“പുതിയ നിയമം” ഒരു ഭാവി ഭൗമിക പറുദീ​സയെ പരാമർശി​ക്കു​ന്നു​വോ അതോ അത്‌ “പഴയ നിയമ”ത്തിൽ മാത്രമേ ഉളേളാ?

ബൈബി​ളി​നെ രണ്ടു ഭാഗങ്ങ​ളാ​യി തിരി​ക്കു​ന്ന​തും ഒരു പ്രസ്‌താ​വന  “പുതിയ” നിയമ​ത്തി​ലാ​ണോ “പഴയ” നിയമ​ത്തി​ലാ​ണോ കാണ​പ്പെ​ടു​ന്നത്‌ എന്നതിന്റെ അടിസ്ഥാ​ന​ത്തിൽ അതിനെ വിലയി​രു​ത്തു​ന്ന​തും തിരു​വെ​ഴു​ത്തു​പ​രമല്ല. 2 തിമൊ​ഥെ​യോസ്‌ 3:16-ൽ നമ്മോട്‌ ഇപ്രകാ​രം പറയ​പ്പെ​ട്ടി​രി​ക്കു​ന്നു: “എല്ലാ തിരു​വെ​ഴു​ത്തും ദൈവ​നി​ശ്വ​സ്‌ത​വും പ്രബോ​ധ​ന​ത്തി​നും ശാസന നൽകു​ന്ന​തി​നും കാര്യങ്ങൾ നേരെ​യാ​ക്കു​ന്ന​തി​നും പ്രയോ​ജ​ന​ക​ര​വു​മാ​കു​ന്നു.” “മുന്നെ​ഴു​തി​യി​രി​ക്കു​ന്ന​തെ​ല്ലാം നമ്മുടെ പ്രബോ​ധ​ന​ത്തി​നാ​യി എഴുത​പ്പെട്ടു” എന്ന്‌ റോമർ 15:4 പറയു​മ്പോൾ ക്രിസ്‌തീയ കാലത്തി​നു​മു​മ്പു​ളള നിശ്വസ്‌ത എഴുത്തു​ക​ളെ​യാണ്‌ അത്‌ പരാമർശി​ക്കു​ന്നത്‌. അതു​കൊണ്ട്‌ ആ ചോദ്യ​ത്തി​നു​ളള ശരിയായ ഉത്തരം മുഴു ബൈബി​ളി​നെ​യും കണക്കി​ലെ​ടു​ക്കണം.

