ളു​ടെ​യും ദൈർഘ്യം സൂചി​പ്പി​ക്കു​ന്നു. ഉൽപത്തി 7:11, 24-ന്റെയും 8:3, 4-ന്റെയും താരത​മ്യം അഞ്ചു മാസങ്ങൾ (രണ്ടാം മാസം 17-ാം തീയതി മുതൽ 7-ാം മാസം 17-ാം തീയതി​വരെ) 150 ദിവസങ്ങൾ അല്ലെങ്കിൽ അഞ്ച്‌ 30 ദിവസ​മാ​സ​ങ്ങ​ളാ​യി​രു​ന്നു എന്ന്‌ കാണി​ക്കു​ന്നു. കൃത്യ​മാ​യി ഒരു “പത്താം മാസ​ത്തെ​പ്പ​റ​റി​യും അതിനു ശേഷമു​ളള സമയ​ത്തെ​പ്പ​റ​റി​യും പരാമർശിച്ച ശേഷമാണ്‌ അടുത്ത വർഷ​ത്തെ​പ്പ​ററി പറയു​ന്നത്‌. (ഉൽപ. 8:5, 6, 8, 10, 12-14) വ്യക്തമാ​യും അവരുടെ വർഷങ്ങൾ പന്ത്രണ്ട്‌ 30 ദിവസ​മാ​സങ്ങൾ ചേർന്ന​താ​യി​രു​ന്നു. യിസ്രാ​യേ​ല്യർ ഋതുക്കളനുസരിച്ചുളള തങ്ങളുടെ ഫലശേ​ഖ​ര​പ്പെ​രു​ന്നാൾ ചില നിശ്ചിത ദിവസ​ങ്ങ​ളിൽ നടത്തി​യി​രു​ന്നു​വെ​ന്ന​തി​നാൽ പുരാ​ത​ന​കാ​ലം മുതൽ കൃത്യ​മാ​യും ചന്ദ്രമാ​സ​മ​നു​സ​രി​ച്ചു​ളള അവരുടെ കലണ്ടർ സൗരവർഷ​ത്തി​ന്റെ ദൈർഘ്യ​വു​മാ​യി ഒത്തുവ​രാൻ ചില പൊരു​ത്ത​പ്പെ​ടു​ത്ത​ലു​കൾ അവർ കാലാ​കാ​ല​ങ്ങ​ളിൽ നടത്തി​യി​രു​ന്നു​വെ​ന്നാണ്‌ സൂചി​പ്പി​ക്കു​ന്നത്‌. അതുവഴി ഉൽസവങ്ങൾ കൃത്യ​മാ​യും ആ ഋതുക്കളിൽ തന്നെ നടത്ത​പ്പെ​ടാൻ കഴിയു​മാ​യി​രു​ന്നു.—ലേവ്യ. 23:39.

എന്നേക്കും ജീവി​ക്കാ​നാ​യി ദൈവം മനുഷ്യ​രെ സൃഷ്ടി​ച്ചു​വെന്ന്‌ മനസ്സിൽ പിടി​ക്കുക. ആദാമി​ന്റെ പാപമാ​യി​രു​ന്നു മരണത്തി​ലേക്ക്‌ നയിച്ചത്‌. (ഉൽപ. 2:17; 3:17-19; റോമ. 5:12) പ്രളയ​ത്തിന്‌ മുൻപ്‌ ജീവി​ച്ചി​രു​ന്നവർ നാം ഇന്ന്‌ ആയിരി​ക്കു​ന്ന​തി​നേ​ക്കാൾ പൂർണ്ണ​ത​യോട്‌ അടുത്ത​വ​രാ​യി​രു​ന്നു, അതു​കൊണ്ട്‌ അവർ വളരെ ദീർഘ​കാ​ലം ജീവിച്ചു. എന്നാൽ ഓരോ​രു​ത്ത​രും ഒരു ആയിരം വർഷത്തി​നു​ള​ളിൽ മരിച്ചു.

ദൈവത്തിന്റെ രാജ്യം 1914-ൽ സ്ഥാപി​ത​മാ​യി എന്ന്‌ യഹോ​വ​യു​ടെ സാക്ഷികൾ പറയു​ന്നത്‌ എന്തു​കൊണ്ട്‌?