ഉൽപത്തി 2:8 ഇപ്രകാ​രം പ്രസ്‌താ​വി​ക്കു​ന്നു: “യഹോ​വ​യായ ദൈവം കിഴക്ക്‌ ഏദനിൽ ഒരു തോട്ടം [“പാർക്ക്‌” Mo; “പറുദീസ” Dy; പാരദെയ്‌സോൺ, LXX] നട്ടുണ്ടാ​ക്കി താൻ നിർമ്മിച്ച മനുഷ്യ​നെ [ആദാം] അവിടെ ആക്കി.” ആകർഷ​ക​ങ്ങ​ളായ സസ്യജ​ന്തു​ജീ​വന്റെ സമൃദ്ധി അവിടെ ഉണ്ടായി​രു​ന്നു. യഹോവ ആദ്യ മാനുഷ ജോടി​യെ അനു​ഗ്ര​ഹിച്ച്‌ അവരോട്‌ ഇങ്ങനെ പറഞ്ഞു: “നിങ്ങൾ സന്താന​പു​ഷ്ടി​യു​ള​ള​വ​രാ​യി പെരുകി ഭൂമിയെ നിറച്ച്‌ അതിനെ കീഴടക്കി സമു​ദ്ര​ത്തി​ലെ മൽസ്യ​ത്തിൻമേ​ലും ആകാശ​ത്തി​ലെ പറവജാ​തി​യിൻമേ​ലും ഭൂമി​യിൽ ചരിക്കുന്ന എല്ലാ ജന്തുക്ക​ളിൻമേ​ലും ആധിപ​ത്യം പുലർത്തുക.” (ഉൽപ. 1:28) മുഴു​ഭൂ​മി​യും വിലമ​തി​പ്പോ​ടെ തന്റെ നിയമങ്ങൾ അനുസ​രി​ക്കുന്ന ആളുക​ളെ​ക്കൊണ്ട്‌ നിറഞ്ഞ ഒരു പറുദീസ ആയിത്തീ​ര​ണ​മെ​ന്നു​ളള ദൈവ​ത്തി​ന്റെ ആദി​മോ​ദ്ദേ​ശ്യം നിവർത്തി​യേ​റാ​തെ പോക​യില്ല. (യെശ. 45:18; 55:10, 11) അതു​കൊ​ണ്ടാണ്‌ “സൗമ്യ​ത​യു​ള​ളവർ സന്തുഷ്ട​രാ​കു​ന്നു, കാരണം അവർ ഭൂമിയെ അവകാ​ശ​മാ​ക്കും” എന്ന്‌ യേശു പറഞ്ഞത്‌. “സ്വർഗ്ഗ​സ്ഥ​നായ ഞങ്ങളുടെ പിതാവെ നിന്റെ നാമം വിശു​ദ്ധീ​ക​രി​ക്ക​പ്പെ​ട​ണമേ, നിന്റെ രാജ്യം വരണമേ, നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും നടക്കേ​ണമേ” എന്ന്‌ പ്രാർത്ഥി​ക്കാൻ അവൻ തന്റെ ശിഷ്യൻമാ​രെ പഠിപ്പി​ച്ച​തും അതു​കൊ​ണ്ടാ​യി​രു​ന്നു. (മത്താ. 5:5; 6:9, 10) അതി​നോ​ടു​ളള യോജി​പ്പിൽ “സ്വർഗ്ഗ​ത്തി​ലു​ള​ള​വ​യും ഭൂമി​യി​ലു​ള​ള​വ​യും വീണ്ടും ക്രിസ്‌തു​യേ​ശു​വിൽ ഒന്നായി ചേർക്കുക” എന്നുളള ദൈ​വോ​ദ്ദേ​ശ്യം എഫേസ്യർ 1:9-11 വിശദീ​ക​രി​ക്കു​ന്നു. എബ്രായർ 2:5 “വരാനി​രി​ക്കുന്ന നിവസിത ഭൂമിയെ” പരാമർശി​ക്കു​ന്നു. ക്രിസ്‌തു​വി​ന്റെ കൂട്ടവ​കാ​ശി​കൾ എന്ന നിലയിൽ “ഭൂമി​യു​ടെ​മേൽ രാജാ​ക്കൻമാ​രാ​യി ഭരിക്കാ​നു​ള​ള​വ​രെ​പ്പ​ററി” വെളി​പ്പാട്‌ 5:10 പറയുന്നു. വെളി​പ്പാട്‌ 21:1-5-ഉം 22:1, 2-ഉം “പുതിയ ഭൂമി​യിൽ” ഉണ്ടായി​രി​ക്കുന്ന അവസ്ഥക​ളെ​പ്പ​റ​റി​യു​ളള ആകർഷ​ക​ങ്ങ​ളായ വിവര​ണങ്ങൾ കൂട്ടി​ച്ചേർക്കു​ന്നു; അത്‌ ജീവന്റെ വൃക്ഷം സഹിത​മു​ളള ഏദനിലെ ആദിമ പറുദീ​സ​യെ​പ്പ​ററി ഒരുവനെ അനുസ്‌മ​രി​പ്പി​ക്കു​ന്നു.—ഉൽപ. 2:9.

കൂടാതെ, തന്റെ വശത്ത്‌ വധസ്‌തം​ഭ​ത്തിൽ തൂക്ക​പ്പെ​ടു​ക​യും വരാനി​രി​ക്കുന്ന തന്റെ രാജ്യ​ത്തിൽ വിശ്വാ​സം പ്രകട​മാ​ക്കു​ക​യും ചെയ്‌ത ദുഷ്‌പ്ര​വൃ​ത്തി​ക്കാ​ര​നോട്‌ സംസാ​രി​ച്ച​പ്പോൾ യേശു ഭാവി ഭൗമിക പറുദീ​സയെ (ഗ്രീക്കിൽ, പാര​ഡെ​യസോസ്‌) പരാമർശി​ച്ചു. “അവൻ അവനോട്‌: ‘സത്യമാ​യും ഇന്ന്‌ ഞാൻ നിന്നോട്‌ പറയുന്നു, നീ എന്നോ​ടു​കൂ​ടെ പറുദീ​സ​യി​ലു​ണ്ടാ​യി​രി​ക്കും.’”—ലൂക്കോ. 23:43.