തെളി​വു​ക​ളു​ടെ രണ്ടു രേഖകൾ ആ വർഷത്തി​ലേക്ക്‌ വിരൽ ചൂണ്ടുന്നു: (1) ബൈബിൾ കാലക്ക​ണക്ക്‌ (2) പ്രവച​ന​ത്തി​ന്റെ നിവൃ​ത്തി​യാ​യി 1914 മുതൽ നടന്ന സംഭവങ്ങൾ. ഇവിടെ നാം കാലക്ക​ണക്ക്‌ പരിഗ​ണി​ക്കു​ന്ന​താ​യി​രി​ക്കും. പ്രവച​ന​ത്തി​ന്റെ നിവൃ​ത്തിക്ക്‌ “അന്ത്യനാ​ളു​കൾ” എന്ന മുഖ്യ ശീർഷ​ക​ത്തിൻ കീഴിൽ കാണുക.

ദാനി​യേൽ 4:1-17 വായി​ക്കുക. ഈ പ്രവചനം നെബൂ​ഖ​ദ്‌നേ​സ​റിൽ നിവൃ​ത്തി​യാ​യി എന്ന്‌ 20-37 വരെയു​ളള വാക്യങ്ങൾ കാണി​ക്കു​ന്നു. എന്നാൽ അതിന്‌ വലിപ്പ​മേ​റിയ ഒരു നിവൃ​ത്തി​യും കൂടെ​യുണ്ട്‌. നമു​ക്കെ​ങ്ങ​നെ​യ​റി​യാം? ദൈവം നെബൂ​ഖ​ദ്‌നേ​സ​റിന്‌ നൽകിയ സ്വപ്‌നം ദൈവ​ത്തി​ന്റെ രാജ്യത്തെ സംബന്ധി​ച്ചും “താൻ ആഗ്രഹി​ക്കു​ന്ന​വന്‌, . . . മനുഷ്യ​വർഗ്ഗ​ത്തി​ലെ ഏററം എളിയ​വന്‌ അത്‌ കൊടു​ക്കു​മെ​ന്നു​ളള” അവന്റെ വാഗ്‌ദത്തം സംബന്ധി​ച്ചു​മാണ്‌ പ്രതി​പാ​ദി​ക്കു​ന്ന​തെന്ന്‌ 3, 17 വാക്യങ്ങൾ കാണി​ക്കു​ന്നു. തന്റെ സ്വന്തം പുത്ര​നായ യേശു​ക്രി​സ്‌തു തന്റെ പ്രതി​നി​ധി എന്ന നിലയിൽ മനുഷ്യ​വർഗ്ഗ​ത്തിൻമേൽ ഭരണം നടത്തണ​മെ​ന്നു​ള​ള​താണ്‌ യഹോ​വ​യു​ടെ ഉദ്ദേശ്യ​മെന്ന്‌ മുഴു​ബൈ​ബി​ളും പ്രകട​മാ​ക്കു​ന്നു. (സങ്കീ. 2:1-8; ദാനി. 7:13, 14; 1 കൊരി. 15:23-25; വെളി. 11:15; 12:10) യേശു​വി​നെ സംബന്ധി​ച്ചു​ളള ബൈബി​ളി​ന്റെ വിവരണം അവൻ യഥാർത്ഥ​ത്തിൽ “മനുഷ്യ​വർഗ്ഗ​ത്തി​ലെ ഏററം എളിയ​വനാ”യിരു​ന്നു​വെന്നു പ്രകട​മാ​ക്കു​ന്നു. (ഫിലി. 2:7, 8; മത്താ. 11:28-30) അപ്പോൾ മനുഷ്യ​വർഗ്ഗ​ത്തിൻമേ​ലു​ളള ഭരണം യഹോവ തന്റെ സ്വന്തം പുത്രന്‌ നൽകുന്ന സമയ​ത്തേ​ക്കാണ്‌ പ്രാവ​ച​നിക സ്വപ്‌നം വിരൽ ചൂണ്ടു​ന്നത്‌.