ലൂക്കോസ്‌ 23:43-ലെ ദുഷ്‌പ്ര​വൃ​ത്തി​ക്കാ​ര​നോ​ടു​ളള തന്റെ പ്രസ്‌താ​വ​ന​യിൽ പറുദീസ എന്നതി​നാൽ  യേശു എന്താണ്‌ അർത്ഥമാ​ക്കി​യത്‌ എന്ന്‌ നമുക്ക്‌ എങ്ങനെ ഉറപ്പു​ണ്ടാ​യി​രി​ക്കാൻ കഴിയും?

അത്‌ ഹേഡീ​സി​ന്റെ ഒരു ഭാഗമാ​യി ‘മരിച്ചു​പോയ നീതി​മാൻമാർക്ക്‌’ വേണ്ടി​യു​ളള ഒരു താൽക്കാ​ലിക വാസസ്ഥ​ല​മാ​യി​രു​ന്നോ?

ആ വീക്ഷണ​ത്തി​ന്റെ ഉത്‌ഭ​വ​മെ​വി​ടെ നിന്നാണ്‌? ദി ന്യൂ ഇൻറർനാ​ഷണൽ ഡിക്ഷ്‌നറി ഓഫ്‌ ന്യൂ റെറസ്‌റ​റ​മെൻറ്‌ തിയോ​ളജി ഇപ്രകാ​രം പ്രസ്‌താ​വി​ക്കു​ന്നു: “ദേഹി​യു​ടെ അമർത്ത്യത സംബന്ധിച്ച ഗ്രീക്ക്‌ വിശ്വാ​സം കടന്നു​വ​ന്ന​തോ​ടു​കൂ​ടി പറുദീസ നീതി​മാൻമാ​രു​ടെ ഒരു താൽക്കാ​ലിക വാസസ്ഥ​ല​മാ​യി​ത്തീ​രു​ന്നു.” (ഗ്രാൻറ്‌ റാപ്പി​ഡ സ്‌, മിച്ചിഗൻ, 1976, കോളിൻ ബ്രൗണി​നാൽ എഡിററ്‌ ചെയ്യ​പ്പെ​ട്ടത്‌, വാല്യം 2, പേ. 761) തിരു​വെ​ഴു​ത്തു വിരു​ദ്ധ​മായ ആ വീക്ഷണം യേശു ഭൂമി​യി​ലാ​യി​രു​ന്ന​പ്പോൾ യഹൂദൻമാർക്കി​ട​യിൽ സാധാ​ര​ണ​മാ​യി​രു​ന്നോ? ഇത്‌ സംശയാ​സ്‌പ​ദ​മാ​ണെന്ന്‌ ഹേസ്‌റ​റിം​ഗി​ന്റെ ഡിക്ഷ്‌ണറി ഓഫ്‌ ദി ബൈബിൾ സൂചി​പ്പി​ക്കു​ന്നു.—(എഡിൻബർഗ്‌, 1905), വാല്യം III, പേ. 669, 670.

ഒന്നാം നൂററാ​ണ്ടി​ലെ യഹൂദൻമാർക്കി​ട​യിൽ ആ വീക്ഷണം സാധാ​ര​ണ​മാ​യി​രു​ന്നെ​ങ്കിൽകൂ​ടി അനുതാ​പം പ്രകട​മാ​ക്കിയ ദുഷ്‌പ്ര​വൃ​ത്തി​ക്കാ​ര​നോ​ടു​ളള വാഗ്‌ദാ​ന​ത്തി​ലൂ​ടെ യേശു അത്‌ ശരിവ​യ്‌ക്കു​മാ​യി​രു​ന്നോ? ദൈവ​ത്തി​ന്റെ വചന​ത്തോട്‌ ചേർച്ച​യി​ല​ല്ലാത്ത പാരമ്പ​ര്യ​ങ്ങൾ പഠിപ്പി​ച്ച​തിന്‌ യേശു യഹൂദ​പ​രീ​ശൻമാ​രെ​യും ശാസ്‌ത്രി​മാ​രെ​യും കഠിന​മാ​യി കുററം വിധി​ച്ചി​രു​ന്നു.—മത്താ. 15:3-9; “ദേഹി” എന്ന മുഖ്യ ശീർഷ​ക​വും കൂടെ കാണുക.

പ്രവൃ​ത്തി​കൾ 2:30, 31-ൽ കാണി​ച്ചി​രി​ക്കു​ന്ന​തു​പോ​ലെ മരിച്ച​പ്പോൾ യേശു ഹേഡീ​സി​ലേക്ക്‌ പോവു​ക​തന്നെ ചെയ്‌തു. (അവിടെ അപ്പോ​സ്‌ത​ല​നായ പത്രോസ്‌ സങ്കീർത്തനം 16:10-നെ പരാമർശി​ക്കു​ക​യിൽ ഷീയോൾ എന്ന പദത്തിന്‌ പകരം ഹേഡീസ്‌ എന്ന പദം ഉപയോ​ഗി​ച്ച​താ​യി ഉദ്ധരി​ക്ക​പ്പെ​ട്ടി​രി​ക്കു​ന്നു. എന്നാൽ ഷീയോൾ⁄ഹേഡീസ്‌ അല്ലെങ്കിൽ അതിന്റെ ഏതെങ്കി​ലും ഭാഗം ഒരു വ്യക്തിക്ക്‌ ഉല്ലാസം കൈവ​രു​ത്തുന്ന പറുദീ​സാ ആയിരി​ക്കു​ന്ന​താ​യി ബൈബി​ളിൽ ഒരിട​ത്തും പറഞ്ഞി​ട്ടില്ല. മറിച്ച്‌ സഭാ​പ്ര​സം​ഗി 9:5, 10 പറയു​ന്നത്‌ അവിടെ ആയിരി​ക്കു​ന്ന​വർക്ക്‌ “യാതൊ​ന്നി​നെ​ക്കു​റി​ച്ചും ബോധ​മില്ല” എന്നാണ്‌.

ലൂക്കോസ്‌ 23:43-ലെ പറുദീസ സ്വർഗ്ഗ​മോ സ്വർഗ്ഗ​ത്തി​ന്റെ ഏതെങ്കി​ലും ഭാഗമോ ആയിരു​ന്നോ?

യേശു ദുഷ്‌പ്ര​വൃ​ത്തി​ക്കാ​ര​നോട്‌ സംസാ​രിച്ച അന്നുതന്നെ യേശു​വും അയാളും സ്വർഗ്ഗ​ത്തി​ലേക്ക്‌ പോയി എന്ന വീക്ഷണ​ത്തോട്‌ ബൈബിൾ യോജി​ക്കു​ന്നില്ല. വധിക്ക​പ്പെ​ട്ട​ശേഷം മൂന്നാം ദിവസം​വരെ താൻ ഉയർപ്പി​ക്ക​പ്പെ​ടു​ക​യില്ല എന്ന്‌ യേശു മുൻകൂ​ട്ടി​പ്പ​റ​ഞ്ഞി​രു​ന്നു. (ലൂക്കോ. 9:22) ആ മൂന്നു​ദി​വ​സ​ക്കാ​ലം അവൻ സ്വർഗ്ഗ​ത്തി​ലാ​യി​രു​ന്നില്ല, എന്തു​കൊ​ണ്ടെ​ന്നാൽ തന്റെ പുനരു​ത്ഥാ​നത്തെ തുടർന്ന്‌ അവൻ മഗ്‌ദലന മറിയ​യോട്‌ പറഞ്ഞു: “ഞാൻ ഇതുവരെ പിതാ​വി​ന്റെ അടുക്ക​ലേക്ക്‌ കയറി​പ്പോ​യി​ട്ടില്ല.” (യോഹ. 20:17) യേശു​വി​ന്റെ പുനരു​ത്ഥാ​ന​ശേഷം നാൽപതു ദിവസം കഴിഞ്ഞാ​യി​രു​ന്നു അവൻ സ്വർഗ്ഗാ​രോ​ഹണം ചെയ്യാൻ തുടങ്ങു​ക​യിൽ ഭൂമി​യിൽ നിന്ന്‌ ഉയർത്ത​പ്പെ​ട്ട​താ​യും  അവരുടെ കാഴ്‌ച​യിൽ നിന്ന്‌ മറഞ്ഞതാ​യും അവന്റെ ശിഷ്യൻമാർ കണ്ടത്‌.—പ്രവൃ. 1:3, 6-11.