 അന്നോളം എന്താണ്‌ സംഭവി​ക്കേ​ണ്ടി​യി​രു​ന്നത്‌? വൃക്ഷത്താ​ലും അതിന്റെ വേരി​നാ​ലും പ്രതി​നി​ധാ​നം ചെയ്യപ്പെട്ട, മനുഷ്യ​വർഗ്ഗ​ത്തിൻമേ​ലു​ളള ഭരണത്തിന്‌ “ഒരു മൃഗത്തി​ന്റെ ഹൃദയം” ഉണ്ടായി​രി​ക്കും. (ദാനി. 4:16) വന്യമൃ​ഗ​ങ്ങ​ളു​ടെ സ്വഭാവ വിശേ​ഷങ്ങൾ പ്രകട​മാ​ക്കുന്ന ഗവൺമെൻറു​കൾ മാനവ​ച​രി​ത്ര​ത്തിൽ ആധിപ​ത്യം പുലർത്തി​യി​രു​ന്നു. ആധുനിക കാലങ്ങ​ളിൽ സാധാ​ര​ണ​യാ​യി ഗരുഡൻ ഐക്യ​നാ​ടു​ക​ളെ​യും, സിംഹം ബ്രിട്ട​നെ​യും, വ്യാളം ചൈന​യെ​യും പ്രതി​നി​ധാ​നം ചെയ്യാൻ ഉപയോ​ഗി​ക്ക​പ്പെ​ടു​ന്നു. ലോക​ഗ​വൺമെൻറു​ക​ളു​ടെ​യും സാത്താന്റെ സ്വാധീ​ന​ത്തിൻ കീഴി​ലു​ളള ആഗോള മാനുഷ ഭരണവ്യ​വ​സ്ഥി​തി​യു​ടെ​യും പ്രതീ​ക​ങ്ങ​ളാ​യി ബൈബി​ളും വന്യമൃ​ഗ​ങ്ങളെ ഉപയോ​ഗി​ക്കു​ന്നു. (ദാനി. 7:2-8, 17, 23; 8:20-22; വെളി. 13:1, 2) വ്യവസ്ഥി​തി​യു​ടെ സമാപ​ന​ത്തി​ലേക്ക്‌ വിരൽ ചൂണ്ടിയ തന്റെ പ്രവച​ന​ത്തിൽ യേശു പ്രകട​മാ​ക്കി​യ​തു​പോ​ലെ “ജനതക​ളു​ടെ നിയമി​ത​കാ​ലങ്ങൾ പൂർത്തി​യാ​കു​ന്ന​തു​വരെ യെരൂ​ശ​ലേം ജനതക​ളാൽ ചവിട്ടി​മെ​തി​ക്ക​പ്പെടു”മായി​രു​ന്നു. (ലൂക്കോ. 21:24) “യെരൂ​ശ​ലേം” ദൈവ​രാ​ജ്യ​ത്തെ പ്രതി​നി​ധാ​നം ചെയ്‌തു. എന്തു​കൊ​ണ്ടെ​ന്നാൽ അതിന്റെ രാജാ​ക്കൻമാർ “യഹോ​വ​യു​ടെ രാജത്വ​ത്തി​ന്റെ സിംഹാ​സ​ന​ത്തിൽ ഇരിക്കു​ന്ന​താ​യി” പറയ​പ്പെ​ട്ടി​രു​ന്നു. (1 ദിന. 28:4, 5; മത്താ. 5:34, 35) അതു​കൊണ്ട്‌ വന്യമൃ​ഗ​ങ്ങ​ളാൽ പ്രതി​നി​ധാ​നം ചെയ്യപ്പെട്ട പുറജാ​തി ഗവൺമെൻറു​കൾ മാനു​ഷ​കാ​ര്യാ​ദി​കൾ നിയ​ന്ത്രി​ക്കാ​നു​ളള ദൈവ​രാ​ജ്യ​ത്തി​ന്റെ അവകാ​ശത്തെ ‘ചവിട്ടി​മെ​തി​ക്കുക’യും സാത്താന്റെ നിയ​ന്ത്ര​ണ​ത്തിൻകീ​ഴിൽ അവതന്നെ ആധിപ​ത്യം നടത്തു​ക​യും ചെയ്യു​മാ​യി​രു​ന്നു.—ലൂക്കോസ്‌ 4:5, 6 താരത​മ്യം ചെയ്യുക.

യഹോവ യേശു​ക്രി​സ്‌തു​വിന്‌ രാജ്യം നൽകു​ന്ന​തിന്‌ മുൻപ്‌ എത്രകാ​ല​ത്തേക്ക്‌ അത്തരം ഗവൺമെൻറു​കൾ നിയ​ന്ത്രണം ചെലു​ത്താൻ അനുവ​ദി​ക്ക​പ്പെ​ടു​മാ​യി​രു​ന്നു? ദാനി​യേൽ 4:16 “ഏഴു കാലങ്ങൾ” എന്ന്‌ പറയുന്നു. (AT യും MO യും കൂടാതെ JB 13-ാം വാക്യത്തെ സംബന്ധി​ച്ചു​ളള അടിക്കു​റി​പ്പും, “ഏഴുവർഷങ്ങൾ”) പ്രാവ​ച​നിക സമയം കണക്കാ​ക്കു​മ്പോൾ ഒരു ദിവസം ഒരു വർഷമാ​യി എണ്ണണം എന്ന്‌ ബൈബിൾ കാണി​ക്കു​ന്നു. (യെഹെ. 4:6; സംഖ്യ. 14:34) അപ്പോൾ എത്ര “ദിവസ​ങ്ങ​ളാണ്‌” ഉൾപ്പെ​ട്ടി​രി​ക്കു​ന്നത്‌? വെളി​പ്പാ​ടി​ലെ പ്രവച​ന​ത്തിൽ 42 മാസം (3 1⁄2 വർഷങ്ങൾ) 1,260 ദിവസ​ങ്ങ​ളാ​യി എണ്ണപ്പെ​ട്ടി​രി​ക്കു​ന്നു എന്ന്‌ 11:2, 3 വാക്യങ്ങൾ വ്യക്തമാ​യി പ്രസ്‌താ​വി​ക്കു​ന്നു. ഏഴുവർഷങ്ങൾ അതിന്റെ ഇരട്ടി അല്ലെങ്കിൽ 2,520 ദിവസങ്ങൾ ആയിരി​ക്കും. “ഒരു ദിവസ​ത്തിന്‌ ഒരു വർഷം” എന്ന നിയമം ബാധക​മാ​ക്കു​മ്പോൾ അത്‌ 2,520 വർഷങ്ങ​ളാണ്‌.

ഏഴുകാ​ല​ങ്ങ​ളു​ടെ എണ്ണൽ എന്ന്‌ ആരംഭി​ച്ചു? ദൈവ​ത്തി​ന്റെ മാതൃകാ രാജ്യ​ത്തി​ലെ അവസാ​നത്തെ രാജാ​വാ​യി​രുന്ന സിദെ​ക്കി​യാവ്‌ ബാബി​ലോ​ന്യ​രാൽ യെരൂ​ശ​ലേ​മി​ലെ സിംഹാ​സ​ന​ത്തിൽ നിന്ന്‌ നീക്കം ചെയ്യ​പ്പെ​ട്ട​ശേഷം. (യെഹെ. 21:25-27) അവസാനം പൊ. യു. മു. 607 ഒക്‌ടോ​ബർ ആരംഭ​ത്തോ​ടെ യഹൂദ്യ​പ​ര​മാ​ധി​കാ​ര​ത്തി​ന്റെ അവസാ​നത്തെ അവശി​ഷ്ട​വും അപ്രത്യ​ക്ഷ​മാ​യി​രു​ന്നു. അപ്പോ​ഴേ​ക്കും ബാബി​ലോ​ന്യർ അധികാ​രി​യാ​ക്കി വച്ച യഹൂദ്യ​ഗ​വർണർ ഗെദല്യാവ്‌ വധിക്ക​പ്പെ​ടു​ക​യും ശേഷിച്ച യഹൂദർ ഈജി​പ്‌റ​റി​ലേക്ക്‌ പലായനം ചെയ്യു​ക​യും ചെയ്‌തി​രു​ന്നു. (യിരെ​മ്യാവ്‌, അദ്ധ്യായം 40-43) ആശ്രയ​യോ​ഗ്യ​മായ ബൈബിൾ കാലഗണന ഇത്‌ പൊ. യു. മു. 537-ന്‌ (ആ വർഷത്തി​ലാ​യി​രു​ന്നു യഹൂദൻമാർ അടിമ​ത്ത​ത്തിൽ നിന്ന്‌ മടങ്ങി​വ​ന്നത്‌) 70 വർഷം മുൻപ്‌ സംഭവി​ച്ചു എന്ന്‌ സൂചി​പ്പി​ക്കു​ന്നു, അതായത്‌ പൊ. യു. മു. 607 ഒക്‌ടോ​ബർ ആരംഭ​ത്തിൽ. (യിരെ. 29:10; ദാനി. 9:2; കൂടുതൽ വിശദാം​ശ​ങ്ങൾക്ക്‌  “നിന്റെ രാജ്യം വരണമേ” എന്ന പുസ്‌ത​ക​ത്തി​ന്റെ 195-201 വരെ പേജുകൾ കാണുക.)