പിന്നീട്‌ പോലും ആ ദുഷ്‌പ്ര​വൃ​ത്തി​ക്കാ​രൻ സ്വർഗ്ഗ​ത്തി​ലേക്ക്‌ പോകാ​നു​ള​ള​വർക്ക്‌ വേണ്ടി​യു​ളള നിബന്ധ​ന​ക​ളിൽ എത്തി​ച്ചേർന്നില്ല. ജലത്തിൽ സ്‌നാ​പ​ന​മേൽക്കു​ക​യോ ദൈവാ​ത്മാ​വി​നാൽ ജനിപ്പി​ക്ക​പ്പെ​ടു​ക​യോ ചെയ്യാ​ഞ്ഞ​തി​നാൽ അവൻ “വീണ്ടും ജനി”ച്ചിരു​ന്നില്ല. ആ ദുഷ്‌പ്ര​വൃ​ത്തി​ക്കാ​രൻ മരിച്ച​ശേഷം 50-ലധികം ദിവസങ്ങൾ കഴിഞ്ഞാണ്‌ യേശു​വി​ന്റെ ശിഷ്യൻമാ​രു​ടെ​മേൽ പരിശു​ദ്ധാ​ത്മാവ്‌ പകര​പ്പെ​ട്ടത്‌. (യോഹ. 3:3, 5; പ്രവൃ. 2:1-4) തന്റെ മരണദി​വസം ‘തന്നോ​ടൊ​പ്പം പരീക്ഷ​ക​ളിൽ നിലനി​ന്ന​വ​രു​മാ​യി’ യേശു സ്വർഗ്ഗീയ രാജ്യ​ത്തി​നു​വേണ്ടി ഒരു ഉടമ്പടി ചെയ്‌തി​രു​ന്നു. ദുഷ്‌പ്ര​വൃ​ത്തി​ക്കാ​രന്‌ വിശ്വ​സ്‌ത​ത​യു​ടെ അത്തരം രേഖ​യൊ​ന്നു​മി​ല്ലാ​യി​രു​ന്നു, അവൻ അതിൽ ഉൾപ്പെ​ടു​ത്ത​പ്പെ​ട്ട​തു​മില്ല.—ലൂക്കോ. 22:28-30.

ഈ പറുദീസ ഭൗമി​ക​മാ​ണെന്ന്‌ എന്തു ചൂണ്ടി​ക്കാ​ണി​ക്കു​ന്നു?

എബ്രായ തിരു​വെ​ഴു​ത്തു​കൾ വിശ്വ​സ്‌ത​രായ യഹൂദൻമാ​രെ ഒരു സ്വർഗ്ഗീയ പ്രതി​ഫലം പ്രതീ​ക്ഷി​ക്കു​ന്ന​തി​ലേക്ക്‌ ഒരിക്ക​ലും നയിച്ചില്ല. ആ തിരു​വെ​ഴു​ത്തു​കൾ ഇവിടെ ഭൂമി​യിൽ പറുദീസ പുന:സ്ഥാപി​ക്ക​പ്പെ​ടു​ന്ന​തി​ലേ​ക്കാണ്‌ വിരൽ ചൂണ്ടി​യത്‌. “ആധിപ​ത്യ​വും പ്രതാ​പ​വും രാജ്യ​വും” മശിഹാ​യ്‌ക്ക്‌ നൽക​പ്പെട്ടു കഴിയു​മ്പോൾ “ജനപദ​ങ്ങ​ളും ദേശീയ സംഘങ്ങ​ളും ഭാഷക്കാ​രും അവനെ സേവി​ക്കും” എന്ന്‌ ദാനി​യേൽ 7:13, 14 മുൻകൂ​ട്ടി പറഞ്ഞു. രാജ്യ​ത്തി​ന്റെ ആ പ്രജകൾ ഇവിടെ ഭൂമി​യി​ലാ​യി​രി​ക്കും. ആ സമയം വരു​മ്പോൾ യേശു തന്നെ ഓർക്കു​മെ​ന്നു​ളള പ്രതീ​ക്ഷ​യാണ്‌ പ്രത്യ​ക്ഷ​ത്തിൽ ദുഷ്‌പ്ര​വൃ​ത്തി​ക്കാ​രൻ യേശു​വി​നോ​ടു​ളള തന്റെ വാക്കു​ക​ളിൽ പ്രകട​മാ​ക്കി​യത്‌.