അപ്പോൾ 1914 വരെയു​ളള സമയം കണക്കാ​ക്കു​ന്നത്‌ എങ്ങനെ​യാണ്‌? ചാർട്ടിൽ കാണി​ച്ചി​രി​ക്കു​ന്ന​തു​പോ​ലെ, പൊ. യു. മു. 607 ഒക്‌ടോ​ബർ ആരംഭ​ത്തിൽ നിന്ന്‌ 2,520 വർഷം എണ്ണു​മ്പോൾ നാം 1914 ഒക്‌ടോ​ബർ ആരംഭ​ത്തിൽ വന്നെത്തു​ന്നു.

“ഏഴു കാലങ്ങ”ളുടെ കണക്കാക്കൽ

“ഏഴു കാലങ്ങൾ”=7 × 360 = 2,520 വർഷങ്ങൾ

ഒരു ബൈബിൾ “കാലം” അല്ലെങ്കിൽ വർഷം =12 × 30 ദിവസം =360. (വെളി. 11:2, 3; 12:6, 14)

“ഏഴുകാ​ലങ്ങ”ളുടെ നിവൃ​ത്തി​യിൽ ഒരു ദിവസം ഒരു വർഷത്തിന്‌ തുല്യം. (യെഹെ. 4:6; സംഖ്യ. 14:34)

പൊ. യു. മു. 607 ഒക്‌ടോ​ബർ ആരംഭം മുതൽ പൊ. യു. മു. 607 ഡിസംബർ 31 വരെ = 1⁄4 വർഷം

പൊ. യു. മു. 606 ജനുവരി 1, മുതൽ പൊ. യു. മു. 1 ഡിസംബർ 31 = 606 വർഷം

പൊ. യു. 1 ജനുവരി 1 മുതൽ 1913 ഡിസംബർ 31 = 1913 വർഷങ്ങൾ

1914 ജനുവരി 1 മുതൽ 1914 ഒക്‌ടോ​ബർ ആദ്യം വരെ = 3⁄4 വർഷം

മൊത്തം: 2,520 വർഷങ്ങൾ

അപ്പോൾ എന്തു സംഭവി​ച്ചു? മനുഷ്യ​വർഗ്ഗ​ത്തിൻമേ​ലു​ളള ഭരണം യഹോവ തന്റെ പുത്ര​നായ, സ്വർഗ്ഗ​ത്തിൽ മഹത്വീ​ക​രി​ക്ക​പ്പെട്ട, യേശു​ക്രി​സ്‌തു​വിന്‌ ഏൽപ്പിച്ചു കൊടു​ത്തു.—ദാനി. 7:13, 14.

അങ്ങനെ​യെ​ങ്കിൽ ഇപ്പോ​ഴും ഭൂമി​യിൽ ഇത്രയ​ധി​കം ദുഷ്ടത​യു​ള​ള​തെ​ന്തു​കൊ​ണ്ടാണ്‌? ക്രിസ്‌തു സിംഹാ​സ​ന​സ്ഥ​നാ​ക്ക​പ്പെട്ട ശേഷം സാത്താ​നും അവന്റെ ഭൂതങ്ങ​ളും സ്വർഗ്ഗ​ത്തിൽ നിന്ന്‌ ഭൂമി​യി​ലേക്ക്‌ തളളി​യി​ട​പ്പെട്ടു. (വെളി. 12:12) യഹോ​വ​യു​ടെ പരമാ​ധി​കാ​ര​വും മശിഹ എന്ന നിലയിൽ തന്നെയും അംഗീ​ക​രി​ക്കാൻ വിസമ്മ​തിച്ച എല്ലാവ​രെ​യും നശിപ്പി​ക്കാൻ രാജാ​വെന്ന നിലയിൽ ക്രിസ്‌തു ഉടനടി പുറ​പ്പെ​ട്ടില്ല. മറിച്ച്‌, അവൻ മുൻകൂ​ട്ടി പറഞ്ഞി​രുന്ന പ്രകാരം ഒരു ആഗോള പ്രസം​ഗ​വേല നിർവ്വ​ഹി​ക്ക​പ്പെ​ടേ​ണ്ട​തു​ണ്ടാ​യി​രു​ന്നു. (മത്താ. 24:14) ഇതിന്റെ ഫലമായി സകല ജനതക​ളി​ലെ​യും ആളുകൾ വേർതി​രി​ക്ക​പ്പെ​ട്ടു​കൊ​ണ്ടി​രി​ക്കു​ക​യാണ്‌. നീതി​മാൻമാ​രെന്ന്‌ തെളി​യു​ന്ന​വർക്ക്‌ നിത്യ​ജീ​വ​ന്റെ​തായ ഒരു ഭാവി നൽക​പ്പെ​ടു​ക​യും ദുഷ്ടൻമാർ മരണത്തി​ലെ നിത്യ​ഛേ​ദ​ന​ത്തി​ലേക്ക്‌ തളള​പ്പെ​ടു​ക​യും ചെയ്യും. (മത്താ. 25:31-46) അതുവ​രെ​യും “അന്ത്യനാ​ളു​കളി”ലേക്കായി മുൻകൂ​ട്ടി​പ്പ​റ​യ​പ്പെട്ട പ്രയാ​സ​ക​ര​മായ സാഹച​ര്യ​ങ്ങൾതന്നെ പ്രാബ​ല്യ​ത്തി​ലി​രി​ക്കും. “അന്ത്യനാ​ളു​കൾ” എന്ന ശീർഷ​ക​ത്തിൻ കീഴിൽ കാണി​ച്ചി​രി​ക്കു​ന്ന​തു​പോ​ലെ ആ സംഭവങ്ങൾ 1914 മുതൽ വ്യക്തമാ​യി കാണ​പ്പെ​ട്ടി​രി​ക്കു​ന്നു. ഈ ദുഷ്ടവ്യ​വ​സ്ഥി​തി എന്തിൽ അവസാ​നി​ക്കു​മോ ആ “മഹോ​പ​ദ്രവം” ഉൾപ്പെടെ യേശു മുൻകൂ​ട്ടി​പ്പറഞ്ഞ സകലതും നിവൃ​ത്തി​യാ​കും.—മത്താ. 24:21, 22.

ഈ ദുഷ്ട​ലോ​ക​ത്തി​ന്റെ അന്ത്യം എപ്പോൾ സംഭവി​ക്കും?

യേശു ഇപ്രകാ​രം മറുപടി പറഞ്ഞു: “ആ നാളും നാഴി​ക​യും സംബന്ധിച്ച്‌ പിതാ​വ​ല്ലാ​തെ സ്വർഗ്ഗ​ത്തി​ലെ ദൂതൻമാ​രോ പുത്ര​നോ​കൂ​ടി അറിയു​ന്നില്ല.” എന്നിരു​ന്നാ​ലും  അവൻ ഇപ്രകാ​ര​വും കൂടെ പ്രസ്‌താ​വി​ച്ചു: “സത്യമാ​യി ഞാൻ നിങ്ങ​ളോട്‌ പറയുന്നു, ഇതെല്ലാം സംഭവി​ക്കു​ന്ന​തു​വരെ ഈ തലമുറ യാതൊ​രു പ്രകാ​ര​ത്തി​ലും നീങ്ങി​പ്പോ​വു​ക​യില്ല.”—മത്താ. 24:36, 34.

കൂടാതെ, 1914-ൽ യേശു​ക്രി​സ്‌തു​വി​ന്റെ കൈക​ളി​ലെ രാജ്യം സ്ഥാപി​ത​മാ​യ​തി​നെ തുടർന്ന്‌ നടക്കുന്ന സംഭവ​ങ്ങളെ സംബന്ധിച്ച്‌ പറഞ്ഞ​ശേഷം വെളി​പ്പാട്‌ 12:12 കൂട്ടി​ച്ചേർക്കു​ന്നു: “സ്വർഗ്ഗ​വും അതിൽ വസിക്കു​ന്ന​വ​രു​മാ​യു​ളേ​ളാ​രെ സന്തോ​ഷിക്ക! ഭൂമി​ക്കും സമു​ദ്ര​ത്തി​നും അയ്യോ കഷ്ടം, എന്തു​കൊ​ണ്ടെ​ന്നാൽ പിശാച്‌ തനിക്ക്‌ അൽപ്പകാ​ലമേ ശേഷി​ച്ചി​ട്ടു​ളളു എന്നറിഞ്ഞ്‌ മഹാ​ക്രോ​ധ​ത്തോ​ടെ നിങ്ങളു​ടെ അടു​ത്തേക്ക്‌ ഇറങ്ങി വന്നിരി​ക്കു​ന്നു.”