അപ്പോൾ യേശു എങ്ങനെ​യാണ്‌ ആ ദുഷ്‌പ്ര​വൃ​ത്തി​ക്കാ​രന്റെ കൂടെ​യാ​യി​രി​ക്കു​ന്നത്‌? അവനെ മരിച്ച​വ​രു​ടെ ഇടയിൽനിന്ന്‌ ഉയർപ്പി​ക്കു​ന്ന​തി​നാ​ലും അവന്റെ ഭൗതി​കാ​വ​ശ്യ​ങ്ങൾക്കു​വേണ്ടി കരുതൽ ചെയ്യു​ന്ന​തി​നാ​ലും നിത്യ​ജീ​വ​നു​വേ​ണ്ടി​യു​ളള യഹോ​വ​യു​ടെ നിബന്ധ​നകൾ പഠിക്കു​ന്ന​തി​നും അവയോട്‌ പൊരു​ത്ത​പ്പെ​ടു​ന്ന​തി​നു​മു​ളള അവസരം അവന്‌ നീട്ടി​ക്കൊ​ടു​ക്കു​ന്ന​തി​നാ​ലും തന്നെ. (യോഹ. 5:28, 29) ഭൗമിക ജീവനി​ലേ​ക്കും പറുദീ​സ​യിൽ എന്നേക്കും ജീവി​ക്കു​ന്ന​തി​നു​ളള യോഗ്യത തെളി​യി​ക്കു​ന്ന​തി​നു​ളള അവസര​ത്തി​ലേ​ക്കും പുനരു​ത്ഥാ​ന​ത്തിൽ വരുത്ത​പ്പെ​ടുന്ന ദശലക്ഷ​ക്ക​ണ​ക്കി​നാ​ളു​ക​ളിൽ അവനെ​യും കൂടെ ഉൾപ്പെ​ടു​ത്തു​ന്ന​തി​നു​ളള അടിസ്ഥാ​നം ആ ദുഷ്‌പ്ര​വൃ​ത്തി​ക്കാ​രന്റെ അനുതാ​പ​ത്തി​ലും ആദരപൂർവ്വ​ക​മായ മനോ​ഭാ​വ​ത്തി​ലും യേശു കണ്ടു.

ആ ദുഷ്‌പ്ര​വൃ​ത്തി​ക്കാ​രൻ എന്നായി​രി​ക്കും പറുദീ​സാ​യിൽ ഉണ്ടായി​രി​ക്കുക?

ലൂക്കോസ്‌ 23:43 സംബന്ധിച്ച ഒരുവന്റെ ഗ്രാഹ്യം വിവർത്തകൻ ഉപയോ​ഗിച്ച ചിഹ്നന​ങ്ങ​ളാൽ സ്വാധീ​നി​ക്ക​പ്പെ​ടു​ന്നു. മൂല​ഗ്രീക്ക്‌ ബൈബിൾ കൈ​യെ​ഴു​ത്തു പ്രതി​ക​ളിൽ ചിഹ്നന​ങ്ങ​ളൊ​ന്നു​മി​ല്ലാ​യി​രു​ന്നു. ദി എൻ​സൈ​ക്ലോ​പ്പീ​ഡിയ അമേരി​ക്കാ​നാ (1956, വാല്യം XXIII, പേ. 16) ഇപ്രകാ​രം പ്രസ്‌താ​വി​ക്കു​ന്നു: “ഗ്രീക്കു​കാ​രു​ടെ ആദിമ കൈ​യെ​ഴു​ത്തു​പ്ര​തി​ക​ളി​ലും മററ്‌ ലിഖി​ത​ങ്ങ​ളി​ലും ചിഹ്നന​ങ്ങ​ളു​പ​യോ​ഗി​ക്കാ​നു​ളള യാതൊ​രു ശ്രമവും ഉളളതാ​യി  കാണു​ന്നില്ല.” പൊ. യു. 9-ാം നൂററാ​ണ്ടു​വരെ അത്തരം ചിഹ്നന​ങ്ങ​ളു​ടെ ഉപയോ​ഗം നിലവിൽ വന്നില്ല. “സത്യമാ​യും ഞാൻ നിന്നോ​ടു പറയുന്നു, ഇന്ന്‌ നീ എന്നോ​ടു​കൂ​ടെ പറുദീ​സാ​യി​ലാ​യി​രി​ക്കും” എന്നാണോ ലൂക്കോസ്‌ 23:43 വായി​ക്ക​പ്പെ​ടേ​ണ്ടത്‌? (RS) അതോ അത്‌ ‘സത്യമാ​യും ഇന്നു ഞാൻ നിന്നോ​ടു പറയുന്നു, നീ എന്നോടു കൂടെ പറുദീ​സ​യി​ലു​ണ്ടാ​യി​രി​ക്കും’ എന്നായി​രി​ക്ക​ണ​മോ? ഇതു തീരു​മാ​നി​ക്കു​ന്ന​തി​നു​ളള അടിസ്ഥാ​നം യേശു അത്‌ പറഞ്ഞ്‌ നൂററാ​ണ്ടു​കൾക്കു​ശേഷം കൂട്ടി​ച്ചേർക്ക​പ്പെട്ട ഒരു കോമാ അല്ല മറിച്ച്‌ യേശു​വി​ന്റെ പഠിപ്പി​ക്ക​ലു​ക​ളും ശേഷം ബൈബിൾ ഭാഗങ്ങ​ളു​മാ​യി​രി​ക്കണം.

ജെ. ബി. റോഥർഹാം വിവർത്തനം ചെയ്‌ത ദി എംഫ​സൈ​സ്‌ഡ്‌ ബൈബിൾ പുതി​യ​ലോ​ക​ഭാ​ഷാ​ന്ത​ര​ത്തി​ന്റെ ചിഹ്നന ഉപയോ​ഗ​ത്തോട്‌ യോജി​ക്കു​ന്നു. ജർമ്മൻ ബൈബിൾ വിവർത്ത​ക​നായ എൽ. റെയിൻഹാർട്ട്‌ ലൂക്കോസ്‌ 23:43-ന്റെ ഒരു അടിക്കു​റി​പ്പിൽ ഇപ്രകാ​രം പറയുന്നു: “ഈ വാക്യ​ത്തിൽ ഇന്ന്‌ [മിക്ക ഭാഷാ​ന്ത​ര​ക്കാ​രും] ചിഹ്നനം ഉപയോ​ഗി​ക്കുന്ന രീതി തെററും ക്രിസ്‌തു​വി​ന്റെ​യും ദുഷ്‌പ്ര​വൃ​ത്തി​ക്കാ​ര​ന്റെ​യും മുഴു ചിന്താ​ഗ​തി​ക്കും വിപരീ​ത​വു​മാണ്‌ എന്നുള​ള​തിന്‌ സംശയ​മില്ല. . . . [ക്രിസ്‌തു] തീർച്ച​യാ​യും പറുദീ​സാ​യെ മരിച്ച​വ​രു​ടെ മണ്ഡലത്തി​ന്റെ ഒരു ഭാഗമാ​യി മനസ്സി​ലാ​ക്കി​യില്ല, മറിച്ച്‌ അത്‌ ഭൂമി​യി​ലെ പുനഃ​സ്ഥാ​പി​ക്ക​പ്പെട്ട പറുദീ​സ​യാ​യി​തന്നെ മനസ്സി​ലാ​ക്കി.”

യേശു തന്റെ ‘രാജ്യ​ത്തിൽ പ്രവേ​ശി​ക്കു​ക​യും’ ഭൂമി ഒരു പറുദീ​സ​യാ​ക്കാ​നു​ളള തന്റെ പിതാ​വി​ന്റെ ഇഷ്ടം നിവർത്തി​ക്കു​ക​യും ചെയ്യു​ന്നത്‌ എപ്പോ​ഴാ​യി​രി​ക്കും? ലൂക്കോസ്‌ 23:42, 43-ൽ രേഖ​പ്പെ​ടു​ത്തി​യി​രി​ക്കുന്ന പ്രസ്‌താ​വ​നകൾ ചെയ്‌ത്‌ ഏതാണ്ട്‌ 63 വർഷങ്ങൾക്കു​ശേഷം എഴുത​പ്പെട്ട വെളി​പ്പാട്‌ പുസ്‌തകം ഈ സംഭവങ്ങൾ അപ്പോ​ഴും ഭാവി​യിൽ സംഭവി​ക്കാ​നു​ള​ള​താ​യി​രു​ന്നു എന്ന്‌ സൂചി​പ്പി​ക്കു​ന്നു. (“തീയതി​കൾ” എന്നതിൻ കീഴിൽ 95-98 പേജു​ക​ളും “അന്ത്യനാ​ളു​കൾ” എന്ന മുഖ്യ ശീർഷ​ക​വും കാണുക.)